राम की रावण को फटकार

श्लोक 1 (yuddha.103.1)

स तु तेन तदा क्रोधात्काकुत्स्थेनार्दितो रणे। रावणः समरश्लाघी महाक्रोधमुपागमत् ॥ 103.1 ॥

sa tu tena tadā krodhātkākutsthenārdito raṇe| rāvaṇaḥ samaraślāghī mahākrodhamupāgamat || 103.1 ||

युद्ध में काकुत्स्थ राम द्वारा क्रोधवश इस प्रकार पीड़ित किया गया वह युद्ध-दर्पी रावण अत्यंत महाक्रोध को प्राप्त हुआ।

श्लोक 2 (yuddha.103.2)

स दीप्तनयनो रोषाच्चापमायम्य वीर्यवान्। अभ्यर्दयत्सुसंक्रुद्धो राघवं परमाहवे ॥ 103.2 ॥

sa dīptanayano roṣāccāpamāyamya vīryavān| abhyardayatsusaṃkruddho rāghavaṃ paramāhave || 103.2 ||

क्रोध से नेत्र जलाते हुए, धनुष खींचकर, अत्यंत क्रुद्ध हुए उस वीर्यवान रावण ने उस महासंग्राम में राघव को पीड़ित करना आरम्भ किया।

श्लोक 3 (yuddha.103.3)

बाणधारा सहस्रैस्तु स तोयद इवाम्बरात्। राघवं रावणो बाणैस्तटाकमिव पूरयत् ॥ 103.3 ॥

bāṇadhārā sahasraistu sa toyada ivāmbarāt| rāghavaṃ rāvaṇo bāṇaistaṭākamiva pūrayat || 103.3 ||

और हजारों बाण-धाराओं से, ठीक वैसे ही जैसे कोई मेघ आकाश से बरसकर तालाब को भर देता है, रावण ने राघव को बाणों से भर दिया।

श्लोक 4 (yuddha.103.4)

पूरितः शरजालेन धनुर्मुक्तेन संयुगे। महागिरिरिवाकम्प्यः काकुत्स्थो न प्रकम्पते ॥ 103.4 ॥

pūritaḥ śarajālena dhanurmuktena saṃyuge| mahāgiririvākampyaḥ kākutstho na prakampate || 103.4 ||

युद्ध में उसके धनुष से छूटे बाणों के जाल से आच्छादित होने पर भी काकुत्स्थ राम, अटल महापर्वत के समान, तनिक भी विचलित नहीं हुए।

श्लोक 5 (yuddha.103.5)

स शरैः शरजालानि वारयन्समरे स्थितः। गभस्तीनिव सूर्यस्य प्रतिजग्राह वीर्यवान् ॥ 103.5 ॥

sa śaraiḥ śarajālāni vārayansamare sthitaḥ| gabhastīniva sūryasya pratijagrāha vīryavān || 103.5 ||

वह वीर्यवान राम युद्धभूमि में खड़े होकर अपने बाणों से उन बाण-जालों को रोकते हुए उन्हें उसी प्रकार ग्रहण करते रहे जैसे कोई सूर्य की किरणों को ग्रहण करता है।

श्लोक 6 (yuddha.103.6)

ततः शरसहस्राणि क्षिप्रहस्तो निशाचरः। निजघानोरसि क्रुद्धो राघवस्य महात्मनः ॥ 103.6 ॥

tataḥ śarasahasrāṇi kṣiprahasto niśācaraḥ| nijaghānorasi kruddho rāghavasya mahātmanaḥ || 103.6 ||

तब क्षिप्रहस्त, क्रुद्ध निशाचर रावण ने महात्मा राघव की छाती में हजारों बाण मार दिए।

श्लोक 7 (yuddha.103.7)

स शोणित समादिग्धः समरे लक्ष्मणाग्रजः। दृष्टः फुल्ल इवारण्ये सुमहान्किंशुकद्रुमः ॥ 103.7 ॥

sa śoṇita samādigdhaḥ samare lakṣmaṇāgrajaḥ| dṛṣṭaḥ phulla ivāraṇye sumahānkiṃśukadrumaḥ || 103.7 ||

युद्धभूमि में रक्त से रँगे हुए लक्ष्मण के अग्रज राम, वन में खिले हुए किसी विशाल किंशुक (पलाश) वृक्ष के समान दिखाई देने लगे।

श्लोक 8 (yuddha.103.8)

शराभिघातसंरब्धः सोऽपि जग्राह सायकान्। काकुत्स्थः सुमहातेजा युगान्तादित्यवर्चसः ॥ 103.8 ॥

śarābhighātasaṃrabdhaḥ so'pi jagrāha sāyakān| kākutsthaḥ sumahātejā yugāntādityavarcasaḥ || 103.8 ||

बाणों की चोट से क्षुब्ध होकर, महातेजस्वी काकुत्स्थ राम ने भी प्रलयकाल के सूर्य के समान तेजस्वी बाणों को धारण किया।

श्लोक 9 (yuddha.103.9)

ततोऽन्योन्यं सुसंरब्धावुभौ तौ रामरावणौ। शरान्धकारे समरे नोपालक्षयतां तदा ॥ 103.9 ॥

tato'nyonyaṃ susaṃrabdhāvubhau tau rāmarāvaṇau| śarāndhakāre samare nopālakṣayatāṃ tadā || 103.9 ||

तब वे दोनों, अत्यंत क्रुद्ध राम और रावण, बाणों से उत्पन्न उस अंधकार में परस्पर एक-दूसरे को पहचान भी नहीं पा रहे थे।

श्लोक 10 (yuddha.103.10)

ततः क्रोधसमाविष्टो रामो दशरथात्मजः। उवाच रावणं वीरः प्रहस्य परुषं वचः ॥ 103.10 ॥

tataḥ krodhasamāviṣṭo rāmo daśarathātmajaḥ| uvāca rāvaṇaṃ vīraḥ prahasya paruṣaṃ vacaḥ || 103.10 ||

तब क्रोध से भरे हुए दशरथ-पुत्र वीर राम ने हँसकर रावण से यह कठोर वचन कहा:

श्लोक 11 (yuddha.103.11)

मम भार्या जनस्थानादज्ञानाद्राक्षसाधम। हृता ते विवशा यस्मात्तस्मात्त्वं नासि वीर्यवान् ॥ 103.11 ॥

mama bhāryā janasthānādajñānādrākṣasādhama| hṛtā te vivaśā yasmāttasmāttvaṃ nāsi vīryavān || 103.11 ||

"हे राक्षसाधम, चूँकि तूने मेरी असहाय पत्नी को जनस्थान से मेरी अनुपस्थिति में चुराया, इसी से सिद्ध है कि तू पराक्रमी नहीं है।

श्लोक 12 (yuddha.103.12)

मया विरहितां दीनां वर्तमानां महावने। वैदेहीं प्रसभं हृत्वा शूरोऽहमिति मन्यसे ॥ 103.12 ॥

mayā virahitāṃ dīnāṃ vartamānāṃ mahāvane| vaidehīṃ prasabhaṃ hṛtvā śūro'hamiti manyase || 103.12 ||

मुझसे बिछड़ी हुई, महावन में असहाय पड़ी वैदेही को बलपूर्वक हरकर तू अपने को शूर मानता है!

श्लोक 13 (yuddha.103.13)

स्त्रीषु शूर विनाथासु परदाराभिमर्शके। कृत्वा कापुरुषं कर्म शूरोऽहमिति मन्यसे ॥ 103.13 ॥

strīṣu śūra vināthāsu paradārābhimarśake| kṛtvā kāpuruṣaṃ karma śūro'hamiti manyase || 103.13 ||

हे तथाकथित शूर, दूसरे की पत्नी पर हाथ डालने वाले, असहाय स्त्रियों के प्रति ऐसा कायरतापूर्ण कर्म करके भी तू अपने को शूर मानता है!

श्लोक 14 (yuddha.103.14)

भिन्नमर्याद निर्लज्ज चारित्रेष्वनवस्थित। दर्पान्मृत्युमुपादाय शूरोऽहमिति मन्यसे ॥ 103.14 ॥

bhinnamaryāda nirlajja cāritreṣvanavasthita| darpānmṛtyumupādāya śūro'hamiti manyase || 103.14 ||

हे मर्यादाहीन, निर्लज्ज, आचरण में अस्थिर! अपने अहंकार से मृत्यु को ही ग्रहण करके भी तू अपने को शूर मानता है!

श्लोक 15 (yuddha.103.15)

शूरेण धनदभ्रात्रा बलैः समुदितेन च। श्लाघनीयं यशस्यं च कृतं कर्म महत्त्वया ॥ 103.15 ॥

śūreṇa dhanadabhrātrā balaiḥ samuditena ca| ślāghanīyaṃ yaśasyaṃ ca kṛtaṃ karma mahattvayā || 103.15 ||

कुबेर के शूरवीर, बलशाली भ्राता होकर तूने सचमुच बड़ा ही प्रशंसनीय और यशस्वी कर्म किया है!

श्लोक 16 (yuddha.103.16)

उत्सेकेनाभिपन्नस्य गर्हितस्याहितस्य च। कर्मणः प्राप्नुहीदानीं तस्याद्य सुमहत्फलम् ॥ 103.16 ॥

utsekenābhipannasya garhitasyāhitasya ca| karmaṇaḥ prāpnuhīdānīṃ tasyādya sumahatphalam || 103.16 ||

अपने अहंकार से किए गए उस निंदनीय और अहितकारी कर्म का अत्यंत बड़ा फल अब आज ही प्राप्त कर!

श्लोक 17 (yuddha.103.17)

शूरोऽहमिति चात्मानमवगच्छसि दुर्मते। नैव लज्जास्ति ते सीतां चोरवद्व्यपकर्षतः ॥ 103.17 ॥

śūro'hamiti cātmānamavagacchasi durmate| naiva lajjāsti te sītāṃ coravadvyapakarṣataḥ || 103.17 ||

हे दुर्बुद्धि, तू अपने आपको शूर मानता है, फिर भी चोर की भाँति सीता का अपहरण करते समय तुझे तनिक भी लज्जा नहीं आई!

श्लोक 18 (yuddha.103.18)

यदि मत्संनिधौ सीता धर्षिता स्यात्त्वया बलात्। भ्रातरं तु खरं पश्येस्तदा मत्सायकैर्हतः ॥ 103.18 ॥

yadi matsaṃnidhau sītā dharṣitā syāttvayā balāt| bhrātaraṃ tu kharaṃ paśyestadā matsāyakairhataḥ || 103.18 ||

यदि तूने मेरे सामने बलपूर्वक सीता का स्पर्श करने का साहस किया होता, तो अपने भाई खर को उसी क्षण मेरे बाणों से मारा गया देखता।

श्लोक 19 (yuddha.103.19)

दिष्ट्यासि मम दुष्टात्मंश्चक्षुर्विषयमागतः। अद्य त्वां सायकैस्तीक्ष्णैर्नयामि यमसादनम् ॥ 103.19 ॥

diṣṭyāsi mama duṣṭātmaṃścakṣurviṣayamāgataḥ| adya tvāṃ sāyakaistīkṣṇairnayāmi yamasādanam || 103.19 ||

हे दुष्टात्मा, सौभाग्य से तू अब मेरी दृष्टि के सामने आ गया है — आज मैं तुझे अपने तीक्ष्ण बाणों से यमलोक भेज दूँगा।

श्लोक 20 (yuddha.103.20)

अद्य ते मच्छरैश्छिन्नं शिरो ज्वलितकुण्डलम्। क्रव्यादा व्यपकर्षन्तु विकीर्णं रणपांसुषु ॥ 103.20 ॥

adya te maccharaiśchinnaṃ śiro jvalitakuṇḍalam| kravyādā vyapakarṣantu vikīrṇaṃ raṇapāṃsuṣu || 103.20 ||

आज मेरे बाणों से कटा हुआ, जगमगाते कुंडलों वाला तेरा सिर युद्धभूमि की धूल में बिखरा पड़ा रहे, और मांसाहारी पशु उसे घसीट ले जाएँ।

श्लोक 21 (yuddha.103.21)

निपत्योरसि गृध्रास्ते क्षितौ क्षिप्तस्य रावण। पिबन्तु रुधिरं तर्षाद्बाणशल्यान्तरोत्थितम् ॥ 103.21 ॥

nipatyorasi gṛdhrāste kṣitau kṣiptasya rāvaṇa| pibantu rudhiraṃ tarṣādbāṇaśalyāntarotthitam || 103.21 ||

हे रावण, बाणों से बींधे जाकर भूमि पर गिरे हुए तेरे वक्षस्थल पर गिद्ध झपटकर बैठें, और बाणों के छिद्रों से बहते रक्त को प्यास से पीएँ।

श्लोक 22 (yuddha.103.22)

अद्य मद्बाणाभिन्नस्य गतासोः पतितस्य ते। कर्षन्त्वन्त्राणि पतगा गरुत्मन्त इवोरगान् ॥ 103.22 ॥

adya madbāṇābhinnasya gatāsoḥ patitasya te| karṣantvantrāṇi patagā garutmanta ivoragān || 103.22 ||

आज मेरे बाणों से बिंधकर, प्राणहीन होकर गिरे हुए तेरे अंतड़ियों को पक्षी उसी प्रकार घसीटें जैसे गरुड़ सर्पों को घसीटते हैं।

श्लोक 23 (yuddha.103.23)

इत्येवं स वदन्वीरो रामः शत्रुनिबर्हणः। राक्षसेन्द्रं समीपस्थं शरवर्षैरवाकिरत् ॥ 103.23 ॥

ityevaṃ sa vadanvīro rāmaḥ śatrunibarhaṇaḥ| rākṣasendraṃ samīpasthaṃ śaravarṣairavākirat || 103.23 ||

इस प्रकार बोलते हुए शत्रुनाशक वीर राम ने समीप खड़े राक्षसराज को बाणों की वर्षा से ढँक दिया।

श्लोक 24 (yuddha.103.24)

बभूव द्विगुणं वीर्यं बलं हर्षश्च संयुगे। रामस्यास्त्रबलं चैव शत्रोर्निधनकाङ्क्षिणः ॥ 103.24 ॥

babhūva dviguṇaṃ vīryaṃ balaṃ harṣaśca saṃyuge| rāmasyāstrabalaṃ caiva śatrornidhanakāṅkṣiṇaḥ || 103.24 ||

अपने शत्रु के वध की कामना करने वाले राम का पराक्रम, बल, हर्ष तथा अस्त्र-सामर्थ्य युद्ध में दुगुना हो गया।

श्लोक 25 (yuddha.103.25)

प्रादुर्बभूवुरस्त्राणि सर्वाणि विदितात्मनः। प्रहर्षाच्च महातेजाः शीघ्रहस्ततरोऽभवत् ॥ 103.25 ॥

prādurbabhūvurastrāṇi sarvāṇi viditātmanaḥ| praharṣācca mahātejāḥ śīghrahastataro'bhavat || 103.25 ||

आत्मज्ञानी राम के मन में समस्त अस्त्र स्वयं प्रकट होने लगे, और अपार हर्ष से वह महातेजस्वी राम और भी अधिक शीघ्रहस्त हो गए।

श्लोक 26 (yuddha.103.26)

शुभान्येतानि चिह्नानि विज्ञायात्मगतानि सः। भूय एवार्दयद्रामो रावणं राक्षसान्तकृत् ॥ 103.26 ॥

śubhānyetāni cihnāni vijñāyātmagatāni saḥ| bhūya evārdayadrāmo rāvaṇaṃ rākṣasāntakṛt || 103.26 ||

अपने भीतर प्रकट हुए इन शुभ लक्षणों को पहचानकर, राक्षसों के अंतकर्ता राम ने रावण को और भी अधिक पीड़ित करना आरम्भ कर दिया।

श्लोक 27 (yuddha.103.27)

हरीणां चाश्मनिकरैः शरवर्षैश्च राघवात्। हन्यमानो दशग्रीवो विघूर्णहृदयोऽभवत् ॥ 103.27 ॥

harīṇāṃ cāśmanikaraiḥ śaravarṣaiśca rāghavāt| hanyamāno daśagrīvo vighūrṇahṛdayo'bhavat || 103.27 ||

वानरों के पत्थरों की मार से और राघव के बाणों की वर्षा से आहत होकर, दशग्रीव का हृदय घूमने-सा लगा।

श्लोक 28 (yuddha.103.28)

यदा च शस्त्रं नारेभे न व्यकर्षच्छरासनम्। नास्य प्रत्यकरोद्वीर्यं विक्लवेनान्तरात्मना ॥ 103.28 ॥

yadā ca śastraṃ nārebhe na vyakarṣaccharāsanam| nāsya pratyakarodvīryaṃ viklavenāntarātmanā || 103.28 ||

उसका अंतःकरण इतना व्याकुल हो गया कि वह न तो कोई शस्त्र उठा सका, न धनुष खींच सका, और न ही राम के पराक्रम का कोई प्रत्युत्तर दे सका।

श्लोक 29 (yuddha.103.29)

क्षिप्ताश्चापि शरास्तेन शस्त्राणि विविधानि च। न रणार्थाय वर्तन्ते मृत्युकालेऽभिवर्तति ॥ 103.29 ॥

kṣiptāścāpi śarāstena śastrāṇi vividhāni ca| na raṇārthāya vartante mṛtyukāle'bhivartati || 103.29 ||

उसके द्वारा छोड़े गए बाण और विविध शस्त्र भी अब युद्ध में किसी काम के नहीं रह गए, क्योंकि उसका मृत्युकाल निकट आ रहा था।

श्लोक 30 (yuddha.103.30)

सूतस्तु रथनेतास्य तदवस्थं निरीक्ष्य तम्। शनैर्युद्धादसंभ्रान्तो रथं तस्यापवाहयत् ॥ 103.30 ॥

sūtastu rathanetāsya tadavasthaṃ nirīkṣya tam| śanairyuddhādasaṃbhrānto rathaṃ tasyāpavāhayat || 103.30 ||

उसके रथ को हाँकने वाले सारथि ने उसे उस दशा में देखकर, बिना घबराए, धीरे-धीरे उसके रथ को युद्धभूमि से हटा लिया।

श्लोक 31 (yuddha.103.31)

रथं च तस्याथ जवेन सारथिः। निवार्य भीमं जलदस्वनं तदा। जगाम भीत्या समरान्महीपतिं। निरस्तवीर्यं पतितं समीक्ष्य ॥ 103.31 ॥

rathaṃ ca tasyātha javena sārathiḥ| nivārya bhīmaṃ jaladasvanaṃ tadā| jagāma bhītyā samarānmahīpatiṃ| nirastavīryaṃ patitaṃ samīkṣya || 103.31 ||

उस राजा (रावण) को इस प्रकार बलहीन और मानो गिरा हुआ देखकर, सारथि ने उसके गरजते मेघ के समान भयंकर रथ को शीघ्रता से मोड़ा और भय से युद्धभूमि से दूर चला गया।