प्राचीर पर वानर-सेना का धावा

श्लोक 1 (yuddha.42.1)

ततस्ते राक्षसास्तत्र गत्वा रावणमन्दिरम्। न्यवेदयन् पुरीं रुद्धां रामेण सह वानरैः ॥ 42.1 ॥

tataste rākṣasāstatra gatvā rāvaṇamandiram| nyavedayan purīṃ ruddhāṃ rāmeṇa saha vānaraiḥ || 42.1 ||

तत्पश्चात् वे राक्षस रावण के भवन में जाकर यह सूचना देने लगे कि नगरी राम और वानरों द्वारा घेर ली गई है।

श्लोक 2 (yuddha.42.2)

रुद्धां तु नगरीं श्रुत्वा जातक्रोधो निशाचरः। विधानं द्विगुणं कृत्वा प्रासादं चाप्यरोहत ॥ 42.2 ॥

ruddhāṃ tu nagarīṃ śrutvā jātakrodho niśācaraḥ| vidhānaṃ dviguṇaṃ kṛtvā prāsādaṃ cāpyarohata || 42.2 ||

नगरी के घिर जाने का समाचार सुनकर क्रोध से भरा हुआ रावण सुरक्षा-व्यवस्था दुगुनी करवाकर स्वयं राजभवन के शिखर पर चढ़ गया।

श्लोक 3 (yuddha.42.3)

स ददर्श वृतां लङ्कां सशैलवनकाननाम्। असंख्येयैर्हरिगणैः सर्वतो युद्धकाङ्क्षिभिः ॥ 42.3 ॥

sa dadarśa vṛtāṃ laṅkāṃ saśailavanakānanām| asaṃkhyeyairharigaṇaiḥ sarvato yuddhakāṅkṣibhiḥ || 42.3 ||

उसने पहाड़ों और वनों सहित उस लंका को असंख्य युद्धेच्छुक वानर-समूहों से चारों ओर से घिरी हुई देखा।

श्लोक 4 (yuddha.42.4)

स दृष्ट्वा वानरैः सर्वैर्वसुधां कपिलीकृताम्। कथं क्षपयितव्याः स्युरिति चिन्तापरोऽभवत् ॥ 42.4 ॥

sa dṛṣṭvā vānaraiḥ sarvairvasudhāṃ kapilīkṛtām| kathaṃ kṣapayitavyāḥ syuriti cintāparo'bhavat || 42.4 ||

समस्त पृथ्वी को वानरों से ढकी हुई देखकर वह चिन्तित हो उठा कि इन्हें कैसे नष्ट किया जाए।

श्लोक 5 (yuddha.42.5)

स चिन्तयित्वा सुचिरं धैर्यमालम्ब्य रावणः। राघवं हरियूथांश्च ददर्शायतलोचनः ॥ 42.5 ॥

sa cintayitvā suciraṃ dhairyamālambya rāvaṇaḥ| rāghavaṃ hariyūthāṃśca dadarśāyatalocanaḥ || 42.5 ||

बड़े नेत्रों वाले रावण ने बहुत देर तक विचार करके, धैर्य धारण करके, राघव और वानर-सेनाओं की ओर देखा।

श्लोक 6 (yuddha.42.6)

राघवः सह सैन्येन मुदितो नाम पुप्लुवे। लङ्कां ददर्श गुप्तां वै सर्वतो राक्षसैर्वृताम् ॥ 42.6 ॥

rāghavaḥ saha sainyena mudito nāma pupluve| laṅkāṃ dadarśa guptāṃ vai sarvato rākṣasairvṛtām || 42.6 ||

राघव अपनी सेना सहित हर्षपूर्वक कूद पड़े; उन्होंने लंका को चारों ओर से राक्षसों द्वारा घिरी हुई, सुरक्षित देखा।

श्लोक 7 (yuddha.42.7)

दृष्ट्वा दाशरथिर्लङ्कां चित्रध्वजपताकिनीम्। जगाम सहसा सीतां दूयमानेन चेतसा ॥ 42.7 ॥

dṛṣṭvā dāśarathirlaṅkāṃ citradhvajapatākinīm| jagāma sahasā sītāṃ dūyamānena cetasā || 42.7 ||

रंग-बिरंगी ध्वजा-पताकाओं से युक्त लंका को देखकर दाशरथि का मन तुरन्त व्यथित हृदय से सीता की ओर चला गया।

श्लोक 8 (yuddha.42.8)

अत्र सा मृगशावाक्षी मत्कृते जनकात्मजा। पीड्यते शोकसंतप्ता कृशा स्थण्डिलशायिनी ॥ 42.8 ॥

atra sā mṛgaśāvākṣī matkṛte janakātmajā| pīḍyate śokasaṃtaptā kṛśā sthaṇḍilaśāyinī || 42.8 ||

"यहीं वह मृगनयनी जनकात्मजा मेरे कारण शोकसंतप्त, दुर्बल हो, नंगी भूमि पर सोती हुई पीड़ित हो रही है।"

श्लोक 9 (yuddha.42.9)

निपीड्यमानां धर्मात्मा वैदेहीमनुचिन्तयन्। क्षिप्रमाज्ञापयद् रामो वानरान् द्विषतां वधे ॥ 42.9 ॥

nipīḍyamānāṃ dharmātmā vaidehīmanucintayan| kṣipramājñāpayad rāmo vānarān dviṣatāṃ vadhe || 42.9 ||

पीड़ित वैदेही का चिन्तन करते हुए धर्मात्मा राम ने शत्रुओं के वध के लिए वानरों को तुरन्त आज्ञा दे दी।

श्लोक 10 (yuddha.42.10)

एवमुक्ते तु वचसि रामेणाक्लिष्टकर्मणा। संघर्षमाणाः प्लवगाः सिंहनादैरनादयन् ॥ 42.10 ॥

evamukte tu vacasi rāmeṇākliṣṭakarmaṇā| saṃgharṣamāṇāḥ plavagāḥ siṃhanādairanādayan || 42.10 ||

अक्लिष्टकर्मा राम द्वारा इस प्रकार वचन कहे जाने पर, आगे बढ़ते हुए वानरों ने सिंहनाद से आकाश गुँजा दिया।

श्लोक 11 (yuddha.42.11)

शिखरैर्विकिरामैतां लङ्कां मुष्टिभिरेव वा। इति स्म दधिरे सर्वे मनांसि हरियूथपाः ॥ 42.11 ॥

śikharairvikirāmaitāṃ laṅkāṃ muṣṭibhireva vā| iti sma dadhire sarve manāṃsi hariyūthapāḥ || 42.11 ||

"अपने पर्वत-शिखरों या मुक्कों से ही हम इस लंका को छिन्न-भिन्न कर देंगे" — ऐसा मन में निश्चय सब वानर-सेनापतियों ने कर लिया।

श्लोक 12 (yuddha.42.12)

उद्यम्य गिरिशृङ्गाणि महान्ति शिखराणि च। तरूंश्चोत्पाट्य विविधांस्तिष्ठन्ति हरियूथपाः ॥ 42.12 ॥

udyamya giriśṛṅgāṇi mahānti śikharāṇi ca| tarūṃścotpāṭya vividhāṃstiṣṭhanti hariyūthapāḥ || 42.12 ||

पर्वतों के बड़े-बड़े शिखर और उखाड़े हुए नाना प्रकार के वृक्ष उठाकर वानर-सेनापति तैयार खड़े हो गए।

श्लोक 13 (yuddha.42.13)

प्रेक्षतो राक्षसेन्द्रस्य तान्यनीकानि भागशः। राघवप्रियकामार्थं लङ्कामारुरुहुस्तदा ॥ 42.13 ॥

prekṣato rākṣasendrasya tānyanīkāni bhāgaśaḥ| rāghavapriyakāmārthaṃ laṅkāmāruruhustadā || 42.13 ||

राक्षसराज के देखते-देखते वे सेनाएँ, राघव के प्रिय कार्य की सिद्धि के लिए, तब दल-बद्ध होकर लंका पर चढ़ गईं।

श्लोक 14 (yuddha.42.14)

ते ताम्रवक्त्रा हेमाभा रामार्थे त्यक्तजीविताः। लङ्कामेवाभ्यवर्तन्त सालभूधरयोधिनः ॥ 42.14 ॥

te tāmravaktrā hemābhā rāmārthe tyaktajīvitāḥ| laṅkāmevābhyavartanta sālabhūdharayodhinaḥ || 42.14 ||

ताम्रमुख, स्वर्ण-आभ वाले, राम के लिए प्राण त्यागने को तत्पर, शाल-वृक्ष और शिलाओं से युद्ध करने वाले वे वानर लंका की ओर बढ़ चले।

श्लोक 15 (yuddha.42.15)

ते द्रुमैः पर्वताग्रैश्च मुष्टिभिश्च प्लवंगमाः। प्राकाराग्राण्यसंख्यानि ममन्थुस्तोरणानि च ॥ 42.15 ॥

te drumaiḥ parvatāgraiśca muṣṭibhiśca plavaṃgamāḥ| prākārāgrāṇyasaṃkhyāni mamanthustoraṇāni ca || 42.15 ||

वे वानर वृक्षों, पर्वत-शिखरों और मुक्कों से प्राचीर के असंख्य ऊपरी भागों और तोरणों को मथ डालने लगे।

श्लोक 16 (yuddha.42.16)

परिखान् पूरयन्तश्च प्रसन्नसलिलाशयान्। पांसुभिः पर्वताग्रैश्च तृणैः काष्ठैश्च वानराः ॥ 42.16 ॥

parikhān pūrayantaśca prasannasalilāśayān| pāṃsubhiḥ parvatāgraiśca tṛṇaiḥ kāṣṭhaiśca vānarāḥ || 42.16 ||

निर्मल जल से भरी खाइयों को धूल, पर्वत-खण्डों, तिनकों और लकड़ियों से पाटते हुए वानर —

श्लोक 17 (yuddha.42.17)

ततः सहस्रयूथाश्च कोटियूथाश्च यूथपाः। कोटियूथशताश्चान्ये लङ्कामारुरुहुस्तदा ॥ 42.17 ॥

tataḥ sahasrayūthāśca koṭiyūthāśca yūthapāḥ| koṭiyūthaśatāścānye laṅkāmāruruhustadā || 42.17 ||

— हज़ारों दल, करोड़ों दल और सैकड़ों करोड़ों की सेना वाले सेनापति तब लंका पर चढ़ गए।

श्लोक 18 (yuddha.42.18)

काञ्चनानि प्रमर्दन्तस्तोरणानि प्लवंगमाः। कैलासशिखराग्राणि गोपुराणि प्रमथ्य च ॥ 42.18 ॥

kāñcanāni pramardantastoraṇāni plavaṃgamāḥ| kailāsaśikharāgrāṇi gopurāṇi pramathya ca || 42.18 ||

स्वर्ण-तोरणों को कुचलते हुए वानरों ने कैलास के शिखरों के समान गोपुरों को भी नष्ट कर डाला।

श्लोक 19 (yuddha.42.19)

आप्लवन्तः प्लवन्तश्च गर्जन्तश्च प्लवंगमाः। लङ्कां तामभिधावन्ति महावारणसंनिभाः ॥ 42.19 ॥

āplavantaḥ plavantaśca garjantaśca plavaṃgamāḥ| laṅkāṃ tāmabhidhāvanti mahāvāraṇasaṃnibhāḥ || 42.19 ||

उछलते, कूदते, गरजते हुए वे विशाल गजों के समान वानर लंका की ओर दौड़ पड़े।

श्लोक 20 (yuddha.42.20)

जयत्युरुबलो रामो लक्ष्मणश्च महाबलः। राजा जयति सुग्रीवो राघवेणाभिपालितः ॥ 42.20 ॥

jayatyurubalo rāmo lakṣmaṇaśca mahābalaḥ| rājā jayati sugrīvo rāghaveṇābhipālitaḥ || 42.20 ||

"अत्यन्त बलशाली राम की विजय हो! महाबली लक्ष्मण की विजय हो! राघव द्वारा पालित राजा सुग्रीव की विजय हो!"

श्लोक 21 (yuddha.42.21)

इत्येवं घोषयन्तश्च गर्जन्तश्च प्लवंगमाः। अभ्यधावन्त लङ्कायाः प्राकारं कामरूपिणः ॥ 42.21 ॥

ityevaṃ ghoṣayantaśca garjantaśca plavaṃgamāḥ| abhyadhāvanta laṅkāyāḥ prākāraṃ kāmarūpiṇaḥ || 42.21 ||

इस प्रकार घोषणा करते और गरजते हुए, इच्छानुसार रूप धारण करने वाले वानर लंका के परकोटे पर टूट पड़े।

श्लोक 22 (yuddha.42.22)

वीरबाहुः सुबाहुश्च नलश्च पनसस्तथा। निपीड्योपनिविष्टास्ते प्राकारं हरियूथपाः। एतस्मिन्नन्तरे चक्रुः स्कन्धावारनिवेशनम् ॥ 42.22 ॥

vīrabāhuḥ subāhuśca nalaśca panasastathā| nipīḍyopaniviṣṭāste prākāraṃ hariyūthapāḥ| etasminnantare cakruḥ skandhāvāraniveśanam || 42.22 ||

वीरबाहु, सुबाहु, नल और पनस, दबाव डालते हुए उस परकोटे पर आ जमे — इसी बीच उन्होंने वहीं सैनिक शिविर स्थापित कर लिया।

श्लोक 23 (yuddha.42.23)

पूर्वद्वारं तु कुमुदः कोटिभिर्दशभिर्वृतः। आवृत्य बलवांस्तस्थौ हरिभिर्जितकाशिभिः ॥ 42.23 ॥

pūrvadvāraṃ tu kumudaḥ koṭibhirdaśabhirvṛtaḥ| āvṛtya balavāṃstasthau haribhirjitakāśibhiḥ || 42.23 ||

दस करोड़ वानरों से घिरा हुआ कुमुद पूर्वी द्वार को घेरकर, विजयी वानरों के साथ बलपूर्वक वहीं डट गया।

श्लोक 24 (yuddha.42.24)

सहायार्थे तु तस्यैव निविष्टः प्रघसो हरिः। पनसश्च महाबाहुर्वानरैरभिसंवृतः ॥ 42.24 ॥

sahāyārthe tu tasyaiva niviṣṭaḥ praghaso hariḥ| panasaśca mahābāhurvānarairabhisaṃvṛtaḥ || 42.24 ||

उसकी सहायता के लिए प्रघस भी वहीं जम गया; और महाबाहु पनस भी वानरों से घिरा हुआ वहीं रहा।

श्लोक 25 (yuddha.42.25)

दक्षिणद्वारमासाद्य वीरः शतबलिः कपिः। आवृत्य बलवांस्तस्थौ विंशत्या कोटिभिर्वृतः ॥ 42.25 ॥

dakṣiṇadvāramāsādya vīraḥ śatabaliḥ kapiḥ| āvṛtya balavāṃstasthau viṃśatyā koṭibhirvṛtaḥ || 42.25 ||

वीर, सौ-सौ बलिष्ठों वाला कपि दक्षिणी द्वार पर पहुँचकर बीस करोड़ वानरों से घिरकर बलपूर्वक डट गया।

श्लोक 26 (yuddha.42.26)

सुषेणः पश्चिमद्वारं गत्वा तारापिता बली। आवृत्य बलवांस्तस्थौ कोटिकोटिभिरावृतः ॥ 42.26 ॥

suṣeṇaḥ paścimadvāraṃ gatvā tārāpitā balī| āvṛtya balavāṃstasthau koṭikoṭibhirāvṛtaḥ || 42.26 ||

तारा का बलवान पिता सुषेण पश्चिमी द्वार पर जाकर करोड़ों-करोड़ों वानरों से घिरकर बलपूर्वक डट गया।

श्लोक 27 (yuddha.42.27)

उत्तरद्वारमागम्य रामः सौमित्रिणा सह। आवृत्य बलवांस्तस्थौ सुग्रीवश्च हरीश्वरः ॥ 42.27 ॥

uttaradvāramāgamya rāmaḥ saumitriṇā saha| āvṛtya balavāṃstasthau sugrīvaśca harīśvaraḥ || 42.27 ||

उत्तरी द्वार पर आकर सौमित्रि लक्ष्मण-सहित राम और वानर-स्वामी सुग्रीव भी बलपूर्वक वहीं डट गए।

श्लोक 28 (yuddha.42.28)

गोलाङ्गूलो महाकायो गवाक्षो भीमदर्शना। वृतः कोट्या महावीर्यस्तस्थौ रामस्य पार्श्वतः ॥ 42.28 ॥

golāṅgūlo mahākāyo gavākṣo bhīmadarśanā| vṛtaḥ koṭyā mahāvīryastasthau rāmasya pārśvataḥ || 42.28 ||

विशाल शरीर वाला गोलांगूल तथा भयंकर दिखने वाला गवाक्ष, एक करोड़ वानरों से घिरकर महापराक्रमी राम के पार्श्व में जा डटे।

श्लोक 29 (yuddha.42.29)

ऋक्षाणां भीमकोपानां धूम्रः शत्रुनिबर्हणः। वृतः कोट्या महावीर्यस्तस्थौ रामस्य पार्श्वतः ॥ 42.29 ॥

ṛkṣāṇāṃ bhīmakopānāṃ dhūmraḥ śatrunibarhaṇaḥ| vṛtaḥ koṭyā mahāvīryastasthau rāmasya pārśvataḥ || 42.29 ||

भयंकर क्रोध वाले ऋक्षों में से शत्रुनाशक धूम्र भी एक करोड़ महापराक्रमी वानरों से घिरकर राम के पार्श्व में जा डटा।

श्लोक 30 (yuddha.42.30)

संनद्धस्तु महावीर्यो गदापाणिर्विभीषणः। वृतो यत्तैस्तु सचिवैस्तस्थौ यत्र महाबलः ॥ 42.30 ॥

saṃnaddhastu mahāvīryo gadāpāṇirvibhīṣaṇaḥ| vṛto yattaistu sacivaistasthau yatra mahābalaḥ || 42.30 ||

महापराक्रमी, सन्नद्ध, गदा हाथ में लिए विभीषण, अपने सतर्क मंत्रियों से घिरकर, जहाँ बलवान वानर-सेना थी वहीं जा डटा।

श्लोक 31 (yuddha.42.31)

गजो गवाक्षो गवयः शरभो गन्धमादनः। समन्तात् परिधावन्तो ररक्षुर्हरिवाहिनीम् ॥ 42.31 ॥

gajo gavākṣo gavayaḥ śarabho gandhamādanaḥ| samantāt paridhāvanto rarakṣurharivāhinīm || 42.31 ||

गज, गवाक्ष, गवय, शरभ और गन्धमादन चारों ओर दौड़-दौड़कर वानर-सेना की रक्षा करने लगे।

श्लोक 32 (yuddha.42.32)

ततः कोपपरीतात्मा रावणो राक्षसेश्वरः। निर्याणं सर्वसैन्यानां द्रुतमाज्ञापयत् तदा ॥ 42.32 ॥

tataḥ kopaparītātmā rāvaṇo rākṣaseśvaraḥ| niryāṇaṃ sarvasainyānāṃ drutamājñāpayat tadā || 42.32 ||

तब क्रोध से आविष्ट राक्षसराज रावण ने समस्त सेनाओं को तुरन्त बाहर निकलने की आज्ञा दे दी।

श्लोक 33 (yuddha.42.33)

एतच्छ्रुत्वा तदा वाक्यं रावणस्य मुखेरितम्। सहसा भीमनिर्घोषमुद्घुष्टं रजनीचरैः ॥ 42.33 ॥

etacchrutvā tadā vākyaṃ rāvaṇasya mukheritam| sahasā bhīmanirghoṣamudghuṣṭaṃ rajanīcaraiḥ || 42.33 ||

रावण के मुख से निकले उस वचन को सुनकर निशाचरों ने सहसा भीषण घोषवाला हुंकार भर दिया।

श्लोक 34 (yuddha.42.34)

ततः प्रबोधिता भेर्यश्चन्द्रपाण्डुरपुष्कराः। हेमकोणैरभिहता राक्षसानां समन्ततः ॥ 42.34 ॥

tataḥ prabodhitā bheryaścandrapāṇḍurapuṣkarāḥ| hemakoṇairabhihatā rākṣasānāṃ samantataḥ || 42.34 ||

तब चन्द्रमा के समान श्वेत मुखों वाली रणभेरियाँ स्वर्ण-दण्डों से बजाई जाकर राक्षसों में चारों ओर गूँज उठीं।

श्लोक 35 (yuddha.42.35)

विनेदुश्च महाघोषाः शङ्खाः शतसहस्रशः। राक्षसानां सुघोराणां मुखमारुतपूरिताः ॥ 42.35 ॥

vineduśca mahāghoṣāḥ śaṅkhāḥ śatasahasraśaḥ| rākṣasānāṃ sughorāṇāṃ mukhamārutapūritāḥ || 42.35 ||

राक्षसों के मुखों की वायु से भरे हुए लाखों-लाखों शंख अत्यन्त भयंकर घोष के साथ बज उठे।

श्लोक 36 (yuddha.42.36)

ते बभुः शुभनीलाङ्गाः सशङ्खा रजनीचराः। विद्युन्मण्डलसंनद्धाः सबलाका इवाम्बुदाः ॥ 42.36 ॥

te babhuḥ śubhanīlāṅgāḥ saśaṅkhā rajanīcarāḥ| vidyunmaṇḍalasaṃnaddhāḥ sabalākā ivāmbudāḥ || 42.36 ||

शंखों सहित वे शुभ, नील-वर्ण अंगों वाले निशाचर विद्युत-मण्डल से घिरे मेघों के समान शोभित हो रहे थे।

श्लोक 37 (yuddha.42.37)

निष्पतन्ति ततः सैन्या हृष्टा रावणचोदिताः। समये पूर्यमाणस्य वेगा इव महोदधेः ॥ 42.37 ॥

niṣpatanti tataḥ sainyā hṛṣṭā rāvaṇacoditāḥ| samaye pūryamāṇasya vegā iva mahodadheḥ || 42.37 ||

तब रावण द्वारा प्रेरित, उल्लसित वह सेना पूर्ण होते हुए महासागर की लहरों के समान उमड़ पड़ी।

श्लोक 38 (yuddha.42.38)

ततो वानरसैन्येन मुक्तो नादः समन्ततः। मलयः पूरितो येन ससानुप्रस्थकन्दरः ॥ 42.38 ॥

tato vānarasainyena mukto nādaḥ samantataḥ| malayaḥ pūrito yena sasānuprasthakandaraḥ || 42.38 ||

तत्पश्चात् वानर-सेना से छोड़ी गई गर्जना ने मलय पर्वत की चोटियों, कगारों और गुफाओं को सब ओर से भर दिया।

श्लोक 39 (yuddha.42.39)

शङ्खदुन्दुभिनिर्घोषः सिंहनादस्तरस्विनाम्। पृथिवीं चान्तरिक्षं च सागरं चाभ्यनादयत् ॥ 42.39 ॥

śaṅkhadundubhinirghoṣaḥ siṃhanādastarasvinām| pṛthivīṃ cāntarikṣaṃ ca sāgaraṃ cābhyanādayat || 42.39 ||

शंख और दुन्दुभि की गूँज तथा वेगवानों के सिंहनाद ने पृथ्वी, आकाश और सागर को भी गुँजा दिया —

श्लोक 40 (yuddha.42.40)

गजानां बृंहितैः सार्धं हयानां ह्रेषितैरपि। रथानां नेमिनिर्घोषै रक्षसां वदनस्वनैः ॥ 42.40 ॥

gajānāṃ bṛṃhitaiḥ sārdhaṃ hayānāṃ hreṣitairapi| rathānāṃ neminirghoṣai rakṣasāṃ vadanasvanaiḥ || 42.40 ||

— हाथियों की चिंघाड़, घोड़ों की हिनहिनाहट, रथों के पहियों की घर्घराहट और राक्षसों की पदचाप के साथ।

श्लोक 41 (yuddha.42.41)

एतस्मिन्नन्तरे घोरः संग्रामः समपद्यत। रक्षसां वानराणां च यथा देवासुरे पुरा ॥ 42.41 ॥

etasminnantare ghoraḥ saṃgrāmaḥ samapadyata| rakṣasāṃ vānarāṇāṃ ca yathā devāsure purā || 42.41 ||

इसी बीच राक्षसों और वानरों के मध्य वैसा ही भीषण संग्राम आरम्भ हो गया जैसा पहले देवों और असुरों के मध्य हुआ था।

श्लोक 42 (yuddha.42.42)

ते गदाभिः प्रदीप्ताभिः शक्तिशूलपरश्वधैः। निजघ्नुर्वानरान् सर्वान् कथयन्तः स्वविक्रमान् ॥ 42.42 ॥

te gadābhiḥ pradīptābhiḥ śaktiśūlaparaśvadhaiḥ| nijaghnurvānarān sarvān kathayantaḥ svavikramān || 42.42 ||

वे प्रज्वलित गदाओं, शक्तियों, त्रिशूलों और परशुओं से अपनी वीरता का बखान करते हुए वानरों को घायल करने लगे।

श्लोक 43 (yuddha.42.43)

तथा वृक्षैर्महाकायाः पर्वताग्रैश्च वानराः। निजघ्नुस्तानि रक्षांसि नखैर्दन्तैश्च वेगिनः ॥ 42.43 ॥

tathā vṛkṣairmahākāyāḥ parvatāgraiśca vānarāḥ| nijaghnustāni rakṣāṃsi nakhairdantaiśca veginaḥ || 42.43 ||

उसी प्रकार विशालकाय वानर वृक्षों और पर्वत-शिखरों से, वेगपूर्वक नखों और दाँतों से भी उन राक्षसों को घायल करने लगे।

श्लोक 44 (yuddha.42.44)

राजा जयति सुग्रीव इति शब्दो महानभूत्। राजञ्जयजयेत्युक्त्वा स्वस्वनामकथां ततः ॥ 42.44 ॥

rājā jayati sugrīva iti śabdo mahānabhūt| rājañjayajayetyuktvā svasvanāmakathāṃ tataḥ || 42.44 ||

"राजा सुग्रीव की विजय हो" ऐसा महान् घोष उठा; "हे राजन्, जय-जय हो" कहकर तत्पश्चात् वे अपना-अपना नाम पुकारने लगे।

श्लोक 45 (yuddha.42.45)

राक्षसास्त्वपरे भीमाः प्राकारस्था महीं गतान्। वानरान् भिन्दिपालैश्च शूलैश्चैव व्यदारयन् ॥ 42.45 ॥

rākṣasāstvapare bhīmāḥ prākārasthā mahīṃ gatān| vānarān bhindipālaiśca śūlaiścaiva vyadārayan || 42.45 ||

दूसरे भयंकर राक्षसों ने भाले और त्रिशूलों से उन वानरों को चीर डाला जो परकोटे से भूमि पर उतर आए थे।

श्लोक 46 (yuddha.42.46)

वानराश्चापि संक्रुद्धाः प्राकारस्थान् महीं गताः। राक्षसान् पातयामासुः खमाप्लुत्य स्वबाहुभिः ॥ 42.46 ॥

vānarāścāpi saṃkruddhāḥ prākārasthān mahīṃ gatāḥ| rākṣasān pātayāmāsuḥ khamāplutya svabāhubhiḥ || 42.46 ||

अत्यन्त क्रुद्ध वानरों ने भी आकाश में छलांग लगाकर, अपनी भुजाओं से ही, भूमि पर उतरे उन राक्षसों को नीचे पटक दिया।

श्लोक 47 (yuddha.42.47)

स सम्प्रहारस्तुमुलो मांसशोणितकर्दमः। रक्षसां वानराणां च सम्बभूवाद्भुतोपमः ॥ 42.47 ॥

sa samprahārastumulo māṃsaśoṇitakardamaḥ| rakṣasāṃ vānarāṇāṃ ca sambabhūvādbhutopamaḥ || 42.47 ||

राक्षसों और वानरों के बीच वह घमासान युद्ध मांस और रक्त के कीचड़ से भरकर अत्यन्त अद्भुत रूप धारण कर गया।