राम-रावण का सम्मुख युद्ध

श्लोक 1 (yuddha.99.1)

महोदरमहापार्श्वौ हतौ दृष्ट्वा स रावणः। तस्मिंश्च निहते वीरे विरूपाक्षे महाबले ॥ 99.1 ॥

mahodaramahāpārśvau hatau dṛṣṭvā sa rāvaṇaḥ| tasmiṃśca nihate vīre virūpākṣe mahābale || 99.1 ||

महोदर और महापार्श्व दोनों को मारा गया देखकर, तथा महाबली वीर विरूपाक्ष के भी मारे जाने पर,

श्लोक 2 (yuddha.99.2)

आविवेश महान् क्रोधो रावणं तु महामृधे। सूतं संचोदयामास वाक्यं चेदमुवाच ह ॥ 99.2 ॥

āviveśa mahān krodho rāvaṇaṃ tu mahāmṛdhe| sūtaṃ saṃcodayāmāsa vākyaṃ cedamuvāca ha || 99.2 ||

उस महासमर में रावण को अत्यंत क्रोध ने आ घेरा। उसने अपने सारथी को आगे बढ़ने का आदेश दिया और यह वचन कहा,

श्लोक 3 (yuddha.99.3)

निहतानाममात्यानां रुद्धस्य नगरस्य च। दुःखमेवापनेष्यामि हत्वा तौ रामलक्ष्मणौ ॥ 99.3 ॥

nihatānāmamātyānāṃ ruddhasya nagarasya ca| duḥkhamevāpaneṣyāmi hatvā tau rāmalakṣmaṇau || 99.3 ||

"अपने मारे गए मंत्रियों और घिरे हुए नगर के इस दुःख को मैं राम और लक्ष्मण दोनों को मारकर ही दूर करूँगा।"

श्लोक 4 (yuddha.99.4)

रामवृक्षं रणे हन्मि सीतापुष्पफलप्रदम्। प्रशाखा यस्य सुग्रीवो जाम्बवान् कुमुदो नलः ॥ 99.4 ॥

rāmavṛkṣaṃ raṇe hanmi sītāpuṣpaphalapradam| praśākhā yasya sugrīvo jāmbavān kumudo nalaḥ || 99.4 ||

"मैं युद्ध में उस राम-वृक्ष को काट डालूँगा, जो सीता रूपी फल-फूल देता है, जिसकी बड़ी शाखाएँ सुग्रीव, जाम्बवान्, कुमुद और नल हैं,

श्लोक 5 (yuddha.99.5)

द्विविदश्चैव मैन्दश्च अङ्गदो गन्धमादनः। हनूमांश्च सुषेणश्च सर्वे च हरियूथपाः ॥ 99.5 ॥

dvividaścaiva maindaśca aṅgado gandhamādanaḥ| hanūmāṃśca suṣeṇaśca sarve ca hariyūthapāḥ || 99.5 ||

द्विविद, मैन्द, अंगद, गंधमादन, हनुमान्, सुषेण, तथा समस्त वानर-सेनापति ही हैं।"

श्लोक 6 (yuddha.99.6)

स दिशो दश घोषेण रथस्यातिरथो महान्। नादयन् प्रययौ तूर्णं राघवं चाभ्यधावत ॥ 99.6 ॥

sa diśo daśa ghoṣeṇa rathasyātiratho mahān| nādayan prayayau tūrṇaṃ rāghavaṃ cābhyadhāvata || 99.6 ||

वह महान् अतिरथी अपने रथ की गड़गड़ाहट से दसों दिशाओं को गुँजाता हुआ शीघ्रता से चल पड़ा और राघव की ओर दौड़ा।

श्लोक 7 (yuddha.99.7)

पूरिता तेन शब्देन सनदीगिरिकानना। संचचाल मही सर्वा त्रस्तसिंहमृगद्विजा ॥ 99.7 ॥

pūritā tena śabdena sanadīgirikānanā| saṃcacāla mahī sarvā trastasiṃhamṛgadvijā || 99.7 ||

उस ध्वनि से नदी, पर्वत और वनों सहित सारी पृथ्वी भर गई और काँप उठी, सिंह, मृग और पक्षी सब भयभीत हो उठे।

श्लोक 8 (yuddha.99.8)

तामसं सुमहाघोरं चकारास्त्रं सुदारुणम्। निर्ददाह कपीन् सर्वांस्ते प्रपेतुः समन्ततः ॥ 99.8 ॥

tāmasaṃ sumahāghoraṃ cakārāstraṃ sudāruṇam| nirdadāha kapīn sarvāṃste prapetuḥ samantataḥ || 99.8 ||

उसने अत्यंत भयंकर और घोर तामस अस्त्र का प्रयोग किया, जिसने समस्त वानरों को झुलसा डाला, और वे चारों ओर गिर पड़े।

श्लोक 9 (yuddha.99.9)

उत्पपात रजो भूमौ तैर्भग्नैः सम्प्रधावितैः। नहि तत् सहितुं शेकुर्ब्रह्मणा निर्मितं स्वयम् ॥ 99.9 ॥

utpapāta rajo bhūmau tairbhagnaiḥ sampradhāvitaiḥ| nahi tat sahituṃ śekurbrahmaṇā nirmitaṃ svayam || 99.9 ||

टूटे हुए और इधर-उधर भागते उन वानरों से भूमि पर धूल उड़ने लगी; ब्रह्मा द्वारा स्वयं रचे गए उस अस्त्र को वे सहन नहीं कर सके।

श्लोक 10 (yuddha.99.10)

तान्यनीकान्यनेकानि रावणस्य शरोत्तमैः। दृष्ट्वा भग्नानि शतशो राघवः पर्यवस्थितः ॥ 99.10 ॥

tānyanīkānyanekāni rāvaṇasya śarottamaiḥ| dṛṣṭvā bhagnāni śataśo rāghavaḥ paryavasthitaḥ || 99.10 ||

रावण के उत्तम बाणों से अपनी अनेक सेनाओं को सैकड़ों की संख्या में टूटता देख, राघव युद्ध के लिए दृढ़ होकर खड़े हो गए।

श्लोक 11 (yuddha.99.11)

ततो राक्षसशार्दूलो विद्राव्य हरिवाहिनीम्। स ददर्श ततो रामं तिष्ठन्तमपराजितम् ॥ 99.11 ॥

tato rākṣasaśārdūlo vidrāvya harivāhinīm| sa dadarśa tato rāmaṃ tiṣṭhantamaparājitam || 99.11 ||

उस राक्षस-श्रेष्ठ ने वानर-सेना को तितर-बितर करके फिर वहाँ अजेय भाव से खड़े राम को देखा,

श्लोक 12 (yuddha.99.12)

लक्ष्मणेन सह भ्रात्रा विष्णुना वासवं यथा। आलिखन्तमिवाकाशमवष्टभ्य महद् धनुः ॥ 99.12 ॥

lakṣmaṇena saha bhrātrā viṣṇunā vāsavaṃ yathā| ālikhantamivākāśamavaṣṭabhya mahad dhanuḥ || 99.12 ||

अपने भाई लक्ष्मण के साथ — जैसे इन्द्र विष्णु के साथ हों — अपने विशाल धनुष को थामे हुए, मानो आकाश को रेखांकित कर रहे हों।

श्लोक 13 (yuddha.99.13)

पद्मपत्रविशालाक्षं दीर्घबाहुमरिंदमम्। ततो रामो महातेजाः सौमित्रिसहितो बली ॥ 99.13 ॥

padmapatraviśālākṣaṃ dīrghabāhumariṃdamam| tato rāmo mahātejāḥ saumitrisahito balī || 99.13 ||

तब कमल-दल के समान विशाल नेत्रों वाले, दीर्घबाहु, शत्रुदमन, महातेजस्वी और बलवान् राम ने, लक्ष्मण के साथ,

श्लोक 14 (yuddha.99.14)

वानरांश्च रणे भग्नानापतन्तं च रावणम्। समीक्ष्य राघवो हृष्टो मध्ये जग्राह कार्मुकम् ॥ 99.14 ॥

vānarāṃśca raṇe bhagnānāpatantaṃ ca rāvaṇam| samīkṣya rāghavo hṛṣṭo madhye jagrāha kārmukam || 99.14 ||

युद्ध में टूटे हुए वानरों को और आते हुए रावण को देखकर, प्रसन्नचित्त राघव ने अपने धनुष को बीच से पकड़ लिया।

श्लोक 15 (yuddha.99.15)

विस्फारयितुमारेभे ततः स धनुरुत्तमम्। महावेगं महानादं निर्भिन्दन्निव मेदिनीम् ॥ 99.15 ॥

visphārayitumārebhe tataḥ sa dhanuruttamam| mahāvegaṃ mahānādaṃ nirbhindanniva medinīm || 99.15 ||

फिर उस उत्तम, अत्यंत वेगवान् और महानाद करने वाले धनुष को उन्होंने इस प्रकार टंकारा कि मानो पृथ्वी को ही विदीर्ण कर दे रहे हों।

श्लोक 16 (yuddha.99.16)

रावणस्य च बाणौघै रामविस्फारितेन च। शब्देन राक्षसास्तेन पेतुश्च शतशस्तदा ॥ 99.16 ॥

rāvaṇasya ca bāṇaughai rāmavisphāritena ca| śabdena rākṣasāstena petuśca śataśastadā || 99.16 ||

रावण के बाणों के प्रवाह से, और राम की धनुष-टंकार की उस ध्वनि से ही, सैकड़ों राक्षस उसी क्षण गिर पड़े।

श्लोक 17 (yuddha.99.17)

तयोः शरपथं प्राप्य रावणो राजपुत्रयोः। स बभौ च यथा राहुः समीपे शशिसूर्ययोः ॥ 99.17 ॥

tayoḥ śarapathaṃ prāpya rāvaṇo rājaputrayoḥ| sa babhau ca yathā rāhuḥ samīpe śaśisūryayoḥ || 99.17 ||

उन दोनों राजकुमारों के बाणों की सीमा में आकर रावण इस प्रकार दिखाई देने लगा, जैसे चन्द्रमा और सूर्य के निकट राहु।

श्लोक 18 (yuddha.99.18)

तमिच्छन् प्रथमं योद्धुं लक्ष्मणो निशितैः शरैः। मुमोच धनुरायम्य शरानग्निशिखोपमान् ॥ 99.18 ॥

tamicchan prathamaṃ yoddhuṃ lakṣmaṇo niśitaiḥ śaraiḥ| mumoca dhanurāyamya śarānagniśikhopamān || 99.18 ||

उससे पहले युद्ध करना चाहते हुए लक्ष्मण ने धनुष खींचकर अग्नि-शिखा के समान तीक्ष्ण बाण छोड़े।

श्लोक 19 (yuddha.99.19)

तान् मुक्तमात्रानाकाशे लक्ष्मणेन धनुष्मता। बाणान् बाणैर्महातेजा रावणः प्रत्यवारयत् ॥ 99.19 ॥

tān muktamātrānākāśe lakṣmaṇena dhanuṣmatā| bāṇān bāṇairmahātejā rāvaṇaḥ pratyavārayat || 99.19 ||

धनुर्धारी लक्ष्मण द्वारा छोड़े जाते ही उन बाणों को आकाश में महातेजस्वी रावण ने अपने बाणों से रोक दिया।

श्लोक 20 (yuddha.99.20)

एकमेकेन बाणेन त्रिभिस्त्रीन् दशभिर्दश। लक्ष्मणस्य प्रचिच्छेद दर्शयन् पाणिलाघवम् ॥ 99.20 ॥

ekamekena bāṇena tribhistrīn daśabhirdaśa| lakṣmaṇasya praciccheda darśayan pāṇilāghavam || 99.20 ||

अपनी हस्त-कुशलता दिखाते हुए, उसने लक्ष्मण के एक बाण को एक बाण से, तीन को तीन से, दस को दस बाणों से काट डाला।

श्लोक 21 (yuddha.99.21)

अभ्यतिक्रम्य सौमित्रिं रावणः समितिंजयः। आससाद रणे रामं स्थितं शैलमिवापरम् ॥ 99.21 ॥

abhyatikramya saumitriṃ rāvaṇaḥ samitiṃjayaḥ| āsasāda raṇe rāmaṃ sthitaṃ śailamivāparam || 99.21 ||

फिर सौमित्रि को लाँघकर, सदा युद्ध-विजयी रावण उस युद्धभूमि में मानो एक और पर्वत की भाँति खड़े राम के पास जा पहुँचा।

श्लोक 22 (yuddha.99.22)

स राघवं समासाद्य क्रोधसंरक्तलोचनः। व्यसृजच्छरवर्षाणि रावणो राक्षसेश्वरः ॥ 99.22 ॥

sa rāghavaṃ samāsādya krodhasaṃraktalocanaḥ| vyasṛjaccharavarṣāṇi rāvaṇo rākṣaseśvaraḥ || 99.22 ||

राघव के निकट पहुँचकर, क्रोध से लाल आँखों वाले राक्षसेश्वर रावण ने बाणों की वर्षा छोड़ दी।

श्लोक 23 (yuddha.99.23)

शरधारास्ततो रामो रावणस्य धनुश्च्युताः। दृष्ट्वैवापतिताः शीघ्रं भल्लाञ्जग्राह सत्वरम् ॥ 99.23 ॥

śaradhārāstato rāmo rāvaṇasya dhanuścyutāḥ| dṛṣṭvaivāpatitāḥ śīghraṃ bhallāñjagrāha satvaram || 99.23 ||

रावण के धनुष से छूटी हुई उन बाण-धाराओं को अपनी ओर आती देखते ही, राम ने तुरंत अपने भल्ल बाण उठा लिए।

श्लोक 24 (yuddha.99.24)

ताञ्छरौघांस्ततो भल्लैस्तीक्ष्णैश्चिच्छेद राघवः। दीप्यमानान् महाघोराञ्छरानाशीविषोपमान् ॥ 99.24 ॥

tāñcharaughāṃstato bhallaistīkṣṇaiściccheda rāghavaḥ| dīpyamānān mahāghorāñcharānāśīviṣopamān || 99.24 ||

फिर राघव ने अपने तीक्ष्ण भल्ल बाणों से उन चमकते, अत्यंत भयंकर, विषधर सर्पों के समान बाणों के समूह को काट डाला।

श्लोक 25 (yuddha.99.25)

राघवो रावणं तूर्णं रावणो राघवं तथा। अन्योन्यं विविधैस्तीक्ष्णैः शरवर्षैर्ववर्षतुः ॥ 99.25 ॥

rāghavo rāvaṇaṃ tūrṇaṃ rāvaṇo rāghavaṃ tathā| anyonyaṃ vividhaistīkṣṇaiḥ śaravarṣairvavarṣatuḥ || 99.25 ||

राघव ने रावण पर, और रावण ने राघव पर, दोनों ने ही एक-दूसरे पर विविध प्रकार के तीक्ष्ण बाणों की वर्षा कर दी।

श्लोक 26 (yuddha.99.26)

चेरतुश्च चिरं चित्रं मण्डलं सव्यदक्षिणम्। बाणवेगात् समुत्क्षिप्तावन्योन्यमपराजितौ ॥ 99.26 ॥

ceratuśca ciraṃ citraṃ maṇḍalaṃ savyadakṣiṇam| bāṇavegāt samutkṣiptāvanyonyamaparājitau || 99.26 ||

दोनों अपराजित योद्धा, बाणों के वेग से एक-दूसरे को उछालते हुए, बहुत देर तक बाईं-दाईं ओर विचित्र मंडलाकार घूमते रहे।

श्लोक 27 (yuddha.99.27)

तयोर्भूतानि वित्रेसुर्युगपत् सम्प्रयुध्यतोः। रौद्रयोः सायकमुचोर्यमान्तकनिकाशयोः ॥ 99.27 ॥

tayorbhūtāni vitresuryugapat samprayudhyatoḥ| raudrayoḥ sāyakamucoryamāntakanikāśayoḥ || 99.27 ||

उन दोनों भयंकर, बाण-वर्षा करते हुए, यम और मृत्यु के समान योद्धाओं को एक साथ युद्धरत देख, समस्त प्राणी काँप उठे।

श्लोक 28 (yuddha.99.28)

सततं विविधैर्बाणैर्बभूव गगनं तदा। घनैरिवातपापाये विद्युन्मालासमाकुलैः ॥ 99.28 ॥

satataṃ vividhairbāṇairbabhūva gaganaṃ tadā| ghanairivātapāpāye vidyunmālāsamākulaiḥ || 99.28 ||

उस समय आकाश निरंतर बरसते नाना प्रकार के बाणों से इस प्रकार भर गया, जैसे वर्षाकाल के अंत में बिजलियों की मालाओं से घिरे मेघों से भर जाता है।

श्लोक 29 (yuddha.99.29)

गवाक्षितमिवाकाशं बभूव शरवृष्टिभिः। महावेगैः सुतीक्ष्णाग्रैर्गृध्रपत्रैः सुवाजितैः ॥ 99.29 ॥

gavākṣitamivākāśaṃ babhūva śaravṛṣṭibhiḥ| mahāvegaiḥ sutīkṣṇāgrairgṛdhrapatraiḥ suvājitaiḥ || 99.29 ||

अत्यंत वेगवान्, तीक्ष्ण अग्रभाग वाले और गिद्ध के पंखों से सुसज्जित उन बाणों की वर्षा से आकाश ऐसा प्रतीत होने लगा, मानो झरोखों से भर गया हो।

श्लोक 30 (yuddha.99.30)

शरान्धकारमाकाशं चक्रतुः परमं तदा। गतेऽस्तं तपने चापि महामेघाविवोत्थितौ ॥ 99.30 ॥

śarāndhakāramākāśaṃ cakratuḥ paramaṃ tadā| gate'staṃ tapane cāpi mahāmeghāvivotthitau || 99.30 ||

उन दोनों ने आकाश को घोर बाण-अंधकार से भर दिया, मानो सूर्य के अस्त हो जाने पर भी दो विशाल मेघ उमड़ आए हों।

श्लोक 31 (yuddha.99.31)

तयोरभून्महायुद्धमन्योन्यवधकांक्षिणोः। अनासाद्यमचिन्त्यं च वृत्रवासवयोरिव ॥ 99.31 ॥

tayorabhūnmahāyuddhamanyonyavadhakāṃkṣiṇoḥ| anāsādyamacintyaṃ ca vṛtravāsavayoriva || 99.31 ||

एक-दूसरे के वध की कामना करने वाले उन दोनों के बीच वह महायुद्ध वृत्रासुर और इन्द्र के युद्ध के समान अगम्य और अचिन्त्य हो गया।

श्लोक 32 (yuddha.99.32)

उभौ हि परमेष्वासावुभौ युद्धविशारदौ। उभावस्त्रविदां मुख्यावुभौ युद्धे विचेरतुः ॥ 99.32 ॥

ubhau hi parameṣvāsāvubhau yuddhaviśāradau| ubhāvastravidāṃ mukhyāvubhau yuddhe viceratuḥ || 99.32 ||

दोनों ही सर्वश्रेष्ठ धनुर्धर थे, दोनों ही युद्ध में निपुण थे, दोनों ही अस्त्रवेत्ताओं में प्रमुख थे, और दोनों ही युद्धभूमि में इधर-उधर विचरण कर रहे थे।

श्लोक 33 (yuddha.99.33)

उभौ हि येन व्रजतस्तेन तेन शरोर्मयः। ऊर्मयो वायुना विद्धा जग्मुः सागरयोरिव ॥ 99.33 ॥

ubhau hi yena vrajatastena tena śarormayaḥ| ūrmayo vāyunā viddhā jagmuḥ sāgarayoriva || 99.33 ||

दोनों जिस-जिस दिशा में बढ़ते, उसी दिशा में बाणों की लहरें भी बढ़ती थीं, जैसे वायु से उद्वेलित होकर दो सागरों की तरंगें चलती हैं।

श्लोक 34 (yuddha.99.34)

ततः संसक्तहस्तस्तु रावणो लोकरावणः। नाराचमालां रामस्य ललाटे प्रत्यमुञ्चत ॥ 99.34 ॥

tataḥ saṃsaktahastastu rāvaṇo lokarāvaṇaḥ| nārācamālāṃ rāmasya lalāṭe pratyamuñcata || 99.34 ||

तब समस्त लोकों को रुलाने वाले रावण ने, बिना विराम के हाथ चलाते हुए, राम के ललाट पर लोहे के बाणों की एक माला-सी छोड़ दी।

श्लोक 35 (yuddha.99.35)

रौद्रचापप्रयुक्तां तां नीलोत्पलदलप्रभाम्। शिरसाधारयद् रामो न व्यथामभ्यपद्यत ॥ 99.35 ॥

raudracāpaprayuktāṃ tāṃ nīlotpaladalaprabhām| śirasādhārayad rāmo na vyathāmabhyapadyata || 99.35 ||

उस भयंकर धनुष से छूटी, नील कमल-दल के समान कांतिवाली उस बाण-माला को राम ने अपने सिर पर धारण किया, किन्तु उन्हें कोई पीड़ा नहीं हुई।

श्लोक 36 (yuddha.99.36)

अथ मन्त्रानपि जपन् रौद्रमस्त्रमुदीरयन्। शरान् भूयः समादाय रामः क्रोधसमन्वितः ॥ 99.36 ॥

atha mantrānapi japan raudramastramudīrayan| śarān bhūyaḥ samādāya rāmaḥ krodhasamanvitaḥ || 99.36 ||

तब मंत्रों का जप करते हुए और रौद्र अस्त्र का आवाहन करते हुए, क्रोध से भरे राम ने फिर से बाण उठाए,

श्लोक 37 (yuddha.99.37)

मुमोच च महातेजाश्चापमायम्य वीर्यवान्। तान् शरान् राक्षसेन्द्राय चिक्षेपाच्छिन्नसायकः ॥ 99.37 ॥

mumoca ca mahātejāścāpamāyamya vīryavān| tān śarān rākṣasendrāya cikṣepācchinnasāyakaḥ || 99.37 ||

और उस महातेजस्वी, बलवान् राम ने धनुष खींचकर उन बाणों को राक्षसराज पर छोड़ दिया, उनका बाण-प्रवाह कभी टूटा नहीं।

श्लोक 38 (yuddha.99.38)

ते महामेघसंकाशे कवचे पतिताः शराः। अवध्ये राक्षसेन्द्रस्य न व्यथां जनयंस्तदा ॥ 99.38 ॥

te mahāmeghasaṃkāśe kavace patitāḥ śarāḥ| avadhye rākṣasendrasya na vyathāṃ janayaṃstadā || 99.38 ||

किन्तु महामेघ के समान उस अवध्य राक्षसराज के कवच पर गिरकर, उन बाणों ने उसे कोई पीड़ा नहीं पहुँचाई।

श्लोक 39 (yuddha.99.39)

पुनरेवाथ तं रामो रथस्थं राक्षसाधिपम्। ललाटे परमास्त्रेण सर्वास्त्रकुशलोऽभिनत् ॥ 99.39 ॥

punarevātha taṃ rāmo rathasthaṃ rākṣasādhipam| lalāṭe paramāstreṇa sarvāstrakuśalo'bhinat || 99.39 ||

तब समस्त अस्त्रों में कुशल राम ने रथ पर बैठे उस राक्षसराज के ललाट पर फिर से एक श्रेष्ठ अस्त्र से प्रहार किया।

श्लोक 40 (yuddha.99.40)

ते भित्त्वा बाणरूपाणि पञ्चशीर्षा इवोरगाः। श्वसन्तो विविशुर्भूमिं रावणप्रतिकूलिताः ॥ 99.40 ॥

te bhittvā bāṇarūpāṇi pañcaśīrṣā ivoragāḥ| śvasanto viviśurbhūmiṃ rāvaṇapratikūlitāḥ || 99.40 ||

उसके बाणों के आकार को भेदकर, वे बाण पाँच फनों वाले फुफकारते सर्पों के समान, रावण द्वारा विमुख किए जाने पर धरती में समा गए।

श्लोक 41 (yuddha.99.41)

निहत्य राघवस्यास्त्रं रावणः क्रोधमूर्च्छितः। आसुरं सुमहाघोरमस्त्रं प्रादुश्चकार सः ॥ 99.41 ॥

nihatya rāghavasyāstraṃ rāvaṇaḥ krodhamūrcchitaḥ| āsuraṃ sumahāghoramastraṃ prāduścakāra saḥ || 99.41 ||

राघव के अस्त्र को निष्फल करके, क्रोध से बेसुध रावण ने अत्यंत भयंकर आसुर अस्त्र का प्रयोग किया।

श्लोक 42 (yuddha.99.42)

सिंहव्याघ्रमुखांश्चापि कङ्ककोकमुखानपि। गृध्रश्येनमुखांश्चापि शृगालवदनांस्तथा ॥ 99.42 ॥

siṃhavyāghramukhāṃścāpi kaṅkakokamukhānapi| gṛdhraśyenamukhāṃścāpi śṛgālavadanāṃstathā || 99.42 ||

उससे लायन और व्याघ्र के मुख वाले, हेरन और गिद्ध के मुख वाले, गीध और बाज के मुख वाले, तथा गीदड़ के मुख वाले बाण निकल पड़े,

श्लोक 43 (yuddha.99.43)

ईहामृगमुखांश्चापि व्यादितास्यान् भयावहान्। पञ्चास्याँल्लेलिहानांश्च ससर्ज निशितान् शरान् ॥ 99.43 ॥

īhāmṛgamukhāṃścāpi vyāditāsyān bhayāvahān| pañcāsyā~llelihānāṃśca sasarja niśitān śarān || 99.43 ||

मृगों के मुख वाले, भय उत्पन्न करते हुए फैले मुख वाले, और लपलपाती जीभों सहित पाँच-मुख वाले तीक्ष्ण बाण भी उसने छोड़े,

श्लोक 44 (yuddha.99.44)

शरान् खरमुखांश्चान्यान् वराहमुखसंश्रितान्। श्वानकुक्कुटवक्त्रांश्च मकराशीविषाननान् ॥ 99.44 ॥

śarān kharamukhāṃścānyān varāhamukhasaṃśritān| śvānakukkuṭavaktrāṃśca makarāśīviṣānanān || 99.44 ||

गधों के मुख वाले, शूकरों के मुख वाले, कुत्तों और मुर्गों के मुख वाले, तथा मगर और विषधर सर्पों के मुख वाले अन्य बाण भी उसने छोड़े।

श्लोक 45 (yuddha.99.45)

एतांश्चान्यांश्च मायाभिः ससर्ज निशिताञ्छरान्। रामं प्रति महातेजाः क्रुद्धः सर्प इव श्वसन् ॥ 99.45 ॥

etāṃścānyāṃśca māyābhiḥ sasarja niśitāñcharān| rāmaṃ prati mahātejāḥ kruddhaḥ sarpa iva śvasan || 99.45 ||

उस महातेजस्वी रावण ने अपनी माया से ये और अन्य तीक्ष्ण बाण राम पर छोड़े, क्रुद्ध सर्प के समान फुफकारते हुए।

श्लोक 46 (yuddha.99.46)

आसुरेण समाविष्टः सोऽस्त्रेण रघुपुङ्गवः। ससर्जास्त्रं महोत्साहं पावकं पावकोपमः ॥ 99.46 ॥

āsureṇa samāviṣṭaḥ so'streṇa raghupuṅgavaḥ| sasarjāstraṃ mahotsāhaṃ pāvakaṃ pāvakopamaḥ || 99.46 ||

उस आसुर अस्त्र से घिर जाने पर, अग्नि के समान तेजस्वी रघुश्रेष्ठ राम ने भी अत्यंत प्रबल आग्नेय अस्त्र का प्रयोग किया,

श्लोक 47 (yuddha.99.47)

अग्निदीप्तमुखान् बाणांस्तत्र सूर्यमुखानपि। चन्द्रार्धचन्द्रवक्त्रांश्च धूमकेतुमुखानपि। ग्रहनक्षत्रवर्णांश्च महोल्कामुखसंस्थितान् ॥ 99.47 ॥

agnidīptamukhān bāṇāṃstatra sūryamukhānapi| candrārdhacandravaktrāṃśca dhūmaketumukhānapi| grahanakṣatravarṇāṃśca maholkāmukhasaṃsthitān || 99.47 ||

जिससे अग्नि-सम जलते मुख वाले, सूर्य के समान मुख वाले, चन्द्रमा और अर्धचन्द्र के मुख वाले, धूमकेतु के मुख वाले, ग्रह-नक्षत्रों के वर्ण वाले, तथा महाउल्का के मुख वाले बाण निकल पड़े,

श्लोक 48 (yuddha.99.48)

विद्युज्जिह्वोपमांश्चापि ससर्ज विविधाञ्छरान्। ते रावणशरा घोरा राघवास्त्रसमाहताः ॥ 99.48 ॥

vidyujjihvopamāṃścāpi sasarja vividhāñcharān| te rāvaṇaśarā ghorā rāghavāstrasamāhatāḥ || 99.48 ||

और बिजली की जीभों के समान विविध बाण भी छोड़े। रावण के वे भयंकर बाण राघव के अस्त्र से आहत होकर,

श्लोक 49 (yuddha.99.49)

विलयं जग्मुराकाशे जघ्नुश्चैव सहस्रशः। तदस्त्रं निहतं दृष्ट्वा रामेणाक्लिष्टकर्मणा ॥ 99.49 ॥

vilayaṃ jagmurākāśe jaghnuścaiva sahasraśaḥ| tadastraṃ nihataṃ dṛṣṭvā rāmeṇākliṣṭakarmaṇā || 99.49 ||

आकाश में ही नष्ट हो गए और हजारों टुकड़ों में कट गए। उस अस्त्र को अक्लिष्ट-कर्मा राम द्वारा नष्ट किया गया देखकर,

श्लोक 50 (yuddha.99.50)

हृष्टा नेदुस्ततः सर्वे कपयः कामरूपिणः। सुग्रीवाभिमुखा वीराः सम्परिक्षिप्य राघवम् ॥ 99.50 ॥

hṛṣṭā nedustataḥ sarve kapayaḥ kāmarūpiṇaḥ| sugrīvābhimukhā vīrāḥ samparikṣipya rāghavam || 99.50 ||

इच्छानुसार रूप धारण करने वाले वे सभी वानर-वीर हर्षित होकर गरज उठे, और राघव को घेरकर सुग्रीव की ओर मुख किए खड़े हो गए।

श्लोक 51 (yuddha.99.51)

ततस्तदस्त्रं विनिहत्य राघवः प्रसह्य तद् रावणबाहुनिःसृतम्। मुदान्वितो दाशरथिर्महात्मा विनेदुरुच्चैर्मुदिताः कपीश्वराः ॥ 99.51 ॥

tatastadastraṃ vinihatya rāghavaḥ prasahya tad rāvaṇabāhuniḥsṛtam| mudānvito dāśarathirmahātmā vineduruccairmuditāḥ kapīśvarāḥ || 99.51 ||

इस प्रकार रावण की भुजाओं से छूटे उस अस्त्र को बलपूर्वक नष्ट करके, महात्मा दाशरथि हर्ष से भर गए, और प्रसन्न वानरराज ऊँचे स्वर में गरज उठे।