सुग्रीव द्वारा कुम्भ-वध

श्लोक 1 (yuddha.76.1)

प्रवृत्ते संकुले तस्मिन् घोरे वीरजनक्षये। अङ्गदः कम्पनं वीरमाससाद रणोत्सुकः ॥ 76.1 ॥

pravṛtte saṃkule tasmin ghore vīrajanakṣaye| aṅgadaḥ kampanaṃ vīramāsasāda raṇotsukaḥ || 76.1 ||

जब वह भयंकर युद्ध, जिसमें अनेक श्रेष्ठ वीर नष्ट हो रहे थे, चल रहा था, तब युद्ध के लिए उत्सुक अंगद वीर कम्पन पर टूट पड़े।

श्लोक 2 (yuddha.76.2)

आहूय सोऽङ्गदं कोपात् ताडयामास वेगितः। गदया कम्पनः पूर्वं स चचाल भृशाहतः ॥ 76.2 ॥

āhūya so'ṅgadaṃ kopāt tāḍayāmāsa vegitaḥ| gadayā kampanaḥ pūrvaṃ sa cacāla bhṛśāhataḥ || 76.2 ||

कम्पन ने अंगद को ललकारा और क्रोध से वेगपूर्वक पहले ही अपनी गदा से उन पर प्रहार कर दिया; उस भारी चोट से अंगद डगमगा गए।

श्लोक 3 (yuddha.76.3)

स संज्ञां प्राप्य तेजस्वी चिक्षेप शिखरं गिरेः। अर्दितश्च प्रहारेण कम्पनः पतितो भुवि ॥ 76.3 ॥

sa saṃjñāṃ prāpya tejasvī cikṣepa śikharaṃ gireḥ| arditaśca prahāreṇa kampanaḥ patito bhuvi || 76.3 ||

होश में आकर तेजस्वी अंगद ने एक पर्वत-शिखर उठाकर फेंका; उस प्रहार से आहत होकर कम्पन भूमि पर गिर पड़ा।

श्लोक 4 (yuddha.76.4)

ततस्तु कम्पनं दृष्ट्वा शोणिताक्षो हतं रणे। रथेनाभ्यपतत् क्षिप्रं तत्राङ्गदमभीतवत् ॥ 76.4 ॥

tatastu kampanaṃ dṛṣṭvā śoṇitākṣo hataṃ raṇe| rathenābhyapatat kṣipraṃ tatrāṅgadamabhītavat || 76.4 ||

तब कम्पन को युद्ध में मारा गया देखकर, शोणिताक्ष निडर होकर तुरन्त अपने रथ से अंगद की ओर झपटा।

श्लोक 5 (yuddha.76.5)

सोऽङ्गदं निशितैर्बाणैस्तदा विव्याध वेगितः। शरीरदारणैस्तीक्ष्णैः कालाग्निसमविग्रहैः ॥ 76.5 ॥

so'ṅgadaṃ niśitairbāṇaistadā vivyādha vegitaḥ| śarīradāraṇaistīkṣṇaiḥ kālāgnisamavigrahaiḥ || 76.5 ||

उसने तब वेगपूर्वक अंगद को तीक्ष्ण बाणों से बींध डाला, जो शरीर को चीर डालने वाले और प्रलयाग्नि के समान भयंकर थे।

श्लोक 6 (yuddha.76.6)

क्षुरक्षुरप्रनाराचैर्वत्सदन्तैः शिलीमुखैः। कर्णिशल्यविपाठैश्च बहुभिर्निशितैः शरैः ॥ 76.6 ॥

kṣurakṣurapranārācairvatsadantaiḥ śilīmukhaiḥ| karṇiśalyavipāṭhaiśca bahubhirniśitaiḥ śaraiḥ || 76.6 ||

क्षुर, क्षुरप्र, नाराच, वत्सदन्त, शिलीमुख, कर्णी, शल्य और विपाठ नामक अनेक प्रकार के तीक्ष्ण बाणों से।

श्लोक 7 (yuddha.76.7)

अङ्गदः प्रतिविद्धाङ्गो वालिपुत्रः प्रतापवान्। धनुरुग्रं रथं बाणान् ममर्द तरसा बली ॥ 76.7 ॥

aṅgadaḥ pratividdhāṅgo vāliputraḥ pratāpavān| dhanurugraṃ rathaṃ bāṇān mamarda tarasā balī || 76.7 ||

सर्वांगों में बिंधा होने पर भी, वह पराक्रमी और तेजस्वी वालिपुत्र अंगद अपने बल से उस भयंकर धनुष, रथ और बाणों को कुचल डाला।

श्लोक 8 (yuddha.76.8)

शोणिताक्षस्ततः क्षिप्रमसिचर्म समाददे। उत्पपात तदा क्रुद्धो वेगवानविचारयन् ॥ 76.8 ॥

śoṇitākṣastataḥ kṣipramasicarma samādade| utpapāta tadā kruddho vegavānavicārayan || 76.8 ||

तब शोणिताक्ष ने तुरन्त तलवार और ढाल उठा ली, और क्रोधित होकर बिना कुछ सोचे-विचारे वेगपूर्वक उछल पड़ा।

श्लोक 9 (yuddha.76.9)

तं क्षिप्रतरमाप्लुत्य परामृश्याङ्गदो बली। करेण तस्य तं खड्गं समाच्छिद्य ननाद च ॥ 76.9 ॥

taṃ kṣiprataramāplutya parāmṛśyāṅgado balī| kareṇa tasya taṃ khaḍgaṃ samācchidya nanāda ca || 76.9 ||

और भी तेजी से उछलकर बलवान अंगद ने उसे पकड़ लिया, अपने हाथ से उसकी तलवार छीन ली और सिंह-गर्जना की।

श्लोक 10 (yuddha.76.10)

तस्यांसफलके खड्गं निजघान ततोऽङ्गदः। यज्ञोपवीतवच्चैनं चिच्छेद कपिकुञ्जरः ॥ 76.10 ॥

tasyāṃsaphalake khaḍgaṃ nijaghāna tato'ṅgadaḥ| yajñopavītavaccainaṃ ciccheda kapikuñjaraḥ || 76.10 ||

तत्पश्चात अंगद ने उसी तलवार को उसके कंधे में घोंप दिया, और उस कपिश्रेष्ठ ने उसे यज्ञोपवीत की भाँति तिरछा काट डाला।

श्लोक 11 (yuddha.76.11)

तं प्रगृह्य महाखड्गं विनद्य च पुनः पुनः। वालिपुत्रोऽभिदुद्राव रणशीर्षे परानरीन् ॥ 76.11 ॥

taṃ pragṛhya mahākhaḍgaṃ vinadya ca punaḥ punaḥ| vāliputro'bhidudrāva raṇaśīrṣe parānarīn || 76.11 ||

उस विशाल तलवार को पकड़कर और बार-बार गर्जना करते हुए, वालिपुत्र रणभूमि के अग्रभाग में शेष शत्रुओं पर टूट पड़े।

श्लोक 12 (yuddha.76.12)

प्रजङ्घसहितो वीरो यूपाक्षस्तु ततो बली। रथेनाभिययौ क्रुद्धो वालिपुत्रं महाबलम् ॥ 76.12 ॥

prajaṅghasahito vīro yūpākṣastu tato balī| rathenābhiyayau kruddho vāliputraṃ mahābalam || 76.12 ||

तब पराक्रमी और बलशाली यूपाक्ष, प्रजंघ के साथ मिलकर क्रोधपूर्वक अपने रथ से महाबली वालिपुत्र की ओर बढ़ा।

श्लोक 13 (yuddha.76.13)

आयसीं तु गदां गृह्य स वीरः कनकाङ्गदः। शोणिताक्षः समाश्वस्य तमेवानुपपात ह ॥ 76.13 ॥

āyasīṃ tu gadāṃ gṛhya sa vīraḥ kanakāṅgadaḥ| śoṇitākṣaḥ samāśvasya tamevānupapāta ha || 76.13 ||

स्वर्ण-कड़े पहने वह वीर शोणिताक्ष सचेत होकर एक लौह-गदा उठाकर पुनः उसी अंगद पर झपटा।

श्लोक 14 (yuddha.76.14)

प्रजङ्घस्तु महावीरो यूपाक्षसहितो बली। गदयाभिययौ क्रुद्धो वालिपुत्रं महाबलम् ॥ 76.14 ॥

prajaṅghastu mahāvīro yūpākṣasahito balī| gadayābhiyayau kruddho vāliputraṃ mahābalam || 76.14 ||

महावीर और बलशाली प्रजंघ भी यूपाक्ष के साथ क्रोधपूर्वक अपनी गदा लेकर महाबली वालिपुत्र की ओर बढ़ा।

श्लोक 15 (yuddha.76.15)

तयोर्मध्ये कपिश्रेष्ठः शोणिताक्षप्रजङ्घयोः। विशाखयोर्मध्यगतः पूर्णचन्द्र इवाबभौ ॥ 76.15 ॥

tayormadhye kapiśreṣṭhaḥ śoṇitākṣaprajaṅghayoḥ| viśākhayormadhyagataḥ pūrṇacandra ivābabhau || 76.15 ||

शोणिताक्ष और प्रजंघ के बीच खड़े वानरश्रेष्ठ अंगद विशाखा नक्षत्र के दो तारों के मध्य स्थित पूर्ण चन्द्रमा के समान शोभित हो रहे थे।

श्लोक 16 (yuddha.76.16)

अङ्गदं परिरक्षन्तौ मैन्दो द्विविद एव च। तस्य तस्थतुरभ्याशे परस्परदिदृक्षया ॥ 76.16 ॥

aṅgadaṃ parirakṣantau maindo dvivida eva ca| tasya tasthaturabhyāśe parasparadidṛkṣayā || 76.16 ||

अंगद की रक्षा करते हुए मैन्द और द्विविद, एक-दूसरे का पराक्रम देखने की इच्छा से, उनके निकट ही खड़े हो गए।

श्लोक 17 (yuddha.76.17)

अभिपेतुर्महाकायाः प्रतियत्ता महाबलाः। राक्षसा वानरान् रोषादसिबाणगदाधराः ॥ 76.17 ॥

abhipeturmahākāyāḥ pratiyattā mahābalāḥ| rākṣasā vānarān roṣādasibāṇagadādharāḥ || 76.17 ||

वे विशालकाय और महाबली राक्षस पूरी तैयारी के साथ, क्रोधपूर्वक तलवार, बाण और गदाएँ लिए वानरों पर टूट पड़े।

श्लोक 18 (yuddha.76.18)

त्रयाणां वानरेन्द्राणां त्रिभी राक्षसपुंगवैः। संसक्तानां महद् युद्धमभवद् रोमहर्षणम् ॥ 76.18 ॥

trayāṇāṃ vānarendrāṇāṃ tribhī rākṣasapuṃgavaiḥ| saṃsaktānāṃ mahad yuddhamabhavad romaharṣaṇam || 76.18 ||

तीनों वानरश्रेष्ठों का तीनों श्रेष्ठ राक्षसों से सम्मुख होने पर एक भीषण और रोमांचकारी युद्ध छिड़ गया।

श्लोक 19 (yuddha.76.19)

ते तु वृक्षान् समादाय सम्प्रचिक्षिपुराहवे। खड्गेन प्रतिचिक्षेप तान् प्रजङ्घो महाबलः ॥ 76.19 ॥

te tu vṛkṣān samādāya sampracikṣipurāhave| khaḍgena praticikṣepa tān prajaṅgho mahābalaḥ || 76.19 ||

उन वानरों ने वृक्षों को उखाड़कर युद्ध में फेंका; परन्तु महाबली प्रजंघ ने उन्हें अपनी तलवार से काट डाला।

श्लोक 20 (yuddha.76.20)

रथानश्वान् द्रुमाञ्छैलान् प्रतिचिक्षिपुराहवे। शरौघैः प्रतिचिच्छेद तान् यूपाक्षो महाबलः ॥ 76.20 ॥

rathānaśvān drumāñchailān praticikṣipurāhave| śaraughaiḥ praticiccheda tān yūpākṣo mahābalaḥ || 76.20 ||

उन्होंने युद्ध में रथों और घोड़ों पर वृक्ष और शिलाएँ फेंकीं; महाबली यूपाक्ष ने बाणों की झड़ी से उन्हें काट डाला।

श्लोक 21 (yuddha.76.21)

सृष्टान् द्विविदमैन्दाभ्यां द्रुमानुत्पाट्य वीर्यवान्। बभञ्ज गदया मध्ये शोणिताक्षः प्रतापवान् ॥ 76.21 ॥

sṛṣṭān dvividamaindābhyāṃ drumānutpāṭya vīryavān| babhañja gadayā madhye śoṇitākṣaḥ pratāpavān || 76.21 ||

पराक्रमी और तेजस्वी शोणिताक्ष ने द्विविद और मैन्द द्वारा उखाड़कर फेंके गए वृक्षों को अपनी गदा से बीच में ही तोड़ डाला।

श्लोक 22 (yuddha.76.22)

उद्यम्य विपुलं खड्गं परमर्मविदारणम्। प्रजङ्घो वालिपुत्राय अभिदुद्राव वेगितः ॥ 76.22 ॥

udyamya vipulaṃ khaḍgaṃ paramarmavidāraṇam| prajaṅgho vāliputrāya abhidudrāva vegitaḥ || 76.22 ||

वज्रों को चीर डालने वाली अपनी विशाल तलवार उठाकर, प्रजंघ वेगपूर्वक वालिपुत्र की ओर दौड़ा।

श्लोक 23 (yuddha.76.23)

तमभ्याशगतं दृष्ट्वा वानरेन्द्रो महाबलः। आजघानाश्वकर्णेन द्रुमेणातिबलस्तदा ॥ 76.23 ॥

tamabhyāśagataṃ dṛṣṭvā vānarendro mahābalaḥ| ājaghānāśvakarṇena drumeṇātibalastadā || 76.23 ||

उसे निकट आते देख, महाबली और अत्यंत बलशाली वानरराज ने उसी क्षण अश्वकर्ण वृक्ष से उस पर प्रहार किया।

श्लोक 24 (yuddha.76.24)

बाहुं चास्य सनिस्त्रिंशमाजघान स मुष्टिना। वालिपुत्रस्य घातेन स पपात क्षितावसिः ॥ 76.24 ॥

bāhuṃ cāsya sanistriṃśamājaghāna sa muṣṭinā| vāliputrasya ghātena sa papāta kṣitāvasiḥ || 76.24 ||

और अपनी मुट्ठी से उन्होंने प्रजंघ की तलवार वाली भुजा पर प्रहार किया; वालिपुत्र के उस प्रहार से तलवार भूमि पर गिर पड़ी।

श्लोक 25 (yuddha.76.25)

तं दृष्ट्वा पतितं भूमौ खड्गं मुसलसंनिभम्। मुष्टिं संवर्तयामास वज्रकल्पं महाबलः ॥ 76.25 ॥

taṃ dṛṣṭvā patitaṃ bhūmau khaḍgaṃ musalasaṃnibham| muṣṭiṃ saṃvartayāmāsa vajrakalpaṃ mahābalaḥ || 76.25 ||

उस मूसल के समान तलवार को भूमि पर गिरा हुआ देखकर, महाबली प्रजंघ ने वज्र के समान अपनी मुट्ठी कस ली।

श्लोक 26 (yuddha.76.26)

स ललाटे महावीर्यमङ्गदं वानरर्षभम्। आजघान महातेजाः स मुहूर्तं चचाल ह ॥ 76.26 ॥

sa lalāṭe mahāvīryamaṅgadaṃ vānararṣabham| ājaghāna mahātejāḥ sa muhūrtaṃ cacāla ha || 76.26 ||

उस महातेजस्वी ने महापराक्रमी वानरश्रेष्ठ अंगद के ललाट पर प्रहार किया; क्षणभर के लिए अंगद डगमगा गए।

श्लोक 27 (yuddha.76.27)

स संज्ञां प्राप्य तेजस्वी वालिपुत्रः प्रतापवान्। प्रजङ्घस्य शिरः कायात् पातयामास मुष्टिना ॥ 76.27 ॥

sa saṃjñāṃ prāpya tejasvī vāliputraḥ pratāpavān| prajaṅghasya śiraḥ kāyāt pātayāmāsa muṣṭinā || 76.27 ||

होश में आकर तेजस्वी और प्रतापी वालिपुत्र ने अपनी मुट्ठी से प्रजंघ का सिर धड़ से अलग कर दिया।

श्लोक 28 (yuddha.76.28)

स यूपाक्षोऽश्रुपूर्णाक्षः पितृव्ये निहते रणे। अवरुह्य रथात् क्षिप्रं क्षीणेषुः खड्गमाददे ॥ 76.28 ॥

sa yūpākṣo'śrupūrṇākṣaḥ pitṛvye nihate raṇe| avaruhya rathāt kṣipraṃ kṣīṇeṣuḥ khaḍgamādade || 76.28 ||

अपने चाचा को युद्ध में मारा गया देखकर, आँखों में आँसू भरे यूपाक्ष अपने बाण समाप्त हो जाने पर तुरन्त रथ से उतरकर तलवार उठा ली।

श्लोक 29 (yuddha.76.29)

तमापतन्तं सम्प्रेक्ष्य यूपाक्षं द्विविदस्त्वरन्। आजघानोरसि क्रुद्धो जग्राह च बलाद् बली ॥ 76.29 ॥

tamāpatantaṃ samprekṣya yūpākṣaṃ dvividastvaran| ājaghānorasi kruddho jagrāha ca balād balī || 76.29 ||

यूपाक्ष को अपनी ओर झपटता देख द्विविद ने तुरन्त और क्रोधपूर्वक उसकी छाती पर प्रहार किया और बलपूर्वक उसे जकड़ लिया।

श्लोक 30 (yuddha.76.30)

गृहीतं भ्रातरं दृष्ट्वा शोणिताक्षो महाबलः। आजघान महातेजा वक्षसि द्विविदं ततः ॥ 76.30 ॥

gṛhītaṃ bhrātaraṃ dṛṣṭvā śoṇitākṣo mahābalaḥ| ājaghāna mahātejā vakṣasi dvividaṃ tataḥ || 76.30 ||

अपने बलशाली भाई को जकड़ा हुआ देखकर, महातेजस्वी शोणिताक्ष ने तब द्विविद की छाती पर प्रहार किया।

श्लोक 31 (yuddha.76.31)

स ततोऽभिहतस्तेन चचाल च महाबलः। उद्यतां च पुनस्तस्य जहार द्विविदो गदाम् ॥ 76.31 ॥

sa tato'bhihatastena cacāla ca mahābalaḥ| udyatāṃ ca punastasya jahāra dvivido gadām || 76.31 ||

उससे आहत होकर वह महाबली द्विविद डगमगा गया; परन्तु जब उस पर पुनः गदा उठाई गई, तो द्विविद ने उसे छीन लिया।

श्लोक 32 (yuddha.76.32)

एतस्मिन्नन्तरे मैन्दो द्विविदाभ्याशमागमत्। यूपाक्षं ताडयामास तलेनोरसि वीर्यवान् ॥ 76.32 ॥

etasminnantare maindo dvividābhyāśamāgamat| yūpākṣaṃ tāḍayāmāsa talenorasi vīryavān || 76.32 ||

इसी बीच मैन्द द्विविद के निकट आ पहुँचा, और उस पराक्रमी ने अपनी हथेली से यूपाक्ष की छाती पर प्रहार किया।

श्लोक 33 (yuddha.76.33)

तौ शोणिताक्षयूपाक्षौ प्लवंगाभ्यां तरस्विनौ। चक्रतुः समरे तीव्रमाकर्षोत्पाटनं भृशम् ॥ 76.33 ॥

tau śoṇitākṣayūpākṣau plavaṃgābhyāṃ tarasvinau| cakratuḥ samare tīvramākarṣotpāṭanaṃ bhṛśam || 76.33 ||

शोणिताक्ष और यूपाक्ष, दोनों वेगवान, युद्ध में उन दोनों वानरों के साथ घोर खींचतान और मरोड़ाई करने लगे।

श्लोक 34 (yuddha.76.34)

द्विविदः शोणिताक्षं तु विददार नखैर्मुखे। निष्पिपेष स वीर्येण क्षितावाविध्य वीर्यवान् ॥ 76.34 ॥

dvividaḥ śoṇitākṣaṃ tu vidadāra nakhairmukhe| niṣpipeṣa sa vīryeṇa kṣitāvāvidhya vīryavān || 76.34 ||

द्विविद ने अपने नखों से शोणिताक्ष का मुख चीर डाला; फिर उसने पूरे बल से उसे भूमि पर पटककर कुचल डाला।

श्लोक 35 (yuddha.76.35)

यूपाक्षमभिसंक्रुद्धो मैन्दो वानरपुङ्गवः। पीडयामास बाहुभ्यां पपात स हतः क्षितौ ॥ 76.35 ॥

yūpākṣamabhisaṃkruddho maindo vānarapuṅgavaḥ| pīḍayāmāsa bāhubhyāṃ papāta sa hataḥ kṣitau || 76.35 ||

वानरश्रेष्ठ मैन्द ने अत्यंत क्रोधित होकर यूपाक्ष को अपनी दोनों भुजाओं से भींच डाला; मारा गया यूपाक्ष भूमि पर गिर पड़ा।

श्लोक 36 (yuddha.76.36)

हतप्रवीरा व्यथिता राक्षसेन्द्रचमूस्तथा। जगामाभिमुखी सा तु कुम्भकर्णात्मजो यतः ॥ 76.36 ॥

hatapravīrā vyathitā rākṣasendracamūstathā| jagāmābhimukhī sā tu kumbhakarṇātmajo yataḥ || 76.36 ||

अपने वीरों के मारे जाने से व्यथित हुई वह राक्षस-सेना उस दिशा की ओर मुड़ गई जहाँ कुम्भकर्ण-पुत्र कुम्भ खड़ा था।

श्लोक 37 (yuddha.76.37)

आपतन्तीं च वेगेन कुम्भस्तां सान्त्वयच्चमूम्। अथोत्कृष्टं महावीर्यैर्लब्धलक्षैः प्लवंगमैः ॥ 76.37 ॥

āpatantīṃ ca vegena kumbhastāṃ sāntvayaccamūm| athotkṛṣṭaṃ mahāvīryairlabdhalakṣaiḥ plavaṃgamaiḥ || 76.37 ||

कुम्भ ने वेग से आती हुई उस सेना को धीरज बंधाया; फिर उसे महापराक्रमी और निशाना साधने में सफल वानरों द्वारा तितर-बितर देखकर,

श्लोक 38 (yuddha.76.38)

निपातितमहावीरां दृष्ट्वा रक्षश्चमूं तदा। कुम्भः प्रचक्रे तेजस्वी रणे कर्म सुदुष्करम् ॥ 76.38 ॥

nipātitamahāvīrāṃ dṛṣṭvā rakṣaścamūṃ tadā| kumbhaḥ pracakre tejasvī raṇe karma suduṣkaram || 76.38 ||

—राक्षस-सेना के महावीरों को इस प्रकार गिरा हुआ देखकर, तेजस्वी कुम्भ ने रणभूमि में एक अत्यंत दुष्कर कार्य करने का संकल्प किया।

श्लोक 39 (yuddha.76.39)

स धनुर्धन्विनां श्रेष्ठः प्रगृह्य सुसमाहितः। मुमोचाशीविषप्रख्याञ्छरान् देहविदारणान् ॥ 76.39 ॥

sa dhanurdhanvināṃ śreṣṭhaḥ pragṛhya susamāhitaḥ| mumocāśīviṣaprakhyāñcharān dehavidāraṇān || 76.39 ||

धनुर्धरों में श्रेष्ठ उस कुम्भ ने पूर्ण एकाग्रता से अपना धनुष उठाकर, विषधर सर्पों के समान शरीर को चीर डालने वाले बाण छोड़े।

श्लोक 40 (yuddha.76.40)

तस्य तच्छुशुभे भूयः सशरं धनुरुत्तमम्। विद्युदैरावतार्चिष्मद्द्वितीयेन्द्रधनुर्यथा ॥ 76.40 ॥

tasya tacchuśubhe bhūyaḥ saśaraṃ dhanuruttamam| vidyudairāvatārciṣmada‍‍्dvitīyendradhanuryathā || 76.40 ||

बाण चढ़ा हुआ उसका वह उत्तम धनुष बिजली और ऐरावत की आभा से युक्त मानो दूसरे इन्द्रधनुष के समान अत्यंत शोभायमान था।

श्लोक 41 (yuddha.76.41)

आकर्णकृष्टमुक्तेन जघान द्विविदं तदा। तेन हाटकपुङ्खेन पत्रिणा पत्रवाससा ॥ 76.41 ॥

ākarṇakṛṣṭamuktena jaghāna dvividaṃ tadā| tena hāṭakapuṅkhena patriṇā patravāsasā || 76.41 ||

उस स्वर्ण-पंख वाले और पंखों से सुसज्जित बाण को कान तक खींचकर छोड़ते हुए, उसने द्विविद पर प्रहार किया।

श्लोक 42 (yuddha.76.42)

सहसाभिहतस्तेन विप्रमुक्तपदः स्फुरन्। निपपात त्रिकूटाभो विह्वलन् प्लवगोत्तमः ॥ 76.42 ॥

sahasābhihatastena vipramuktapadaḥ sphuran| nipapāta trikūṭābho vihvalan plavagottamaḥ || 76.42 ||

उससे अचानक आहत होकर, त्रिकूट पर्वत के समान तेजस्वी वह वानरश्रेष्ठ पैर डगमगाते हुए तड़पते हुए गिर पड़ा।

श्लोक 43 (yuddha.76.43)

मैन्दस्तु भ्रातरं तत्र भग्नं दृष्ट्वा महाहवे। अभिदुद्राव वेगेन प्रगृह्य विपुलां शिलाम् ॥ 76.43 ॥

maindastu bhrātaraṃ tatra bhagnaṃ dṛṣṭvā mahāhave| abhidudrāva vegena pragṛhya vipulāṃ śilām || 76.43 ||

उस महासमर में अपने भाई को इस प्रकार गिरा हुआ देखकर, मैन्द एक विशाल शिला उठाकर वेगपूर्वक दौड़ पड़ा।

श्लोक 44 (yuddha.76.44)

तां शिलां तु प्रचिक्षेप राक्षसाय महाबलः। बिभेद तां शिलां कुम्भः प्रसन्नैः पञ्चभिः शरैः ॥ 76.44 ॥

tāṃ śilāṃ tu pracikṣepa rākṣasāya mahābalaḥ| bibheda tāṃ śilāṃ kumbhaḥ prasannaiḥ pañcabhiḥ śaraiḥ || 76.44 ||

उस महाबली मैन्द ने वह शिला राक्षस पर फेंकी; कुम्भ ने उस शिला को अपने पाँच स्वच्छ बाणों से चूर-चूर कर दिया।

श्लोक 45 (yuddha.76.45)

संधाय चान्यं सुमुखं शरमाशीविषोपमम्। आजघान महातेजा वक्षसि द्विविदाग्रजम् ॥ 76.45 ॥

saṃdhāya cānyaṃ sumukhaṃ śaramāśīviṣopamam| ājaghāna mahātejā vakṣasi dvividāgrajam || 76.45 ||

एक और तीक्ष्ण-मुख वाला, विषधर सर्प के समान बाण चढ़ाकर, उस महातेजस्वी कुम्भ ने द्विविद के बड़े भाई मैन्द की छाती पर प्रहार किया।

श्लोक 46 (yuddha.76.46)

स तु तेन प्रहारेण मैन्दो वानरयूथपः। मर्मण्यभिहतस्तेन पपात भुवि मूर्च्छितः ॥ 76.46 ॥

sa tu tena prahāreṇa maindo vānarayūthapaḥ| marmaṇyabhihatastena papāta bhuvi mūrcchitaḥ || 76.46 ||

उस प्रहार से मर्मस्थल पर आहत होकर, वानरसेनापति मैन्द भूमि पर मूर्छित होकर गिर पड़े।

श्लोक 47 (yuddha.76.47)

अङ्गदो मातुलौ दृष्ट्वा मथितौ तु महाबलौ। अभिदुद्राव वेगेन कुम्भमुद्यतकार्मुकम् ॥ 76.47 ॥

aṅgado mātulau dṛṣṭvā mathitau tu mahābalau| abhidudrāva vegena kumbhamudyatakārmukam || 76.47 ||

अपने दोनों बलशाली मामाओं को इस प्रकार आहत देखकर, अंगद धनुष उठाए खड़े कुम्भ की ओर वेगपूर्वक दौड़ पड़े।

श्लोक 48 (yuddha.76.48)

तमापतन्तं विव्याध कुम्भः पञ्चभिरायसैः। त्रिभिश्चान्यैः शितैर्बाणैर्मातंगमिव तोमरैः। सोऽङ्गदं बहुभिर्बाणैः कुम्भो विव्याध वीर्यवान् ॥ 76.48 ॥

tamāpatantaṃ vivyādha kumbhaḥ pañcabhirāyasaiḥ| tribhiścānyaiḥ śitairbāṇairmātaṃgamiva tomaraiḥ| so'ṅgadaṃ bahubhirbāṇaiḥ kumbho vivyādha vīryavān || 76.48 ||

आगे बढ़ते हुए अंगद को कुम्भ ने पाँच लौह-बाणों से और तीन अन्य तीक्ष्ण बाणों से भी बींध डाला—मानो किसी गजराज को अंकुशों से हांका जा रहा हो; इस प्रकार पराक्रमी कुम्भ ने अंगद को अनेक बाणों से घायल कर दिया।

श्लोक 49 (yuddha.76.49)

अकुण्ठधारैर्निशितैस्तीक्ष्णैः कनकभूषणैः। अङ्गदः प्रतिविद्धाङ्गो वालिपुत्रो न कम्पते ॥ 76.49 ॥

akuṇṭhadhārairniśitaistīkṣṇaiḥ kanakabhūṣaṇaiḥ| aṅgadaḥ pratividdhāṅgo vāliputro na kampate || 76.49 ||

उन तीक्ष्ण, अकुण्ठित धार वाले और स्वर्ण से अलंकृत बाणों से सर्वांग बिंधने पर भी, वालिपुत्र अंगद तनिक भी विचलित नहीं हुए।

श्लोक 50 (yuddha.76.50)

शिलापादपवर्षाणि तस्य मूर्ध्नि ववर्ष ह। स प्रचिच्छेद तान् सर्वान् बिभेद च पुनः शिलाः ॥ 76.50 ॥

śilāpādapavarṣāṇi tasya mūrdhni vavarṣa ha| sa praciccheda tān sarvān bibheda ca punaḥ śilāḥ || 76.50 ||

उन्होंने कुम्भ के सिर पर शिलाओं और वृक्षों की वर्षा कर दी; परन्तु कुम्भ ने उन सबको काट डाला और शिलाओं को भी पुनः चूर-चूर कर दिया।

श्लोक 51 (yuddha.76.51)

कुम्भकर्णात्मजः श्रीमान् वालिपुत्रसमीरितान्। आपतन्तं च सम्प्रेक्ष्य कुम्भो वानरयूथपम् ॥ 76.51 ॥

kumbhakarṇātmajaḥ śrīmān vāliputrasamīritān| āpatantaṃ ca samprekṣya kumbho vānarayūthapam || 76.51 ||

कुम्भकर्ण-पुत्र तेजस्वी कुम्भ ने, वानरसेनापति अंगद को अपनी ओर झपटता देखकर—और वालिपुत्र द्वारा फेंके गए उन वृक्षों का स्मरण करते हुए—

श्लोक 52 (yuddha.76.52)

भ्रुवौ विव्याध बाणाभ्यामुल्काभ्यामिव कुञ्जरम्। तस्य सुस्राव रुधिरं पिहिते चास्य लोचने ॥ 76.52 ॥

bhruvau vivyādha bāṇābhyāmulkābhyāmiva kuñjaram| tasya susrāva rudhiraṃ pihite cāsya locane || 76.52 ||

—दो बाणों से उसकी दोनों भौंहों को इस प्रकार बींध दिया मानो किसी हाथी को दो जलती मशालों से बींधा जा रहा हो; उससे रक्त बहने लगा और उसकी आँखें रक्त से ढँककर अंधी हो गईं।

श्लोक 53 (yuddha.76.53)

अङ्गदः पाणिना नेत्रे पिधाय रुधिरोक्षिते। सालमासन्नमेकेन परिजग्राह पाणिना ॥ 76.53 ॥

aṅgadaḥ pāṇinā netre pidhāya rudhirokṣite| sālamāsannamekena parijagrāha pāṇinā || 76.53 ||

अंगद ने अपने रक्त से भीगे नेत्रों को एक हाथ से ढँक लिया और दूसरे हाथ से निकट खड़े एक साल वृक्ष को पकड़ लिया।

श्लोक 54 (yuddha.76.54)

सम्पीड्योरसि सस्कन्धं करेणाभिनिवेश्य च। किंचिदभ्यवनम्यैनमुन्ममाथ महारणे ॥ 76.54 ॥

sampīḍyorasi saskandhaṃ kareṇābhiniveśya ca| kiṃcidabhyavanamyainamunmamātha mahāraṇe || 76.54 ||

उस महासमर में उस वृक्ष को शाखाओं सहित अपनी छाती से दबाकर, हाथ से मजबूती से पकड़कर और थोड़ा झुककर, उन्होंने उसे उखाड़ डाला।

श्लोक 55 (yuddha.76.55)

तमिन्द्रकेतुप्रतिमं वृक्षं मन्दरसंनिभम्। समुत्सृजत वेगेन मिषतां सर्वरक्षसाम् ॥ 76.55 ॥

tamindraketupratimaṃ vṛkṣaṃ mandarasaṃnibham| samutsṛjata vegena miṣatāṃ sarvarakṣasām || 76.55 ||

इन्द्रध्वज के समान ऊँचे और मन्दराचल के समान विशाल उस वृक्ष को उन्होंने सभी राक्षसों के देखते-देखते पूरे वेग से फेंक दिया।

श्लोक 56 (yuddha.76.56)

स चिच्छेद शितैर्बाणैः सप्तभिः कायभेदनैः। अङ्गदो विव्यथेऽभीक्ष्णं स पपात मुमोह च ॥ 76.56 ॥

sa ciccheda śitairbāṇaiḥ saptabhiḥ kāyabhedanaiḥ| aṅgado vivyathe'bhīkṣṇaṃ sa papāta mumoha ca || 76.56 ||

कुम्भ ने उस वृक्ष को शरीर को चीर डालने वाले सात तीक्ष्ण बाणों से काट डाला; अंगद अत्यंत व्यथित होकर गिर पड़े और मूर्छित हो गए।

श्लोक 57 (yuddha.76.57)

अङ्गदं पतितं दृष्ट्वा सीदन्तमिव सागरे। दुरासदं हरिश्रेष्ठा राघवाय न्यवेदयन् ॥ 76.57 ॥

aṅgadaṃ patitaṃ dṛṣṭvā sīdantamiva sāgare| durāsadaṃ hariśreṣṭhā rāghavāya nyavedayan || 76.57 ||

दुर्जेय अंगद को इस प्रकार गिरा हुआ देखकर, मानो वे किसी सागर में डूब रहे हों, वानरश्रेष्ठों ने राम को यह समाचार दिया।

श्लोक 58 (yuddha.76.58)

रामस्तु व्यथितं श्रुत्वा वालिपुत्रं महाहवे। व्यादिदेश हरिश्रेष्ठाञ्जाम्बवत्प्रमुखांस्ततः ॥ 76.58 ॥

rāmastu vyathitaṃ śrutvā vāliputraṃ mahāhave| vyādideśa hariśreṣṭhāñjāmbavatpramukhāṃstataḥ || 76.58 ||

महासमर में वालिपुत्र के इस प्रकार व्यथित होने का समाचार सुनकर, राम ने तब जाम्बवान की अगुवाई में श्रेष्ठ वानरों को भेजा।

श्लोक 59 (yuddha.76.59)

ते तु वानरशार्दूलाः श्रुत्वा रामस्य शासनम्। अभिपेतुः सुसंक्रुद्धाः कुम्भमुद्यतकार्मुकम् ॥ 76.59 ॥

te tu vānaraśārdūlāḥ śrutvā rāmasya śāsanam| abhipetuḥ susaṃkruddhāḥ kumbhamudyatakārmukam || 76.59 ||

राम की आज्ञा सुनकर वे वानरश्रेष्ठ अत्यंत क्रोधित होकर धनुष उठाए खड़े कुम्भ पर टूट पड़े।

श्लोक 60 (yuddha.76.60)

ततो द्रुमशिलाहस्ताः कोपसंरक्तलोचनाः। रिरक्षिषन्तोऽभ्यपतन्नङ्गदं वानरर्षभाः ॥ 76.60 ॥

tato drumaśilāhastāḥ kopasaṃraktalocanāḥ| rirakṣiṣanto'bhyapatannaṅgadaṃ vānararṣabhāḥ || 76.60 ||

तब हाथों में वृक्ष और शिलाएँ लिए, क्रोध से लाल आँखों वाले वे वानरश्रेष्ठ अंगद की रक्षा की इच्छा से आगे बढ़े।

श्लोक 61 (yuddha.76.61)

जाम्बवांश्च सुषेणश्च वेगदर्शी च वानरः। कुम्भकर्णात्मजं वीरं क्रुद्धाः समभिदुद्रुवुः ॥ 76.61 ॥

jāmbavāṃśca suṣeṇaśca vegadarśī ca vānaraḥ| kumbhakarṇātmajaṃ vīraṃ kruddhāḥ samabhidudruvuḥ || 76.61 ||

जाम्बवान, सुषेण और वानर वेगदर्शी, तीनों क्रोधित होकर कुम्भकर्ण-पुत्र वीर कुम्भ पर एक साथ टूट पड़े।

श्लोक 62 (yuddha.76.62)

समीक्ष्यापततस्तांस्तु वानरेन्द्रान् महाबलान्। आववार शरौघेण नगेनेव जलाशयम् ॥ 76.62 ॥

samīkṣyāpatatastāṃstu vānarendrān mahābalān| āvavāra śaraugheṇa nageneva jalāśayam || 76.62 ||

उन महाबली वानरश्रेष्ठों को अपनी ओर झपटता देखकर, कुम्भ ने बाणों की बाढ़ से उन्हें उसी प्रकार रोक दिया जैसे कोई पर्वत जलाशय को रोक देता है।

श्लोक 63 (yuddha.76.63)

तस्य बाणपथं प्राप्य न शेकुरपि वीक्षितुम्। वानरेन्द्रा महात्मानो वेलामिव महोदधिः ॥ 76.63 ॥

tasya bāṇapathaṃ prāpya na śekurapi vīkṣitum| vānarendrā mahātmāno velāmiva mahodadhiḥ || 76.63 ||

उसके बाणों की परास में आकर वे महान वानरश्रेष्ठ उसकी ओर देख तक न सके—मानो विशाल सागर अपनी तटरेखा को लांघ न सके।

श्लोक 64 (yuddha.76.64)

तांस्तु दृष्ट्वा हरिगणान् शरवृष्टिभिरर्दितान्। अङ्गदं पृष्ठतः कृत्वा भ्रातृजं प्लवगेश्वरः ॥ 76.64 ॥

tāṃstu dṛṣṭvā harigaṇān śaravṛṣṭibhirarditān| aṅgadaṃ pṛṣṭhataḥ kṛtvā bhrātṛjaṃ plavageśvaraḥ || 76.64 ||

बाणों की उस वर्षा से पीड़ित वानर-समूहों को देखकर, वानरराज सुग्रीव ने अपने भतीजे अंगद को पीछे कर,

श्लोक 65 (yuddha.76.65)

अभिदुद्राव सुग्रीवः कुम्भकर्णात्मजं रणे। शैलसानुचरं नागं वेगवानिव केसरी ॥ 76.65 ॥

abhidudrāva sugrīvaḥ kumbhakarṇātmajaṃ raṇe| śailasānucaraṃ nāgaṃ vegavāniva kesarī || 76.65 ||

—सुग्रीव युद्ध में कुम्भकर्ण-पुत्र कुम्भ पर उसी वेग से टूट पड़े जैसे कोई सिंह पर्वत की ढलानों पर विचरते हाथी पर झपटता है।

श्लोक 66 (yuddha.76.66)

उत्पाट्य च महावृक्षानश्वकर्णादिकान् बहून्। अन्यांश्च विविधान् वृक्षांश्चिक्षेप स महाकपिः ॥ 76.66 ॥

utpāṭya ca mahāvṛkṣānaśvakarṇādikān bahūn| anyāṃśca vividhān vṛkṣāṃścikṣepa sa mahākapiḥ || 76.66 ||

अश्वकर्ण आदि अनेक विशाल वृक्षों और अन्य नाना प्रकार के वृक्षों को उखाड़कर, उस महाकपि सुग्रीव ने उन्हें कुम्भ पर फेंक दिया।

श्लोक 67 (yuddha.76.67)

तां छादयन्तीमाकाशं वृक्षवृष्टिं दुरासदाम्। कुम्भकर्णात्मजः श्रीमांश्चिच्छेद स्वशरैः शितैः ॥ 76.67 ॥

tāṃ chādayantīmākāśaṃ vṛkṣavṛṣṭiṃ durāsadām| kumbhakarṇātmajaḥ śrīmāṃściccheda svaśaraiḥ śitaiḥ || 76.67 ||

आकाश को ढँक देने वाली और झेलने में दुष्कर उस वृक्ष-वर्षा को, तेजस्वी कुम्भकर्ण-पुत्र ने अपने तीक्ष्ण बाणों से काट डाला।

श्लोक 68 (yuddha.76.68)

अभिलक्ष्येण तीव्रेण कुम्भेन निशितैः शरैः। आचितास्ते द्रुमा रेजुर्यथा घोराः शतघ्नयः। द्रुमवर्षं तु तद् भिन्नं दृष्ट्वा कुम्भेन वीर्यवान् ॥ 76.68 ॥

abhilakṣyeṇa tīvreṇa kumbhena niśitaiḥ śaraiḥ| ācitāste drumā rejuryathā ghorāḥ śataghnayaḥ| drumavarṣaṃ tu tad bhinnaṃ dṛṣṭvā kumbhena vīryavān || 76.68 ||

उस निशाना साधने वाले, उग्र कुम्भ के तीक्ष्ण बाणों से बिंधे हुए वे वृक्ष भयंकर शतघ्नियों के समान चमकने लगे। किन्तु कुम्भ द्वारा उस वृक्ष-वर्षा को इस प्रकार खण्डित होते देखकर, वह पराक्रमी—

श्लोक 69 (yuddha.76.69)

वानराधिपतिः श्रीमान् महासत्त्वो न विव्यथे। स विध्यमानः सहसा सहमानस्तु ताञ्छरान् ॥ 76.69 ॥

vānarādhipatiḥ śrīmān mahāsattvo na vivyathe| sa vidhyamānaḥ sahasā sahamānastu tāñcharān || 76.69 ||

—तेजस्वी और महाबली वानरराज तनिक भी विचलित नहीं हुआ। अचानक बिंधने पर भी उन बाणों को सहते हुए,

श्लोक 70 (yuddha.76.70)

कुम्भस्य धनुराक्षिप्य बभञ्जेन्द्रधनुःप्रभम्। अवप्लुत्य ततः शीघ्रं कृत्वा कर्म सुदुष्करम् ॥ 76.70 ॥

kumbhasya dhanurākṣipya babhañjendradhanuḥprabham| avaplutya tataḥ śīghraṃ kṛtvā karma suduṣkaram || 76.70 ||

—उसने कुम्भ के इन्द्रधनुष के समान तेजस्वी धनुष को छीनकर तोड़ डाला; फिर उस अत्यंत कठिन कार्य को करते हुए वहाँ से शीघ्र ही उछलकर पीछे हट गया—

श्लोक 71 (yuddha.76.71)

अब्रवीत् कुपितः कुम्भं भग्नशृङ्गमिव द्विपम्। निकुम्भाग्रज वीर्यं ते बाणवेगं तदद्भुतम् ॥ 76.71 ॥

abravīt kupitaḥ kumbhaṃ bhagnaśṛṅgamiva dvipam| nikumbhāgraja vīryaṃ te bāṇavegaṃ tadadbhutam || 76.71 ||

—क्रोधित सुग्रीव ने टूटे हुए दाँत वाले हाथी के समान दिखते कुम्भ से कहा: "हे निकुम्भ के बड़े भाई, तुम्हारा पराक्रम और तुम्हारे बाणों का वेग सचमुच अद्भुत है—

श्लोक 72 (yuddha.76.72)

संनतिश्च प्रभावश्च तव वा रावणस्य वा। प्रह्लादबलिवृत्रघ्नकुबेरवरुणोपम ॥ 76.72 ॥

saṃnatiśca prabhāvaśca tava vā rāvaṇasya vā| prahlādabalivṛtraghnakuberavaruṇopama || 76.72 ||

—हे प्रह्लाद, बलि, वृत्रघ्न (इन्द्र), कुबेर और वरुण के समान तेजस्वी कुम्भ, बताओ यह महानता और यह प्रभाव तुम्हारा अपना है या रावण का?

श्लोक 73 (yuddha.76.73)

एकस्त्वमनुजातोऽसि पितरं बलवत्तरम्। त्वामेवैकं महाबाहुं शूलहस्तमरिंदमम् ॥ 76.73 ॥

ekastvamanujāto'si pitaraṃ balavattaram| tvāmevaikaṃ mahābāhuṃ śūlahastamariṃdamam || 76.73 ||

तुम अकेले ही अपने अत्यंत बलवान पिता के सच्चे प्रतिरूप बनकर जन्मे हो — तुम, हे महाबाहु, शूलधारी, शत्रुदमन,

श्लोक 74 (yuddha.76.74)

त्रिदशा नातिवर्तन्ते जितेन्द्रियमिवाधयः। विक्रमस्व महाबुद्धे कर्माणि मम पश्य च ॥ 76.74 ॥

tridaśā nātivartante jitendriyamivādhayaḥ| vikramasva mahābuddhe karmāṇi mama paśya ca || 76.74 ||

—जिसे तीसों देवता भी नहीं जीत सकते, जैसे इन्द्रियजयी पुरुष को मानसिक व्यथाएँ नहीं जीत पातीं। हे महाबुद्धिमान, अब अपना पराक्रम दिखाओ और मेरे कर्मों को देखो!

श्लोक 75 (yuddha.76.75)

वरदानात् पितृव्यस्ते सहते देवदानवान्। कुम्भकर्णस्तु वीर्येण सहते च सुरासुरान् ॥ 76.75 ॥

varadānāt pitṛvyaste sahate devadānavān| kumbhakarṇastu vīryeṇa sahate ca surāsurān || 76.75 ||

तुम्हारा चाचा (रावण) वरदान के बल पर देवताओं और दानवों को सहन कर पाता है; परन्तु कुम्भकर्ण अपने ही पराक्रम से देवताओं और असुरों को सहन करता है।

श्लोक 76 (yuddha.76.76)

धनुषीन्द्रजितस्तुल्यः प्रतापे रावणस्य च। त्वमद्य रक्षसां लोके श्रेष्ठोऽसि बलवीर्यतः ॥ 76.76 ॥

dhanuṣīndrajitastulyaḥ pratāpe rāvaṇasya ca| tvamadya rakṣasāṃ loke śreṣṭho'si balavīryataḥ || 76.76 ||

धनुर्विद्या में इन्द्रजित के समान और तेज में रावण के समान — आज तुम राक्षस-जगत में बल और पराक्रम में सर्वश्रेष्ठ हो।

श्लोक 77 (yuddha.76.77)

महाविमर्दं समरे मया सह तवाद्भुतम्। अद्य भूतानि पश्यन्तु शक्रशम्बरयोरिव ॥ 76.77 ॥

mahāvimardaṃ samare mayā saha tavādbhutam| adya bhūtāni paśyantu śakraśambarayoriva || 76.77 ||

आज सभी प्राणी मेरे और तुम्हारे बीच होने वाले इस अद्भुत महासंग्राम को उसी प्रकार देखें जैसे उन्होंने इन्द्र और शम्बर के युद्ध को देखा था।

श्लोक 78 (yuddha.76.78)

कृतमप्रतिमं कर्म दर्शितं चास्त्रकौशलम्। पतिता हरिवीराश्च त्वयैते भीमविक्रमाः ॥ 76.78 ॥

kṛtamapratimaṃ karma darśitaṃ cāstrakauśalam| patitā harivīrāśca tvayaite bhīmavikramāḥ || 76.78 ||

तुमने अद्वितीय कर्म किया है और अस्त्र-कौशल दिखाया है; तुम्हारे द्वारा ये भीषण पराक्रमी वानरवीर मारे गिराए गए हैं।"

श्लोक 79 (yuddha.76.79)

उपालम्भभयाच्चैव नासि वीर मया हतः। कृतकर्मपरिश्रान्तो विश्रान्तः पश्य मे बलम् ॥ 76.79 ॥

upālambhabhayāccaiva nāsi vīra mayā hataḥ| kṛtakarmapariśrānto viśrāntaḥ paśya me balam || 76.79 ||

हे वीर, केवल निन्दा के भय से ही मैंने तुम्हें नहीं मारा है। तुम अपने किए हुए कर्मों से थके हुए हो — विश्राम कर लो, फिर मेरा बल देखो।"

श्लोक 80 (yuddha.76.80)

तेन सुग्रीववाक्येन सावमानेन मानितः। अग्नेराज्यहुतस्येव तेजस्तस्याभ्यवर्धत ॥ 76.80 ॥

tena sugrīvavākyena sāvamānena mānitaḥ| agnerājyahutasyeva tejastasyābhyavardhata || 76.80 ||

सुग्रीव के उन सम्मान और अपमान से भरे वचनों से सम्मानित होकर, कुम्भ का तेज उसी प्रकार बढ़ गया जैसे घी की आहुति से अग्नि प्रज्वलित हो उठती है।

श्लोक 81 (yuddha.76.81)

ततः कुम्भस्तु सुग्रीवं बाहुभ्यां जगृहे तदा। गजाविवातीतमदौ निःश्वसन्तौ मुहुर्मुहुः ॥ 76.81 ॥

tataḥ kumbhastu sugrīvaṃ bāhubhyāṃ jagṛhe tadā| gajāvivātītamadau niḥśvasantau muhurmuhuḥ || 76.81 ||

तब कुम्भ ने दोनों भुजाओं से सुग्रीव को जकड़ लिया; दोनों मानो मदमस्त हाथी हों, बार-बार जोर से साँस लेने लगे।

श्लोक 82 (yuddha.76.82)

अन्योन्यगात्रग्रथितौ घर्षन्तावितरेतरम्। सधूमां मुखतो ज्वालां विसृजन्तौ परिश्रमात् ॥ 76.82 ॥

anyonyagātragrathitau gharṣantāvitaretaram| sadhūmāṃ mukhato jvālāṃ visṛjantau pariśramāt || 76.82 ||

एक-दूसरे के अंगों में उलझे हुए, आपस में रगड़ खाते हुए, थकान के कारण उनके मुख से धुआँ और ज्वाला-सी निकलने लगी।

श्लोक 83 (yuddha.76.83)

तयोः पादाभिघाताच्च निमग्ना चाभवन्मही। व्याघूर्णिततरङ्गश्च चुक्षुभे वरुणालयः ॥ 76.83 ॥

tayoḥ pādābhighātācca nimagnā cābhavanmahī| vyāghūrṇitataraṅgaśca cukṣubhe varuṇālayaḥ || 76.83 ||

उनके पैरों की चोट से पृथ्वी धँसने लगी, और सागर अपनी लहरों को घुमाता हुआ क्षुब्ध हो उठा।

श्लोक 84 (yuddha.76.84)

ततः कुम्भं समुत्क्षिप्य सुग्रीवो लवणाम्भसि। पातयामास वेगेन दर्शयन्नुदधेस्तलम् ॥ 76.84 ॥

tataḥ kumbhaṃ samutkṣipya sugrīvo lavaṇāmbhasi| pātayāmāsa vegena darśayannudadhestalam || 76.84 ||

तब सुग्रीव ने कुम्भ को ऊपर उठाकर पूरे वेग से खारे समुद्र में पटक दिया, मानो उसे समुद्र का तल ही दिखा दिया हो।

श्लोक 85 (yuddha.76.85)

ततः कुम्भनिपातेन जलराशिः समुत्थितः। विन्ध्यमन्दरसंकाशो विससर्प समन्ततः ॥ 76.85 ॥

tataḥ kumbhanipātena jalarāśiḥ samutthitaḥ| vindhyamandarasaṃkāśo visasarpa samantataḥ || 76.85 ||

कुम्भ के गिरने की टक्कर से जल की राशि उठकर विन्ध्य और मन्दर पर्वतों के समान चारों ओर फैल गई।

श्लोक 86 (yuddha.76.86)

ततः कुम्भः समुत्पत्य सुग्रीवमभिपात्य च। आजघानोरसि क्रुद्धो वज्रकल्पेन मुष्टिना ॥ 76.86 ॥

tataḥ kumbhaḥ samutpatya sugrīvamabhipātya ca| ājaghānorasi kruddho vajrakalpena muṣṭinā || 76.86 ||

तब कुम्भ उछलकर सुग्रीव पर झपटा और क्रोधपूर्वक वज्र के समान मुष्टि से उसकी छाती पर प्रहार किया।

श्लोक 87 (yuddha.76.87)

तस्य वर्म च पुस्फोट संजज्ञे चापि शोणितम्। तस्य मुष्टिर्महावेगः प्रतिजघ्नेऽस्थिमण्डले ॥ 76.87 ॥

tasya varma ca pusphoṭa saṃjajñe cāpi śoṇitam| tasya muṣṭirmahāvegaḥ pratijaghne'sthimaṇḍale || 76.87 ||

सुग्रीव का कवच फट गया और रक्त बहने लगा; फिर भी उस अत्यंत वेगवान मुष्टि को उसकी अस्थियों के ढाँचे ने रोक दिया।

श्लोक 88 (yuddha.76.88)

तस्य वेगेन तत्रासीत् तेजः प्रज्वलितं महत्। वज्रनिष्पेषसंजाता ज्वाला मेरोर्यथा गिरेः ॥ 76.88 ॥

tasya vegena tatrāsīt tejaḥ prajvalitaṃ mahat| vajraniṣpeṣasaṃjātā jvālā meroryathā gireḥ || 76.88 ||

उस प्रहार के वेग से वहाँ एक महान तेज प्रज्वलित हो उठा, मानो मेरु पर्वत पर वज्र के टकराने से उत्पन्न ज्वाला हो।

श्लोक 89 (yuddha.76.89)

स तत्राभिहतस्तेन सुग्रीवो वानरर्षभः। मुष्टिं संवर्तयामास वज्रकल्पं महाबलः ॥ 76.89 ॥

sa tatrābhihatastena sugrīvo vānararṣabhaḥ| muṣṭiṃ saṃvartayāmāsa vajrakalpaṃ mahābalaḥ || 76.89 ||

वहाँ उससे आहत होकर, वानरश्रेष्ठ महाबली सुग्रीव ने वज्र के समान अपनी मुट्ठी कस ली।

श्लोक 90 (yuddha.76.90)

अर्चिःसहस्रविकचरविमण्डलवर्चसम्। स मुष्टिं पातयामास कुम्भस्योरसि वीर्यवान् ॥ 76.90 ॥

arciḥsahasravikacaravimaṇḍalavarcasam| sa muṣṭiṃ pātayāmāsa kumbhasyorasi vīryavān || 76.90 ||

उस पराक्रमी ने सहस्र किरणों से दीप्त सूर्यमण्डल के समान तेजस्वी अपनी मुट्ठी कुम्भ की छाती पर दे मारी।

श्लोक 91 (yuddha.76.91)

स तु तेन प्रहारेण विह्वलो भृशपीडितः। निपपात तदा कुम्भो गतार्चिरिव पावकः ॥ 76.91 ॥

sa tu tena prahāreṇa vihvalo bhṛśapīḍitaḥ| nipapāta tadā kumbho gatārciriva pāvakaḥ || 76.91 ||

उस प्रहार से कुम्भ विह्वल होकर अत्यंत पीड़ित हुआ और बुझी हुई अग्नि के समान गिर पड़ा।

श्लोक 92 (yuddha.76.92)

मुष्टिनाभिहतस्तेन निपपाताशु राक्षसः। लोहिताङ्ग इवाकाशाद् दीप्तरश्मिर्यदृच्छया ॥ 76.92 ॥

muṣṭinābhihatastena nipapātāśu rākṣasaḥ| lohitāṅga ivākāśād dīptaraśmiryadṛcchayā || 76.92 ||

उस मुट्ठी से आहत होकर वह राक्षस तुरन्त ही इस प्रकार गिर पड़ा, मानो लाल रंग वाला तेजस्वी मंगल ग्रह अचानक आकाश से गिर पड़ा हो।

श्लोक 93 (yuddha.76.93)

कुम्भस्य पततो रूपं भग्नस्योरसि मुष्टिना। बभौ रुद्राभिपन्नस्य यथा रूपं गवां पतेः ॥ 76.93 ॥

kumbhasya patato rūpaṃ bhagnasyorasi muṣṭinā| babhau rudrābhipannasya yathā rūpaṃ gavāṃ pateḥ || 76.93 ||

गिरते हुए कुम्भ का रूप, जिसकी छाती मुट्ठी से टूट चुकी थी, वैसा ही प्रतीत हो रहा था जैसे रुद्र द्वारा प्रहार किए गए वृषभ (नन्दी) का रूप हो।

श्लोक 94 (yuddha.76.94)

तस्मिन् हते भीमपराक्रमेण प्लवंगमानामृषभेण युद्धे। मही सशैला सवना चचाल भयं च रक्षांस्यधिकं विवेश ॥ 76.94 ॥

tasmin hate bhīmaparākrameṇa plavaṃgamānāmṛṣabheṇa yuddhe| mahī saśailā savanā cacāla bhayaṃ ca rakṣāṃsyadhikaṃ viveśa || 76.94 ||

जब वह युद्ध में उस भीषण पराक्रमी वानरश्रेष्ठ (सुग्रीव) के हाथों मारा गया, तब पर्वतों और वनों सहित पृथ्वी काँप उठी और राक्षसों में अत्यधिक भय समा गया।