Shiva Gita - Shiva's Teaching of Self-Knowledge to Rama

श्रीराम उवाच । भगवन्मोक्षमार्गो यस्त्वया सम्यगुदाहृतः । तत्राधिकारिणं ब्रूहि तत्र मे संशयो महान् ॥१६-१॥

śrīrāma uvāca | bhagavanmokṣamārgo yastvayā samyagudāhṛtaḥ | tatrādhikāriṇaṃ brūhi tatra me saṃśayo mahān ||16-1||

।।१६-१।। श्रीराम बोले: हे भगवन्, आपने मोक्षमार्ग जो सम्यक् कहा, उसका अधिकारी कौन है, यह बताइए। इसमें मुझे बड़ा संशय है।

श्रीभगवानुवाच ॥ ब्रह्मक्षत्रविशः शूद्राः स्त्रियश्चात्राधिकारिणः । ब्रह्मचारी गृहस्थो वा अनुपनीतोऽथवा द्विजः ॥१६-२॥

śrībhagavānuvāca || brahmakṣatraviśaḥ śūdrāḥ striyaścātrādhikāriṇaḥ | brahmacārī gṛhastho vā anupanīto'thavā dvijaḥ ||16-2||

।।१६-२।। ब्राह्मण, क्षत्रिय, वैश्य, शूद्र और स्त्रियाँ — ये सब यहाँ अधिकारी हैं। चाहे कोई ब्रह्मचारी हो, गृहस्थ हो, अनुपनीत हो या द्विज हो [मार्ग सबके लिए खुला है]।

वनस्थो वाऽवनस्थो वा यतिः पाशुपतव्रती । बहुनात्र किमुक्तेन यस्य भक्तिः शिवार्चने ॥१६-३॥

vanastho vā'vanastho vā yatiḥ pāśupatavratī | bahunātra kimuktena yasya bhaktiḥ śivārcane ||16-3||

।।१६-३।। चाहे वानप्रस्थी हो या न हो, पाशुपत व्रत का पालन करने वाला यति हो — इस विषय में अधिक कहने से क्या लाभ? जिसकी शिवार्चन में भक्ति है, वही अधिकारी है।

स एवात्राधिकारी स्यान्नान्यचित्तः कथंचन । जडोऽन्धो बधिरो मूको निःशौचः कर्मवर्जितः ॥१६-४॥

sa evātrādhikārī syānnānyacittaḥ kathaṃcana | jaḍo'ndho badhiro mūko niḥśaucaḥ karmavarjitaḥ ||16-4||

।।१६-४।। वही यहाँ अधिकारी है, कोई अन्य-चित्त वाला नहीं। जड़, अंधा, बहरा, गूँगा, अशुद्ध, या कर्म-रहित व्यक्ति भी [यदि भक्त है, तो अधिकारी है] —

अज्ञोपहासकाभक्ता भूतिरुद्राक्षधारिणः । लिंगिनो यश्च वा द्वेष्टि ते नैवात्राधिकारिणः ॥१६-५॥

ajñopahāsakābhaktā bhūtirudrākṣadhāriṇaḥ | liṃgino yaśca vā dveṣṭi te naivātrādhikāriṇaḥ ||16-5||

।।१६-५।। अज्ञानी, उपहास करने वाले, अभक्त, और जो भी भस्म-रुद्राक्षधारियों या लिंगधारियों से द्वेष करता है, वे ही यहाँ अधिकारी नहीं हैं।

यो मां गुरुं पाशुपतं व्रतं द्वेष्टि धराधिप । विष्णुं वा न स मुच्येत जन्मकोटिशतैरपि ॥१६-६॥

yo māṃ guruṃ pāśupataṃ vrataṃ dveṣṭi dharādhipa | viṣṇuṃ vā na sa mucyeta janmakoṭiśatairapi ||16-6||

।।१६-६।। हे धराधिप, जो मुझसे, गुरु से, या पाशुपत व्रत से द्वेष करता है, या विष्णु से द्वेष करता है, वह करोड़ों जन्मों में भी मुक्त नहीं होता।

अनेककर्मसक्तोऽपि शिवज्ञानविवर्जितः । शिवभक्तिविहीनश्च संसारान्नैव मुच्यते ॥१६-७॥

anekakarmasakto'pi śivajñānavivarjitaḥ | śivabhaktivihīnaśca saṃsārānnaiva mucyate ||16-7||

।।१६-७।। अनेक कर्मों में आसक्त होने पर भी, यदि कोई शिवज्ञान से रहित और शिवभक्ति से हीन है, तो वह संसार से कदापि मुक्त नहीं होता।

आसक्ताः फलरागेण ये त्ववैदिककर्मणि । दृष्टमात्रफलास्ते तु न मुक्तावधिकारिणः ॥१६-८॥

āsaktāḥ phalarāgeṇa ye tvavaidikakarmaṇi | dṛṣṭamātraphalāste tu na muktāvadhikāriṇaḥ ||16-8||

।।१६-८।। जो फलासक्ति के कारण अवैदिक कर्मों में लगे हैं, वे केवल दृष्ट फल पाते हैं, वे मुक्ति के अधिकारी नहीं हैं।

अविमुक्ते द्वारकायां श्रीशैले पुण्डरीकके । देहान्ते तारकं ब्रह्म लभते मदनुग्रहात् ॥१६-९॥

avimukte dvārakāyāṃ śrīśaile puṇḍarīkake | dehānte tārakaṃ brahma labhate madanugrahāt ||16-9||

।।१६-९।। अविमुक्त [काशी], द्वारका, श्रीशैल और पुण्डरीक [पंढरपुर] में, देहांत के समय, मेरी कृपा से तारक ब्रह्म प्राप्त होता है।

यस्य हस्तौ च पादौ च मनश्चैव सुसंयतम् । विद्या तपश्च कीर्तिश्च स तीर्थफलमश्नुते ॥१६-१०॥

yasya hastau ca pādau ca manaścaiva susaṃyatam | vidyā tapaśca kīrtiśca sa tīrthaphalamaśnute ||16-10||

।।१६-१०।। जिसके हाथ, पैर और मन भली-भाँति संयत हैं, वह विद्या, तप और कीर्ति से तीर्थ का फल पाता है।

विप्रस्यानुपनीतस्य विधिरेवमुदाहृतः । नाभिव्याहारयेद्ब्रह्म स्वधानिनयनादृते ॥१६-११॥

viprasyānupanītasya vidhirevamudāhṛtaḥ | nābhivyāhārayedbrahma svadhāninayanādṛte ||16-11||

।।१६-११।। अनुपनीत विप्र के लिए यह नियम कहा गया है: वह ब्रह्म [वेद-मंत्र] का उच्चारण न करे, केवल अपनी निजी साधना का संचालन करने के अतिरिक्त।

स शूद्रेण समस्तावद्यावद्वेदान्न जायते । नामसंकीर्तने ध्याने सर्व एवाधिकारिणः ॥१६-१२॥

sa śūdreṇa samastāvadyāvadvedānna jāyate | nāmasaṃkīrtane dhyāne sarva evādhikāriṇaḥ ||16-12||

।।१६-१२।। जब तक वह वेद से [अनुष्ठानतः] जन्म नहीं लेता, तब तक वह शूद्र के समान है। नामसंकीर्तन और ध्यान में सभी अधिकारी हैं।

संसारान्मुच्यते जन्तुः शिवतादात्म्यभावनात् । तथा दानं तपो वेदाध्ययनं चान्यकर्म वा । सहस्रांशं तु नार्हन्ति सर्वदा ध्यानकर्मणः ॥१६-१३॥

saṃsārānmucyate jantuḥ śivatādātmyabhāvanāt | tathā dānaṃ tapo vedādhyayanaṃ cānyakarma vā | sahasrāṃśaṃ tu nārhanti sarvadā dhyānakarmaṇaḥ ||16-13||

।।१६-१३।। शिवतादात्म्य-भावना से प्राणी संसार से मुक्त होता है। इसी प्रकार दान, तप, वेदाध्ययन और अन्य कर्म, ये सब मिल कर भी ध्यान-कर्म के सहस्रांश की भी बराबरी नहीं करते।

जातिमाश्रममङ्गानि देशं कालमथापि वा । आसनादीनि कर्माणि ध्यानं नापेक्षते क्वचित् ॥१६-१४॥

jātimāśramamaṅgāni deśaṃ kālamathāpi vā | āsanādīni karmāṇi dhyānaṃ nāpekṣate kvacit ||16-14||

।।१६-१४।। जाति, आश्रम, अंग, देश, काल, आसन आदि कर्मों पर ध्यान कभी निर्भर नहीं करता।

गच्छंस्तिष्ठन् जपन्वापि शयानो वान्यकर्मणि । पातकेनापि वा युक्तो ध्यानादेव विमुच्यते ॥१६-१५॥

gacchaṃstiṣṭhan japanvāpi śayāno vānyakarmaṇi | pātakenāpi vā yukto dhyānādeva vimucyate ||16-15||

।।१६-१५।। चलते, खड़े होते, जप करते, लेटे हुए, या अन्य कर्म में लगे हुए भी, पापयुक्त व्यक्ति भी केवल ध्यान से मुक्त हो जाता है।

नेहाभिक्रमनाशोऽस्ति प्रत्यवायो न विद्यते । स्वल्पमप्यस्य धर्मस्य त्रायते महतो भयात् ॥१६-१६॥

nehābhikramanāśo'sti pratyavāyo na vidyate | svalpamapyasya dharmasya trāyate mahato bhayāt ||16-16||

।।१६-१६।। इसमें आरंभ किए गए प्रयास की कोई हानि नहीं होती, कोई प्रत्यवाय भी नहीं है। इस धर्म का थोड़ा-सा भी महान भय से बचा लेता है।

आश्चर्ये वा भये शोके क्षुते वा मम नाम यः । व्याजेनापि स्मरेद्यस्तु स याति परमां गतिम् ॥१६-१७॥

āścarye vā bhaye śoke kṣute vā mama nāma yaḥ | vyājenāpi smaredyastu sa yāti paramāṃ gatim ||16-17||

।।१६-१७।। आश्चर्य में, भय में, शोक में, या छींक के समय, जो मेरा नाम लेता है, बहाने से भी जो स्मरण करता है, वह परम गति को प्राप्त होता है।

महापापैरपि स्पृष्टो देहान्ते यस्तु मां स्मरेत् । पञ्चाक्षरीं वोच्चरति स मुक्तो नात्र संशयः ॥१६-१८॥

mahāpāpairapi spṛṣṭo dehānte yastu māṃ smaret | pañcākṣarīṃ voccarati sa mukto nātra saṃśayaḥ ||16-18||

।।१६-१८।। महापापों से स्पृष्ट व्यक्ति भी, जो देहांत के समय मेरा स्मरण करता है, या पंचाक्षरी का उच्चारण करता है, वह मुक्त है, इसमें कोई संशय नहीं।

विश्वं शिवमयं यस्तु पश्यत्यात्मानमात्मना । तस्य क्षेत्रेषु तीर्थेषु किं कार्यं वान्यकर्मसु ॥१६-१९॥

viśvaṃ śivamayaṃ yastu paśyatyātmānamātmanā | tasya kṣetreṣu tīrtheṣu kiṃ kāryaṃ vānyakarmasu ||16-19||

।।१६-१९।। जो विश्व को शिवमय देखता है और स्वयं को आत्मा द्वारा देखता है, उसे क्षेत्रों, तीर्थों या अन्य कर्मों से क्या प्रयोजन?

सर्वेण सर्वदा कार्यं भूतिरुद्राक्षधारणम् । युक्तेनाथाप्ययुक्तेन शिवभक्तिमभीप्सता ॥१६-२०॥

sarveṇa sarvadā kāryaṃ bhūtirudrākṣadhāraṇam | yuktenāthāpyayuktena śivabhaktimabhīpsatā ||16-20||

।।१६-२०।। सभी को सदा भस्म और रुद्राक्ष धारण करना चाहिए, चाहे योग्य हो या अयोग्य, जो भी शिव-भक्ति चाहता है।

नर्यभस्मसमायुक्तो रुद्राक्षान्यस्तु धारयेत् । महापापैरपि स्पृष्टो मुच्यते नात्र संशयः ॥१६-२१॥

naryabhasmasamāyukto rudrākṣānyastu dhārayet | mahāpāpairapi spṛṣṭo mucyate nātra saṃśayaḥ ||16-21||

।।१६-२१।। जो नर-भस्म से युक्त होकर रुद्राक्ष धारण करता है, वह महापापों से स्पृष्ट होने पर भी मुक्त होता है, इसमें कोई संशय नहीं।

अन्यानि शैवकर्माणि करोतु न करोतु वा । शिवनाम जपेद्यस्तु सर्वदा मुच्यते तु सः ॥१६-२२॥

anyāni śaivakarmāṇi karotu na karotu vā | śivanāma japedyastu sarvadā mucyate tu saḥ ||16-22||

।।१६-२२।। अन्य शैव कर्म करे या न करे, जो शिव-नाम का जप करता है, वह सदा मुक्त होता है।

अन्तकाले तु रुद्राक्षान्विभूतिं धारयेत्तु यः । महापापोपपापोघैरपि स्पृष्टो नराधमः ॥१६-२३॥

antakāle tu rudrākṣānvibhūtiṃ dhārayettu yaḥ | mahāpāpopapāpoghairapi spṛṣṭo narādhamaḥ ||16-23||

।।१६-२३।। अंतकाल में जो रुद्राक्ष और विभूति धारण करता है, वह नराधम भी, महापाप और उपपाप की बाढ़ से स्पृष्ट होने पर भी —

सर्वथा नोपसर्पन्ति तं जनं यमकिंकराः ॥१६-२४॥

sarvathā nopasarpanti taṃ janaṃ yamakiṃkarāḥ ||16-24||

।।१६-२४।। यमकिंकर उस व्यक्ति के पास कभी नहीं आते।

बिल्वमूलमृदा यस्तु शरीरमुपलिम्पति । अन्तकालेऽन्तकजनैः स दूरीक्तियते नरः ॥१६-२५॥

bilvamūlamṛdā yastu śarīramupalimpati | antakāle'ntakajanaiḥ sa dūrīktiyate naraḥ ||16-25||

।।१६-२५।। जो बिल्वमूल की मिट्टी से शरीर का लेपन करता है, अंतकाल में वह व्यक्ति अंतकजनों द्वारा दूर कर दिया जाता है।

श्रीराम उवाच ॥ भगवन्पूजितः कुत्र कुत्र वा त्वं प्रसीदसि । तद्ब्रूहि मम जिज्ञासा वर्तते महती विभो ॥१६-२६॥

śrīrāma uvāca || bhagavanpūjitaḥ kutra kutra vā tvaṃ prasīdasi | tadbrūhi mama jijñāsā vartate mahatī vibho ||16-26||

।।१६-२६।। हे भगवन्, आप कहाँ पूजित होते हैं, और कहाँ प्रसन्न होते हैं? यह बताइए, मेरी जिज्ञासा महान है, हे विभो।

श्रीभगवानुवाच ॥ मृदा वा गोमयेनापि भस्मना चन्दनेन वा । सिकताभिर्दारुणा वा पाषाणेनापि निर्मिता ॥१६-२७॥

śrībhagavānuvāca || mṛdā vā gomayenāpi bhasmanā candanena vā | sikatābhirdāruṇā vā pāṣāṇenāpi nirmitā ||16-27||

।।१६-२७।। मिट्टी से, गोबर से, भस्म से, चंदन से, बालू से, लकड़ी से, या पत्थर से बनी हुई —

लोहेन वाथ रङ्गेण कांस्यखर्परपित्तलैः । ताम्ररौप्यसुवर्णैर्वा रत्नैर्नानाविधैरपि ॥१६-२८॥

lohena vātha raṅgeṇa kāṃsyakharparapittalaiḥ | tāmraraupyasuvarṇairvā ratnairnānāvidhairapi ||16-28||

।।१६-२८।। लोहे से, रंग से, कांस्य-खर्पर-पीतल से, ताम्र-रजत-स्वर्ण से, या नाना प्रकार के रत्नों से भी —

अथवा पारदेनैव कर्पूरेणाथवा कृता । प्रतिमा शिवलिङ्गं वा द्रव्यैरेतैः कृतं तु यत् ॥१६-२९॥

athavā pāradenaiva karpūreṇāthavā kṛtā | pratimā śivaliṅgaṃ vā dravyairetaiḥ kṛtaṃ tu yat ||16-29||

।।१६-२९।। पारे से, या कपूर से बनी हुई — प्रतिमा हो या शिवलिंग, इन द्रव्यों से बना हुआ, जो भी हो —

तत्र मां पूजयेत्तेषु फलं कोटिगुणोत्तरम् ॥१६-३०॥

tatra māṃ pūjayetteṣu phalaṃ koṭiguṇottaram ||16-30||

।।१६-३०।। उन प्रतिमाओं में मेरी पूजा करनी चाहिए; उसका फल करोड़ों गुना अधिक होता है।

मृद्दारुकांस्यलोहैश्च पाषाणेनापि निर्मिता । गृहिणा प्रतिमा कार्या शिवं शश्वदभीप्सता । आयुः श्रियं कुलं धर्मं पुत्रानाप्नोति तैः क्रमात् ॥१६-३१॥

mṛddārukāṃsyalohaiśca pāṣāṇenāpi nirmitā | gṛhiṇā pratimā kāryā śivaṃ śaśvadabhīpsatā | āyuḥ śriyaṃ kulaṃ dharmaṃ putrānāpnoti taiḥ kramāt ||16-31||

।।१६-३१।। मिट्टी, लकड़ी, कांस्य, धातु, या पत्थर से बनी प्रतिमा शिव को सदा चाहने वाले गृहस्थ को बनानी चाहिए; इनसे वह क्रमशः आयु, श्री, कुल, धर्म और पुत्र प्राप्त करता है।

बिल्ववृक्षे तत्फले वा यो मां पूजयते नरः । परां श्रियमिह प्राप्य मम लोके महीयते ॥१६-३२॥

bilvavṛkṣe tatphale vā yo māṃ pūjayate naraḥ | parāṃ śriyamiha prāpya mama loke mahīyate ||16-32||

।।१६-३२।। जो व्यक्ति बिल्ववृक्ष में या उसके फल में मेरी पूजा करता है, वह यहाँ परम श्री प्राप्त कर मेरे लोक में महिमामंडित होता है।

बिल्ववृक्षं समाश्रित्य यो मन्त्रान्विधिना जपेत् । एकेन दिवसेनैव तत्पुरश्चरणं भवेत् ॥१६-३३॥

bilvavṛkṣaṃ samāśritya yo mantrānvidhinā japet | ekena divasenaiva tatpuraścaraṇaṃ bhavet ||16-33||

।।१६-३३।। बिल्ववृक्ष का आश्रय ले कर जो विधिपूर्वक मंत्र जपता है, एक ही दिन में वह उसका पुरश्चरण हो जाता है।

यस्तु बिल्ववने नित्यं कुटीं कृत्वा वसेन्नरः । सर्वे मन्त्राः प्रसिद्ध्यन्ति जपमात्रेण केवलम् ॥१६-३४॥

yastu bilvavane nityaṃ kuṭīṃ kṛtvā vasennaraḥ | sarve mantrāḥ prasiddhyanti japamātreṇa kevalam ||16-34||

।।१६-३४।। जो कुटी बना कर बिल्ववन में सदा वास करता है, उसके सभी मंत्र केवल जप-मात्र से सिद्ध हो जाते हैं।

पर्वताग्रे नदीतीरे बिल्वमूले शिवालये । अग्निहोत्रे केशवस्य संनिधौ वा जपेत्तु यः ॥१६-३५॥

parvatāgre nadītīre bilvamūle śivālaye | agnihotre keśavasya saṃnidhau vā japettu yaḥ ||16-35||

।।१६-३५।। पर्वत के शिखर पर, नदी-तट पर, बिल्वमूल में, शिवालय में, अग्निहोत्र में, या केशव की समीपता में जो जप करता है —

नैवास्य विघ्नं कुर्वन्ति दानवा यक्षराक्षसः । तं न स्पृशन्ति पापानि शिवसायुज्यमृच्छति ॥१६-३६॥

naivāsya vighnaṃ kurvanti dānavā yakṣarākṣasaḥ | taṃ na spṛśanti pāpāni śivasāyujyamṛcchati ||16-36||

।।१६-३६।। दानव, यक्ष, राक्षस उसके लिए कभी विघ्न नहीं करते; पाप उसे स्पर्श नहीं करते; वह शिव-सायुज्य को प्राप्त होता है।

स्थण्डिले वा जले वह्नौ वायावाकाश एव वा । गिरौ स्वात्मनि वा यो मां पूजयेत्प्रयतो नरः ॥१६-३७॥

sthaṇḍile vā jale vahnau vāyāvākāśa eva vā | girau svātmani vā yo māṃ pūjayetprayato naraḥ ||16-37||

।।१६-३७।। स्थंडिल में, जल में, अग्नि में, वायु में, या आकाश में, पर्वत पर, या अपने आत्मा में, जो संयमित पुरुष मेरी पूजा करता है —

स कृत्स्नं फलमाप्नोति लवमात्रेण राघव । आत्मपूजासमा नास्ति पूजा रघुकुलोद्भव ॥१६-३८॥

sa kṛtsnaṃ phalamāpnoti lavamātreṇa rāghava | ātmapūjāsamā nāsti pūjā raghukulodbhava ||16-38||

।।१६-३८।। हे राघव, वह लवमात्र प्रयास से कृत्स्न फल पाता है। हे रघुकुलोद्भव, आत्मपूजा के समान कोई पूजा नहीं है।

मत्सायुज्यमवाप्नोति चण्डालोऽप्यात्मपूजया । सर्वान्कामानवाप्नोति मनुष्यः कम्बलासने ॥१६-३९॥

matsāyujyamavāpnoti caṇḍālo'pyātmapūjayā | sarvānkāmānavāpnoti manuṣyaḥ kambalāsane ||16-39||

।।१६-३९।। चांडाल भी आत्मपूजा से मेरा सायुज्य पाता है। कंबल के आसन पर बैठा व्यक्ति सभी कामनाएँ प्राप्त करता है।

कृष्णाजिने भवेन्मुक्तिर्मोक्षश्रीर्व्याघ्रचर्मणि । कुशासने भवेज्ज्ञानमारोग्यं पत्रनिर्मिते ॥१६-४०॥

kṛṣṇājine bhavenmuktirmokṣaśrīrvyāghracarmaṇi | kuśāsane bhavejjñānamārogyaṃ patranirmite ||16-40||

।।१६-४०।। कृष्णाजिन पर मुक्ति है; व्याघ्रचर्म पर मोक्षश्री है; कुशासन पर ज्ञान है; पत्रनिर्मित आसन पर आरोग्य है।

पाषाणे दुःखमाप्नोति काष्ठे नानाविधान् गदान् । वस्त्रेण श्रियमाप्नोति भूमौ मन्त्रो न सिद्ध्यति । प्राङ्मुखोदङ्मुखो वापि जपं पूजां समाचरेत् ॥१६-४१॥

pāṣāṇe duḥkhamāpnoti kāṣṭhe nānāvidhān gadān | vastreṇa śriyamāpnoti bhūmau mantro na siddhyati | prāṅmukhodaṅmukho vāpi japaṃ pūjāṃ samācaret ||16-41||

।।१६-४१।। पाषाण पर दुःख मिलता है; काष्ठ पर नाना रोग; वस्त्र से श्री मिलती है; भूमि पर मंत्र सिद्ध नहीं होता। पूर्वाभिमुख या उत्तराभिमुख हो कर जप-पूजा करनी चाहिए।

अक्षमालाविधिं वक्ष्ये शृणुष्वावहितो नृप ॥१६-४२॥

akṣamālāvidhiṃ vakṣye śṛṇuṣvāvahito nṛpa ||16-42||

।।१६-४२।। अब मैं अक्षमाला की विधि बताऊँगा; हे राजन्, सावधान हो कर सुनो।

साम्राज्यं स्फाटिके स्यात्तु पुत्रजीवे परां श्रियम् । आत्मज्ञानं कुशग्रन्थौ रुद्राक्षः सर्वकामदः ॥१६-४३॥

sāmrājyaṃ sphāṭike syāttu putrajīve parāṃ śriyam | ātmajñānaṃ kuśagranthau rudrākṣaḥ sarvakāmadaḥ ||16-43||

।।१६-४३।। स्फाटिक से साम्राज्य मिलता है; पुत्रजीव से परम श्री; कुशग्रंथि से आत्मज्ञान; रुद्राक्ष सर्वकामद है।

प्रवालैश्च कृता माला सर्वलोकवशप्रदा । मोक्षप्रदा च माला स्यादामलक्याः फलैः कृता ॥१६-४४॥

pravālaiśca kṛtā mālā sarvalokavaśapradā | mokṣapradā ca mālā syādāmalakyāḥ phalaiḥ kṛtā ||16-44||

।।१६-४४।। प्रवाल से बनी माला सर्वलोकवशप्रदा है; आँवले के फलों से बनी माला मोक्षप्रदा है।

मुक्ताफलैः कृता माला सर्वविद्याप्रदायिनी । माणिक्यरचिता माला त्रैलोकस्य वशंकरी ॥१६-४५॥

muktāphalaiḥ kṛtā mālā sarvavidyāpradāyinī | māṇikyaracitā mālā trailokasya vaśaṃkarī ||16-45||

।।१६-४५।। मुक्ताफलों से बनी माला सर्वविद्याप्रदायिनी है; माणिक्य से रचित माला त्रैलोक्य-वशंकरी है।

नीलैर्मरकतैर्वापि कृता शत्रुभयप्रदा । सुवर्णरचिता माला दद्याद्वै महतीं श्रियम् ॥१६-४६॥

nīlairmarakatairvāpi kṛtā śatrubhayapradā | suvarṇaracitā mālā dadyādvai mahatīṃ śriyam ||16-46||

।।१६-४६।। नील या मरकत से बनी माला शत्रुभयप्रदा है; स्वर्ण से रचित माला महती श्री देती है।

तथा रौप्यमयी माला कन्यां यच्छति कामिताम् । उक्तानां सर्वकामानां दायिनी पारदैः कृता ॥१६-४७॥

tathā raupyamayī mālā kanyāṃ yacchati kāmitām | uktānāṃ sarvakāmānāṃ dāyinī pāradaiḥ kṛtā ||16-47||

।।१६-४७।। रजतमयी माला कामित कन्या देती है; उक्त सभी कामनाओं की दायिनी पारद से बनी माला है।

अष्टोत्तरशता माला तत्र स्यादुत्तमोत्तमा । शतसंख्योत्तमा माला पञ्चाशन्मध्यमा मता ॥१६-४८॥

aṣṭottaraśatā mālā tatra syāduttamottamā | śatasaṃkhyottamā mālā pañcāśanmadhyamā matā ||16-48||

।।१६-४८।। एक सौ आठ की माला सर्वश्रेष्ठ है; सौ संख्या की माला उत्तम है; पचास मध्यम मानी जाती है।

चतुः पञ्चशती यद्वा अधमा सप्तविंशतिः । अधमा पञ्चविंशत्या यदि स्याच्छतनिर्मिता ॥१६-४९॥

catuḥ pañcaśatī yadvā adhamā saptaviṃśatiḥ | adhamā pañcaviṃśatyā yadi syācchatanirmitā ||16-49||

।।१६-४९।। या चौवन; निम्न सत्ताईस है; और सबसे निम्न, यदि सौ का चतुर्थांश हो, तो पच्चीस है।

पञ्चाशदक्षराण्यत्रानुलोमप्रतिलोमतः । इत्येवं स्थापयेत्स्पष्टं न कस्मैचित्प्रदर्शयेत् ॥१६-५०॥

pañcāśadakṣarāṇyatrānulomapratilomataḥ | ityevaṃ sthāpayetspaṣṭaṃ na kasmaicitpradarśayet ||16-50||

।।१६-५०।। यहाँ पचास अक्षर हैं, अनुलोम और प्रतिलोम क्रम में; इसे स्पष्ट रूप से स्थापित करना चाहिए, पर किसी को दिखाना नहीं चाहिए।

वर्णैर्विन्यस्तया यस्तु क्रियते मालया जपः । एकवारेण तस्यैव पुरश्चर्या कृता भवेत्॥१६-५१॥

varṇairvinyastayā yastu kriyate mālayā japaḥ | ekavāreṇa tasyaiva puraścaryā kṛtā bhavet||16-51||

।।१६-५१।। जो वर्णों से सजी माला से जप करता है, उसके लिए एक ही परिक्रमा से पुरश्चरण संपन्न हो जाता है।

सव्यपार्ष्णिं गुदे स्थाप्य दक्षिणं च ध्वजोपरि । योनिमुद्राबन्ध एष भवेदासनमुत्तमम् ॥१६-५२॥

savyapārṣṇiṃ gude sthāpya dakṣiṇaṃ ca dhvajopari | yonimudrābandha eṣa bhavedāsanamuttamam ||16-52||

।।१६-५२।। बाएँ पैर की एड़ी को गुदा पर और दाहिनी को ध्वज के ऊपर रख कर, यह योनिमुद्राबंध सर्वोत्तम आसन है।

योनिमुद्रासने स्थित्वा प्रजपेद्यः समाहितः । यं कंचिदपि वा मन्त्रं तस्य स्युः सर्वसिद्धयः ॥१६-५३॥

yonimudrāsane sthitvā prajapedyaḥ samāhitaḥ | yaṃ kaṃcidapi vā mantraṃ tasya syuḥ sarvasiddhayaḥ ||16-53||

।।१६-५३।। योनिमुद्रासन में स्थित हो कर जो समाहित हो कर किसी भी मंत्र का जप करता है, उसके लिए सभी सिद्धियाँ प्राप्त होती हैं।

छिन्ना रुद्धाः स्तम्भिताश्च मिलिता मूर्छितास्तथा । सुप्ता मत्ता हीनवीर्या दग्धास्त्रस्तारिपक्षगाः ॥१६-५४॥

chinnā ruddhāḥ stambhitāśca militā mūrchitāstathā | suptā mattā hīnavīryā dagdhāstrastāripakṣagāḥ ||16-54||

।।१६-५४।। छिन्न, रुद्ध, स्तंभित, मिलित, मूर्च्छित, सुप्त, मत्त, हीनवीर्य, दग्ध, त्रस्त-अरिपक्षग —

बाला यौवनमत्तश्च वृद्धा मन्त्राश्च ये मताः । योनिमुद्रासने स्थित्वा मन्त्रानेवंविधान् जपेत् ॥१६-५५॥

bālā yauvanamattaśca vṛddhā mantrāśca ye matāḥ | yonimudrāsane sthitvā mantrānevaṃvidhān japet ||16-55||

।।१६-५५।। बाल, यौवनमत्त, और वृद्ध माने जाने वाले मंत्र — योनिमुद्रासन में स्थित हो कर, इस प्रकार के मंत्रों का जप करना चाहिए।

तत्र सिद्ध्यन्ति ते मन्त्रा नान्यस्य तु कथंचन । ब्राह्मं मुहूर्तमारभ्यामध्याह्नं प्रजपेन्मनुम् ॥१६-५६॥

tatra siddhyanti te mantrā nānyasya tu kathaṃcana | brāhmaṃ muhūrtamārabhyāmadhyāhnaṃ prajapenmanum ||16-56||

।।१६-५६।। वहाँ वे मंत्र सिद्ध होते हैं, अन्यथा किसी प्रकार से नहीं। ब्राह्म मुहूर्त से आरंभ कर मध्याह्न तक मंत्र जपना चाहिए।

अत ऊर्ध्वं कृते जाप्ये विनाशाय भवेद्ध्रुवम् । पुरश्चर्याविधावेवं सर्वकाम्यफलेष्वपि ॥१६-५७॥

ata ūrdhvaṃ kṛte jāpye vināśāya bhaveddhruvam | puraścaryāvidhāvevaṃ sarvakāmyaphaleṣvapi ||16-57||

।।१६-५७।। उससे आगे यदि जप किया जाए, तो निश्चित रूप से विनाश होता है। पुरश्चर्या-विधि में, सभी काम्य-फल वाले कर्मों में भी, ऐसा ही है।

नित्ये नैमित्तिके वापि तपश्चर्यासु वा पुनः । सर्वदैव जपः कार्यो न दोषस्तत्र कश्चन ॥१६-५८॥

nitye naimittike vāpi tapaścaryāsu vā punaḥ | sarvadaiva japaḥ kāryo na doṣastatra kaścana ||16-58||

।।१६-५८।। नित्य में, नैमित्तिक में, या तपश्चर्या में, जप सदैव करना चाहिए; इसमें कोई दोष नहीं है।

यस्तु रुद्रं जपेन्नित्यं ध्यायमानो ममाकृतिम् । षडक्षरं वा प्रणवं निष्कामो विजितेन्द्रियः ॥१६-५९॥

yastu rudraṃ japennityaṃ dhyāyamāno mamākṛtim | ṣaḍakṣaraṃ vā praṇavaṃ niṣkāmo vijitendriyaḥ ||16-59||

।।१६-५९।। जो नित्य रुद्र-मंत्र जपता है, मेरे स्वरूप का ध्यान करते हुए, षडक्षर या प्रणव का, निष्काम, जितेन्द्रिय हो कर —

तथाथर्वशिरोमन्त्रं कैवल्यं वा रघूत्तम । स तेनैव च देहेन शिवः संजायते स्वयम् ॥१६-६०॥

tathātharvaśiromantraṃ kaivalyaṃ vā raghūttama | sa tenaiva ca dehena śivaḥ saṃjāyate svayam ||16-60||

।।१६-६०।। हे रघूत्तम, इसी प्रकार अथर्वशिरो-मंत्र या कैवल्य [मंत्र] का जप करने वाला, उसी देह से स्वयं शिव हो जाता है।

अधीते शिवगीतां यो नित्यमेतां जितेन्द्रियः । शृणुयाद्वा स मुक्तः स्यात्संसारान्नात्र संशयः ॥१६-६१॥

adhīte śivagītāṃ yo nityametāṃ jitendriyaḥ | śṛṇuyādvā sa muktaḥ syātsaṃsārānnātra saṃśayaḥ ||16-61||

।।१६-६१।। जो जितेन्द्रिय हो कर सदा इस शिवगीता का अध्ययन करता है, या सुनता है, वह संसार से मुक्त होता है, इसमें कोई संशय नहीं।

सूत उवाच ॥ एवमुक्त्वा महादेवस्तत्रैवान्तरधीयत । रामः कृतार्थमात्मानममन्यत तथैव सः ॥१६-६२॥

sūta uvāca || evamuktvā mahādevastatraivāntaradhīyata | rāmaḥ kṛtārthamātmānamamanyata tathaiva saḥ ||16-62||

।।१६-६२।। सूत बोले: यह कह कर महादेव वहीं अंतर्धान हो गए। राम ने भी स्वयं को कृतार्थ माना।

एवं मया समासेन शिवगीता समीरिता । एतां यः प्रजपेन्नित्यं शृणुयाद्वा समाहितः ॥१६-६३॥

evaṃ mayā samāsena śivagītā samīritā | etāṃ yaḥ prajapennityaṃ śṛṇuyādvā samāhitaḥ ||16-63||

।।१६-६३।। इस प्रकार मैंने संक्षेप में शिवगीता कही है। जो इसे सदा जपता है, या समाहित हो कर सुनता है —

एकाग्रचित्तोयो मर्त्यस्तस्य मुक्तिः करे स्थिता । अतः शृणुध्वं मुनयो नित्यमेतां स्माहिताः ॥१६-६४॥

ekāgracittoyo martyastasya muktiḥ kare sthitā | ataḥ śṛṇudhvaṃ munayo nityametāṃ smāhitāḥ ||16-64||

।।१६-६४।। जो मर्त्य एकाग्रचित्त है, उसकी मुक्ति हाथ में स्थित है। अतः हे मुनियो, सदा इसे समाहित हो कर सुनो।

अनायासेन वो मुक्तिर्भविता नात्र संशयः । कायक्लेशो मनःक्षोभो धनहानिर्न चात्मनः ॥१६-६५॥

anāyāsena vo muktirbhavitā nātra saṃśayaḥ | kāyakleśo manaḥkṣobho dhanahānirna cātmanaḥ ||16-65||

।।१६-६५।। अनायास ही तुम्हारी मुक्ति होगी, इसमें कोई संशय नहीं। न कायक्लेश है, न मनःक्षोभ, न धनहानि।

पीडास्ति श्रवणादेव यस्मात्कैवल्यमाप्नुयात् । शिवगीतामतो नित्यं शृणुध्वमृषिसत्तमाः ॥१६-६६॥

pīḍāsti śravaṇādeva yasmātkaivalyamāpnuyāt | śivagītāmato nityaṃ śṛṇudhvamṛṣisattamāḥ ||16-66||

।।१६-६६।। केवल श्रवण से कोई पीड़ा नहीं, क्योंकि इससे कैवल्य प्राप्त होता है। अतः हे ऋषिसत्तमो, सदा इस शिवगीता को सुनो।

ऋषय ऊचुः ॥ अद्यप्रभृति नः सूत त्वमाचार्यः पिता गुरुः । अविद्यायाः परं पारं यस्मात्तारयितासि नः ॥१६-६७॥

ṛṣaya ūcuḥ || adyaprabhṛti naḥ sūta tvamācāryaḥ pitā guruḥ | avidyāyāḥ paraṃ pāraṃ yasmāttārayitāsi naḥ ||16-67||

।।१६-६७।। ऋषि बोले: हे सूत, आज से आप ही हमारे आचार्य, पिता, गुरु हैं, क्योंकि आप हमें अविद्या के परम पार तक तार देंगे।

उत्पादकब्रह्मदात्रोर्गरीयान् ब्रह्मदः पिता । तस्मात्सूतात्मज त्वत्तः सत्यं नान्योऽस्ति नो गुरुः ॥१६-६८॥

utpādakabrahmadātrorgarīyān brahmadaḥ pitā | tasmātsūtātmaja tvattaḥ satyaṃ nānyo'sti no guruḥ ||16-68||

।।१६-६८।। जन्म देने वाले पिता और ब्रह्मदाता पिता में, ब्रह्मदाता पिता गरीयान् है। अतः हे सूतात्मज, आपसे बढ़ कर हमारा सत्य में कोई गुरु नहीं है।

व्यास उवाच ॥ इत्युक्त्वा प्रययुः सर्वे सायंसंध्यामुपासितुम् । स्तुवन्तः सूतपुत्रं ते संतुष्टा गोमतीतटम् ॥१६-६९॥

vyāsa uvāca || ityuktvā prayayuḥ sarve sāyaṃsaṃdhyāmupāsitum | stuvantaḥ sūtaputraṃ te saṃtuṣṭā gomatītaṭam ||16-69||

।।१६-६९।। व्यास बोले: यह कह कर सब सूतपुत्र की स्तुति करते हुए, संतुष्ट हो कर, संध्या-वंदन करने गोमती के तट पर गए।