महापार्श्व का वध

श्लोक 1 (yuddha.98.1)

महोदरे तु निहते महापार्श्वो महाबलः। सुग्रीवेण समीक्ष्याथ क्रोधात् संरक्तलोचनः ॥ 98.1 ॥

mahodare tu nihate mahāpārśvo mahābalaḥ| sugrīveṇa samīkṣyātha krodhāt saṃraktalocanaḥ || 98.1 ||

महोदर के सुग्रीव द्वारा मारे जाने पर, यह देखकर महाबली महापार्श्व क्रोध से उसकी आँखें रक्तवर्ण हो गईं।

श्लोक 2 (yuddha.98.2)

अङ्गदस्य चमूं भीमां क्षोभयामास मार्गणैः। स वानराणां मुख्यानामुत्तमाङ्गानि राक्षसः ॥ 98.2 ॥

aṅgadasya camūṃ bhīmāṃ kṣobhayāmāsa mārgaṇaiḥ| sa vānarāṇāṃ mukhyānāmuttamāṅgāni rākṣasaḥ || 98.2 ||

उसने अपने बाणों से अंगद की भयंकर सेना को क्षुब्ध कर दिया। उस राक्षस ने प्रमुख वानरों के सिर,

श्लोक 3 (yuddha.98.3)

पातयामास कायेभ्यः फलं वृन्तादिवानिलः। केषांचिदिषुभिर्बाहूंश्चिच्छेदाथ स राक्षसः ॥ 98.3 ॥

pātayāmāsa kāyebhyaḥ phalaṃ vṛntādivānilaḥ| keṣāṃcidiṣubhirbāhūṃścicchedātha sa rākṣasaḥ || 98.3 ||

उनके धड़ों से इस प्रकार गिरा दिए, जैसे वायु डंठल से फल गिरा देती है। उस राक्षस ने कुछ वानरों की भुजाएँ अपने बाणों से काट डालीं,

श्लोक 4 (yuddha.98.4)

वानराणां सुसंरब्धः पार्श्वं केषांचिदाक्षिपत्। तेऽर्दिता बाणवर्षेण महापार्श्वेन वानराः ॥ 98.4 ॥

vānarāṇāṃ susaṃrabdhaḥ pārśvaṃ keṣāṃcidākṣipat| te'rditā bāṇavarṣeṇa mahāpārśvena vānarāḥ || 98.4 ||

और अत्यंत क्रुद्ध होकर कुछ अन्य वानरों की पसलियाँ चीर डालीं। महापार्श्व की उस बाण-वर्षा से पीड़ित होकर वे वानर,

श्लोक 5 (yuddha.98.5)

विषादविमुखाः सर्वे बभूवुर्गतचेतसः। निशम्य बलमुद्विग्नमङ्गदो राक्षसार्दितम् ॥ 98.5 ॥

viṣādavimukhāḥ sarve babhūvurgatacetasaḥ| niśamya balamudvignamaṅgado rākṣasārditam || 98.5 ||

सब के सब विषाद से उदास और विचलित-चित्त हो गए। अपनी सेना को उस राक्षस से पीड़ित और व्याकुल जानकर अंगद ने,

श्लोक 6 (yuddha.98.6)

वेगं चक्रे महावेगः समुद्र इव पर्वसु। आयसं परिघं गृह्य सूर्यरश्मिसमप्रभम् ॥ 98.6 ॥

vegaṃ cakre mahāvegaḥ samudra iva parvasu| āyasaṃ parighaṃ gṛhya sūryaraśmisamaprabham || 98.6 ||

पर्व के दिनों में समुद्र के समान वेगवान होकर, सूर्य की किरणों के समान चमकता हुआ एक लौह परिघ हाथ में ले लिया,

श्लोक 7 (yuddha.98.7)

समरे वानरश्रेष्ठो महापार्श्वे न्यपातयत्। स तु तेन प्रहारेण महापार्श्वो विचेतनः ॥ 98.7 ॥

samare vānaraśreṣṭho mahāpārśve nyapātayat| sa tu tena prahāreṇa mahāpārśvo vicetanaḥ || 98.7 ||

उस वानरश्रेष्ठ ने युद्ध में महापार्श्व पर उसका प्रहार किया। उस प्रहार से चेतनाशून्य होकर महापार्श्व,

श्लोक 8 (yuddha.98.8)

ससूतः स्यन्दनात् तस्माद् विसंज्ञश्चापतद् भुवि। तस्यर्क्षराजस्तेजस्वी नीलाञ्जनचयोपमः ॥ 98.8 ॥

sasūtaḥ syandanāt tasmād visaṃjñaścāpatad bhuvi| tasyarkṣarājastejasvī nīlāñjanacayopamaḥ || 98.8 ||

अपने सारथी सहित उस रथ से मूर्च्छित होकर भूमि पर गिर पड़ा। तेजस्वी और काजल के ढेर के समान श्याम-वर्ण उस ऋक्षराज (जाम्बवान) ने,

श्लोक 9 (yuddha.98.9)

निष्पत्य सुमहावीर्यः स्वयूथान्मेघसंनिभात्। प्रगृह्य गिरिशृङ्गाभां क्रुद्धः स विपुलां शिलाम् ॥ 98.9 ॥

niṣpatya sumahāvīryaḥ svayūthānmeghasaṃnibhāt| pragṛhya giriśṛṅgābhāṃ kruddhaḥ sa vipulāṃ śilām || 98.9 ||

मेघ के समान अपनी सेना से अत्यंत पराक्रम के साथ निकलकर, क्रुद्ध होकर पर्वत-शिखर के समान एक विशाल शिला उठाकर,

श्लोक 10 (yuddha.98.10)

अश्वाञ्जघान तरसा बभञ्ज स्यन्दनं च तम्। मुहूर्ताल्लब्धसंज्ञस्तु महापार्श्वो महाबलः ॥ 98.10 ॥

aśvāñjaghāna tarasā babhañja syandanaṃ ca tam| muhūrtāllabdhasaṃjñastu mahāpārśvo mahābalaḥ || 98.10 ||

उसके अश्वों को शीघ्रता से मार डाला और उस रथ को भी तोड़ डाला। एक क्षण में ही चेतना पाकर महाबली महापार्श्व ने,

श्लोक 11 (yuddha.98.11)

अङ्गदं बहुभिर्बाणैर्भूयस्तं प्रत्यविध्यत। जाम्बवन्तं त्रिभिर्बाणैराजघान स्तनान्तरे ॥ 98.11 ॥

aṅgadaṃ bahubhirbāṇairbhūyastaṃ pratyavidhyata| jāmbavantaṃ tribhirbāṇairājaghāna stanāntare || 98.11 ||

फिर से अंगद को अनेक बाणों से बींध डाला, और जाम्बवान् की छाती में तीन बाण मारे।

श्लोक 12 (yuddha.98.12)

ऋक्षराजं गवाक्षं च जघान बहुभिः शरैः। गवाक्षं जाम्बवन्तं च स दृष्ट्वा शरपीडितौ ॥ 98.12 ॥

ṛkṣarājaṃ gavākṣaṃ ca jaghāna bahubhiḥ śaraiḥ| gavākṣaṃ jāmbavantaṃ ca sa dṛṣṭvā śarapīḍitau || 98.12 ||

उसने ऋक्षराज और गवाक्ष को भी अनेक बाणों से आहत किया। गवाक्ष और जाम्बवान् को बाणों से पीड़ित देखकर,

श्लोक 13 (yuddha.98.13)

जग्राह परिघं घोरमङ्गदः क्रोधमूर्च्छितः। तस्याङ्गदः सरोषाक्षो राक्षसस्य तमायसम् ॥ 98.13 ॥

jagrāha parighaṃ ghoramaṅgadaḥ krodhamūrcchitaḥ| tasyāṅgadaḥ saroṣākṣo rākṣasasya tamāyasam || 98.13 ||

क्रोध से बेसुध हुए अंगद ने एक भयंकर लौह परिघ उठा लिया। क्रोध से लाल आँखों वाले उस अंगद ने उस राक्षस के,

श्लोक 14 (yuddha.98.14)

दूरस्थितस्य परिघं रविरश्मिसमप्रभम्। द्वाभ्यां भुजाभ्यां संगृह्य भ्रामयित्वा च वेगवत् ॥ 98.14 ॥

dūrasthitasya parighaṃ raviraśmisamaprabham| dvābhyāṃ bhujābhyāṃ saṃgṛhya bhrāmayitvā ca vegavat || 98.14 ||

सूर्य की किरणों के समान चमकते उस लौह-दंड को दोनों भुजाओं से पकड़कर, तेजी से घुमाया,

श्लोक 15 (yuddha.98.15)

महापार्श्वस्य चिक्षेप वधार्थं वालिनः सुतः। स तु क्षिप्तो बलवता परिघस्तस्य रक्षसः ॥ 98.15 ॥

mahāpārśvasya cikṣepa vadhārthaṃ vālinaḥ sutaḥ| sa tu kṣipto balavatā parighastasya rakṣasaḥ || 98.15 ||

वालि-पुत्र अंगद ने दूर खड़े महापार्श्व पर उसके वध के लिए फेंका। उस बलवान द्वारा फेंका गया वह परिघ उस राक्षस के,

श्लोक 16 (yuddha.98.16)

धनुश्च सशरं हस्ताच्छिरस्त्राणं च पातयत्। तं समासाद्य वेगेन वालिपुत्रः प्रतापवान् ॥ 98.16 ॥

dhanuśca saśaraṃ hastācchirastrāṇaṃ ca pātayat| taṃ samāsādya vegena vāliputraḥ pratāpavān || 98.16 ||

हाथ से धनुष और बाण, तथा सिर से शिरस्त्राण गिरा दिए। तब वेगपूर्वक उसके निकट पहुँचकर, प्रतापी वालिपुत्र ने,

श्लोक 17 (yuddha.98.17)

तलेनाभ्यहनत् क्रुद्धः कर्णमूले सकुण्डले। स तु क्रुद्धो महावेगो महापार्श्वो महाद्युतिः ॥ 98.17 ॥

talenābhyahanat kruddhaḥ karṇamūle sakuṇḍale| sa tu kruddho mahāvego mahāpārśvo mahādyutiḥ || 98.17 ||

क्रोधपूर्वक कुंडलों सहित उसके कान की जड़ पर तमाचा जड़ दिया। तब अत्यंत क्रुद्ध, वेगवान और तेजस्वी महापार्श्व ने,

श्लोक 18 (yuddha.98.18)

करेणैकेन जग्राह सुमहान्तं परश्वधम्। तं तैलधौतं विमलं शैलसारमयं दृढम् ॥ 98.18 ॥

kareṇaikena jagrāha sumahāntaṃ paraśvadham| taṃ tailadhautaṃ vimalaṃ śailasāramayaṃ dṛḍham || 98.18 ||

एक ही हाथ से एक विशाल फरसा उठा लिया, जो तेल से धुला हुआ, निर्मल, दृढ़ और पर्वत के सार धातु से बना था।

श्लोक 19 (yuddha.98.19)

राक्षसः परमक्रुद्धो वालिपुत्रे न्यपातयत्। तेन वामांसफलके भृशं प्रत्यवपातितम् ॥ 98.19 ॥

rākṣasaḥ paramakruddho vāliputre nyapātayat| tena vāmāṃsaphalake bhṛśaṃ pratyavapātitam || 98.19 ||

अत्यंत क्रुद्ध उस राक्षस ने वालिपुत्र पर उसे दे मारा। उससे अंगद का बायाँ कंधा गहरी चोट खाकर पिछड़ गया।

श्लोक 20 (yuddha.98.20)

अङ्गदो मोक्षयामास सरोषः स परश्वधम्। स वीरो वज्रसंकाशमङ्गदो मुष्टिमात्मनः ॥ 98.20 ॥

aṅgado mokṣayāmāsa saroṣaḥ sa paraśvadham| sa vīro vajrasaṃkāśamaṅgado muṣṭimātmanaḥ || 98.20 ||

क्रोध से भरे अंगद ने उस फरसे के प्रहार से स्वयं को बचा लिया। उस वीर अंगद ने वज्र के समान अपनी मुट्ठी को,

श्लोक 21 (yuddha.98.21)

संवर्तयत् सुसंक्रुद्धः पितुस्तुल्यपराक्रमः। राक्षसस्य स्तनाभ्याशे मर्मज्ञो हृदयं प्रति ॥ 98.21 ॥

saṃvartayat susaṃkruddhaḥ pitustulyaparākramaḥ| rākṣasasya stanābhyāśe marmajño hṛdayaṃ prati || 98.21 ||

अत्यंत क्रुद्ध होकर कस लिया — अपने पिता वालि के समान पराक्रमी और मर्मज्ञ अंगद ने उस राक्षस की छाती के पास, हृदय के ठीक सामने,

श्लोक 22 (yuddha.98.22)

इन्द्राशनिसमस्पर्शं स मुष्टिं विन्यपातयत्। तेन तस्य निपातेन राक्षसस्य महामृधे ॥ 98.22 ॥

indrāśanisamasparśaṃ sa muṣṭiṃ vinyapātayat| tena tasya nipātena rākṣasasya mahāmṛdhe || 98.22 ||

इन्द्र के वज्र के समान स्पर्श वाली उस मुट्ठी का प्रहार किया। उस महासमर में उस प्रहार के गिरने से उस राक्षस का,

श्लोक 23 (yuddha.98.23)

पफाल हृदयं चास्य स पपात हतो भुवि। तस्मिन् विनिहते भूमौ तत् सैन्यं सम्प्रचुक्षुभे ॥ 98.23 ॥

paphāla hṛdayaṃ cāsya sa papāta hato bhuvi| tasmin vinihate bhūmau tat sainyaṃ sampracukṣubhe || 98.23 ||

हृदय फट गया, और वह मारा जाकर भूमि पर गिर पड़ा। उसके भूमि पर गिरते ही वह सेना बुरी तरह क्षुब्ध हो उठी।

श्लोक 24 (yuddha.98.24)

अभवच्च महान् क्रोधः समरे रावणस्य तु। वानराणां प्रहृष्टानां सिंहनादः सुपुष्कलः ॥ 98.24 ॥

abhavacca mahān krodhaḥ samare rāvaṇasya tu| vānarāṇāṃ prahṛṣṭānāṃ siṃhanādaḥ supuṣkalaḥ || 98.24 ||

युद्धभूमि में रावण को अत्यंत क्रोध हुआ। हर्ष से भरे वानरों की एक बड़ी सिंह-गर्जना उठी,

श्लोक 25 (yuddha.98.25)

स्फोटयन्निव शब्देन लङ्कां साट्टालगोपुराम्। सहेन्द्रेणेव देवानां नादः समभवन्महान् ॥ 98.25 ॥

sphoṭayanniva śabdena laṅkāṃ sāṭṭālagopurām| sahendreṇeva devānāṃ nādaḥ samabhavanmahān || 98.25 ||

मानो अपनी ध्वनि से अटारियों और नगर-द्वारों सहित लंका को फाड़ रही हो। वह महान् घोष इन्द्र सहित देवताओं के घोष के समान प्रतीत हुआ।

श्लोक 26 (yuddha.98.26)

अथेन्द्रशत्रुस्त्रिदशालयानां वनौकसां चैव महाप्रणादम्। श्रुत्वा सरोषं युधि राक्षसेन्द्रः पुनश्च युद्धाभिमुखोऽवतस्थे ॥ 98.26 ॥

athendraśatrustridaśālayānāṃ vanaukasāṃ caiva mahāpraṇādam| śrutvā saroṣaṃ yudhi rākṣasendraḥ punaśca yuddhābhimukho'vatasthe || 98.26 ||

तब इन्द्र के शत्रु राक्षसराज रावण उस महाघोष को सुनकर — जो देवलोकवासी देवताओं तथा वन-निवासी वानरों दोनों का प्रतीत हो रहा था — क्रोध से भरकर युद्धभूमि में पुनः युद्ध के लिए सम्मुख खड़ा हो गया।