राम द्वारा मकराक्ष-वध

श्लोक 1 (yuddha.79.1)

निर्गतं मकराक्षं ते दृष्ट्वा वानरपुंगवाः। आप्लुत्य सहसा सर्वे योद्धुकामा व्यवस्थिताः ॥ 79.1 ॥

nirgataṃ makarākṣaṃ te dṛṣṭvā vānarapuṃgavāḥ| āplutya sahasā sarve yoddhukāmā vyavasthitāḥ || 79.1 ||

मकराक्ष को आगे बढ़ते देखकर, वे सभी वानरश्रेष्ठ तुरन्त उछलकर युद्ध की इच्छा से डट गए।

श्लोक 2 (yuddha.79.2)

ततः प्रवृत्तं सुमहत् तद् युद्धं लोमहर्षणम्। निशाचरैः प्लवंगानां देवानां दानवैरिव ॥ 79.2 ॥

tataḥ pravṛttaṃ sumahat tad yuddhaṃ lomaharṣaṇam| niśācaraiḥ plavaṃgānāṃ devānāṃ dānavairiva || 79.2 ||

तत्पश्चात वानरों और निशाचरों के बीच वह रोमांचकारी महायुद्ध छिड़ गया, मानो देवताओं और दानवों के बीच संग्राम हो रहा हो।

श्लोक 3 (yuddha.79.3)

वृक्षशूलनिपातैश्च गदापरिघपातनैः। अन्योन्यं मर्दयन्ति स्म तदा कपिनिशाचराः ॥ 79.3 ॥

vṛkṣaśūlanipātaiśca gadāparighapātanaiḥ| anyonyaṃ mardayanti sma tadā kapiniśācarāḥ || 79.3 ||

वृक्षों और शूलों की वर्षा से तथा गदाओं और परिघों के प्रहार से, वानर और निशाचर उस समय एक-दूसरे को कुचलने लगे।

श्लोक 4 (yuddha.79.4)

शक्तिखड्गगदाकुन्तैस्तोमरैश्च निशाचराः। पट्टिशैर्भिन्दिपालैश्च बाणपातैः समन्ततः ॥ 79.4 ॥

śaktikhaḍgagadākuntaistomaraiśca niśācarāḥ| paṭṭiśairbhindipālaiśca bāṇapātaiḥ samantataḥ || 79.4 ||

शक्ति, खड्ग, गदा, कुन्त और तोमर से, पट्टिश और भिन्दिपाल से, तथा चारों ओर से गिरते बाणों से,

श्लोक 5 (yuddha.79.5)

पाशमुद्गरदण्डैश्च निर्घातैश्चापरैस्तथा। कदनं कपिसिंहानां चक्रुस्ते रजनीचराः ॥ 79.5 ॥

pāśamuda‍्garadaṇḍaiśca nirghātaiścāparaistathā| kadanaṃ kapisiṃhānāṃ cakruste rajanīcarāḥ || 79.5 ||

तथा पाश, मुद्गर, दण्ड और अन्य कुचलने वाले शस्त्रों से भी, उन निशाचरों ने सिंह-तुल्य वानरों का संहार कर डाला।

श्लोक 6 (yuddha.79.6)

बाणौघैरर्दिताश्चापि खरपुत्रेण वानराः। सम्भ्रान्तमनसः सर्वे दुद्रुवुर्भयपीडिताः ॥ 79.6 ॥

bāṇaughairarditāścāpi kharaputreṇa vānarāḥ| sambhrāntamanasaḥ sarve dudruvurbhayapīḍitāḥ || 79.6 ||

खरपुत्र के बाण-समूह से पीड़ित होकर, सभी वानर मन में भ्रमित और भय से पीड़ित होकर भाग खड़े हुए।

श्लोक 7 (yuddha.79.7)

तान् दृष्ट्वा राक्षसाः सर्वे द्रवमाणान् वनौकसः। नेदुस्ते सिंहवद् दृप्ता राक्षसा जितकाशिनः ॥ 79.7 ॥

tān dṛṣṭvā rākṣasāḥ sarve dravamāṇān vanaukasaḥ| neduste siṃhavad dṛptā rākṣasā jitakāśinaḥ || 79.7 ||

वनवासी वानरों को भागते देखकर, वे सभी घमंडी राक्षस विजय के भाव से सिंह के समान गरज उठे।

श्लोक 8 (yuddha.79.8)

विद्रवत्सु तदा तेषु वानरेषु समन्ततः। रामस्तान् वारयामास शरवर्षेण राक्षसान् ॥ 79.8 ॥

vidravatsu tadā teṣu vānareṣu samantataḥ| rāmastān vārayāmāsa śaravarṣeṇa rākṣasān || 79.8 ||

जब वे वानर चारों ओर भाग रहे थे, तब राम ने बाणों की वर्षा से उन राक्षसों को रोक दिया।

श्लोक 9 (yuddha.79.9)

वारितान् राक्षसान् दृष्ट्वा मकराक्षो निशाचरः। कोपानलसमाविष्टो वचनं चेदमब्रवीत् ॥ 79.9 ॥

vāritān rākṣasān dṛṣṭvā makarākṣo niśācaraḥ| kopānalasamāviṣṭo vacanaṃ cedamabravīt || 79.9 ||

राक्षसों को इस प्रकार रुका हुआ देखकर, क्रोधाग्नि से भरा हुआ निशाचर मकराक्ष यह वचन बोला:

श्लोक 10 (yuddha.79.10)

तिष्ठ राम मया सार्धं द्वन्द्वयुद्धं भविष्यति। त्याजयिष्यामि ते प्राणान् धनुर्मुक्तैः शितैः शरैः ॥ 79.10 ॥

tiṣṭha rāma mayā sārdhaṃ dvandvayuddhaṃ bhaviṣyati| tyājayiṣyāmi te prāṇān dhanurmuktaiḥ śitaiḥ śaraiḥ || 79.10 ||

"रुको राम, अब मुझसे तुम्हारा द्वंद्वयुद्ध होगा। मैं अपने धनुष से छूटे तीक्ष्ण बाणों से तुम्हारे प्राण हर लूँगा।"

श्लोक 11 (yuddha.79.11)

यत् तदा दण्डकारण्ये पितरं हतवान् मम। तदग्रतः स्वकर्मस्थं स्मृत्वा रोषोऽभिवर्धते ॥ 79.11 ॥

yat tadā daṇḍakāraṇye pitaraṃ hatavān mama| tadagrataḥ svakarmasthaṃ smṛtvā roṣo'bhivardhate || 79.11 ||

"तुमने उस समय दण्डकारण्य में मेरे पिता का वध किया था; अपने उसी कर्म में लगे तुम्हें अपने सामने देखकर मेरा क्रोध और बढ़ता जाता है।"

श्लोक 12 (yuddha.79.12)

दह्यन्ते भृशमङ्गानि दुरात्मन् मम राघव। यन्मयासि न दृष्टस्त्वं तस्मिन् काले महावने ॥ 79.12 ॥

dahyante bhṛśamaṅgāni durātman mama rāghava| yanmayāsi na dṛṣṭastvaṃ tasmin kāle mahāvane || 79.12 ||

"हे दुरात्मन् राघव! उस विशाल वन में उस समय तुम मुझे दिखाई नहीं दिए थे, इसी कारण तब से मेरे अंग अत्यंत जल रहे हैं।"

श्लोक 13 (yuddha.79.13)

दिष्ट्यासि दर्शनं राम मम त्वं प्राप्तवानिह। कांक्षितोऽसि क्षुधार्तस्य सिंहस्येवेतरो मृगः ॥ 79.13 ॥

diṣṭyāsi darśanaṃ rāma mama tvaṃ prāptavāniha| kāṃkṣito'si kṣudhārtasya siṃhasyevetaro mṛgaḥ || 79.13 ||

"सौभाग्य से, हे राम, आज तुम यहाँ मेरी दृष्टि में आ गए हो। मैं तुम्हें उसी प्रकार चाहता रहा हूँ जैसे भूखा सिंह किसी अन्य पशु को चाहता है।"

श्लोक 14 (yuddha.79.14)

अद्य मद्बाणवेगेन प्रेतराड्विषयं गतः। ये त्वया निहताः शूराः सह तैश्च वसिष्यसि ॥ 79.14 ॥

adya mada‍्bāṇavegena pretarāḍa‍‍्viṣayaṃ gataḥ| ye tvayā nihatāḥ śūrāḥ saha taiśca vasiṣyasi || 79.14 ||

"आज मेरे बाणों के वेग से तुम प्रेतराज (यमराज) के लोक में जाओगे और उन्हीं वीरों के साथ निवास करोगे जिन्हें तुमने पहले मारा था।"

श्लोक 15 (yuddha.79.15)

बहुनात्र किमुक्तेन शृणु राम वचो मम। पश्यन्तु सकला लोकास्त्वां मां चैव रणाजिरे ॥ 79.15 ॥

bahunātra kimuktena śṛṇu rāma vaco mama| paśyantu sakalā lokāstvāṃ māṃ caiva raṇājire || 79.15 ||

"हे राम, अधिक कहने से क्या लाभ? मेरी बात सुनो — इस रणभूमि में समस्त लोक तुम्हें और मुझे देखें।"

श्लोक 16 (yuddha.79.16)

अस्त्रैर्वा गदया वापि बाहुभ्यां वा रणाजिरे। अभ्यस्तं येन वा राम वर्ततां तेन वा मृधम् ॥ 79.16 ॥

astrairvā gadayā vāpi bāhubhyāṃ vā raṇājire| abhyastaṃ yena vā rāma vartatāṃ tena vā mṛdham || 79.16 ||

"अस्त्रों से, गदा से, अथवा भुजाओं से — हे राम, जिस विद्या का तुम्हें अभ्यास हो, उसी से इस रणभूमि में युद्ध हो।"

श्लोक 17 (yuddha.79.17)

मकराक्षवचः श्रुत्वा रामो दशरथात्मजः। अब्रवीत् प्रहसन् वाक्यमुत्तरोत्तरवादिनम् ॥ 79.17 ॥

makarākṣavacaḥ śrutvā rāmo daśarathātmajaḥ| abravīt prahasan vākyamuttarottaravādinam || 79.17 ||

मकराक्ष के वचन सुनकर, दशरथनन्दन राम हँसते हुए, निरन्तर बोलते जा रहे उस राक्षस से यह वचन बोले।

श्लोक 18 (yuddha.79.18)

कत्थसे किं वृथा रक्षो बहून्यसदृशानि ते। न रणे शक्यते जेतुं विना युद्धेन वाग्बलात् ॥ 79.18 ॥

katthase kiṃ vṛthā rakṣo bahūnyasadṛśāni te| na raṇe śakyate jetuṃ vinā yuddhena vāgbalāt || 79.18 ||

"हे राक्षस, तू व्यर्थ ही इतनी असंगत बातें क्यों बघार रहा है? युद्ध किए बिना, केवल वाणी के बल से रण में विजय नहीं पाई जा सकती।"

श्लोक 19 (yuddha.79.19)

चतुर्दश सहस्राणि रक्षसां त्वत्पिता च यः। त्रिशिरा दूषणश्चापि दण्डके निहतो मया ॥ 79.19 ॥

caturdaśa sahasrāṇi rakṣasāṃ tvatpitā ca yaḥ| triśirā dūṣaṇaścāpi daṇḍake nihato mayā || 79.19 ||

"चौदह हजार राक्षसों को, तेरे पिता को, त्रिशिरा को और दूषण को भी — मैंने दण्डकवन में मार डाला था।"

श्लोक 20 (yuddha.79.20)

स्वाशिताश्चापि मांसेन गृध्रगोमायुवायसाः। भविष्यन्त्यद्य वै पाप तीक्ष्णतुण्डनखाङ्कुशाः ॥ 79.20 ॥

svāśitāścāpi māṃsena gṛdhragomāyuvāyasāḥ| bhaviṣyantyadya vai pāpa tīkṣṇatuṇḍanakhāṅkuśāḥ || 79.20 ||

"हे पापी, आज तेरे मांस से तीक्ष्ण चोंच और अंकुश जैसे नखों वाले गीध, सियार और कौवे तृप्त होंगे।"

श्लोक 21 (yuddha.79.21)

राघवेणैवमुक्तस्तु मकराक्षो महाबलः। बाणौघानमुचत् तस्मै राघवाय रणाजिरे ॥ 79.21 ॥

rāghaveṇaivamuktastu makarākṣo mahābalaḥ| bāṇaughānamucat tasmai rāghavāya raṇājire || 79.21 ||

राघव द्वारा इस प्रकार कहे जाने पर, महाबली मकराक्ष ने रणभूमि में उन राघव पर बाणों की झड़ी लगा दी।

श्लोक 22 (yuddha.79.22)

ताञ्छराञ्छरवर्षेण रामश्चिच्छेद नैकधा। निपेतुर्भुवि विच्छिन्ना रुक्मपुङ्खाः सहस्रशः ॥ 79.22 ॥

tāñcharāñcharavarṣeṇa rāmaściccheda naikadhā| nipeturbhuvi vicchinnā rukmapuṅkhāḥ sahasraśaḥ || 79.22 ||

राम ने अपने बाणों की वर्षा से उन बाणों के अनेक टुकड़े कर डाले; सुवर्ण-पंख वाले वे बाण कट-कटकर सहस्रों की संख्या में भूमि पर गिर पड़े।

श्लोक 23 (yuddha.79.23)

तद् युद्धमभवत् तत्र समेत्यान्योन्यमोजसा। खरराक्षसपुत्रस्य सूनोर्दशरथस्य च ॥ 79.23 ॥

tad yuddhamabhavat tatra sametyānyonyamojasā| khararākṣasaputrasya sūnordaśarathasya ca || 79.23 ||

वहाँ दोनों अपने पूरे बल से भिड़ गए, और राक्षस खर के पुत्र तथा दशरथ के पुत्र के बीच वह घोर युद्ध होने लगा।

श्लोक 24 (yuddha.79.24)

जीमूतयोरिवाकाशे शब्दो ज्यातलयोरिव। धनुर्मुक्तः स्वनोऽन्योन्यं श्रूयते च रणाजिरे ॥ 79.24 ॥

jīmūtayorivākāśe śabdo jyātalayoriva| dhanurmuktaḥ svano'nyonyaṃ śrūyate ca raṇājire || 79.24 ||

उस रणभूमि में दोनों की प्रत्यंचाओं और हथेलियों की टंकार ऐसी सुनाई देती थी मानो आकाश में दो मेघ परस्पर गरज रहे हों।

श्लोक 25 (yuddha.79.25)

देवदानवगन्धर्वाः किंनराश्च महोरगाः। अन्तरिक्षगताः सर्वे द्रष्टुकामास्तदद्भुतम् ॥ 79.25 ॥

devadānavagandharvāḥ kiṃnarāśca mahoragāḥ| antarikṣagatāḥ sarve draṣṭukāmāstadadbhutam || 79.25 ||

देवता, दानव, गन्धर्व, किन्नर और महानाग सभी उस अद्भुत युद्ध को देखने की इच्छा से आकाश में एकत्र हो गए।

श्लोक 26 (yuddha.79.26)

विद्धमन्योन्यगात्रेषु द्विगुणं वर्धते बलम्। कृतप्रतिकृतान्योन्यं कुरुतां तौ रणाजिरे ॥ 79.26 ॥

viddhamanyonyagātreṣu dviguṇaṃ vardhate balam| kṛtapratikṛtānyonyaṃ kurutāṃ tau raṇājire || 79.26 ||

यद्यपि दोनों के अंग एक-दूसरे के बाणों से बार-बार बिंधे जा रहे थे, फिर भी उनका बल दुगुना बढ़ता जा रहा था; रणभूमि में दोनों एक-दूसरे के प्रहार का प्रतिकार करते रहे।

श्लोक 27 (yuddha.79.27)

राममुक्तांस्तु बाणौघान् राक्षसस्त्वच्छिनद् रणे। रक्षोमुक्तांस्तु रामो वै नैकधा प्राच्छिनच्छरैः ॥ 79.27 ॥

rāmamuktāṃstu bāṇaughān rākṣasastvacchinad raṇe| rakṣomuktāṃstu rāmo vai naikadhā prācchinaccharaiḥ || 79.27 ||

उस युद्ध में राक्षस ने राम के छोड़े बाणों के समूह को काट डाला, और राम ने भी अपने बाणों से राक्षस द्वारा छोड़े गए बाणों के अनेक टुकड़े कर दिए।

श्लोक 28 (yuddha.79.28)

बाणौघवितताः सर्वा दिशश्च प्रदिशस्तथा। संछन्ना वसुधा चैव समन्तान्न प्रकाशते ॥ 79.28 ॥

bāṇaughavitatāḥ sarvā diśaśca pradiśastathā| saṃchannā vasudhā caiva samantānna prakāśate || 79.28 ||

सभी दिशाएँ और उपदिशाएँ बाणों के जाल से भर गईं; पृथ्वी भी चारों ओर उनसे ढँक गई और दिखाई देना बंद हो गई।

श्लोक 29 (yuddha.79.29)

ततः क्रुद्धो महाबाहुर्धनुश्चिच्छेद संयुगे। अष्टाभिरथ नाराचैः सूतं विव्याध राघवः ॥ 79.29 ॥

tataḥ kruddho mahābāhurdhanuściccheda saṃyuge| aṣṭābhiratha nārācaiḥ sūtaṃ vivyādha rāghavaḥ || 79.29 ||

तब क्रोधित महाबाहु राघव ने युद्ध में राक्षस के धनुष को तोड़ डाला और आठ नाराचों (लौह बाणों) से उसके सारथी को बींध दिया।

श्लोक 30 (yuddha.79.30)

भित्त्वा रथं शरै रामो हत्वा अश्वानपातयत्। विरथो वसुधास्थः स मकराक्षो निशाचरः ॥ 79.30 ॥

bhittvā rathaṃ śarai rāmo hatvā aśvānapātayat| viratho vasudhāsthaḥ sa makarākṣo niśācaraḥ || 79.30 ||

राम ने बाणों से उसके रथ को छिन्न-भिन्न कर डाला और घोड़ों को मारकर गिरा दिया; निशाचर मकराक्ष अब रथहीन होकर भूमि पर खड़ा रह गया।

श्लोक 31 (yuddha.79.31)

तत्तिष्ठद् वसुधां रक्षः शूलं जग्राह पाणिना। त्रासनं सर्वभूतानां युगान्ताग्निसमप्रभम् ॥ 79.31 ॥

tattiṣṭhad vasudhāṃ rakṣaḥ śūlaṃ jagrāha pāṇinā| trāsanaṃ sarvabhūtānāṃ yugāntāgnisamaprabham || 79.31 ||

भूमि पर खड़े उस राक्षस ने अपने हाथ में एक शूल उठा लिया, जो समस्त प्राणियों में भय उत्पन्न करने वाला था और प्रलयकाल की अग्नि के समान तेजस्वी था।

श्लोक 32 (yuddha.79.32)

दुरवापं महच्छूलं रुद्रदत्तं भयंकरम्। जाज्वल्यमानमाकाशे संहारास्त्रमिवापरम् ॥ 79.32 ॥

duravāpaṃ mahacchūlaṃ rudradattaṃ bhayaṃkaram| jājvalyamānamākāśe saṃhārāstramivāparam || 79.32 ||

वह विशाल शूल, जो दुर्लभ था, रुद्र द्वारा प्रदत्त भयंकर था, आकाश में इस प्रकार धधक रहा था मानो कोई अन्य संहारास्त्र हो।

श्लोक 33 (yuddha.79.33)

यं दृष्ट्वा देवताः सर्वा भयार्ता विद्रुता दिशः। विभ्राम्य च महच्छूलं प्रज्वलन्तं निशाचरः ॥ 79.33 ॥

yaṃ dṛṣṭvā devatāḥ sarvā bhayārtā vidrutā diśaḥ| vibhrāmya ca mahacchūlaṃ prajvalantaṃ niśācaraḥ || 79.33 ||

उसे देखकर समस्त देवता भयभीत होकर दिशा-दिशा में भाग गए; और वह निशाचर उस प्रज्वलित महाशूल को घुमाते हुए—

श्लोक 34 (yuddha.79.34)

स क्रोधात् प्राहिणोत् तस्मै राघवाय महाहवे। तमापतन्तं ज्वलितं खरपुत्रकराच्च्युतम् ॥ 79.34 ॥

sa krodhāt prāhiṇot tasmai rāghavāya mahāhave| tamāpatantaṃ jvalitaṃ kharaputrakarāccyutam || 79.34 ||

—क्रोधपूर्वक उस महासमर में राघव पर छोड़ दिया। खरपुत्र के हाथ से छूटकर प्रज्वलित होते हुए उड़ते आ रहे उस शूल को,

श्लोक 35 (yuddha.79.35)

बाणैश्चतुर्भिराकाशे शूलं चिच्छेद राघवः। स भिन्नो नैकधा शूलो दिव्यहाटकमण्डितः। व्यशीर्यत महोल्केव रामबाणार्दितो भुवि ॥ 79.35 ॥

bāṇaiścaturbhirākāśe śūlaṃ ciccheda rāghavaḥ| sa bhinno naikadhā śūlo divyahāṭakamaṇḍitaḥ| vyaśīryata maholkeva rāmabāṇārdito bhuvi || 79.35 ||

राघव ने आकाश में ही अपने चार बाणों से उस शूल को काट डाला; दिव्य स्वर्ण से मंडित वह शूल अनेक टुकड़ों में विभक्त होकर, राम के बाणों से पीड़ित होकर, महान उल्का के समान पृथ्वी पर बिखर गया।

श्लोक 36 (yuddha.79.36)

तच्छूलं निहतं दृष्ट्वा रामेणाक्लिष्टकर्मणा। साधु साध्विति भूतानि व्याहरन्ति नभोगताः ॥ 79.36 ॥

tacchūlaṃ nihataṃ dṛṣṭvā rāmeṇākliṣṭakarmaṇā| sādhu sādhviti bhūtāni vyāharanti nabhogatāḥ || 79.36 ||

अक्लिष्टकर्मा राम द्वारा उस शूल को नष्ट किया जाता देखकर, आकाश में उपस्थित प्राणी "साधु! साधु!" कहकर पुकार उठे।

श्लोक 37 (yuddha.79.37)

तं दृष्ट्वा निहतं शूलं मकराक्षो निशाचरः। मुष्टिमुद्यम्य काकुत्स्थं तिष्ठ तिष्ठेति चाब्रवीत् ॥ 79.37 ॥

taṃ dṛṣṭvā nihataṃ śūlaṃ makarākṣo niśācaraḥ| muṣṭimudyamya kākutsthaṃ tiṣṭha tiṣṭheti cābravīt || 79.37 ||

अपने शूल को नष्ट हुआ देखकर, निशाचर मकराक्ष ने मुट्ठी उठाकर काकुत्स्थ (राम) से कहा, "रुको! रुको!"

श्लोक 38 (yuddha.79.38)

स तं दृष्ट्वा पतन्तं तु प्रहस्य रघुनन्दनः। पावकास्त्रं ततो रामः संदधे तु शरासने ॥ 79.38 ॥

sa taṃ dṛṣṭvā patantaṃ tu prahasya raghunandanaḥ| pāvakāstraṃ tato rāmaḥ saṃdadhe tu śarāsane || 79.38 ||

उसे इस प्रकार झपटता देखकर, रघुनन्दन राम मुस्कुराए, और तब अपने धनुष पर आग्नेयास्त्र चढ़ा लिया।

श्लोक 39 (yuddha.79.39)

तेनास्त्रेण हतं रक्षः काकुत्स्थेन तदा रणे। संछिन्नहृदयं तत्र पपात च ममार च ॥ 79.39 ॥

tenāstreṇa hataṃ rakṣaḥ kākutsthena tadā raṇe| saṃchinnahṛdayaṃ tatra papāta ca mamāra ca || 79.39 ||

काकुत्स्थ के उस अस्त्र से आहत होकर, राक्षस का हृदय वहीं छिन्न-भिन्न हो गया और वह गिरकर मर गया।

श्लोक 40 (yuddha.79.40)

दृष्ट्वा ते राक्षसाः सर्वे मकराक्षस्य पातनम्। लङ्कामेव प्रधावन्त रामबाणभयार्दिताः ॥ 79.40 ॥

dṛṣṭvā te rākṣasāḥ sarve makarākṣasya pātanam| laṅkāmeva pradhāvanta rāmabāṇabhayārditāḥ || 79.40 ||

मकराक्ष का पतन देखकर, राम के बाणों के भय से पीड़ित वे सभी राक्षस सीधे लंका की ओर भाग गए।

श्लोक 41 (yuddha.79.41)

दशरथनृपसूनुबाणवेगै रजनिचरं निहतं खरात्मजं तम्। प्रददृशुरथ देवताः प्रहृष्टा गिरिमिव वज्रहतं यथा विकीर्णम् ॥ 79.41 ॥

daśarathanṛpasūnubāṇavegai rajanicaraṃ nihataṃ kharātmajaṃ tam| pradadṛśuratha devatāḥ prahṛṣṭā girimiva vajrahataṃ yathā vikīrṇam || 79.41 ||

तब देवता अत्यंत हर्षित होकर उस निशाचर, खरपुत्र मकराक्ष को देखने लगे, जो राजा दशरथ के पुत्र के बाणों के वेग से मारा जाकर, वज्र से टूटे हुए पर्वत के समान बिखरा पड़ा था।