अंगद का रावण के दरबार में दूत बनकर जाना

श्लोक 1 (yuddha.41.1)

अथ तस्मिन्निमित्तानि दृष्ट्वा लक्ष्मणपूर्वजः। सुग्रीवं सम्परिष्वज्य रामो वचनमब्रवीत् ॥ 41.1 ॥

atha tasminnimittāni dṛṣṭvā lakṣmaṇapūrvajaḥ| sugrīvaṃ sampariṣvajya rāmo vacanamabravīt || 41.1 ||

तत्पश्चात् लक्ष्मण के ज्येष्ठ भ्राता राम ने सुग्रीव के शरीर पर युद्ध के चिह्न देखकर उन्हें आलिंगन में लेकर यह वचन कहा।

श्लोक 2 (yuddha.41.2)

असम्मन्त्र्य मया सार्धं तदिदं साहसं कृतम्। एवं साहसयुक्तानि न कुर्वन्ति जनेश्वराः ॥ 41.2 ॥

asammantrya mayā sārdhaṃ tadidaṃ sāhasaṃ kṛtam| evaṃ sāhasayuktāni na kurvanti janeśvarāḥ || 41.2 ||

"मुझसे परामर्श किए बिना तुमने यह साहसिक कार्य किया है; राजा लोग इस प्रकार के दुःसाहस नहीं किया करते।"

श्लोक 3 (yuddha.41.3)

संशये स्थाप्य मां चेदं बलं चेमं विभीषणम्। कष्टं कृतमिदं वीर साहसं साहसप्रिय ॥ 41.3 ॥

saṃśaye sthāpya māṃ cedaṃ balaṃ cemaṃ vibhīṣaṇam| kaṣṭaṃ kṛtamidaṃ vīra sāhasaṃ sāhasapriya || 41.3 ||

"हे वीर, हे साहसप्रिय! मुझे, इस सेना को और विभीषण को संशय में डालकर तुमने यह कष्टकारी दुःसाहस किया है।"

श्लोक 4 (yuddha.41.4)

इदानीं मा कृथा वीर एवंविधमरिंदम। त्वयि किंचित्समापन्ने किं कार्यं सीतया मम ॥ 41.4 ॥

idānīṃ mā kṛthā vīra evaṃvidhamariṃdama| tvayi kiṃcitsamāpanne kiṃ kāryaṃ sītayā mama || 41.4 ||

"हे शत्रुदमन वीर! अब आगे ऐसा मत करना। यदि तुम्हें किंचित् भी कुछ हो जाता तो मुझे सीता से क्या प्रयोजन रह जाता?"

श्लोक 5 (yuddha.41.5)

भरतेन महाबाहो लक्ष्मणेन यवीयसा। शत्रुघ्नेन च शत्रुघ्न स्वशरीरेण वा पुनः ॥ 41.5 ॥

bharatena mahābāho lakṣmaṇena yavīyasā| śatrughnena ca śatrughna svaśarīreṇa vā punaḥ || 41.5 ||

"हे महाबाहु! फिर भरत, छोटे भाई लक्ष्मण, अथवा हे शत्रुघ्न-सम पराक्रमी, स्वयं अपने शरीर से भी मुझे क्या प्रयोजन रहता?"

श्लोक 6 (yuddha.41.6)

त्वयि चानागते पूर्वमिति मे निश्चिता मतिः। जानतश्चापि ते वीर्यं महेन्द्रवरुणोपम ॥ 41.6 ॥

tvayi cānāgate pūrvamiti me niścitā matiḥ| jānataścāpi te vīryaṃ mahendravaruṇopama || 41.6 ||

"मैं तुम्हारे पराक्रम को जानता हूँ जो महेन्द्र और वरुण के समान है; फिर भी यदि तुम पहले लौटकर न आते, तो मेरा यह पूर्व-निश्चित संकल्प था —"

श्लोक 7 (yuddha.41.7)

हत्वाहं रावणं युद्धे सपुत्रबलवाहनम्। अभिषिच्य च लङ्कायां विभीषणमथापि च ॥ 41.7 ॥

hatvāhaṃ rāvaṇaṃ yuddhe saputrabalavāhanam| abhiṣicya ca laṅkāyāṃ vibhīṣaṇamathāpi ca || 41.7 ||

"— कि युद्ध में रावण को उसके पुत्रों, सेना और वाहनों सहित मारकर तथा लंका में विभीषण का राज्याभिषेक करके,"

श्लोक 8 (yuddha.41.8)

भरते राज्यमारोप्य त्यक्ष्ये देहं महाबल। तमेवं वादिनं रामं सुग्रीवः प्रत्यभाषत ॥ 41.8 ॥

bharate rājyamāropya tyakṣye dehaṃ mahābala| tamevaṃ vādinaṃ rāmaṃ sugrīvaḥ pratyabhāṣata || 41.8 ||

"हे महाबल! भरत के लिए राज्य स्थापित करके मैं अपना शरीर त्याग देता।" इस प्रकार कहते हुए राम को सुग्रीव ने उत्तर दिया —

श्लोक 9 (yuddha.41.9)

तव भार्यापहर्तारं दृष्ट्वा राघव रावणम्। मर्षयामि कथं वीर जानन् विक्रममात्मनः ॥ 41.9 ॥

tava bhāryāpahartāraṃ dṛṣṭvā rāghava rāvaṇam| marṣayāmi kathaṃ vīra jānan vikramamātmanaḥ || 41.9 ||

"हे राघव वीर! तुम्हारी पत्नी का हरण करने वाले रावण को देखकर, अपने पराक्रम को जानते हुए, मैं यह अपमान कैसे सह सकता था?"

श्लोक 10 (yuddha.41.10)

इत्येवं वादिनं वीरमभिनन्द्य च राघवः। लक्ष्मणं लक्ष्मिसम्पन्नमिदं वचनमब्रवीत् ॥ 41.10 ॥

ityevaṃ vādinaṃ vīramabhinandya ca rāghavaḥ| lakṣmaṇaṃ lakṣmisampannamidaṃ vacanamabravīt || 41.10 ||

इस प्रकार बोलते हुए उस वीर सुग्रीव का अभिनन्दन करके राघव ने लक्ष्मी-सम्पन्न लक्ष्मण से यह वचन कहा —

श्लोक 11 (yuddha.41.11)

परिगृह्योदकं शीतं वनानि फलवन्ति च। बलौघं संविभज्येमं व्यूह्य तिष्ठाम लक्ष्मण ॥ 41.11 ॥

parigṛhyodakaṃ śītaṃ vanāni phalavanti ca| balaughaṃ saṃvibhajyemaṃ vyūhya tiṣṭhāma lakṣmaṇa || 41.11 ||

"हे लक्ष्मण! शीतल जल और फलों से युक्त वन वाला स्थान ग्रहण करके, इस विशाल सेना को विभाजित करके, व्यूह बनाकर हम सावधान होकर ठहरें।"

श्लोक 12 (yuddha.41.12)

लोकक्षयकरं भीमं भयं पश्याम्युपस्थितम्। निबर्हणं प्रवीराणामृक्षवानररक्षसाम् ॥ 41.12 ॥

lokakṣayakaraṃ bhīmaṃ bhayaṃ paśyāmyupasthitam| nibarhaṇaṃ pravīrāṇāmṛkṣavānararakṣasām || 41.12 ||

"मुझे लोक-विनाशक, भीषण भय आता हुआ प्रतीत होता है — ऋक्ष, वानर और राक्षसों के श्रेष्ठ वीरों का संहार।"

श्लोक 13 (yuddha.41.13)

वाता हि परुषं वान्ति कम्पते च वसुंधरा। पर्वताग्राणि वेपन्ते नदन्ति धरणीधराः ॥ 41.13 ॥

vātā hi paruṣaṃ vānti kampate ca vasuṃdharā| parvatāgrāṇi vepante nadanti dharaṇīdharāḥ || 41.13 ||

तीव्र वायु चल रही है, पृथ्वी काँप रही है, पर्वत-शिखर हिल रहे हैं, और पृथ्वीधर पर्वत गिर रहे हैं।

श्लोक 14 (yuddha.41.14)

मेघाः क्रव्यादसंकाशाः परुषाः परुषस्वराः। क्रूराः क्रूरं प्रवर्षन्ते मिश्रं शोणितबिन्दुभिः ॥ 41.14 ॥

meghāḥ kravyādasaṃkāśāḥ paruṣāḥ paruṣasvarāḥ| krūrāḥ krūraṃ pravarṣante miśraṃ śoṇitabindubhiḥ || 41.14 ||

मांसाहारी पशुओं के समान डरावने, कर्कश गर्जन वाले क्रूर मेघ रक्त-बिन्दुओं से मिश्रित भयंकर वर्षा कर रहे हैं।

श्लोक 15 (yuddha.41.15)

रक्तचन्दनसंकाशा संध्या परमदारुणा। ज्वलच्च निपतत्येतदादित्यादग्निमण्डलम् ॥ 41.15 ॥

raktacandanasaṃkāśā saṃdhyā paramadāruṇā| jvalacca nipatatyetadādityādagnimaṇḍalam || 41.15 ||

रक्त-चन्दन के समान लाल, अत्यन्त भीषण संध्या छा रही है, और सूर्य से यह जलती हुई अग्नि-मण्डल गिर रहा है।

श्लोक 16 (yuddha.41.16)

आदित्यमभिवाश्यन्ति जनयन्तो महद्भयम्। दीना दीनस्वरा घोरा अप्रशस्ता मृगद्विजाः ॥ 41.16 ॥

ādityamabhivāśyanti janayanto mahadbhayam| dīnā dīnasvarā ghorā apraśastā mṛgadvijāḥ || 41.16 ||

महान् भय उत्पन्न करते हुए पक्षी सूर्य की ओर मुख करके चिल्ला रहे हैं; दीन, करुण स्वर वाले, भयंकर, अशुभ पशु-पक्षी दिखाई दे रहे हैं।

श्लोक 17 (yuddha.41.17)

रजन्यामप्रकाशश्च संतापयति चन्द्रमाः। कृष्णरक्तांशुपर्यन्तो यथा लोकस्य संक्षये ॥ 41.17 ॥

rajanyāmaprakāśaśca saṃtāpayati candramāḥ| kṛṣṇaraktāṃśuparyanto yathā lokasya saṃkṣaye || 41.17 ||

रात्रि में चन्द्रमा तेजहीन होकर भी संताप उत्पन्न कर रहा है, काले-लाल किरणों से घिरा हुआ, मानो प्रलयकाल जैसा प्रतीत होता है।

श्लोक 18 (yuddha.41.18)

ह्रस्वो रूक्षोऽप्रशस्तश्च परिवेषः सुलोहितः। आदित्यमण्डले नीलं लक्ष्म लक्ष्मण दृश्यते ॥ 41.18 ॥

hrasvo rūkṣo'praśastaśca pariveṣaḥ sulohitaḥ| ādityamaṇḍale nīlaṃ lakṣma lakṣmaṇa dṛśyate || 41.18 ||

हे लक्ष्मण! सूर्यमण्डल में छोटा, रूखा, अशुभ, अत्यन्त लाल घेरा दिखाई दे रहा है, और उसमें काला चिह्न दृष्टिगोचर होता है।

श्लोक 19 (yuddha.41.19)

दृश्यन्ते न यथावच्च नक्षत्राण्यभिवर्तते। युगान्तमिव लोकस्य पश्य लक्ष्मण शंसति ॥ 41.19 ॥

dṛśyante na yathāvacca nakṣatrāṇyabhivartate| yugāntamiva lokasya paśya lakṣmaṇa śaṃsati || 41.19 ||

हे लक्ष्मण! नक्षत्र यथावत् दिखाई नहीं दे रहे; देखो, यह मानो लोक के युगान्त की सूचना दे रहा है।

श्लोक 20 (yuddha.41.20)

काकाः श्येनास्तथा गृध्रा नीचैः परिपतन्ति च। शिवाश्चाप्यशुभा वाचः प्रवदन्ति महास्वनाः ॥ 41.20 ॥

kākāḥ śyenāstathā gṛdhrā nīcaiḥ paripatanti ca| śivāścāpyaśubhā vācaḥ pravadanti mahāsvanāḥ || 41.20 ||

कौवे, बाज और गिद्ध नीचे-नीचे उड़ रहे हैं; सियार भी अशुभ, ऊँचे स्वर में बोल रहे हैं।

श्लोक 21 (yuddha.41.21)

शैलैः शूलैश्च खड्गैश्च विमुक्तैः कपिराक्षसैः। भविष्यत्यावृता भूमिर्मांसशोणितकर्दमा ॥ 41.21 ॥

śailaiḥ śūlaiśca khaḍgaiśca vimuktaiḥ kapirākṣasaiḥ| bhaviṣyatyāvṛtā bhūmirmāṃsaśoṇitakardamā || 41.21 ||

वानरों और राक्षसों द्वारा छोड़े गए पर्वत-खण्डों, त्रिशूलों और खड्गों से यह भूमि शीघ्र ही मांस और रक्त के कीचड़ से आवृत हो जाएगी।

श्लोक 22 (yuddha.41.22)

क्षिप्रमद्य दुराधर्षां पुरीं रावणपालिताम्। अभियाम जवेनैव सर्वतो हरिभिर्वृताः ॥ 41.22 ॥

kṣipramadya durādharṣāṃ purīṃ rāvaṇapālitām| abhiyāma javenaiva sarvato haribhirvṛtāḥ || 41.22 ||

अतः हम सब ओर से वानरों से घिरे हुए, वेगपूर्वक इसी क्षण उस दुर्जेय, रावण-रक्षित नगरी पर आक्रमण करें।"

श्लोक 23 (yuddha.41.23)

इत्येवं तु वदन् वीरो लक्ष्मणं लक्ष्मणाग्रजः। तस्मादवातरच्छीघ्रं पर्वताग्रान्महाबलः ॥ 41.23 ॥

ityevaṃ tu vadan vīro lakṣmaṇaṃ lakṣmaṇāgrajaḥ| tasmādavātaracchīghraṃ parvatāgrānmahābalaḥ || 41.23 ||

इस प्रकार लक्ष्मण से कहते हुए वह महाबली वीर, लक्ष्मण के ज्येष्ठ भ्राता राम, शीघ्रता से उस पर्वत-शिखर से नीचे उतर आए।

श्लोक 24 (yuddha.41.24)

अवतीर्य तु धर्मात्मा तस्माच्छैलात् स राघवः। परैः परमदुर्धर्षं ददर्श बलमात्मनः ॥ 41.24 ॥

avatīrya tu dharmātmā tasmācchailāt sa rāghavaḥ| paraiḥ paramadurdharṣaṃ dadarśa balamātmanaḥ || 41.24 ||

उस पर्वत से उतरकर धर्मात्मा राघव ने अपनी सेना को देखा, जो शत्रुओं के लिए अत्यन्त दुर्जेय थी।

श्लोक 25 (yuddha.41.25)

संनह्य तु ससुग्रीवः कपिराजबलं महत्। कालज्ञो राघवः काले संयुगायाभ्यचोदयत् ॥ 41.25 ॥

saṃnahya tu sasugrīvaḥ kapirājabalaṃ mahat| kālajño rāghavaḥ kāle saṃyugāyābhyacodayat || 41.25 ||

काल को जानने वाले राघव ने सुग्रीव के साथ मिलकर वानरराज की उस विशाल सेना को सुसज्जित किया और उचित समय पर युद्ध के लिए प्रेरित किया।

श्लोक 26 (yuddha.41.26)

ततः काले महाबाहुर्बलेन महता वृतः। प्रस्थितः पुरतो धन्वी लङ्कामभिमुखः पुरीम् ॥ 41.26 ॥

tataḥ kāle mahābāhurbalena mahatā vṛtaḥ| prasthitaḥ purato dhanvī laṅkāmabhimukhaḥ purīm || 41.26 ||

तब उचित समय पर वह महाबाहु, विशाल सेना से घिरा हुआ, धनुर्धारी राम आगे बढ़कर लंकापुरी की ओर प्रस्थान कर गया।

श्लोक 27 (yuddha.41.27)

तं विभीषणसुग्रीवौ हनूमाञ्जाम्बवान् नलः। ऋक्षराजस्तथा नीलो लक्ष्मणश्चान्वयुस्तदा ॥ 41.27 ॥

taṃ vibhīṣaṇasugrīvau hanūmāñjāmbavān nalaḥ| ṛkṣarājastathā nīlo lakṣmaṇaścānvayustadā || 41.27 ||

उस समय विभीषण, सुग्रीव, हनुमान, जाम्बवान, नल, ऋक्षराज तथा नील और लक्ष्मण भी उनके साथ-साथ चले।

श्लोक 28 (yuddha.41.28)

ततः पश्चात् सुमहती पृतनर्क्षवनौकसाम्। प्रच्छाद्य महतीं भूमिमनुयाति स्म राघवम् ॥ 41.28 ॥

tataḥ paścāt sumahatī pṛtanarkṣavanaukasām| pracchādya mahatīṃ bhūmimanuyāti sma rāghavam || 41.28 ||

तत्पश्चात् ऋक्ष और वानरों की वह विशाल सेना, विस्तृत भूमि को आच्छादित करती हुई, राघव के पीछे-पीछे चली।

श्लोक 29 (yuddha.41.29)

शैलशृङ्गाणि शतशः प्रवृद्धांश्च महीरुहान्। जगृहुः कुञ्जरप्रख्या वानराः परवारणाः ॥ 41.29 ॥

śailaśṛṅgāṇi śataśaḥ pravṛddhāṃśca mahīruhān| jagṛhuḥ kuñjaraprakhyā vānarāḥ paravāraṇāḥ || 41.29 ||

हाथियों के समान विशाल वानर सैकड़ों पर्वत-शिखरों और बड़े-बड़े उगे हुए वृक्षों को उखाड़ कर लेकर चलने लगे।

श्लोक 30 (yuddha.41.30)

तौ त्वदीर्घेण कालेन भ्रातरौ रामलक्ष्मणौ। रावणस्य पुरीं लङ्कामासेदतुररिंदमौ ॥ 41.30 ॥

tau tvadīrgheṇa kālena bhrātarau rāmalakṣmaṇau| rāvaṇasya purīṃ laṅkāmāsedaturariṃdamau || 41.30 ||

अल्प समय में ही वे दोनों शत्रुदमन भ्राता राम और लक्ष्मण रावण की नगरी लंका के निकट जा पहुँचे।

श्लोक 31 (yuddha.41.31)

पताकामालिनीं रम्यामुद्यानवनशोभिताम्। चित्रवप्रां सुदुष्प्रापामुच्चैः प्राकारतोरणाम् ॥ 41.31 ॥

patākāmālinīṃ ramyāmudyānavanaśobhitām| citravaprāṃ suduṣprāpāmuccaiḥ prākāratoraṇām || 41.31 ||

वह नगरी पताकाओं की मालाओं से सुशोभित, उद्यानों और वनों से रमणीय, विचित्र प्राचीर वाली, दुष्प्राप्य तथा ऊँचे परकोटों और तोरणों से युक्त थी।

श्लोक 32 (yuddha.41.32)

तां सुरैरपि दुर्धर्षां रामवाक्यप्रचोदिताः। यथानिदेशं सम्पीड्य न्यविशन्त वनौकसः ॥ 41.32 ॥

tāṃ surairapi durdharṣāṃ rāmavākyapracoditāḥ| yathānideśaṃ sampīḍya nyaviśanta vanaukasaḥ || 41.32 ||

देवताओं के लिए भी दुर्जेय उस नगरी के समक्ष, राम के वचन से प्रेरित वानर, आज्ञानुसार व्यवस्थित होकर छावनी डालकर ठहर गए।

श्लोक 33 (yuddha.41.33)

लङ्कायास्तूत्तरद्वारं शैलशृङ्गमिवोन्नतम्। रामः सहानुजो धन्वी जुगोप च रुरोध च ॥ 41.33 ॥

laṅkāyāstūttaradvāraṃ śailaśṛṅgamivonnatam| rāmaḥ sahānujo dhanvī jugopa ca rurodha ca || 41.33 ||

पर्वत-शिखर के समान ऊँचे लंका के उत्तरी द्वार की, धनुर्धारी राम ने अपने अनुज लक्ष्मण के साथ स्वयं रक्षा की और उसे घेर लिया।

श्लोक 34 (yuddha.41.34)

लङ्कामुपनिविष्टस्तु रामो दशरथात्मजः। लक्ष्मणानुचरो वीरः पुरीं रावणपालिताम् ॥ 41.34 ॥

laṅkāmupaniviṣṭastu rāmo daśarathātmajaḥ| lakṣmaṇānucaro vīraḥ purīṃ rāvaṇapālitām || 41.34 ||

दशरथनन्दन वीर राम, लक्ष्मण के साथ, रावण-रक्षित उस नगरी लंका के निकट जाकर डेरा डाल बैठे।

श्लोक 35 (yuddha.41.35)

उत्तरद्वारमासाद्य यत्र तिष्ठति रावणः। नान्यो रामाद्धि तद् द्वारं समर्थः परिरक्षितुम् ॥ 41.35 ॥

uttaradvāramāsādya yatra tiṣṭhati rāvaṇaḥ| nānyo rāmāddhi tad dvāraṃ samarthaḥ parirakṣitum || 41.35 ||

जिस उत्तरी द्वार पर रावण स्वयं ठहरता था, उसे घेर कर बैठ गए; क्योंकि राम के अतिरिक्त कोई अन्य उस द्वार की रक्षा करने में समर्थ न था।

श्लोक 36 (yuddha.41.36)

रावणाधिष्ठितं भीमं वरुणेनेव सागरम्। सायुधै राक्षसैर्भीमैरभिगुप्तं समन्ततः ॥ 41.36 ॥

rāvaṇādhiṣṭhitaṃ bhīmaṃ varuṇeneva sāgaram| sāyudhai rākṣasairbhīmairabhiguptaṃ samantataḥ || 41.36 ||

वह द्वार रावण द्वारा अधिष्ठित, वरुण द्वारा रक्षित सागर के समान भयंकर था, और चारों ओर से भयानक सशस्त्र राक्षसों से घिरा हुआ था।

श्लोक 37 (yuddha.41.37)

लघूनां त्रासजननं पातालमिव दानवैः। विन्यस्तानि च योधानां बहूनि विविधानि च ॥ 41.37 ॥

laghūnāṃ trāsajananaṃ pātālamiva dānavaiḥ| vinyastāni ca yodhānāṃ bahūni vividhāni ca || 41.37 ||

जो साधारण जनों को भय उत्पन्न करने वाला, दानवों से रक्षित पाताल के समान था; राम ने वहाँ योद्धाओं द्वारा रखे गए नाना प्रकार के अनेक अस्त्र-शस्त्र और कवच देखे।

श्लोक 38 (yuddha.41.38)

ददर्शायुधजालानि तथैव कवचानि च। पूर्वं तु द्वारमासाद्य नीलो हरिचमूपतिः ॥ 41.38 ॥

dadarśāyudhajālāni tathaiva kavacāni ca| pūrvaṃ tu dvāramāsādya nīlo haricamūpatiḥ || 41.38 ||

वानर-सेनापति नील, पराक्रमी, मैन्द और द्विविद के साथ पूर्वी द्वार पर जाकर ठहरा।

श्लोक 39 (yuddha.41.39)

अतिष्ठत् सह मैन्देन द्विविदेन च वीर्यवान्। अङ्गदो दक्षिणद्वारं जग्राह सुमहाबलः ॥ 41.39 ॥

atiṣṭhat saha maindena dvividena ca vīryavān| aṅgado dakṣiṇadvāraṃ jagrāha sumahābalaḥ || 41.39 ||

महाबली अंगद ने ऋषभ, गवाक्ष, गज और गवय के साथ दक्षिणी द्वार को अपने अधिकार में ले लिया।

श्लोक 40 (yuddha.41.40)

ऋषभेण गवाक्षेण गजेन गवयेन च। हनूमान् पश्चिमद्वारं ररक्ष बलवान् कपिः ॥ 41.40 ॥

ṛṣabheṇa gavākṣeṇa gajena gavayena ca| hanūmān paścimadvāraṃ rarakṣa balavān kapiḥ || 41.40 ||

बलवान वानर हनुमान ने प्रमाथी, प्रघस और अन्य वीरों के साथ मिलकर पश्चिमी द्वार की रक्षा की।

श्लोक 41 (yuddha.41.41)

प्रमाथिप्रघसाभ्यां च वीरैरन्यैश्च संगतः। मध्यमे च स्वयं गुल्मे सुग्रीवः समतिष्ठत ॥ 41.41 ॥

pramāthipraghasābhyāṃ ca vīrairanyaiśca saṃgataḥ| madhyame ca svayaṃ gulme sugrīvaḥ samatiṣṭhata || 41.41 ||

सुग्रीव स्वयं मध्य के सैनिक-शिविर में गरुड़ और वायु के समान तेजस्वी सभी श्रेष्ठ वानरों के साथ स्थित हुए।

श्लोक 42 (yuddha.41.42)

सह सर्वैर्हरिश्रेष्ठैः सुपर्णपवनोपमैः। वानराणां तु षट्त्रिंशत्कोट्यः प्रख्यातयूथपाः ॥ 41.42 ॥

saha sarvairhariśreṣṭhaiḥ suparṇapavanopamaiḥ| vānarāṇāṃ tu ṣaṭtriṃśatkoṭyaḥ prakhyātayūthapāḥ || 41.42 ||

वानरों के छत्तीस करोड़ प्रख्यात सेनानायक, दबाव बनाकर, वहीं आ डटे जहाँ वानर सुग्रीव स्वयं थे।

श्लोक 43 (yuddha.41.43)

निपीड्योपनिविष्टाश्च सुग्रीवो यत्र वानरः। शासनेन तु रामस्य लक्ष्मणः सविभीषणः ॥ 41.43 ॥

nipīḍyopaniviṣṭāśca sugrīvo yatra vānaraḥ| śāsanena tu rāmasya lakṣmaṇaḥ savibhīṣaṇaḥ || 41.43 ||

राम की आज्ञा से विभीषण-सहित लक्ष्मण ने प्रत्येक द्वार पर एक-एक करोड़ वानरों को नियुक्त किया।

श्लोक 44 (yuddha.41.44)

द्वारे द्वारे हरीणां तु कोटिं कोटीर्न्यवेशयत्। पश्चिमेन तु रामस्य सुषेणः सहजाम्बवान् ॥ 41.44 ॥

dvāre dvāre harīṇāṃ tu koṭiṃ koṭīrnyaveśayat| paścimena tu rāmasya suṣeṇaḥ sahajāmbavān || 41.44 ||

राम के पश्चिम दिशा में, समीप ही, सुषेण जाम्बवान के साथ अपार सेना से घिरकर मध्य शिविर में ठहरे।

श्लोक 45 (yuddha.41.45)

अदूरान्मध्यमे गुल्मे तस्थौ बहुबलानुगः। ते तु वानरशार्दूलाः शार्दूला इव दंष्ट्रिणः। गृहीत्वा द्रुमशैलाग्रान् हृष्टा युद्धाय तस्थिरे ॥ 41.45 ॥

adūrānmadhyame gulme tasthau bahubalānugaḥ| te tu vānaraśārdūlāḥ śārdūlā iva daṃṣṭriṇaḥ| gṛhītvā drumaśailāgrān hṛṣṭā yuddhāya tasthire || 41.45 ||

वे शार्दूल-सम वानर, बाघों की भाँति दंष्ट्रों वाले, वृक्ष और पर्वत-शिखर हाथों में लेकर हर्षपूर्वक युद्ध की प्रतीक्षा में खड़े हो गए।

श्लोक 46 (yuddha.41.46)

सर्वे विकृतलाङ्गूलाः सर्वे दंष्ट्रानखायुधाः। सर्वे विकृतचित्राङ्गाः सर्वे च विकृताननाः ॥ 41.46 ॥

sarve vikṛtalāṅgūlāḥ sarve daṃṣṭrānakhāyudhāḥ| sarve vikṛtacitrāṅgāḥ sarve ca vikṛtānanāḥ || 41.46 ||

सबकी पूँछें विचित्र रूप से मुड़ी हुई थीं, सबके दाँत और नख ही शस्त्र थे, सबके शरीर विचित्र रूप वाले तथा सबके मुख भीषण थे।

श्लोक 47 (yuddha.41.47)

दशनागबलाः केचित् केचिद् दशगुणोत्तराः। केचिन्नागसहस्रस्य बभूवुस्तुल्यविक्रमाः ॥ 41.47 ॥

daśanāgabalāḥ kecit kecid daśaguṇottarāḥ| kecinnāgasahasrasya babhūvustulyavikramāḥ || 41.47 ||

कोई दस हाथियों के बल वाला था, कोई उससे दस गुना अधिक बलशाली था, और कोई एक हज़ार हाथियों के समान पराक्रमी था।

श्लोक 48 (yuddha.41.48)

सन्ति चौघबलाः केचित् केचिच्छतगुणोत्तराः। अप्रमेयबलाश्चान्ये तत्रासन् हरियूथपाः ॥ 41.48 ॥

santi caughabalāḥ kecit kecicchataguṇottarāḥ| aprameyabalāścānye tatrāsan hariyūthapāḥ || 41.48 ||

कोई एक ओघ (विशाल गणना) हाथियों के बल वाला था, कोई सौ गुना अधिक बलशाली; वहाँ अन्य वानर-सेनापति भी अपार, अगणित बल वाले थे।

श्लोक 49 (yuddha.41.49)

अद्भुतश्च विचित्रश्च तेषामासीत् समागमः। तत्र वानरसैन्यानां शलभानामिवोद्गमः ॥ 41.49 ॥

adbhutaśca vicitraśca teṣāmāsīt samāgamaḥ| tatra vānarasainyānāṃ śalabhānāmivodgamaḥ || 41.49 ||

उन सबका वह समागम अद्भुत और विचित्र था; टिड्डियों के झुण्ड के समान वानर-सेना वहाँ उमड़ पड़ी थी।

श्लोक 50 (yuddha.41.50)

परिपूर्णमिवाकाशं सम्पूर्णेव च मेदिनी। लङ्कामुपनिविष्टैश्च सम्पतद्भिश्च वानरैः ॥ 41.50 ॥

paripūrṇamivākāśaṃ sampūrṇeva ca medinī| laṅkāmupaniviṣṭaiśca sampatadbhiśca vānaraiḥ || 41.50 ||

आकाश जैसे पूर्णतः भर गया हो और पृथ्वी भी मानो सम्पूर्ण रूप से आच्छादित हो गई हो — इस प्रकार लंका पर आ डटे और गिरते हुए वानरों से वह दृश्य दिखता था।

श्लोक 51 (yuddha.41.51)

शतं शतसहस्राणां पृतनर्क्षवनौकसाम्। लङ्काद्वाराण्युपाजग्मुरन्ये योद्धुं समन्ततः ॥ 41.51 ॥

śataṃ śatasahasrāṇāṃ pṛtanarkṣavanaukasām| laṅkādvārāṇyupājagmuranye yoddhuṃ samantataḥ || 41.51 ||

अलग-अलग सौ-सौ भाग, एक-एक लाख की संख्या वाले ऋक्ष और वानर, लंका के द्वारों की ओर चल पड़े, अन्य सब ओर से युद्ध के लिए आगे बढ़े।

श्लोक 52 (yuddha.41.52)

आवृतः स गिरिः सर्वैस्तैः समन्तात् प्लवङ्गमैः। अयुतानां सहस्रं च पुरीं तामभ्यवर्तत ॥ 41.52 ॥

āvṛtaḥ sa giriḥ sarvaistaiḥ samantāt plavaṅgamaiḥ| ayutānāṃ sahasraṃ ca purīṃ tāmabhyavartata || 41.52 ||

वह पर्वत उन सब वानरों से चारों ओर से घिर गया; एक करोड़ वानरों ने उस नगरी को चारों ओर से घेर लिया।

श्लोक 53 (yuddha.41.53)

वानरैर्बलवद्भिश्च बभूव द्रुमपाणिभिः। सर्वतः संवृता लङ्का दुष्प्रवेशापि वायुना ॥ 41.53 ॥

vānarairbalavadbhiśca babhūva drumapāṇibhiḥ| sarvataḥ saṃvṛtā laṅkā duṣpraveśāpi vāyunā || 41.53 ||

बलवान, हाथों में वृक्ष लिए वानरों से लंका सब ओर से इस प्रकार घिर गई कि वायु के लिए भी उसमें प्रवेश करना दुष्कर हो गया।

श्लोक 54 (yuddha.41.54)

राक्षसा विस्मयं जग्मुः सहसाभिनिपीडिताः। वानरैर्मेघसंकाशैः शक्रतुल्यपराक्रमैः ॥ 41.54 ॥

rākṣasā vismayaṃ jagmuḥ sahasābhinipīḍitāḥ| vānarairmeghasaṃkāśaiḥ śakratulyaparākramaiḥ || 41.54 ||

इन्द्र के समान पराक्रमी, मेघों के समान वानरों से सहसा घिर जाने पर राक्षस विस्मय को प्राप्त हुए।

श्लोक 55 (yuddha.41.55)

महाञ्छब्दोऽभवत् तत्र बलौघस्याभिवर्ततः। सागरस्येव भिन्नस्य यथा स्यात् सलिलस्वनः ॥ 41.55 ॥

mahāñchabdo'bhavat tatra balaughasyābhivartataḥ| sāgarasyeva bhinnasya yathā syāt salilasvanaḥ || 41.55 ||

वहाँ उमड़ती हुई उस विशाल सेना का महान् शब्द वैसा ही हुआ जैसा टूटते हुए सागर के जल का घोष होता है।

श्लोक 56 (yuddha.41.56)

तेन शब्देन महता सप्राकारा सतोरणा। लङ्का प्रचलिता सर्वा सशैलवनकानना ॥ 41.56 ॥

tena śabdena mahatā saprākārā satoraṇā| laṅkā pracalitā sarvā saśailavanakānanā || 41.56 ||

उस महान् शब्द से प्राकार, तोरण, पर्वत, वन और काननों सहित सम्पूर्ण लंका काँप उठी।

श्लोक 57 (yuddha.41.57)

रामलक्ष्मणगुप्ता सा सुग्रीवेण च वाहिनी। बभूव दुर्धर्षतरा सर्वैरपि सुरासुरैः ॥ 41.57 ॥

rāmalakṣmaṇaguptā sā sugrīveṇa ca vāhinī| babhūva durdharṣatarā sarvairapi surāsuraiḥ || 41.57 ||

राम, लक्ष्मण और सुग्रीव द्वारा रक्षित वह सेना समस्त देवताओं और असुरों के लिए भी अत्यन्त दुर्जेय हो गई।

श्लोक 58 (yuddha.41.58)

राघवः संनिवेश्यैवं स्वसैन्यं रक्षसां वधे। सम्मन्त्र्य मन्त्रिभिः सार्धं निश्चित्य च पुनः पुनः ॥ 41.58 ॥

rāghavaḥ saṃniveśyaivaṃ svasainyaṃ rakṣasāṃ vadhe| sammantrya mantribhiḥ sārdhaṃ niścitya ca punaḥ punaḥ || 41.58 ||

अपनी सेना को राक्षसों के वध हेतु इस प्रकार व्यवस्थित करके राघव ने मंत्रियों के साथ बार-बार परामर्श करके निश्चय किया।

श्लोक 59 (yuddha.41.59)

आनन्तर्यमभिप्रेप्सुः क्रमयोगार्थतत्त्ववित्। विभीषणस्यानुमते राजधर्ममनुस्मरन् ॥ 41.59 ॥

ānantaryamabhiprepsuḥ kramayogārthatattvavit| vibhīṣaṇasyānumate rājadharmamanusmaran || 41.59 ||

उपाय-योजना के तत्त्व को जानने वाले, अगले कदम की इच्छा रखने वाले राम ने विभीषण की सम्मति से राजधर्म का स्मरण करते हुए —

श्लोक 60 (yuddha.41.60)

अङ्गदं वालितनयं समाहूयेदमब्रवीत्। गत्वा सौम्य दशग्रीवं ब्रूहि मद्वचनात् कपे ॥ 41.60 ॥

aṅgadaṃ vālitanayaṃ samāhūyedamabravīt| gatvā saumya daśagrīvaṃ brūhi madvacanāt kape || 41.60 ||

— वालि-पुत्र अंगद को बुलाकर यह कहा: "हे सौम्य! जाकर मेरे वचन से दशग्रीव रावण से कहो, हे कपि!"

श्लोक 61 (yuddha.41.61)

लङ्घयित्वा पुरीं लङ्कां भयं त्यक्त्वा गतव्यथः। भ्रष्टश्रीकं गतैश्वर्यं मुमूर्षानष्टचेतनम् ॥ 41.61 ॥

laṅghayitvā purīṃ laṅkāṃ bhayaṃ tyaktvā gatavyathaḥ| bhraṣṭaśrīkaṃ gataiśvaryaṃ mumūrṣānaṣṭacetanam || 41.61 ||

"लंकानगरी को लांघकर, भय त्यागकर, निर्भय होकर — जिसकी शोभा नष्ट हो चुकी है, जिसका ऐश्वर्य जाता रहा है, जो मरना चाहता है, जिसकी सुधि-बुद्धि खो चुकी है —"

श्लोक 62 (yuddha.41.62)

ऋषीणां देवतानां च गन्धर्वाप्सरसां तथा। नागानामथ यक्षाणां राज्ञां च रजनीचर ॥ 41.62 ॥

ṛṣīṇāṃ devatānāṃ ca gandharvāpsarasāṃ tathā| nāgānāmatha yakṣāṇāṃ rājñāṃ ca rajanīcara || 41.62 ||

"हे निशाचर! ऋषियों, देवताओं, गन्धर्वों, अप्सराओं, नागों, यक्षों और राजाओं के प्रति —"

श्लोक 63 (yuddha.41.63)

यच्च पापं कृतं मोहादवलिप्तेन राक्षस। नूनं ते विगतो दर्पः स्वयंभूवरदानजः। तस्य पापस्य सम्प्राप्ता व्युष्टिरद्य दुरासदा ॥ 41.63 ॥

yacca pāpaṃ kṛtaṃ mohādavaliptena rākṣasa| nūnaṃ te vigato darpaḥ svayaṃbhūvaradānajaḥ| tasya pāpasya samprāptā vyuṣṭiradya durāsadā || 41.63 ||

"— तूने मोहवश जो पाप किया है, हे राक्षस, निश्चय ही ब्रह्मा के वरदान से उत्पन्न तेरा वह अहंकार अब जाता रहा है; उस पाप का दुःसह फल आज तुझे प्राप्त हो चुका है।"

श्लोक 64 (yuddha.41.64)

यस्य दण्डधरस्तेऽहं दाराहरणकर्शितः। दण्डं धारयमाणस्तु लङ्काद्वारे व्यवस्थितः ॥ 41.64 ॥

yasya daṇḍadharaste'haṃ dārāharaṇakarśitaḥ| daṇḍaṃ dhārayamāṇastu laṅkādvāre vyavasthitaḥ || 41.64 ||

"अपनी पत्नी के अपहरण से पीड़ित मैं ही उस दण्ड का धारण करने वाला हूँ; दण्ड धारण किए हुए मैं लंका के द्वार पर खड़ा हूँ।"

श्लोक 65 (yuddha.41.65)

पदवीं देवतानां च महर्षीणां च राक्षस। राजर्षीणां च सर्वेषां गमिष्यसि युधि स्थिरः ॥ 41.65 ॥

padavīṃ devatānāṃ ca maharṣīṇāṃ ca rākṣasa| rājarṣīṇāṃ ca sarveṣāṃ gamiṣyasi yudhi sthiraḥ || 41.65 ||

"हे राक्षस! मुझसे मारा जाकर तू युद्ध में स्थिर रहकर देवताओं, महर्षियों और समस्त राजर्षियों की गति को प्राप्त होगा।"

श्लोक 66 (yuddha.41.66)

बलेन येन वै सीतां मायया राक्षसाधम। मामतिक्रमयित्वा त्वं हृतवांस्तन्निदर्शय ॥ 41.66 ॥

balena yena vai sītāṃ māyayā rākṣasādhama| māmatikramayitvā tvaṃ hṛtavāṃstannidarśaya || 41.66 ||

"हे नीच राक्षस! जिस बल और माया से तूने मुझे भुलावे में डालकर सीता का हरण किया, वह अब दिखा।"

श्लोक 67 (yuddha.41.67)

अराक्षसमिमं लोकं कर्तास्मि निशितैः शरैः। न चेच्छरणमभ्येषि तामादाय तु मैथिलीम् ॥ 41.67 ॥

arākṣasamimaṃ lokaṃ kartāsmi niśitaiḥ śaraiḥ| na ceccharaṇamabhyeṣi tāmādāya tu maithilīm || 41.67 ||

"यदि तू मैथिली को लेकर मेरी शरण में नहीं आता, तो मैं तीक्ष्ण बाणों से इस लोक को राक्षस-रहित कर दूँगा।"

श्लोक 68 (yuddha.41.68)

धर्मात्मा राक्षसश्रेष्ठः सम्प्राप्तोऽयं विभीषणः। लङ्कैश्वर्यमिदं श्रीमान् ध्रुवं प्राप्नोत्यकण्टकम् ॥ 41.68 ॥

dharmātmā rākṣasaśreṣṭhaḥ samprāpto'yaṃ vibhīṣaṇaḥ| laṅkaiśvaryamidaṃ śrīmān dhruvaṃ prāpnotyakaṇṭakam || 41.68 ||

"यह धर्मात्मा, राक्षसश्रेष्ठ विभीषण मुझे प्राप्त हो चुका है; निश्चय ही यह श्रीमान अब निष्कण्टक लंका का ऐश्वर्य पाएगा।"

श्लोक 69 (yuddha.41.69)

नहि राज्यमधर्मेण भोक्तुं क्षणमपि त्वया। शक्यं मूर्खसहायेन पापेनाविदितात्मना ॥ 41.69 ॥

nahi rājyamadharmeṇa bhoktuṃ kṣaṇamapi tvayā| śakyaṃ mūrkhasahāyena pāpenāviditātmanā || 41.69 ||

"मूर्ख सहायकों वाला, पापी, आत्मज्ञान-रहित तू अधर्म से इस राज्य को क्षणभर भी भोग नहीं सकता।"

श्लोक 70 (yuddha.41.70)

युध्यस्व मा धृतिं कृत्वा शौर्यमालम्ब्य राक्षस। मच्छरैस्त्वं रणे शान्तस्ततः पूतो भविष्यसि ॥ 41.70 ॥

yudhyasva mā dhṛtiṃ kṛtvā śauryamālambya rākṣasa| maccharaistvaṃ raṇe śāntastataḥ pūto bhaviṣyasi || 41.70 ||

"हे राक्षस! धैर्य धारण करके, पराक्रम का सहारा लेकर युद्ध कर; मेरे बाणों से युद्ध में शांत होकर तू पवित्र हो जाएगा।"

श्लोक 71 (yuddha.41.71)

यद्याविशसि लोकांस्त्रीन् पक्षीभूतो निशाचर। मम चक्षुःपथं प्राप्य न जीवन् प्रतियास्यसि ॥ 41.71 ॥

yadyāviśasi lokāṃstrīn pakṣībhūto niśācara| mama cakṣuḥpathaṃ prāpya na jīvan pratiyāsyasi || 41.71 ||

"हे निशाचर! यदि तू पक्षी बनकर तीनों लोकों में प्रवेश कर जाए, तो भी मेरी दृष्टि की सीमा में आकर जीवित लौट नहीं सकेगा।"

श्लोक 72 (yuddha.41.72)

ब्रवीमि त्वां हितं वाक्यं क्रियतामौर्ध्वदेहिकम्। सुदृष्टा क्रियतां लङ्का जीवितं ते मयि स्थितम् ॥ 41.72 ॥

bravīmi tvāṃ hitaṃ vākyaṃ kriyatāmaurdhvadehikam| sudṛṣṭā kriyatāṃ laṅkā jīvitaṃ te mayi sthitam || 41.72 ||

"मैं तुझसे हितकर वचन कहता हूँ — अपना अन्त्येष्टि-संस्कार करवा ले; लंका को भली-भाँति देख ले, क्योंकि तेरा जीवन अब मेरे हाथ में है।"

श्लोक 73 (yuddha.41.73)

इत्युक्तः स तु तारेयो रामेणाक्लिष्टकर्मणा। जगामाकाशमाविश्य मूर्तिमानिव हव्यवाट् ॥ 41.73 ॥

ityuktaḥ sa tu tāreyo rāmeṇākliṣṭakarmaṇā| jagāmākāśamāviśya mūrtimāniva havyavāṭ || 41.73 ||

अक्लिष्टकर्मा राम द्वारा इस प्रकार आदिष्ट होकर तारा-पुत्र अंगद आकाश में प्रवेश करके, मानो साक्षात् अग्निदेव के समान, आगे बढ़ चले।

श्लोक 74 (yuddha.41.74)

सोऽतिपत्य मुहूर्तेन श्रीमान् रावणमन्दिरम्। ददर्शासीनमव्यग्रं रावणं सचिवैः सह ॥ 41.74 ॥

so'tipatya muhūrtena śrīmān rāvaṇamandiram| dadarśāsīnamavyagraṃ rāvaṇaṃ sacivaiḥ saha || 41.74 ||

वह श्रीमान अंगद क्षणभर में रावण के भवन तक पहुँचकर, मंत्रियों के साथ शान्त-चित्त बैठे हुए रावण को देखने लगा।

श्लोक 75 (yuddha.41.75)

ततस्तस्याविदूरेण निपत्य हरिपुंगवः। दीप्ताग्निसदृशस्तस्थावङ्गदः कनकाङ्गदः ॥ 41.75 ॥

tatastasyāvidūreṇa nipatya haripuṃgavaḥ| dīptāgnisadṛśastasthāvaṅgadaḥ kanakāṅgadaḥ || 41.75 ||

तब स्वर्ण-भूषित अंगद उसके निकट उतरकर, प्रज्वलित अग्नि के समान तेजस्वी होकर वहाँ खड़ा हो गया।

श्लोक 76 (yuddha.41.76)

तद् रामवचनं सर्वमन्यूनाधिकमुत्तमम्। सामात्यं श्रावयामास निवेद्यात्मानमात्मना ॥ 41.76 ॥

tad rāmavacanaṃ sarvamanyūnādhikamuttamam| sāmātyaṃ śrāvayāmāsa nivedyātmānamātmanā || 41.76 ||

राम के उस सम्पूर्ण, न कम न अधिक, श्रेष्ठ वचन को, स्वयं को परिचित कराकर, उसने मंत्रियों-सहित रावण को सुनाया।

श्लोक 77 (yuddha.41.77)

दूतोऽहं कोसलेन्द्रस्य रामस्याक्लिष्टकर्मणः। वालिपुत्रोऽङ्गदो नाम यदि ते श्रोत्रमागतः ॥ 41.77 ॥

dūto'haṃ kosalendrasya rāmasyākliṣṭakarmaṇaḥ| vāliputro'ṅgado nāma yadi te śrotramāgataḥ || 41.77 ||

"मैं अक्लिष्टकर्मा कोसलेन्द्र राम का दूत हूँ, वालि-पुत्र अंगद नामक — क्या मेरा नाम तुम्हारे कानों तक पहुँचा है?"

श्लोक 78 (yuddha.41.78)

आह त्वां राघवो रामः कौसल्यानन्दवर्धनः। निष्पत्य प्रतियुध्यस्व नृशंस पुरुषो भव ॥ 41.78 ॥

āha tvāṃ rāghavo rāmaḥ kausalyānandavardhanaḥ| niṣpatya pratiyudhyasva nṛśaṃsa puruṣo bhava || 41.78 ||

"कौसल्या का आनन्द बढ़ाने वाले राघव राम तुमसे कहते हैं — हे नृशंस, निकलकर युद्ध करो और अपने कुल के योग्य पुरुष बनो।"

श्लोक 79 (yuddha.41.79)

हन्तास्मि त्वां सहामात्यं सपुत्रज्ञातिबान्धवम्। निरुद्विग्नास्त्रयो लोका भविष्यन्ति हते त्वयि ॥ 41.79 ॥

hantāsmi tvāṃ sahāmātyaṃ saputrajñātibāndhavam| nirudvignāstrayo lokā bhaviṣyanti hate tvayi || 41.79 ||

"मैं तुम्हें मंत्रियों, पुत्रों, बन्धु-बान्धवों सहित मार डालूँगा; तुम्हारे मारे जाने पर तीनों लोक निर्भय हो जाएँगे।"

श्लोक 80 (yuddha.41.80)

देवदानवयक्षाणां गन्धर्वोरगरक्षसाम्। शत्रुमद्योद्धरिष्यामि त्वामृषीणां च कण्टकम् ॥ 41.80 ॥

devadānavayakṣāṇāṃ gandharvoragarakṣasām| śatrumadyoddhariṣyāmi tvāmṛṣīṇāṃ ca kaṇṭakam || 41.80 ||

"देव, दानव, यक्षों, गन्धर्वों, उरगों और राक्षसों के लिए काँटा बने हुए तुझ शत्रु को मैं आज उखाड़ फेंकूँगा।"

श्लोक 81 (yuddha.41.81)

विभीषणस्य चैश्वर्यं भविष्यति हते त्वयि। न चेत् सत्कृत्य वैदेहीं प्रणिपत्य प्रदास्यसि ॥ 41.81 ॥

vibhīṣaṇasya caiśvaryaṃ bhaviṣyati hate tvayi| na cet satkṛtya vaidehīṃ praṇipatya pradāsyasi || 41.81 ||

"यदि तुम वैदेही का सम्मानपूर्वक, प्रणाम करते हुए, समर्पण नहीं करते, तो तुम्हारे मारे जाने पर यह ऐश्वर्य विभीषण का हो जाएगा।"

श्लोक 82 (yuddha.41.82)

इत्येवं परुषं वाक्यं ब्रुवाणे हरिपुङ्गवे। अमर्षवशमापन्नो निशाचरगणेश्वरः ॥ 41.82 ॥

ityevaṃ paruṣaṃ vākyaṃ bruvāṇe haripuṅgave| amarṣavaśamāpanno niśācaragaṇeśvaraḥ || 41.82 ||

वानर-श्रेष्ठ अंगद के इस प्रकार कठोर वचन कहने पर निशाचरों का वह स्वामी रावण क्रोध के वश में आ गया।

श्लोक 83 (yuddha.41.83)

ततः स रोषमापन्नः शशास सचिवांस्तदा। गृह्यतामिति दुर्मेधा वध्यतामिति चासकृत् ॥ 41.83 ॥

tataḥ sa roṣamāpannaḥ śaśāsa sacivāṃstadā| gṛhyatāmiti durmedhā vadhyatāmiti cāsakṛt || 41.83 ||

तब क्रोध से लाल नेत्रों वाले रावण ने बार-बार मंत्रियों को आज्ञा दी — "इस मूर्ख को पकड़ लो, इसे मार डालो।"

श्लोक 84 (yuddha.41.84)

रावणस्य वचः श्रुत्वा दीप्ताग्निमिव तेजसा। जगृहुस्तं ततो घोराश्चत्वारो रजनीचराः ॥ 41.84 ॥

rāvaṇasya vacaḥ śrutvā dīptāgnimiva tejasā| jagṛhustaṃ tato ghorāścatvāro rajanīcarāḥ || 41.84 ||

रावण के वचन सुनकर, प्रज्वलित अग्नि के समान तेजस्वी उस अंगद को, चार भयंकर निशाचरों ने तब पकड़ लिया।

श्लोक 85 (yuddha.41.85)

ग्राहयामास तारेयः स्वयमात्मानमात्मवान्। बलं दर्शयितुं वीरो यातुधानगणे तदा ॥ 41.85 ॥

grāhayāmāsa tāreyaḥ svayamātmānamātmavān| balaṃ darśayituṃ vīro yātudhānagaṇe tadā || 41.85 ||

अपना बल दिखाने की इच्छा रखते हुए, वीर तारा-पुत्र ने राक्षस-गण के समक्ष स्वयं ही अपने आपको पकड़वा लिया।

श्लोक 86 (yuddha.41.86)

स तान् बाहुद्वयासक्तानादाय पतगानिव। प्रासादं शैलसंकाशमुत्पपाताङ्गदस्तदा ॥ 41.86 ॥

sa tān bāhudvayāsaktānādāya patagāniva| prāsādaṃ śailasaṃkāśamutpapātāṅgadastadā || 41.86 ||

तब अंगद ने पक्षियों की भाँति अपनी दोनों भुजाओं में जकड़े उन चारों को लेकर पर्वत-सम विशाल राजभवन पर छलांग लगा दी।

श्लोक 87 (yuddha.41.87)

तस्योत्पतनवेगेन निर्धूतास्तत्र राक्षसाः। भूमौ निपतिताः सर्वे राक्षसेन्द्रस्य पश्यतः ॥ 41.87 ॥

tasyotpatanavegena nirdhūtāstatra rākṣasāḥ| bhūmau nipatitāḥ sarve rākṣasendrasya paśyataḥ || 41.87 ||

उसकी उस छलांग के वेग से झटके खाकर वे राक्षस वहीं छूट गए और रावण के देखते ही देखते सब भूमि पर आ गिरे।

श्लोक 88 (yuddha.41.88)

ततः प्रासादशिखरं शैलशृङ्गमिवोन्नतम्। चक्राम राक्षसेन्द्रस्य वालिपुत्रः प्रतापवान् ॥ 41.88 ॥

tataḥ prāsādaśikharaṃ śailaśṛṅgamivonnatam| cakrāma rākṣasendrasya vāliputraḥ pratāpavān || 41.88 ||

तत्पश्चात् पर्वत-शिखर के समान ऊँचे उस राजभवन के शिखर पर वह प्रतापी वालिपुत्र रावण के देखते ही चढ़ गया।

श्लोक 89 (yuddha.41.89)

पफाल च तदाक्रान्तं दशग्रीवस्य पश्यतः। पुरा हिमवतः शृङ्गं वज्रेणेव विदारितम् ॥ 41.89 ॥

paphāla ca tadākrāntaṃ daśagrīvasya paśyataḥ| purā himavataḥ śṛṅgaṃ vajreṇeva vidāritam || 41.89 ||

उसके आक्रमण से वह शिखर उसी समय, रावण के देखते ही, टूटकर बिखर गया — मानो प्राचीन काल में वज्र से हिमालय का शिखर विदीर्ण हुआ हो।

श्लोक 90 (yuddha.41.90)

भङ्क्त्वा प्रासादशिखरं नाम विश्राव्य चात्मनः। विनद्य सुमहानादमुत्पपात विहायसा ॥ 41.90 ॥

bhaṅktvā prāsādaśikharaṃ nāma viśrāvya cātmanaḥ| vinadya sumahānādamutpapāta vihāyasā || 41.90 ||

राजभवन के शिखर को तोड़कर और अपना नाम गुँजाकर, महान् गर्जना करते हुए वह आकाश में उड़ चला।

श्लोक 91 (yuddha.41.91)

व्यथयन् राक्षसान् सर्वान् हर्षयंश्चापि वानरान्। स वानराणां मध्ये तु रामपार्श्वमुपागतः ॥ 41.91 ॥

vyathayan rākṣasān sarvān harṣayaṃścāpi vānarān| sa vānarāṇāṃ madhye tu rāmapārśvamupāgataḥ || 41.91 ||

समस्त राक्षसों को व्यथित और वानरों को हर्षित करते हुए वह वानरों के मध्य से राम के समीप जा पहुँचा।

श्लोक 92 (yuddha.41.92)

रावणस्तु परं चक्रे क्रोधं प्रासादधर्षणात्। विनाशं चात्मनः पश्यन् निःश्वासपरमोऽभवत् ॥ 41.92 ॥

rāvaṇastu paraṃ cakre krodhaṃ prāsādadharṣaṇāt| vināśaṃ cātmanaḥ paśyan niḥśvāsaparamo'bhavat || 41.92 ||

अपने राजभवन के अपमान से रावण को अत्यधिक क्रोध हुआ, और अपने विनाश का पूर्वाभास पाकर वह गहरी साँसें लेने लगा।

श्लोक 93 (yuddha.41.93)

रामस्तु बहुभिर्हृष्टैर्विनदद्भिः प्लवङ्गमैः। वृतो रिपुवधाकाङ्क्षी युद्धायैवाभ्यवर्तत ॥ 41.93 ॥

rāmastu bahubhirhṛṣṭairvinadadbhiḥ plavaṅgamaiḥ| vṛto ripuvadhākāṅkṣī yuddhāyaivābhyavartata || 41.93 ||

राम, बहुत-से प्रसन्न, गरजते हुए वानरों से घिरे हुए, शत्रु-वध की कामना से युद्ध की ओर आगे बढ़ चले।

श्लोक 94 (yuddha.41.94)

सुषेणस्तु महावीर्यो गिरिकूटोपमो हरिः। बहुभिः संवृतस्तत्र वानरैः कामरूपिभिः ॥ 41.94 ॥

suṣeṇastu mahāvīryo girikūṭopamo hariḥ| bahubhiḥ saṃvṛtastatra vānaraiḥ kāmarūpibhiḥ || 41.94 ||

महापराक्रमी सुषेण, पर्वत-शिखर के समान वानर, वहाँ इच्छानुसार रूप बदलने वाले अनेक वानरों से घिरा हुआ था —

श्लोक 95 (yuddha.41.95)

स तु द्वाराणि संयम्य सुग्रीववचनात् कपिः। पर्यक्रामत दुर्धर्षो नक्षत्राणीव चन्द्रमाः ॥ 41.95 ॥

sa tu dvārāṇi saṃyamya sugrīvavacanāt kapiḥ| paryakrāmata durdharṣo nakṣatrāṇīva candramāḥ || 41.95 ||

— वह दुर्जेय कपि सुग्रीव की आज्ञा से समस्त द्वारों पर पहरा देता हुआ, नक्षत्रों के मध्य चन्द्रमा के समान घूम रहा था।

श्लोक 96 (yuddha.41.96)

तेषामक्षौहिणिशतं समवेक्ष्य वनौकसाम्। लङ्कामुपनिविष्टानां सागरं चाभिवर्तताम् ॥ 41.96 ॥

teṣāmakṣauhiṇiśataṃ samavekṣya vanaukasām| laṅkāmupaniviṣṭānāṃ sāgaraṃ cābhivartatām || 41.96 ||

वन-निवासी उन सैकड़ों अक्षौहिणी सेनाओं को लंका पर आ डटा और सागर तक फैला हुआ देखकर —

श्लोक 97 (yuddha.41.97)

राक्षसा विस्मयं जग्मुस्त्रासं जग्मुस्तथापरे। अपरे समरे हर्षाद्धर्षमेवोपपेदिरे ॥ 41.97 ॥

rākṣasā vismayaṃ jagmustrāsaṃ jagmustathāpare| apare samare harṣāddharṣamevopapedire || 41.97 ||

— राक्षस विस्मय को प्राप्त हुए, कुछ भय को प्राप्त हुए, तो कुछ अन्य युद्ध के उत्साह से हर्ष को ही प्राप्त हुए।

श्लोक 98 (yuddha.41.98)

कृत्स्नं हि कपिभिर्व्याप्तं प्राकारपरिखान्तरम्। ददृशू राक्षसा दीनाः प्राकारं वानरीकृतम्। हाहाकारमकुर्वन्त राक्षसा भयमागताः ॥ 41.98 ॥

kṛtsnaṃ hi kapibhirvyāptaṃ prākāraparikhāntaram| dadṛśū rākṣasā dīnāḥ prākāraṃ vānarīkṛtam| hāhākāramakurvanta rākṣasā bhayamāgatāḥ || 41.98 ||

राक्षसों ने देखा कि प्राचीर और खाई के बीच का सम्पूर्ण स्थान वानरों से आच्छादित होकर मानो दूसरा परकोटा बन गया है; भयभीत राक्षस "हाय, हाय" पुकारने लगे।

श्लोक 99 (yuddha.41.99)

तस्मिन् महाभीषणके प्रवृत्ते कोलाहले राक्षसराजयोधाः। प्रगृह्य रक्षांसि महायुधानि युगान्तवाता इव संविचेरुः ॥ 41.99 ॥

tasmin mahābhīṣaṇake pravṛtte kolāhale rākṣasarājayodhāḥ| pragṛhya rakṣāṃsi mahāyudhāni yugāntavātā iva saṃviceruḥ || 41.99 ||

उस भयंकर, महाकोलाहलपूर्ण उपद्रव के मच जाने पर राक्षस राजधानी के योद्धा महाशस्त्र उठाकर, प्रलयकाल की आँधी के समान इधर-उधर दौड़ने लगे।