कुम्भकर्ण-जागरण

श्लोक 1 (yuddha.61.1)

ततो रामो महातेजा धनुरादाय वीर्यवान्। किरीटिनं महाकायं कुम्भकर्णं ददर्श ह ॥ 61.1 ॥

tato rāmo mahātejā dhanurādāya vīryavān| kirīṭinaṃ mahākāyaṃ kumbhakarṇaṃ dadarśa ha || 61.1 ||

तब महातेजस्वी और पराक्रमी राम ने धनुष उठाकर मुकुटधारी, विशालकाय कुम्भकर्ण को देखा।

श्लोक 2 (yuddha.61.2)

तं दृष्ट्वा राक्षसश्रेष्ठं पर्वताकारदर्शनम्। क्रममाणमिवाकाशं पुरा नारायणं यथा ॥ 61.2 ॥

taṃ dṛṣṭvā rākṣasaśreṣṭhaṃ parvatākāradarśanam| kramamāṇamivākāśaṃ purā nārāyaṇaṃ yathā || 61.2 ||

उस राक्षसश्रेष्ठ को देखकर, जो पर्वत के समान विशाल था और आकाश में मानो प्राचीन नारायण के समान डग भरता चला आ रहा था --

श्लोक 3 (yuddha.61.3)

सतोयाम्बुदसंकाशं काञ्चनाङ्गदभूषणम्। दृष्ट्वा पुनः प्रदुद्राव वानराणां महाचमूः ॥ 61.3 ॥

satoyāmbudasaṃkāśaṃ kāñcanāṅgadabhūṣaṇam| dṛṣṭvā punaḥ pradudrāva vānarāṇāṃ mahācamūḥ || 61.3 ||

-- जल से भरे बादल के समान श्याम और स्वर्ण के अंगदों से सुशोभित उस राक्षस को फिर देखकर वानरों की विशाल सेना भाग खड़ी हुई।

श्लोक 4 (yuddha.61.4)

विद्रुतां वाहिनीं दृष्ट्वा वर्धमानं च राक्षसम्। सविस्मितमिदं रामो विभीषणमुवाच ह ॥ 61.4 ॥

vidrutāṃ vāhinīṃ dṛṣṭvā vardhamānaṃ ca rākṣasam| savismitamidaṃ rāmo vibhīṣaṇamuvāca ha || 61.4 ||

सेना को भागते और राक्षस को बढ़ते हुए देखकर राम ने विस्मित होकर विभीषण से यह कहा --

श्लोक 5 (yuddha.61.5)

कोऽसौ पर्वतसंकाशः किरीटी हरिलोचनः। लङ्कायां दृश्यते वीरः सविद्युदिव तोयदः ॥ 61.5 ॥

ko'sau parvatasaṃkāśaḥ kirīṭī harilocanaḥ| laṅkāyāṃ dṛśyate vīraḥ savidyudiva toyadaḥ || 61.5 ||

-- 'मुकुटधारी, पीली आँखों वाला और पर्वत के समान विशाल यह वीर लंका में बिजली सहित मेघ के समान क्यों दिखाई दे रहा है?

श्लोक 6 (yuddha.61.6)

पृथिव्यां केतुभूतोऽसौ महानेकोऽत्र दृश्यते। यं दृष्ट्वा वानराः सर्वे विद्रवन्ति ततस्ततः ॥ 61.6 ॥

pṛthivyāṃ ketubhūto'sau mahāneko'tra dṛśyate| yaṃ dṛṣṭvā vānarāḥ sarve vidravanti tatastataḥ || 61.6 ||

पृथ्वी पर यह अकेला ही किसी विशाल ध्वज-स्तम्भ के समान दिखाई देता है, जिसे देखकर सभी वानर इधर-उधर भाग रहे हैं।

श्लोक 7 (yuddha.61.7)

आचक्ष्व सुमहान् कोऽसौ रक्षो वा यदि वासुरः। न मयैवंविधं भूतं दृष्टपूर्वं कदाचन ॥ 61.7 ॥

ācakṣva sumahān ko'sau rakṣo vā yadi vāsuraḥ| na mayaivaṃvidhaṃ bhūtaṃ dṛṣṭapūrvaṃ kadācana || 61.7 ||

बताओ, यह महाकाय कौन है -- राक्षस है या असुर? ऐसा प्राणी मैंने पहले कभी नहीं देखा।'

श्लोक 8 (yuddha.61.8)

सम्पृष्टो राजपुत्रेण रामेणाक्लिष्टकर्मणा। विभीषणो महाप्राज्ञः काकुत्स्थमिदमब्रवीत् ॥ 61.8 ॥

sampṛṣṭo rājaputreṇa rāmeṇākliṣṭakarmaṇā| vibhīṣaṇo mahāprājñaḥ kākutsthamidamabravīt || 61.8 ||

अथक कर्मों वाले राजकुमार राम द्वारा इस प्रकार पूछे जाने पर महाप्राज्ञ विभीषण ने काकुत्स्थ राम से यह कहा --

श्लोक 9 (yuddha.61.9)

येन वैवस्वतो युद्धे वासवश्च पराजितः। सैष विश्रवसः पुत्रः कुम्भकर्णः प्रतापवान्। अस्य प्रमाणसदृशो राक्षसोऽन्यो न विद्यते ॥ 61.9 ॥

yena vaivasvato yuddhe vāsavaśca parājitaḥ| saiṣa viśravasaḥ putraḥ kumbhakarṇaḥ pratāpavān| asya pramāṇasadṛśo rākṣaso'nyo na vidyate || 61.9 ||

-- 'जिसने युद्ध में यमराज और इन्द्र को भी पराजित किया था, वह यही विश्रवा-पुत्र प्रतापी कुम्भकर्ण है। इसके शरीर के बराबर दूसरा कोई राक्षस नहीं है।'

श्लोक 10 (yuddha.61.10)

एतेन देवा युधि दानवाश्च। यक्षा भुजंगाः पिशिताशनाश्च। गन्धर्वविद्याधरकिंनराश्च। सहस्रशो राघव सम्प्रभग्नाः ॥ 61.10 ॥

etena devā yudhi dānavāśca| yakṣā bhujaṃgāḥ piśitāśanāśca| gandharvavidyādharakiṃnarāśca| sahasraśo rāghava samprabhagnāḥ || 61.10 ||

-- 'हे राघव, इसी ने युद्ध में देवताओं, दानवों, यक्षों, नागों, मांसभक्षी राक्षसों, गन्धर्वों, विद्याधरों और किन्नरों को सहस्रों की संख्या में परास्त किया है।'

श्लोक 11 (yuddha.61.11)

शूलपाणिं विरूपाक्षं कुम्भकर्णं महाबलम्। हन्तुं न शेकुस्त्रिदशाः कालोऽयमिति मोहिताः ॥ 61.11 ॥

śūlapāṇiṃ virūpākṣaṃ kumbhakarṇaṃ mahābalam| hantuṃ na śekustridaśāḥ kālo'yamiti mohitāḥ || 61.11 ||

-- 'त्रिशूलधारी, विकराल नेत्रों वाले महाबली कुम्भकर्ण को देवगण भी नहीं मार सके, क्योंकि वे मोहवश उसे साक्षात् काल समझ बैठे।'

श्लोक 12 (yuddha.61.12)

प्रकृत्या ह्येष तेजस्वी कुम्भकर्णो महाबलः। अन्येषां राक्षसेन्द्राणां वरदानकृतं बलम् ॥ 61.12 ॥

prakṛtyā hyeṣa tejasvī kumbhakarṇo mahābalaḥ| anyeṣāṃ rākṣasendrāṇāṃ varadānakṛtaṃ balam || 61.12 ||

-- 'यह महाबली कुम्भकर्ण स्वभाव से ही तेजस्वी है, जबकि अन्य राक्षसराजों का बल तो केवल वरदान से प्राप्त हुआ है।'

श्लोक 13 (yuddha.61.13)

बालेन जातमात्रेण क्षुधार्तेन महात्मना। भक्षितानि सहस्राणि प्रजानां सुबहून्यपि ॥ 61.13 ॥

bālena jātamātreṇa kṣudhārtena mahātmanā| bhakṣitāni sahasrāṇi prajānāṃ subahūnyapi || 61.13 ||

-- 'जन्म लेते ही बालक-अवस्था में क्षुधा से पीड़ित होकर इस महात्मा ने हजारों प्राणियों को खा डाला था।'

श्लोक 14 (yuddha.61.14)

तेषु सम्भक्ष्यमाणेषु प्रजा भयनिपीडिताः। यान्त स्म शरणं शक्रं तमप्यर्थं न्यवेदयन् ॥ 61.14 ॥

teṣu sambhakṣyamāṇeṣu prajā bhayanipīḍitāḥ| yānta sma śaraṇaṃ śakraṃ tamapyarthaṃ nyavedayan || 61.14 ||

-- 'प्राणियों के इस प्रकार भक्षण से भयभीत प्रजा इन्द्र की शरण में गई और उसे सारी बात बताई।'

श्लोक 15 (yuddha.61.15)

स कुम्भकर्णं कुपितो महेन्द्रो। जघान वज्रेण शितेन वज्री। स शक्रवज्राभिहतो महात्मा। चचाल कोपाच्च भृशं ननाद ॥ 61.15 ॥

sa kumbhakarṇaṃ kupito mahendro| jaghāna vajreṇa śitena vajrī| sa śakravajrābhihato mahātmā| cacāla kopācca bhṛśaṃ nanāda || 61.15 ||

-- 'क्रुद्ध होकर वज्रधारी महेन्द्र ने अपने तीक्ष्ण वज्र से कुम्भकर्ण पर प्रहार किया। इन्द्र के वज्र से आहत होकर वह महाकाय क्रोध से काँप उठा और भीषण गर्जना करने लगा।'

श्लोक 16 (yuddha.61.16)

तस्य नानद्यमानस्य कुम्भकर्णस्य रक्षसः। श्रुत्वा निनादं वित्रस्ताः प्रजा भूयो वितत्रसुः ॥ 61.16 ॥

tasya nānadyamānasya kumbhakarṇasya rakṣasaḥ| śrutvā ninādaṃ vitrastāḥ prajā bhūyo vitatrasuḥ || 61.16 ||

-- 'बार-बार गर्जना करते हुए उस राक्षस कुम्भकर्ण की भीषण ध्वनि सुनकर पहले से ही भयभीत प्रजा और भी अधिक भयभीत हो उठी।'

श्लोक 17 (yuddha.61.17)

ततः क्रुद्धो महेन्द्रस्य कुम्भकर्णो महाबलः। निष्कृष्यैरावताद् दन्तं जघानोरसि वासवम् ॥ 61.17 ॥

tataḥ kruddho mahendrasya kumbhakarṇo mahābalaḥ| niṣkṛṣyairāvatād dantaṃ jaghānorasi vāsavam || 61.17 ||

-- 'तब क्रुद्ध होकर महाबली कुम्भकर्ण ने ऐरावत का एक दाँत उखाड़कर उसी से इन्द्र की छाती पर प्रहार किया।'

श्लोक 18 (yuddha.61.18)

कुम्भकर्णप्रहारार्तो विजज्वाल स वासवः। ततो विषेदुः सहसा देवा ब्रह्मर्षिदानवाः ॥ 61.18 ॥

kumbhakarṇaprahārārto vijajvāla sa vāsavaḥ| tato viṣeduḥ sahasā devā brahmarṣidānavāḥ || 61.18 ||

-- 'कुम्भकर्ण के इस प्रहार से पीड़ित होकर इन्द्र क्रोध से जल उठे। इस पर देवता, ब्रह्मर्षि और दानव सहसा विषाद में डूब गए।'

श्लोक 19 (yuddha.61.19)

प्रजाभिः सह शक्रश्च ययौ स्थानं स्वयंभुवः। कुम्भकर्णस्य दौरात्म्यं शशंसुस्ते प्रजापतेः ॥ 61.19 ॥

prajābhiḥ saha śakraśca yayau sthānaṃ svayaṃbhuvaḥ| kumbhakarṇasya daurātmyaṃ śaśaṃsuste prajāpateḥ || 61.19 ||

-- 'इन्द्र प्रजाओं सहित स्वयंभू ब्रह्मा के धाम गए और उन्होंने प्रजापति को कुम्भकर्ण की दुष्टता का वृत्तान्त सुनाया --'

श्लोक 20 (yuddha.61.20)

प्रजानां भक्षणं चापि देवानां चापि धर्षणम्। आश्रमध्वंसनं चापि परस्त्रीहरणं भृशम् ॥ 61.20 ॥

prajānāṃ bhakṣaṇaṃ cāpi devānāṃ cāpi dharṣaṇam| āśramadhvaṃsanaṃ cāpi parastrīharaṇaṃ bhṛśam || 61.20 ||

-- 'उसके द्वारा प्रजा का भक्षण, देवताओं का उत्पीड़न, आश्रमों का विनाश और परायी स्त्रियों का प्रचण्ड हरण।'

श्लोक 21 (yuddha.61.21)

एवं प्रजा यदि त्वेष भक्षयिष्यति नित्यशः। अचिरेणैव कालेन शून्यो लोको भविष्यति ॥ 61.21 ॥

evaṃ prajā yadi tveṣa bhakṣayiṣyati nityaśaḥ| acireṇaiva kālena śūnyo loko bhaviṣyati || 61.21 ||

-- 'यदि यह इसी प्रकार निरन्तर प्रजा को खाता रहा, तो शीघ्र ही सम्पूर्ण संसार शून्य हो जाएगा।'

श्लोक 22 (yuddha.61.22)

वासवस्य वचः श्रुत्वा सर्वलोकपितामहः। रक्षांस्यावाहयामास कुम्भकर्णं ददर्श ह ॥ 61.22 ॥

vāsavasya vacaḥ śrutvā sarvalokapitāmahaḥ| rakṣāṃsyāvāhayāmāsa kumbhakarṇaṃ dadarśa ha || 61.22 ||

-- 'इन्द्र के इन वचनों को सुनकर सभी लोकों के पितामह ब्रह्मा ने राक्षसों को बुलवाया और उनमें कुम्भकर्ण को भी देखा।'

श्लोक 23 (yuddha.61.23)

कुम्भकर्णं समीक्ष्यैव वितत्रास प्रजापतिः। कुम्भकर्णमथाश्वास्तः स्वयंभूरिदमब्रवीत् ॥ 61.23 ॥

kumbhakarṇaṃ samīkṣyaiva vitatrāsa prajāpatiḥ| kumbhakarṇamathāśvāstaḥ svayaṃbhūridamabravīt || 61.23 ||

-- 'कुम्भकर्ण को देखते ही प्रजापति भयभीत हो उठे। फिर धैर्य धारण कर स्वयंभू ब्रह्मा ने कुम्भकर्ण से यह कहा --'

श्लोक 24 (yuddha.61.24)

ध्रुवं लोकविनाशाय पौलस्त्येनासि निर्मितः। तस्मात् त्वमद्यप्रभृति मृतकल्पः शयिष्यसे ॥ 61.24 ॥

dhruvaṃ lokavināśāya paulastyenāsi nirmitaḥ| tasmāt tvamadyaprabhṛti mṛtakalpaḥ śayiṣyase || 61.24 ||

-- 'निश्चय ही तुम पौलस्त्य-वंश में लोकों के विनाश के लिए ही उत्पन्न हुए हो; इसलिए आज से तुम मृतक के समान सोए रहोगे।'

श्लोक 25 (yuddha.61.25)

ब्रह्मशापाभिभूतोऽथ निपपाताग्रतः प्रभोः। ततः परमसम्भ्रान्तो रावणो वाक्यमब्रवीत् ॥ 61.25 ॥

brahmaśāpābhibhūto'tha nipapātāgrataḥ prabhoḥ| tataḥ paramasambhrānto rāvaṇo vākyamabravīt || 61.25 ||

ब्रह्मा के शाप से अभिभूत होकर कुम्भकर्ण प्रभु के सम्मुख गिर पड़ा। तब अत्यन्त व्याकुल रावण ने यह कहा --

श्लोक 26 (yuddha.61.26)

प्रवृद्धः काञ्चनो वृक्षः फलकाले निकृत्यते। न नप्तारं स्वकं न्याय्यं शप्तुमेवं प्रजापते ॥ 61.26 ॥

pravṛddhaḥ kāñcano vṛkṣaḥ phalakāle nikṛtyate| na naptāraṃ svakaṃ nyāyyaṃ śaptumevaṃ prajāpate || 61.26 ||

-- 'हे प्रजापते, यह तो मानो फल आने के समय ही पूर्ण विकसित स्वर्ण-वृक्ष को काट डालना है। अपने ही नाती को इस प्रकार शाप देना उचित नहीं है।'

श्लोक 27 (yuddha.61.27)

न मिथ्यावचनश्च त्वं स्वप्स्यत्येव न संशयः। कालस्तु क्रियतामस्य शयने जागरे तथा ॥ 61.27 ॥

na mithyāvacanaśca tvaṃ svapsyatyeva na saṃśayaḥ| kālastu kriyatāmasya śayane jāgare tathā || 61.27 ||

-- 'आपका वचन कभी मिथ्या नहीं हो सकता, यह निश्चित है कि यह सोएगा ही। किन्तु इसके सोने और जागने के लिए कोई काल-सीमा निर्धारित कर दीजिए।'

श्लोक 28 (yuddha.61.28)

रावणस्य वचः श्रुत्वा स्वयंभूरिदमब्रवीत्। शयिता ह्येष षण्मासमेकाहं जागरिष्यति ॥ 61.28 ॥

rāvaṇasya vacaḥ śrutvā svayaṃbhūridamabravīt| śayitā hyeṣa ṣaṇmāsamekāhaṃ jāgariṣyati || 61.28 ||

रावण की यह बात सुनकर स्वयंभू ब्रह्मा ने कहा -- 'यह छह मास सोएगा और एक दिन जागेगा।'

श्लोक 29 (yuddha.61.29)

एकेनाह्ना त्वसौ वीरश्चरन् भूमिं बुभुक्षितः। व्यात्तास्यो भक्षयेल्लोकान् संवृद्ध इव पावकः ॥ 61.29 ॥

ekenāhnā tvasau vīraścaran bhūmiṃ bubhukṣitaḥ| vyāttāsyo bhakṣayellokān saṃvṛddha iva pāvakaḥ || 61.29 ||

-- 'उस एक दिन में यह वीर भूखा होकर पृथ्वी पर विचरण करेगा और मुँह फाड़कर प्रज्वलित अग्नि के समान प्राणियों को निगल जाएगा।'

श्लोक 30 (yuddha.61.30)

सोऽसौ व्यसनमापन्नः कुम्भकर्णमबोधयत्। त्वत्पराक्रमभीतश्च राजा सम्प्रति रावणः ॥ 61.30 ॥

so'sau vyasanamāpannaḥ kumbhakarṇamabodhayat| tvatparākramabhītaśca rājā samprati rāvaṇaḥ || 61.30 ||

-- 'हे राम, अब वही रावण, संकट में पड़ा और आपके पराक्रम से भयभीत होकर, कुम्भकर्ण को जगा चुका है।'

श्लोक 31 (yuddha.61.31)

स एष निर्गतो वीरः शिबिराद् भीमविक्रमः। वानरान् भृशसंक्रुद्धो भक्षयन् परिधावति ॥ 61.31 ॥

sa eṣa nirgato vīraḥ śibirād bhīmavikramaḥ| vānarān bhṛśasaṃkruddho bhakṣayan paridhāvati || 61.31 ||

-- 'भीषण पराक्रमी यह वीर शिविर से निकल पड़ा है और अत्यन्त क्रुद्ध होकर वानरों को खाता हुआ इधर-उधर दौड़ रहा है।'

श्लोक 32 (yuddha.61.32)

कुम्भकर्णं समीक्ष्यैव हरयोऽद्य प्रदुद्रुवुः। कथमेनं रणे क्रुद्धं वारयिष्यन्ति वानराः ॥ 61.32 ॥

kumbhakarṇaṃ samīkṣyaiva harayo'dya pradudruvuḥ| kathamenaṃ raṇe kruddhaṃ vārayiṣyanti vānarāḥ || 61.32 ||

-- 'कुम्भकर्ण को देखते ही आज वानर भाग खड़े हुए हैं। युद्ध में क्रुद्ध हुए इसे वानर कैसे रोक पाएँगे?'

श्लोक 33 (yuddha.61.33)

उच्यन्तां वानराः सर्वे यन्त्रमेतत् समुच्छ्रितम्। इति विज्ञाय हरयो भविष्यन्तीह निर्भयाः ॥ 61.33 ॥

ucyantāṃ vānarāḥ sarve yantrametat samucchritam| iti vijñāya harayo bhaviṣyantīha nirbhayāḥ || 61.33 ||

-- 'सभी वानरों से कह दिया जाए कि यह तो बस एक विशाल यन्त्र उठकर आ रहा है -- यह जानकर वानर निर्भय हो जाएँगे।'

श्लोक 34 (yuddha.61.34)

विभीषणवचः श्रुत्वा हेतुमत् सुमुखोद्गतम्। उवाच राघवो वाक्यं नीलं सेनापतिं तदा ॥ 61.34 ॥

vibhīṣaṇavacaḥ śrutvā hetumat sumukhoda‍gatam| uvāca rāghavo vākyaṃ nīlaṃ senāpatiṃ tadā || 61.34 ||

विभीषण के सुविचारित और युक्तिसंगत वचन सुनकर राघव ने तब सेनापति नील से यह कहा --

श्लोक 35 (yuddha.61.35)

गच्छ सैन्यानि सर्वाणि व्यूह्य तिष्ठस्व पावके। द्वाराण्यादाय लङ्कायाश्चर्याश्चास्याथ संक्रमान् ॥ 61.35 ॥

gaccha sainyāni sarvāṇi vyūhya tiṣṭhasva pāvake| dvārāṇyādāya laṅkāyāścaryāścāsyātha saṃkramān || 61.35 ||

-- 'हे पावकिपुत्र, जाओ, समस्त सेनाओं की व्यूह-रचना करके खड़े हो जाओ। लंका के द्वारों, मार्गों और सेतुओं पर अधिकार कर लो।'

श्लोक 36 (yuddha.61.36)

शैलशृङ्गाणि वृक्षांश्च शिलाश्चाप्युपसंहरन्। भवन्तः सायुधाः सर्वे वानराः शैलपाणयः ॥ 61.36 ॥

śailaśṛṅgāṇi vṛkṣāṃśca śilāścāpyupasaṃharan| bhavantaḥ sāyudhāḥ sarve vānarāḥ śailapāṇayaḥ || 61.36 ||

-- 'पर्वत-शिखरों, वृक्षों और शिलाओं को भी एकत्र कर लो; सभी वानर शस्त्रयुक्त होकर हाथों में पर्वत-शिलाएँ लिए खड़े हों।'

श्लोक 37 (yuddha.61.37)

राघवेण समादिष्टो नीलो हरिचमूपतिः। शशास वानरानीकं यथावत् कपिकुञ्जरः ॥ 61.37 ॥

rāghaveṇa samādiṣṭo nīlo haricamūpatiḥ| śaśāsa vānarānīkaṃ yathāvat kapikuñjaraḥ || 61.37 ||

राघव द्वारा आदेश पाकर वानरसेनापति और कपिश्रेष्ठ नील ने यथाविधि वानर-सेना को व्यवस्थित किया।

श्लोक 38 (yuddha.61.38)

ततो गवाक्षः शरभो हनूमानङ्गदस्तथा। शैलशृङ्गाणि शैलाभा गृहीत्वा द्वारमभ्ययुः ॥ 61.38 ॥

tato gavākṣaḥ śarabho hanūmānaṅgadastathā| śailaśṛṅgāṇi śailābhā gṛhītvā dvāramabhyayuḥ || 61.38 ||

तब गवाक्ष, शरभ, हनुमान और अंगद, जो स्वयं पर्वत के समान थे, पर्वत-शिखरों को उठाकर द्वार की ओर बढ़ चले।

श्लोक 39 (yuddha.61.39)

रामवाक्यमुपश्रुत्य हरयो जितकाशिनः। पादपैरर्दयन् वीरा वानराः परवाहिनीम् ॥ 61.39 ॥

rāmavākyamupaśrutya harayo jitakāśinaḥ| pādapairardayan vīrā vānarāḥ paravāhinīm || 61.39 ||

राम के वचन सुनकर सदा विजयी वे वीर वानर वृक्षों से शत्रु-सेना को पीड़ित करने लगे।

श्लोक 40 (yuddha.61.40)

ततो हरीणां तदनीकमुग्रं। रराज शैलोद्यतवृक्षहस्तम्। गिरेः समीपानुगतं यथैव। महन्महाम्भोधरजालमुग्रम् ॥ 61.40 ॥

tato harīṇāṃ tadanīkamugraṃ| rarāja śailodyatavṛkṣahastam| gireḥ samīpānugataṃ yathaiva| mahanmahāmbhodharajālamugram || 61.40 ||

तब वह भयंकर वानर-सेना, हाथों में पर्वत-शिलाएँ और वृक्ष उठाए हुए, मानो किसी पर्वत के निकट घिर आए विशाल और भीषण मेघ-समूह के समान सुशोभित हुई।