हनुमान द्वारा संजीवनी-पर्वत का आनयन

श्लोक 1 (yuddha.74.1)

तयोस्तदा सादितयो रणाग्रे । मुमोह सैन्यं हरियूथपानाम् । सुग्रीवनीलाङ्गदजाम्बवन्तो । न चापि किं चित्प्रतिपेदिरे ते ॥ 74.1 ॥

tayostadā sāditayo raṇāgre | mumoha sainyaṃ hariyūthapānām | sugrīvanīlāṅgadajāmbavanto | na cāpi kiṃ citpratipedire te || 74.1 ||

जब वे दोनों युद्ध के अग्रभाग में गिरा दिए गए, तब वानर-सेनापतियों की सेना मूर्च्छित हो गई; सुग्रीव, नील, अंगद और जाम्बवान भी कुछ समझ नहीं पाए कि क्या करें।

श्लोक 2 (yuddha.74.2)

ततो विषण्णं समवेक्ष्य सैन्यं । विभीषणो बुद्धिमतां वरिष्ठः । उवाच शाखामृगराजवीरान् । नाश्वासयन्नप्रतिमैर्वचोभिः ॥ 74.2 ॥

tato viṣaṇṇaṃ samavekṣya sainyaṃ | vibhīṣaṇo buddhimatāṃ variṣṭhaḥ | uvāca śākhāmṛgarājavīrān | nāśvāsayannapratimairvacobhiḥ || 74.2 ||

तब सेना को विषादग्रस्त देखकर बुद्धिमानों में श्रेष्ठ विभीषण ने अनुपम वचनों से आश्वस्त करते हुए वानर-वीरों से कहा।

श्लोक 3 (yuddha.74.3)

मा भैष्ट नास्त्यत्र विषादकालो । यदार्यपुत्राववशौ विषण्णौ । स्वयम्भुवो वाक्यमथोद्वहन्तौ । यत्सादिताविन्द्रजिदस्त्रजालैः ॥ 74.3 ॥

mā bhaiṣṭa nāstyatra viṣādakālo | yadāryaputrāvavaśau viṣaṇṇau | svayambhuvo vākyamathodvahantau | yatsāditāvindrajidastrajālaiḥ || 74.3 ||

'भयभीत मत हो; यह विषाद का समय नहीं है। ये दोनों आर्यपुत्र स्वयम्भू ब्रह्मा के विधान का सम्मान करते हुए ही इन्द्रजित के अस्त्र-जाल से विवश और मूर्च्छित हुए हैं।'

श्लोक 4 (yuddha.74.4)

तस्मै तु दत्तं परमास्त्रमेतत् । त्स्वयम्भुवा ब्राह्मममोघवेगम् । तन्मानयन्तौ यदि राजपुत्रौ । निपातितौ को अत्र विषादकालः ॥ 74.4 ॥

tasmai tu dattaṃ paramāstrametat | tsvayambhuvā brāhmamamoghavegam | tanmānayantau yadi rājaputrau | nipātitau ko atra viṣādakālaḥ || 74.4 ||

'यह परम अस्त्र, अमोघ वेग वाला, स्वयं ब्रह्मा द्वारा उसे प्रदान किया गया था; यदि दोनों राजकुमार उसका सम्मान करते हुए ही गिरे हैं, तो यहाँ विषाद का क्या अवसर है?'

श्लोक 5 (yuddha.74.5)

ब्राह्ममस्त्रं तदा धीमान्मानयित्वा तु मारुतिः । विभीषणवचः श्रुत्वा हनूमांस्तमथाब्रवीत् ॥ 74.5 ॥

brāhmamastraṃ tadā dhīmānmānayitvā tu mārutiḥ | vibhīṣaṇavacaḥ śrutvā hanūmāṃstamathābravīt || 74.5 ||

तब बुद्धिमान हनुमान ने भी ब्रह्मास्त्र का सम्मान करते हुए विभीषण के वचन सुनकर उनसे कहा।

श्लोक 6 (yuddha.74.6)

अस्मिन्निहते सैन्ये वानराणां तरस्विनाम् । यो यो धारयते प्राणांस्तं तमाश्वासयावहे ॥ 74.6 ॥

asminnihate sainye vānarāṇāṃ tarasvinām | yo yo dhārayate prāṇāṃstaṃ tamāśvāsayāvahe || 74.6 ||

'इस पराजित सेना में जो-जो वानर अभी प्राण धारण किए हुए हैं, आइए हम उन-उन सबको धैर्य बँधाएँ।'

श्लोक 7 (yuddha.74.7)

तावुभौ युगपद्वीरौ हनूमद्राक्षसोत्तमौ । उल्काहस्तौ तदा रात्रौ रणशीर्षे विचेरतुः ॥ 74.7 ॥

tāvubhau yugapadvīrau hanūmadrākṣasottamau | ulkāhastau tadā rātrau raṇaśīrṣe viceratuḥ || 74.7 ||

तब वे दोनों वीर, हनुमान और वह श्रेष्ठ राक्षस, हाथों में मशाल लिए उस रात्रि में रणभूमि में साथ-साथ घूमने लगे।

श्लोक 8 (yuddha.74.8)

भिन्नलाङ्गूलहस्तोरुपादाङ्गुलि शिरो धरैः । स्रवद्भिः क्षतजं गात्रैः प्रस्रवद्भिः समन्ततः ॥ 74.8 ॥

bhinnalāṅgūlahastorupādāṅguli śiro dharaiḥ | sravadbhiḥ kṣatajaṃ gātraiḥ prasravadbhiḥ samantataḥ || 74.8 ||

जिनके अंग सर्वत्र छिन्न-भिन्न थे — पूँछ, हाथ, जाँघें, पाँव, अँगुलियाँ, सिर — और घावों से रक्त हर ओर बह रहा था,

श्लोक 9 (yuddha.74.9)

पतितैः पर्वताकारैर्वानरैरभिसङ्कुलाम् । शस्त्रैश्च पतितैर्दीप्तैर्ददृशाते वसुन्धराम् ॥ 74.9 ॥

patitaiḥ parvatākārairvānarairabhisaṅkulām | śastraiśca patitairdīptairdadṛśāte vasundharām || 74.9 ||

उन्होंने पृथ्वी को पर्वत के समान विशाल गिरे हुए वानरों से भरी हुई और गिरे हुए प्रज्वलित शस्त्रों से पटी हुई देखा।

श्लोक 10 (yuddha.74.10)

सुग्रीवमङ्गदं नीलं शरभं गन्धमादनम् । गवाक्षम् च सुषेणं च वेगदर्शनमाहुकम् ॥ 74.10 ॥

sugrīvamaṅgadaṃ nīlaṃ śarabhaṃ gandhamādanam | gavākṣam ca suṣeṇaṃ ca vegadarśanamāhukam || 74.10 ||

सुग्रीव, अंगद, नील, शरभ, गन्धमादन, गवाक्ष, सुषेण और वेगदर्शी —

श्लोक 11 (yuddha.74.11)

मैन्दं नलं ज्योतिमुखं द्विविदं पनसं तथा । विभीषणो हनूमांश्च ददृशाते हतान्रणे ॥ 74.11 ॥

maindaṃ nalaṃ jyotimukhaṃ dvividaṃ panasaṃ tathā | vibhīṣaṇo hanūmāṃśca dadṛśāte hatānraṇe || 74.11 ||

मैन्द, नल, ज्योतिमुख, द्विविद तथा पनस को भी — विभीषण और हनुमान ने युद्धभूमि में इन सबको मूर्च्छित पड़ा हुआ देखा।

श्लोक 12 (yuddha.74.12)

सप्तषष्टिर्हताः कोट्यो वानराणां तरस्विनाम् । अह्नः पञ्चमशेषेण वल्लभेन स्वयम्भुवः ॥ 74.12 ॥

saptaṣaṣṭirhatāḥ koṭyo vānarāṇāṃ tarasvinām | ahnaḥ pañcamaśeṣeṇa vallabhena svayambhuvaḥ || 74.12 ||

स्वयम्भू ब्रह्मा के उस प्रिय अस्त्र से दिन के पाँचवें और अंतिम प्रहर में वेगवान वानरों के सड़सठ करोड़ योद्धा मूर्च्छित हो चुके थे।

श्लोक 13 (yuddha.74.13)

सागरौघनिभं भीमं दृष्ट्वा बाणार्दितं बलम् । मार्गते जाम्बवन्तं स्म हनूमान्सविभीषणः ॥ 74.13 ॥

sāgaraughanibhaṃ bhīmaṃ dṛṣṭvā bāṇārditaṃ balam | mārgate jāmbavantaṃ sma hanūmānsavibhīṣaṇaḥ || 74.13 ||

बाणों से पीड़ित, समुद्र की लहरों के समान विशाल उस भीषण सेना को देखते हुए हनुमान विभीषण के साथ जाम्बवान को ढूँढ़ने लगे।

श्लोक 14 (yuddha.74.14)

स्वभावजरया युक्तं वृद्धं शरशतैश् चितम् । प्रजापतिसुतं वीरं शाम्यन्तमिव पावकम् ॥ दृष्ट्वा तमुपसङ्गम्य पौलस्त्यो वाक्यमब्रवीत् ॥ 74.14 ॥

svabhāvajarayā yuktaṃ vṛddhaṃ śaraśataiś citam | prajāpatisutaṃ vīraṃ śāmyantamiva pāvakam || dṛṣṭvā tamupasaṅgamya paulastyo vākyamabravīt || 74.14 ||

स्वभाविक वृद्धावस्था से युक्त, सैकड़ों बाणों से आच्छादित, बुझती हुई अग्नि के समान उस प्रजापति-पुत्र वीर को देखकर विभीषण उसके पास जाकर बोले।

श्लोक 15 (yuddha.74.15)

कच्चिदार्यशरैस्तीर्ष्णैर्न प्राणा ध्वंसितास्तव ॥ 74.15 ॥

kaccidāryaśaraistīrṣṇairna prāṇā dhvaṃsitāstava || 74.15 ||

'आशा है कि आर्य के तीक्ष्ण बाणों से आपके प्राण नष्ट नहीं हुए?'

श्लोक 16 (yuddha.74.16)

विभीषणवचः श्रुत्वा जाम्बवानृक्षपुङ्गवः । कृच्छ्रादभ्युद्गिरन्वाक्यमिदं वचनमब्रवीत् ॥ 74.16 ॥

vibhīṣaṇavacaḥ śrutvā jāmbavānṛkṣapuṅgavaḥ | kṛcchrādabhyudgiranvākyamidaṃ vacanamabravīt || 74.16 ||

विभीषण के वचन सुनकर, रीछों में श्रेष्ठ जाम्बवान ने बड़ी कठिनाई से ये शब्द उच्चारते हुए कहा।

श्लोक 17 (yuddha.74.17)

नैरृतेन्द्रमहावीर्यस्वरेण त्वाभिलक्षये । विद्धगात्रः शितैर्बाणैर्न त्वां पश्यामि चक्षुषा ॥ 74.17 ॥

nairṛtendramahāvīryasvareṇa tvābhilakṣaye | viddhagātraḥ śitairbāṇairna tvāṃ paśyāmi cakṣuṣā || 74.17 ||

'हे महापराक्रमी राक्षसेन्द्र! मैं आपको केवल स्वर से ही पहचान रहा हूँ; तीक्ष्ण बाणों से बिंधे शरीर के कारण मैं आपको नेत्रों से देख नहीं पा रहा।'

श्लोक 18 (yuddha.74.18)

अञ्जना सुप्रजा येन मातरिश्वा च नैरृत । हनूमान्वानरश्रेष्ठः प्राणान्धारयते क्व चित् ॥ 74.18 ॥

añjanā suprajā yena mātariśvā ca nairṛta | hanūmānvānaraśreṣṭhaḥ prāṇāndhārayate kva cit || 74.18 ||

'हे राक्षसेन्द्र! क्या हनुमान, जिनके कारण अंजना और वायुदेव धन्य माता-पिता कहलाए, वानरश्रेष्ठ हनुमान कहीं अभी प्राण धारण किए हुए हैं?'

श्लोक 19 (yuddha.74.19)

श्रुत्वा जाम्बवतो वाक्यमुवाचेदं विभीषणः । आर्यपुत्रावतिक्रम्य कस्मात्पृच्छसि मारुतिम् ॥ 74.19 ॥

śrutvā jāmbavato vākyamuvācedaṃ vibhīṣaṇaḥ | āryaputrāvatikramya kasmātpṛcchasi mārutim || 74.19 ||

जाम्बवान के वचन सुनकर विभीषण ने कहा: 'दोनों आर्यपुत्रों को छोड़कर आप पवनपुत्र के बारे में ही क्यों पूछ रहे हैं?'

श्लोक 20 (yuddha.74.20)

नैव राजनि सुग्रीवे नाङ्गदे नापि राघवे । आर्य सन्दर्शितः स्नेहो यथा वायुसुते परः ॥ 74.20 ॥

naiva rājani sugrīve nāṅgade nāpi rāghave | ārya sandarśitaḥ sneho yathā vāyusute paraḥ || 74.20 ||

'हे आर्य! जैसा स्नेह आप पवनपुत्र के प्रति दिखा रहे हैं, वैसा न राजा सुग्रीव के प्रति दिखाया, न अंगद के प्रति, न राघव के प्रति ही।'

श्लोक 21 (yuddha.74.21)

विभीषणवचः श्रुत्वा जाम्बवान्वाक्यमब्रवीत् । शृणु नैरृतशार्दूल यस्मात्पृच्छामि मारुतिम् ॥ 74.21 ॥

vibhīṣaṇavacaḥ śrutvā jāmbavānvākyamabravīt | śṛṇu nairṛtaśārdūla yasmātpṛcchāmi mārutim || 74.21 ||

विभीषण के वचन सुनकर जाम्बवान ने कहा: 'हे राक्षस-शार्दूल! सुनिए, मैं पवनपुत्र के विषय में ही क्यों पूछ रहा हूँ।'

श्लोक 22 (yuddha.74.22)

अस्मिञ्जीवति वीरे तु हतमप्यहतं बलम् । हनूमत्युज्झितप्राणे जीवन्तोऽपि मृता वयम् ॥ 74.22 ॥

asmiñjīvati vīre tu hatamapyahataṃ balam | hanūmatyujjhitaprāṇe jīvanto'pi mṛtā vayam || 74.22 ||

'यह वीर जीवित है, तो हमारी सेना मारी जाकर भी अक्षत है; परन्तु यदि हनुमान ने प्राण त्याग दिए, तो हम जीवित रहते हुए भी मृत ही हैं।'

श्लोक 23 (yuddha.74.23)

ध्रियते मारुतिस्तात मारुतप्रतिमो यदि । वैश्वानरसमो वीर्ये जीविताशा ततो भवेत् ॥ 74.23 ॥

dhriyate mārutistāta mārutapratimo yadi | vaiśvānarasamo vīrye jīvitāśā tato bhavet || 74.23 ||

'हे तात! यदि वायु के समान और अग्नि के समान पराक्रमी वह मारुति जीवित है, तो हमारे जीवन की आशा बनी रहेगी।'

श्लोक 24 (yuddha.74.24)

ततो वृद्धमुपागम्य नियमेनाभ्यवादयत् । गृह्य जाम्बवतः पादौ हनूमान्मारुतात्मजः ॥ 74.24 ॥

tato vṛddhamupāgamya niyamenābhyavādayat | gṛhya jāmbavataḥ pādau hanūmānmārutātmajaḥ || 74.24 ||

तब पवनपुत्र हनुमान ने उस वृद्ध के पास जाकर जाम्बवान के चरण पकड़कर विधिपूर्वक प्रणाम किया।

श्लोक 25 (yuddha.74.25)

श्रुत्वा हनुमतो वाक्यं तथापि व्यथितेन्द्रियः । पुनर्जातमिवात्मानं स मेने ऋक्षपुङ्गवः ॥ 74.25 ॥

śrutvā hanumato vākyaṃ tathāpi vyathitendriyaḥ | punarjātamivātmānaṃ sa mene ṛkṣapuṅgavaḥ || 74.25 ||

हनुमान का स्वर सुनकर, यद्यपि उनकी इन्द्रियाँ अभी व्यथित थीं, वह ऋक्षश्रेष्ठ मानो पुनर्जन्म पा गए हों, ऐसा अनुभव करने लगे।

श्लोक 26 (yuddha.74.26)

ततोऽब्रवीन्महातेजा हनूमन्तं स जाम्बवान् । आगच्छ हरिशार्दूलवानरांस्त्रातुमर्हसि ॥ 74.26 ॥

tato'bravīnmahātejā hanūmantaṃ sa jāmbavān | āgaccha hariśārdūlavānarāṃstrātumarhasi || 74.26 ||

तब उस महातेजस्वी जाम्बवान ने हनुमान से कहा: 'आओ, हे वानर-शार्दूल, तुम्हीं वानरों की रक्षा करने में समर्थ हो।'

श्लोक 27 (yuddha.74.27)

नान्यो विक्रमपर्याप्तस्त्वमेषां परमः सखा । त्वत्पराक्रमकालोऽयं नान्यं पश्यामि कञ् चन ॥ 74.27 ॥

nānyo vikramaparyāptastvameṣāṃ paramaḥ sakhā | tvatparākramakālo'yaṃ nānyaṃ paśyāmi kañ cana || 74.27 ||

'इसके लिए पर्याप्त पराक्रम किसी अन्य में नहीं है; तुम्हीं इनके सबसे बड़े मित्र हो। यही तुम्हारे पराक्रम का समय है — मुझे कोई अन्य दिखाई नहीं देता।'

श्लोक 28 (yuddha.74.28)

ऋक्षवानरवीराणामनीकानि प्रहर्षय । विशल्यौ कुरु चाप्येतौ सादितौ रामलक्ष्मणौ ॥ 74.28 ॥

ṛkṣavānaravīrāṇāmanīkāni praharṣaya | viśalyau kuru cāpyetau sāditau rāmalakṣmaṇau || 74.28 ||

'रीछ और वानर-वीरों की सेनाओं को हर्षित करो; और आहत राम-लक्ष्मण को भी शल्य-रहित करो।'

श्लोक 29 (yuddha.74.29)

गत्वा परममध्वानमुपर्युपरि सागरम् । हिमवन्तं नगश्रेष्ठं हनूमन्गन्तुमर्हसि ॥ 74.29 ॥

gatvā paramamadhvānamuparyupari sāgaram | himavantaṃ nagaśreṣṭhaṃ hanūmangantumarhasi || 74.29 ||

'हे हनुमान! तुम्हें सागर के ऊपर से अत्यंत लंबी यात्रा करके पर्वतश्रेष्ठ हिमालय तक जाना होगा।'

श्लोक 30 (yuddha.74.30)

ततः काञ्चनमत्युग्रमृषभं पर्वतोत्तमम् । कैलासशिखरं चापि द्रक्ष्यस्यरिनिषूदन ॥ 74.30 ॥

tataḥ kāñcanamatyugramṛṣabhaṃ parvatottamam | kailāsaśikharaṃ cāpi drakṣyasyariniṣūdana || 74.30 ||

'हे शत्रुसंहारक! वहाँ तुम स्वर्ण के समान अत्यंत उग्र पर्वतश्रेष्ठ ऋषभ को और कैलास शिखर को भी देखोगे।'

श्लोक 31 (yuddha.74.31)

तयोः शिखरयोर्मध्ये प्रदीप्तमतुलप्रभम् । सर्वौषधियुतं वीर द्रक्ष्यस्यौषधिपर्वतम् ॥ 74.31 ॥

tayoḥ śikharayormadhye pradīptamatulaprabham | sarvauṣadhiyutaṃ vīra drakṣyasyauṣadhiparvatam || 74.31 ||

'हे वीर! उन दोनों शिखरों के मध्य तुम्हें समस्त औषधियों से युक्त, प्रज्वलित और अनुपम कान्ति वाला औषधि-पर्वत दिखाई देगा।'

श्लोक 32 (yuddha.74.32)

तस्य वानरशार्दूलचतस्रो मूर्ध्नि सम्भवाः । द्रक्ष्यस्योषधयो दीप्ता दीपयन्त्यो दिशो दश ॥ 74.32 ॥

tasya vānaraśārdūlacatasro mūrdhni sambhavāḥ | drakṣyasyoṣadhayo dīptā dīpayantyo diśo daśa || 74.32 ||

'हे वानर-शार्दूल! उसके शिखर पर उत्पन्न चार दीप्तिमान औषधियाँ तुम्हें दिखाई देंगी, जो दसों दिशाओं को आलोकित कर रही होंगी।'

श्लोक 33 (yuddha.74.33)

मृतसञ्जीवनीं चैव विशल्यकरणीम् अपि । सौवर्णकरणीं चैव सन्धानीं च महौषधीम् ॥ 74.33 ॥

mṛtasañjīvanīṃ caiva viśalyakaraṇīm api | sauvarṇakaraṇīṃ caiva sandhānīṃ ca mahauṣadhīm || 74.33 ||

'मृत-संजीवनी, विशल्यकरणी, सौवर्णकरणी और महौषधि सन्धानी —'

श्लोक 34 (yuddha.74.34)

ताः सर्वा हनुमन्गृह्य क्षिप्रमागन्तुमर्हसि । आश्वासय हरीन्प्राणैर्योज्य गन्धवहात्मजः ॥ 74.34 ॥

tāḥ sarvā hanumangṛhya kṣipramāgantumarhasi | āśvāsaya harīnprāṇairyojya gandhavahātmajaḥ || 74.34 ||

'हे हनुमान! इन सबको लेकर शीघ्र लौट आओ; हे पवनपुत्र! वानरों को प्राण देकर उन्हें धैर्य बँधाओ।'

श्लोक 35 (yuddha.74.35)

श्रुत्वा जाम्बवतो वाक्यं हनूमान्हरिपुङ्गवः । आपूर्यत बलोद्धर्षैस्तोयवेगैरिवार्णवः ॥ 74.35 ॥

śrutvā jāmbavato vākyaṃ hanūmānharipuṅgavaḥ | āpūryata baloddharṣaistoyavegairivārṇavaḥ || 74.35 ||

जाम्बवान के वचन सुनकर वानरश्रेष्ठ हनुमान बल और हर्ष से इस प्रकार भर उठे जैसे जल की धाराओं से समुद्र उमड़ पड़ता है।

श्लोक 36 (yuddha.74.36)

स पर्वततटाग्रस्थः पीडयन्पर्वतोत्तरम् । हनूमान्दृश्यते वीरो द्वितीय इव पर्वतः ॥ 74.36 ॥

sa parvatataṭāgrasthaḥ pīḍayanparvatottaram | hanūmāndṛśyate vīro dvitīya iva parvataḥ || 74.36 ||

पर्वत के ढाल के छोर पर खड़े होकर, पर्वत को दबाते हुए, वीर हनुमान मानो दूसरे पर्वत के समान दिखाई देने लगे।

श्लोक 37 (yuddha.74.37)

हरिपादविनिर्भिन्नो निषसाद स पर्वतः । न शशाक तदात्मानं सोढुं भृशनिपीडितः ॥ 74.37 ॥

haripādavinirbhinno niṣasāda sa parvataḥ | na śaśāka tadātmānaṃ soḍhuṃ bhṛśanipīḍitaḥ || 74.37 ||

वानर के पैर से विदीर्ण होकर वह पर्वत धँस गया; अत्यंत दबाया जाकर वह अपने आप को सँभाल नहीं सका।

श्लोक 38 (yuddha.74.38)

तस्य पेतुर्नगा भूमौ हरिवेगाच्च जज्वलुः । शृङ्गाणि च व्यकीर्यन्त पीडितस्य हनूमता ॥ 74.38 ॥

tasya peturnagā bhūmau harivegācca jajvaluḥ | śṛṅgāṇi ca vyakīryanta pīḍitasya hanūmatā || 74.38 ||

उसके वृक्ष भूमि पर गिर पड़े और वानर के वेग से जल उठे; तथा हनुमान द्वारा दबाए जाने से उसके शिखर बिखर गए।

श्लोक 39 (yuddha.74.39)

तस्मिन्सम्पीड्यमाने तु भग्नद्रुमशिलातले । न शेकुर्वानराः स्थातुं घूर्णमाने नगोत्तमे ॥ 74.39 ॥

tasminsampīḍyamāne tu bhagnadrumaśilātale | na śekurvānarāḥ sthātuṃ ghūrṇamāne nagottame || 74.39 ||

जब वह श्रेष्ठ पर्वत इस प्रकार दबाया जा रहा था, उसके वृक्ष और शिला-तल टूट रहे थे, वह डगमगाने लगा, तब उस पर खड़े वानर स्थिर नहीं रह सके।

श्लोक 40 (yuddha.74.40)

स घूर्णितमहाद्वारा प्रभग्नगृहगोपुरा । लङ्का त्रासाकुला रात्रौ प्रनृत्तेवाभवत्तदा ॥ 74.40 ॥

sa ghūrṇitamahādvārā prabhagnagṛhagopurā | laṅkā trāsākulā rātrau pranṛttevābhavattadā || 74.40 ||

उसके विशाल द्वार डगमगा उठे, घर और गोपुर टूट गए; उस रात्रि में भय से व्याकुल लंका मानो नाचती हुई-सी प्रतीत होने लगी।

श्लोक 41 (yuddha.74.41)

पृथिवीधरसङ्काशो निपीड्य धरणीधरम् । पृथिवीं क्षोभयामास सार्णवां मारुतात्मजः ॥ 74.41 ॥

pṛthivīdharasaṅkāśo nipīḍya dharaṇīdharam | pṛthivīṃ kṣobhayāmāsa sārṇavāṃ mārutātmajaḥ || 74.41 ||

पर्वत के समान वह पवनपुत्र पर्वत को दबाकर सागर सहित समस्त पृथ्वी को कँपा देने लगा।

श्लोक 42 (yuddha.74.42)

आरुरोह तदा तस्माद्धरिर्मलयपर्वतम् । मेरुमन्दरसंकाशं नानाप्रस्रवणाकुलम् ॥ 74.42 ॥

āruroha tadā tasmāddharirmalayaparvatam | merumandarasaṃkāśaṃ nānāprasravaṇākulam || 74.42 ||

तब वहाँ से वह वानर मलय पर्वत पर चढ़ गया, जो मेरु और मन्दर के समान था, नाना झरनों से व्याप्त था,

श्लोक 43 (yuddha.74.43)

नानाद्रुमलताकीर्णम् विकासिकमलोत्पलम् । सेवितम् देवगन्धर्वैः षष्टियोजनमुच्छ्रितम् ॥ 74.43 ॥

nānādrumalatākīrṇam vikāsikamalotpalam | sevitam devagandharvaiḥ ṣaṣṭiyojanamucchritam || 74.43 ||

अनेक वृक्षों और लताओं से भरा, खिले हुए कमलों और उत्पलों से युक्त, देवों और गन्धर्वों द्वारा सेवित, साठ योजन ऊँचा था।

श्लोक 44 (yuddha.74.44)

विद्याधरैर्मुनिगणैरप्सरोभिर्निषेवितम् । नानामृगगणाकीर्णम् बहुकन्दरशोभितम् ॥ 74.44 ॥

vidyādharairmunigaṇairapsarobhirniṣevitam | nānāmṛgagaṇākīrṇam bahukandaraśobhitam || 74.44 ||

विद्याधरों, मुनिगणों और अप्सराओं से सेवित, नाना मृग-समूहों से व्याप्त और अनेक कन्दराओं से सुशोभित था।

श्लोक 45 (yuddha.74.45)

सर्वानाकुलयंस्तत्र यक्षगन्धर्वकिम्नरान् । हनुमान् मेघसम्काशो ववृधे मारुतात्मजः ॥ 74.45 ॥

sarvānākulayaṃstatra yakṣagandharvakimnarān | hanumān meghasamkāśo vavṛdhe mārutātmajaḥ || 74.45 ||

वहाँ के समस्त यक्षों, गन्धर्वों और किन्नरों को व्याकुल करते हुए, मेघ के समान विशाल वह पवनपुत्र हनुमान और भी बढ़ते गए।

श्लोक 46 (yuddha.74.46)

पद्भ्यां तु शैलमापीड्य वडवामुखवन्मुखम् । विवृत्योग्रं ननादोच्चैस्त्रासयन्निव राक्षसान् ॥ 74.46 ॥

padbhyāṃ tu śailamāpīḍya vaḍavāmukhavanmukham | vivṛtyograṃ nanādoccaistrāsayanniva rākṣasān || 74.46 ||

अपने पैरों से पर्वत को दबाकर, वडवामुख के समान भयंकर मुख फैलाकर, राक्षसों को मानो भयभीत करते हुए उन्होंने ऊँची गर्जना की।

श्लोक 47 (yuddha.74.47)

तस्य नानद्यमानस्य श्रुत्वा निनदमद्भुतम् । लङ्कास्था राक्षसाः सर्वे न शेकुः स्पन्दितुं भयात् ॥ 74.47 ॥

tasya nānadyamānasya śrutvā ninadamadbhutam | laṅkāsthā rākṣasāḥ sarve na śekuḥ spandituṃ bhayāt || 74.47 ||

उनकी उस अद्भुत गर्जना को सुनकर लंका में रहने वाले समस्त राक्षस भय के मारे हिल भी न सके।

श्लोक 48 (yuddha.74.48)

नमस्कृत्वाथ रामाय मारुतिर्भीमविक्रमः । राघवार्थे परं कर्म समैहत परन्तपः ॥ 74.48 ॥

namaskṛtvātha rāmāya mārutirbhīmavikramaḥ | rāghavārthe paraṃ karma samaihata parantapaḥ || 74.48 ||

तब राम को प्रणाम करके भीषण पराक्रमी और शत्रु-संतापक पवनपुत्र ने राघव के लिए इस परम कार्य को करने का संकल्प लिया।

श्लोक 49 (yuddha.74.49)

स पुच्छमुद्यम्य भुजङ्गकल्पं । विनम्य पृष्ठं श्रवणे निकुञ्च्य । विवृत्य वक्त्रं वडवामुखाभम् । आपुप्लुवे व्योम्नि स चण्डवेगः ॥ 74.49 ॥

sa pucchamudyamya bhujaṅgakalpaṃ | vinamya pṛṣṭhaṃ śravaṇe nikuñcya | vivṛtya vaktraṃ vaḍavāmukhābham | āpupluve vyomni sa caṇḍavegaḥ || 74.49 ||

सर्प के समान अपनी पूँछ उठाकर, पीठ झुकाकर, कानों को समेटकर, वडवामुख के समान मुख फैलाकर, वह प्रचण्ड वेग वाला हनुमान आकाश में उछल पड़ा।

श्लोक 50 (yuddha.74.50)

स वृक्षषण्डांस्तरसा जहार । शैलाञ्शिलाः प्राकृतवानरांश् च । बाहूरुवेगोद्धतसम्प्रणुन्नास् । स्ते क्षीणवेगाः सलिले निपेतुः ॥ 74.50 ॥

sa vṛkṣaṣaṇḍāṃstarasā jahāra | śailāñśilāḥ prākṛtavānarāṃś ca | bāhūruvegoddhatasampraṇunnās | ste kṣīṇavegāḥ salile nipetuḥ || 74.50 ||

अपने वेग से उसने वृक्षों के झुंड, शिलाएँ, पत्थर और कुछ साधारण वानरों को भी उड़ा दिया; भुजाओं और जाँघों के वेग से उछले हुए वे सब वेग समाप्त होने पर जल में जा गिरे।

श्लोक 51 (yuddha.74.51)

स तौ प्रसार्योरगभोगकल्पौ । भुजौ भुजङ्गारिनिकाशवीर्यः । जगाम मेरुं नगराजमग्र्यं । दिशः प्रकर्षन्निव वायुसूनुः ॥ 74.51 ॥

sa tau prasāryoragabhogakalpau | bhujau bhujaṅgārinikāśavīryaḥ | jagāma meruṃ nagarājamagryaṃ | diśaḥ prakarṣanniva vāyusūnuḥ || 74.51 ||

सर्पों के फन के समान अपनी दोनों भुजाएँ फैलाकर, गरुड़ के समान पराक्रमी वह पवनपुत्र दिशाओं को मानो अपने साथ खींचता हुआ पर्वतराज मेरु की ओर बढ़ चला।

श्लोक 52 (yuddha.74.52)

स सागरं घूर्णितवीचिमालं । तथा भृशं भ्रामितसर्वसत्त्वम् । समीक्षमाणः सहसा जगाम । चक्रं यथा विष्णुकराग्रमुक्तम् ॥ 74.52 ॥

sa sāgaraṃ ghūrṇitavīcimālaṃ | tathā bhṛśaṃ bhrāmitasarvasattvam | samīkṣamāṇaḥ sahasā jagāma | cakraṃ yathā viṣṇukarāgramuktam || 74.52 ||

उफनती लहरों की माला वाले, अपने सब प्राणियों को व्याकुल किए हुए उस समुद्र को देखते हुए, वह उसी वेग से आगे बढ़ा जैसे विष्णु के हाथ से छूटा हुआ चक्र।

श्लोक 53 (yuddha.74.53)

स पर्वतान्वृक्षगणान्सरांसि । नदीस्तटाकानि पुरोत्तमानि । स्फीताञ्जनांस्तानपि सम्प्रपश्यञ् । जगाम वेगात्पितृतुल्यवेगः ॥ 74.53 ॥

sa parvatānvṛkṣagaṇānsarāṃsi | nadīstaṭākāni purottamāni | sphītāñjanāṃstānapi samprapaśyañ | jagāma vegātpitṛtulyavegaḥ || 74.53 ||

पर्वतों, वृक्ष-समूहों, सरोवरों, नदियों, तालाबों, श्रेष्ठ नगरों और उनकी समृद्ध जनता को नीचे देखते हुए, वह अपने पिता के समान वेग से आगे बढ़ता गया।

श्लोक 54 (yuddha.74.54)

आदित्यपथमाश्रित्य जगाम स गतश्रमः । हनुमांस्त्वरितो वीरः पितुस्तुल्यपराक्रमः ॥ 74.54 ॥

ādityapathamāśritya jagāma sa gataśramaḥ | hanumāṃstvarito vīraḥ pitustulyaparākramaḥ || 74.54 ||

सूर्य के मार्ग का आश्रय लेकर, बिना थके, वह त्वरित वीर हनुमान, जो अपने पिता के समान पराक्रमी थे, आगे बढ़ते गए।

श्लोक 55 (yuddha.74.55)

जवेन महता युक्तो मारुतिर्मारुतो यथा । जगाम हरिशार्दूलो दिशः शब्देन नादयन् ॥ 74.55 ॥

javena mahatā yukto mārutirmāruto yathā | jagāma hariśārdūlo diśaḥ śabdena nādayan || 74.55 ||

अत्यंत वेग से युक्त, वायु के समान वह वानर-शार्दूल दिशाओं को अपनी गर्जना से गुँजाता हुआ आगे बढ़ा।

श्लोक 56 (yuddha.74.56)

स्मर्न् जाम्बवतो वाक्यम् मारुतिर्भीमविक्रमः । ददर्श सहसा चापि हिमवन्तं महाकपिः ॥ 74.56 ॥

smarn jāmbavato vākyam mārutirbhīmavikramaḥ | dadarśa sahasā cāpi himavantaṃ mahākapiḥ || 74.56 ||

जाम्बवान के वचनों का स्मरण करते हुए, भीषण पराक्रमी वह महाकपि सहसा हिमालय को देख पाया।

श्लोक 57 (yuddha.74.57)

नानाप्रस्रवणोपेतं बहुकन्दरनिर्झरम् । श्वेताभ्रचयसङ्काशैः शिखरैश्चारुदर्शनैः ॥ शोभितं विविधैर्वृक्तैरगमत्पर्वतोत्तमम् ॥ 74.57 ॥

nānāprasravaṇopetaṃ bahukandaranirjharam | śvetābhracayasaṅkāśaiḥ śikharaiścārudarśanaiḥ || śobhitaṃ vividhairvṛktairagamatparvatottamam || 74.57 ||

वह उस पर्वतश्रेष्ठ के पास पहुँचा, जो अनेक झरनों, कई गुफाओं और निर्झरों से युक्त था, जिसके सुन्दर शिखर श्वेत मेघ-राशि के समान थे, और जो विविध वृक्षों से सुशोभित था।

श्लोक 58 (yuddha.74.58)

स तम् समासाद्य महानगेन्द्रम् । मतिप्रवृद्धोत्तमघोरशृङ्गम् । ददर्श पुण्यानि महाश्रमाणि । सुरर्षिसङ्घोत्तमसेवितानि ॥ 74.58 ॥

sa tam samāsādya mahānagendram | matipravṛddhottamaghoraśṛṅgam | dadarśa puṇyāni mahāśramāṇi | surarṣisaṅghottamasevitāni || 74.58 ||

उस विशाल पर्वतराज के पास पहुँचकर, जिसके ऊँचे और विस्मयकारी शिखर आकाश की ओर उठे हुए थे, उसने पवित्र महान आश्रमों को देखा, जो देवर्षि-समूहों द्वारा सेवित थे।

श्लोक 59 (yuddha.74.59)

स ब्रह्मकोशं रजतालयं च । शक्रालयं रुद्रशरप्रमोक्षम् । हयाननं ब्रह्मशिरश्च दीप्तं । ददर्श वैवस्वत किङ्करांश् च ॥ 74.59 ॥

sa brahmakośaṃ rajatālayaṃ ca | śakrālayaṃ rudraśarapramokṣam | hayānanaṃ brahmaśiraśca dīptaṃ | dadarśa vaivasvata kiṅkarāṃś ca || 74.59 ||

उसने ब्रह्मकोश, रजत-आलय, इन्द्र का निवास, रुद्र के बाण-मोक्ष का स्थान, हयानन, ब्रह्मा का दीप्तिमान शिर, तथा वैवस्वत के किंकरों को भी देखा।

श्लोक 60 (yuddha.74.60)

वज्रालयं वैश्वरणालयं च । सूर्यप्रभं सूर्यनिबन्धनं च । ब्रह्मासनं शङ्करकार्मुकं च । ददर्श नाभिं च वसुन्धरायाः ॥ 74.60 ॥

vajrālayaṃ vaiśvaraṇālayaṃ ca | sūryaprabhaṃ sūryanibandhanaṃ ca | brahmāsanaṃ śaṅkarakārmukaṃ ca | dadarśa nābhiṃ ca vasundharāyāḥ || 74.60 ||

उसने वज्र का आलय, वैश्रवण का आलय, सूर्य के समान प्रभावाला वह स्थान जहाँ सूर्य बाँधा गया था, ब्रह्मासन, शंकर का धनुष, तथा पृथ्वी की नाभि को भी देखा।

श्लोक 61 (yuddha.74.61)

कैलासमग्र्यं हिमवच्छिलां च । तथर्षभं काञ्चनशैलमग्र्यम् । स दीप्तसर्वौषधिसम्प्रदीप्तं । ददर्श सर्वौषधिपर्वतेन्द्रम् ॥ 74.61 ॥

kailāsamagryaṃ himavacchilāṃ ca | tatharṣabhaṃ kāñcanaśailamagryam | sa dīptasarvauṣadhisampradīptaṃ | dadarśa sarvauṣadhiparvatendram || 74.61 ||

उसने उत्कृष्ट कैलास, हिमवान की शिला, तथा स्वर्णमय श्रेष्ठ ऋषभ पर्वत को भी देखा, जो समस्त औषधियों की दीप्ति से प्रज्वलित उस औषधि-पर्वतराज को प्रकाशित कर रहा था।

श्लोक 62 (yuddha.74.62)

स तं समीक्ष्यानलरश्मिदीप्तं । विसिष्मिये वासवदूतसूनुः । आप्लुत्य तं चौषधिपर्वतेन्द्रं । तत्रौषधीनां विचयं चकार ॥ 74.62 ॥

sa taṃ samīkṣyānalaraśmidīptaṃ | visiṣmiye vāsavadūtasūnuḥ | āplutya taṃ cauṣadhiparvatendraṃ | tatrauṣadhīnāṃ vicayaṃ cakāra || 74.62 ||

अग्नि की किरणों के समान प्रज्वलित उसे देखकर वह इन्द्र-दूत विस्मित हो गया; उस औषधि-पर्वतराज पर उतरकर उसने वहाँ औषधियों की खोज आरम्भ की।

श्लोक 63 (yuddha.74.63)

स योजनसहस्राणि समतीत्य महाकपिः । दिव्यौषधिधरं शैलं व्यचरन्मारुतात्मजः ॥ 74.63 ॥

sa yojanasahasrāṇi samatītya mahākapiḥ | divyauṣadhidharaṃ śailaṃ vyacaranmārutātmajaḥ || 74.63 ||

सहस्रों योजन पार करके वह महाकपि पवनपुत्र दिव्य औषधियों को धारण करने वाले उस पर्वत पर विचरण करने लगा।

श्लोक 64 (yuddha.74.64)

महौषध्यस्तु ताः सर्वास्तस्मिन्पर्वतसत्तमे । विज्ञायार्थिनमायान्तं ततो जग्मुरदर्शनम् ॥ 74.64 ॥

mahauṣadhyastu tāḥ sarvāstasminparvatasattame | vijñāyārthinamāyāntaṃ tato jagmuradarśanam || 74.64 ||

किन्तु उस श्रेष्ठ पर्वत की वे समस्त महौषधियाँ किसी याचक के आने को जानकर वहाँ से अदृश्य हो गईं।

श्लोक 65 (yuddha.74.65)

स ता महात्मा हनुमान पश्यं । चुकोप कोपाच्च भृशं ननाद । अमृष्यमाणोऽग्निनिकाशचक्षुर् । र्महीधरेन्द्रं तमुवाच वाक्यम् ॥ 74.65 ॥

sa tā mahātmā hanumāna paśyaṃ | cukopa kopācca bhṛśaṃ nanāda | amṛṣyamāṇo'gninikāśacakṣur | rmahīdharendraṃ tamuvāca vākyam || 74.65 ||

उन्हें न पाकर वह महात्मा हनुमान क्रुद्ध हो उठा और क्रोध से भीषण गर्जना करने लगा; असहनीय क्रोध से अग्नि के समान लाल नेत्रों वाला वह उस पर्वतराज से यह वचन बोला।

श्लोक 66 (yuddha.74.66)

किमेतदेवं सुविनिश्चितं ते । यद्राघवे नासि कृतानुकम्पः । पश्याद्य मद्बाहुबलाभिभूतो । विकीर्णमात्मानमथो नगेन्द्र ॥ 74.66 ॥

kimetadevaṃ suviniścitaṃ te | yadrāghave nāsi kṛtānukampaḥ | paśyādya madbāhubalābhibhūto | vikīrṇamātmānamatho nagendra || 74.66 ||

'हे नगेन्द्र! क्या यही तुम्हारा दृढ़ निश्चय है कि राघव के प्रति तुम्हें कोई करुणा नहीं? तो आज मेरी भुजाओं के बल से पराजित होकर अपने आप को छिन्न-भिन्न होता देखो।'

श्लोक 67 (yuddha.74.67)

स तस्य शृङ्गं सनगं सनागं । सकाञ्चनं धातुसहस्रजुष्टम् । विकीर्णकूटं चलिताग्रसानुं । प्रगृह्य वेगात्सहसोन्ममाथ ॥ 74.67 ॥

sa tasya śṛṅgaṃ sanagaṃ sanāgaṃ | sakāñcanaṃ dhātusahasrajuṣṭam | vikīrṇakūṭaṃ calitāgrasānuṃ | pragṛhya vegātsahasonmamātha || 74.67 ||

तब उसके शिखर को, जो वृक्षों, हाथियों, स्वर्ण और सहस्रों धातुओं से युक्त था, पकड़कर, उसके शिखर बिखेरते हुए और चोटी को हिलाते हुए, उसने वेग से उसे उखाड़ डाला।

श्लोक 68 (yuddha.74.68)

स तं समुत्पाट्य खमुत्पपात । वित्रास्य लोकान्ससुरान्सुरेन्द्रान् । संस्तूयमानः खचरैरनेकैर् । जगाम वेगाद्गरुडोग्रवीर्यः ॥ 74.68 ॥

sa taṃ samutpāṭya khamutpapāta | vitrāsya lokānsasurānsurendrān | saṃstūyamānaḥ khacarairanekair | jagāma vegādgaruḍogravīryaḥ || 74.68 ||

उसे उखाड़कर वह आकाश में उछल पड़ा, समस्त लोकों, देवों और देवराज को भयभीत करते हुए; अनेक आकाशचारी प्राणियों द्वारा स्तुति किया जाता हुआ वह गरुड़ के समान उग्र वेग से आगे बढ़ा।

श्लोक 69 (yuddha.74.69)

स भास्कराध्वानमनुप्रपन्नस् । तद्भास्कराभं शिखरं प्रगृह्य । बभौ तदा भास्करसंनिकाशो । रवेः समीपे प्रतिभास्कराभः ॥ 74.69 ॥

sa bhāskarādhvānamanuprapannas | tadbhāskarābhaṃ śikharaṃ pragṛhya | babhau tadā bhāskarasaṃnikāśo | raveḥ samīpe pratibhāskarābhaḥ || 74.69 ||

सूर्य के मार्ग का अनुसरण करते हुए, उस सूर्य के समान चमकते शिखर को धारण किए, वह स्वयं सूर्य के समान तेजस्वी हनुमान सूर्य के निकट मानो एक दूसरे सूर्य के समान चमकने लगा।

श्लोक 70 (yuddha.74.70)

स तेन शैलेन भृशं रराज । शैलोपमो गन्धवहात्मजस्तु । सहस्रधारेण सपावकेन । चक्रेण खे विष्णुरिवार्पितेन ॥ 74.70 ॥

sa tena śailena bhṛśaṃ rarāja | śailopamo gandhavahātmajastu | sahasradhāreṇa sapāvakena | cakreṇa khe viṣṇurivārpitena || 74.70 ||

पर्वत के समान वह पवनपुत्र उस पर्वत को धारण किए हुए इस प्रकार देदीप्यमान हुआ जैसे आकाश में विष्णु अपने सहस्र-धार, अग्नि-सम चक्र को धारण किए हुए।

श्लोक 71 (yuddha.74.71)

तं वानराः प्रेक्ष्य तदा विनेदुः । स तानपि प्रेक्ष्य मुदा ननाद । तेषां समुत्कृष्टरवं निशम्य । लङ्कालया भीमतरं विनेदुः ॥ 74.71 ॥

taṃ vānarāḥ prekṣya tadā vineduḥ | sa tānapi prekṣya mudā nanāda | teṣāṃ samutkṛṣṭaravaṃ niśamya | laṅkālayā bhīmataraṃ vineduḥ || 74.71 ||

उन्हें देखकर वानर उस समय गरज उठे; उन्हें देखकर हनुमान भी हर्ष से गरजे; उनकी उस प्रचण्ड ध्वनि को सुनकर लंकावासी और भी भीषण स्वर में चिल्ला उठे।

श्लोक 72 (yuddha.74.72)

ततो महात्मा निपपात तस्मिञ् । शैलोत्तमे वानरसैन्यमध्ये । हर्युत्तमेभ्यः शिरसाभिवाद्य । विभीषणं तत्र च सस्वजे सः ॥ 74.72 ॥

tato mahātmā nipapāta tasmiñ | śailottame vānarasainyamadhye | haryuttamebhyaḥ śirasābhivādya | vibhīṣaṇaṃ tatra ca sasvaje saḥ || 74.72 ||

तब वह महात्मा उस श्रेष्ठ पर्वत पर, वानर-सेना के मध्य उतरे; श्रेष्ठ वानरों को सिर झुकाकर प्रणाम करके उन्होंने वहाँ विभीषण को गले लगाया।

श्लोक 73 (yuddha.74.73)

तावप्युभौ मानुषराजपुत्रौ । तं गन्धमाघ्राय महौषधीनाम् । बभूवतुस्तत्र तदा विशल्या । उत्तस्थुरन्ये च हरिप्रवीराः ॥ 74.73 ॥

tāvapyubhau mānuṣarājaputrau | taṃ gandhamāghrāya mahauṣadhīnām | babhūvatustatra tadā viśalyā | uttasthuranye ca haripravīrāḥ || 74.73 ||

तब वे दोनों मानव राजकुमार उन महौषधियों की सुगंध सूँघकर वहीं शल्य-रहित हो गए, और अन्य वानर-वीर भी उठ खड़े हुए।

श्लोक 74 (yuddha.74.74)

सर्वे विशल्या विरुजाः क्षणेन । हरिप्रवीराश्च हता श्च ये स्युः । गन्धेन तासाम् प्रवरौषधीनां । सुप्ता निशान्तेष्विव संप्रबुद्धाः ॥ 74.74 ॥

sarve viśalyā virujāḥ kṣaṇena | haripravīrāśca hatā śca ye syuḥ | gandhena tāsām pravarauṣadhīnāṃ | suptā niśānteṣviva saṃprabuddhāḥ || 74.74 ||

उन उत्तम औषधियों की सुगन्ध से क्षणभर में समस्त वानर-वीर, यहाँ तक कि जो मारे गए थे वे भी, शल्य-रहित और रोगमुक्त हो गए, मानो रात्रि की समाप्ति पर नींद से जाग उठे हों।

श्लोक 75 (yuddha.74.75)

यदाप्रभृति लङ्कायां युध्यने हरिराक्षसाः । तदाप्रभृति मानार्थ्माज्ञया रावणस्य च ॥ 74.75 ॥

yadāprabhṛti laṅkāyāṃ yudhyane harirākṣasāḥ | tadāprabhṛti mānārthmājñayā rāvaṇasya ca || 74.75 ||

जिस दिन से लंका में वानर और राक्षस युद्धरत हुए, उसी दिन से रावण की आज्ञा से, मान की रक्षा के हेतु —

श्लोक 76 (yuddha.74.76)

ये हन्यन्ते रणे तत्र राक्षसाः कपिकुञ्जरैः । हता हतास्तु क्षिप्यन्ते सर्व एव तु सागरे ॥ 74.76 ॥

ye hanyante raṇe tatra rākṣasāḥ kapikuñjaraiḥ | hatā hatāstu kṣipyante sarva eva tu sāgare || 74.76 ||

जो-जो राक्षस उस युद्ध में महान वानरों द्वारा मारे जाते, उन सबको, जैसे-जैसे वे मारे जाते, सागर में फेंक दिया जाता।

श्लोक 77 (yuddha.74.77)

ततो हरिर्गन्धवहात्मजस्तु । तमोषधीशैलमुदग्रवीर्यः । निनाय वेगाद्धिमवन्तमेव । पुनश्च रामेण समाजगाम ॥ 74.77 ॥

tato harirgandhavahātmajastu | tamoṣadhīśailamudagravīryaḥ | nināya vegāddhimavantameva | punaśca rāmeṇa samājagāma || 74.77 ||

तब वह उदग्र पराक्रमी पवनपुत्र वानर उस औषधि-पर्वत को वेग से हिमालय ले गया, और फिर राम के पास लौट आया।