हनुमान द्वारा निकुम्भ-वध

श्लोक 1 (yuddha.77.1)

निकुम्भो भ्रातरं दृष्ट्वा सुग्रीवेण निपातितम्। प्रदहन्निव कोपेन वानरेन्द्रमुदैक्षत ॥ 77.1 ॥

nikumbho bhrātaraṃ dṛṣṭvā sugrīveṇa nipātitam| pradahanniva kopena vānarendramudaikṣata || 77.1 ||

अपने भाई को सुग्रीव द्वारा भूमि पर गिराया देखकर, निकुम्भ क्रोध से मानो जल उठा और वानरराज को इस प्रकार घूरने लगा मानो उसे भस्म कर देगा।

श्लोक 2 (yuddha.77.2)

ततः स्रग्दामसंनद्धं दत्तपञ्चाङ्गुलं शुभम्। आददे परिघं धीरो महेन्द्रशिखरोपमम् ॥ 77.2 ॥

tataḥ sragdāmasaṃnaddhaṃ dattapañcāṅgulaṃ śubham| ādade parighaṃ dhīro mahendraśikharopamam || 77.2 ||

तब धैर्यवान निकुम्भ ने अपनी वह तेजस्वी लौह-गदा उठाई, जो मालाओं से सुसज्जित थी, पाँच अंगुल मोटी पट्टियों से जड़ी थी और महेन्द्र पर्वत के शिखर के समान विशाल थी।

श्लोक 3 (yuddha.77.3)

हेमपट्टपरिक्षिप्तं वज्रविद्रुमभूषितम्। यमदण्डोपमं भीमं रक्षसां भयनाशनम् ॥ 77.3 ॥

hemapaṭṭaparikṣiptaṃ vajravidrumabhūṣitam| yamadaṇḍopamaṃ bhīmaṃ rakṣasāṃ bhayanāśanam || 77.3 ||

वह स्वर्ण-पट्टी से आवृत तथा हीरों और मूँगों से अलंकृत गदा यमराज के दण्ड के समान भयंकर थी; वह वानरों में भय उत्पन्न करती और राक्षसों के भय का नाश करती थी।

श्लोक 4 (yuddha.77.4)

तमाविध्य महातेजाः शक्रध्वजसमौजसम्। निननाद विवृत्तास्यो निकुम्भो भीमविक्रमः ॥ 77.4 ॥

tamāvidhya mahātejāḥ śakradhvajasamaujasam| ninanāda vivṛttāsyo nikumbho bhīmavikramaḥ || 77.4 ||

इन्द्र की ध्वजा के समान तेजस्वी उस गदा को घुमाते हुए, महातेजस्वी और भयंकर पराक्रमी निकुम्भ ने मुख फैलाकर गर्जना की।

श्लोक 5 (yuddha.77.5)

उरोगतेन निष्केण भुजस्थैरङ्गदैरपि। कुण्डलाभ्यां च चित्राभ्यां मालया च सचित्रया ॥ 77.5 ॥

urogatena niṣkeṇa bhujasthairaṅgadairapi| kuṇḍalābhyāṃ ca citrābhyāṃ mālayā ca sacitrayā || 77.5 ||

उसके वक्षस्थल पर स्वर्ण का पदक शोभित था, भुजाओं पर सुंदर अंगद (बाजूबंद) थे, कानों में चित्रित कुण्डल और गले में विचित्र माला सुशोभित थी।

श्लोक 6 (yuddha.77.6)

निकुम्भो भूषणैर्भाति तेन स्म परिघेण च। यथेन्द्रधनुषा मेघः सविद्युत्स्तनयित्नुमान् ॥ 77.6 ॥

nikumbho bhūṣaṇairbhāti tena sma parigheṇa ca| yathendradhanuṣā meghaḥ savidyutstanayitnumān || 77.6 ||

उन आभूषणों और उस गदा के साथ निकुम्भ ऐसा शोभायमान हो रहा था जैसे इन्द्रधनुष सहित बिजली और गर्जना वाला मेघ।

श्लोक 7 (yuddha.77.7)

परिघाग्रेण पुस्फोट वातग्रन्थिर्महात्मनः। प्रजज्वाल सघोषश्च विधूम इव पावकः ॥ 77.7 ॥

parighāgreṇa pusphoṭa vātagranthirmahātmanaḥ| prajajvāla saghoṣaśca vidhūma iva pāvakaḥ || 77.7 ||

उस महाबली निकुम्भ की गदा के अग्रभाग से वायु का एक बवण्डर-सा फूट पड़ा, और वह धूमरहित अग्नि के समान गर्जना के साथ प्रज्वलित हो उठी।

श्लोक 8 (yuddha.77.8)

नगर्या विटपावत्या गन्धर्वभवनोत्तमैः। सतारागणनक्षत्रं सचन्द्रसमहाग्रहम्। निकुम्भपरिघाघूर्णं भ्रमतीव नभस्थलम् ॥ 77.8 ॥

nagaryā viṭapāvatyā gandharvabhavanottamaiḥ| satārāgaṇanakṣatraṃ sacandrasamahāgraham| nikumbhaparighāghūrṇaṃ bhramatīva nabhasthalam || 77.8 ||

निकुम्भ की गदा के घुमाव से आकाश ऐसा घूमता प्रतीत होता था मानो गन्धर्वों के उत्तम भवनों सहित अलकापुरी, नक्षत्रों, ग्रहों और चन्द्रमा के साथ आकाश-मण्डल में घूम रही हो।

श्लोक 9 (yuddha.77.9)

दुरासदश्च संजज्ञे परिघाभरणप्रभः। क्रोधेन्धनो निकुम्भाग्निर्युगान्ताग्निरिवोत्थितः ॥ 77.9 ॥

durāsadaśca saṃjajñe parighābharaṇaprabhaḥ| krodhendhano nikumbhāgniryugāntāgnirivotthitaḥ || 77.9 ||

निकुम्भ रूपी वह अग्नि, जिसकी ज्वाला उसकी गदा और आभूषणों की आभा थी और जिसका ईंधन उसका क्रोध था, प्रलयकाल की अग्नि के समान दुर्दम्य होकर प्रज्वलित हो उठी।

श्लोक 10 (yuddha.77.10)

राक्षसा वानराश्चापि न शेकुः स्पन्दितुं भयात्। हनुमांस्तु विवृत्योरस्तस्थौ प्रमुखतो बली ॥ 77.10 ॥

rākṣasā vānarāścāpi na śekuḥ spandituṃ bhayāt| hanumāṃstu vivṛtyorastasthau pramukhato balī || 77.10 ||

भय के कारण राक्षस और वानर दोनों ही हिल तक नहीं पा रहे थे, किन्तु बलवान हनुमान अपनी छाती खोलकर निकुम्भ के सम्मुख डटकर खड़े रहे।

श्लोक 11 (yuddha.77.11)

परिघोपमबाहुस्तु परिघं भास्करप्रभम्। बली बलवतस्तस्य पातयामास वक्षसि ॥ 77.11 ॥

parighopamabāhustu parighaṃ bhāskaraprabham| balī balavatastasya pātayāmāsa vakṣasi || 77.11 ||

तब गदा के समान (सुदृढ़) भुजाओं वाले बलवान निकुम्भ ने सूर्य के समान तेजस्वी अपनी गदा उस बलशाली हनुमान की छाती पर दे मारी।

श्लोक 12 (yuddha.77.12)

स्थिरे तस्योरसि व्यूढे परिघः शतधा कृतः। विकीर्यमाणः सहसा उल्काशतमिवाम्बरे ॥ 77.12 ॥

sthire tasyorasi vyūḍhe parighaḥ śatadhā kṛtaḥ| vikīryamāṇaḥ sahasā ulkāśatamivāmbare || 77.12 ||

किन्तु उसकी दृढ़ और विशाल छाती से टकराकर वह गदा तत्काल सौ टुकड़ों में टूट गई और आकाश में सैकड़ों उल्काओं के समान बिखर गई।

श्लोक 13 (yuddha.77.13)

स तु तेन प्रहारेण न चचाल महाकपिः। परिघेण समाधूतो यथा भूमिचलेऽचलः ॥ 77.13 ॥

sa tu tena prahāreṇa na cacāla mahākapiḥ| parigheṇa samādhūto yathā bhūmicale'calaḥ || 77.13 ||

उस गदा के प्रहार से आहत होने पर भी वह महाकपि तनिक भी नहीं डिगा, जैसे भूकम्प में भी पर्वत अडिग रहता है।

श्लोक 14 (yuddha.77.14)

स तथाभिहतस्तेन हनूमान् प्लवगोत्तमः। मुष्टिं संवर्तयामास बलेनातिमहाबलः ॥ 77.14 ॥

sa tathābhihatastena hanūmān plavagottamaḥ| muṣṭiṃ saṃvartayāmāsa balenātimahābalaḥ || 77.14 ||

इस प्रकार प्रहार सहकर, वानरश्रेष्ठ अत्यन्त बलशाली हनुमान ने पूरी शक्ति से अपनी मुट्ठी भींच ली।

श्लोक 15 (yuddha.77.15)

तमुद्यम्य महातेजा निकुम्भोरसि वीर्यवान्। अभिचिक्षेप वेगेन वेगवान् वायुविक्रमः ॥ 77.15 ॥

tamudyamya mahātejā nikumbhorasi vīryavān| abhicikṣepa vegena vegavān vāyuvikramaḥ || 77.15 ||

उस मुट्ठी को उठाकर, महातेजस्वी, पराक्रमी और वायु के समान वेगवान हनुमान ने पूरे वेग से निकुम्भ की छाती पर प्रहार किया।

श्लोक 16 (yuddha.77.16)

तत्र पुस्फोट वर्मास्य प्रसुस्राव च शोणितम्। मुष्टिना तेन संजज्ञे मेघे विद्युदिवोत्थिता ॥ 77.16 ॥

tatra pusphoṭa varmāsya prasusrāva ca śoṇitam| muṣṭinā tena saṃjajñe meghe vidyudivotthitā || 77.16 ||

उस प्रहार से उसका कवच वहीं फट गया और रक्त बह निकला—मानो मेघ में अचानक बिजली कौंध उठी हो।

श्लोक 17 (yuddha.77.17)

स तु तेन प्रहारेण निकुम्भो विचचाल च। स्वस्थश्चापि निजग्राह हनूमन्तं महाबलम् ॥ 77.17 ॥

sa tu tena prahāreṇa nikumbho vicacāla ca| svasthaścāpi nijagrāha hanūmantaṃ mahābalam || 77.17 ||

उस प्रहार से निकुम्भ डगमगा तो गया, परन्तु तुरन्त सँभलकर उसने महाबली हनुमान को जकड़ लिया।

श्लोक 18 (yuddha.77.18)

चुक्रुशुश्च तदा संख्ये भीमं लङ्कानिवासिनः। निकुम्भेनोद्यतं दृष्ट्वा हनूमन्तं महाबलम् ॥ 77.18 ॥

cukruśuśca tadā saṃkhye bhīmaṃ laṅkānivāsinaḥ| nikumbhenodyataṃ dṛṣṭvā hanūmantaṃ mahābalam || 77.18 ||

निकुम्भ द्वारा उठाए गए महाबली हनुमान को युद्धभूमि में देखकर लंकावासियों ने भयंकर हर्षनाद किया।

श्लोक 19 (yuddha.77.19)

स तथा ह्रियमाणोऽपि हनूमांस्तेन रक्षसा। आजघानानिलसुतो वज्रकल्पेन मुष्टिना ॥ 77.19 ॥

sa tathā hriyamāṇo'pi hanūmāṃstena rakṣasā| ājaghānānilasuto vajrakalpena muṣṭinā || 77.19 ||

उस राक्षस द्वारा इस प्रकार उठाए जाने पर भी, वायुपुत्र हनुमान ने वज्र के समान मुष्टि से उस पर प्रहार किया।

श्लोक 20 (yuddha.77.20)

आत्मानं मोक्षयित्वाथ क्षितावभ्यवपद्यत। हनूमानुन्ममाथाशु निकुम्भं मारुतात्मजः ॥ 77.20 ॥

ātmānaṃ mokṣayitvātha kṣitāvabhyavapadyata| hanūmānunmamāthāśu nikumbhaṃ mārutātmajaḥ || 77.20 ||

स्वयं को मुक्त करके, पवनपुत्र हनुमान तुरन्त भूमि पर उतर आए और निकुम्भ को पीटने लगे।

श्लोक 21 (yuddha.77.21)

निक्षिप्य परमायत्तो निकुम्भं निष्पिपेष च। उत्पत्य चास्य वेगेन पपातोरसि वेगवान् ॥ 77.21 ॥

nikṣipya paramāyatto nikumbhaṃ niṣpipeṣa ca| utpatya cāsya vegena papātorasi vegavān || 77.21 ||

पूरे बल से निकुम्भ को नीचे पटककर, वेगवान हनुमान उछलकर पूरे वेग से उसकी छाती पर गिरे और उसे कुचल डाला।

श्लोक 22 (yuddha.77.22)

परिगृह्य च बाहुभ्यां परिवृत्य शिरोधराम्। उत्पाटयामास शिरो भैरवं नदतो महत् ॥ 77.22 ॥

parigṛhya ca bāhubhyāṃ parivṛtya śirodharām| utpāṭayāmāsa śiro bhairavaṃ nadato mahat || 77.22 ||

दोनों हाथों से उसकी गर्दन पकड़कर और मरोड़कर, भयंकर गर्जना करते हुए निकुम्भ के उस विशाल सिर को उन्होंने उखाड़ फेंका।

श्लोक 23 (yuddha.77.23)

अथ निनदति सादिते निकुम्भे पवनसुतेन रणे बभूव युद्धम्। दशरथसुतराक्षसेन्द्रसून्वो- र्भृशतरमागतरोषयोः सुभीमम् ॥ 77.23 ॥

atha ninadati sādite nikumbhe pavanasutena raṇe babhūva yuddham| daśarathasutarākṣasendrasūnvo- rbhṛśataramāgataroṣayoḥ subhīmam || 77.23 ||

इस प्रकार गर्जना करते हुए निकुम्भ के पवनपुत्र हनुमान के हाथों युद्ध में मारे जाने पर, दशरथनन्दन राम और राक्षसराज के पुत्र के बीच, दोनों के अत्यन्त क्रुद्ध होने पर, एक भीषण युद्ध छिड़ गया।

श्लोक 24 (yuddha.77.24)

व्यपेते तु जीवे निकुम्भस्य हृष्टा विनेदुः प्लवंगा दिशः सस्वनुश्च। चचालेव चोर्वी पपातेव सा द्यौ- र्बलं राक्षसानां भयं चाविवेश ॥ 77.24 ॥

vyapete tu jīve nikumbhasya hṛṣṭā vineduḥ plavaṃgā diśaḥ sasvanuśca| cacāleva corvī papāteva sā dyau- rbalaṃ rākṣasānāṃ bhayaṃ cāviveśa || 77.24 ||

निकुम्भ के प्राण निकल जाने पर वानर हर्षित होकर गरज उठे, दिशाएँ गूँज उठीं, पृथ्वी मानो काँप उठी, आकाश मानो गिर पड़ा, और राक्षस-सेना में भय समा गया।