लंका-दहन और कुम्भ-निकुम्भ का प्रस्थान

श्लोक 1 (yuddha.75.1)

ततोऽब्रवीन्महातेजाः सुग्रीवो वानरेश्वरः । अर्थ्यम् विज्ञापयंश्चापि हनूमन्तमिदं वचः ॥ 75.1 ॥

tato'bravīnmahātejāḥ sugrīvo vānareśvaraḥ | arthyam vijñāpayaṃścāpi hanūmantamidaṃ vacaḥ || 75.1 ||

तब महातेजस्वी वानरराज सुग्रीव ने हनुमान को यह सारगर्भित सलाह देते हुए यह वचन कहा।

श्लोक 2 (yuddha.75.2)

यतो हतः कुम्भकर्णः कुमाराश्च निषूदिताः । नेदानीमुपनिर्हारम् रावनो दातुमर्हति ॥ 75.2 ॥

yato hataḥ kumbhakarṇaḥ kumārāśca niṣūditāḥ | nedānīmupanirhāram rāvano dātumarhati || 75.2 ||

'चूँकि कुम्भकर्ण मारा गया और उसके पुत्र भी संहार को प्राप्त हुए, अब रावण कोई प्रतिरोध देने में समर्थ नहीं है।'

श्लोक 3 (yuddha.75.3)

ये ये महाबलाः सन्ति लघवश्च प्लवंगमाः । लङ्कामभिपतन्त्वाशु गृह्योल्काः प्लवगर्षभाः ॥ हरयो हरिसंकाशाः प्रदग्धुम् रावणालयम् ॥ 75.3 ॥

ye ye mahābalāḥ santi laghavaśca plavaṃgamāḥ | laṅkāmabhipatantvāśu gṛhyolkāḥ plavagarṣabhāḥ || harayo harisaṃkāśāḥ pradagdhum rāvaṇālayam || 75.3 ||

'जो भी वानर महाबली और वेगवान हैं, वे प्लवगश्रेष्ठ मशालें लेकर तुरन्त लंका पर टूट पड़ें — सिंह के समान वे वानर रावण के भवन को जलाने के लिए।'

श्लोक 4 (yuddha.75.4)

ततोऽस्तं गत आदित्ये रौद्रे तस्मिन्निशामुखे ॥ लङ्कामभिमुखाः सोल्का जग्मुस्ते प्लवगर्षभाः ॥ 75.4 ॥

tato'staṃ gata āditye raudre tasminniśāmukhe || laṅkāmabhimukhāḥ solkā jagmuste plavagarṣabhāḥ || 75.4 ||

तब सूर्यास्त होने पर, उस भयंकर रात्रि के आरम्भ में, मशालें लिए वे श्रेष्ठ वानर लंका की ओर चल पड़े।

श्लोक 5 (yuddha.75.5)

उल्काहस्तैर्हरिगणैः सर्वतः समभिद्रुताः ॥ आरक्षस्था विरूपाक्षाः सहसा विप्रदुद्रुवुः ॥ 75.5 ॥

ulkāhastairharigaṇaiḥ sarvataḥ samabhidrutāḥ || ārakṣasthā virūpākṣāḥ sahasā vipradudruvuḥ || 75.5 ||

मशालधारी वानर-समूहों द्वारा सब ओर से आक्रान्त होकर पहरे पर तैनात विरूपाक्ष राक्षस सहसा भाग खड़े हुए।

श्लोक 6 (yuddha.75.6)

गोपुराट्टप्रतोलीषु चर्यासु विविधासु च ॥ प्रासादेषु च संहृष्टाः ससृजुस्ते हुताशनम् ॥ 75.6 ॥

gopurāṭṭapratolīṣu caryāsu vividhāsu ca || prāsādeṣu ca saṃhṛṣṭāḥ sasṛjuste hutāśanam || 75.6 ||

हर्षित होकर उन्होंने गोपुरों, अट्टालिकाओं, विभिन्न मार्गों तथा राजप्रासादों में अग्नि लगा दी।

श्लोक 7 (yuddha.75.7)

तेषां गृहसहस्राणि ददाह हुतभुक्तदा ॥ प्रासादाः पर्वताकाराः पतन्ति धरणीतले ॥ 75.7 ॥

teṣāṃ gṛhasahasrāṇi dadāha hutabhuktadā || prāsādāḥ parvatākārāḥ patanti dharaṇītale || 75.7 ||

तब अग्नि ने उनके सहस्रों घरों को जला डाला; पर्वताकार भवन धराशायी होने लगे।

श्लोक 8 (yuddha.75.8)

अगुरुर्दह्यते तत्र परं चैव सुचन्दनम् ॥ मौक्तिका मणयः स्निग्धा वज्रं चापि प्रवालकम् ॥ 75.8 ॥

agururdahyate tatra paraṃ caiva sucandanam || mauktikā maṇayaḥ snigdhā vajraṃ cāpi pravālakam || 75.8 ||

वहाँ अगर और उत्तम चन्दन जल रहे थे; मोती, चिकने रत्न, हीरे और मूँगे भी जल रहे थे।

श्लोक 9 (yuddha.75.9)

क्षौमम् च दह्यते तत्र कौशेयं चापि शोभनम् ॥ आविकं विविधं चौर्णं काञ्चनं भाण्डमायुधम् ॥ 75.9 ॥

kṣaumam ca dahyate tatra kauśeyaṃ cāpi śobhanam || āvikaṃ vividhaṃ caurṇaṃ kāñcanaṃ bhāṇḍamāyudham || 75.9 ||

वहाँ रेशम और सुन्दर क्षौम वस्त्र भी जल रहे थे; भाँति-भाँति के ऊनी सामान, स्वर्ण-पात्र और शस्त्र भी।

श्लोक 10 (yuddha.75.10)

नानाविकृतसंस्थानम् वाजिभाण्डपरिच्छदम् ॥ गजग्रैवेयकक्ष्याश्च रथभाण्डाश्च संस्कृताः ॥ 75.10 ॥

nānāvikṛtasaṃsthānam vājibhāṇḍaparicchadam || gajagraiveyakakṣyāśca rathabhāṇḍāśca saṃskṛtāḥ || 75.10 ||

विविध और विचित्र आकार वाले घोड़ों के साज-सामान, हाथियों की ग्रीवा-शृंखलाएँ और कक्ष्याएँ, तथा रथों के सुसज्जित उपकरण —

श्लोक 11 (yuddha.75.11)

तनुत्राणि च योधानां हस्त्यश्वानाम् च चर्म च ॥ खड्गा धनूंषि ज्याबाणास्तोमराङ्कुशशक्तयः ॥ 75.11 ॥

tanutrāṇi ca yodhānāṃ hastyaśvānām ca carma ca || khaḍgā dhanūṃṣi jyābāṇāstomarāṅkuśaśaktayaḥ || 75.11 ||

योद्धाओं के कवच, हाथी-घोड़ों के चर्म-आवरण, तलवारें, धनुष, प्रत्यंचाएँ, बाण, भाले, अंकुश और शक्तियाँ —

श्लोक 12 (yuddha.75.12)

रोमजं वालजं चर्म व्याघ्रजं चाण्डजं बहु ॥ 75.12 ॥

romajaṃ vālajaṃ carma vyāghrajaṃ cāṇḍajaṃ bahu || 75.12 ||

रोमों से बने वस्त्र, पूँछ के बालों से बने आसन, बाघ-चर्म, और पंखों से बनी अनेक वस्तुएँ —

श्लोक 13 (yuddha.75.13)

मुक्तामणिविचित्रांश्च प्रासादांश्च समन्ततः । विविधानस्त्रसंघातानग्निर्दहति तत्र वै ॥ 75.13 ॥

muktāmaṇivicitrāṃśca prāsādāṃśca samantataḥ | vividhānastrasaṃghātānagnirdahati tatra vai || 75.13 ||

और मोतियों तथा रत्नों से चित्रित भवनों को, तथा नाना प्रकार के अस्त्र-भण्डारों को भी उस अग्नि ने चारों ओर भस्म कर दिया।

श्लोक 14 (yuddha.75.14)

नानाविधान् गृहांश्चित्रान् ददाह हुतभुक्तदा । आवासान् राक्षसानां च सर्वेषां गृहगृद्नुनाम् ॥ 75.14 ॥

nānāvidhān gṛhāṃścitrān dadāha hutabhuktadā | āvāsān rākṣasānāṃ ca sarveṣāṃ gṛhagṛdnunām || 75.14 ||

तब उस अग्नि ने विभिन्न रंगों वाले अनेक घरों को जला डाला — उन सभी राक्षसों के आवासों को, जो अपने घरों से अत्यंत आसक्त थे,

श्लोक 15 (yuddha.75.15)

हेमचित्रतनुत्राणाम् स्रग्भाण्डाम्बरधारिणाम् । सीधुपानचलाक्षाणां मदविह्वलगामिनाम् ॥ 75.15 ॥

hemacitratanutrāṇām sragbhāṇḍāmbaradhāriṇām | sīdhupānacalākṣāṇāṃ madavihvalagāminām || 75.15 ||

स्वर्ण-चित्रित कवच पहने, माला-आभूषण और सुन्दर वस्त्र धारण किए हुए, मदिरा-पान से चंचल नेत्रों वाले, नशे में लड़खड़ाते हुए चलने वालों के —

श्लोक 16 (yuddha.75.16)

कान्तालम्बितवस्त्राणाम् शत्रुसंजातमन्युनाम् । गदाशूलासिहस्तानां खादतां पिबतामपि ॥ 75.16 ॥

kāntālambitavastrāṇām śatrusaṃjātamanyunām | gadāśūlāsihastānāṃ khādatāṃ pibatāmapi || 75.16 ||

जिनके सुन्दर वस्त्र ढीले लटके हुए थे, जो शत्रुओं पर क्रोध से भरे हुए थे, हाथों में गदा, त्रिशूल और तलवार लिए हुए, खाते-पीते हुए भी —

श्लोक 17 (yuddha.75.17)

शयनेषु महार्हेषु प्रसुप्तानां प्रियैः सह । त्रस्तानां गच्छतां तूर्णम् पुत्रानादाय सर्वतः ॥ 75.17 ॥

śayaneṣu mahārheṣu prasuptānāṃ priyaiḥ saha | trastānāṃ gacchatāṃ tūrṇam putrānādāya sarvataḥ || 75.17 ||

जो अपने प्रियजनों के साथ बहुमूल्य शय्याओं पर सोए हुए थे, और जो भयभीत होकर सब ओर से अपने बच्चों को उठाए शीघ्रता से भाग रहे थे —

श्लोक 18 (yuddha.75.18)

तेषां शतसहस्राणि तदा लङ्कानिवासिनाम् । अदहत्पावकस्तत्र जज्वाल च पुनः पुनः ॥ 75.18 ॥

teṣāṃ śatasahasrāṇi tadā laṅkānivāsinām | adahatpāvakastatra jajvāla ca punaḥ punaḥ || 75.18 ||

लंका के उन निवासियों के सैकड़ों-हजारों को उस अग्नि ने वहाँ जला डाला, और वह बार-बार प्रज्वलित होती रही।

श्लोक 19 (yuddha.75.19)

सारवन्ति महार्हाणि गम्भीरगुणवन्ति च । हेमचन्द्रार्धचन्द्राणि चन्द्रशालोत्तमानि च ॥ 75.19 ॥

sāravanti mahārhāṇi gambhīraguṇavanti ca | hemacandrārdhacandrāṇi candraśālottamāni ca || 75.19 ||

मजबूत, अत्यंत मूल्यवान, गहन गुणों से युक्त, सोने के चन्द्र और अर्धचन्द्र आकृतियों से सज्जित, उत्तम चन्द्रशालाओं वाले भवन —

श्लोक 20 (yuddha.75.20)

तत्र चित्रगवाक्षाणि साधिष्टानानि सर्वशः । मणिविद्रुमचित्रानि स्पृशन्तीव दिवाकरम् ॥ 75.20 ॥

tatra citragavākṣāṇi sādhiṣṭānāni sarvaśaḥ | maṇividrumacitrāni spṛśantīva divākaram || 75.20 ||

जिनकी सर्वत्र चित्रित झरोखे थे, उत्तम आधार पर स्थित, रत्नों और मूँगों से सुशोभित, जो मानो सूर्य को छू रहे थे —

श्लोक 21 (yuddha.75.21)

क्रौञ्चबर्हिणानां भूषणानां च निःस्वनैः । नादितान्यचलाभानि वेश्मान्यग्निर्ददाह ह ॥ 75.21 ॥

krauñcabarhiṇānāṃ bhūṣaṇānāṃ ca niḥsvanaiḥ | nāditānyacalābhāni veśmānyagnirdadāha ha || 75.21 ||

क्रौंच पक्षियों और मोरों के कलरव तथा आभूषणों की झंकार से गूँजते, पर्वताकार उन भवनों को अग्नि ने जला डाला।

श्लोक 22 (yuddha.75.22)

ज्वलनेन परीतानि तोरणानि चकाशिरे । विद्युद्भिरिव नद्धानि मेघजालानि घर्मगे ॥ 75.22 ॥

jvalanena parītāni toraṇāni cakāśire | vidyudbhiriva naddhāni meghajālāni gharmage || 75.22 ||

अग्नि से घिरे हुए तोरण इस प्रकार चमक रहे थे मानो ग्रीष्म ऋतु में बिजलियों से बँधे मेघ-समूह।

श्लोक 23 (yuddha.75.23)

ज्वलनेन परीतानि गृहाणि प्रचकाशिरे । दावाग्निदीप्तानि यथा शिखराणि महागिरेः ॥ 75.23 ॥

jvalanena parītāni gṛhāṇi pracakāśire | dāvāgnidīptāni yathā śikharāṇi mahāgireḥ || 75.23 ||

अग्नि से आच्छादित घर इस प्रकार दमक रहे थे जैसे दावाग्नि से प्रज्वलित किसी विशाल पर्वत के शिखर।

श्लोक 24 (yuddha.75.24)

विमानेषु प्रसुप्ताश्च दह्यमाना वराङ्गनाः । त्यक्ताभरणसर्वाङ्ग हा हेत्युच्चैर्विचुक्रुशुः ॥ 75.24 ॥

vimāneṣu prasuptāśca dahyamānā varāṅganāḥ | tyaktābharaṇasarvāṅga hā hetyuccairvicukruśuḥ || 75.24 ||

अपने ऊँचे भवनों में सोई हुई सुन्दरियाँ, जल उठने पर, अपने आभूषण और सर्वांग को त्यागकर ऊँचे स्वर में 'हा! हा!' चिल्ला उठीं।

श्लोक 25 (yuddha.75.25)

तत्र चाग्निपरीतानि निपेतुर्भवनान्यपि । वज्रिवज्रहतानीव शिखराणि महागिरेः ॥ 75.25 ॥

tatra cāgniparītāni nipeturbhavanānyapi | vajrivajrahatānīva śikharāṇi mahāgireḥ || 75.25 ||

और वहाँ अग्नि से घिरे भवन इस प्रकार गिर पड़े मानो इन्द्र के वज्र से आहत किसी विशाल पर्वत के शिखर।

श्लोक 26 (yuddha.75.26)

तानि निर्दह्यमानानि दूरतः प्रचकाशिरे । हिमवच्छिखराणीव दह्यमानानि सर्वशः ॥ 75.26 ॥

tāni nirdahyamānāni dūrataḥ pracakāśire | himavacchikharāṇīva dahyamānāni sarvaśaḥ || 75.26 ||

जलते हुए वे भवन दूर से इस प्रकार चमक रहे थे जैसे सब ओर से जलते हुए हिमालय के शिखर।

श्लोक 27 (yuddha.75.27)

हर्म्याग्रैर्दह्यमानैश्च ज्वालाप्रज्वलितैरपि । रात्रौ सा दृश्यते लङ्का पुष्पितैरिव किंशुकैः ॥ 75.27 ॥

harmyāgrairdahyamānaiśca jvālāprajvalitairapi | rātrau sā dṛśyate laṅkā puṣpitairiva kiṃśukaiḥ || 75.27 ||

अपने जलते हुए भवन-शिखरों और ज्वालाओं से प्रज्वलित होने के कारण उस रात्रि लंका मानो खिले हुए किंशुक वृक्षों से आच्छादित प्रतीत हो रही थी।

श्लोक 28 (yuddha.75.28)

हस्त्यध्यक्षैर्गजैर्मुकैर्मुकैश्च तुरगैरपि । बभूव लङ्का लोकान्ते भ्रान्तग्राह इवार्णवः ॥ 75.28 ॥

hastyadhyakṣairgajairmukairmukaiśca turagairapi | babhūva laṅkā lokānte bhrāntagrāha ivārṇavaḥ || 75.28 ||

अपने रक्षकों द्वारा छोड़े गए हाथियों और मुक्त किए गए घोड़ों से लंका उस समय ऐसी हो गई जैसे प्रलयकाल में भटकते मगरमच्छों वाला समुद्र।

श्लोक 29 (yuddha.75.29)

अश्वं मुक्तं गजो दृष्ट्वा क्वचिद्भीतोऽपसर्पति । भीतो भीतं गजं दृष्ट्वा क्वचिदश्वो निवर्तते ॥ 75.29 ॥

aśvaṃ muktaṃ gajo dṛṣṭvā kvacidbhīto'pasarpati | bhīto bhītaṃ gajaṃ dṛṣṭvā kvacidaśvo nivartate || 75.29 ||

कहीं छूटे हुए घोड़े को देखकर हाथी भयभीत होकर पीछे हट जाता, तो कहीं भयभीत हाथी को देखकर घोड़ा भी डरकर लौट जाता।

श्लोक 30 (yuddha.75.30)

लङ्कायाम् दह्यमानायाम् शुशुभे च महोदधिः । चायासंसक्तसलिलो लोहितोद इवार्णवः ॥ 75.30 ॥

laṅkāyām dahyamānāyām śuśubhe ca mahodadhiḥ | cāyāsaṃsaktasalilo lohitoda ivārṇavaḥ || 75.30 ||

लंका के जलने पर विशाल सागर भी इस प्रकार शोभायमान हुआ मानो उसका जल उस आभा से रँगकर रक्त-सागर बन गया हो।

श्लोक 31 (yuddha.75.31)

सा बभूव मुहूर्तेन हरिभिर्दीपिता पुरी । लोकस्यास्य क्षये घोरे प्रदीप्तेव वसुंधरा ॥ 75.31 ॥

sā babhūva muhūrtena haribhirdīpitā purī | lokasyāsya kṣaye ghore pradīpteva vasuṃdharā || 75.31 ||

वानरों द्वारा प्रज्वलित की गई वह नगरी क्षणभर में इस प्रकार हो गई मानो इस लोक के भीषण प्रलय में जलती हुई पृथ्वी।

श्लोक 32 (yuddha.75.32)

नारीजनस्य धूमेन व्याप्तस्योच्चैर्विनेदुषः । स्वनो ज्वलनतप्तस्य शुश्रुवे शतयोजनम् ॥ 75.32 ॥

nārījanasya dhūmena vyāptasyoccairvineduṣaḥ | svano jvalanataptasya śuśruve śatayojanam || 75.32 ||

धुएँ में व्याप्त, अग्नि से संतप्त, ऊँचे स्वर में क्रन्दन करती स्त्रियों का शब्द सौ योजन दूर तक सुनाई देने लगा।

श्लोक 33 (yuddha.75.33)

प्रदग्धकायानपरान् राक्षसान्निर्गतान् बहिः । सहसा ह्युत्पतन्ति स्म हरयोऽथ युयुत्सवः ॥ 75.33 ॥

pradagdhakāyānaparān rākṣasānnirgatān bahiḥ | sahasā hyutpatanti sma harayo'tha yuyutsavaḥ || 75.33 ||

तब युद्ध के लिए उत्सुक वानर उन अन्य राक्षसों पर सहसा टूट पड़े, जो अपने जले हुए शरीर लिए बाहर निकल आए थे।

श्लोक 34 (yuddha.75.34)

उद्घुष्टं वानराणां च राक्षसानां च निःस्वनः । दिशो दश समुद्रं च पृथिवीम् च व्यनादयत् ॥ 75.34 ॥

udghuṣṭaṃ vānarāṇāṃ ca rākṣasānāṃ ca niḥsvanaḥ | diśo daśa samudraṃ ca pṛthivīm ca vyanādayat || 75.34 ||

वानरों की गर्जना और राक्षसों का क्रन्दन दसों दिशाओं, समुद्र और पृथ्वी को गुँजाने लगा।

श्लोक 35 (yuddha.75.35)

विशल्यौ च महात्मानौ तावुभौ रामलक्ष्मणौ । असम्भ्रान्तौ जगृहतुस्ते उभे धनुषी वरे ॥ 75.35 ॥

viśalyau ca mahātmānau tāvubhau rāmalakṣmaṇau | asambhrāntau jagṛhatuste ubhe dhanuṣī vare || 75.35 ||

तब वे दोनों महात्मा, राम और लक्ष्मण, घावों से मुक्त होकर अविचलित भाव से अपने दोनों श्रेष्ठ धनुष उठा लाए।

श्लोक 36 (yuddha.75.36)

ततो विस्फारयामास रामश्च धनुरुत्तमम् । बभूव तुमुलः शब्दो राक्षसानाम् भयावहः ॥ 75.36 ॥

tato visphārayāmāsa rāmaśca dhanuruttamam | babhūva tumulaḥ śabdo rākṣasānām bhayāvahaḥ || 75.36 ||

तब राम ने अपने उत्तम धनुष को खींचा, और राक्षसों को भयभीत करने वाला एक भीषण कोलाहल उठ खड़ा हुआ।

श्लोक 37 (yuddha.75.37)

अशोभत तदा रामो धनुर्विस्फारयन् महत् । भगवानिव सम्क्रुद्धो भवो वेदमयं धनुः ॥ 75.37 ॥

aśobhata tadā rāmo dhanurvisphārayan mahat | bhagavāniva samkruddho bhavo vedamayaṃ dhanuḥ || 75.37 ||

उस विशाल धनुष को खींचते हुए राम उस समय इस प्रकार सुशोभित हो रहे थे जैसे क्रुद्ध भगवान शिव अपने वेदमय धनुष को खींचते हुए।

श्लोक 38 (yuddha.75.38)

उद्गुष्टं वानराणां च राक्षसानां च निःस्वनम् । ज्याशब्दस्तावुभौ शब्दावति रामस्य शुश्रुवे ॥ 75.38 ॥

udguṣṭaṃ vānarāṇāṃ ca rākṣasānāṃ ca niḥsvanam | jyāśabdastāvubhau śabdāvati rāmasya śuśruve || 75.38 ||

राम की प्रत्यंचा की टंकार वानरों की गर्जना और राक्षसों के क्रन्दन — इन दोनों ध्वनियों से भी ऊपर सुनाई देने लगी।

श्लोक 39 (yuddha.75.39)

वानरोद्घुष्टशब्दश्च राक्षसानां च निःस्वनः । ज्याशब्दश्चापि रामस्य त्रयं व्याप दिशो दसः ॥ 75.39 ॥

vānarodghuṣṭaśabdaśca rākṣasānāṃ ca niḥsvanaḥ | jyāśabdaścāpi rāmasya trayaṃ vyāpa diśo dasaḥ || 75.39 ||

वानरों की गर्जना, राक्षसों का क्रन्दन और राम की प्रत्यंचा की टंकार — ये तीनों ध्वनियाँ दसों दिशाओं में व्याप्त हो गईं।

श्लोक 40 (yuddha.75.40)

तस्य कार्मुकनिर्मुक्तैः शरैस्तत्पुरगोपुरम् । कैलासशृङ्गप्रतिमं विशीर्णमपतद्भुवि ॥ 75.40 ॥

tasya kārmukanirmuktaiḥ śaraistatpuragopuram | kailāsaśṛṅgapratimaṃ viśīrṇamapatadbhuvi || 75.40 ||

उसके धनुष से छूटे बाणों से उस नगरी का गोपुर, जो कैलास-शिखर के समान था, चूर-चूर होकर पृथ्वी पर गिर पड़ा।

श्लोक 41 (yuddha.75.41)

ततो रामशरान् दृष्ट्वा विमानेषु गृहेषु च । संनाहो राक्षसेन्द्राणां तुमुलः समपद्यत ॥ 75.41 ॥

tato rāmaśarān dṛṣṭvā vimāneṣu gṛheṣu ca | saṃnāho rākṣasendrāṇāṃ tumulaḥ samapadyata || 75.41 ||

तब राम के बाणों को भवनों और घरों पर गिरते देखकर राक्षसराजों में शस्त्र धारण करने की भारी हलचल मच गई।

श्लोक 42 (yuddha.75.42)

तेषां सम्नह्यमानानाम् सिम्हनादं च कुर्वताम् । शर्वरी राक्षसेन्द्राणाम् द्रौद्रीव समपद्यत ॥ 75.42 ॥

teṣāṃ samnahyamānānām simhanādaṃ ca kurvatām | śarvarī rākṣasendrāṇām draudrīva samapadyata || 75.42 ||

शस्त्र धारण करते और सिंहनाद करते हुए उन राक्षसराजों के लिए वह रात्रि मानो रुद्र की भीषण रात्रि बन गई।

श्लोक 43 (yuddha.75.43)

आदिष्टा वानरेन्द्रास्ते सुग्रीवेण महात्मना । असन्नम् द्वारमासाद्य युध्यध्वं च प्लवंगमाः ॥ 75.43 ॥

ādiṣṭā vānarendrāste sugrīveṇa mahātmanā | asannam dvāramāsādya yudhyadhvaṃ ca plavaṃgamāḥ || 75.43 ||

महात्मा सुग्रीव द्वारा आदेशित उन वानर-प्रमुखों से कहा गया: 'हे वानरो! निकटतम द्वार पर पहुँचकर वहीं युद्ध करो।'

श्लोक 44 (yuddha.75.44)

यश्च वो वितथं कुर्यात्तत्र तत्राप्युपस्थितः । स हन्तव्योऽभिसम्प्लुत्य राजशासनदूषकः ॥ 75.44 ॥

yaśca vo vitathaṃ kuryāttatra tatrāpyupasthitaḥ | sa hantavyo'bhisamplutya rājaśāsanadūṣakaḥ || 75.44 ||

'और तुममें से जो भी वहाँ उपस्थित होकर भी कर्तव्य में चूक जाए, उस राजाज्ञा-भंजक को पकड़कर मार डाला जाए।'

श्लोक 45 (yuddha.75.45)

तेषु वानरमुख्येषु दीप्तोल्कोज्ज्वलपाणिषु । स्थितेषु द्वारमाश्रित्य रावणं क्रोध आविशत् ॥ 75.45 ॥

teṣu vānaramukhyeṣu dīptolkojjvalapāṇiṣu | sthiteṣu dvāramāśritya rāvaṇaṃ krodha āviśat || 75.45 ||

प्रज्वलित मशालों को हाथों में लिए द्वार पर डटे उन वानर-प्रमुखों को देखकर रावण को क्रोध ने आ घेरा।

श्लोक 46 (yuddha.75.46)

तस्य जृम्भितविक्षेपाद्व्यामिश्रा वै दिशो दश । रूपवानिव रुद्रस्य मन्युर्गात्रेष्वदृश्यत ॥ 75.46 ॥

tasya jṛmbhitavikṣepādvyāmiśrā vai diśo daśa | rūpavāniva rudrasya manyurgātreṣvadṛśyata || 75.46 ||

उसके अंगों के प्रचण्ड हिलने-डुलने से दसों दिशाएँ जैसे व्याकुल हो उठीं; उसके शरीर पर मानो रुद्र का क्रोध साकार होकर प्रकट हो गया।

श्लोक 47 (yuddha.75.47)

स कुम्भं च निकुम्भं च कुम्भकर्णात्मजावुभौ । प्रेषयामास संक्रुद्धो राक्षसैर्बहुभिः सह ॥ 75.47 ॥

sa kumbhaṃ ca nikumbhaṃ ca kumbhakarṇātmajāvubhau | preṣayāmāsa saṃkruddho rākṣasairbahubhiḥ saha || 75.47 ||

क्रुद्ध होकर उसने कुम्भकर्ण के दोनों पुत्रों — कुम्भ और निकुम्भ — को अनेक राक्षसों सहित युद्ध के लिए भेज दिया।

श्लोक 48 (yuddha.75.48)

यूपाक्षः शोणिताक्षश्च प्रजङ्घः कम्पनस्तथा । निर्ययुः कौम्भकर्णिभ्यां सह रावणशासनात् ॥ 75.48 ॥

yūpākṣaḥ śoṇitākṣaśca prajaṅghaḥ kampanastathā | niryayuḥ kaumbhakarṇibhyāṃ saha rāvaṇaśāsanāt || 75.48 ||

यूपाक्ष, शोणिताक्ष, प्रजंघ तथा कम्पन भी रावण की आज्ञा से कुम्भकर्ण के दोनों पुत्रों के साथ युद्ध के लिए निकल पड़े।

श्लोक 49 (yuddha.75.49)

शशास चैव तान् सर्वान् राक्षसान् स महाबलान् । राक्षसा गच्छताद्यैव सिम्हनादं च नादयन् ॥ 75.49 ॥

śaśāsa caiva tān sarvān rākṣasān sa mahābalān | rākṣasā gacchatādyaiva simhanādaṃ ca nādayan || 75.49 ||

उसने उन समस्त महाबली राक्षसों को सिंहनाद करते हुए आदेश दिया: 'हे राक्षसो! अभी प्रस्थान करो।'

श्लोक 50 (yuddha.75.50)

ततस्तु चोदितास्तेन राक्षसा ज्वलितायुधाः । लङ्काया निर्ययूर्वीराः प्रणदन्तः पुनः पुनः ॥ 75.50 ॥

tatastu coditāstena rākṣasā jvalitāyudhāḥ | laṅkāyā niryayūrvīrāḥ praṇadantaḥ punaḥ punaḥ || 75.50 ||

तब उसके द्वारा प्रेरित वे वीर राक्षस, प्रज्वलित शस्त्र लिए, बार-बार गर्जना करते हुए लंका से बाहर निकल पड़े।

श्लोक 51 (yuddha.75.51)

रक्षसां भूषणस्थाभिर्भाभिः स्वाभिश्च सर्वशः । चक्रुस्ते सप्रभं व्योम हरयश्चाग्निभिः सह ॥ 75.51 ॥

rakṣasāṃ bhūṣaṇasthābhirbhābhiḥ svābhiśca sarvaśaḥ | cakruste saprabhaṃ vyoma harayaścāgnibhiḥ saha || 75.51 ||

राक्षसों के अपने आभूषणों की चारों ओर फैलती चमक से, तथा वानरों की अग्नि से भी, आकाश प्रकाशमान हो उठा।

श्लोक 52 (yuddha.75.52)

तत्र ताराधिपस्याभा ताराणाम् भा तथैव च । तयोराभरणाभा च ज्वलिता द्यामभासयत् ॥ 75.52 ॥

tatra tārādhipasyābhā tārāṇām bhā tathaiva ca | tayorābharaṇābhā ca jvalitā dyāmabhāsayat || 75.52 ||

वहाँ चन्द्रमा की आभा, तारों की चमक और दोनों सेनाओं के आभूषणों की प्रज्वलित कान्ति — सबने मिलकर आकाश को आलोकित कर दिया।

श्लोक 53 (yuddha.75.53)

चन्द्राभा भूषणाभा च ग्रहाणाम् ज्वलिता च भा । हरिराक्षससैन्यानि भ्राजयामास सर्वतः ॥ 75.53 ॥

candrābhā bhūṣaṇābhā ca grahāṇām jvalitā ca bhā | harirākṣasasainyāni bhrājayāmāsa sarvataḥ || 75.53 ||

चन्द्रमा की आभा, आभूषणों की चमक और ग्रहों की प्रज्वलित कान्ति ने वानर और राक्षस दोनों सेनाओं को सब ओर से चमका दिया।

श्लोक 54 (yuddha.75.54)

तत्र चार्धप्रदीप्तानां गृहाणाम् सागरः पुनः । भाभिः संसक्तसलिलश्चलोर्मिः शुशुभेऽधिकम् ॥ 75.54 ॥

tatra cārdhapradīptānāṃ gṛhāṇām sāgaraḥ punaḥ | bhābhiḥ saṃsaktasalilaścalormiḥ śuśubhe'dhikam || 75.54 ||

वहाँ आधे जलते हुए घरों की आभा से मिश्रित, हिलती हुई लहरों वाला सागर भी और अधिक शोभायमान हो उठा।

श्लोक 55 (yuddha.75.55)

पताकाध्वजसम्युक्तमुत्तमासिपरश्वधम् । भीमाश्वरथमातङ्गं नानापत्तिसमाकुलम् ॥ 75.55 ॥

patākādhvajasamyuktamuttamāsiparaśvadham | bhīmāśvarathamātaṅgaṃ nānāpattisamākulam || 75.55 ||

ध्वजा-पताकाओं से युक्त, उत्तम तलवारों और कुल्हाड़ियों से सुसज्जित, भीषण अश्वों, रथों और गजों से भरी, नाना प्रकार के पैदल सैनिकों से व्याप्त,

श्लोक 56 (yuddha.75.56)

दीप्तशूलगदाखड्गप्रासतोमरकार्मुकम् । तद्राक्षसं बलं भीमम् घोरविक्रमपौरुषम् ॥ 75.56 ॥

dīptaśūlagadākhaḍgaprāsatomarakārmukam | tadrākṣasaṃ balaṃ bhīmam ghoravikramapauruṣam || 75.56 ||

चमकते हुए त्रिशूल, गदा, तलवार, भाला और धनुषों से सुसज्जित — वह भीषण राक्षस-सेना, भयंकर पराक्रम और पौरुष से युक्त,

श्लोक 57 (yuddha.75.57)

ददृशे ज्वलितप्रसं किङ्किणीशतनादितम् । हेमजालाचितभुजं व्यावेष्टितपरश्वधम् ॥ 75.57 ॥

dadṛśe jvalitaprasaṃ kiṅkiṇīśatanāditam | hemajālācitabhujaṃ vyāveṣṭitaparaśvadham || 75.57 ||

प्रज्वलित और उज्ज्वल दिखाई दे रही थी, सैकड़ों घण्टियों से गूँज रही थी, स्वर्ण-शृंखलाओं से आच्छादित भुजाओं वाली, कसकर बँधे कुल्हाड़ों वाली,

श्लोक 58 (yuddha.75.58)

व्याघूर्णितमहाशस्त्रं बाणसंयुक्तकार्मुकम् । गन्धमाल्यमधूत्सेकसंमोदितमहानिलम् ॥ 75.58 ॥

vyāghūrṇitamahāśastraṃ bāṇasaṃyuktakārmukam | gandhamālyamadhūtsekasaṃmoditamahānilam || 75.58 ||

उसके विशाल शस्त्र घुमाए जा रहे थे, धनुषों पर बाण चढ़े हुए थे, और सुगन्ध, माला तथा मधु की गंध से महाप्रबल वायु सुवासित हो रही थी।

श्लोक 59 (yuddha.75.59)

घोरं शूरजनाकीर्णम् महाम्बुधरनिःस्वनम् । तद्दृष्ट्वा बलमायातं राक्षसानां दुरासदम् ॥ संचचाल प्लवंगानां बलमुच्चैर्ननाद च ॥ 75.59 ॥

ghoraṃ śūrajanākīrṇam mahāmbudharaniḥsvanam | taddṛṣṭvā balamāyātaṃ rākṣasānāṃ durāsadam || saṃcacāla plavaṃgānāṃ balamuccairnanāda ca || 75.59 ||

शूरवीरों से भरी, विशाल मेघ के समान गर्जनशील, उस दुर्धर्ष राक्षस-सेना को आते देखकर वानर-सेना में हलचल मच गई और वह ऊँचे स्वर में गरज उठी।

श्लोक 60 (yuddha.75.60)

जवेनाप्लुत्य च पुनस्तद्बलं रक्षसां महत् ॥ अभ्ययात्प्रत्यरिबलं पतम्गा इव पावकम् ॥ 75.60 ॥

javenāplutya ca punastadbalaṃ rakṣasāṃ mahat || abhyayātpratyaribalaṃ patamgā iva pāvakam || 75.60 ||

और राक्षसों की वह विशाल सेना वेग से उछलकर शत्रु-सेना पर इस प्रकार टूट पड़ी जैसे पतंगे अग्नि पर टूट पड़ते हैं।

श्लोक 61 (yuddha.75.61)

तेषां भुजपरामर्शव्यामृष्टपरिघाशनि ॥ राक्षसानां बलम् श्रेष्ठं भूयः परमशोभत ॥ 75.61 ॥

teṣāṃ bhujaparāmarśavyāmṛṣṭaparighāśani || rākṣasānāṃ balam śreṣṭhaṃ bhūyaḥ paramaśobhata || 75.61 ||

उनकी भुजाओं द्वारा घुमाए और भाँजे जाते हुए परिघों तथा शस्त्रों के साथ वह श्रेष्ठ राक्षस-सेना और भी अधिक शोभायमान हो उठी।

श्लोक 62 (yuddha.75.62)

तत्रोन्मत्ता इवोत्पेतुर्हरयोऽथ युयुत्सवः ॥ तरुशैलैरभिघ्नन्तो मुष्टिभिश्च निशाचरान् ॥ 75.62 ॥

tatronmattā ivotpeturharayo'tha yuyutsavaḥ || taruśailairabhighnanto muṣṭibhiśca niśācarān || 75.62 ||

तब युद्धेच्छु वानर वहाँ मानो उन्मत्त होकर उछल पड़े, और वृक्षों, पत्थरों तथा मुष्टियों से निशाचरों पर प्रहार करने लगे।

श्लोक 63 (yuddha.75.63)

तथैवापततां तेषां हरीणाम् निशितैः शरैः ॥ शिरांसि सहसा जह्रू राक्षसा भीमविक्रमाः ॥ 75.63 ॥

tathaivāpatatāṃ teṣāṃ harīṇām niśitaiḥ śaraiḥ || śirāṃsi sahasā jahrū rākṣasā bhīmavikramāḥ || 75.63 ||

उसी प्रकार भीषण पराक्रमी राक्षसों ने अपने तीक्ष्ण बाणों से आक्रमण करते हुए उन वानरों के सिर तत्काल उड़ा दिए।

श्लोक 64 (yuddha.75.64)

दशनैर्हतकर्णाश्च मुष्टिभिर्भिन्नमस्तकाः ॥ शिलाप्रहारभग्नाङ्ग विचेरुस्तत्र राक्षसाः ॥ 75.64 ॥

daśanairhatakarṇāśca muṣṭibhirbhinnamastakāḥ || śilāprahārabhagnāṅga vicerustatra rākṣasāḥ || 75.64 ||

दाँतों से जिनके कान कट गए, मुष्टियों से जिनके सिर फट गए, शिला-प्रहार से जिनके अंग टूट गए, ऐसे राक्षस वहाँ इधर-उधर भटकने लगे।

श्लोक 65 (yuddha.75.65)

तथैवाप्यपरे तेषां कपीनामसिभिः शितैः ॥ प्रवरानभितो जघ्नुर्घोररूपा निशाचराः ॥ 75.65 ॥

tathaivāpyapare teṣāṃ kapīnāmasibhiḥ śitaiḥ || pravarānabhito jaghnurghorarūpā niśācarāḥ || 75.65 ||

उसी प्रकार अन्य भयंकर रूप वाले निशाचरों ने तीक्ष्ण तलवारों से उन वानरों में से श्रेष्ठों को सब ओर से मार गिराया।

श्लोक 66 (yuddha.75.66)

घ्नन्तमन्यं जघानान्यः पातयन्तमपातयत् ॥ गर्हमाणम् जगर्हन्यो दशन्तमपरोऽदशत् ॥ 75.66 ॥

ghnantamanyaṃ jaghānānyaḥ pātayantamapātayat || garhamāṇam jagarhanyo daśantamaparo'daśat || 75.66 ||

एक ने उस दूसरे को मार गिराया जो किसी तीसरे को मार रहा था; एक ने उसे गिरा दिया जो किसी को गिरा रहा था; एक ने उसे धिक्कारा जो धिक्कार रहा था; एक ने उसे काटा जो काट रहा था।

श्लोक 67 (yuddha.75.67)

देहीत्यन्यो ददात्यन्यो ददामीत्यपरः पुनः ॥ किं क्लेशयसि तिष्ठेति तत्रान्योन्यम् बभाषिरे ॥ 75.67 ॥

dehītyanyo dadātyanyo dadāmītyaparaḥ punaḥ || kiṃ kleśayasi tiṣṭheti tatrānyonyam babhāṣire || 75.67 ||

एक ने कहा 'दे दो!', दूसरे ने कहा 'दे रहा हूँ', तीसरे ने कहा 'मैं देता हूँ!' — और वे एक-दूसरे से कहते: 'क्यों कष्ट उठा रहे हो? रुक जाओ!'

श्लोक 68 (yuddha.75.68)

विप्रलम्भित शस्त्रं च विमुक्तकवचायुधम् ॥ 75.68 ॥

vipralambhita śastraṃ ca vimuktakavacāyudham || 75.68 ||

शस्त्र हाथों से छूटकर इधर-उधर बिखर रहे थे, कवच और आयुध ढीले होकर गिर रहे थे,

श्लोक 69 (yuddha.75.69)

समुद्यतमहाप्रासं यष्टिशूलासिंसम्कुलम् । प्रावर्त महा रौद्रं युद्धम् वानररक्षसाम् ॥ 75.69 ॥

samudyatamahāprāsaṃ yaṣṭiśūlāsiṃsamkulam | prāvarta mahā raudraṃ yuddham vānararakṣasām || 75.69 ||

विशाल भाले ऊपर उठे हुए थे, लाठियाँ, त्रिशूल और तलवारें गड्डमड्ड हो गई थीं — इस प्रकार वानरों और राक्षसों का वह अत्यंत भीषण युद्ध चल रहा था।

श्लोक 70 (yuddha.75.70)

वानरान् दश सप्तेति राक्षसा जघ्नराहवे । राक्षसान् दश सप्तेति वानराश्चाभ्यपातयन् ॥ 75.70 ॥

vānarān daśa sapteti rākṣasā jaghnarāhave | rākṣasān daśa sapteti vānarāścābhyapātayan || 75.70 ||

राक्षसों ने युद्ध में वानरों को दस-दस, सात-सात करके मार गिराया; वानरों ने भी राक्षसों को दस-दस, सात-सात करके गिरा दिया।

श्लोक 71 (yuddha.75.71)

विस्रस्तकेशवसनम् विमुक्तकवचध्वजम् । बलम् राक्षसमालम्ब्य वानराः पर्यवारयन् ॥ 75.71 ॥

visrastakeśavasanam vimuktakavacadhvajam | balam rākṣasamālambya vānarāḥ paryavārayan || 75.71 ||

जिनके केश और वस्त्र बिखरे हुए थे, जिनके कवच और ध्वज छूट गए थे, उस राक्षस-सेना को पकड़कर वानरों ने उसे चारों ओर से घेर लिया।