लक्ष्मण की चिकित्सा

श्लोक 1 (yuddha.101.1)

शक्त्या निपातितं दृष्ट्वा रावणेन बलीयसा। लक्ष्मणं समरे शूरं शोणितौघपरिप्लुतम् ॥ 101.1 ॥

śaktyā nipātitaṃ dṛṣṭvā rāvaṇena balīyasā| lakṣmaṇaṃ samare śūraṃ śoṇitaughapariplutam || 101.1 ||

बलवान रावण के शक्ति-प्रहार से युद्ध में गिराए गए और रक्त की धारा में डूबे हुए शूरवीर लक्ष्मण को देखकर,

श्लोक 2 (yuddha.101.2)

स दत्त्वा तुमुलं युद्धं रावणस्य दुरात्मनः। विसृजन्नेव बाणौघान् सुषेणं वाक्यमब्रवीत् ॥ 101.2 ॥

sa dattvā tumulaṃ yuddhaṃ rāvaṇasya durātmanaḥ| visṛjanneva bāṇaughān suṣeṇaṃ vākyamabravīt || 101.2 ||

राम दुरात्मा रावण से घोर युद्ध करते हुए और बाणों की झड़ी लगाते हुए भी, सुषेण से यह वचन बोले:

श्लोक 3 (yuddha.101.3)

एष रावणवेगेन लक्ष्मणः पतितः क्षितौ। सर्पवद्वेष्टते वीरो मम शोकमुदीरयन् ॥ 101.3 ॥

eṣa rāvaṇavegena lakṣmaṇaḥ patitaḥ kṣitau| sarpavadveṣṭate vīro mama śokamudīrayan || 101.3 ||

"यह देखो, रावण के प्रबल आघात से लक्ष्मण भूमि पर गिर पड़े हैं; यह वीर सर्प के समान तड़प रहा है, और मेरे शोक को और बढ़ा रहा है।"

श्लोक 4 (yuddha.101.4)

शोणितार्द्रमिमं वीरं प्राणैरिष्टतरं मम। पश्यतो मम का शक्तिर्योद्धुं पर्याकुलात्मनः ॥ 101.4 ॥

śoṇitārdramimaṃ vīraṃ prāṇairiṣṭataraṃ mama| paśyato mama kā śaktiryoddhuṃ paryākulātmanaḥ || 101.4 ||

"रक्त से भीगे हुए, मुझे प्राणों से भी अधिक प्रिय इस वीर को देखकर, व्याकुल-चित्त मुझमें युद्ध करने की सामर्थ्य ही कहाँ बची है?"

श्लोक 5 (yuddha.101.5)

अयं स समरश्लाघी भ्राता मे शुभलक्षणः। यदि पञ्चत्वमापन्नः प्राणैर्मे किं सुखेन वा ॥ 101.5 ॥

ayaṃ sa samaraślāghī bhrātā me śubhalakṣaṇaḥ| yadi pañcatvamāpannaḥ prāṇairme kiṃ sukhena vā || 101.5 ||

"यदि युद्ध की प्रशंसा करने वाला, शुभ लक्षणों से युक्त मेरा यह भाई मृत्यु को प्राप्त हो गया है, तो मेरे प्राणों अथवा सुख से क्या लाभ?"

श्लोक 6 (yuddha.101.6)

लज्जतीव हि मे वीर्यं भ्रश्यतीव कराद्धनुः। सायका व्यवसीदन्ति दृष्टिर्बाष्पवशं गता ॥ 101.6 ॥

lajjatīva hi me vīryaṃ bhraśyatīva karāddhanuḥ| sāyakā vyavasīdanti dṛṣṭirbāṣpavaśaṃ gatā || 101.6 ||

"मेरा पराक्रम मानो लज्जित हो रहा है, हाथ से धनुष मानो छूटा जा रहा है, बाण गिरे जा रहे हैं, और मेरी दृष्टि आँसुओं से धुँधली हो गई है।"

श्लोक 7 (yuddha.101.7)

अवसीदन्ति गात्राणि स्वप्नयाने नृणामिव। चिन्ता मे वर्धते तीव्रा मुमूर्षापि च जायते ॥ 101.7 ॥

avasīdanti gātrāṇi svapnayāne nṛṇāmiva| cintā me vardhate tīvrā mumūrṣāpi ca jāyate || 101.7 ||

"मेरे अंग वैसे ही शिथिल पड़ रहे हैं जैसे स्वप्न में चलते हुए मनुष्य के होते हैं; मेरी चिंता तीव्र होती जा रही है, और मुझे मृत्यु की इच्छा तक होने लगी है।"

श्लोक 8 (yuddha.101.8)

भ्रातरं निहतं दृष्ट्वा रावणेन दुरात्मना। विष्टनन्तं तु दुःखार्तं मर्मण्यभिहतं भृशम् ॥ 101.8 ॥

bhrātaraṃ nihataṃ dṛṣṭvā rāvaṇena durātmanā| viṣṭanantaṃ tu duḥkhārtaṃ marmaṇyabhihataṃ bhṛśam || 101.8 ||

दुरात्मा रावण द्वारा घायल किए गए, पीड़ा से कराहते हुए और मर्मस्थलों में गहरी चोट खाए हुए अपने भाई को देखकर,

श्लोक 9 (yuddha.101.9)

राघवो भ्रातरं दृष्ट्वा प्रियं प्राणं बहिश्चरम्। दुःखेन महताविष्टो ध्यानशोकपरायणः ॥ 101.9 ॥

rāghavo bhrātaraṃ dṛṣṭvā priyaṃ prāṇaṃ bahiścaram| duḥkhena mahatāviṣṭo dhyānaśokaparāyaṇaḥ || 101.9 ||

राघव अपने प्रिय भाई को, जो मानो उनके शरीर से बाहर विचरण करता उनका प्राण ही हो, इस अवस्था में देखकर अत्यंत दुःख से भर गए और गहन चिंता तथा शोक में डूब गए।

श्लोक 10 (yuddha.101.10)

परं विषादमापन्नो विललापाकुलेन्द्रियः। न हि युद्धेन मे कार्यं नैव प्राणैर्न सीतया ॥ 101.10 ॥

paraṃ viṣādamāpanno vilalāpākulendriyaḥ| na hi yuddhena me kāryaṃ naiva prāṇairna sītayā || 101.10 ||

अत्यंत विषाद में डूबकर, इंद्रियों को खोए हुए वे विलाप करने लगे: "मुझे न अब युद्ध से कोई प्रयोजन है, न प्राणों से, और न ही सीता से —

श्लोक 11 (yuddha.101.11)

विजयोऽपि हि मे शूर न प्रियायोपकल्पते। अचक्षुर्विषयश्चन्द्रः कां प्रीतिं जनयिष्यति ॥ 101.11 ॥

vijayo'pi hi me śūra na priyāyopakalpate| acakṣurviṣayaścandraḥ kāṃ prītiṃ janayiṣyati || 101.11 ||

"क्योंकि हे वीर, विजय भी अब मुझे प्रसन्नता नहीं दे सकती। जिसकी दृष्टि ही चली गई हो, उसे चंद्रमा भला क्या आनंद देगा?"

श्लोक 12 (yuddha.101.12)

किं मे युद्धेन किं प्राणैर्युद्धकार्यं न विद्यते। यत्रायं निहतः शेते रणमूर्धनि लक्ष्मणः ॥ 101.12 ॥

kiṃ me yuddhena kiṃ prāṇairyuddhakāryaṃ na vidyate| yatrāyaṃ nihataḥ śete raṇamūrdhani lakṣmaṇaḥ || 101.12 ||

"मुझे युद्ध से क्या, प्राणों से क्या? जब यह लक्ष्मण युद्ध के अग्रभाग में मारा हुआ पड़ा है, तब मेरे लिए युद्ध करने का कोई प्रयोजन ही नहीं रह गया।"

श्लोक 13 (yuddha.101.13)

यथैव मां वनं यान्तमनुयाति महाद्युतिः। अहमप्यनुयास्यामि तथैवैनं यमक्षयम् ॥ 101.13 ॥

yathaiva māṃ vanaṃ yāntamanuyāti mahādyutiḥ| ahamapyanuyāsyāmi tathaivainaṃ yamakṣayam || 101.13 ||

"जिस प्रकार यह महातेजस्वी भाई वन जाते समय मेरे पीछे-पीछे आया था, उसी प्रकार अब मैं भी इसके पीछे यमलोक को चला जाऊँगा।"

श्लोक 14 (yuddha.101.14)

इष्टबन्धुजनो नित्यं मां स नित्यमनुव्रतः। इमामवस्थां गमितो राक्षसैः कूटयोधिभिः ॥ 101.14 ॥

iṣṭabandhujano nityaṃ māṃ sa nityamanuvrataḥ| imāmavasthāṃ gamito rākṣasaiḥ kūṭayodhibhiḥ || 101.14 ||

"जो अपने प्रियजनों से सदा स्नेह रखता था और सदा मेरे प्रति अनुरक्त रहा, छल से युद्ध करने वाले उन राक्षसों ने उसे इस दशा में ला पटका है।"

श्लोक 15 (yuddha.101.15)

देशे देशे कलत्राणि देशे देशे च बान्धवाः। तं तु देशं न पश्यामि यत्र भ्राता सहोदरः ॥ 101.15 ॥

deśe deśe kalatrāṇi deśe deśe ca bāndhavāḥ| taṃ tu deśaṃ na paśyāmi yatra bhrātā sahodaraḥ || 101.15 ||

"पत्नियाँ तो हर देश में मिल जाती हैं, और बांधव भी हर देश में मिल जाते हैं, परन्तु ऐसा कोई देश मुझे नहीं दिखता जहाँ सहोदर भाई पुनः मिल सके।"

श्लोक 16 (yuddha.101.16)

इत्येवं विलपन्तं तं शोकविह्वलितेन्द्रियम्। विवेष्टमानं करुणमुच्छ्वसन्तं पुनः पुनः ॥ 101.16 ॥

ityevaṃ vilapantaṃ taṃ śokavihvalitendriyam| viveṣṭamānaṃ karuṇamucchvasantaṃ punaḥ punaḥ || 101.16 ||

इस प्रकार विलाप करते हुए, शोक से व्याकुल इंद्रियों वाले, करुणापूर्वक तड़पते और बार-बार लंबी साँसें लेते हुए राम को वानरों ने देखा।

श्लोक 17 (yuddha.101.17)

किं नु राज्येन दुर्धर्षलक्ष्मणेन विना मम। कथं वक्ष्याम्यहं त्वम्बां सुमित्रां पुत्रवत्सलाम् ॥ 101.17 ॥

kiṃ nu rājyena durdharṣalakṣmaṇena vinā mama| kathaṃ vakṣyāmyahaṃ tvambāṃ sumitrāṃ putravatsalām || 101.17 ||

"दुर्जेय लक्ष्मण के बिना मुझे राज्य से क्या लाभ? मैं पुत्र-वत्सला माता सुमित्रा से क्या कहूँगा?"

श्लोक 18 (yuddha.101.18)

उपालम्भं न शक्ष्यामि सोढुं दत्तं सुमित्रया। किं नु वक्ष्यामि कौसल्यां मातरं किं नु कैकयीम् ॥ 101.18 ॥

upālambhaṃ na śakṣyāmi soḍhuṃ dattaṃ sumitrayā| kiṃ nu vakṣyāmi kausalyāṃ mātaraṃ kiṃ nu kaikayīm || 101.18 ||

"सुमित्रा द्वारा दिए गए उलाहने को मैं सह नहीं सकूँगा। माता कौसल्या से मैं क्या कहूँगा, और कैकेयी से ही क्या कहूँगा?"

श्लोक 19 (yuddha.101.19)

भरतं किं नु वक्ष्यामि शत्रुघ्नं च महाबलम्। सह तेन वनं यातो विना तेनागतः कथम् ॥ 101.19 ॥

bharataṃ kiṃ nu vakṣyāmi śatrughnaṃ ca mahābalam| saha tena vanaṃ yāto vinā tenāgataḥ katham || 101.19 ||

"मैं भरत से क्या कहूँगा, और महाबली शत्रुघ्न से ही क्या? मैं तो उसके साथ वन गया था, अब उसके बिना कैसे लौटूँगा?"

श्लोक 20 (yuddha.101.20)

इहैव मरणं श्रेयो न तु बन्धुविगर्हणम्। किं मया दुष्कृतं कर्म कृतमन्यत्र जन्मनि ॥ 101.20 ॥

ihaiva maraṇaṃ śreyo na tu bandhuvigarhaṇam| kiṃ mayā duṣkṛtaṃ karma kṛtamanyatra janmani || 101.20 ||

"यहीं मर जाना श्रेयस्कर है, परंतु अपने बंधुजनों के उलाहने सहना नहीं। न जाने किसी अन्य जन्म में मैंने कौन-सा पाप किया था,

श्लोक 21 (yuddha.101.21)

येन मे धार्मिको भ्राता निहतश्चाग्रतः स्थितः। हा भ्रातर्मनुजश्रेष्ठ शूराणां प्रवर प्रभो ॥ 101.21 ॥

yena me dhārmiko bhrātā nihataścāgrataḥ sthitaḥ| hā bhrātarmanujaśreṣṭha śūrāṇāṃ pravara prabho || 101.21 ||

"जिसके कारण मेरा यह धर्मात्मा भाई मेरे सामने ही मारा हुआ पड़ा है! हाय भाई, हे मनुष्यों में श्रेष्ठ, वीरों में प्रधान, हे स्वामी!"

श्लोक 22 (yuddha.101.22)

एकाकी किं नु मां त्यक्त्वा परलोकाय गच्छसि। विलपन्तं च मां भ्रातः किमर्थं नावभाषसे ॥ 101.22 ॥

ekākī kiṃ nu māṃ tyaktvā paralokāya gacchasi| vilapantaṃ ca māṃ bhrātaḥ kimarthaṃ nāvabhāṣase || 101.22 ||

"अकेले मुझे छोड़कर तुम परलोक क्यों जा रहे हो? हे भाई, विलाप करते हुए मुझसे तुम बात क्यों नहीं करते?"

श्लोक 23 (yuddha.101.23)

उत्तिष्ठ पश्य किं शेषे दीनं मां पश्य चक्षुषा। शोकार्तस्य प्रमत्तस्य पर्वतेषु वनेषु च ॥ 101.23 ॥

uttiṣṭha paśya kiṃ śeṣe dīnaṃ māṃ paśya cakṣuṣā| śokārtasya pramattasya parvateṣu vaneṣu ca || 101.23 ||

"उठो, देखो! क्यों पड़े हो? अपनी आँखों से इस दीन मुझको देखो — तुम जो पर्वतों और वनों में

श्लोक 24 (yuddha.101.24)

विषण्णस्य महाबाहो समाश्वासयिता मम। राममेवं ब्रुवाणं तु शोकव्याकुलितेन्द्रियम् ॥ 101.24 ॥

viṣaṇṇasya mahābāho samāśvāsayitā mama| rāmamevaṃ bruvāṇaṃ tu śokavyākulitendriyam || 101.24 ||

जब भी मैं उदास और खिन्न होता था, तब हे महाबाहु, तुम ही मेरे सांत्वनादाता रहे हो।" इस प्रकार शोक से व्याकुल इंद्रियों वाले राम के बोलते समय,

श्लोक 25 (yuddha.101.25)

आश्वासयन्नुवाचेदं सुषेणः परमं वचः। त्यजेमां नरशार्दूल बुद्धिं वैक्लव्यकारिणीम् ॥ 101.25 ॥

āśvāsayannuvācedaṃ suṣeṇaḥ paramaṃ vacaḥ| tyajemāṃ naraśārdūla buddhiṃ vaiklavyakāriṇīm || 101.25 ||

सुषेण ने उन्हें सांत्वना देते हुए यह श्रेष्ठ वचन कहा: "हे नरश्रेष्ठ, इस व्याकुलता उत्पन्न करने वाली बुद्धि को त्याग दो,

श्लोक 26 (yuddha.101.26)

शोकसंजननीं चिन्तां तुल्यां बाणैश्चमूमुखे। नैव पञ्चत्वमापन्नो लक्ष्मणो लक्ष्मिवर्धनः ॥ 101.26 ॥

śokasaṃjananīṃ cintāṃ tulyāṃ bāṇaiścamūmukhe| naiva pañcatvamāpanno lakṣmaṇo lakṣmivardhanaḥ || 101.26 ||

"यह शोक उत्पन्न करने वाली चिंता तो युद्ध के मोर्चे पर बाणों के समान बेधने वाली है। समृद्धि बढ़ाने वाला यह लक्ष्मण मृत्यु को प्राप्त नहीं हुआ है।

श्लोक 27 (yuddha.101.27)

नह्यस्य विकृतं वक्त्रं न च श्यामत्वमागतम्। सुप्रभं च प्रसन्नं च मुखमस्य निरीक्ष्यताम् ॥ 101.27 ॥

nahyasya vikṛtaṃ vaktraṃ na ca śyāmatvamāgatam| suprabhaṃ ca prasannaṃ ca mukhamasya nirīkṣyatām || 101.27 ||

"न तो उसका मुख विकृत हुआ है, न ही उस पर कालापन आया है। देखो, उसका मुख अब भी कैसा उज्ज्वल और प्रसन्न दिख रहा है।

श्लोक 28 (yuddha.101.28)

पद्मपत्रतलौ हस्तौ सुप्रसन्ने च लोचने। नेदृशं दृश्यते रूपं गतासूनां विशां पते ॥ 101.28 ॥

padmapatratalau hastau suprasanne ca locane| nedṛśaṃ dṛśyate rūpaṃ gatāsūnāṃ viśāṃ pate || 101.28 ||

"उसके दोनों हाथ कमल-दल के समान कोमल हैं, और दोनों नेत्र भी निर्मल हैं। हे राजन, प्राणहीन व्यक्ति का रूप ऐसा कभी नहीं होता।

श्लोक 29 (yuddha.101.29)

विषादं मा कृथा वीर सप्राणोऽयमरिंदम। आख्याति तु प्रसुप्तस्य स्रस्तगात्रस्य भूतले ॥ 101.29 ॥

viṣādaṃ mā kṛthā vīra saprāṇo'yamariṃdama| ākhyāti tu prasuptasya srastagātrasya bhūtale || 101.29 ||

"हे वीर शत्रुदमन, विषाद मत करो, यह अभी सप्राण है। देखो, भूमि पर सोए हुए, शिथिल अंगों वाले इसका हृदय

श्लोक 30 (yuddha.101.30)

सोच्छ्वासं हृदयं वीर कम्पमानं मुहुर्मुहुः। एवमुक्त्वा महाप्राज्ञः सुषेणो राघवं वचः ॥ 101.30 ॥

socchvāsaṃ hṛdayaṃ vīra kampamānaṃ muhurmuhuḥ| evamuktvā mahāprājñaḥ suṣeṇo rāghavaṃ vacaḥ || 101.30 ||

"श्वास के साथ बार-बार धड़क रहा है, हे वीर।" राघव से यह वचन कहकर, महाप्राज्ञ सुषेण ने

श्लोक 31 (yuddha.101.31)

समीपस्थमुवाचेदं हनूमन्तं महाकपिम्। सौम्य शीघ्रमितो गत्वा पर्वतं हि महोदयम् ॥ 101.31 ॥

samīpasthamuvācedaṃ hanūmantaṃ mahākapim| saumya śīghramito gatvā parvataṃ hi mahodayam || 101.31 ||

पास खड़े महाकपि हनुमान से यह कहा: "हे सौम्य, यहाँ से शीघ्र ही महोदय नामक पर्वत पर जाओ —

श्लोक 32 (yuddha.101.32)

पूर्वं तु कथितो योऽसौ वीर जाम्बवता तव। दक्षिणे शिखरे जातां महौषधिमिहानय ॥ 101.32 ॥

pūrvaṃ tu kathito yo'sau vīra jāmbavatā tava| dakṣiṇe śikhare jātāṃ mahauṣadhimihānaya || 101.32 ||

"जिसका वर्णन पहले ही तुमसे जाम्बवान कर चुके हैं, हे वीर — और उसके दक्षिणी शिखर पर उगी उस महाऔषधि को यहाँ ले आओ,

श्लोक 33 (yuddha.101.33)

विशल्यकरणीं नाम्ना सावर्ण्यकरणीं तथा। संजीवकरणीं वीर संधानीं च महौषधीम् ॥ 101.33 ॥

viśalyakaraṇīṃ nāmnā sāvarṇyakaraṇīṃ tathā| saṃjīvakaraṇīṃ vīra saṃdhānīṃ ca mahauṣadhīm || 101.33 ||

"विशल्यकरणी नामक, वैसे ही सावर्ण्यकरणी, संजीवकरणी, हे वीर, और संधानी नामक महाऔषधि को भी —

श्लोक 34 (yuddha.101.34)

संजीवनार्थं वीरस्य लक्ष्मणस्य महात्मनः। इत्येवमुक्तो हनुमान्गत्वा चौषधिपर्वतम् ॥ 101.34 ॥

saṃjīvanārthaṃ vīrasya lakṣmaṇasya mahātmanaḥ| ityevamukto hanumāngatvā cauṣadhiparvatam || 101.34 ||

"महात्मा वीर लक्ष्मण को पुनः जीवित करने के लिए।" इस प्रकार आदेश पाकर हनुमान उस औषधि-पर्वत पर गए,

श्लोक 35 (yuddha.101.35)

चिन्तामभ्यगमच्छ्रीमानजानंस्ता महौषधीः। तस्य बुद्धिः समुत्पन्ना मारुतेरमितौजसः ॥ 101.35 ॥

cintāmabhyagamacchrīmānajānaṃstā mahauṣadhīḥ| tasya buddhiḥ samutpannā māruteramitaujasaḥ || 101.35 ||

परंतु उन महाऔषधियों को न पहचान पाने के कारण वह श्रीमान चिंता में पड़ गए। तब उस अमित तेजस्वी हनुमान के मन में यह विचार उठा:

श्लोक 36 (yuddha.101.36)

इदमेव गमिष्यामि गृहीत्वा शिखरं गिरेः। अस्मिंस्तु शिखरे जातामोषधीं तां सुखावहाम् ॥ 101.36 ॥

idameva gamiṣyāmi gṛhītvā śikharaṃ gireḥ| asmiṃstu śikhare jātāmoṣadhīṃ tāṃ sukhāvahām || 101.36 ||

"मैं इसी पर्वत-शिखर को लेकर ही चला जाऊँगा — क्योंकि अनुमान से मैं समझता हूँ कि वह सुखदायी औषधि

श्लोक 37 (yuddha.101.37)

प्रतर्केणावगच्छामि सुषेणो ह्येवमब्रवीत्। अगृह्य यदि गच्छामि विशल्यकरणीमहम् ॥ 101.37 ॥

pratarkeṇāvagacchāmi suṣeṇo hyevamabravīt| agṛhya yadi gacchāmi viśalyakaraṇīmaham || 101.37 ||

"इसी शिखर पर उगी होगी, क्योंकि सुषेण ने ऐसा ही कहा था। यदि मैं विशल्यकरणी को लिए बिना ही चला गया,

श्लोक 38 (yuddha.101.38)

कालात्ययेन दोषः स्याद्वैक्लव्यं च महद्भवेत्। इति संचिन्त्य हनुमान्गत्वा क्षिप्रं महाबलः ॥ 101.38 ॥

kālātyayena doṣaḥ syādvaiklavyaṃ ca mahadbhavet| iti saṃcintya hanumāngatvā kṣipraṃ mahābalaḥ || 101.38 ||

"तो समय बीत जाने से हानि हो सकती है, और बड़ा संकट खड़ा हो सकता है।" ऐसा विचार कर महाबली हनुमान शीघ्र ही वहाँ पहुँचे,

श्लोक 39 (yuddha.101.39)

आसाद्य पर्वतश्रेष्ठं त्रिः प्रकम्प्य गिरेः शिरः। फुल्लनानातरुगणं समुत्पाट्य महाबलः ॥ 101.39 ॥

āsādya parvataśreṣṭhaṃ triḥ prakampya gireḥ śiraḥ| phullanānātarugaṇaṃ samutpāṭya mahābalaḥ || 101.39 ||

उस श्रेष्ठ पर्वत तक पहुँचकर, उसके शिखर को तीन बार हिलाकर, महाबली हनुमान ने विविध खिले हुए वृक्षों से युक्त उस शिखर को उखाड़ लिया,

श्लोक 40 (yuddha.101.40)

गृहीत्वा हरिशार्दूलो हस्ताभ्यां समतोलयत्। स नीलमिव जीमूतं तोयपूर्णं नभस्तलात् ॥ 101.40 ॥

gṛhītvā hariśārdūlo hastābhyāṃ samatolayat| sa nīlamiva jīmūtaṃ toyapūrṇaṃ nabhastalāt || 101.40 ||

और उस वानरश्रेष्ठ ने उसे दोनों हाथों से पकड़कर संतुलित कर लिया। जल से भरे काले मेघ के समान उस पर्वत-शिखर को लेकर,

श्लोक 41 (yuddha.101.41)

उत्पपात गृहीत्वा तु हनूमान् शिखरं गिरेः। समागम्य महावेगः संन्यस्य शिखरं गिरेः ॥ 101.41 ॥

utpapāta gṛhītvā tu hanūmān śikharaṃ gireḥ| samāgamya mahāvegaḥ saṃnyasya śikharaṃ gireḥ || 101.41 ||

हनुमान उस पर्वत-शिखर को लेकर आकाश में उड़ चले। अत्यंत वेग से लौटकर, उस पर्वत-शिखर को नीचे रखकर,

श्लोक 42 (yuddha.101.42)

विश्रम्य किंचिद्धनुमान् सुषेणमिदमब्रवीत्। औषधीर्नावगच्छामि ता अहं हरिपुङ्गव ॥ 101.42 ॥

viśramya kiṃciddhanumān suṣeṇamidamabravīt| auṣadhīrnāvagacchāmi tā ahaṃ haripuṅgava || 101.42 ||

और थोड़ा विश्राम कर हनुमान ने सुषेण से यह कहा: "हे वानरश्रेष्ठ, मैं उन औषधियों को पहचान नहीं पाया —

श्लोक 43 (yuddha.101.43)

तदिदं शिखरं कृत्स्नं गिरेस्तस्याहृतं मया। एवं कथयमानं तु प्रशस्य पवनात्मजम् ॥ 101.43 ॥

tadidaṃ śikharaṃ kṛtsnaṃ girestasyāhṛtaṃ mayā| evaṃ kathayamānaṃ tu praśasya pavanātmajam || 101.43 ||

"इसलिए मैं उस पर्वत का पूरा शिखर ही यहाँ ले आया हूँ।" इस प्रकार कहते हुए उस पवनपुत्र की प्रशंसा करते हुए,

श्लोक 44 (yuddha.101.44)

सुषेणो वानरश्रेष्ठो जग्राहोत्पाट्य चौषधीः। विस्मितास्तु बभूवुस्ते सर्वे वानरपुङ्गवाः ॥ 101.44 ॥

suṣeṇo vānaraśreṣṭho jagrāhotpāṭya cauṣadhīḥ| vismitāstu babhūvuste sarve vānarapuṅgavāḥ || 101.44 ||

वानरश्रेष्ठ सुषेण ने उन औषधियों को उखाड़कर ले लिया। वे सभी प्रमुख वानर आश्चर्यचकित रह गए,

श्लोक 45 (yuddha.101.45)

दृष्ट्वा तु हनुमत्कर्म सुरैरपि सुदुष्करम्। ततः संक्षोदयित्वा तामोषधीं वानरोत्तमः ॥ 101.45 ॥

dṛṣṭvā tu hanumatkarma surairapi suduṣkaram| tataḥ saṃkṣodayitvā tāmoṣadhīṃ vānarottamaḥ || 101.45 ||

हनुमान के उस कार्य को देखकर, जो देवताओं के लिए भी अत्यंत दुष्कर था। तब उस औषधि को पीसकर, वानरश्रेष्ठ

श्लोक 46 (yuddha.101.46)

लक्ष्मणस्य ददौ नस्तः सुषेणः सुमहाद्युतिः। सशल्यः स समाघ्राय लक्ष्मणः परवीरहा ॥ 101.46 ॥

lakṣmaṇasya dadau nastaḥ suṣeṇaḥ sumahādyutiḥ| saśalyaḥ sa samāghrāya lakṣmaṇaḥ paravīrahā || 101.46 ||

महातेजस्वी सुषेण ने उसे लक्ष्मण की नासिका से सुँघा दिया। शत्रुवीरों का नाशक लक्ष्मण, जो अब तक शल्य (बाण का टुकड़ा) समेत था,

श्लोक 47 (yuddha.101.47)

विशल्यो विरुजः शीघ्रमुदतिष्ठन्महीतलात्। तमुत्थितं तु हरयो भूतलात्प्रेक्ष्य लक्ष्मणम् ॥ 101.47 ॥

viśalyo virujaḥ śīghramudatiṣṭhanmahītalāt| tamutthitaṃ tu harayo bhūtalātprekṣya lakṣmaṇam || 101.47 ||

उसे भली-भाँति सूँघते ही शल्य और पीड़ा से मुक्त होकर तुरंत भूमि से उठ खड़े हुए। भूतल से उठे हुए उस लक्ष्मण को देखकर,

श्लोक 48 (yuddha.101.48)

साधुसाध्विति सुप्रीता लक्ष्मणं प्रत्यपूजयन्। एह्येहीत्यब्रवीद्रामो लक्ष्मणं परवीरहा ॥ 101.48 ॥

sādhusādhviti suprītā lakṣmaṇaṃ pratyapūjayan| ehyehītyabravīdrāmo lakṣmaṇaṃ paravīrahā || 101.48 ||

वानरों ने अत्यंत प्रसन्न होकर "साधु साधु" कहकर लक्ष्मण की सराहना की। शत्रुवीरनाशक राम ने लक्ष्मण से कहा, "आओ, आओ!"

श्लोक 49 (yuddha.101.49)

सस्वजे गाढमालिङ्ग्य बाष्पपर्याकुलेक्षणः। अब्रवीच्च परिष्वज्य सौमित्रिं राघवस्तदा ॥ 101.49 ॥

sasvaje gāḍhamāliṅgya bāṣpaparyākulekṣaṇaḥ| abravīcca pariṣvajya saumitriṃ rāghavastadā || 101.49 ||

और आँसुओं से भरे नेत्रों के साथ उन्होंने उसे कसकर गले लगा लिया। तब राघव ने सौमित्रि (लक्ष्मण) को गले लगाकर कहा:

श्लोक 50 (yuddha.101.50)

दिष्ट्या त्वां वीर पश्यामि मरणात्पुनरागतम्। नहि मे जीवितेनार्थः सीतया च जयेन वा ॥ 101.50 ॥

diṣṭyā tvāṃ vīra paśyāmi maraṇātpunarāgatam| nahi me jīvitenārthaḥ sītayā ca jayena vā || 101.50 ||

"सौभाग्य से, हे वीर, मैं तुम्हें मृत्यु से लौटा हुआ देख रहा हूँ। मुझे न अब अपने जीवन से प्रयोजन है, न सीता से, न विजय से —

श्लोक 51 (yuddha.101.51)

को हि मे जीवितेनार्थस्त्वयि पञ्चत्वमागते। इत्येवं वदतस्तस्य राघवस्य महात्मनः ॥ 101.51 ॥

ko hi me jīvitenārthastvayi pañcatvamāgate| ityevaṃ vadatastasya rāghavasya mahātmanaḥ || 101.51 ||

"क्योंकि यदि तुम मृत्यु को प्राप्त हो जाते, तो मेरे जीवन से क्या लाभ होता?" महात्मा राघव के इस प्रकार कहते समय,

श्लोक 52 (yuddha.101.52)

खिन्नः शिथिलया वाचा लक्ष्मणो वाक्यमब्रवीत्। तां प्रतिज्ञां प्रतिज्ञाय पुरा सत्यपराक्रम ॥ 101.52 ॥

khinnaḥ śithilayā vācā lakṣmaṇo vākyamabravīt| tāṃ pratijñāṃ pratijñāya purā satyaparākrama || 101.52 ||

थके हुए लक्ष्मण ने क्षीण वाणी में यह वचन कहा: "हे सत्यपराक्रमी, पहले वह प्रतिज्ञा करके,

श्लोक 53 (yuddha.101.53)

लघुः कश्चिदिवासत्त्वो नैवं त्वं वक्तुमर्हसि। नहि प्रतिज्ञां कुर्वन्ति वितथां सत्यवादिनः ॥ 101.53 ॥

laghuḥ kaścidivāsattvo naivaṃ tvaṃ vaktumarhasi| nahi pratijñāṃ kurvanti vitathāṃ satyavādinaḥ || 101.53 ||

"तुम्हें इस प्रकार किसी दुर्बल, साहसहीन के समान नहीं बोलना चाहिए। सत्यवादी लोग कभी अपनी प्रतिज्ञा को झूठा नहीं होने देते —

श्लोक 54 (yuddha.101.54)

लक्षणं हि महत्त्वस्य प्रतिज्ञापरिपालनम्। नैराश्यमुपगन्तुं च नालं ते मत्कृतेऽनघ ॥ 101.54 ॥

lakṣaṇaṃ hi mahattvasya pratijñāparipālanam| nairāśyamupagantuṃ ca nālaṃ te matkṛte'nagha || 101.54 ||

"प्रतिज्ञा का पालन करना ही महानता का लक्षण है। हे निष्पाप, मेरे कारण निराशा में डूब जाना तुम्हें शोभा नहीं देता —

श्लोक 55 (yuddha.101.55)

वधेन रावणस्याद्य प्रतिज्ञामनुपालय। न जीवन्यास्यते शत्रुस्तव बाणपथं गतः ॥ 101.55 ॥

vadhena rāvaṇasyādya pratijñāmanupālaya| na jīvanyāsyate śatrustava bāṇapathaṃ gataḥ || 101.55 ||

"आज ही रावण का वध करके अपनी प्रतिज्ञा पूरी करो। तुम्हारे बाणों के मार्ग में आकर कोई भी शत्रु जीवित नहीं लौट सकता,

श्लोक 56 (yuddha.101.56)

नर्दतस्तीक्ष्णदंष्ट्रस्य सिंहस्येव महागजः। अहं तु वधमिच्छामि शीघ्रमस्य दुरात्मनः ॥ 101.56 ॥

nardatastīkṣṇadaṃṣṭrasya siṃhasyeva mahāgajaḥ| ahaṃ tu vadhamicchāmi śīghramasya durātmanaḥ || 101.56 ||

"जैसे तीक्ष्ण दाढ़ों वाले गरजते सिंह के मार्ग में पड़ा हुआ बड़ा हाथी भी जीवित नहीं बचता। मैं तो चाहता हूँ कि इस दुरात्मा का वध शीघ्र हो जाए,

श्लोक 57 (yuddha.101.57)

यावदस्तं न यात्येष कृतकर्मा दिवाकरः। यदि वधमिच्छसि रावणस्य संख्ये। यदि च कृतां हि तवेच्छसि प्रतिज्ञाम्। यदि तव राजसुताभिलाष आर्य। कुरु च वचो मम शीघ्रमद्य वीर ॥ 101.57 ॥

yāvadastaṃ na yātyeṣa kṛtakarmā divākaraḥ| yadi vadhamicchasi rāvaṇasya saṃkhye| yadi ca kṛtāṃ hi tavecchasi pratijñām| yadi tava rājasutābhilāṣa ārya| kuru ca vaco mama śīghramadya vīra || 101.57 ||

"इससे पहले कि यह सूर्य अपना कार्य पूर्ण करके अस्त हो जाए। हे आर्य, यदि तुम युद्ध में रावण का वध चाहते हो, यदि तुम अपनी की हुई प्रतिज्ञा को पूर्ण करना चाहते हो, और यदि तुम्हें राजकुमारी की चाह है, तो हे वीर, आज ही शीघ्र मेरी बात मान लो!"