लंका के उद्यानों और अट्टालिकाओं का दर्शन

श्लोक 1 (yuddha.39.1)

तां रात्रिमुषितास्तत्र सुवेले हरियूथपाः। लङ्कायां ददृशुर्वीरा वनान्युपवनानि च ॥ 39.1 ॥

tāṃ rātrimuṣitāstatra suvele hariyūthapāḥ| laṅkāyāṃ dadṛśurvīrā vanānyupavanāni ca || 39.1 ||

सुवेल पर्वत पर वह रात्रि बिताकर, वीर वानर-सेनापतियों ने लंका की ओर देखा और वहाँ के वनों तथा उपवनों को निहारा।

श्लोक 2 (yuddha.39.2)

समसौम्यानि रम्याणि विशालान्यायतानि च। दृष्टिरम्याणि ते दृष्ट्वा बभूवुर्जातविस्मयाः ॥ 39.2 ॥

samasaumyāni ramyāṇi viśālānyāyatāni ca| dṛṣṭiramyāṇi te dṛṣṭvā babhūvurjātavismayāḥ || 39.2 ||

उन समतल, सौम्य, रमणीय, विशाल और विस्तृत, दृष्टि को सुखद लगने वाले उपवनों को देखकर वे आश्चर्यचकित हो गए।

श्लोक 3 (yuddha.39.3)

चम्पकाशोकबकुलशालतालसमाकुला। तमालवनसंछन्ना नागमालासमावृता ॥ 39.3 ॥

campakāśokabakulaśālatālasamākulā| tamālavanasaṃchannā nāgamālāsamāvṛtā || 39.3 ||

चम्पक, अशोक, बकुल, साल और ताल वृक्षों से भरे हुए, तमाल के वनों से आच्छादित, नागकेसर की पंक्तियों से घिरे हुए —

श्लोक 4 (yuddha.39.4)

हिन्तालैरर्जुनैर्नीपैः सप्तपर्णैः सुपुष्पितैः। तिलकैः कर्णिकारैश्च पाटलैश्च समन्ततः ॥ 39.4 ॥

hintālairarjunairnīpaiḥ saptaparṇaiḥ supuṣpitaiḥ| tilakaiḥ karṇikāraiśca pāṭalaiśca samantataḥ || 39.4 ||

-- सर्वत्र सुपुष्पित हिन्ताल, अर्जुन, नीप और सप्तपर्ण वृक्षों से, तथा तिलक, कर्णिकार और पाटल वृक्षों से युक्त —

श्लोक 5 (yuddha.39.5)

शुशुभे पुष्पिताग्रैश्च लतापरिगतैर्द्रुमैः। लङ्का बहुविधैर्दिव्यैर्यथेन्द्रस्यामरावती ॥ 39.5 ॥

śuśubhe puṣpitāgraiśca latāparigatairdrumaiḥ| laṅkā bahuvidhairdivyairyathendrasyāmarāvatī || 39.5 ||

-- शीर्ष पर पुष्पित और लताओं से आवृत वृक्षों से युक्त लंका, नाना दिव्य रूपों में इन्द्र की अमरावती नगरी के समान शोभित हो रही थी।

श्लोक 6 (yuddha.39.6)

विचित्रकुसुमोपेतै रक्तकोमलपल्लवैः। शाद्वलैश्च तथा नीलैश्चित्राभिर्वनराजिभिः ॥ 39.6 ॥

vicitrakusumopetai raktakomalapallavaiḥ| śādvalaiśca tathā nīlaiścitrābhirvanarājibhiḥ || 39.6 ||

वह विचित्र पुष्पों, कोमल लाल कोंपलों, हरी दूब और नीले वन-पंक्तियों से सुशोभित थी।

श्लोक 7 (yuddha.39.7)

गन्धाढ्यान्यतिरम्याणि पुष्पाणि च फलानि च। धारयन्त्यगमास्तत्र भूषणानीव मानवाः ॥ 39.7 ॥

gandhāḍhyānyatiramyāṇi puṣpāṇi ca phalāni ca| dhārayantyagamāstatra bhūṣaṇānīva mānavāḥ || 39.7 ||

वहाँ के वृक्ष सुगन्धित और अत्यन्त मनोहर फूलों और फलों को इस प्रकार धारण किए हुए थे मानो मनुष्य आभूषण पहने हों।

श्लोक 8 (yuddha.39.8)

तच्चैत्ररथसंकाशं मनोज्ञं नन्दनोपमम्। वनं सर्वर्तुकं रम्यं शुशुभे षट्पदायुतम् ॥ 39.8 ॥

taccaitrarathasaṃkāśaṃ manojñaṃ nandanopamam| vanaṃ sarvartukaṃ ramyaṃ śuśubhe ṣaṭpadāyutam || 39.8 ||

वह वन कुबेर के चैत्ररथ वन के समान, इन्द्र के नन्दन वन जैसा मनोहर, सभी ऋतुओं में फलने-फूलने वाला और भ्रमरों की गुंजार से भरा हुआ, अत्यन्त शोभायमान था।

श्लोक 9 (yuddha.39.9)

दात्यूहकोयष्टिबकैर्नृत्यमानैश्च बर्हिणैः। रुतं परभृतानां च शुश्रुवे वननिर्झरे ॥ 39.9 ॥

dātyūhakoyaṣṭibakairnṛtyamānaiśca barhiṇaiḥ| rutaṃ parabhṛtānāṃ ca śuśruve vananirjhare || 39.9 ||

उस वन के झरनों के पास दात्यूह, कोयष्टि और बगुलों की बोली, नाचते हुए मोरों की ध्वनि, तथा कोयलों की कूक सुनाई देती थी।

श्लोक 10 (yuddha.39.10)

नित्यमत्तविहंगानि भ्रमराचरितानि च। कोकिलाकुलखण्डानि विहंगाभिरुतानि च ॥ 39.10 ॥

nityamattavihaṃgāni bhramarācaritāni ca| kokilākulakhaṇḍāni vihaṃgābhirutāni ca || 39.10 ||

उसके कुंज सदा मदमस्त पक्षियों से गुँजायमान, भौंरों से भरे, कोयलों के झुंडों से आच्छादित और पक्षियों के कलरव से गूँजते रहते थे।

श्लोक 11 (yuddha.39.11)

भृङ्गराजाधिगीतानि कुररस्वनितानि च। कोणालकविघुष्टानि सारसाभिरुतानि च। विविशुस्ते ततस्तानि वनान्युपवनानि च ॥ 39.11 ॥

bhṛṅgarājādhigītāni kurarasvanitāni ca| koṇālakavighuṣṭāni sārasābhirutāni ca| viviśuste tatastāni vanānyupavanāni ca || 39.11 ||

-- भृंगराज पक्षियों के गीतों, कुरर पक्षियों की बोली, कोणालक पक्षियों की पुकार और सारस पक्षियों की ध्वनि से गूँजते हुए उन वनों और उपवनों में वे वानर प्रविष्ट हुए।

श्लोक 12 (yuddha.39.12)

हृष्टाः प्रमुदिता वीरा हरयः कामरूपिणः। तेषां प्रविशतां तत्र वानराणां महौजसाम् ॥ 39.12 ॥

hṛṣṭāḥ pramuditā vīrā harayaḥ kāmarūpiṇaḥ| teṣāṃ praviśatāṃ tatra vānarāṇāṃ mahaujasām || 39.12 ||

इच्छानुसार रूप धारण करने वाले वे वीर वानर हर्षित एवं प्रसन्न होकर वहाँ प्रविष्ट हुए; और जब वे महातेजस्वी वानर वहाँ प्रवेश कर रहे थे —

श्लोक 13 (yuddha.39.13)

पुष्पसंसर्गसुरभिर्ववौ घ्राणसुखोऽनिलः। अन्ये तु हरिवीराणां यूथान्निष्क्रम्य यूथपाः। सुग्रीवेणाभ्यनुज्ञाता लङ्कां जग्मुः पताकिनीम् ॥ 39.13 ॥

puṣpasaṃsargasurabhirvavau ghrāṇasukho'nilaḥ| anye tu harivīrāṇāṃ yūthānniṣkramya yūthapāḥ| sugrīveṇābhyanujñātā laṅkāṃ jagmuḥ patākinīm || 39.13 ||

-- फूलों के संसर्ग से सुगन्धित और घ्राण को सुखद लगने वाली वायु बहने लगी। इसी बीच अन्य वीर वानर-सेनापति अपनी टुकड़ियों से निकलकर, सुग्रीव की अनुमति लेकर, ध्वजाओं से सुसज्जित लंका की ओर चल पड़े।

श्लोक 14 (yuddha.39.14)

वित्रासयन्तो विहगान् ग्लापयन्तो मृगद्विपान्। कम्पयन्तश्च तां लङ्कां नादैः स्वैर्नदतां वराः ॥ 39.14 ॥

vitrāsayanto vihagān glāpayanto mṛgadvipān| kampayantaśca tāṃ laṅkāṃ nādaiḥ svairnadatāṃ varāḥ || 39.14 ||

वे श्रेष्ठ वानर गरजते हुए, पक्षियों को भयभीत करते, मृगों और हाथियों को व्याकुल करते, तथा अपनी गर्जना से लंका को कम्पित करते हुए —

श्लोक 15 (yuddha.39.15)

कुर्वन्तस्ते महावेगा महीं चरणपीडिताम्। रजश्च सहसैवोर्ध्वं जगाम चरणोत्थितम् ॥ 39.15 ॥

kurvantaste mahāvegā mahīṃ caraṇapīḍitām| rajaśca sahasaivordhvaṃ jagāma caraṇotthitam || 39.15 ||

-- अत्यन्त वेग से पृथ्वी को अपने पैरों से रौंदते हुए चले, और उनके पैरों से उठी हुई धूल एकाएक आकाश में छा गई।

श्लोक 16 (yuddha.39.16)

ऋक्षाः सिंहाश्च महिषा वारणाश्च मृगाः खगाः। तेन शब्देन वित्रस्ता जग्मुर्भीता दिशो दश ॥ 39.16 ॥

ṛkṣāḥ siṃhāśca mahiṣā vāraṇāśca mṛgāḥ khagāḥ| tena śabdena vitrastā jagmurbhītā diśo daśa || 39.16 ||

उस ध्वनि से भयभीत होकर रीछ, सिंह, भैंसे, हाथी, मृग और पक्षी दसों दिशाओं में भाग गए।

श्लोक 17 (yuddha.39.17)

शिखरं तु त्रिकूटस्य प्रांशु चैकं दिविस्पृशम्। समन्तात् पुष्पसंछन्नं महारजतसंनिभम् ॥ 39.17 ॥

śikharaṃ tu trikūṭasya prāṃśu caikaṃ divispṛśam| samantāt puṣpasaṃchannaṃ mahārajatasaṃnibham || 39.17 ||

किन्तु त्रिकूट पर्वत का वह एक ऊँचा शिखर, जो आकाश को स्पर्श करता था, चारों ओर पुष्पों से आच्छादित और विशाल रजत के समान चमकता था —

श्लोक 18 (yuddha.39.18)

शतयोजनविस्तीर्णं विमलं चारुदर्शनम्। श्लक्ष्णं श्रीमन्महच्चैव दुष्प्रापं शकुनैरपि ॥ 39.18 ॥

śatayojanavistīrṇaṃ vimalaṃ cārudarśanam| ślakṣṇaṃ śrīmanmahaccaiva duṣprāpaṃ śakunairapi || 39.18 ||

-- सौ योजन विस्तृत, निर्मल, सुन्दर दिखने वाला, चिकना, भव्य और विशाल, तथा पक्षियों के लिए भी दुर्गम —

श्लोक 19 (yuddha.39.19)

मनसापि दुरारोहं किं पुनः कर्मणा जनैः। निविष्टा तस्य शिखरे लङ्का रावणपालिता ॥ 39.19 ॥

manasāpi durārohaṃ kiṃ punaḥ karmaṇā janaiḥ| niviṣṭā tasya śikhare laṅkā rāvaṇapālitā || 39.19 ||

-- जिस पर मन से भी चढ़ना कठिन था, फिर मनुष्यों के लिए वास्तविक आरोहण तो और भी दुष्कर था -- उसी के शिखर पर रावण द्वारा शासित लंका बसी हुई थी।

श्लोक 20 (yuddha.39.20)

दशयोजनविस्तीर्णा विंशद्योजनमायता। सा पुरी गोपुरैरुच्चैः पाण्डुराम्बुदसंनिभैः। काञ्चनेन च शालेन राजतेन च शोभते ॥ 39.20 ॥

daśayojanavistīrṇā viṃśadyojanamāyatā| sā purī gopurairuccaiḥ pāṇḍurāmbudasaṃnibhaiḥ| kāñcanena ca śālena rājatena ca śobhate || 39.20 ||

दस योजन चौड़ी और बीस योजन लंबी वह नगरी, श्वेत मेघों के समान ऊँचे फाटकों वाली, सुवर्ण और रजत की प्राचीर से सुशोभित थी।

श्लोक 21 (yuddha.39.21)

प्रासादैश्च विमानैश्च लङ्का परमभूषिता। घनैरिवातपापाये मध्यमं वैष्णवं पदम् ॥ 39.21 ॥

prāsādaiśca vimānaiśca laṅkā paramabhūṣitā| ghanairivātapāpāye madhyamaṃ vaiṣṇavaṃ padam || 39.21 ||

महलों और गगनचुम्बी भवनों से अत्यन्त सुसज्जित लंका ऐसी शोभा दे रही थी मानो ग्रीष्म ऋतु के अन्त में मेघाच्छन्न आकाश हो, या पृथ्वी और स्वर्ग के मध्य का विष्णु-पद हो।

श्लोक 22 (yuddha.39.22)

यस्यां स्तम्भसहस्रेण प्रासादः समलंकृतः। कैलासशिखराकारो दृश्यते खमिवोल्लिखन् ॥ 39.22 ॥

yasyāṃ stambhasahasreṇa prāsādaḥ samalaṃkṛtaḥ| kailāsaśikharākāro dṛśyate khamivollikhan || 39.22 ||

उसमें सहस्र स्तम्भों से सुसज्जित एक प्रासाद था, जो कैलास शिखर के समान आकाश को चीरता हुआ-सा दिखाई देता था।

श्लोक 23 (yuddha.39.23)

चैत्यः स राक्षसेन्द्रस्य बभूव पुरभूषणम्। शतेन रक्षसां नित्यं यः समग्रेण रक्ष्यते ॥ 39.23 ॥

caityaḥ sa rākṣasendrasya babhūva purabhūṣaṇam| śatena rakṣasāṃ nityaṃ yaḥ samagreṇa rakṣyate || 39.23 ||

राक्षसराज का वह भव्य भवन नगरी का आभूषण बन गया था, जिसकी सदा सौ राक्षसों की पूर्ण टुकड़ी रक्षा करती थी।

श्लोक 24 (yuddha.39.24)

मनोज्ञां काञ्चनवतीं पर्वतैरुपशोभिताम्। नानाधातुविचित्रैश्च उद्यानैरुपशोभिताम् ॥ 39.24 ॥

manojñāṃ kāñcanavatīṃ parvatairupaśobhitām| nānādhātuvicitraiśca udyānairupaśobhitām || 39.24 ||

उन्होंने उस नगरी को देखा -- मनोहर, स्वर्णिम, पर्वतों से सुशोभित, तथा नाना धातुओं से विचित्र उद्यानों से अलंकृत —

श्लोक 25 (yuddha.39.25)

नानाविहगसंघुष्टां नानामृगनिषेविताम्। नानाकुसुमसम्पन्नां नानाराक्षससेविताम् ॥ 39.25 ॥

nānāvihagasaṃghuṣṭāṃ nānāmṛganiṣevitām| nānākusumasampannāṃ nānārākṣasasevitām || 39.25 ||

-- नाना प्रकार के पक्षियों की ध्वनि से गुंजायमान, नाना प्रकार के मृगों से युक्त, नाना पुष्पों से सम्पन्न, और नाना राक्षसों से आबाद —

श्लोक 26 (yuddha.39.26)

तां समृद्धां समृद्धार्थां लक्ष्मीवाँल्लक्ष्मणाग्रजः। रावणस्य पुरीं रामो ददर्श सह वानरैः ॥ 39.26 ॥

tāṃ samṛddhāṃ samṛddhārthāṃ lakṣmīvā~llakṣmaṇāgrajaḥ| rāvaṇasya purīṃ rāmo dadarśa saha vānaraiḥ || 39.26 ||

उस समृद्ध और धन-सम्पन्न रावण की नगरी को, तेजस्वी लक्ष्मणाग्रज राम ने वानरों के साथ इस प्रकार देखा।

श्लोक 27 (yuddha.39.27)

तां महागृहसम्बाधां दृष्ट्वा लक्ष्मणपूर्वजः। नगरीं त्रिदिवप्रख्यां विस्मयं प्राप वीर्यवान् ॥ 39.27 ॥

tāṃ mahāgṛhasambādhāṃ dṛṣṭvā lakṣmaṇapūrvajaḥ| nagarīṃ tridivaprakhyāṃ vismayaṃ prāpa vīryavān || 39.27 ||

विशाल भवनों से खचाखच भरी और स्वर्गतुल्य उस नगरी को देखकर वीर्यवान् लक्ष्मणाग्रज राम आश्चर्यचकित हो गए।

श्लोक 28 (yuddha.39.28)

तां रत्नपूर्णां बहुसंविधानां प्रासादमालाभिरलंकृतां च। पुरीं महायन्त्रकवाटमुख्यां ददर्श रामो महता बलेन ॥ 39.28 ॥

tāṃ ratnapūrṇāṃ bahusaṃvidhānāṃ prāsādamālābhiralaṃkṛtāṃ ca| purīṃ mahāyantrakavāṭamukhyāṃ dadarśa rāmo mahatā balena || 39.28 ||

रत्नों से परिपूर्ण, अनेक साधनों से सम्पन्न, प्रासादों की पंक्तियों से अलंकृत तथा विशाल यन्त्रयुक्त कपाटों वाले मुख्य द्वारों से युक्त उस नगरी को राम ने अपनी विशाल सेना सहित देखा।