लक्ष्मण पर शक्ति का प्रहार

श्लोक 1 (yuddha.100.1)

तस्मिन् प्रतिहतेऽस्त्रे तु रावणो राक्षसाधिपः। क्रोधं च द्विगुणं चक्रे क्रोधाच्चास्त्रमनन्तरम् ॥ 100.1 ॥

tasmin pratihate'stre tu rāvaṇo rākṣasādhipaḥ| krodhaṃ ca dviguṇaṃ cakre krodhāccāstramanantaram || 100.1 ||

उस अस्त्र के निष्फल हो जाने पर, राक्षसराज रावण का क्रोध दुगुना हो गया, और क्रोधवश उसने तुरंत ही एक और अस्त्र का प्रयोग किया।

श्लोक 2 (yuddha.100.2)

मयेन विहितं रौद्रमन्यदस्त्रं महाद्युतिः। उत्स्रष्टुं रावणो भीमं राघवाय प्रचक्रमे ॥ 100.2 ॥

mayena vihitaṃ raudramanyadastraṃ mahādyutiḥ| utsraṣṭuṃ rāvaṇo bhīmaṃ rāghavāya pracakrame || 100.2 ||

महातेजस्वी रावण मय दानव द्वारा रचे गए एक और भयंकर, भीषण अस्त्र को राघव पर छोड़ने के लिए उद्यत हुआ।

श्लोक 3 (yuddha.100.3)

ततः शूलानि निश्चेरुर्गदाश्च मुसलानि च। कार्मुकाद् दीप्यमानानि वज्रसाराणि सर्वशः ॥ 100.3 ॥

tataḥ śūlāni niścerurgadāśca musalāni ca| kārmukād dīpyamānāni vajrasārāṇi sarvaśaḥ || 100.3 ||

तब उस धनुष से चमकते हुए, वज्र के समान कठोर त्रिशूल, गदाएँ और मूसल सब ओर निकल पड़े।

श्लोक 4 (yuddha.100.4)

मुद्गराः कूटपाशाश्च दीप्ताश्चाशनयस्तथा। निष्पेतुर्विविधास्तीक्ष्णा वाता इव युगक्षये ॥ 100.4 ॥

mudgarāḥ kūṭapāśāśca dīptāścāśanayastathā| niṣpeturvividhāstīkṣṇā vātā iva yugakṣaye || 100.4 ||

हथौड़े, छलपूर्ण फंदे, और प्रज्वलित वज्र भी नाना प्रकार से तीक्ष्णता के साथ निकल पड़े, मानो प्रलयकाल की आँधियाँ हों।

श्लोक 5 (yuddha.100.5)

तदस्त्रं राघवः श्रीमानुत्तमास्त्रविदां वरः। जघान परमास्त्रेण गान्धर्वेण महाद्युतिः ॥ 100.5 ॥

tadastraṃ rāghavaḥ śrīmānuttamāstravidāṃ varaḥ| jaghāna paramāstreṇa gāndharveṇa mahādyutiḥ || 100.5 ||

उस महातेजस्वी, श्रीमान् और अस्त्रवेत्ताओं में श्रेष्ठ राघव ने उस अस्त्र को गांधर्व नामक परम अस्त्र से नष्ट कर दिया।

श्लोक 6 (yuddha.100.6)

तस्मिन् प्रतिहतेऽस्त्रे तु राघवेण महात्मना। रावणः क्रोधताम्राक्षः सौरमस्त्रमुदीरयत् ॥ 100.6 ॥

tasmin pratihate'stre tu rāghaveṇa mahātmanā| rāvaṇaḥ krodhatāmrākṣaḥ sauramastramudīrayat || 100.6 ||

महात्मा राघव द्वारा उस अस्त्र के निष्फल हो जाने पर, क्रोध से लाल आँखों वाले रावण ने सौर अस्त्र का आवाहन किया।

श्लोक 7 (yuddha.100.7)

ततश्चक्राणि निष्पेतुर्भास्वराणि महान्ति च। कार्मुकाद् भीमवेगस्य दशग्रीवस्य धीमतः ॥ 100.7 ॥

tataścakrāṇi niṣpeturbhāsvarāṇi mahānti ca| kārmukād bhīmavegasya daśagrīvasya dhīmataḥ || 100.7 ||

तब उस बुद्धिमान् और भीषण-वेगवान् दशग्रीव के धनुष से चमकते हुए विशाल चक्र निकल पड़े।

श्लोक 8 (yuddha.100.8)

तैरासीद् गगनं दीप्तं सम्पतद्भिः समन्ततः। पतद्भिश्च दिशो दीप्ताश्चन्द्रसूर्यग्रहैरिव ॥ 100.8 ॥

tairāsīd gaganaṃ dīptaṃ sampatadbhiḥ samantataḥ| patadbhiśca diśo dīptāścandrasūryagrahairiva || 100.8 ||

उनके चारों ओर से गिरते ही आकाश दीप्तिमान हो उठा, और उनके गिरने से दिशाएँ ऐसी जगमगा उठीं, मानो चन्द्र, सूर्य और ग्रहों से आलोकित हो गई हों।

श्लोक 9 (yuddha.100.9)

तानि चिच्छेद बाणौघैश्चक्राणि तु स राघवः। आयुधानि च चित्राणि रावणस्य चमूमुखे ॥ 100.9 ॥

tāni ciccheda bāṇaughaiścakrāṇi tu sa rāghavaḥ| āyudhāni ca citrāṇi rāvaṇasya camūmukhe || 100.9 ||

उस राघव ने अपने बाणों के प्रवाह से रावण की सेना के अग्रभाग में उन चक्रों और अन्य विचित्र अस्त्रों को काट डाला।

श्लोक 10 (yuddha.100.10)

तदस्त्रं तु हतं दृष्ट्वा रावणो राक्षसाधिपः। विव्याध दशभिर्बाणै रामं सर्वेषु मर्मसु ॥ 100.10 ॥

tadastraṃ tu hataṃ dṛṣṭvā rāvaṇo rākṣasādhipaḥ| vivyādha daśabhirbāṇai rāmaṃ sarveṣu marmasu || 100.10 ||

अपने उस अस्त्र को निष्फल हुआ देखकर राक्षसराज रावण ने दस बाणों से राम के सभी मर्मस्थलों को बींध डाला।

श्लोक 11 (yuddha.100.11)

स विद्धो दशभिर्बाणैर्महाकार्मुकनिःसृतैः। रावणेन महातेजा न प्राकम्पत राघवः ॥ 100.11 ॥

sa viddho daśabhirbāṇairmahākārmukaniḥsṛtaiḥ| rāvaṇena mahātejā na prākampata rāghavaḥ || 100.11 ||

रावण के महाधनुष से छूटे उन दस बाणों से बिंधकर भी महातेजस्वी राघव तनिक भी विचलित नहीं हुए।

श्लोक 12 (yuddha.100.12)

ततो विव्याध गात्रेषु सर्वेषु समितिंजयः। राघवस्तु सुसंक्रुद्धो रावणं बहुभिः शरैः ॥ 100.12 ॥

tato vivyādha gātreṣu sarveṣu samitiṃjayaḥ| rāghavastu susaṃkruddho rāvaṇaṃ bahubhiḥ śaraiḥ || 100.12 ||

तब सदा युद्ध-विजयी और अत्यंत क्रुद्ध राघव ने रावण के समस्त अंगों को अनेक बाणों से बींध डाला।

श्लोक 13 (yuddha.100.13)

एतस्मिन्नन्तरे क्रुद्धो राघवस्यानुजो बली। लक्ष्मणः सायकान् सप्त जग्राह परवीरहा ॥ 100.13 ॥

etasminnantare kruddho rāghavasyānujo balī| lakṣmaṇaḥ sāyakān sapta jagrāha paravīrahā || 100.13 ||

इसी बीच राघव का बलवान् छोटा भाई, शत्रु-वीरों का नाशक लक्ष्मण, क्रुद्ध होकर सात बाण उठा लाया।

श्लोक 14 (yuddha.100.14)

तैः सायकैर्महावेगै रावणस्य महाद्युतिः। ध्वजं मनुष्यशीर्षं तु तस्य चिच्छेद नैकधा ॥ 100.14 ॥

taiḥ sāyakairmahāvegai rāvaṇasya mahādyutiḥ| dhvajaṃ manuṣyaśīrṣaṃ tu tasya ciccheda naikadhā || 100.14 ||

उन अत्यंत वेगवान् बाणों से उस महातेजस्वी लक्ष्मण ने रावण के मनुष्य-शीर्ष चिह्न वाले ध्वज को अनेक टुकड़ों में काट डाला।

श्लोक 15 (yuddha.100.15)

सारथेश्चापि बाणेन शिरो ज्वलितकुण्डलम्। जहार लक्ष्मणः श्रीमान् नैर्ऋतस्य महाबलः ॥ 100.15 ॥

sāratheścāpi bāṇena śiro jvalitakuṇḍalam| jahāra lakṣmaṇaḥ śrīmān nairṛtasya mahābalaḥ || 100.15 ||

श्रीमान् और महाबली लक्ष्मण ने एक ही बाण से उस राक्षस के सारथी का, चमकते कुंडलों सहित सिर भी उड़ा दिया।

श्लोक 16 (yuddha.100.16)

तस्य बाणैश्च चिच्छेद धनुर्गजकरोपमम्। लक्ष्मणो राक्षसेन्द्रस्य पञ्चभिर्निशितैस्तदा ॥ 100.16 ॥

tasya bāṇaiśca ciccheda dhanurgajakaropamam| lakṣmaṇo rākṣasendrasya pañcabhirniśitaistadā || 100.16 ||

फिर लक्ष्मण ने पाँच तीक्ष्ण बाणों से उस राक्षसराज के हाथी की सूँड़ के समान धनुष को भी काट डाला।

श्लोक 17 (yuddha.100.17)

नीलमेघनिभांश्चास्य सदश्वान् पर्वतोपमान्। जघानाप्लुत्य गदया रावणस्य विभीषणः ॥ 100.17 ॥

nīlameghanibhāṃścāsya sadaśvān parvatopamān| jaghānāplutya gadayā rāvaṇasya vibhīṣaṇaḥ || 100.17 ||

विभीषण ने आगे कूदकर अपनी गदा से रावण के नीले मेघ के समान श्याम और पर्वत के समान विशाल उत्तम अश्वों को भी मार डाला।

श्लोक 18 (yuddha.100.18)

हताश्वात् तु तदा वेगादवप्लुत्य महारथात्। कोपमाहारयत् तीव्रं भ्रातरं प्रति रावणः ॥ 100.18 ॥

hatāśvāt tu tadā vegādavaplutya mahārathāt| kopamāhārayat tīvraṃ bhrātaraṃ prati rāvaṇaḥ || 100.18 ||

अपने अश्व मारे जाने पर उस महारथ से वेगपूर्वक कूदकर, रावण अपने भाई विभीषण के प्रति तीव्र क्रोध से भर उठा।

श्लोक 19 (yuddha.100.19)

ततः शक्तिं महाशक्तिः प्रदीप्तामशनीमिव। विभीषणाय चिक्षेप राक्षसेन्द्रः प्रतापवान् ॥ 100.19 ॥

tataḥ śaktiṃ mahāśaktiḥ pradīptāmaśanīmiva| vibhīṣaṇāya cikṣepa rākṣasendraḥ pratāpavān || 100.19 ||

तब उस महाबली, प्रतापी राक्षसराज ने प्रज्वलित वज्र के समान एक शक्ति विभीषण पर फेंकी।

श्लोक 20 (yuddha.100.20)

अप्राप्तामेव तां बाणैस्त्रिभिश्चिच्छेद लक्ष्मणः। अथोदतिष्ठत् संनादो वानराणां महारणे ॥ 100.20 ॥

aprāptāmeva tāṃ bāṇaistribhiściccheda lakṣmaṇaḥ| athodatiṣṭhat saṃnādo vānarāṇāṃ mahāraṇe || 100.20 ||

उसके पहुँचने से पहले ही लक्ष्मण ने उसे तीन बाणों से काट डाला। तब उस महासमर में वानरों का जयघोष गूँज उठा।

श्लोक 21 (yuddha.100.21)

सम्पपात त्रिधा छिन्ना शक्तिः काञ्चनमालिनी। सविस्फुलिङ्गा ज्वलिता महोल्केव दिवश्च्युता ॥ 100.21 ॥

sampapāta tridhā chinnā śaktiḥ kāñcanamālinī| savisphuliṅgā jvalitā maholkeva divaścyutā || 100.21 ||

सोने की मालाओं से सजी वह शक्ति तीन टुकड़ों में कटकर, चिंगारियाँ बिखेरती हुई इस प्रकार गिरी, मानो आकाश से कोई विशाल जलती उल्का गिरी हो।

श्लोक 22 (yuddha.100.22)

ततः सम्भाविततरां कालेनापि दुरासदाम्। जग्राह विपुलां शक्तिं दीप्यमानां स्वतेजसा ॥ 100.22 ॥

tataḥ sambhāvitatarāṃ kālenāpi durāsadām| jagrāha vipulāṃ śaktiṃ dīpyamānāṃ svatejasā || 100.22 ||

तब उसने एक और विशाल शक्ति उठा ली, जो अत्यंत सम्मानित थी, जिसे स्वयं काल भी न सह सके, और जो अपने ही तेज से दीप्तिमान थी।

श्लोक 23 (yuddha.100.23)

सा वेगिता बलवता रावणेन दुरात्मना। जज्वाल सुमहातेजा दीप्ताशनिसमप्रभा ॥ 100.23 ॥

sā vegitā balavatā rāvaṇena durātmanā| jajvāla sumahātejā dīptāśanisamaprabhā || 100.23 ||

उस दुरात्मा बलवान् रावण द्वारा तेज से घुमाई जाती हुई वह शक्ति और भी प्रज्वलित हो उठी, मानो प्रज्वलित वज्र के समान उसकी प्रभा हो।

श्लोक 24 (yuddha.100.24)

एतस्मिन्नन्तरे वीरो लक्ष्मणस्तं विभीषणम्। प्राणसंशयमापन्नं तूर्णमभ्यवपद्यत ॥ 100.24 ॥

etasminnantare vīro lakṣmaṇastaṃ vibhīṣaṇam| prāṇasaṃśayamāpannaṃ tūrṇamabhyavapadyata || 100.24 ||

इसी बीच वीर लक्ष्मण अपने प्राणों के संकट में पड़े विभीषण की ओर तुरंत बढ़ आए।

श्लोक 25 (yuddha.100.25)

तं विमोक्षयितुं वीरश्चापमायम्य लक्ष्मणः। रावणं शक्तिहस्तं वै शरवर्षैरवाकिरत् ॥ 100.25 ॥

taṃ vimokṣayituṃ vīraścāpamāyamya lakṣmaṇaḥ| rāvaṇaṃ śaktihastaṃ vai śaravarṣairavākirat || 100.25 ||

उसे बचाने के लिए वीर लक्ष्मण ने अपना धनुष खींचकर, शक्ति हाथ में लिए खड़े रावण को बाणों की वर्षा से ढँक दिया।

श्लोक 26 (yuddha.100.26)

कीर्यमाणः शरौघेण विसृष्टेन महात्मना। न प्रहर्तुं मनश्चक्रे विमुखीकृतविक्रमः ॥ 100.26 ॥

kīryamāṇaḥ śaraugheṇa visṛṣṭena mahātmanā| na prahartuṃ manaścakre vimukhīkṛtavikramaḥ || 100.26 ||

उस महात्मा द्वारा छोड़े गए बाणों के प्रवाह से ढँका जाकर, अपने पराक्रम में बाधा पाकर, वह विभीषण पर वार करने का मन नहीं बना सका।

श्लोक 27 (yuddha.100.27)

मोक्षितं भ्रातरं दृष्ट्वा लक्ष्मणेन स रावणः। लक्ष्मणाभिमुखस्तिष्ठन्निदं वचनमब्रवीत् ॥ 100.27 ॥

mokṣitaṃ bhrātaraṃ dṛṣṭvā lakṣmaṇena sa rāvaṇaḥ| lakṣmaṇābhimukhastiṣṭhannidaṃ vacanamabravīt || 100.27 ||

अपने भाई विभीषण को लक्ष्मण द्वारा बचाया गया देखकर, रावण ने लक्ष्मण के सम्मुख खड़े होकर यह वचन कहा,

श्लोक 28 (yuddha.100.28)

मोक्षितस्ते बलश्लाघिन् यस्मादेवं विभीषणः। विमुच्य राक्षसं शक्तिस्त्वयीयं विनिपात्यते ॥ 100.28 ॥

mokṣitaste balaślāghin yasmādevaṃ vibhīṣaṇaḥ| vimucya rākṣasaṃ śaktistvayīyaṃ vinipātyate || 100.28 ||

"हे अपने बल पर गर्व करने वाले लक्ष्मण! चूँकि तुमने इस प्रकार विभीषण को बचा लिया है, इसलिए यह राक्षस को छोड़कर अब यही शक्ति तुम पर ही गिराई जाएगी।

श्लोक 29 (yuddha.100.29)

एषा ते हृदयं भित्त्वा शक्तिर्लोहितलक्षणा। मद्बाहुपरिघोत्सृष्टा प्राणानादाय यास्यति ॥ 100.29 ॥

eṣā te hṛdayaṃ bhittvā śaktirlohitalakṣaṇā| madbāhuparighotsṛṣṭā prāṇānādāya yāsyati || 100.29 ||

मेरी परिघ-सम भुजा से छूटी यह रक्त-चिह्नित शक्ति तुम्हारे हृदय को भेदकर तुम्हारे प्राण लेकर ही जाएगी।"

श्लोक 30 (yuddha.100.30)

इत्येवमुक्त्वा तां शक्तिमष्टघण्टां महास्वनाम्। मयेन मायाविहिताममोघां शत्रुघातिनीम् ॥ 100.30 ॥

ityevamuktvā tāṃ śaktimaṣṭaghaṇṭāṃ mahāsvanām| mayena māyāvihitāmamoghāṃ śatrughātinīm || 100.30 ||

ऐसा कहकर, आठ घंटियों से सुसज्जित, महाघोष करने वाली, मय दानव की माया से रची गई, अमोघ और शत्रु-नाशक उस शक्ति को,

श्लोक 31 (yuddha.100.31)

लक्ष्मणाय समुद्दिश्य ज्वलन्तीमिव तेजसा। रावणः परमक्रुद्धश्चिक्षेप च ननाद च ॥ 100.31 ॥

lakṣmaṇāya samuddiśya jvalantīmiva tejasā| rāvaṇaḥ paramakruddhaścikṣepa ca nanāda ca || 100.31 ||

अपने तेज से मानो जलती हुई, लक्ष्मण को लक्ष्य करके, अत्यंत क्रुद्ध रावण ने फेंक दिया और गर्जना की।

श्लोक 32 (yuddha.100.32)

सा क्षिप्ता भीमवेगेन वज्राशनिसमस्वना। शक्तिरभ्यपतद् वेगाल्लक्ष्मणं रणमूर्धनि ॥ 100.32 ॥

sā kṣiptā bhīmavegena vajrāśanisamasvanā| śaktirabhyapatad vegāllakṣmaṇaṃ raṇamūrdhani || 100.32 ||

उस भयंकर वेग से फेंकी गई, वज्र के समान गर्जना करती वह शक्ति वेगपूर्वक युद्धभूमि के अग्रभाग में लक्ष्मण पर आ गिरी।

श्लोक 33 (yuddha.100.33)

तामनुव्याहरच्छक्तिमापतन्तीं स राघवः। स्वस्त्यस्तु लक्ष्मणायेति मोघा भव हतोद्यमा ॥ 100.33 ॥

tāmanuvyāharacchaktimāpatantīṃ sa rāghavaḥ| svastyastu lakṣmaṇāyeti moghā bhava hatodyamā || 100.33 ||

उस झपटती हुई शक्ति को देखकर राघव ने पुकार कर कहा, "लक्ष्मण का कल्याण हो! तू निष्फल हो जा, तेरा प्रयास व्यर्थ हो जाए।"

श्लोक 34 (yuddha.100.34)

रावणेन रणे शक्तिः क्रुद्धेनाशीविषोपमा। मुक्ताऽऽशूरस्य भीतस्य लक्ष्मणस्य ममज्ज सा ॥ 100.34 ॥

rāvaṇena raṇe śaktiḥ kruddhenāśīviṣopamā| muktā''śūrasya bhītasya lakṣmaṇasya mamajja sā || 100.34 ||

किन्तु क्रुद्ध रावण द्वारा युद्ध में छोड़ी गई, विषधर सर्प के समान वह शक्ति निर्भय वीर लक्ष्मण में जा धँसी।

श्लोक 35 (yuddha.100.35)

न्यपतत् सा महावेगा लक्ष्मणस्य महोरसि। जिह्वेवोरगराजस्य दीप्यमाना महाद्युतिः ॥ 100.35 ॥

nyapatat sā mahāvegā lakṣmaṇasya mahorasi| jihvevoragarājasya dīpyamānā mahādyutiḥ || 100.35 ||

वह अत्यंत वेगवती, महातेजस्वी और दीप्तिमान शक्ति सर्पराज की जिह्वा के समान लक्ष्मण की विशाल छाती पर जा गिरी।

श्लोक 36 (yuddha.100.36)

ततो रावणवेगेन सुदूरमवगाढया। शक्त्या विभिन्नहृदयः पपात भुवि लक्ष्मणः ॥ 100.36 ॥

tato rāvaṇavegena sudūramavagāḍhayā| śaktyā vibhinnahṛdayaḥ papāta bhuvi lakṣmaṇaḥ || 100.36 ||

रावण के वेग से गहराई तक धँसी हुई उस शक्ति से हृदय बिंधकर लक्ष्मण भूमि पर गिर पड़े।

श्लोक 37 (yuddha.100.37)

तदवस्थं समीपस्थो लक्ष्मणं प्रेक्ष्य राघवः। भ्रातृस्नेहान्महातेजा विषण्णहृदयोऽभवत् ॥ 100.37 ॥

tadavasthaṃ samīpastho lakṣmaṇaṃ prekṣya rāghavaḥ| bhrātṛsnehānmahātejā viṣaṇṇahṛdayo'bhavat || 100.37 ||

समीप खड़े राघव लक्ष्मण को उस दशा में देखकर, भाई के स्नेह के कारण उस महातेजस्वी का हृदय विषाद से भर गया।

श्लोक 38 (yuddha.100.38)

स मुहूर्तमिव ध्यात्वा बाष्पपर्याकुलेक्षणः। बभूव संरब्धतरो युगान्त इव पावकः ॥ 100.38 ॥

sa muhūrtamiva dhyātvā bāṣpaparyākulekṣaṇaḥ| babhūva saṃrabdhataro yugānta iva pāvakaḥ || 100.38 ||

आँखें आँसुओं से भर आने पर, वह एक क्षण मानो सोच में पड़े रहे, फिर प्रलयकाल की अग्नि के समान अत्यंत उग्र हो उठे।

श्लोक 39 (yuddha.100.39)

न विषादस्य कालोऽयमिति संचिन्त्य राघवः। चक्रे सुतुमलं युद्धं रावणस्य वधे धृतः। सर्वयत्नेन महता लक्ष्मणं परिवीक्ष्य च ॥ 100.39 ॥

na viṣādasya kālo'yamiti saṃcintya rāghavaḥ| cakre sutumalaṃ yuddhaṃ rāvaṇasya vadhe dhṛtaḥ| sarvayatnena mahatā lakṣmaṇaṃ parivīkṣya ca || 100.39 ||

यह समझकर कि यह विषाद का समय नहीं है, राघव ने लक्ष्मण की ओर देखते हुए, रावण के वध पर दृढ़ संकल्प लेकर, पूरी शक्ति से अत्यंत घमासान युद्ध छेड़ दिया।

श्लोक 40 (yuddha.100.40)

स ददर्श ततो रामः शक्त्या भिन्नं महाहवे। लक्ष्मणं रुधिरादिग्धं सपन्नगमिवाचलम् ॥ 100.40 ॥

sa dadarśa tato rāmaḥ śaktyā bhinnaṃ mahāhave| lakṣmaṇaṃ rudhirādigdhaṃ sapannagamivācalam || 100.40 ||

तब राम ने उस महासमर में शक्ति से बिंधे, रक्त से लथपथ लक्ष्मण को इस प्रकार देखा, मानो सर्प-सहित कोई पर्वत हो।

श्लोक 41 (yuddha.100.41)

तामपि प्रहितां शक्तिं रावणेन बलीयसा। यत्नतस्ते हरिश्रेष्ठा न शेकुरवमर्दितुम् ॥ 100.41 ॥

tāmapi prahitāṃ śaktiṃ rāvaṇena balīyasā| yatnataste hariśreṣṭhā na śekuravamarditum || 100.41 ||

मतवाले रावण द्वारा फेंकी गई उस शक्ति को उन श्रेष्ठ वानरों ने प्रयत्नपूर्वक भी उखाड़ नहीं पाया,

श्लोक 42 (yuddha.100.42)

अर्दिताश्चैव बाणौघैस्ते प्रवेकेण रक्षसाम्। सौमित्रेः सा विनिर्भिद्य प्रविष्टा धरणीतलम् ॥ 100.42 ॥

arditāścaiva bāṇaughaiste pravekeṇa rakṣasām| saumitreḥ sā vinirbhidya praviṣṭā dharaṇītalam || 100.42 ||

क्योंकि वे स्वयं राक्षसों में श्रेष्ठ रावण के बाण-प्रवाह से पीड़ित थे। वह शक्ति सौमित्रि को भेदकर धरती में समा गई थी।

श्लोक 43 (yuddha.100.43)

तां कराभ्यां परामृश्य रामः शक्तिं भयावहाम्। बभञ्ज समरे क्रुद्धो बलवान् विचकर्ष च ॥ 100.43 ॥

tāṃ karābhyāṃ parāmṛśya rāmaḥ śaktiṃ bhayāvahām| babhañja samare kruddho balavān vicakarṣa ca || 100.43 ||

उस भयावह शक्ति को अपने दोनों हाथों से पकड़कर, बलवान राम ने क्रुद्ध होकर युद्धभूमि में उसे खींच निकाला और तोड़ डाला।

श्लोक 44 (yuddha.100.44)

तस्य निष्कर्षतः शक्तिं रावणेन बलीयसा। शराः सर्वेषु गात्रेषु पातिता मर्मभेदिनः ॥ 100.44 ॥

tasya niṣkarṣataḥ śaktiṃ rāvaṇena balīyasā| śarāḥ sarveṣu gātreṣu pātitā marmabhedinaḥ || 100.44 ||

जब वे उस शक्ति को खींच रहे थे, तभी बलवान रावण ने मर्मभेदी बाणों को उनके समस्त अंगों पर गिरा दिया।

श्लोक 45 (yuddha.100.45)

अचिन्तयित्वा तान् बाणान् समाश्लिष्य च लक्ष्मणम्। अब्रवीच्च हनूमन्तं सुग्रीवं च महाकपिम् ॥ 100.45 ॥

acintayitvā tān bāṇān samāśliṣya ca lakṣmaṇam| abravīcca hanūmantaṃ sugrīvaṃ ca mahākapim || 100.45 ||

उन बाणों की परवाह किए बिना, लक्ष्मण को गले लगाकर, राम ने हनुमान और महाकपि सुग्रीव से कहा,

श्लोक 46 (yuddha.100.46)

लक्ष्मणं परिवार्यैवं तिष्ठध्वं वानरोत्तमाः। पराक्रमस्य कालोऽयं सम्प्राप्तो मे चिरेप्सितः ॥ 100.46 ॥

lakṣmaṇaṃ parivāryaivaṃ tiṣṭhadhvaṃ vānarottamāḥ| parākramasya kālo'yaṃ samprāpto me cirepsitaḥ || 100.46 ||

"हे वानरश्रेष्ठो! तुम सब लक्ष्मण को इस प्रकार घेरे रहो। मेरे चिरकाल से अभीष्ट पराक्रम दिखाने का समय अब आ पहुँचा है,

श्लोक 47 (yuddha.100.47)

पापात्मायं दशग्रीवो वध्यतां पापनिश्चयः। कांक्षितं चातकस्येव घर्मान्ते मेघदर्शनम् ॥ 100.47 ॥

pāpātmāyaṃ daśagrīvo vadhyatāṃ pāpaniścayaḥ| kāṃkṣitaṃ cātakasyeva gharmānte meghadarśanam || 100.47 ||

जैसे ग्रीष्म ऋतु के अंत में चातक पक्षी मेघ के दर्शन की कामना करता है। इस पापात्मा, पाप-निश्चयी दशग्रीव का अब वध होना ही चाहिए।

श्लोक 48 (yuddha.100.48)

अस्मिन् मुहूर्ते नचिरात् सत्यं प्रतिशृणोमि वः। अरावणमरामं वा जगद् द्रक्ष्यथ वानराः ॥ 100.48 ॥

asmin muhūrte nacirāt satyaṃ pratiśṛṇomi vaḥ| arāvaṇamarāmaṃ vā jagad drakṣyatha vānarāḥ || 100.48 ||

इसी क्षण मैं तुम्हें सत्य प्रतिज्ञा करता हूँ — शीघ्र ही, हे वानरो, तुम इस जगत् को या तो रावण-रहित देखोगे या मुझसे रहित।"

श्लोक 49 (yuddha.100.49)

राज्यनाशं वने वासं दण्डके परिधावनम्। वैदेह्याश्च परामर्शो रक्षोभिश्च समागमम् ॥ 100.49 ॥

rājyanāśaṃ vane vāsaṃ daṇḍake paridhāvanam| vaidehyāśca parāmarśo rakṣobhiśca samāgamam || 100.49 ||

"राज्य का नाश, वन में वास, दंडकारण्य में भटकना, वैदेही का अपमान और राक्षसों के साथ यह सामना —

श्लोक 50 (yuddha.100.50)

प्राप्तं दुःखं महाघोरं क्लेशश्च निरयोपमः। अद्य सर्वमहं त्यक्ष्ये निहत्वा रावणं रणे ॥ 100.50 ॥

prāptaṃ duḥkhaṃ mahāghoraṃ kleśaśca nirayopamaḥ| adya sarvamahaṃ tyakṣye nihatvā rāvaṇaṃ raṇe || 100.50 ||

इन सब से मुझे जो घोर दुःख और नरक-तुल्य क्लेश मिला है, उस सब को मैं आज युद्ध में रावण को मारकर त्याग दूँगा।"

श्लोक 51 (yuddha.100.51)

यदर्थं वानरं सैन्यं समानीतमिदं मया। सुग्रीवश्च कृतो राज्ये निहत्वा वालिनं रणे। यदर्थं सागरः क्रान्तः सेतुर्बद्धश्च सागरे ॥ 100.51 ॥

yadarthaṃ vānaraṃ sainyaṃ samānītamidaṃ mayā| sugrīvaśca kṛto rājye nihatvā vālinaṃ raṇe| yadarthaṃ sāgaraḥ krāntaḥ seturbaddhaśca sāgare || 100.51 ||

"जिसके लिए मैंने यह वानर-सेना जुटाई, जिसके लिए वालि को युद्ध में मारकर सुग्रीव को राज्य पर बिठाया, और जिसके लिए समुद्र लाँघा गया और उस पर सेतु बाँधा गया,

श्लोक 52 (yuddha.100.52)

सोऽयमद्य रणे पापश्चक्षुर्विषयमागतः। चक्षुर्विषयमागत्य नायं जीवितुमर्हति ॥ 100.52 ॥

so'yamadya raṇe pāpaścakṣurviṣayamāgataḥ| cakṣurviṣayamāgatya nāyaṃ jīvitumarhati || 100.52 ||

वही यह पापी आज युद्ध में मेरी दृष्टि की सीमा में आ गया है। मेरी दृष्टि की सीमा में आकर अब यह जीवित रहने योग्य नहीं है।

श्लोक 53 (yuddha.100.53)

दृष्टिं दृष्टिविषस्येव सर्पस्य मम रावणः। यथा वा वैनतेयस्य दृष्टिं प्राप्तो भुजंगमः ॥ 100.53 ॥

dṛṣṭiṃ dṛṣṭiviṣasyeva sarpasya mama rāvaṇaḥ| yathā vā vainateyasya dṛṣṭiṃ prāpto bhujaṃgamaḥ || 100.53 ||

रावण मेरी दृष्टि में उसी प्रकार आ गया है, जैसे दृष्टि-विष वाले सर्प की दृष्टि में कोई पड़ जाए, या जैसे कोई सर्प गरुड़ की दृष्टि में आ जाए।"

श्लोक 54 (yuddha.100.54)

सुखं पश्यत दुर्धर्षा युद्धं वानरपुङ्गवाः। आसीनाः पर्वताग्रेषु ममेदं रावणस्य च ॥ 100.54 ॥

sukhaṃ paśyata durdharṣā yuddhaṃ vānarapuṅgavāḥ| āsīnāḥ parvatāgreṣu mamedaṃ rāvaṇasya ca || 100.54 ||

"हे अजेय वानरश्रेष्ठो! पर्वत-शिखरों पर बैठकर सुखपूर्वक मेरे और रावण के इस युद्ध को देखो।

श्लोक 55 (yuddha.100.55)

अद्य पश्यन्तु रामस्य रामत्वं मम संयुगे। त्रयो लोकाः सगन्धर्वाः सदेवाः सर्षिचारणाः ॥ 100.55 ॥

adya paśyantu rāmasya rāmatvaṃ mama saṃyuge| trayo lokāḥ sagandharvāḥ sadevāḥ sarṣicāraṇāḥ || 100.55 ||

आज गंधर्वों, देवताओं, ऋषियों और चारणों सहित तीनों लोक मेरे इस युद्ध में राम की रामता को देखें।

श्लोक 56 (yuddha.100.56)

अद्य कर्म करिष्यामि यल्लोकाः सचराचराः। सदेवाः कथयिष्यन्ति यावद् भूमिर्धरिष्यति। समागम्य सदा लोके यथा युद्धं प्रवर्तितम् ॥ 100.56 ॥

adya karma kariṣyāmi yallokāḥ sacarācarāḥ| sadevāḥ kathayiṣyanti yāvad bhūmirdhariṣyati| samāgamya sadā loke yathā yuddhaṃ pravartitam || 100.56 ||

आज मैं वह कर्म करूँगा, जिसे चराचर सहित समस्त लोक और देवता, इस पृथ्वी के टिके रहने तक, सदा मिलकर इस संसार में यह युद्ध जिस प्रकार चला, इस प्रकार सुनाते रहेंगे।"

श्लोक 57 (yuddha.100.57)

एवमुक्त्वा शितैर्बाणैस्तप्तकाञ्चनभूषणैः। आजघान रणे रामो दशग्रीवं समाहितः ॥ 100.57 ॥

evamuktvā śitairbāṇaistaptakāñcanabhūṣaṇaiḥ| ājaghāna raṇe rāmo daśagrīvaṃ samāhitaḥ || 100.57 ||

ऐसा कहकर, तपाए हुए सोने से सज्जित तीक्ष्ण बाणों से, समाहित-चित्त राम ने युद्ध में दशग्रीव पर प्रहार किया।

श्लोक 58 (yuddha.100.58)

तथा प्रदीप्तैर्नाराचैर्मुसलैश्चापि रावणः। अभ्यवर्षत् तदा रामं धाराभिरिव तोयदः ॥ 100.58 ॥

tathā pradīptairnārācairmusalaiścāpi rāvaṇaḥ| abhyavarṣat tadā rāmaṃ dhārābhiriva toyadaḥ || 100.58 ||

उसी प्रकार रावण भी प्रज्वलित नाराचों और मूसलों से राम पर इस प्रकार बरस पड़ा, जैसे कोई मेघ जलधाराओं से बरसता है।

श्लोक 59 (yuddha.100.59)

रामरावणमुक्तानामन्योन्यमभिनिघ्नताम्। वराणां च शराणां च बभूव तुमुलः स्वनः ॥ 100.59 ॥

rāmarāvaṇamuktānāmanyonyamabhinighnatām| varāṇāṃ ca śarāṇāṃ ca babhūva tumulaḥ svanaḥ || 100.59 ||

राम और रावण द्वारा छोड़े गए और परस्पर टकराते उन उत्तम बाणों का भयंकर, तुमुल घोष गूँज उठा।

श्लोक 60 (yuddha.100.60)

विच्छिन्नाश्च विकीर्णाश्च रामरावणयोः शराः। अन्तरिक्षात् प्रदीप्ताग्रा निपेतुर्धरणीतले ॥ 100.60 ॥

vicchinnāśca vikīrṇāśca rāmarāvaṇayoḥ śarāḥ| antarikṣāt pradīptāgrā nipeturdharaṇītale || 100.60 ||

राम और रावण दोनों के, तोड़े और बिखरे हुए, अपने चमकते अग्रभागों सहित वे बाण आकाश से धरती पर आ गिरे।

श्लोक 61 (yuddha.100.61)

तयोर्ज्यातलनिर्घोषो रामरावणयोर्महान्। त्रासनः सर्वभूतानां सम्बभूवाद्भुतोपमः ॥ 100.61 ॥

tayorjyātalanirghoṣo rāmarāvaṇayormahān| trāsanaḥ sarvabhūtānāṃ sambabhūvādbhutopamaḥ || 100.61 ||

राम और रावण दोनों की प्रत्यंचा के थाप का वह महान् घोष सभी प्राणियों को भयभीत करने वाला और अद्भुत-सा प्रतीत हुआ।

श्लोक 62 (yuddha.100.62)

स कीर्यमाणः शरजालवृष्टिभि- र्महात्मना दीप्तधनुष्मतार्दितः। भयात् प्रदुद्राव समेत्य रावणो यथानिलेनाभिहतो बलाहकः ॥ 100.62 ॥

sa kīryamāṇaḥ śarajālavṛṣṭibhi- rmahātmanā dīptadhanuṣmatārditaḥ| bhayāt pradudrāva sametya rāvaṇo yathānilenābhihato balāhakaḥ || 100.62 ||

उस महात्मा, प्रज्वलित धनुष धारण किए राम की बाण-जाल वर्षा से पीड़ित होकर बिंध जाने पर, रावण भय से इस प्रकार भाग खड़ा हुआ, जैसे वायु के वेग से टकराया हुआ मेघ भाग जाता है।