राम-रावण का प्रथम द्वंद्वयुद्ध

श्लोक 1 (yuddha.102.1)

लक्ष्मणेन तु तद्वाक्यमुक्तं श्रुत्वा स राघवः। संदधे परवीरघ्नो धनुरादाय वीर्यवान् ॥ 102.1 ॥

lakṣmaṇena tu tadvākyamuktaṃ śrutvā sa rāghavaḥ| saṃdadhe paravīraghno dhanurādāya vīryavān || 102.1 ||

लक्ष्मण द्वारा कहे गए उन वचनों को सुनकर, शत्रुवीरों के नाशक, वीर्यवान राघव ने धनुष उठाकर उस पर बाण चढ़ाया।

श्लोक 2 (yuddha.102.2)

रावणाय शरान्घोरान्विससर्ज चमूमुखे। अथान्यं रथमास्थाय रावणो राक्षसाधिपः ॥ 102.2 ॥

rāvaṇāya śarānghorānvisasarja camūmukhe| athānyaṃ rathamāsthāya rāvaṇo rākṣasādhipaḥ || 102.2 ||

युद्ध के मोर्चे पर उसने भयंकर बाण रावण की ओर छोड़े। तब दूसरे रथ पर सवार होकर राक्षसराज रावण

श्लोक 3 (yuddha.102.3)

अभ्यधावत् काकुत्स्थं स्वर्भानुरिव भास्करम्। दशग्रीवो रथस्थस्तु रामं वज्रोपमैः शरैः ॥ 102.3 ॥

abhyadhāvat kākutsthaṃ svarbhānuriva bhāskaram| daśagrīvo rathasthastu rāmaṃ vajropamaiḥ śaraiḥ || 102.3 ||

काकुत्स्थ राम की ओर वैसे ही झपटा जैसे स्वर्भानु (राहु) सूर्य की ओर झपटता है। रथ पर खड़े दशग्रीव ने राम पर वज्र के समान बाणों से

श्लोक 4 (yuddha.102.4)

आजघान महाघोरैर्धाराभिरिव तोयदः। दीप्तपावकसङ्काशैः शरैः काञ्चनभूषणैः ॥ 102.4 ॥

ājaghāna mahāghorairdhārābhiriva toyadaḥ| dīptapāvakasaṅkāśaiḥ śaraiḥ kāñcanabhūṣaṇaiḥ || 102.4 ||

आघात किया, ठीक वैसे ही जैसे कोई मेघ वर्षा की भयंकर धाराओं से किसी पर्वत पर आघात करता है। सावधान-चित्त होकर राम ने भी प्रज्वलित अग्नि के समान चमकते, स्वर्ण से अलंकृत बाणों से

श्लोक 5 (yuddha.102.5)

निर्बिभेद रणे रामो दशग्रीवं समाहितः। भूमिस्थितस्य रामस्य रथस्थस्य च रक्षसः ॥ 102.5 ॥

nirbibheda raṇe rāmo daśagrīvaṃ samāhitaḥ| bhūmisthitasya rāmasya rathasthasya ca rakṣasaḥ || 102.5 ||

युद्ध में दशग्रीव को बींध डाला। भूमि पर खड़े राम और रथ पर बैठे उस राक्षस के बीच का

श्लोक 6 (yuddha.102.6)

न समं युद्धमित्याहुर्देवगन्धर्वदानवाः। ततो देववरः श्रीमान् श्रुत्वा तेषां वचोऽमृतम् ॥ 102.6 ॥

na samaṃ yuddhamityāhurdevagandharvadānavāḥ| tato devavaraḥ śrīmān śrutvā teṣāṃ vaco'mṛtam || 102.6 ||

यह युद्ध असमान है, ऐसा देवता, गन्धर्व और दानव सब कहने लगे। तब श्रीमान इन्द्र, उनके अमृत-तुल्य वचन सुनकर,

श्लोक 7 (yuddha.102.7)

आहूय मातलिं शक्रो वचनं चेदमब्रवीत्। रथेन मम भूमिष्ठं शीघ्रं याहि रघूत्तमम् ॥ 102.7 ॥

āhūya mātaliṃ śakro vacanaṃ cedamabravīt| rathena mama bhūmiṣṭhaṃ śīghraṃ yāhi raghūttamam || 102.7 ||

इन्द्र ने मातलि को बुलाकर यह वचन कहा: "मेरे रथ के साथ शीघ्र ही भूमि पर खड़े उस रघुश्रेष्ठ राम के पास जाओ,

श्लोक 8 (yuddha.102.8)

आहूय भूतलं यातः कुरु देवहितं महत्। इत्युक्तो देवराजेन मातलिर्देवसारथिः ॥ 102.8 ॥

āhūya bhūtalaṃ yātaḥ kuru devahitaṃ mahat| ityukto devarājena mātalirdevasārathiḥ || 102.8 ||

पृथ्वी पर पहुँचकर उसे आमंत्रित करो, और देवताओं का यह बड़ा हित सम्पन्न करो।" देवराज इन्द्र से यह कहे जाने पर, इन्द्र के सारथि मातलि ने

श्लोक 9 (yuddha.102.9)

प्रणम्य शिरसा देवं ततो वचनमब्रवीत्। शीघ्रं यास्यामि देवेन्द्र सारथ्यं च करोम्यहम् ॥ 102.9 ॥

praṇamya śirasā devaṃ tato vacanamabravīt| śīghraṃ yāsyāmi devendra sārathyaṃ ca karomyaham || 102.9 ||

अपने स्वामी को सिर झुकाकर प्रणाम किया, फिर यह वचन कहा: "हे देवेन्द्र, मैं शीघ्र ही जाता हूँ, और राम का सारथ्य भी करूँगा।"

श्लोक 10 (yuddha.102.10)

ततो हयैश्च संयोज्य हरितैः स्यन्दनोत्तमम्। ततः काञ्चनचित्राङ्गः किङ्किणीशतभूषितः ॥ 102.10 ॥

tato hayaiśca saṃyojya haritaiḥ syandanottamam| tataḥ kāñcanacitrāṅgaḥ kiṅkiṇīśatabhūṣitaḥ || 102.10 ||

तब उस उत्तम रथ को हरित वर्ण के घोड़ों से जोतकर — स्वर्ण से चित्रित अंगों वाला और सैकड़ों घंटियों से सुशोभित,

श्लोक 11 (yuddha.102.11)

तरुणादित्यसंकाशो वैदूर्यमयकूबरः। सदश्वैः काञ्चनापीडैर्युक्तः श्वेतप्रकीर्णकैः ॥ 102.11 ॥

taruṇādityasaṃkāśo vaidūryamayakūbaraḥ| sadaśvaiḥ kāñcanāpīḍairyuktaḥ śvetaprakīrṇakaiḥ || 102.11 ||

उदीयमान सूर्य के समान कान्तिमान, वैदूर्यमणि से जड़ी धुरी वाला, स्वर्ण-शिरोभूषण और श्वेत चँवरों से सज्जित उत्तम अश्वों से युक्त,

श्लोक 12 (yuddha.102.12)

हरिभिः सूर्यसंकाशैर्हेमजालविभूषितैः। रुक्मवेणुध्वजः श्रीमान्देवराजरथो वरः ॥ 102.12 ॥

haribhiḥ sūryasaṃkāśairhemajālavibhūṣitaiḥ| rukmaveṇudhvajaḥ śrīmāndevarājaratho varaḥ || 102.12 ||

सूर्य के समान तेजस्वी और स्वर्ण-जालों से विभूषित उन अश्वों से युक्त — स्वर्ण-दण्ड की ध्वजा वाला वह श्रीमान, श्रेष्ठ देवराज का रथ

श्लोक 13 (yuddha.102.13)

देवराजेन संदिष्टो रथमारुह्य मातलिः। अभ्यवर्तत काकुत्स्थमवतीर्य त्रिविष्टपात् ॥ 102.13 ॥

devarājena saṃdiṣṭo rathamāruhya mātaliḥ| abhyavartata kākutsthamavatīrya triviṣṭapāt || 102.13 ||

देवराज की आज्ञा पाकर उस रथ पर चढ़कर मातलि स्वर्ग से उतरकर काकुत्स्थ राम के समीप पहुँचा।

श्लोक 14 (yuddha.102.14)

अब्रवीच्च तदा रामं सप्रतोदो रथे स्थितः। प्राञ्जलिर्मातलिर्वाक्यं सहस्राक्षस्य सारथिः ॥ 102.14 ॥

abravīcca tadā rāmaṃ sapratodo rathe sthitaḥ| prāñjalirmātalirvākyaṃ sahasrākṣasya sārathiḥ || 102.14 ||

तब हाथ में कोड़ा लिए रथ में खड़े इन्द्र के सारथि मातलि ने हाथ जोड़कर राम से यह वचन कहा:

श्लोक 15 (yuddha.102.15)

सहस्राक्षेण काकुत्स्थ रथोऽयं विजयाय ते। दत्तस्तव महासत्त्व श्रीमाञ्शत्रुनिबर्हणः ॥ 102.15 ॥

sahasrākṣeṇa kākutstha ratho'yaṃ vijayāya te| dattastava mahāsattva śrīmāñśatrunibarhaṇaḥ || 102.15 ||

"हे काकुत्स्थ, हे महासत्त्व, यह श्रीमान और शत्रुनाशक रथ इन्द्र ने तुम्हारी विजय के लिए तुम्हें भेजा है।

श्लोक 16 (yuddha.102.16)

इदमैन्द्रं महच्चापं कवचं चाग्निसंनिभम्। शराश्चादित्यसङ्काशाः शक्तिश्च विमला शिता ॥ 102.16 ॥

idamaindraṃ mahaccāpaṃ kavacaṃ cāgnisaṃnibham| śarāścādityasaṅkāśāḥ śaktiśca vimalā śitā || 102.16 ||

यह इन्द्र का महान धनुष, अग्नि के समान चमकता कवच, सूर्य के समान तेजस्वी बाण, और यह निर्मल तथा तीक्ष्ण शक्ति (भाला) भी भेजे हैं।

श्लोक 17 (yuddha.102.17)

आरुह्येमं रथं वीर राक्षसं जहि रावणम्। मया सारथिना राम महेन्द्र इव दानवान् ॥ 102.17 ॥

āruhyemaṃ rathaṃ vīra rākṣasaṃ jahi rāvaṇam| mayā sārathinā rāma mahendra iva dānavān || 102.17 ||

हे वीर राम, इस रथ पर चढ़कर, मुझे सारथि बनाकर, राक्षस रावण का वध करो, जैसे महेन्द्र ने दानवों का वध किया था।"

श्लोक 18 (yuddha.102.18)

इत्युक्तः स परिक्रम्य रथं तमभिवाद्य च। आरुरोह तदा रामो लोकाँल्लक्ष्म्या विराजयन् ॥ 102.18 ॥

ityuktaḥ sa parikramya rathaṃ tamabhivādya ca| āruroha tadā rāmo lokā̐llakṣmyā virājayan || 102.18 ||

यह कहे जाने पर राम ने उस रथ की परिक्रमा कर, उसे प्रणाम किया, और फिर अपनी कान्ति से समस्त लोकों को प्रकाशित करते हुए उस पर आरूढ़ हुए।

श्लोक 19 (yuddha.102.19)

बभूव च महायुद्धं तुमुलं रोमहर्षणम्। रामस्य च महाबाहो रावणस्य च रक्षसः ॥ 102.19 ॥

babhūva ca mahāyuddhaṃ tumulaṃ romaharṣaṇam| rāmasya ca mahābāho rāvaṇasya ca rakṣasaḥ || 102.19 ||

हे महाबाहु, तब राम और राक्षस रावण के बीच एक महान, घोर और रोमांचकारी युद्ध छिड़ गया।

श्लोक 20 (yuddha.102.20)

स गान्धर्वेण गान्धर्वं दैवं दैवेन राघवः। अस्त्रं राक्षसराजस्य जघान परमास्त्रवित् ॥ 102.20 ॥

sa gāndharveṇa gāndharvaṃ daivaṃ daivena rāghavaḥ| astraṃ rākṣasarājasya jaghāna paramāstravit || 102.20 ||

परम अस्त्रवेत्ता राघव ने राक्षसराज के गान्धर्व अस्त्र को गान्धर्व अस्त्र से, और दैव अस्त्र को दैव अस्त्र से नष्ट कर दिया।

श्लोक 21 (yuddha.102.21)

अस्त्रं तु परमं घोरं राक्षसं राक्षसाधिप। ससर्ज परमक्रुद्धः पुनरेव निशाचरः ॥ 102.21 ॥

astraṃ tu paramaṃ ghoraṃ rākṣasaṃ rākṣasādhipa| sasarja paramakruddhaḥ punareva niśācaraḥ || 102.21 ||

हे राक्षसाधिप, तब वह निशाचर रावण अत्यंत क्रुद्ध होकर पुनः एक परम भयंकर राक्षस-अस्त्र छोड़ बैठा।

श्लोक 22 (yuddha.102.22)

ते रावणधनुर्मुक्ताः शराः काञ्चनभूषणाः। अभ्यवर्तन्त काकुत्स्थं सर्पा भूत्वा महाविषाः ॥ 102.22 ॥

te rāvaṇadhanurmuktāḥ śarāḥ kāñcanabhūṣaṇāḥ| abhyavartanta kākutsthaṃ sarpā bhūtvā mahāviṣāḥ || 102.22 ||

रावण के धनुष से छूटे स्वर्ण-भूषित वे बाण महाविषैले सर्प बनकर काकुत्स्थ राम की ओर झपटे।

श्लोक 23 (yuddha.102.23)

ते दीप्तवदना दीप्तं वमन्तो ज्वलनं मुखैः। राममेवाभ्यवर्तन्त व्यादितास्या भयानकाः ॥ 102.23 ॥

te dīptavadanā dīptaṃ vamanto jvalanaṃ mukhaiḥ| rāmamevābhyavartanta vyāditāsyā bhayānakāḥ || 102.23 ||

प्रज्वलित मुखों वाले, अपने मुखों से धधकती आग उगलते हुए, फैले हुए मुँह वाले वे भयानक सर्प राम की ओर ही झपटे।

श्लोक 24 (yuddha.102.24)

तैर्वासुकिसमस्पर्शैर्दीप्तभोगैर्महाविषैः। दिशश्च सन्तताः सर्वाः प्रदिशश्च समावृताः ॥ 102.24 ॥

tairvāsukisamasparśairdīptabhogairmahāviṣaiḥ| diśaśca santatāḥ sarvāḥ pradiśaśca samāvṛtāḥ || 102.24 ||

वासुकि के समान स्पर्श वाले, धधकती फणों वाले उन महाविष सर्पों से सभी दिशाएँ व्याप्त हो गईं और उपदिशाएँ भी घिर गईं।

श्लोक 25 (yuddha.102.25)

तान्दृष्ट्वा पन्नगान्रामः समापतत आहवे। अस्त्रं गारुत्मतं घोरं प्रादुश्चक्रे भयावहम् ॥ 102.25 ॥

tāndṛṣṭvā pannagānrāmaḥ samāpatata āhave| astraṃ gārutmataṃ ghoraṃ prāduścakre bhayāvaham || 102.25 ||

युद्धभूमि में झपटते उन सर्पों को देखकर राम ने भयंकर और भयोत्पादक गारुड़ अस्त्र प्रकट किया।

श्लोक 26 (yuddha.102.26)

ते राघवधनुर्मुक्ता रुक्मपुङ्खाः शिखिप्रभाः। सुपर्णाः काञ्चना भूत्वा विचेरुः सर्पशत्रवः ॥ 102.26 ॥

te rāghavadhanurmuktā rukmapuṅkhāḥ śikhiprabhāḥ| suparṇāḥ kāñcanā bhūtvā viceruḥ sarpaśatravaḥ || 102.26 ||

स्वर्ण-पंख वाले, अग्नि-शिखा के समान चमकते राघव के वे बाण सर्पों के शत्रु स्वर्णिम गरुड़ बनकर सब ओर विचरने लगे।

श्लोक 27 (yuddha.102.27)

ते तान्सर्वाञ्शराञ्जघ्नुः सर्परूपान्महाजवान्। सुपर्णरूपा रामस्य विशिखाः कामरूपिणः ॥ 102.27 ॥

te tānsarvāñśarāñjaghnuḥ sarparūpānmahājavān| suparṇarūpā rāmasya viśikhāḥ kāmarūpiṇaḥ || 102.27 ||

इच्छानुसार रूप धारण करने में समर्थ राम के वे बाण गरुड़-रूप धारण कर उन सभी अत्यंत वेगवान सर्प-रूपी बाणों का नाश कर डाला।

श्लोक 28 (yuddha.102.28)

अस्त्रे प्रतिहते क्रुद्धो रावणो राक्षसाधिपः। अभ्यवर्षत्तदा रामं घोराभिः शरवृष्टिभिः ॥ 102.28 ॥

astre pratihate kruddho rāvaṇo rākṣasādhipaḥ| abhyavarṣattadā rāmaṃ ghorābhiḥ śaravṛṣṭibhiḥ || 102.28 ||

अपना अस्त्र निष्फल होने पर क्रुद्ध राक्षसाधिप रावण ने राम पर भयंकर बाणों की वर्षा कर दी।

श्लोक 29 (yuddha.102.29)

ततः शरसहस्रेण राममक्लिष्टकारिणम्। अर्दयित्वा शरौघेण मातलिं प्रत्यविध्यत ॥ 102.29 ॥

tataḥ śarasahasreṇa rāmamakliṣṭakāriṇam| ardayitvā śaraugheṇa mātaliṃ pratyavidhyata || 102.29 ||

तब हजारों बाणों से अथक-कर्मा राम को पीड़ित कर, उसने बाणों के समूह से मातलि को भी बींध डाला।

श्लोक 30 (yuddha.102.30)

चिच्छेद केतुमुद्दिश्य शरेणैकेन रावणः। पातयित्वा रथोपस्थे रथात्केतुं च काञ्चनम् ॥ 102.30 ॥

ciccheda ketumuddiśya śareṇaikena rāvaṇaḥ| pātayitvā rathopasthe rathātketuṃ ca kāñcanam || 102.30 ||

रावण ने एक ही बाण से लक्ष्य साधकर ध्वज को काट डाला, और उस स्वर्ण-ध्वज को रथ के ऊपर से गिराकर रथ के आसन पर ही गिरा दिया।

श्लोक 31 (yuddha.102.31)

ऐन्द्रानभिजघानाश्वाञ्शरजालेन रावणः। विषेदुर्देवगन्धर्वा दानवाश्चारणैः सह ॥ 102.31 ॥

aindrānabhijaghānāśvāñśarajālena rāvaṇaḥ| viṣedurdevagandharvā dānavāścāraṇaiḥ saha || 102.31 ||

रावण ने बाणों के जाल से इन्द्र के अश्वों पर भी प्रहार किया। यह देखकर देवता, गन्धर्व, दानव और चारण सभी विषाद में डूब गए।

श्लोक 32 (yuddha.102.32)

राममार्तं तदा दृष्ट्वा सिद्धाश्च परमर्षयः। व्यथिता वानरेन्द्राश्च बभूवुः सविभीषणाः ॥ 102.32 ॥

rāmamārtaṃ tadā dṛṣṭvā siddhāśca paramarṣayaḥ| vyathitā vānarendrāśca babhūvuḥ savibhīṣaṇāḥ || 102.32 ||

राम को इस प्रकार व्यथित देखकर सिद्ध और परम ऋषि भी विषण्ण हो गए, और विभीषण सहित वानर-प्रमुख भी व्याकुल हो उठे।

श्लोक 33 (yuddha.102.33)

रामचन्द्रमसं दृष्ट्वा ग्रस्तं रावणराहुणा। प्राजापत्यं च नक्षत्रं रोहिणीं शशिनः प्रियाम् ॥ 102.33 ॥

rāmacandramasaṃ dṛṣṭvā grastaṃ rāvaṇarāhuṇā| prājāpatyaṃ ca nakṣatraṃ rohiṇīṃ śaśinaḥ priyām || 102.33 ||

राम-रूपी चन्द्रमा को रावण-रूपी राहु द्वारा ग्रसा हुआ देखकर — मानो चन्द्रमा की प्रिया, प्रजापति-अधिष्ठित रोहिणी नक्षत्र पर

श्लोक 34 (yuddha.102.34)

समाक्रम्य बुधस्तस्थौ प्रजानामशुभावहः। सधूमपरिवृत्तोर्मिः प्रज्वलन्निव सागरः ॥ 102.34 ॥

samākramya budhastasthau prajānāmaśubhāvahaḥ| sadhūmaparivṛttormiḥ prajvalanniva sāgaraḥ || 102.34 ||

प्रजाओं के लिए अशुभ फल देने वाला बुध ग्रह आक्रमण करके खड़ा हो गया हो। धुएँ से घिरी लहरों वाला समुद्र मानो प्रज्वलित होकर

श्लोक 35 (yuddha.102.35)

उत्पपात तदा क्रुद्धः स्पृशन्निव दिवाकरम्। शस्त्रवर्णः सुपरुषो मन्दरश्मिर्दिवाकरः ॥ 102.35 ॥

utpapāta tadā kruddhaḥ spṛśanniva divākaram| śastravarṇaḥ suparuṣo mandaraśmirdivākaraḥ || 102.35 ||

क्रुद्ध होकर उठ खड़ा हुआ, मानो सूर्य को छूने चला हो। शस्त्र के समान वर्ण वाला, अत्यंत रूखा, मंद किरणों वाला सूर्य

श्लोक 36 (yuddha.102.36)

अदृश्यत कबन्धाङ्गः संसक्तो धूमकेतुना। कोसलानां च नक्षत्रं व्यक्तमिन्द्राग्निदैवतम् ॥ 102.36 ॥

adṛśyata kabandhāṅgaḥ saṃsakto dhūmaketunā| kosalānāṃ ca nakṣatraṃ vyaktamindrāgnidaivatam || 102.36 ||

मानो अपने ही मध्य में एक धड़ लिए हुए और धूमकेतु से जुड़ा हुआ दिखाई देने लगा। इन्द्र और अग्नि देवताओं वाला, कोसल के राजाओं का स्पष्ट नक्षत्र (विशाखा)

श्लोक 37 (yuddha.102.37)

आक्रम्याङ्गारकस्तस्थौ विशाखामपि चाम्बरे। दशास्यो विंशतिभुजः प्रगृहीतशरासनः ॥ 102.37 ॥

ākramyāṅgārakastasthau viśākhāmapi cāmbare| daśāsyo viṃśatibhujaḥ pragṛhītaśarāsanaḥ || 102.37 ||

आकाश में मंगल ग्रह ने विशाखा नक्षत्र पर भी आक्रमण करके अड्डा जमा लिया। दस मुख और बीस भुजाओं वाला, धनुष कसकर पकड़े हुए वह दशग्रीव

श्लोक 38 (yuddha.102.38)

अदृश्यत दशग्रीवो मैनाक इव पर्वतः। निरस्यमानो रामस्तु दशग्रीवेण रक्षसा ॥ 102.38 ॥

adṛśyata daśagrīvo maināka iva parvataḥ| nirasyamāno rāmastu daśagrīveṇa rakṣasā || 102.38 ||

मैनाक पर्वत के समान दिखाई देने लगा। राक्षस दशग्रीव द्वारा इस प्रकार अभिभूत किए जाते हुए राम युद्ध के मोर्चे पर

श्लोक 39 (yuddha.102.39)

नाशकदभिसन्धातुं सायकान्रणमूर्धनि। स कृत्वा भ्रुकुटिं क्रुद्धः किंचित्संरक्तलोचनः ॥ 102.39 ॥

nāśakadabhisandhātuṃ sāyakānraṇamūrdhani| sa kṛtvā bhrukuṭiṃ kruddhaḥ kiṃcitsaṃraktalocanaḥ || 102.39 ||

अपने बाणों को धनुष पर चढ़ा तक नहीं पा रहे थे। तब क्रुद्ध होकर, भौंहें चढ़ाकर, नेत्रों को कुछ रक्तवर्ण किए हुए वे

श्लोक 40 (yuddha.102.40)

जगाम सुमहाक्रोधं निर्दहन्निव रक्षसान्। तस्य क्रुद्धस्य वदनं दृष्ट्वा रामस्य धीमतः ॥ 102.40 ॥

jagāma sumahākrodhaṃ nirdahanniva rakṣasān| tasya kruddhasya vadanaṃ dṛṣṭvā rāmasya dhīmataḥ || 102.40 ||

मानो राक्षसों को भस्म कर देंगे, इस प्रकार अत्यंत महाक्रोध को प्राप्त हुए। बुद्धिमान राम के उस क्रुद्ध मुख को देखकर

श्लोक 41 (yuddha.102.41)

सर्वभूतानि वित्रेसुः प्राकम्पत च मेदिनी। सिंहशार्दूलवान् शैलः संचचाल चलद्द्रुमः। बभूव चापि क्षुभितः समुद्रः सरितां पतिः ॥ 102.41 ॥

sarvabhūtāni vitresuḥ prākampata ca medinī| siṃhaśārdūlavān śailaḥ saṃcacāla caladdrumaḥ| babhūva cāpi kṣubhitaḥ samudraḥ saritāṃ patiḥ || 102.41 ||

सभी प्राणी भयभीत हो गए, पृथ्वी काँप उठी, सिंहों और व्याघ्रों से युक्त पर्वत भी हिलने लगा, उसके वृक्ष डोलने लगे, और नदियों का स्वामी समुद्र भी क्षुब्ध हो उठा।

श्लोक 42 (yuddha.102.42)

खराश्च खरनिर्घोषा गगने परुषा घनाः। औत्पातिकाश्च नर्दन्तः समन्तात् परिचक्रमुः ॥ 102.42 ॥

kharāśca kharanirghoṣā gagane paruṣā ghanāḥ| autpātikāśca nardantaḥ samantāt paricakramuḥ || 102.42 ||

आकाश में कठोर और भयंकर गर्जन वाले, अशुभ-सूचक कठोर मेघ चारों ओर गरजते हुए घूमने लगे।

श्लोक 43 (yuddha.102.43)

रामं दृष्ट्वा सुसंक्रुद्धमुत्पातांश्चैव दारुणान्। वित्रेसुः सर्वभूतानि रावणस्याभवद्भयम् ॥ 102.43 ॥

rāmaṃ dṛṣṭvā susaṃkruddhamutpātāṃścaiva dāruṇān| vitresuḥ sarvabhūtāni rāvaṇasyābhavadbhayam || 102.43 ||

अत्यंत क्रुद्ध राम को और उन भयंकर उत्पातों को देखकर सभी प्राणी भयभीत हो गए, और स्वयं रावण को भी भय हुआ।

श्लोक 44 (yuddha.102.44)

विमानस्थास्तदा देवा गन्धर्वाश्च महोरगाः। ऋषिदानवदैत्याश्च गरुत्मन्तश्च खेचराः ॥ 102.44 ॥

vimānasthāstadā devā gandharvāśca mahoragāḥ| ṛṣidānavadaityāśca garutmantaśca khecarāḥ || 102.44 ||

अपने-अपने विमानों में बैठे देवता, गन्धर्व, महानाग, ऋषि, दानव, दैत्य तथा आकाशचारी गरुड़गण

श्लोक 45 (yuddha.102.45)

ददृशुस्ते तदा युद्धं लोकसंवर्तसंस्थितम्। नानाप्रहरणैर्भीमैः शूरयोः संप्रयुध्यतोः ॥ 102.45 ॥

dadṛśuste tadā yuddhaṃ lokasaṃvartasaṃsthitam| nānāpraharaṇairbhīmaiḥ śūrayoḥ saṃprayudhyatoḥ || 102.45 ||

उस समय भाँति-भाँति के भयंकर शस्त्रों से लड़ते हुए उन दोनों वीरों के युद्ध को देखने लगे, जो मानो सृष्टि के प्रलय के समान प्रतीत हो रहा था।

श्लोक 46 (yuddha.102.46)

ऊचुः सुरासुराः सर्वे तदा विग्रहमागताः। प्रेक्षमाणा महद्युद्धं वाक्यं भक्त्या प्रहृष्टवत् ॥ 102.46 ॥

ūcuḥ surāsurāḥ sarve tadā vigrahamāgatāḥ| prekṣamāṇā mahadyuddhaṃ vākyaṃ bhaktyā prahṛṣṭavat || 102.46 ||

उस महान युद्ध को देखने वहाँ आए हुए सभी देवता और असुर हर्षित होकर श्रद्धापूर्वक यह वचन बोल उठे —

श्लोक 47 (yuddha.102.47)

दशग्रीवं जयेत्याहुरसुराः समवस्थिताः। देवा राममवोचंस्ते त्वं जयेति पुनः पुनः ॥ 102.47 ॥

daśagrīvaṃ jayetyāhurasurāḥ samavasthitāḥ| devā rāmamavocaṃste tvaṃ jayeti punaḥ punaḥ || 102.47 ||

वहाँ खड़े असुर "दशग्रीव की जय हो" कहने लगे, और देवता बार-बार "राम, तुम्हारी जय हो" कहने लगे।

श्लोक 48 (yuddha.102.48)

एतस्मिन्नन्तरे क्रोधाद्राघवस्य स रावणः। प्रहर्तुकामो दुष्टात्मा स्पृशन् प्रहरणं महत् ॥ 102.48 ॥

etasminnantare krodhādrāghavasya sa rāvaṇaḥ| prahartukāmo duṣṭātmā spṛśan praharaṇaṃ mahat || 102.48 ||

इसी बीच वह दुष्टात्मा रावण, राघव पर क्रोधवश प्रहार करने की इच्छा से एक महान अस्त्र का स्पर्श करते हुए,

श्लोक 49 (yuddha.102.49)

वज्रसारं महानादं सर्वशत्रुनिबर्हणम्। शैलशृङ्गनिभैः कूटैश्चित्तदृष्टिभयावहम् ॥ 102.49 ॥

vajrasāraṃ mahānādaṃ sarvaśatrunibarhaṇam| śailaśṛṅganibhaiḥ kūṭaiścittadṛṣṭibhayāvaham || 102.49 ||

वज्र के समान सारवाला, महानाद करने वाला, समस्त शत्रुओं का नाशक, पर्वत-शिखरों के समान नोकों से मन और दृष्टि दोनों को भयभीत कर देने वाला,

श्लोक 50 (yuddha.102.50)

सधूममिव तीक्ष्णाग्रं युगान्ताग्निचयोपमम्। अतिरौद्रमनासाद्यं कालेनापि दुरासदम् ॥ 102.50 ॥

sadhūmamiva tīkṣṇāgraṃ yugāntāgnicayopamam| atiraudramanāsādyaṃ kālenāpi durāsadam || 102.50 ||

धुएँ से युक्त-सा तीक्ष्ण अग्रभाग वाला, प्रलयकाल की अग्नि के समूह के समान, अत्यंत भयंकर, दुर्गम, यहाँ तक कि काल के लिए भी दुर्धर्ष,

श्लोक 51 (yuddha.102.51)

त्रासनं सर्वभूतानां दारणं भेदनं तथा। प्रदीप्तमिव रोषेण शूलं जग्राह रावणः ॥ 102.51 ॥

trāsanaṃ sarvabhūtānāṃ dāraṇaṃ bhedanaṃ tathā| pradīptamiva roṣeṇa śūlaṃ jagrāha rāvaṇaḥ || 102.51 ||

समस्त प्राणियों के लिए त्रास उत्पन्न करने वाला, चीरने और भेदने वाला, तथा क्रोध से मानो प्रज्वलित उस शूल (त्रिशूल) को रावण ने हाथ में ले लिया।

श्लोक 52 (yuddha.102.52)

तच्छूलं परमक्रुद्धो मध्ये जग्राह वीर्यवान्। अनीकैः समरे शूरैः राक्षसैः परिवारितः ॥ 102.52 ॥

tacchūlaṃ paramakruddho madhye jagrāha vīryavān| anīkaiḥ samare śūraiḥ rākṣasaiḥ parivāritaḥ || 102.52 ||

युद्ध में शूरवीर राक्षस-सैनिकों से घिरा हुआ, वह वीर्यवान रावण अत्यंत क्रुद्ध होकर उस शूल को बीचोबीच से पकड़ बैठा।

श्लोक 53 (yuddha.102.53)

समुद्यम्य महाकायो ननाद युधि भैरवम्। संरक्तनयनो रोषात् स्वसैन्यमभिहर्षयन् ॥ 102.53 ॥

samudyamya mahākāyo nanāda yudhi bhairavam| saṃraktanayano roṣāt svasainyamabhiharṣayan || 102.53 ||

विशाल शरीर वाले रावण ने क्रोध से रक्त-नेत्र होकर, अपनी सेना को उत्साहित करते हुए उसे ऊपर उठाकर युद्धभूमि में भयंकर गर्जना की।

श्लोक 54 (yuddha.102.54)

पृथिवीं चान्तरिक्षं च दिशश्च प्रदिशस्तथा। प्राकम्पयत्तदा शब्दो राक्षसेन्द्रस्य दारुणः ॥ 102.54 ॥

pṛthivīṃ cāntarikṣaṃ ca diśaśca pradiśastathā| prākampayattadā śabdo rākṣasendrasya dāruṇaḥ || 102.54 ||

राक्षसराज की उस भयंकर गर्जना ने पृथ्वी, अंतरिक्ष, दिशाओं और उपदिशाओं तक को कँपा दिया।

श्लोक 55 (yuddha.102.55)

अतिकायस्य नादेन तेन तस्य दुरात्मनः। सर्वभूतानि वित्रेसुः सागरश्च प्रचुक्षुभे ॥ 102.55 ॥

atikāyasya nādena tena tasya durātmanaḥ| sarvabhūtāni vitresuḥ sāgaraśca pracukṣubhe || 102.55 ||

उस विशालकाय दुरात्मा की उस गर्जना से समस्त प्राणी भयभीत हो उठे, और समुद्र भी क्षुब्ध हो गया।

श्लोक 56 (yuddha.102.56)

स गृहीत्वा महावीर्यः शूलं तद्रावणो महत्। विनद्य सुमहानादं रामं परुषमब्रवीत् ॥ 102.56 ॥

sa gṛhītvā mahāvīryaḥ śūlaṃ tadrāvaṇo mahat| vinadya sumahānādaṃ rāmaṃ paruṣamabravīt || 102.56 ||

महापराक्रमी रावण उस विशाल शूल को हाथ में लेकर, अत्यंत भयंकर गर्जना करते हुए राम से कठोर वचन बोला:

श्लोक 57 (yuddha.102.57)

शूलोऽयं वज्रसारस्ते राम रोषान्मयोद्यतः। तव भ्रातृसहायस्य सम्यक् प्राणान् हरिष्यति ॥ 102.57 ॥

śūlo'yaṃ vajrasāraste rāma roṣānmayodyataḥ| tava bhrātṛsahāyasya samyak prāṇān hariṣyati || 102.57 ||

"हे राम, क्रोध से मेरे द्वारा उठाया गया यह वज्र-सार शूल तुम्हारे प्राण, तुम्हारे सहायक भाई के प्राणों सहित, निश्चय ही हर लेगा।

श्लोक 58 (yuddha.102.58)

रक्षसामद्य शूराणां निहतानां चमूमुखे। त्वां निहत्य रणश्लाघी करोमि तरसा समम् ॥ 102.58 ॥

rakṣasāmadya śūrāṇāṃ nihatānāṃ camūmukhe| tvāṃ nihatya raṇaślāghī karomi tarasā samam || 102.58 ||

युद्ध के मोर्चे पर मारे गए शूरवीर राक्षसों के समान, हे युद्ध-प्रशंसक, मैं अपने बल से आज तुम्हें भी मारकर उन्हीं के समान बना दूँगा।

श्लोक 59 (yuddha.102.59)

तिष्ठेदानीं निहन्मि त्वामेष शूलेन राघव। एवमुक्त्वा स चिक्षेप तच्छूलं राक्षसाधिपः ॥ 102.59 ॥

tiṣṭhedānīṃ nihanmi tvāmeṣa śūlena rāghava| evamuktvā sa cikṣepa tacchūlaṃ rākṣasādhipaḥ || 102.59 ||

हे राघव, अब ठहरो, मैं इसी शूल से तुम्हें अभी मार डालता हूँ।" ऐसा कहकर उस राक्षसाधिप ने वह शूल फेंक दिया।

श्लोक 60 (yuddha.102.60)

तद्रावणकरान्मुक्तं विद्युन्मालासमावृतम्। अष्टघण्टं महानादं वियद्गतमशोभत ॥ 102.60 ॥

tadrāvaṇakarānmuktaṃ vidyunmālāsamāvṛtam| aṣṭaghaṇṭaṃ mahānādaṃ viyadgatamaśobhata || 102.60 ||

बिजली की माला से घिरा हुआ, आठ घंटियों वाला और महानाद करता हुआ वह शूल, रावण के हाथ से छूटकर आकाश में जाता हुआ अत्यंत शोभायमान हुआ।

श्लोक 61 (yuddha.102.61)

तच्छूलं राघवो दृष्ट्वा ज्वलन्तं घोरदर्शनम्। ससर्ज विशिखान् रामश्चापमायम्य वीर्यवान् ॥ 102.61 ॥

tacchūlaṃ rāghavo dṛṣṭvā jvalantaṃ ghoradarśanam| sasarja viśikhān rāmaścāpamāyamya vīryavān || 102.61 ||

उस प्रज्वलित, भयंकर दिखने वाले शूल को देखकर वीर्यवान राघव राम ने धनुष खींचकर बाण छोड़े।

श्लोक 62 (yuddha.102.62)

आपतन्तं शरौघेण वारयामास राघवः। उत्पतन्तं युगान्ताग्निं जलौघैरिव वासवः ॥ 102.62 ॥

āpatantaṃ śaraugheṇa vārayāmāsa rāghavaḥ| utpatantaṃ yugāntāgniṃ jalaughairiva vāsavaḥ || 102.62 ||

राघव ने बाणों की झड़ी से उस झपटते हुए शूल को उसी प्रकार रोक दिया, जैसे इन्द्र जल की धाराओं से प्रलयकाल की उठती हुई अग्नि को रोकते हैं।

श्लोक 63 (yuddha.102.63)

निर्ददाह स तान् बाणान् रामकार्मुकनिःसृतान्। रावणस्य महान् शूलः पतङ्गानिव पावकः ॥ 102.63 ॥

nirdadāha sa tān bāṇān rāmakārmukaniḥsṛtān| rāvaṇasya mahān śūlaḥ pataṅgāniva pāvakaḥ || 102.63 ||

रावण का वह विशाल शूल, राम के धनुष से छूटे उन बाणों को उसी प्रकार भस्म कर गया, जैसे अग्नि पतंगों को भस्म कर देती है।

श्लोक 64 (yuddha.102.64)

तान् दृष्ट्वा भस्मसाद्भूतान् शूलसंस्पर्शचूर्णितान्। सायकानन्तरिक्षस्थान् राघवः क्रोधमाहरत् ॥ 102.64 ॥

tān dṛṣṭvā bhasmasādbhūtān śūlasaṃsparśacūrṇitān| sāyakānantarikṣasthān rāghavaḥ krodhamāharat || 102.64 ||

आकाश में ही शूल के स्पर्श से चूर-चूर होकर भस्म हो चुके उन बाणों को देखकर राघव क्रोध से भर उठे।

श्लोक 65 (yuddha.102.65)

स तां मातलिनानीतां शक्तिं वासवसंमताम्। जग्राह परमक्रुद्धो राघवो रघुनन्दनः ॥ 102.65 ॥

sa tāṃ mātalinānītāṃ śaktiṃ vāsavasaṃmatām| jagrāha paramakruddho rāghavo raghunandanaḥ || 102.65 ||

अत्यंत क्रुद्ध होकर रघुकुल के आनन्दवर्धक राघव ने मातलि द्वारा लाई गई और इन्द्र द्वारा अनुमोदित उस शक्ति (भाले) को हाथ में ले लिया।

श्लोक 66 (yuddha.102.66)

सा तोलिता बलवता शक्तिर्घण्टाकृतस्वना। नभः प्रज्वालयामास युगान्तोल्केव सप्रभा ॥ 102.66 ॥

sā tolitā balavatā śaktirghaṇṭākṛtasvanā| nabhaḥ prajvālayāmāsa yugāntolkeva saprabhā || 102.66 ||

उस बलवान राम द्वारा उठाया गया, घंटियों की ध्वनि करता हुआ वह भाला आकाश को ऐसे प्रज्वलित करने लगा जैसे प्रलयकाल की तेजस्वी उल्का।

श्लोक 67 (yuddha.102.67)

सा क्षिप्ता राक्षसेन्द्रस्य तस्मिन् शूले पपात ह। भिन्नः शक्त्या महान् शूलो निपपात हतद्युतिः ॥ 102.67 ॥

sā kṣiptā rākṣasendrasya tasmin śūle papāta ha| bhinnaḥ śaktyā mahān śūlo nipapāta hatadyutiḥ || 102.67 ||

फेंकी गई वह शक्ति राक्षसराज के उस शूल पर जा गिरी। उस शक्ति से विदीर्ण होकर वह विशाल शूल अपनी सारी कान्ति खोकर भूमि पर गिर पड़ा।

श्लोक 68 (yuddha.102.68)

निर्बिभेद ततो बाणैर्हयानस्य महाजवान्। रामस्तीक्ष्णैर्महावेगैर्बाणवद्भिरजिह्मगैः ॥ 102.68 ॥

nirbibheda tato bāṇairhayānasya mahājavān| rāmastīkṣṇairmahāvegairbāṇavadbhirajihmagaiḥ || 102.68 ||

तब राम ने तीक्ष्ण, अत्यंत वेगवान, सीधे लक्ष्य पर जाने वाले बाणों से रावण के अत्यंत वेगवान अश्वों को बींध डाला।

श्लोक 69 (yuddha.102.69)

निर्बिभेदोरसि तदा रावणं निशितैः शरैः। राघवः परमायत्तो ललाटे पत्त्रिभिस्त्रिभिः ॥ 102.69 ॥

nirbibhedorasi tadā rāvaṇaṃ niśitaiḥ śaraiḥ| rāghavaḥ paramāyatto lalāṭe pattribhistribhiḥ || 102.69 ||

फिर राघव ने अपने तीक्ष्ण बाणों से रावण की छाती को बींध डाला, और अत्यंत सावधानी से उसके ललाट पर तीन बाण भी मारे।

श्लोक 70 (yuddha.102.70)

स शरैर्भिन्नसर्वाङ्गो गात्रप्रसृतशोणितः। राक्षसेन्द्रः समूहस्थः पुल्लाशोक इवाबभौ ॥ 102.70 ॥

sa śarairbhinnasarvāṅgo gātraprasṛtaśoṇitaḥ| rākṣasendraḥ samūhasthaḥ pullāśoka ivābabhau || 102.70 ||

बाणों से अपने समस्त अंगों में बिंधा हुआ, अंगों से रक्त बहाता हुआ वह राक्षसराज, अपनी सेना के बीच खिले हुए अशोक वृक्ष के समान शोभित हो उठा।

श्लोक 71 (yuddha.102.71)

स रामबाणैरतिविद्धगात्रो। निशाचरेन्द्रः क्षतजार्द्रगात्रः। जगाम खेदं च समाजमध्ये। क्रोधं च चक्रे सुभृशं तदानीम् ॥ 102.71 ॥

sa rāmabāṇairatividdhagātro| niśācarendraḥ kṣatajārdragātraḥ| jagāma khedaṃ ca samājamadhye| krodhaṃ ca cakre subhṛśaṃ tadānīm || 102.71 ||

राम के बाणों से अपने अंग बुरी तरह बिंधे हुए और रक्त से भीगे अंगों वाला वह निशाचरराज अपनी सेना के बीच थकान से भर गया, और उसी क्षण अत्यंत क्रोध से भी भर उठा।