रावण की सारथि को फटकार

श्लोक 1 (yuddha.104.1)

स तु मोहात्सुसंक्रुद्धः कृतान्तबलचोदितः। क्रोधसंरक्तनयनो रावणः सूतमब्रवीत् ॥ 104.1 ॥

sa tu mohātsusaṃkruddhaḥ kṛtāntabalacoditaḥ| krodhasaṃraktanayano rāvaṇaḥ sūtamabravīt || 104.1 ||

भ्रम से अत्यंत क्रुद्ध, काल की शक्ति से प्रेरित, क्रोध से लाल नेत्रों वाले उस रावण ने सारथि से कहा:

श्लोक 2 (yuddha.104.2)

हीनवीर्यमिवाशक्तं पौरुषेण विवर्जितम्। भीरुं लघुमिवासत्त्वं विहीनमिव तेजसा ॥ 104.2 ॥

hīnavīryamivāśaktaṃ pauruṣeṇa vivarjitam| bhīruṃ laghumivāsattvaṃ vihīnamiva tejasā || 104.2 ||

"हे दुर्बुद्धि, मुझे मानो पराक्रमहीन, असमर्थ, पौरुष से रहित, भयभीत, तुच्छ, बलहीन, तेजोहीन,

श्लोक 3 (yuddha.104.3)

विमुक्तमिव मायाभिरस्त्रैरिव बहिष्कृतम्। मामवज्ञाय दुर्बुद्धे स्वया बुद्ध्या विचेष्टसे ॥ 104.3 ॥

vimuktamiva māyābhirastrairiva bahiṣkṛtam| māmavajñāya durbuddhe svayā buddhyā viceṣṭase || 104.3 ||

मानो मायाशक्तियों से वंचित और अस्त्रों से त्यक्त समझकर, मेरी अवहेलना कर तू अपनी ही बुद्धि से यह आचरण कर रहा है!"

श्लोक 4 (yuddha.104.4)

किमर्थं मामवज्ञाय मच्छन्दमनवेक्ष्य च। त्वया शत्रुसमक्षं मे रथोऽयमपवाहितः ॥ 104.4 ॥

kimarthaṃ māmavajñāya macchandamanavekṣya ca| tvayā śatrusamakṣaṃ me ratho'yamapavāhitaḥ || 104.4 ||

"किस कारण मेरी अवहेलना करके और मेरी इच्छा की परवाह किए बिना, तूने शत्रु के सामने ही मेरे इस रथ को हटा दिया?

श्लोक 5 (yuddha.104.5)

त्वयाद्य हि ममानार्य चिरकालसमार्जितम्। यशो वीर्यं च तेजश्च प्रत्ययश्च विनाशितम् ॥ 104.5 ॥

tvayādya hi mamānārya cirakālasamārjitam| yaśo vīryaṃ ca tejaśca pratyayaśca vināśitam || 104.5 ||

हे अनार्य, आज तूने मेरे दीर्घकाल से अर्जित यश, पराक्रम, तेज और विश्वास — सबको नष्ट कर दिया!

श्लोक 6 (yuddha.104.6)

शत्रोः प्रख्यातवीर्यस्य रञ्जनीयस्य विक्रमैः। पश्यतो युद्धलुब्धोऽहं कृतः कापुरुषस्त्वया ॥ 104.6 ॥

śatroḥ prakhyātavīryasya rañjanīyasya vikramaiḥ| paśyato yuddhalubdho'haṃ kṛtaḥ kāpuruṣastvayā || 104.6 ||

प्रसिद्ध पराक्रमी और अपने पराक्रम से सबको मुग्ध कर देने वाले उस शत्रु के देखते-देखते, युद्ध का लालायित मुझे तूने कायर बना दिया!

श्लोक 7 (yuddha.104.7)

यस्त्वं रथमिमं मोहान्न चोद्वहसि दुर्मते। सत्योऽयं प्रतितर्को मे परेण त्वमुपस्कृतः ॥ 104.7 ॥

yastvaṃ rathamimaṃ mohānna codvahasi durmate| satyo'yaṃ pratitarko me pareṇa tvamupaskṛtaḥ || 104.7 ||

हे दुर्बुद्धि, तू मोहवश इस रथ को आगे नहीं बढ़ा रहा — इससे मेरी यह आशंका सत्य सिद्ध होती है कि तू शत्रु द्वारा बहका लिया गया है!

श्लोक 8 (yuddha.104.8)

न हीदं विद्यते कर्म सुहृदो हितकाङ्क्षिणः। रिपूणां सदृशं चैतन्न त्वयैतत्स्वनुष्ठितम् ॥ 104.8 ॥

na hīdaṃ vidyate karma suhṛdo hitakāṅkṣiṇaḥ| ripūṇāṃ sadṛśaṃ caitanna tvayaitatsvanuṣṭhitam || 104.8 ||

यह हितैषी मित्र का कर्म नहीं है — यह तो शत्रुओं के योग्य कर्म है, और तूने यह जान-बूझकर ही किया है!

श्लोक 9 (yuddha.104.9)

निवर्तय रथं शीघ्रं यावन्नापैति मे रिपुः। यदि वाप्युषितोऽसि त्वं स्मर्यन्ते यदि वा गुणाः ॥ 104.9 ॥

nivartaya rathaṃ śīghraṃ yāvannāpaiti me ripuḥ| yadi vāpyuṣito'si tvaṃ smaryante yadi vā guṇāḥ || 104.9 ||

यदि तू सचमुच दीर्घकाल से मेरे साथ रहा है, और यदि तुझे मेरे गुण स्मरण हैं, तो शीघ्र ही रथ को वापस मोड़ — इससे पहले कि मेरा शत्रु हट जाए!"

श्लोक 10 (yuddha.104.10)

एवं परुषमुक्तस्तु हितबुद्धिरबुद्धिना। अब्रवीद्रावणं सूतो हितं सानुनयं वचः ॥ 104.10 ॥

evaṃ paruṣamuktastu hitabuddhirabuddhinā| abravīdrāvaṇaṃ sūto hitaṃ sānunayaṃ vacaḥ || 104.10 ||

अबुद्धिमान रावण द्वारा इस प्रकार कठोर वचन कहे जाने पर, हितैषी सारथि ने उससे यह हितकर और सांत्वनापूर्ण वचन कहा:

श्लोक 11 (yuddha.104.11)

न भीतोऽस्मि न मूढोऽस्मि नोपजप्तोऽस्मि शत्रुभिः। न प्रमत्तो न निःस्नेहो विस्मृता न च सत्क्रिया ॥ 104.11 ॥

na bhīto'smi na mūḍho'smi nopajapto'smi śatrubhiḥ| na pramatto na niḥsneho vismṛtā na ca satkriyā || 104.11 ||

"मैं न तो भयभीत हूँ, न मूर्ख हूँ, न शत्रुओं द्वारा बहकाया गया हूँ। न मैं प्रमादी हूँ, न स्नेहहीन हूँ, और न ही मैंने आपकी कृपा को भुलाया है।

श्लोक 12 (yuddha.104.12)

मया तु हितकामेन यशश्च परिरक्षता। स्नेहप्रस्कन्नमनसा प्रियमित्यप्रियं कृतम् ॥ 104.12 ॥

mayā tu hitakāmena yaśaśca parirakṣatā| snehapraskannamanasā priyamityapriyaṃ kṛtam || 104.12 ||

आपका हित चाहते हुए, आपके यश की रक्षा करते हुए, स्नेह से भीगे मन से ही मैंने यह अप्रिय कार्य आपके भले के लिए किया।

श्लोक 13 (yuddha.104.13)

नास्मिन्नर्थे महाराज त्वं मां प्रियहिते रतम्। कश्चिल्लघुरिवानार्यो दोषतो गन्तुमर्हसि ॥ 104.13 ॥

nāsminnarthe mahārāja tvaṃ māṃ priyahite ratam| kaścillaghurivānāryo doṣato gantumarhasi || 104.13 ||

हे महाराज, आपके प्रिय और हित में रत मुझको इस विषय में किसी तुच्छ, अनार्य पुरुष के समान दोषी नहीं मानना चाहिए।

श्लोक 14 (yuddha.104.14)

श्रूयतामभिधास्यामि यन्निमित्तं मया रथः। नदीवेग इवाम्भोभिः संयुगे विनिवर्तितः ॥ 104.14 ॥

śrūyatāmabhidhāsyāmi yannimittaṃ mayā rathaḥ| nadīvega ivāmbhobhiḥ saṃyuge vinivartitaḥ || 104.14 ||

सुनिए, मैं बताता हूँ कि किस कारण से मैंने युद्ध में उस रथ को वापस मोड़ा, ठीक वैसे ही जैसे नदी का वेग ज्वार के जल से लौटा दिया जाता है।

श्लोक 15 (yuddha.104.15)

श्रमं तवावगच्छामि महता रणकर्मणा। न हि ते वीर सौमुख्यं प्रहर्षं वोपधारये ॥ 104.15 ॥

śramaṃ tavāvagacchāmi mahatā raṇakarmaṇā| na hi te vīra saumukhyaṃ praharṣaṃ vopadhāraye || 104.15 ||

हे वीर, मैं इस महान युद्ध-कर्म से आपकी थकान को समझ रहा था; मुझे आपके मुख पर न तो सहज प्रसन्नता दिखी, न हर्ष।

श्लोक 16 (yuddha.104.16)

रथोद्वहनखिन्नाश्च त इमे रथवाजिनः। दीना घर्मपरिश्रान्ता गावो वर्षहता इव ॥ 104.16 ॥

rathodvahanakhinnāśca ta ime rathavājinaḥ| dīnā gharmapariśrāntā gāvo varṣahatā iva || 104.16 ||

और रथ खींचते-खींचते थके हुए ये आपके रथ के घोड़े भी, गर्मी से थककर वैसे ही दीन हो गए हैं जैसे वर्षा से पीड़ित गौएँ।

श्लोक 17 (yuddha.104.17)

निमित्तानि च भूयिष्ठं यानि प्रादुर्भवन्ति नः। तेषु तेष्वभिपन्नेषु लक्षयाम्यप्रदक्षिणम् ॥ 104.17 ॥

nimittāni ca bhūyiṣṭhaṃ yāni prādurbhavanti naḥ| teṣu teṣvabhipanneṣu lakṣayāmyapradakṣiṇam || 104.17 ||

और हमें जो अनेक अपशकुन बार-बार दिखाई दे रहे हैं, उन सबका सूक्ष्मता से निरीक्षण करने पर मुझे उनमें अशुभता ही दिखाई देती है।

श्लोक 18 (yuddha.104.18)

देशकालौ च विज्ञेयौ लक्ष्मणानीङ्गितानि च। दैन्यं हर्षश्च खेदश्च रथिनश्च बलाबलम् ॥ 104.18 ॥

deśakālau ca vijñeyau lakṣmaṇānīṅgitāni ca| dainyaṃ harṣaśca khedaśca rathinaśca balābalam || 104.18 ||

देश और काल को जानना चाहिए, शुभ-अशुभ लक्षणों और भावों को भी; रथी की दीनता, हर्ष, थकान तथा उसके बल-अबल को भी जानना चाहिए;

श्लोक 19 (yuddha.104.19)

स्थलनिम्नानि भूमेश्च समानि विषमाणि च। युद्धकालश्च विज्ञेयः परस्यान्तरदर्शनम् ॥ 104.19 ॥

sthalanimnāni bhūmeśca samāni viṣamāṇi ca| yuddhakālaśca vijñeyaḥ parasyāntaradarśanam || 104.19 ||

भूमि के ऊँचे-नीचे तथा समतल-विषम भागों को, युद्ध के उपयुक्त समय को, और शत्रु के दुर्बल पक्षों को भी जानना चाहिए।

श्लोक 20 (yuddha.104.20)

उपयानापयाने च स्थानं प्रत्यपसर्पणम्। सर्वमेतद्रथस्थेन ज्ञेयं रथकुटुम्बिना ॥ 104.20 ॥

upayānāpayāne ca sthānaṃ pratyapasarpaṇam| sarvametadrathasthena jñeyaṃ rathakuṭumbinā || 104.20 ||

आगे बढ़ना और पीछे हटना, कब स्थिर रहना है और कब पीछे सरकना है — रथ पर बैठे, रथ के भार-वाहक सारथि को यह सब जानना आवश्यक है।

श्लोक 21 (yuddha.104.21)

तव विश्रामहेतोस्तु तथैषां रथवाजिनाम्। रौद्रं वर्जयता खेदं क्षमं कृतमिदं मया ॥ 104.21 ॥

tava viśrāmahetostu tathaiṣāṃ rathavājinām| raudraṃ varjayatā khedaṃ kṣamaṃ kṛtamidaṃ mayā || 104.21 ||

आपको तथा इन रथ के घोड़ों को विश्राम देने हेतु, और आपकी भयंकर थकान को दूर करने के लिए ही मैंने यह उचित कार्य किया।

श्लोक 22 (yuddha.104.22)

न मया स्वेच्छया वीर रथोऽयमपवाहितः। भर्तृस्नेहपरीतेन मयेदं यत्कृतं विभो ॥ 104.22 ॥

na mayā svecchayā vīra ratho'yamapavāhitaḥ| bhartṛsnehaparītena mayedaṃ yatkṛtaṃ vibho || 104.22 ||

हे वीर प्रभो, मैंने यह रथ अपनी स्वेच्छा से नहीं हटाया — जो कुछ मैंने किया, वह अपने स्वामी के प्रति स्नेह से अभिभूत होकर ही किया।

श्लोक 23 (yuddha.104.23)

आज्ञापय यथातत्त्वं वक्ष्यस्यरिनिषूदन। तत्करिष्याम्यहं वीरं गतानृण्येन चेतसा ॥ 104.23 ॥

ājñāpaya yathātattvaṃ vakṣyasyariniṣūdana| tatkariṣyāmyahaṃ vīraṃ gatānṛṇyena cetasā || 104.23 ||

हे अरिनिषूदन, जो भी उचित समझें, आज्ञा दें; जो आप कहेंगे, मैं वही करूँगा, अब मेरा हृदय ऋणमुक्त होकर।"

श्लोक 24 (yuddha.104.24)

संतुष्टस्तेन वाक्येन रावणस्तस्य सारथेः। प्रशस्यैनं बहुविधं युद्धलुब्धोऽब्रवीदिदम् ॥ 104.24 ॥

saṃtuṣṭastena vākyena rāvaṇastasya sāratheḥ| praśasyainaṃ bahuvidhaṃ yuddhalubdho'bravīdidam || 104.24 ||

सारथि के इन वचनों से संतुष्ट होकर, युद्ध का लालायित रावण उसकी बहुत प्रशंसा करते हुए यह बोला:

श्लोक 25 (yuddha.104.25)

रथं शीघ्रमिमं सूत राघवाभिमुखं कुरु। नाहत्वा समरे शत्रून्निवर्तिष्यति रावणः ॥ 104.25 ॥

rathaṃ śīghramimaṃ sūta rāghavābhimukhaṃ kuru| nāhatvā samare śatrūnnivartiṣyati rāvaṇaḥ || 104.25 ||

"हे सूत, इस रथ को शीघ्र ही राघव के सम्मुख कर दो। रावण शत्रुओं का वध किए बिना युद्ध से पीछे नहीं हटता।"

श्लोक 26 (yuddha.104.26)

एवमुक्त्वा ततस्तुष्टो रावणो राक्षसेश्वरः। ददौ तस्य शुभं ह्येकं हस्ताभरणमुत्तमम् ॥ 104.26 ॥

evamuktvā tatastuṣṭo rāvaṇo rākṣaseśvaraḥ| dadau tasya śubhaṃ hyekaṃ hastābharaṇamuttamam || 104.26 ||

ऐसा कहकर, प्रसन्न हुए राक्षसराज रावण ने उसे एक सुंदर और उत्तम हस्ताभरण भेंट किया।

श्लोक 27 (yuddha.104.27)

ततो द्रुतं रावणवाक्यचोदितः। प्रचोदयामास हयान्स सारथिः। स राक्षसेन्द्रस्य ततो महारथः। क्षणेन रामस्य रणाग्रतोऽभवत् ॥ 104.27 ॥

tato drutaṃ rāvaṇavākyacoditaḥ| pracodayāmāsa hayānsa sārathiḥ| sa rākṣasendrasya tato mahārathaḥ| kṣaṇena rāmasya raṇāgrato'bhavat || 104.27 ||

तब रावण के आदेश से प्रेरित होकर उस सारथि ने घोड़ों को शीघ्रता से आगे बढ़ाया, और क्षण भर में ही राक्षसराज का वह महारथ राम के सामने युद्ध के अग्रभाग में जा पहुँचा।