सुग्रीव-रावण द्वन्द्वयुद्ध

श्लोक 1 (yuddha.40.1)

ततो रामः सुवेलाग्रं योजनद्वयमण्डलम्। उपारोहत् ससुग्रीवो हरियूथैः समन्वितः ॥ 40.1 ॥

tato rāmaḥ suvelāgraṃ yojanadvayamaṇḍalam| upārohat sasugrīvo hariyūthaiḥ samanvitaḥ || 40.1 ||

तत्पश्चात् राम, सुग्रीव और वानर-सेनाओं सहित, दो योजन के घेरे वाले सुवेल के शिखर पर चढ़े।

श्लोक 2 (yuddha.40.2)

स्थित्वा मुहूर्तं तत्रैव दिशो दश विलोकयन्। त्रिकूटशिखरे रम्ये निर्मितां विश्वकर्मणा ॥ 40.2 ॥

sthitvā muhūrtaṃ tatraiva diśo daśa vilokayan| trikūṭaśikhare ramye nirmitāṃ viśvakarmaṇā || 40.2 ||

वहाँ क्षणभर खड़े होकर दसों दिशाओं का अवलोकन करते हुए, उन्होंने त्रिकूट के रमणीय शिखर पर विश्वकर्मा द्वारा निर्मित —

श्लोक 3 (yuddha.40.3)

ददर्श लङ्कां सुन्यस्तां रम्यकाननशोभिताम्। तस्य गोपुरशृङ्गस्थं राक्षसेन्द्रं दुरासदम् ॥ 40.3 ॥

dadarśa laṅkāṃ sunyastāṃ ramyakānanaśobhitām| tasya gopuraśṛṅgasthaṃ rākṣasendraṃ durāsadam || 40.3 ||

-- लंका नगरी को देखा, जो सुव्यवस्थित और रमणीय वनों से सुशोभित थी; और उसके एक गोपुर के शिखर पर अजेय राक्षसराज —

श्लोक 4 (yuddha.40.4)

श्वेतचामरपर्यन्तं विजयच्छत्रशोभितम्। रक्तचन्दनसंलिप्तं रत्नाभरणभूषितम् ॥ 40.4 ॥

śvetacāmaraparyantaṃ vijayacchatraśobhitam| raktacandanasaṃliptaṃ ratnābharaṇabhūṣitam || 40.4 ||

-- दोनों ओर श्वेत चँवरों से बीजा जाता हुआ, विजय-छत्र से सुशोभित, लाल चन्दन से लिप्त, रत्नाभूषणों से विभूषित —

श्लोक 5 (yuddha.40.5)

नीलजीमूतसंकाशं हेमसंछादिताम्बरम्। ऐरावतविषाणाग्रैरुत्कृष्टकिणवक्षसम् ॥ 40.5 ॥

nīlajīmūtasaṃkāśaṃ hemasaṃchāditāmbaram| airāvataviṣāṇāgrairutkṛṣṭakiṇavakṣasam || 40.5 ||

-- नीले मेघ के समान, सुवर्ण-मंडित वस्त्र पहने, ऐरावत के दाँतों की नोकों से उत्पन्न घावों के चिह्नों से युक्त वक्षस्थल वाला —

श्लोक 6 (yuddha.40.6)

शशलोहितरागेण संवीतं रक्तवाससा। संध्यातपेन संछन्नं मेघराशिमिवाम्बरे ॥ 40.6 ॥

śaśalohitarāgeṇa saṃvītaṃ raktavāsasā| saṃdhyātapena saṃchannaṃ megharāśimivāmbare || 40.6 ||

-- खरगोश के रक्त के रंग जैसे लाल वस्त्र में लिपटा हुआ रावण, आकाश में संध्या की लालिमा से रंजित मेघ-समूह के समान प्रतीत हो रहा था।

श्लोक 7 (yuddha.40.7)

पश्यतां वानरेन्द्राणां राघवस्यापि पश्यतः। दर्शनाद् राक्षसेन्द्रस्य सुग्रीवः सहसोत्थितः ॥ 40.7 ॥

paśyatāṃ vānarendrāṇāṃ rāghavasyāpi paśyataḥ| darśanād rākṣasendrasya sugrīvaḥ sahasotthitaḥ || 40.7 ||

वानरश्रेष्ठों के देखते-देखते और राघव के भी देखते-देखते, राक्षसराज को देखते ही सुग्रीव सहसा उठ खड़े हुए।

श्लोक 8 (yuddha.40.8)

क्रोधवेगेन संयुक्तः सत्त्वेन च बलेन च। अचलाग्रादथोत्थाय पुप्लुवे गोपुरस्थले ॥ 40.8 ॥

krodhavegena saṃyuktaḥ sattvena ca balena ca| acalāgrādathotthāya pupluve gopurasthale || 40.8 ||

क्रोध के वेग, साहस और बल से युक्त होकर, पर्वत-शिखर से उठकर वे गोपुर के चबूतरे पर जा कूदे।

श्लोक 9 (yuddha.40.9)

स्थित्वा मुहूर्तं सम्प्रेक्ष्य निर्भयेनान्तरात्मना। तृणीकृत्य च तद् रक्षः सोऽब्रवीत् परुषं वचः ॥ 40.9 ॥

sthitvā muhūrtaṃ samprekṣya nirbhayenāntarātmanā| tṛṇīkṛtya ca tad rakṣaḥ so'bravīt paruṣaṃ vacaḥ || 40.9 ||

क्षणभर रुककर, निर्भय हृदय से भलीभाँति देखकर, उस राक्षस को तिनके के समान तुच्छ मानते हुए, उन्होंने यह कठोर वचन कहा:

श्लोक 10 (yuddha.40.10)

लोकनाथस्य रामस्य सखा दासोऽस्मि राक्षस। न मया मोक्ष्यसेऽद्य त्वं पार्थिवेन्द्रस्य तेजसा ॥ 40.10 ॥

lokanāthasya rāmasya sakhā dāso'smi rākṣasa| na mayā mokṣyase'dya tvaṃ pārthivendrasya tejasā || 40.10 ||

‘हे राक्षस! मैं लोकनाथ राम का सखा और सेवक हूँ। उस राजेन्द्र के तेज से आज तुम मुझसे छूट नहीं पाओगे।’

श्लोक 11 (yuddha.40.11)

इत्युक्त्वा सहसोत्पत्य पुप्लुवे तस्य चोपरि। आकृष्य मुकुटं चित्रं पातयामास तद् भुवि ॥ 40.11 ॥

ityuktvā sahasotpatya pupluve tasya copari| ākṛṣya mukuṭaṃ citraṃ pātayāmāsa tad bhuvi || 40.11 ||

यह कहकर वे सहसा उछले और रावण पर जा कूदे; और उसका सुन्दर मुकुट खींचकर पृथ्वी पर पटक दिया।

श्लोक 12 (yuddha.40.12)

समीक्ष्य तूर्णमायान्तं बभाषे तं निशाचरः। सुग्रीवस्त्वं परोक्षं मे हीनग्रीवो भविष्यसि ॥ 40.12 ॥

samīkṣya tūrṇamāyāntaṃ babhāṣe taṃ niśācaraḥ| sugrīvastvaṃ parokṣaṃ me hīnagrīvo bhaviṣyasi || 40.12 ||

उसे वेग से आते देखकर उस निशाचर ने कहा: ‘जब तक तुम मेरी दृष्टि से परे थे, तभी तक सुग्रीव (सुन्दर ग्रीवा वाले) थे; अब तुम हीनग्रीव (ग्रीवा-रहित) हो जाओगे।’

श्लोक 13 (yuddha.40.13)

इत्युक्त्वोत्थाय तं क्षिप्रं बाहुभ्यामाक्षिपत् तले। कन्दुवत् स समुत्थाय बाहुभ्यामाक्षिपद्धरिः ॥ 40.13 ॥

ityuktvotthāya taṃ kṣipraṃ bāhubhyāmākṣipat tale| kanduvat sa samutthāya bāhubhyāmākṣipaddhariḥ || 40.13 ||

यह कहकर उठकर उसने अपनी दोनों भुजाओं से सुग्रीव को तुरन्त भूमि पर पटक दिया। किन्तु वानर गेंद के समान उछलकर उठे और अपनी भुजाओं से उसे भी पटक दिया।

श्लोक 14 (yuddha.40.14)

परस्परं स्वेदविदिग्धगात्रौ परस्परं शोणितरक्तदेहौ। परस्परं श्लिष्टनिरुद्धचेष्टौ परस्परं शाल्मलिकिंशुकाविव ॥ 40.14 ॥

parasparaṃ svedavidigdhagātrau parasparaṃ śoṇitaraktadehau| parasparaṃ śliṣṭaniruddhaceṣṭau parasparaṃ śālmalikiṃśukāviva || 40.14 ||

एक-दूसरे के पसीने से लथपथ, एक-दूसरे के रक्त से रंजित, आलिंगनबद्ध होकर एक-दूसरे की गतियों को रोकते हुए, वे मानो परस्पर गुंथे हुए शाल्मलि और किंशुक वृक्षों के समान प्रतीत हो रहे थे।

श्लोक 15 (yuddha.40.15)

मुष्टिप्रहारैश्च तलप्रहारै- ररत्निघातैश्च कराग्रघातैः। तौ चक्रतुर्युद्धमसह्यरूपं महाबलौ राक्षसवानरेन्द्रौ ॥ 40.15 ॥

muṣṭiprahāraiśca talaprahārai- raratnighātaiśca karāgraghātaiḥ| tau cakraturyuddhamasahyarūpaṃ mahābalau rākṣasavānarendrau || 40.15 ||

मुक्कों, थप्पड़ों, कोहनियों और अंगुलियों के प्रहारों से, वे दोनों महाबली राक्षसराज और वानरराज एक असह्य युद्ध करने लगे।

श्लोक 16 (yuddha.40.16)

कृत्वा नियुद्धं भृशमुग्रवेगौ कालं चिरं गोपुरवेदिमध्ये। उत्क्षिप्य चोत्क्षिप्य विनम्य देहौ पादक्रमाद् गोपुरवेदिलग्नौ ॥ 40.16 ॥

kṛtvā niyuddhaṃ bhṛśamugravegau kālaṃ ciraṃ gopuravedimadhye| utkṣipya cotkṣipya vinamya dehau pādakramād gopuravedilagnau || 40.16 ||

गोपुर के चबूतरे पर दीर्घकाल तक अत्यन्त उग्र वेग से मल्लयुद्ध करते हुए, बार-बार एक-दूसरे को उठाते और झुकाते हुए, वे पैर-दर-पैर उस चबूतरे पर डटे रहे।

श्लोक 17 (yuddha.40.17)

अन्योन्यमापीड्य विलग्नदेहौ तौ पेततुः सालनिखातमध्ये। उत्पेततुर्भूमितलं स्पृशन्तौ स्थित्वा मुहूर्तं त्वभिनिःश्वसन्तौ ॥ 40.17 ॥

anyonyamāpīḍya vilagnadehau tau petatuḥ sālanikhātamadhye| utpetaturbhūmitalaṃ spṛśantau sthitvā muhūrtaṃ tvabhiniḥśvasantau || 40.17 ||

एक-दूसरे को दबाते हुए, परस्पर सटे हुए शरीरों सहित, वे प्राचीर और खाई के बीच गिर पड़े; भूमि को स्पर्श करते ही, क्षणभर साँस लेकर वे पुनः उछल पड़े।

श्लोक 18 (yuddha.40.18)

आलिङ्ग्य चालिङ्ग्य च बाहुयोक्त्रैः संयोजयामासतुराहवे तौ। संरम्भशिक्षाबलसम्प्रयुक्तौ सुचेरतुः सम्प्रति युद्धमार्गैः ॥ 40.18 ॥

āliṅ‍gya cāliṅ‍gya ca bāhuyoktraiḥ saṃyojayāmāsaturāhave tau| saṃrambhaśikṣābalasamprayuktau suceratuḥ samprati yuddhamārgaiḥ || 40.18 ||

बार-बार आलिंगन कर, वे अपनी भुजाओं की रस्सियों से एक-दूसरे को बाँधते हुए युद्ध करते रहे; क्रोध, अभ्यास और बल से युक्त होकर वे युद्ध की विभिन्न विधियों में निपुणतापूर्वक बढ़ते गए।

श्लोक 19 (yuddha.40.19)

शार्दूलसिंहाविव जातदंष्ट्रौ गजेन्द्रपोताविव सम्प्रयुक्तौ। संहत्य संवेद्य च तौ कराभ्यां तौ पेततुर्वै युगपद् धरायाम् ॥ 40.19 ॥

śārdūlasiṃhāviva jātadaṃṣṭrau gajendrapotāviva samprayuktau| saṃhatya saṃvedya ca tau karābhyāṃ tau petaturvai yugapad dharāyām || 40.19 ||

दाँत निकाले हुए व्याघ्र और सिंह के समान, अथवा परस्पर भिड़े हुए दो युवा गजराजों के समान, हाथों से एक-दूसरे को पकड़ते और मारते हुए, वे दोनों एक साथ पृथ्वी पर गिर पड़े।

श्लोक 20 (yuddha.40.20)

उद्यम्य चान्योन्यमधिक्षिपन्तौ संचक्रमाते बहु युद्धमार्गे। व्यायामशिक्षाबलसम्प्रयुक्तौ क्लमं न तौ जग्मतुराशु वीरौ ॥ 40.20 ॥

udyamya cānyonyamadhikṣipantau saṃcakramāte bahu yuddhamārge| vyāyāmaśikṣābalasamprayuktau klamaṃ na tau jagmaturāśu vīrau || 40.20 ||

एक-दूसरे को उठाकर पटकते हुए, वे युद्ध के अनेक दाँव-पेंचों से गुजरते रहे; व्यायाम, अभ्यास और बल में निपुण वे दोनों वीर शीघ्र थकते नहीं थे।

श्लोक 21 (yuddha.40.21)

बाहूत्तमैर्वारणवारणाभै- र्निवारयन्तौ परवारणाभौ। चिरेण कालेन भृशं प्रयुद्धौ संचेरतुर्मण्डलमार्गमाशु ॥ 40.21 ॥

bāhūttamairvāraṇavāraṇābhai- rnivārayantau paravāraṇābhau| cireṇa kālena bhṛśaṃ prayuddhau saṃceraturmaṇḍalamārgamāśu || 40.21 ||

हाथी की सूँड़ के समान अपनी विशाल भुजाओं से एक-दूसरे के प्रहारों को रोकते हुए, और स्वयं भी गजराज के समान, दीर्घकाल तक घोर युद्ध करने के बाद वे शीघ्रता से अखाड़े में चक्कर काटने लगे।

श्लोक 22 (yuddha.40.22)

तौ परस्परमासाद्य यत्तावन्योन्यसूदने। मार्जाराविव भक्षार्थेऽवतस्थाते मुहुर्मुहुः ॥ 40.22 ॥

tau parasparamāsādya yattāvanyonyasūdane| mārjārāviva bhakṣārthe'vatasthāte muhurmuhuḥ || 40.22 ||

एक-दूसरे के निकट पहुँचकर, परस्पर विनाश के लिए तत्पर, वे बार-बार इस प्रकार खड़े हो जाते थे मानो भोजन के लिए दो बिल्लियाँ आमने-सामने हों।

श्लोक 23 (yuddha.40.23)

मण्डलानि विचित्राणि स्थानानि विविधानि च। गोमूत्रकाणि चित्राणि गतप्रत्यागतानि च ॥ 40.23 ॥

maṇḍalāni vicitrāṇi sthānāni vividhāni ca| gomūtrakāṇi citrāṇi gatapratyāgatāni ca || 40.23 ||

विचित्र चक्करदार गतियाँ, नाना प्रकार की मुद्राएँ, टेढ़ी-मेढ़ी (गोमूत्राकार) चालें, आगे बढ़ना और पीछे लौटना —

श्लोक 24 (yuddha.40.24)

तिरश्चीनगतान्येव तथा वक्रगतानि च। परिमोक्षं प्रहाराणां वर्जनं परिधावनम् ॥ 40.24 ॥

tiraścīnagatānyeva tathā vakragatāni ca| parimokṣaṃ prahārāṇāṃ varjanaṃ paridhāvanam || 40.24 ||

-- तिरछी चालें, टेढ़ी गतियाँ, प्रहारों का करना और बचाना, चारों ओर दौड़ना —

श्लोक 25 (yuddha.40.25)

अभिद्रवणमाप्लावमवस्थानं सविग्रहम्। परावृत्तमपावृत्तमपद्रुतमवप्लुतम् ॥ 40.25 ॥

abhidravaṇamāplāvamavasthānaṃ savigraham| parāvṛttamapāvṛttamapadrutamavaplutam || 40.25 ||

-- झपटना, कूदना, युद्ध-मुद्रा में डटे रहना, मुड़ना, कतराना, पीछे हटना, नीचे कूदना —

श्लोक 26 (yuddha.40.26)

उपन्यस्तमपन्यस्तं युद्धमार्गविशारदौ। तौ विचेरतुरन्योन्यं वानरेन्द्रश्च रावणः ॥ 40.26 ॥

upanyastamapanyastaṃ yuddhamārgaviśāradau| tau viceraturanyonyaṃ vānarendraśca rāvaṇaḥ || 40.26 ||

-- आघात दिखाकर हटा लेना — युद्ध-कला में निपुण वानरराज और रावण इस प्रकार परस्पर एक-दूसरे के विरुद्ध कौशल दिखाते रहे।

श्लोक 27 (yuddha.40.27)

एतस्मिन्नन्तरे रक्षो मायाबलमथात्मनः। आरब्धुमुपसम्पेदे ज्ञात्वा तं वानराधिपः ॥ 40.27 ॥

etasminnantare rakṣo māyābalamathātmanaḥ| ārabdhumupasampede jñātvā taṃ vānarādhipaḥ || 40.27 ||

इसी बीच, वह राक्षस अपनी मायाशक्ति का प्रयोग करने का विचार करने लगा; यह जानकर वानराधिपति सुग्रीव —

श्लोक 28 (yuddha.40.28)

उत्पपात तदाऽऽकाशं जितकाशी जितक्लमः। रावणः स्थित एवात्र हरिराजेन वञ्चितः ॥ 40.28 ॥

utpapāta tadā''kāśaṃ jitakāśī jitaklamaḥ| rāvaṇaḥ sthita evātra harirājena vañcitaḥ || 40.28 ||

उसी क्षण आकाश में उछल पड़े, विजयी और सभी थकान से मुक्त होकर; और रावण वानरराज द्वारा छला जाकर वहीं खड़ा रह गया।

श्लोक 29 (yuddha.40.29)

अथ हरिवरनाथः प्राप्तसंग्रामकीर्ति- र्निशिचरपतिमाजौ योजयित्वा श्रमेण। गगनमतिविशालं लङ्घयित्वार्कसूनु- र्हरिगणबलमध्ये रामपार्श्वं जगाम ॥ 40.29 ॥

atha harivaranāthaḥ prāptasaṃgrāmakīrti- rniśicarapatimājau yojayitvā śrameṇa| gaganamativiśālaṃ laṅghayitvārkasūnu- rharigaṇabalamadhye rāmapārśvaṃ jagāma || 40.29 ||

तत्पश्चात् वानरश्रेष्ठ सुग्रीव, जो उस युद्ध में यश प्राप्त कर चुके थे और निशाचरराज को थकाकर परास्त कर चुके थे, वह सूर्यपुत्र विशाल आकाश को लाँघकर वानर-सेना के मध्य राम के पास पहुँचे।

श्लोक 30 (yuddha.40.30)

इति स सवितृसूनुस्तत्र तत् कर्म कृत्वा पवनगतिरनीकं प्राविशत् सम्प्रहृष्टः। रघुवरनृपसूनोर्वर्धयन् युद्धहर्षं तरुमृगगणमुख्यैः पूज्यमानो हरीन्द्रः ॥ 40.30 ॥

iti sa savitṛsūnustatra tat karma kṛtvā pavanagatiranīkaṃ prāviśat samprahṛṣṭaḥ| raghuvaranṛpasūnorvardhayan yuddhaharṣaṃ tarumṛgagaṇamukhyaiḥ pūjyamāno harīndraḥ || 40.30 ||

इस प्रकार वह सूर्यपुत्र वानरराज सुग्रीव, वहाँ वह पराक्रम-कार्य करके, वायु के समान वेगवान् होकर अत्यन्त प्रसन्नतापूर्वक सेना में लौटे, रघुकुलश्रेष्ठ राम के युद्धोत्साह को और बढ़ाते हुए, वानर-भालू सेनापतियों द्वारा सम्मानित होते हुए।