सीता का विलाप और त्रिजटा का सांत्वन

श्लोक 1 (yuddha.48.1)

भर्तारं निहतं दृष्ट्वा लक्ष्मणं च महाबलम्। विललाप भृशं सीता करुणं शोककर्शिता ॥ 48.1 ॥

bhartāraṃ nihataṃ dṛṣṭvā lakṣmaṇaṃ ca mahābalam| vilalāpa bhṛśaṃ sītā karuṇaṃ śokakarśitā || 48.1 ||

अपने पति को और महाबली लक्ष्मण को मारा गया देखकर शोक से क्षीण सीता अत्यन्त करुण विलाप करने लगीं।

श्लोक 2 (yuddha.48.2)

ऊचुर्लाक्षणिका ये मां पुत्रिण्यविधवेति च। तेऽद्य सर्वे हते रामे ज्ञानिनोऽनृतवादिनः ॥ 48.2 ॥

ūcurlākṣaṇikā ye māṃ putriṇyavidhaveti ca| te'dya sarve hate rāme jñānino'nṛtavādinaḥ || 48.2 ||

“जिन शकुन-शास्त्रियों ने कहा था कि मैं पुत्रवती और अवैधव्य रहूँगी, वे सब ज्ञानी आज राम के मारे जाने पर मिथ्यावादी सिद्ध हुए।”

श्लोक 3 (yuddha.48.3)

यज्वनो महिषीं ये मामूचुः पत्नीं च सत्रिणः। तेऽद्य सर्वे हते रामे ज्ञानिनोऽनृतवादिनः ॥ 48.3 ॥

yajvano mahiṣīṃ ye māmūcuḥ patnīṃ ca satriṇaḥ| te'dya sarve hate rāme jñānino'nṛtavādinaḥ || 48.3 ||

“जिन्होंने कहा था कि मैं यज्ञ करने वाले सम्राट की महिषी और सत्र करने वाले की पत्नी बनूँगी, वे सब ज्ञानी आज राम के मारे जाने पर मिथ्यावादी सिद्ध हुए।”

श्लोक 4 (yuddha.48.4)

वीरपार्थिवपत्नीनां ये विदुर्भर्तृपूजिताम्। तेऽद्य सर्वे हते रामे ज्ञानिनोऽनृतवादिनः ॥ 48.4 ॥

vīrapārthivapatnīnāṃ ye vidurbhartṛpūjitām| te'dya sarve hate rāme jñānino'nṛtavādinaḥ || 48.4 ||

“जिन्होंने जाना था कि मैं वीर राजाओं की पत्नियों में भी अपने पति द्वारा पूजित होऊँगी, वे सब ज्ञानी आज राम के मारे जाने पर मिथ्यावादी सिद्ध हुए।”

श्लोक 5 (yuddha.48.5)

ऊचुः संश्रवणे ये मां द्विजाः कार्तान्तिकाः शुभाम्। तेऽद्य सर्वे हते रामे ज्ञानिनोऽनृतवादिनः ॥ 48.5 ॥

ūcuḥ saṃśravaṇe ye māṃ dvijāḥ kārtāntikāḥ śubhām| te'dya sarve hate rāme jñānino'nṛtavādinaḥ || 48.5 ||

“जिन ज्योतिष-विशारद द्विजों ने सबके सुनते हुए मुझे शुभ-भाग्या कहा था, वे सब ज्ञानी आज राम के मारे जाने पर मिथ्यावादी सिद्ध हुए।”

श्लोक 6 (yuddha.48.6)

इमानि खलु पद्मानि पादयोर्वै कुलस्त्रियः। आधिराज्येऽभिषिच्यन्ते नरेन्द्रैः पतिभिः सह ॥ 48.6 ॥

imāni khalu padmāni pādayorvai kulastriyaḥ| ādhirājye'bhiṣicyante narendraiḥ patibhiḥ saha || 48.6 ||

“क्योंकि इन्हीं चरण-कमल-चिह्नों के कारण ही कुलीन स्त्रियाँ अपने राजा पतियों के साथ साम्राज्य-पद पर अभिषिक्त होती हैं --”

श्लोक 7 (yuddha.48.7)

वैधव्यं यान्ति यैर्नार्योऽलक्षणैर्भाग्यदुर्लभाः। नात्मनस्तानि पश्यामि पश्यन्ती हतलक्षणा ॥ 48.7 ॥

vaidhavyaṃ yānti yairnāryo'lakṣaṇairbhāgyadurlabhāḥ| nātmanastāni paśyāmi paśyantī hatalakṣaṇā || 48.7 ||

“-- और वे अशुभ-चिह्न, जिनके कारण भाग्यहीन स्त्रियाँ वैधव्य को प्राप्त होती हैं, वे मुझमें नहीं दीखते; फिर भी देखते हुए मेरे शुभ-चिह्न मानो निष्फल हो गये हैं।”

श्लोक 8 (yuddha.48.8)

सत्यनामानि पद्मानि स्त्रीणामुक्तानि लक्षणैः। तान्यद्य निहते रामे वितथानि भवन्ति मे ॥ 48.8 ॥

satyanāmāni padmāni strīṇāmuktāni lakṣaṇaiḥ| tānyadya nihate rāme vitathāni bhavanti me || 48.8 ||

“स्त्रियों के लिए जिन कमल-चिह्नों को सत्य-सूचक कहा गया था, आज राम के मारे जाने पर वे मेरे लिए मिथ्या सिद्ध हो गये हैं।”

श्लोक 9 (yuddha.48.9)

केशाः सूक्ष्माः समा नीला भ्रुवौ चासंहते मम। वृत्ते चारोमके जङ्घे दन्ताश्चाविरला मम ॥ 48.9 ॥

keśāḥ sūkṣmāḥ samā nīlā bhruvau cāsaṃhate mama| vṛtte cāromake jaṅghe dantāścāviralā mama || 48.9 ||

“मेरे केश सूक्ष्म, सम और काले हैं; भौंहें मिली हुई नहीं हैं; पिंडलियाँ गोल और रोमरहित हैं; दाँत सटे हुए बिना अन्तराल के हैं --”

श्लोक 10 (yuddha.48.10)

शङ्खे नेत्रे करौ पादौ गुल्फावूरू समौ चितौ। अनुवृत्तनखाः स्निग्धाः समाश्चाङ्गुलयो मम ॥ 48.10 ॥

śaṅkhe netre karau pādau gulphāvūrū samau citau| anuvṛttanakhāḥ snigdhāḥ samāścāṅgulayo mama || 48.10 ||

“-- मेरे कनपटी, नेत्र, हाथ, पैर, टखने और जाँघें सम और सुगठित हैं; मेरी अंगुलियों के नख गोल, चिकने और सम हैं --”

श्लोक 11 (yuddha.48.11)

स्तनौ चाविरलौ पीनौ मामकौ मग्नचूचुकौ। मग्ना चोत्सेधनी नाभिः पार्श्वोरस्कं च मे चितम् ॥ 48.11 ॥

stanau cāviralau pīnau māmakau magnacūcukau| magnā cotsedhanī nābhiḥ pārśvoraskaṃ ca me citam || 48.11 ||

“-- मेरे दोनों स्तन पास-पास, पुष्ट और गहरे चूचुक वाले हैं; मेरी नाभि गहरी होते हुए भी उन्नत है; मेरे पार्श्व और वक्षस्थल सुगठित हैं --”

श्लोक 12 (yuddha.48.12)

मम वर्णो मणिनिभो मृदून्यङ्गरुहाणि च। प्रतिष्ठितां द्वादशभिर्मामूचुः शुभलक्षणाम् ॥ 48.12 ॥

mama varṇo maṇinibho mṛdūnyaṅgaruhāṇi ca| pratiṣṭhitāṃ dvādaśabhirmāmūcuḥ śubhalakṣaṇām || 48.12 ||

“-- मेरा वर्ण मणि के समान है, और मेरे अंगों की रोमराजि कोमल है; उन्होंने कहा कि मैं बारह अंगों पर सम रूप से प्रतिष्ठित, शुभलक्षणा हूँ --”

श्लोक 13 (yuddha.48.13)

समग्रयवमच्छिद्रं पाणिपादं च वर्णवत्। मन्दस्मितेत्येव च मां कन्यालाक्षणिका विदुः ॥ 48.13 ॥

samagrayavamacchidraṃ pāṇipādaṃ ca varṇavat| mandasmitetyeva ca māṃ kanyālākṣaṇikā viduḥ || 48.13 ||

“-- वे कहते थे कि मेरे हाथ-पैर पूर्ण यव-चिह्न से युक्त, अन्तरहित और सुवर्ण हैं; और कन्या-लक्षण जानने वाले मुझे मन्द-हास्य वाली जानते थे।”

श्लोक 14 (yuddha.48.14)

आधिराज्येऽभिषेको मे ब्राह्मणैः पतिना सह। कृतान्तकुशलैरुक्तं तत् सर्वं वितथीकृतम् ॥ 48.14 ॥

ādhirājye'bhiṣeko me brāhmaṇaiḥ patinā saha| kṛtāntakuśalairuktaṃ tat sarvaṃ vitathīkṛtam || 48.14 ||

“भाग्य-निर्णय में निपुण ब्राह्मणों ने जो कहा था कि मैं अपने पति के साथ साम्राज्य-पद पर अभिषिक्त होऊँगी, वह सब मिथ्या सिद्ध हो गया।”

श्लोक 15 (yuddha.48.15)

शोधयित्वा जनस्थानं प्रवृत्तिमुपलभ्य च। तीर्त्वा सागरमक्षोभ्यं भ्रातरौ गोष्पदे हतौ ॥ 48.15 ॥

śodhayitvā janasthānaṃ pravṛttimupalabhya ca| tīrtvā sāgaramakṣobhyaṃ bhrātarau goṣpade hatau || 48.15 ||

“जनस्थान को साफ़ करके, मेरा समाचार पाकर, और उस अगाध सागर को पार करके भी, वे दोनों भाई गोष्पद-भर के गड्ढे में मार डाले गये!”

श्लोक 16 (yuddha.48.16)

ननु वारुणमाग्नेयमैन्द्रं वायव्यमेव च। अस्त्रं ब्रह्मशिरश्चैव राघवौ प्रत्यपद्यत ॥ 48.16 ॥

nanu vāruṇamāgneyamaindraṃ vāyavyameva ca| astraṃ brahmaśiraścaiva rāghavau pratyapadyata || 48.16 ||

“निश्चय ही दोनों राघवों ने वरुण, अग्नि, इन्द्र और वायु के अस्त्रों को, तथा स्वयं ब्रह्मशिर अस्त्र को भी प्राप्त किया हुआ था!”

श्लोक 17 (yuddha.48.17)

अदृश्यमानेन रणे मायया वासवोपमौ। मम नाथावनाथाया निहतौ रामलक्ष्मणौ ॥ 48.17 ॥

adṛśyamānena raṇe māyayā vāsavopamau| mama nāthāvanāthāyā nihatau rāmalakṣmaṇau || 48.17 ||

“फिर भी माया से अदृश्य शत्रु के द्वारा युद्ध में, इन्द्र के समान वे मेरे स्वामी राम-लक्ष्मण मारे गये, और मैं अब अनाथ हो गई हूँ।”

श्लोक 18 (yuddha.48.18)

नहि दृष्टिपथं प्राप्य राघवस्य रणे रिपुः। जीवन् प्रतिनिवर्तेत यद्यपि स्यान्मनोजवः ॥ 48.18 ॥

nahi dṛṣṭipathaṃ prāpya rāghavasya raṇe ripuḥ| jīvan pratinivarteta yadyapi syānmanojavaḥ || 48.18 ||

“क्योंकि युद्ध में एक बार राघव की दृष्टि के मार्ग में आकर, चाहे वह मन के समान वेगवान भी हो, कोई शत्रु जीवित लौट नहीं सकता।”

श्लोक 19 (yuddha.48.19)

न कालस्यातिभारोऽस्ति कृतान्तश्च सुदुर्जयः। यत्र रामः सह भ्रात्रा शेते युधि निपातितः ॥ 48.19 ॥

na kālasyātibhāro'sti kṛtāntaśca sudurjayaḥ| yatra rāmaḥ saha bhrātrā śete yudhi nipātitaḥ || 48.19 ||

“काल के लिए कुछ भी अत्यधिक भार नहीं है, और भाग्य सचमुच दुर्जय है, क्योंकि राम अपने भाई सहित युद्ध में मार गिराए गए पड़े हैं।”

श्लोक 20 (yuddha.48.20)

न शोचामि तथा रामं लक्ष्मणं च महारथम्। नात्मानं जननीं चापि यथा श्वश्रूं तपस्विनीम् ॥ 48.20 ॥

na śocāmi tathā rāmaṃ lakṣmaṇaṃ ca mahāratham| nātmānaṃ jananīṃ cāpi yathā śvaśrūṃ tapasvinīm || 48.20 ||

“मुझे राम के लिए, महारथी लक्ष्मण के लिए, अपने लिए अथवा अपनी माता के लिए भी उतना शोक नहीं है, जितना अपनी तपस्विनी सास के लिए है।”

श्लोक 21 (yuddha.48.21)

सा तु चिन्तयते नित्यं समाप्तव्रतमागतम्। कदा द्रक्ष्यामि सीतां च लक्ष्मणं च सराघवम् ॥ 48.21 ॥

sā tu cintayate nityaṃ samāptavratamāgatam| kadā drakṣyāmi sītāṃ ca lakṣmaṇaṃ ca sarāghavam || 48.21 ||

“वह तो सदैव यही सोचती रहती हैं कि 'कब मैं सीता को, लक्ष्मण को और राघव को व्रत पूर्ण करके लौटा हुआ देखूँगी?'”

श्लोक 22 (yuddha.48.22)

परिदेवयमानां तां राक्षसी त्रिजटाब्रवीत्। मा विषादं कृथा देवि भर्तायं तव जीवति ॥ 48.22 ॥

paridevayamānāṃ tāṃ rākṣasī trijaṭābravīt| mā viṣādaṃ kṛthā devi bhartāyaṃ tava jīvati || 48.22 ||

इस प्रकार विलाप करती हुई सीता से राक्षसी त्रिजटा ने कहा -- “हे देवी! विषाद मत करो, तुम्हारे ये पति जीवित हैं।”

श्लोक 23 (yuddha.48.23)

कारणनि च वक्ष्यामि महान्ति सदृशानि च। यथेमौ जीवतो देवि भ्रातरौ रामलक्ष्मणौ ॥ 48.23 ॥

kāraṇani ca vakṣyāmi mahānti sadṛśāni ca| yathemau jīvato devi bhrātarau rāmalakṣmaṇau || 48.23 ||

“हे देवी! मैं तुम्हें बड़े और सटीक कारण बताऊँगी, जिनसे सिद्ध होता है कि राम-लक्ष्मण दोनों भाई जीवित हैं।”

श्लोक 24 (yuddha.48.24)

नहि कोपपरीतानि हर्षपर्युत्सुकानि च। भवन्ति युधि योधानां मुखानि निहते पतौ ॥ 48.24 ॥

nahi kopaparītāni harṣaparyutsukāni ca| bhavanti yudhi yodhānāṃ mukhāni nihate patau || 48.24 ||

“क्योंकि सेनापति के मारे जाने पर युद्ध में योद्धाओं के मुख न तो क्रोध से भरे और न ही हर्ष से उत्सुक दिखाई देते।”

श्लोक 25 (yuddha.48.25)

इदं विमानं वैदेहि पुष्पकं नाम नामतः। दिव्यं त्वां धारयेन् नेदं यद्येतौ गतजीवितौ ॥ 48.25 ॥

idaṃ vimānaṃ vaidehi puṣpakaṃ nāma nāmataḥ| divyaṃ tvāṃ dhārayen nedaṃ yadyetau gatajīvitau || 48.25 ||

“हे वैदेही! यह दिव्य विमान, जिसका नाम पुष्पक है, यदि ये दोनों प्राणहीन हो जाते, तो तुम्हें कदापि यहाँ न धारण करता।”

श्लोक 26 (yuddha.48.26)

हतवीरप्रधाना हि गतोत्साहा निरुद्यमा। सेना भ्रमति संख्येषु हतकर्णेव नौर्जले ॥ 48.26 ॥

hatavīrapradhānā hi gatotsāhā nirudyamā| senā bhramati saṃkhyeṣu hatakarṇeva naurjale || 48.26 ||

“क्योंकि जिस सेना का प्रधान वीर मारा जाता है, वह उत्साहहीन और निरुद्यम होकर रणभूमि में भटकती है, जैसे जल में पतवार-रहित नौका।”

श्लोक 27 (yuddha.48.27)

इयं पुनरसम्भ्रान्ता निरुद्विग्ना तपस्विनि। सेना रक्षति काकुत्स्थौ मया प्रीत्या निवेदितौ ॥ 48.27 ॥

iyaṃ punarasambhrāntā nirudvignā tapasvini| senā rakṣati kākutsthau mayā prītyā niveditau || 48.27 ||

“किन्तु हे तपस्विनी! यह सेना न तो भ्रान्त है, न उद्विग्न -- यह दोनों काकुत्स्थों की रक्षा कर रही है। यह मैं तुम्हें स्नेहवश बता रही हूँ।”

श्लोक 28 (yuddha.48.28)

सा त्वं भव सुविस्रब्धा अनुमानैः सुखोदयैः। अहतौ पश्य काकुत्स्थौ स्नेहादेतद् ब्रवीमि ते ॥ 48.28 ॥

sā tvaṃ bhava suvisrabdhā anumānaiḥ sukhodayaiḥ| ahatau paśya kākutsthau snehādetad bravīmi te || 48.28 ||

“अतः तुम इन शुभ संकेतों से पूर्ण विश्वास रखो; देखो, दोनों काकुत्स्थ मारे नहीं गये -- यह मैं तुमसे स्नेहवश कह रही हूँ।”

श्लोक 29 (yuddha.48.29)

अनृतं नोक्तपूर्वं मे न च वक्ष्यामि मैथिलि। चारित्रसुखशीलत्वात् प्रविष्टासि मनो मम ॥ 48.29 ॥

anṛtaṃ noktapūrvaṃ me na ca vakṣyāmi maithili| cāritrasukhaśīlatvāt praviṣṭāsi mano mama || 48.29 ||

“हे मैथिली! मैंने पहले कभी झूठ नहीं कहा, और अब भी नहीं कहूँगी; तुम्हारे शील और सद्व्यवहार के कारण तुम मेरे मन में बस गई हो।”

श्लोक 30 (yuddha.48.30)

नेमौ शक्यौ रणे जेतुं सेन्द्रैरपि सुरासुरैः। तादृशं दर्शनं दृष्ट्वा मया चोदीरितं तव ॥ 48.30 ॥

nemau śakyau raṇe jetuṃ sendrairapi surāsuraiḥ| tādṛśaṃ darśanaṃ dṛṣṭvā mayā codīritaṃ tava || 48.30 ||

“इन दोनों को युद्ध में इन्द्र सहित देवता और असुर भी नहीं जीत सकते। ऐसा शुभ लक्षण देखकर ही मैंने तुमसे यह कहा है।”

श्लोक 31 (yuddha.48.31)

इदं तु सुमहच्चित्रं शरैः पश्यस्व मैथिलि। विसंज्ञौ पतितावेतौ नैव लक्ष्मीर्विमुञ्चति ॥ 48.31 ॥

idaṃ tu sumahaccitraṃ śaraiḥ paśyasva maithili| visaṃjñau patitāvetau naiva lakṣmīrvimuñcati || 48.31 ||

“किन्तु हे मैथिली! यह भी एक महान आश्चर्य देखो -- बाणों से मूर्च्छित होकर गिरे होने पर भी इनकी कान्ति ज़रा भी नहीं छूटी है।”

श्लोक 32 (yuddha.48.32)

प्रायेण गतसत्त्वानां पुरुषाणां गतायुषाम्। दृश्यमानेषु वक्त्रेषु परं भवति वैकृतम् ॥ 48.32 ॥

prāyeṇa gatasattvānāṃ puruṣāṇāṃ gatāyuṣām| dṛśyamāneṣu vaktreṣu paraṃ bhavati vaikṛtam || 48.32 ||

“क्योंकि सामान्यतः जिन पुरुषों के प्राण निकल चुके हों और आयु समाप्त हो चुकी हो, उनके मुख पर देखने में स्पष्ट विकार दिखाई देता है।”

श्लोक 33 (yuddha.48.33)

त्यज शोकं च दुःखं च मोहं च जनकात्मजे। रामलक्ष्मणयोरर्थे नाद्य शक्यमजीवितुम् ॥ 48.33 ॥

tyaja śokaṃ ca duḥkhaṃ ca mohaṃ ca janakātmaje| rāmalakṣmaṇayorarthe nādya śakyamajīvitum || 48.33 ||

“हे जनकनन्दिनी! शोक, दुःख और मोह को त्याग दो -- राम और लक्ष्मण का आज जीवित न रहना सम्भव ही नहीं है।”

श्लोक 34 (yuddha.48.34)

श्रुत्वा तु वचनं तस्याः सीता सुरसुतोपमा। कृताञ्जलिरुवाचेमामेवमस्त्विति मैथिली ॥ 48.34 ॥

śrutvā tu vacanaṃ tasyāḥ sītā surasutopamā| kṛtāñjaliruvācemāmevamastviti maithilī || 48.34 ||

उसके वचन सुनकर, देवकन्या के समान मैथिली सीता ने हाथ जोड़कर कहा, “ऐसा ही हो।”

श्लोक 35 (yuddha.48.35)

विमानं पुष्पकं तत्तु संनिवर्त्य मनोजवम्। दीना त्रिजटया सीता लङ्कामेव प्रवेशिता ॥ 48.35 ॥

vimānaṃ puṣpakaṃ tattu saṃnivartya manojavam| dīnā trijaṭayā sītā laṅkāmeva praveśitā || 48.35 ||

फिर उस मन के समान वेगवान पुष्पक-विमान को लौटाकर, दीन सीता को त्रिजटा पुनः लंका में ले आई।

श्लोक 36 (yuddha.48.36)

ततस्त्रिजटया सार्धं पुष्पकादवरुह्य सा। अशोकवनिकामेव राक्षसीभिः प्रवेशिता ॥ 48.36 ॥

tatastrijaṭayā sārdhaṃ puṣpakādavaruhya sā| aśokavanikāmeva rākṣasībhiḥ praveśitā || 48.36 ||

तत्पश्चात् त्रिजटा सहित पुष्पक से उतरकर वह राक्षसियों द्वारा पुनः अशोकवाटिका में पहुँचा दी गई।

श्लोक 37 (yuddha.48.37)

प्रविश्य सीता बहुवृक्षखण्डां। तां राक्षसेन्द्रस्य विहारभूमिम्। सम्प्रेक्ष्य संचिन्त्य च राजपुत्रौ। परं विषादं समुपाजगाम ॥ 48.37 ॥

praviśya sītā bahuvṛkṣakhaṇḍāṃ| tāṃ rākṣasendrasya vihārabhūmim| samprekṣya saṃcintya ca rājaputrau| paraṃ viṣādaṃ samupājagāma || 48.37 ||

राक्षसराज की उस बहुवृक्षों से भरी विहार-भूमि में प्रवेश कर, और उन दोनों राजकुमारों को देखकर तथा उनका बार-बार चिन्तन करते हुए, सीता अत्यन्त विषाद में डूब गईं।