प्रहस्त-वध

श्लोक 1 (yuddha.58.1)

ततः प्रहस्तं निर्यान्तं दृष्ट्वा रणकृतोद्यमम्। उवाच सस्मितं रामो विभीषणमरिंदमः ॥ 58.1 ॥

tataḥ prahastaṃ niryāntaṃ dṛṣṭvā raṇakṛtodyamam| uvāca sasmitaṃ rāmo vibhīṣaṇamariṃdamaḥ || 58.1 ||

तब युद्ध के लिए दृढ़-संकल्प प्रहस्त को आगे बढ़ते देखकर, शत्रुदमन राम ने मुस्कराते हुए विभीषण से कहा।

श्लोक 2 (yuddha.58.2)

क एष सुमहाकायो बलेन महता वृतः। आगच्छति महावेगः किंरूपबलपौरुषः ॥ 58.2 ॥

ka eṣa sumahākāyo balena mahatā vṛtaḥ| āgacchati mahāvegaḥ kiṃrūpabalapauruṣaḥ || 58.2 ||

"यह कौन है, जो इतने विशाल शरीर वाला, विशाल सेना से घिरा हुआ, अत्यन्त वेग से आ रहा है -- इसका रूप, बल और पराक्रम कैसा है?"

श्लोक 3 (yuddha.58.3)

आचक्ष्व मे महाबाहो वीर्यवन्तं निशाचरम्। राघवस्य वचः श्रुत्वा प्रत्युवाच विभीषणः ॥ 58.3 ॥

ācakṣva me mahābāho vīryavantaṃ niśācaram| rāghavasya vacaḥ śrutvā pratyuvāca vibhīṣaṇaḥ || 58.3 ||

"हे महाबाहो, मुझे इस पराक्रमी निशाचर के विषय में बताओ।" राघव के वचन सुनकर विभीषण ने उत्तर दिया।

श्लोक 4 (yuddha.58.4)

एष सेनापतिस्तस्य प्रहस्तो नाम राक्षसः। लङ्कायां राक्षसेन्द्रस्य त्रिभागबलसंवृतः। वीर्यवानस्त्रविच्छूरः सुप्रख्यातपराक्रमः ॥ 58.4 ॥

eṣa senāpatistasya prahasto nāma rākṣasaḥ| laṅkāyāṃ rākṣasendrasya tribhāgabalasaṃvṛtaḥ| vīryavānastravicchūraḥ suprakhyātaparākramaḥ || 58.4 ||

"यह उस राक्षसराज का सेनापति है, जिसका नाम प्रहस्त है, जो लंका में राक्षसराज की एक-तिहाई सेना से घिरा हुआ है -- पराक्रमी, अस्त्र-विद्या में निपुण, शूरवीर और सुप्रसिद्ध पराक्रम वाला है।"

श्लोक 5 (yuddha.58.5)

ततः प्रहस्तं निर्यान्तं भीमं भीमपराक्रमम्। गर्जन्तं सुमहाकायं राक्षसैरभिसंवृतम् ॥ 58.5 ॥

tataḥ prahastaṃ niryāntaṃ bhīmaṃ bhīmaparākramam| garjantaṃ sumahākāyaṃ rākṣasairabhisaṃvṛtam || 58.5 ||

तब जब भयंकर एवं भयंकर पराक्रम वाला, गर्जता हुआ, विशालकाय प्रहस्त राक्षसों से घिरा हुआ आगे बढ़ा --

श्लोक 6 (yuddha.58.6)

ददर्श महती सेना वानराणां बलीयसाम्। अभिसंजातघोषाणां प्रहस्तमभिगर्जताम् ॥ 58.6 ॥

dadarśa mahatī senā vānarāṇāṃ balīyasām| abhisaṃjātaghoṣāṇāṃ prahastamabhigarjatām || 58.6 ||

-- तब शक्तिशाली वानरों की विशाल सेना ने, जिसमें गर्जना उठ चुकी थी, प्रहस्त को देखा और उसकी ओर गरज उठी।

श्लोक 7 (yuddha.58.7)

खड्गशक्त्यृष्टिशूलाश्च बाणानि मुसलानि च। गदाश्च परिघाः प्रासा विविधाश्च परश्वधाः ॥ 58.7 ॥

khaḍgaśaktyṛṣṭiśūlāśca bāṇāni musalāni ca| gadāśca parighāḥ prāsā vividhāśca paraśvadhāḥ || 58.7 ||

तलवारें, भाले, बर्छे और त्रिशूल, बाण और मूसल, गदाएँ, लोहे के परिघ, बरछे और विविध प्रकार की कुल्हाड़ियाँ --

श्लोक 8 (yuddha.58.8)

धनूंषि च विचित्राणि राक्षसानां जयैषिणाम्। प्रगृहीतान्यराजन्त वानरानभिधावताम् ॥ 58.8 ॥

dhanūṃṣi ca vicitrāṇi rākṣasānāṃ jayaiṣiṇām| pragṛhītānyarājanta vānarānabhidhāvatām || 58.8 ||

-- और विजय की कामना करने वाले राक्षसों के हाथों में उठाए हुए सुसज्जित धनुष, वानरों पर झपटते हुए, चमक उठे।

श्लोक 9 (yuddha.58.9)

जगृहुः पादपांश्चापि पुष्पितांस्तु गिरींस्तथा। शिलाश्च विपुला दीर्घा योद्धुकामाः प्लवंगमाः ॥ 58.9 ॥

jagṛhuḥ pādapāṃścāpi puṣpitāṃstu girīṃstathā| śilāśca vipulā dīrghā yoda‍dhukāmāḥ plavaṃgamāḥ || 58.9 ||

युद्ध के इच्छुक वानरों ने फूले हुए वृक्षों, पर्वत-शिखरों तथा विशाल एवं लंबी शिलाओं को उठा लिया।

श्लोक 10 (yuddha.58.10)

तेषामन्योन्यमासाद्य संग्रामः सुमहानभूत्। बहूनामश्मवृष्टिं च शरवर्षं च वर्षताम् ॥ 58.10 ॥

teṣāmanyonyamāsādya saṃgrāmaḥ sumahānabhūt| bahūnāmaśmavṛṣṭiṃ ca śaravarṣaṃ ca varṣatām || 58.10 ||

जब वे परस्पर भिड़ गए, तब एक भीषण युद्ध छिड़ गया, जिसमें पत्थरों और बाणों की वर्षा होने लगी।

श्लोक 11 (yuddha.58.11)

बहवो राक्षसा युद्धे बहून् वानरपुङ्गवान्। वानरा राक्षसांश्चापि निजघ्नुर्बहवो बहून् ॥ 58.11 ॥

bahavo rākṣasā yuddhe bahūn vānarapuṅgavān| vānarā rākṣasāṃścāpi nijaghnurbahavo bahūn || 58.11 ||

उस युद्ध में अनेक राक्षसों ने अनेक श्रेष्ठ वानरों को मार डाला, और अनेक वानरों ने भी अनेक राक्षसों को मार डाला।

श्लोक 12 (yuddha.58.12)

शूलैः प्रमथिताः केचित् केचित् तु परमायुधैः। परिघैराहताः केचित् केचिच्छिन्नाः परश्वधैः ॥ 58.12 ॥

śūlaiḥ pramathitāḥ kecit kecit tu paramāyudhaiḥ| parighairāhatāḥ kecit kecicchinnāḥ paraśvadhaiḥ || 58.12 ||

कुछ त्रिशूलों से चूर हुए, कुछ अन्य महान् अस्त्रों से; कुछ परिघों से आहत हुए, कुछ कुल्हाड़ियों से कटे।

श्लोक 13 (yuddha.58.13)

निरुच्छ्वासाः पुनः केचित् पतिता जगतीतले। विभिन्नहृदयाः केचिदिषुसंधानसाधिताः ॥ 58.13 ॥

nirucchvāsāḥ punaḥ kecit patitā jagatītale| vibhinnahṛdayāḥ kecidiṣusaṃdhānasādhitāḥ || 58.13 ||

कुछ श्वासरहित होकर पृथ्वी पर गिर पड़े; कुछ के हृदय सुनिशाना बाणों से बींध डाले गए।

श्लोक 14 (yuddha.58.14)

केचिद् द्विधा कृताः खड्गैः स्फुरन्तः पतिता भुवि। वानरा राक्षसैः शूरैः पार्श्वतश्च विदारिताः ॥ 58.14 ॥

kecid dvidhā kṛtāḥ khaḍgaiḥ sphurantaḥ patitā bhuvi| vānarā rākṣasaiḥ śūraiḥ pārśvataśca vidāritāḥ || 58.14 ||

कुछ तलवारों से दो टुकड़ों में कटकर तड़पते हुए भूमि पर गिरे; शूरवीर राक्षसों ने वानरों को बगल से चीर डाला।

श्लोक 15 (yuddha.58.15)

वानरैश्चापि संक्रुद्धै राक्षसौघाः समन्ततः। पादपैर्गिरिशृङ्गैश्च सम्पिष्टा वसुधातले ॥ 58.15 ॥

vānaraiścāpi saṃkruddhai rākṣasaughāḥ samantataḥ| pādapairgiriśṛṅgaiśca sampiṣṭā vasudhātale || 58.15 ||

और क्रोधित वानरों ने भी चारों ओर राक्षस-समूहों को वृक्षों और पर्वत-शिखरों से धरती पर कुचल डाला।

श्लोक 16 (yuddha.58.16)

वज्रस्पर्शतलैर्हस्तैर्मुष्टिभिश्च हता भृशम्। वमन् शोणितमास्येभ्यो विशीर्णदशनेक्षणाः ॥ 58.16 ॥

vajrasparśatalairhastairmuṣṭibhiśca hatā bhṛśam| vaman śoṇitamāsyebhyo viśīrṇadaśanekṣaṇāḥ || 58.16 ||

वज्र के समान कठोर हथेलियों और मुक्कों से बुरी तरह पीटे गए वे मुख से रक्त वमन करने लगे, उनके दाँत और आँखें छिन्न-भिन्न हो गईं।

श्लोक 17 (yuddha.58.17)

आर्तस्वनं च स्वनतां सिंहनादं च नर्दताम्। बभूव तुमुलः शब्दो हरीणां रक्षसामपि ॥ 58.17 ॥

ārtasvanaṃ ca svanatāṃ siṃhanādaṃ ca nardatām| babhūva tumulaḥ śabdo harīṇāṃ rakṣasāmapi || 58.17 ||

पीड़ा की चीत्कारों और सिंह-गर्जना के समान दहाड़ों से वानरों और राक्षसों दोनों की ओर से एक भयंकर कोलाहल उठने लगा।

श्लोक 18 (yuddha.58.18)

वानरा राक्षसाः क्रुद्धा वीरमार्गमनुव्रताः। विवृत्तवदनाः क्रूराश्चक्रुः कर्माण्यभीतवत् ॥ 58.18 ॥

vānarā rākṣasāḥ kruddhā vīramārgamanuvratāḥ| vivṛttavadanāḥ krūrāścakruḥ karmāṇyabhītavat || 58.18 ||

वानर और क्रुद्ध राक्षस, वीरों के मार्ग का अनुसरण करते हुए, विकृत मुख और क्रूरतापूर्वक, निर्भय होकर पराक्रम के कार्य करने लगे।

श्लोक 19 (yuddha.58.19)

नरान्तकः कुम्भहनुर्महानादः समुन्नतः। एते प्रहस्तसचिवाः सर्वे जघ्नुर्वनौकसः ॥ 58.19 ॥

narāntakaḥ kumbhahanurmahānādaḥ samunnataḥ| ete prahastasacivāḥ sarve jaghnurvanaukasaḥ || 58.19 ||

नरान्तक, कुम्भहनु और विशालकाय महानाद -- प्रहस्त के ये सभी सहचर वन-वासी वानरों का संहार करने लगे।

श्लोक 20 (yuddha.58.20)

तेषां निपततां शीघ्रं निघ्नतां चापि वानरान्। द्विविदो गिरिशृङ्गेण जघानैकं नरान्तकम् ॥ 58.20 ॥

teṣāṃ nipatatāṃ śīghraṃ nighnatāṃ cāpi vānarān| dvivido giriśṛṅgeṇa jaghānaikaṃ narāntakam || 58.20 ||

जब वे शीघ्रता से वानरों पर टूट पड़े और उन्हें मार रहे थे, तब द्विविद ने अकेले नरान्तक को पर्वत-शिखर से मार डाला।

श्लोक 21 (yuddha.58.21)

दुर्मुखः पुनरुत्थाय कपिः सविपुलद्रुमम्। राक्षसं क्षिप्रहस्तं तु समुन्नतमपोथयत् ॥ 58.21 ॥

durmukhaḥ punarutthāya kapiḥ savipuladrumam| rākṣasaṃ kṣiprahastaṃ tu samunnatamapothayat || 58.21 ||

वानर दुर्मुख ने उठकर एक विशाल वृक्ष से उस फुर्तीले हाथों वाले विशालकाय राक्षस को कुचल डाला।

श्लोक 22 (yuddha.58.22)

जाम्बवांस्तु सुसंक्रुद्धः प्रगृह्य महतीं शिलाम्। पातयामास तेजस्वी महानादस्य वक्षसि ॥ 58.22 ॥

jāmbavāṃstu susaṃkruddhaḥ pragṛhya mahatīṃ śilām| pātayāmāsa tejasvī mahānādasya vakṣasi || 58.22 ||

और अत्यन्त क्रुद्ध तेजस्वी जाम्बवान् ने एक विशाल शिला उठाकर उसे महानाद की छाती पर दे मारा।

श्लोक 23 (yuddha.58.23)

अथ कुम्भहनुस्तत्र तारेणासाद्य वीर्यवान्। वृक्षेण महता सद्यः प्राणान् संत्याजयद् रणे ॥ 58.23 ॥

atha kumbhahanustatra tāreṇāsādya vīryavān| vṛkṣeṇa mahatā sadyaḥ prāṇān saṃtyājayad raṇe || 58.23 ||

तब पराक्रमी तार ने वहाँ कुम्भहनु पर आक्रमण कर, एक विशाल वृक्ष से युद्धभूमि में उसके प्राण तुरन्त हर लिए।

श्लोक 24 (yuddha.58.24)

अमृष्यमाणस्तत्कर्म प्रहस्तो रथमास्थितः। चकार कदनं घोरं धनुष्पाणिर्वनौकसाम् ॥ 58.24 ॥

amṛṣyamāṇastatkarma prahasto rathamāsthitaḥ| cakāra kadanaṃ ghoraṃ dhanuṣpāṇirvanaukasām || 58.24 ||

यह देखकर असहनीय क्रोध से भरे प्रहस्त ने रथ पर चढ़कर, धनुष हाथ में लिए, वन-वासी वानरों का भयंकर संहार करना आरम्भ किया।

श्लोक 25 (yuddha.58.25)

आवर्त इव संजज्ञे सेनयोरुभयोस्तदा। क्षुभितस्याप्रमेयस्य सागरस्येव निःस्वनः ॥ 58.25 ॥

āvarta iva saṃjajñe senayorubhayostadā| kṣubhitasyāprameyasya sāgarasyeva niḥsvanaḥ || 58.25 ||

तब दोनों सेनाओं के बीच मानो एक भँवर उत्पन्न हो गया, जिसकी ध्वनि क्षुब्ध, असीम सागर के समान थी।

श्लोक 26 (yuddha.58.26)

महता हि शरौघेण राक्षसो रणदुर्मदः। अर्दयामास संक्रुद्धो वानरान् परमाहवे ॥ 58.26 ॥

mahatā hi śaraugheṇa rākṣaso raṇadurmadaḥ| ardayāmāsa saṃkruddho vānarān paramāhave || 58.26 ||

युद्ध के मद में उन्मत्त वह राक्षस, अत्यन्त क्रुद्ध होकर, बाणों की विशाल वर्षा से उस महासंग्राम में वानरों को पीड़ित करने लगा।

श्लोक 27 (yuddha.58.27)

वानराणां शरीरैस्तु राक्षसानां च मेदिनी। बभूवातिचिता घोरैः पर्वतैरिव संवृता ॥ 58.27 ॥

vānarāṇāṃ śarīraistu rākṣasānāṃ ca medinī| babhūvāticitā ghoraiḥ parvatairiva saṃvṛtā || 58.27 ||

वानरों और राक्षसों के शवों से पृथ्वी इस प्रकार भर गई मानो वह भयंकर पर्वतों से ढँक गई हो।

श्लोक 28 (yuddha.58.28)

सा मही रुधिरौघेण प्रच्छन्ना सम्प्रकाशते। संछन्ना माधवे मासि पलाशैरिव पुष्पितैः ॥ 58.28 ॥

sā mahī rudhiraugheṇa pracchannā samprakāśate| saṃchannā mādhave māsi palāśairiva puṣpitaiḥ || 58.28 ||

वह पृथ्वी रक्त की धारा से आच्छादित होकर ऐसी शोभा पाने लगी मानो वैशाख के महीने में खिले हुए पलाश के फूलों से ढँकी हो।

श्लोक 29 (yuddha.58.29)

हतवीरौघवप्रां तु भग्नायुधमहाद्रुमाम्। शोणितौघमहातोयां यमसागरगामिनीम् ॥ 58.29 ॥

hatavīraughavaprāṃ tu bhagnāyudhamahādrumām| śoṇitaughamahātoyāṃ yamasāgaragāminīm || 58.29 ||

युद्धभूमि मानो एक नदी बन गई थी जिसके तट गिरे हुए वीरों के समूह थे, जिसके विशाल वृक्ष टूटे हुए अस्त्र थे, जिसका महाजल रक्त की धारा थी, और जो यमरूपी सागर की ओर बहती जा रही थी --

श्लोक 30 (yuddha.58.30)

यकृत् प्लीहमहापङ्कां विनिकीर्णान्त्रशैवलाम्। भिन्नकायशिरोमीनामङ्गावयवशाद्वलाम् ॥ 58.30 ॥

yakṛt plīhamahāpaṅkāṃ vinikīrṇāntraśaivalām| bhinnakāyaśiromīnāmaṅgāvayavaśādvalām || 58.30 ||

-- जिसका कीचड़ यकृत और प्लीहा था, जिसकी काई बिखरी हुई आँतें थीं, जिसकी मछलियाँ कटे हुए शरीर और सिर थे, जिसकी घास बिखरे हुए अंग-अवयव थे --

श्लोक 31 (yuddha.58.31)

गृध्रहंसवराकीर्णां कङ्कसारससेविताम्। मेदःफेनसमाकीर्णामार्तस्तनितनिःस्वनाम् ॥ 58.31 ॥

gṛdhrahaṃsavarākīrṇāṃ kaṅkasārasasevitām| medaḥphenasamākīrṇāmārtastanitaniḥsvanām || 58.31 ||

-- जो हंसों के स्थान पर गिद्धों से भरी थी, बगुलों और सारसों से सेवित थी, चर्बी के फेन से युक्त थी, और मेघ-गर्जन के स्थान पर पीड़ा की चीत्कारों से गूँज रही थी --

श्लोक 32 (yuddha.58.32)

तां कापुरुषदुस्तारां युद्धभूमिमयीं नदीम्। नदीमिव घनापाये हंससारससेविताम् ॥ 58.32 ॥

tāṃ kāpuruṣadustārāṃ yuddhabhūmimayīṃ nadīm| nadīmiva ghanāpāye haṃsasārasasevitām || 58.32 ||

-- उस युद्धभूमि-रूपी नदी को, जो कायरों के लिए दुस्तर थी, वर्षा-ऋतु के बाद की नदी के समान हंस-सारसों से सेवित थी --

श्लोक 33 (yuddha.58.33)

राक्षसाः कपिमुख्यास्ते तेरुस्तां दुस्तरां नदीम्। यथा पद्मरजोध्वस्तां नलिनीं गजयूथपाः ॥ 58.33 ॥

rākṣasāḥ kapimukhyāste terustāṃ dustarāṃ nadīm| yathā padmarajodhvastāṃ nalinīṃ gajayūthapāḥ || 58.33 ||

-- उस दुस्तर नदी को राक्षसों और श्रेष्ठ वानरों ने उसी प्रकार पार किया जैसे गजयूथपति कमल-पराग से मथी हुई कमलिनी को पार करते हैं।

श्लोक 34 (yuddha.58.34)

ततः सृजन्तं बाणौघान् प्रहस्तं स्यन्दने स्थितम्। ददर्श तरसा नीलो विधमन्तं प्लवंगमान् ॥ 58.34 ॥

tataḥ sṛjantaṃ bāṇaughān prahastaṃ syandane sthitam| dadarśa tarasā nīlo vidhamantaṃ plavaṃgamān || 58.34 ||

तब नील ने शीघ्रता से देखा कि रथ पर स्थित प्रहस्त बाणों की वर्षा करते हुए वानरों को तितर-बितर कर रहा था।

श्लोक 35 (yuddha.58.35)

उद्धूत इव वायुः खे महदभ्रबलं बलात्। समीक्ष्याभिद्रुतं युद्धे प्रहस्तो वाहिनीपतिः ॥ 58.35 ॥

ud‍dhūta iva vāyuḥ khe mahadabhrabalaṃ balāt| samīkṣyābhidrutaṃ yuddhe prahasto vāhinīpatiḥ || 58.35 ||

जैसे वायु आकाश में बादलों के विशाल समूह को बलपूर्वक उड़ा देती है, वैसे ही सेनापति प्रहस्त ने युद्ध में उसे वेग से आते देखकर --

श्लोक 36 (yuddha.58.36)

रथेनादित्यवर्णेन नीलमेवाभिदुद्रुवे। स धनुर्धन्विनां श्रेष्ठो विकृष्य परमाहवे ॥ 58.36 ॥

rathenādityavarṇena nīlamevābhidudruve| sa dhanurdhanvināṃ śreṣṭho vikṛṣya paramāhave || 58.36 ||

-- सूर्य के समान रंग वाले अपने रथ से सीधे नील पर आक्रमण किया; धनुर्धरों में श्रेष्ठ उस प्रहस्त ने महासमर में अपना धनुष खींचकर --

श्लोक 37 (yuddha.58.37)

नीलाय व्यसृजद् बाणान् प्रहस्तो वाहिनीपतिः। ते प्राप्य विशिखा नीलं विनिर्भिद्य समाहिताः ॥ 58.37 ॥

nīlāya vyasṛjad bāṇān prahasto vāhinīpatiḥ| te prāpya viśikhā nīlaṃ vinirbhidya samāhitāḥ || 58.37 ||

-- सेनापति प्रहस्त ने नील पर बाण छोड़े; और वे सुनिशाना बाण नील तक पहुँचकर उसे बींधते हुए --

श्लोक 38 (yuddha.58.38)

महीं जग्मुर्महावेगा रोषिता इव पन्नगाः। नीलः शरैरभिहतो निशितैर्ज्वलनोपमैः ॥ 58.38 ॥

mahīṃ jagmurmahāvegā roṣitā iva pannagāḥ| nīlaḥ śarairabhihato niśitairjvalanopamaiḥ || 58.38 ||

-- मानो क्रोधित सर्पों के समान अत्यन्त वेग से भूमि में जा धँसे। तीक्ष्ण, अग्नि के समान बाणों से आहत नील --

श्लोक 39 (yuddha.58.39)

स तं परमदुर्धर्षमापतन्तं महाकपिः। प्रहस्तं ताडयामास वृक्षमुत्पाट्य वीर्यवान् ॥ 58.39 ॥

sa taṃ paramadurdharṣamāpatantaṃ mahākapiḥ| prahastaṃ tāḍayāmāsa vṛkṣamutpāṭya vīryavān || 58.39 ||

-- उस पराक्रमी महाकपि ने एक वृक्ष उखाड़कर, आक्रमण करते हुए अत्यन्त दुर्धर्ष प्रहस्त पर प्रहार किया।

श्लोक 40 (yuddha.58.40)

स तेनाभिहतः क्रुद्धो नर्दन् राक्षसपुंगवः। ववर्ष शरवर्षाणि प्लवंगानां चमूपतौ ॥ 58.40 ॥

sa tenābhihataḥ kruddho nardan rākṣasapuṃgavaḥ| vavarṣa śaravarṣāṇi plavaṃgānāṃ camūpatau || 58.40 ||

उससे आहत होकर वह क्रुद्ध राक्षसश्रेष्ठ गरजते हुए वानर-सेनापति पर बाणों की वर्षा करने लगा।

श्लोक 41 (yuddha.58.41)

तस्य बाणगणानेव राक्षसस्य दुरात्मनः। अपारयन् वारयितुं प्रत्यगृह्णान्निमीलितः। यथैव गोवृषो वर्षं शारदं शीघ्रमागतम् ॥ 58.41 ॥

tasya bāṇagaṇāneva rākṣasasya durātmanaḥ| apārayan vārayituṃ pratyagṛhṇānnimīlitaḥ| yathaiva govṛṣo varṣaṃ śāradaṃ śīghramāgatam || 58.41 ||

उस दुरात्मा राक्षस के बाण-समूह को रोक पाने में असमर्थ होकर, नील ने आँखें मूँदकर उन्हें सह लिया, जैसे एक बैल शरद ऋतु की अचानक आई वर्षा को सहन करता है।

श्लोक 42 (yuddha.58.42)

एवमेव प्रहस्तस्य शरवर्षान् दुरासदान्। निमीलिताक्षः सहसा नीलः सेहे दुरासदान् ॥ 58.42 ॥

evameva prahastasya śaravarṣān durāsadān| nimīlitākṣaḥ sahasā nīlaḥ sehe durāsadān || 58.42 ||

इसी प्रकार नील ने आँखें बंद किए हुए, अचानक प्रहस्त के असह्य और दुर्निवार बाणों की वर्षा को सह लिया।

श्लोक 43 (yuddha.58.43)

रोषितः शरवर्षेण सालेन महता महान्। प्रजघान हयान् नीलः प्रहस्तस्य महाबलः ॥ 58.43 ॥

roṣitaḥ śaravarṣeṇa sālena mahatā mahān| prajaghāna hayān nīlaḥ prahastasya mahābalaḥ || 58.43 ||

बाणों की वर्षा से क्रोधित होकर, महाबली नील ने एक विशाल साल वृक्ष से प्रहस्त के घोड़ों को मार डाला।

श्लोक 44 (yuddha.58.44)

ततो रोषपरीतात्मा धनुस्तस्य दुरात्मनः। बभञ्ज तरसा नीलो ननाद च पुनः पुनः ॥ 58.44 ॥

tato roṣaparītātmā dhanustasya durātmanaḥ| babhañja tarasā nīlo nanāda ca punaḥ punaḥ || 58.44 ||

तब क्रोध से आविष्ट होकर नील ने उस दुरात्मा के धनुष को तुरन्त तोड़ डाला और बार-बार गर्जना की।

श्लोक 45 (yuddha.58.45)

विधनुः स कृतस्तेन प्रहस्तो वाहिनीपतिः। प्रगृह्य मुसलं घोरं स्यन्दनादवपुप्लुवे ॥ 58.45 ॥

vidhanuḥ sa kṛtastena prahasto vāhinīpatiḥ| pragṛhya musalaṃ ghoraṃ syandanādavapupluve || 58.45 ||

इस प्रकार धनुषरहित हो जाने पर, सेनापति प्रहस्त एक भयंकर मूसल उठाकर रथ से कूद पड़ा।

श्लोक 46 (yuddha.58.46)

तावुभौ वाहिनीमुख्यौ जातवैरौ तरस्विनौ। स्थितौ क्षतजसिक्ताङ्गौ प्रभिन्नाविव कुञ्जरौ ॥ 58.46 ॥

tāvubhau vāhinīmukhyau jātavairau tarasvinau| sthitau kṣatajasiktāṅgau prabhinnāviva kuñjarau || 58.46 ||

वे दोनों सेनाओं के प्रधान, अब परस्पर वैरी और वेगवान्, रक्त से भीगे शरीर लिए, मानो दो मदमत्त हाथियों के समान खड़े हो गए।

श्लोक 47 (yuddha.58.47)

उल्लिखन्तौ सुतीक्ष्णाभिर्दंष्ट्राभिरितरेतरम्। सिंहशार्दूलसदृशौ सिंहशार्दूलचेष्टितौ ॥ 58.47 ॥

ullikhantau sutīkṣṇābhirdaṃṣṭrābhiritaretaram| siṃhaśārdūlasadṛśau siṃhaśārdūlaceṣṭitau || 58.47 ||

एक-दूसरे को तीक्ष्ण दाढ़ों से घायल करते हुए वे सिंह और व्याघ्र के समान लगते थे, तथा सिंह-व्याघ्र के समान ही आचरण कर रहे थे।

श्लोक 48 (yuddha.58.48)

विक्रान्तविजयौ वीरौ समरेष्वनिवर्तिनौ। काङ्क्षमाणौ यशः प्राप्तुं वृत्रवासवयोरिव ॥ 58.48 ॥

vikrāntavijayau vīrau samareṣvanivartinau| kāṅkṣamāṇau yaśaḥ prāptuṃ vṛtravāsavayoriva || 58.48 ||

दोनों वीर, जिनकी विजय पराक्रम से होती थी, जो युद्ध में कभी पीछे न हटते थे, वृत्र और वासव (इन्द्र) के समान यश पाने की कामना करने लगे।

श्लोक 49 (yuddha.58.49)

आजघान तदा नीलं ललाटे मुसलेन सः। प्रहस्तः परमायत्तस्ततः सुस्राव शोणितम् ॥ 58.49 ॥

ājaghāna tadā nīlaṃ lalāṭe musalena saḥ| prahastaḥ paramāyattastataḥ susrāva śoṇitam || 58.49 ||

तब अत्यन्त प्रयत्नशील प्रहस्त ने मूसल से नील के ललाट पर प्रहार किया, जिससे रक्त बहने लगा।

श्लोक 50 (yuddha.58.50)

ततः शोणितदिग्धाङ्गः प्रगृह्य च महातरुम्। प्रहस्तस्योरसि क्रुद्धो विससर्ज महाकपिः ॥ 58.50 ॥

tataḥ śoṇitadigdhāṅgaḥ pragṛhya ca mahātarum| prahastasyorasi kruddho visasarja mahākapiḥ || 58.50 ||

तब रक्त से लिप्त शरीर वाले उस महाकपि ने एक विशाल वृक्ष उठाकर क्रोधपूर्वक प्रहस्त की छाती पर दे मारा।

श्लोक 51 (yuddha.58.51)

तमचिन्त्यप्रहारं स प्रगृह्य मुसलं महत्। अभिदुद्राव बलिनं बलान्नीलं प्लवङ्गमम् ॥ 58.51 ॥

tamacintyaprahāraṃ sa pragṛhya musalaṃ mahat| abhidudrāva balinaṃ balānnīlaṃ plavaṅgamam || 58.51 ||

उस अचिन्त्य प्रहार वाले प्रहस्त ने विशाल मूसल उठाकर बलपूर्वक बलवान् वानर नील की ओर झपटा।

श्लोक 52 (yuddha.58.52)

तमुग्रवेगं संरब्धमापतन्तं महाकपिः। ततः सम्प्रेक्ष्य जग्राह महावेगो महाशिलाम् ॥ 58.52 ॥

tamugravegaṃ saṃrabdhamāpatantaṃ mahākapiḥ| tataḥ samprekṣya jagrāha mahāvego mahāśilām || 58.52 ||

उस भयंकर वेग से क्रोधित होकर आते हुए प्रहस्त को देखकर, महावेगशाली महाकपि ने एक विशाल शिला उठा ली।

श्लोक 53 (yuddha.58.53)

तस्य युद्धाभिकामस्य मृधे मुसलयोधिनः। प्रहस्तस्य शिलां नीलो मूर्ध्नि तूर्णमपातयत् ॥ 58.53 ॥

tasya yuddhābhikāmasya mṛdhe musalayodhinaḥ| prahastasya śilāṃ nīlo mūrdhni tūrṇamapātayat || 58.53 ||

युद्ध की उत्कट अभिलाषा रखने वाले उस मूसलधारी योद्धा प्रहस्त के सिर पर नील ने वह शिला तुरन्त फेंक दी।

श्लोक 54 (yuddha.58.54)

नीलेन कपिमुख्येन विमुक्ता महती शिला। बिभेद बहुधा घोरा प्रहस्तस्य शिरस्तदा ॥ 58.54 ॥

nīlena kapimukhyena vimuktā mahatī śilā| bibheda bahudhā ghorā prahastasya śirastadā || 58.54 ||

वानरश्रेष्ठ नील द्वारा फेंकी गई वह भयंकर विशाल शिला उस समय प्रहस्त के सिर को अनेक टुकड़ों में विदीर्ण कर गई।

श्लोक 55 (yuddha.58.55)

स गतासुर्गतश्रीको गतसत्त्वो गतेन्द्रियः। पपात सहसा भूमौ छिन्नमूल इव द्रुमः ॥ 58.55 ॥

sa gatāsurgataśrīko gatasattvo gatendriyaḥ| papāta sahasā bhūmau chinnamūla iva drumaḥ || 58.55 ||

प्राणहीन, श्रीहीन, बलहीन और चेतनाहीन होकर वह अचानक भूमि पर इस प्रकार गिर पड़ा जैसे जड़ से कटा हुआ वृक्ष गिरता है।

श्लोक 56 (yuddha.58.56)

विभिन्नशिरसस्तस्य बहु सुस्राव शोणितम्। शरीरादपि सुस्राव गिरेः प्रस्रवणं यथा ॥ 58.56 ॥

vibhinnaśirasastasya bahu susrāva śoṇitam| śarīrādapi susrāva gireḥ prasravaṇaṃ yathā || 58.56 ||

उसके विदीर्ण सिर से बहुत सा रक्त बह निकला, और उसके शरीर से भी वह इस प्रकार बहा जैसे पर्वत से झरना बहता है।

श्लोक 57 (yuddha.58.57)

हते प्रहस्ते नीलेन तदकम्प्यं महाबलम्। राक्षसानामहृष्टानां लङ्कामभिजगाम ह ॥ 58.57 ॥

hate prahaste nīlena tadakampyaṃ mahābalam| rākṣasānāmahṛṣṭānāṃ laṅkāmabhijagāma ha || 58.57 ||

नील द्वारा प्रहस्त के मारे जाने पर, वह अडिग रहने वाली महाबली राक्षस-सेना, अब उदास होकर, लंका की ओर लौट गई।

श्लोक 58 (yuddha.58.58)

न शेकुः समवस्थातुं निहते वाहिनीपतौ। सेतुबन्धं समासाद्य विशीर्णं सलिलं यथा ॥ 58.58 ॥

na śekuḥ samavasthātuṃ nihate vāhinīpatau| setubandhaṃ samāsādya viśīrṇaṃ salilaṃ yathā || 58.58 ||

अपने सेनापति के मारे जाने पर वे टिक न सके, जैसे टूटे हुए बाँध पर पहुँचकर जल की धारा तितर-बितर हो जाती है।

श्लोक 59 (yuddha.58.59)

हते तस्मिंश्चमूमुख्ये राक्षसास्ते निरुद्यमाः। रक्षःपतिगृहं गत्वा ध्यानमूकत्वमागताः ॥ 58.59 ॥

hate tasmiṃścamūmukhye rākṣasāste nirudyamāḥ| rakṣaḥpatigṛhaṃ gatvā dhyānamūkatvamāgatāḥ || 58.59 ||

उस सेनाप्रमुख के मारे जाने पर, उत्साहहीन हो गए वे राक्षस, राक्षसराज के भवन में जाकर मौन चिंतन में डूब गए।

श्लोक 60 (yuddha.58.60)

प्राप्ताः शोकार्णवं तीव्रं विसंज्ञा इव तेऽभवन् ततस्तु नीलो विजयी महाबलः प्रशस्यमानः सुकृतेन कर्मणा। समेत्य रामेण सलक्ष्मणेन प्रहृष्टरूपस्तु बभूव यूथपः ॥ 58.60 ॥

prāptāḥ śokārṇavaṃ tīvraṃ visaṃjñā iva te'bhavan tatastu nīlo vijayī mahābalaḥ praśasyamānaḥ sukṛtena karmaṇā| sametya rāmeṇa salakṣmaṇena prahṛṣṭarūpastu babhūva yūthapaḥ || 58.60 ||

वे तीव्र शोक-सागर में डूबकर मानो चेतनाशून्य हो गए। तब विजयी महाबली नील, अपने वीरतापूर्ण कर्म के लिए प्रशंसित होकर, राम और लक्ष्मण से मिला, और वह सेनानायक हर्ष से उल्लसित हो उठा।