रावण द्वारा धूम्राक्ष को युद्धादेश

श्लोक 1 (yuddha.51.1)

तेषां तु तुमुलं शब्दं वानराणां महौजसाम्। नर्दतां राक्षसैः सार्धं तदा शुश्राव रावणः ॥ 51.1 ॥

teṣāṃ tu tumulaṃ śabdaṃ vānarāṇāṃ mahaujasām| nardatāṃ rākṣasaiḥ sārdhaṃ tadā śuśrāva rāvaṇaḥ || 51.1 ||

तब रावण ने राक्षसों के साथ गरजते हुए उन महाबलशाली वानरों की भारी कोलाहलपूर्ण ध्वनि सुनी।

श्लोक 2 (yuddha.51.2)

स्निग्धगम्भीरनिर्घोषं श्रुत्वा तं निनदं भृशम्। सचिवानां ततस्तेषां मध्ये वचनमब्रवीत् ॥ 51.2 ॥

snigdhagambhīranirghoṣaṃ śrutvā taṃ ninadaṃ bhṛśam| sacivānāṃ tatasteṣāṃ madhye vacanamabravīt || 51.2 ||

उस स्निग्ध और गंभीर किन्तु प्रबल ध्वनि को सुनकर, उसने तब अपने मंत्रियों के मध्य यह वचन कहा।

श्लोक 3 (yuddha.51.3)

यथासौ सम्प्रहृष्टानां वानराणामुपस्थितः। बहूनां सुमहान् नादो मेघानामिव गर्जताम् ॥ 51.3 ॥

yathāsau samprahṛṣṭānāṃ vānarāṇāmupasthitaḥ| bahūnāṃ sumahān nādo meghānāmiva garjatām || 51.3 ||

"जिस प्रकार यह अत्यंत महान् शब्द हर्षित वानरों के समूह से गरजते हुए मेघों के समान उठा है,

श्लोक 4 (yuddha.51.4)

सुव्यक्तं महती प्रीतिरेतेषां नात्र संशयः। तथाहि विपुलैर्नादैश्चुक्षुभे लवणार्णवः ॥ 51.4 ॥

suvyaktaṃ mahatī prītireteṣāṃ nātra saṃśayaḥ| tathāhi vipulairnādaiścukṣubhe lavaṇārṇavaḥ || 51.4 ||

स्पष्ट है कि उनका हर्ष अत्यंत महान् है, इसमें कोई संशय नहीं; उनकी विशाल गर्जना से तो लवण-सागर भी क्षुब्ध हो उठा है।

श्लोक 5 (yuddha.51.5)

तौ तु बद्धौ शरैस्तीक्ष्णैर्भ्रातरौ रामलक्ष्मणौ। अयं च सुमहान् नादः शङ्कां जनयतीव मे ॥ 51.5 ॥

tau tu baddhau śaraistīkṣṇairbhrātarau rāmalakṣmaṇau| ayaṃ ca sumahān nādaḥ śaṅkāṃ janayatīva me || 51.5 ||

वे दोनों भ्राता राम-लक्ष्मण तीक्ष्ण बाणों से बंधे हुए थे; किंतु यह अत्यंत महान् शब्द मेरे मन में शंका उत्पन्न कर रहा है।"

श्लोक 6 (yuddha.51.6)

एवं च वचनं चोक्त्वा मन्त्रिणो राक्षसेश्वरः। उवाच नैर्ऋतांस्तत्र समीपपरिवर्तिनः ॥ 51.6 ॥

evaṃ ca vacanaṃ coktvā mantriṇo rākṣaseśvaraḥ| uvāca nairṛtāṃstatra samīpaparivartinaḥ || 51.6 ||

यह कहकर राक्षसों के स्वामी रावण ने वहाँ समीप खड़े हुए राक्षसों से कहा।

श्लोक 7 (yuddha.51.7)

ज्ञायतां तूर्णमेतेषां सर्वेषां च वनौकसाम्। शोककाले समुत्पन्ने हर्षकारणमुत्थितम् ॥ 51.7 ॥

jñāyatāṃ tūrṇameteṣāṃ sarveṣāṃ ca vanaukasām| śokakāle samutpanne harṣakāraṇamutthitam || 51.7 ||

"शीघ्र यह ज्ञात करो कि इस शोक के समय में इन समस्त वनवासी वानरों में हर्ष का क्या कारण उत्पन्न हुआ है।"

श्लोक 8 (yuddha.51.8)

तथोक्तास्ते सुसम्भ्रान्ताः प्राकारमधिरुह्य च। ददृशुः पालितां सेनां सुग्रीवेण महात्मना ॥ 51.8 ॥

tathoktāste susambhrāntāḥ prākāramadhiruhya ca| dadṛśuḥ pālitāṃ senāṃ sugrīveṇa mahātmanā || 51.8 ||

ऐसा आदेश पाकर वे अत्यंत व्याकुल होकर प्राकार पर चढ़े और महात्मा सुग्रीव द्वारा रक्षित सेना को देखा,

श्लोक 9 (yuddha.51.9)

तौ च मुक्तौ सुघोरेण शरबन्धेन राघवौ। समुत्थितौ महाभागौ विषेदुः सर्वराक्षसाः ॥ 51.9 ॥

tau ca muktau sughoreṇa śarabandhena rāghavau| samutthitau mahābhāgau viṣeduḥ sarvarākṣasāḥ || 51.9 ||

तथा उन दोनों महाभाग्यशाली राघवों को उस अत्यंत भयंकर बाण-बंधन से मुक्त होकर पुनः उठा हुआ देखा; इसे देखकर समस्त राक्षस विषाद को प्राप्त हुए।

श्लोक 10 (yuddha.51.10)

संत्रस्तहृदयाः सर्वे प्राकारादवरुह्य ते। विवर्णा राक्षसा घोरा राक्षसेन्द्रमुपस्थिताः ॥ 51.10 ॥

saṃtrastahṛdayāḥ sarve prākārādavaruhya te| vivarṇā rākṣasā ghorā rākṣasendramupasthitāḥ || 51.10 ||

भयभीत हृदय वाले वे समस्त भयंकर राक्षस विवर्ण मुख लिये प्राकार से उतरकर राक्षसराज के समीप पहुँचे।

श्लोक 11 (yuddha.51.11)

तदप्रियं दीनमुखा रावणस्य च राक्षसाः। कृत्स्नं निवेदयामासुर्यथावद् वाक्यकोविदाः ॥ 51.11 ॥

tadapriyaṃ dīnamukhā rāvaṇasya ca rākṣasāḥ| kṛtsnaṃ nivedayāmāsuryathāvad vākyakovidāḥ || 51.11 ||

उन वाक्य-कुशल राक्षसों ने उदास मुख से रावण को वह समस्त अप्रिय समाचार यथावत् निवेदन किया।

श्लोक 12 (yuddha.51.12)

यौ ताविन्द्रजिता युद्धे भ्रातरौ रामलक्ष्मणौ। निबद्धौ शरबन्धेन निष्प्रकम्पभुजौ कृतौ ॥ 51.12 ॥

yau tāvindrajitā yuddhe bhrātarau rāmalakṣmaṇau| nibaddhau śarabandhena niṣprakampabhujau kṛtau || 51.12 ||

"जिन दोनों भ्राता राम-लक्ष्मण को इन्द्रजित् ने युद्ध में बाणों से बाँधकर उनकी भुजाओं को अचल कर दिया था,

श्लोक 13 (yuddha.51.13)

विमुक्तौ शरबन्धेन दृश्येते तौ रणाजिरे। पाशानिव गजौ छित्त्वा गजेन्द्रसमविक्रमौ ॥ 51.13 ॥

vimuktau śarabandhena dṛśyete tau raṇājire| pāśāniva gajau chittvā gajendrasamavikramau || 51.13 ||

वे अब उस बाण-बंधन से मुक्त होकर रणभूमि में उसी प्रकार दिखाई दे रहे हैं जैसे बंधन तोड़कर निकले हुए दो गजराज, हस्तिश्रेष्ठ के समान पराक्रमी।"

श्लोक 14 (yuddha.51.14)

तच्छ्रुत्वा वचनं तेषां राक्षसेन्द्रो महाबलः। चिन्ताशोकसमाक्रान्तो विवर्णवदनोऽभवत् ॥ 51.14 ॥

tacchrutvā vacanaṃ teṣāṃ rākṣasendro mahābalaḥ| cintāśokasamākrānto vivarṇavadano'bhavat || 51.14 ||

उनके वचन सुनकर महाबली राक्षसराज चिंता और शोक से आक्रांत होकर विवर्णमुख हो गया।

श्लोक 15 (yuddha.51.15)

घोरैर्दत्तवरैर्बद्धौ शरैराशीविषोपमैः। अमोघैः सूर्यसंकाशैः प्रमथ्येन्द्रजिता युधि ॥ 51.15 ॥

ghorairdattavarairbaddhau śarairāśīviṣopamaiḥ| amoghaiḥ sūryasaṃkāśaiḥ pramathyendrajitā yudhi || 51.15 ||

"इंद्रजित् द्वारा युद्ध में उन घोर, वरदान-प्राप्त, सर्पतुल्य, अमोघ और सूर्य के समान तेजस्वी बाणों से बाँधे जाने पर भी

श्लोक 16 (yuddha.51.16)

तदस्त्रबन्धमासाद्य यदि मुक्तौ रिपू मम। संशयस्थमिदं सर्वमनुपश्याम्यहं बलम् ॥ 51.16 ॥

tadastrabandhamāsādya yadi muktau ripū mama| saṃśayasthamidaṃ sarvamanupaśyāmyahaṃ balam || 51.16 ||

यदि मेरे वे दोनों शत्रु उस अस्त्र-बंधन को प्राप्त होकर भी मुक्त हो गए हैं, तो मुझे यह समस्त सेना संशययुक्त प्रतीत होती है।"

श्लोक 17 (yuddha.51.17)

निष्फलाः खलु संवृत्ताः शराः पावकतेजसः। आदत्तं यैस्तु संग्रामे रिपूणां जीवितं मम ॥ 51.17 ॥

niṣphalāḥ khalu saṃvṛttāḥ śarāḥ pāvakatejasaḥ| ādattaṃ yaistu saṃgrāme ripūṇāṃ jīvitaṃ mama || 51.17 ||

"युद्ध में जिन बाणों ने मेरे शत्रुओं के प्राण हर लिये थे, वे अग्नि के समान तेजस्वी बाण अब सचमुच निष्फल हो गए हैं!"

श्लोक 18 (yuddha.51.18)

एवमुक्त्वा तु संक्रुद्धो निःश्वसन्नुरगो यथा। अब्रवीद् रक्षसां मध्ये धूम्राक्षं नाम राक्षसम् ॥ 51.18 ॥

evamuktvā tu saṃkruddho niḥśvasannurago yathā| abravīd rakṣasāṃ madhye dhūmrākṣaṃ nāma rākṣasam || 51.18 ||

ऐसा कहकर वह अत्यंत क्रुद्ध होकर सर्प के समान फुफकारते हुए राक्षसों के मध्य धूम्राक्ष नामक राक्षस से बोला,

श्लोक 19 (yuddha.51.19)

बलेन महता युक्तो रक्षसां भीमविक्रम। त्वं वधायाशु निर्याहि रामस्य सह वानरैः ॥ 51.19 ॥

balena mahatā yukto rakṣasāṃ bhīmavikrama| tvaṃ vadhāyāśu niryāhi rāmasya saha vānaraiḥ || 51.19 ||

"हे भीमपराक्रमी! महान् बलशाली राक्षसों के साथ तुम शीघ्र राम को वानरों सहित मारने के लिए प्रस्थान करो।"

श्लोक 20 (yuddha.51.20)

एवमुक्तस्तु धूम्राक्षो राक्षसेन्द्रेण धीमता। परिक्रम्य ततः शीघ्रं निर्जगाम नृपालयात् ॥ 51.20 ॥

evamuktastu dhūmrākṣo rākṣasendreṇa dhīmatā| parikramya tataḥ śīghraṃ nirjagāma nṛpālayāt || 51.20 ||

बुद्धिमान् राक्षसराज द्वारा ऐसा आदेश पाकर धूम्राक्ष ने उनकी प्रदक्षिणा की और फिर शीघ्र राजभवन से बाहर प्रस्थान किया।

श्लोक 21 (yuddha.51.21)

अभिनिष्क्रम्य तद् द्वारं बलाध्यक्षमुवाच ह। त्वरयस्व बलं शीघ्रं किं चिरेण युयुत्सतः ॥ 51.21 ॥

abhiniṣkramya tad dvāraṃ balādhyakṣamuvāca ha| tvarayasva balaṃ śīghraṃ kiṃ cireṇa yuyutsataḥ || 51.21 ||

उस द्वार से निकलकर उसने सेनापति से कहा, "सेना को शीघ्र त्वरा दो; युद्ध की इच्छा रखते हुए इतना विलंब क्यों?"

श्लोक 22 (yuddha.51.22)

धूम्राक्षवचनं श्रुत्वा बलाध्यक्षो बलानुगः। बलमुद्योजयामास रावणस्याज्ञया भृशम् ॥ 51.22 ॥

dhūmrākṣavacanaṃ śrutvā balādhyakṣo balānugaḥ| balamudyojayāmāsa rāvaṇasyājñayā bhṛśam || 51.22 ||

धूम्राक्ष का वचन सुनकर सेनापति ने अपने अनुगामी सैन्य के साथ रावण की आज्ञा से शीघ्र सेना को तत्पर किया।

श्लोक 23 (yuddha.51.23)

ते बद्धघण्टा बलिनो घोररूपा निशाचराः। विनद्यमानाः संहृष्टा धूम्राक्षं पर्यवारयन् ॥ 51.23 ॥

te baddhaghaṇṭā balino ghorarūpā niśācarāḥ| vinadyamānāḥ saṃhṛṣṭā dhūmrākṣaṃ paryavārayan || 51.23 ||

बलशाली, भयंकर रूप वाले वे राक्षस, घंटियाँ बाँधे हुए गर्जना करते हुए, हर्षपूर्वक धूम्राक्ष को घेरकर खड़े हो गए।

श्लोक 24 (yuddha.51.24)

विविधायुधहस्ताश्च शूलमुद्गरपाणयः। गदाभिः पट्टिशैर्दण्डैरायसैर्मुसलैरपि ॥ 51.24 ॥

vividhāyudhahastāśca śūlamuda‍ga‍rapāṇayaḥ| gadābhiḥ paṭṭiśairdaṇḍairāyasairmusalairapi || 51.24 ||

नाना प्रकार के आयुध हाथों में लिये, शूल और मुद्गर धारण किये, गदाओं, पट्टिशों, लौह-दंडों और मूसलों से सुसज्जित,

श्लोक 25 (yuddha.51.25)

परिघैर्भिन्दिपालैश्च भल्लैः पाशैः परश्वधैः। निर्ययू राक्षसा घोरा नर्दन्तो जलदा यथा ॥ 51.25 ॥

parighairbhindipālaiśca bhallaiḥ pāśaiḥ paraśvadhaiḥ| niryayū rākṣasā ghorā nardanto jaladā yathā || 51.25 ||

परिघों, भिंदिपालों, भल्लों, पाशों और परशुओं से सुसज्जित वे भयंकर राक्षस मेघों के समान गरजते हुए निकल पड़े।

श्लोक 26 (yuddha.51.26)

रथैः कवचिनस्त्वन्ये ध्वजैश्च समलंकृतैः। सुवर्णजालविहितैः खरैश्च विविधाननैः ॥ 51.26 ॥

rathaiḥ kavacinastvanye dhvajaiśca samalaṃkṛtaiḥ| suvarṇajālavihitaiḥ kharaiśca vividhānanaiḥ || 51.26 ||

कुछ अन्य कवच पहने, ध्वजाओं और स्वर्ण-जालों से सुसज्जित रथों पर, बहुमुखी खच्चरों से जुते हुए वाहनों पर सवार होकर,

श्लोक 27 (yuddha.51.27)

हयैः परमशीघ्रैश्च गजैश्चैव मदोत्कटैः। निर्ययुर्नैर्ऋतव्याघ्रा व्याघ्रा इव दुरासदाः ॥ 51.27 ॥

hayaiḥ paramaśīghraiśca gajaiścaiva madotkaṭaiḥ| niryayurnairṛtavyāghrā vyāghrā iva durāsadāḥ || 51.27 ||

अथवा अत्यंत वेगवान् अश्वों पर और मदमत्त गजों पर सवार होकर, वे व्याघ्र-सम राक्षस दुर्जेय व्याघ्रों के समान निकल पड़े।

श्लोक 28 (yuddha.51.28)

वृकसिंहमुखैर्युक्तं खरैः कनकभूषितैः। आरुरोह रथं दिव्यं धूम्राक्षः खरनिःस्वनः ॥ 51.28 ॥

vṛkasiṃhamukhairyuktaṃ kharaiḥ kanakabhūṣitaiḥ| āruroha rathaṃ divyaṃ dhūmrākṣaḥ kharaniḥsvanaḥ || 51.28 ||

कर्कश स्वर वाला धूम्राक्ष, वृक और सिंह के समान मुख वाले तथा स्वर्ण से विभूषित खच्चरों से जुते हुए उस दिव्य रथ पर आरूढ़ हुआ।

श्लोक 29 (yuddha.51.29)

स निर्यातो महावीर्यो धूम्राक्षो राक्षसैर्वृतः। हसन् वै पश्चिमद्वाराद्धनूमान् यत्र तिष्ठति ॥ 51.29 ॥

sa niryāto mahāvīryo dhūmrākṣo rākṣasairvṛtaḥ| hasan vai paścimadvārāddhanūmān yatra tiṣṭhati || 51.29 ||

इस प्रकार महापराक्रमी धूम्राक्ष राक्षसों से घिरा हुआ, हँसता हुआ, उस पश्चिमी द्वार से निकला जहाँ हनुमान् खड़े थे।

श्लोक 30 (yuddha.51.30)

रथप्रवरमास्थाय खरयुक्तं खरस्वनम्। प्रयान्तं तु महाघोरं राक्षसं भीमदर्शनम् ॥ 51.30 ॥

rathapravaramāsthāya kharayuktaṃ kharasvanam| prayāntaṃ tu mahāghoraṃ rākṣasaṃ bhīmadarśanam || 51.30 ||

उस उत्तम, खच्चरों से जुते हुए, खच्चरों के समान स्वर वाले रथ पर आरूढ़ होकर आगे बढ़ते हुए उस अत्यंत भयंकर और भयानक दिखने वाले राक्षस को,

श्लोक 31 (yuddha.51.31)

अन्तरिक्षगताः क्रूराः शकुनाः प्रत्यषेधयन्। रथशीर्षे महाभीमो गृध्रश्च निपपात ह ॥ 51.31 ॥

antarikṣagatāḥ krūrāḥ śakunāḥ pratyaṣedhayan| rathaśīrṣe mahābhīmo gṛdhraśca nipapāta ha || 51.31 ||

आकाश में विचरण करती हुई क्रूर पक्षियों ने उसे रोकने का प्रयास किया; उसके रथ के शिखर पर एक विशाल और भयंकर गिद्ध आ बैठा।

श्लोक 32 (yuddha.51.32)

ध्वजाग्रे ग्रथिताश्चैव निपेतुः कुणपाशनाः। रुधिरार्द्रो महान् श्वेतः कबन्धः पतितो भुवि ॥ 51.32 ॥

dhvajāgre grathitāścaiva nipetuḥ kuṇapāśanāḥ| rudhirārdro mahān śvetaḥ kabandhaḥ patito bhuvi || 51.32 ||

लाश खाने वाले पक्षी झुंड बनाकर उसकी ध्वजा के अग्रभाग पर बैठ गए; रक्त से भीगा हुआ एक विशाल श्वेत कबंध (धड़) धरती पर गिरा,

श्लोक 33 (yuddha.51.33)

विस्वरं चोत्सृजन्नादान् धूम्राक्षस्य निपातितः। ववर्ष रुधिरं देवः संचचाल च मेदिनी ॥ 51.33 ॥

visvaraṃ cotsṛjannādān dhūmrākṣasya nipātitaḥ| vavarṣa rudhiraṃ devaḥ saṃcacāla ca medinī || 51.33 ||

और विकट स्वर करता हुआ धूम्राक्ष के निकट गिरा - आकाश से रक्त की वर्षा हुई और पृथ्वी काँप उठी।

श्लोक 34 (yuddha.51.34)

प्रतिलोमं ववौ वायुर्निर्घातसमनिःस्वनः। तिमिरौघावृतास्तत्र दिशश्च न चकाशिरे ॥ 51.34 ॥

pratilomaṃ vavau vāyurnirghātasamaniḥsvanaḥ| timiraughāvṛtāstatra diśaśca na cakāśire || 51.34 ||

प्रतिकूल दिशा में वायु गरजते हुए बहने लगी मानो वज्रपात हो रहा हो; घने अंधकार से आवृत्त दिशाएँ प्रकाशहीन हो गईं।

श्लोक 35 (yuddha.51.35)

स तूत्पातांस्ततो दृष्ट्वा राक्षसानां भयावहान्। प्रादुर्भूतान् सुघोरांश्च धूम्राक्षो व्यथितोऽभवत्। मुमुहू राक्षसाः सर्वे धूम्राक्षस्य पुरःसराः ॥ 51.35 ॥

sa tūtpātāṃstato dṛṣṭvā rākṣasānāṃ bhayāvahān| prādurbhūtān sughorāṃśca dhūmrākṣo vyathito'bhavat| mumuhū rākṣasāḥ sarve dhūmrākṣasya puraḥsarāḥ || 51.35 ||

उन भयंकर और भयोत्पादक अपशकुनों को देखकर धूम्राक्ष व्यथित हो उठा; और उसके आगे-आगे चलने वाले सभी राक्षस मोहग्रस्त हो गए।

श्लोक 36 (yuddha.51.36)

ततः सुभीमो बहुभिर्निशाचरै- र्वृतोऽभिनिष्क्रम्य रणोत्सुको बली। ददर्श तां राघवबाहुपालितां महौघकल्पां बहु वानरीं चमूम् ॥ 51.36 ॥

tataḥ subhīmo bahubhirniśācarai- rvṛto'bhiniṣkramya raṇotsuko balī| dadarśa tāṃ rāghavabāhupālitāṃ mahaughakalpāṃ bahu vānarīṃ camūm || 51.36 ||

तब वह अत्यंत भयंकर और बलशाली राक्षस, अनेक निशाचरों से घिरा हुआ, युद्ध के लिए उत्सुक होकर आगे बढ़ा, और राघव की भुजाओं द्वारा रक्षित उस विशाल, महासागर-सी विस्तृत वानर-सेना को देखा।