The Prayers of Brahma and the Gods; Uddhava's Plea to Accompany Krishna

श्रीशुक उवाच अथ ब्रह्मात्मजैः देवैः प्रजेशैरावृतोऽभ्यगात् । भवश्च भूतभव्येशो ययौ भूतगणैर्वृतः ॥६-१॥

śrī-śuka uvāca atha brahmātma-jaiḥ devaiḥ prajeśair āvṛto ’bhyagāt bhavaś ca bhūta-bhavyeśo yayau bhūta-gaṇair vṛtaḥ

।।१।। श्री शुक बोले: तब ब्रह्मा अपने पुत्रों, देवताओं और प्रजापतियों से घिरे हुए द्वारका की ओर चले। भूत और भविष्य के समस्त प्राणियों के स्वामी शिव भी अपने भूतगणों से घिरे हुए वहाँ गए।

इन्द्रो मरुद्भिर्भगवानादित्या वसवोऽश्विनौ । ऋभवोऽङ्गिरसो रुद्रा विश्वे साध्याश्च देवताः ॥६-२॥

indro marudbhir bhagavān ādityā vasavo ’śvinau ṛbhavo ’ṅgiraso rudrā viśve sādhyāś ca devatāḥ

।।२।। इंद्र मरुतों सहित आए। साथ ही आदित्य, वसु, दोनों अश्विनीकुमार, ऋभुगण, आंगिरस, रुद्रगण, विश्वेदेव, साध्य तथा शेष देवता भी आए।

गन्धर्वाप्सरसो नागाः सिद्धचारणगुह्यकाः । ऋषयः पितरश्चैव सविद्याधरकिन्नराः ॥६-३॥

gandharvāpsaraso nāgāḥ siddha-cāraṇa-guhyakāḥ ṛṣayaḥ pitaraś caiva sa-vidyādhara-kinnarāḥ

।।३।। गंधर्व और अप्सराएँ आए, तथा नाग, सिद्ध, चारण, गुह्यक, महर्षिगण, पितरगण और उनके साथ विद्याधर व किन्नर भी आए।

द्वारकामुपसञ्जग्मुः सर्वे कृष्णदिदृक्षवः । वपुषा येन भगवान् नरलोकमनोरमः । यशो वितेने लोकेषु सर्वलोकमलापहम् ॥६-४॥

dvārakām upasañjagmuḥ sarve kṛṣṇa-didṛkṣavaḥ vapuṣā yena bhagavān nara-loka-manoramaḥ yaśo vitene lokeṣu sarva-loka-malāpaham

।।४।। वे सब कृष्ण को देखने की उत्कंठा में द्वारका में इकट्ठे हुए, जिनका रूप मनुष्य-लोक को मोहित करता है और जिनकी कीर्ति, समस्त लोकों में फैली हुई, हर लोक का मैल धो देती है।

तस्यां विभ्राजमानायां समृद्धायां महर्द्धिभिः । व्यचक्षतावितृप्ताक्षाः कृष्णमद्भुतदर्शनम् ॥६-५॥

tasyāṁ vibhrājamānāyāṁ samṛddhāyāṁ maharddhibhiḥ vyacakṣatāvitṛptākṣāḥ kṛṣṇam adbhuta-darśanam

।।५।। उस देदीप्यमान नगरी में, जो महान समृद्धियों से भरी थी, वे कृष्ण को निहारते रहे, जिनका दर्शन अद्भुत था, और उनकी आँखें तृप्त ही न हुईं।

स्वर्गोद्यानोपगैर्माल्यैश्छादयन्तो यदूत्तमम् । गीर्भिश्चित्रपदार्थाभिस्तुष्टुवुर्जगदीश्वरम् ॥६-६॥

svargodyānopagair mālyaiś chādayanto yadūttamam gīrbhiś citra-padārthābhis tuṣṭuvur jagad-īśvaram

।।६।। स्वर्ग के उद्यानों से लाई मालाओं से यदुश्रेष्ठ कृष्ण को ढँकते हुए, उन्होंने अद्भुत शब्दों और अर्थों वाले स्तोत्रों से जगदीश्वर की स्तुति की।

श्रीदेवा ऊचुः नताः स्म ते नाथ पदारविन्दं बुद्धीन्द्रियप्राणमनोवचोभिः । यच्चिन्त्यतेऽन्तर्हृदि भावयुक्तै- र्मुमुक्षुभिः कर्ममयोरुपाशात् ॥६-७॥

śrī-devā ūcuḥ natāḥ sma te nātha padāravindaṁ buddhīndriya-prāṇa-mano-vacobhiḥ yac cintyate ’ntar hṛdi bhāva-yuktair mumukṣubhiḥ karma-mayoru-pāśāt

।।७।। देवता बोले: हे नाथ, हम अपनी बुद्धि, इंद्रियों, प्राण, मन और वाणी से आपके चरणकमलों में नत हैं, वे ही चरण जिन्हें भाव-युक्त मुमुक्षु कर्मबंधन की विशाल पाश से मुक्ति पाने हेतु हृदय के भीतर ध्याते हैं।

त्वं मायया त्रिगुणयात्मनि दुर्विभाव्यं व्यक्तं सृजस्यवसि लुम्पसि तद्गुणस्थः । नैतैर्भवानजित कर्मभिरज्यते वै यत् स्वे सुखेऽव्यवहितेऽभिरतोऽनवद्यः ॥६-८॥

tvaṁ māyayā tri-guṇayātmani durvibhāvyaṁ vyaktaṁ sṛjasy avasi lumpasi tad-guṇa-sthaḥ naitair bhavān ajita karmabhir ajyate vai yat sve sukhe ’vyavahite ’bhirato ’navadyaḥ

।।८।। अपनी ही अचिन्त्य त्रिगुणमयी माया से, आप इस प्रकट जगत की रचना, पालन और संहार करते हैं, स्वयं उन गुणों में स्थित प्रतीत होते हुए भी। फिर भी, हे अजित, आप इन कर्मों से कभी नहीं बँधते, क्योंकि आप सदा अपने ही प्रत्यक्ष, अमध्यस्थ आनंद में लीन रहते हैं, और इसीलिए निर्दोष हैं।

शुद्धिर्नृणां न तु तथेड्य दुराशयानां विद्याश्रुताध्ययनदानतपःक्रियाभिः । सत्त्वात्मनामृषभ ते यशसि प्रवृद्ध- सच्छ्रद्धया श्रवणसम्भृतया यथा स्यात् ॥६-९॥

śuddhir nṛṇāṁ na tu tatheḍya durāśayānāṁ vidyā-śrutādhyayana-dāna-tapaḥ-kriyābhiḥ sattvātmanām ṛṣabha te yaśasi pravṛddha- sac-chraddhayā śravaṇa-sambhṛtayā yathā syāt

।।९।। हे पूज्य, जिनके मन दूषित हैं, वे विद्या, वेद-अध्ययन, दान, तप या अनुष्ठान से उस प्रकार शुद्ध नहीं होते, हे श्रेष्ठ, जिस प्रकार सत्त्वस्थ जन आपकी कीर्ति के श्रवण से पोषित परिपक्व श्रद्धा से शुद्ध होते हैं।

स्यान्नस्तवाङ्घ्रिरशुभाशयधूमकेतुः क्षेमाय यो मुनिभिरार्द्रहृदोह्यमानः । यः सात्वतैः समविभूतय आत्मवद्भि- र्व्यूहेऽर्चितः सवनशः स्वरतिक्रमाय ॥६-१०॥

syān nas tavāṅghrir aśubhāśaya-dhūmaketuḥ kṣemāya yo munibhir ārdra-hṛdohyamānaḥ yaḥ sātvataiḥ sama-vibhūtaya ātmavadbhir vyūhe ’rcitaḥ savanaśaḥ svar-atikramāya

।।१०।। आपका चरण, जिसे मुनिजन अपने वास्तविक कल्याण हेतु द्रवित हृदय में धारण करते हैं, और जिसे संयमी भक्तजन आपके चतुर्व्यूह में दिन के तीनों सन्धिकालों में स्वर्ग से भी परे जाने हेतु पूजते हैं, हमारे अशुभ मनोभावों को भस्म करने वाला धूमकेतु बने।

यश्चिन्त्यते प्रयतपाणिभिरध्वराग्नौ त्रय्या निरुक्तविधिनेश हविर्गृहीत्वा । अध्यात्मयोग उत योगिभिरात्ममायां जिज्ञासुभिः परमभागवतैः परीष्टः ॥६-११॥

yaś cintyate prayata-pāṇibhir adhvarāgnau trayyā nirukta-vidhineśa havir gṛhītvā adhyātma-yoga uta yogibhir ātma-māyāṁ jijñāsubhiḥ parama-bhāgavataiḥ parīṣṭaḥ

।।११।। हे ईश, शुद्ध हाथों वाले याज्ञिक यज्ञाग्नि में त्रयी वेदों की निरुक्त-विधि से हवि लेकर आपका ध्यान करते हैं। योगीजन भी अध्यात्मयोग में आपकी माया को जानने की इच्छा से आपको खोजते हैं, और परम भागवतजन आपको पूर्णतः पूजते हैं।

पर्युष्टया तव विभो वनमालयेयं संस्पार्धिनी भगवती प्रतिपत्नीवच्छ्रीः । यः सुप्रणीतममुयार्हणमाददन्नो भूयात् सदाङ्घ्रिरशुभाशयधूमकेतुः ॥६-१२॥

paryuṣṭayā tava vibho vana-mālayeyaṁ saṁspārdhinī bhagavatī pratipatnī-vac chrīḥ yaḥ su-praṇītam amuyārhaṇam ādadan no bhūyāt sadāṅghrir aśubhāśaya-dhūmaketuḥ

।।१२।। हे विभो, आपकी छाती पर हमारी उतरी हुई माला देख स्वयं लक्ष्मी जी ईर्ष्यालु सौत की भाँति स्पर्धा करने लगती हैं। फिर भी आप इस भेंट को मानो सुसम्पन्न मान कर स्वीकार करते हैं। आपका चरण सदा हमारे अशुभ मनोभावों को भस्म करने वाला धूमकेतु बना रहे।

केतुस्त्रिविक्रमयुतस्त्रिपतत्पताको यस्ते भयाभयकरोऽसुरदेवचम्वोः । स्वर्गाय साधुषु खलेष्वितराय भूमन् पादः पुनातु भगवन् भजतामघं नः ॥६-१३॥

ketus tri-vikrama-yutas tri-patat-patāko yas te bhayābhaya-karo ’sura-deva-camvoḥ svargāya sādhuṣu khaleṣv itarāya bhūman padaḥ punātu bhagavan bhajatām aghaṁ naḥ

।।१३।। हे विभो, त्रिविक्रम रूप में आपका चरण तीनों लोकों में गिरने वाली पताका बना, असुर-सेना को भय और देव-सेना को अभय देते हुए, सज्जनों को स्वर्ग की ओर और दुष्टों को उसके विपरीत ले जाते हुए। हे भगवन्, वही चरण हम भजन करने वालों के पाप को शुद्ध करे।

नस्योतगाव इव यस्य वशे भवन्ति ब्रह्मादयस्तनुभृतो मिथुरर्द्यमानाः । कालस्य ते प्रकृतिपूरुषयोः परस्य शं नस्तनोतु चरणः पुरुषोत्तमस्य ॥६-१४॥

nasy ota-gāva iva yasya vaśe bhavanti brahmādayas tanu-bhṛto mithur ardyamānāḥ kālasya te prakṛti-pūruṣayoḥ parasya śaṁ nas tanotu caraṇaḥ puruṣottamasya

।।१४।। ब्रह्मा आदि देहधारी महान जन भी आपके काल के वशीभूत हैं, नाथ से बँधे बैलों की भाँति परस्पर संचालित होते हुए। हे पुरुषोत्तम, जो प्रकृति और पुरुष दोनों से परे हैं, आपका चरण हमें कल्याण प्रदान करे।

अस्यासि हेतुरुदयस्थितिसंयमाना- मव्यक्तजीवमहतामपि कालमाहुः । सोऽयं त्रिणाभिरखिलापचये प्रवृत्तः कालो गभीररय उत्तमपूरुषस्त्वम् ॥६-१५॥

asyāsi hetur udaya-sthiti-saṁyamānām avyakta-jīva-mahatām api kālam āhuḥ so ’yaṁ tri-ṇābhir akhilāpacaye pravṛttaḥ kālo gabhīra-raya uttama-pūruṣas tvam

।।१५।। आप अव्यक्त प्रकृति, जीव और महत्तत्त्व की उत्पत्ति, स्थिति और संहार के कारण हैं, अतः आपको काल कहा जाता है। वही काल, तीन नाभियों के चक्र सहित, सबके क्षय में प्रवृत्त है, गहरे प्रवाह वाला। आप, हे उत्तम पुरुष, वही काल हैं।

त्वत्तः पुमान् समधिगम्य ययास्य वीर्यं धत्ते महान्तमिव गर्भममोघवीर्यः । सोऽयं तयानुगत आत्मन आण्डकोशं हैमं ससर्ज बहिरावरणैरुपेतम् ॥६-१६॥

tvattaḥ pumān samadhigamya yayāsya vīryaṁ dhatte mahāntam iva garbham amogha-vīryaḥ so ’yaṁ tayānugata ātmana āṇḍa-kośaṁ haimaṁ sasarja bahir āvaraṇair upetam

।।१६।। आपसे शक्ति पाकर वह पुरुष, महाविष्णु, इस सृष्टि का बीज प्रकृति में मानो महान गर्भ की भाँति स्थापित करते हैं, उनका वीर्य कभी निष्फल नहीं होता। उसी प्रकृति के साथ, वे स्वयं से यह स्वर्णिम अण्डकोश उत्पन्न करते हैं, बाहरी आवरणों से युक्त।

तत्तस्थूषश्च जगतश्च भवानधीशो यन्माययोत्थगुणविक्रिययोपनीतान् । अर्थाञ्जुषन्नपि हृषीकपते न लिप्तो येऽन्ये स्वतः परिहृतादपि बिभ्यति स्म ॥६-१७॥

tat tasthūṣaś ca jagataś ca bhavān adhīśo yan māyayottha-guṇa-vikriyayopanītān arthāñ juṣann api hṛṣīka-pate na lipto ye ’nye svataḥ parihṛtād api bibhyati sma

।।१७।। इसलिए, आप ही चराचर के अधीश्वर हैं। हे हृषीकेश, अपनी माया से उत्पन्न विषयों को भोगते हुए भी आप लिप्त नहीं होते, जबकि अन्य लोग स्वयं के प्रयास से त्यागे हुए विषयों से भी भयभीत रहते हैं।

स्मायावलोकलवदर्शितभावहारि- भ्रूमण्डलप्रहितसौरतमन्त्रशौण्डैः । पत्न्यस्तु षोडशसहस्रमनङ्गबाणै- र्यस्येन्द्रियं विमथितुं करणैर्न विभ्व्यः ॥६-१८॥

smāyāvaloka-lava-darśita-bhāva-hāri- bhrū-maṇḍala-prahita-saurata-mantra-śauṇḍaiḥ patnyas tu ṣoḍaśa-sahasram anaṅga-bāṇair yasyendriyaṁ vimathituṁ karaṇair na vibhvyaḥ

।।१८।। सोलह सहस्र रानियाँ, जो अपनी भौंहों से छोड़े मुस्कुराते कटाक्षों में भाव प्रकट करने में निपुण थीं, अनंग के बाणों समान, अपने सभी साधनों से भी उनकी इंद्रियों को विचलित करने में समर्थ न हो सकीं।

विभ्व्यस्तवामृतकथोदवहास्त्रिलोक्याः पादावनेजसरितः शमलानि हन्तुम् । आनुश्रवं श्रुतिभिरङ्घ्रिजमङ्गसङ्गै- स्तीर्थद्वयं शुचिषदस्त उपस्पृशन्ति ॥६-१९॥

vibhvyas tavāmṛta-kathoda-vahās tri-lokyāḥ pādāvane-ja-saritaḥ śamalāni hantum ānuśravaṁ śrutibhir aṅghri-jam aṅga-saṅgais tīrtha-dvayaṁ śuci-ṣadas ta upaspṛśanti

।।१९।। आपकी कथाओं की अमृत-सरिताएँ और आपके चरण-प्रक्षालन से उत्पन्न पवित्र सरिताएँ, दोनों त्रिलोक के मैल को नष्ट करने में समर्थ हैं। पवित्रता चाहने वाले इन दो तीर्थों का स्पर्श करते हैं, एक श्रवण से कानों द्वारा, दूसरा अंग-संग से शरीर द्वारा।

श्रीबादरायणिरुवाच इत्यभिष्टूय विबुधैः सेशः शतधृतिर्हरिम् । अभ्यभाषत गोविन्दं प्रणम्याम्बरमाश्रितः ॥६-२०॥

śrī-bādarāyaṇir uvāca ity abhiṣṭūya vibudhaiḥ seśaḥ śata-dhṛtir harim abhyabhāṣata govindaṁ praṇamyāmbaram āśritaḥ

।।२०।। श्री शुकदेव बोले: इस प्रकार शिव और देवताओं सहित हरि की स्तुति कर, आकाश में स्थित ब्रह्मा ने प्रणाम कर गोविन्द को संबोधित किया।

श्रीब्रह्मोवाच भूमेर्भारावताराय पुरा विज्ञापितः प्रभो । त्वमस्माभिरशेषात्मन्तत्तथैवोपपादितम् ॥६-२१॥

śrī-brahmā uvāca bhūmer bhārāvatārāya purā vijñāpitaḥ prabho tvam asmābhir aśeṣātman tat tathaivopapāditam

।।२१।। श्री ब्रह्मा बोले: हे प्रभो, हमने पहले आपसे भूमि का भार उतारने की प्रार्थना की थी। हे अशेषात्मन्, वह ठीक वैसे ही पूर्ण हो गया जैसा हमने चाहा था।

धर्मश्च स्थापितः सत्सु सत्यसन्धेषु वै त्वया । कीर्तिश्च दिक्षु विक्षिप्ता सर्वलोकमलापहा ॥६-२२॥

dharmaś ca sthāpitaḥ satsu satya-sandheṣu vai tvayā kīrtiś ca dikṣu vikṣiptā sarva-loka-malāpahā

।।२२।। आपने सत्यनिष्ठ सज्जनों में धर्म की स्थापना की है, और अपनी कीर्ति समस्त दिशाओं में फैलाई है, जो हर लोक का मैल दूर करती है।

अवतीर्य यदोर्वंशे बिभ्रद् रूपमनुत्तमम् । कर्माण्युद्दामवृत्तानि हिताय जगतोऽकृथाः ॥६-२३॥

avatīrya yador vaṁśe bibhrad rūpam anuttamam karmāṇy uddāma-vṛttāni hitāya jagato ’kṛthāḥ

।।२३।। यदुवंश में अवतीर्ण होकर, अनुपम रूप धारण कर, आपने संसार के कल्याण हेतु उदार, असीम कर्म किए।

यानि ते चरितानीश मनुष्याः साधवः कलौ । शृण्वन्तः कीर्तयन्तश्च तरिष्यन्त्यञ्जसा तमः ॥६-२४॥

yāni te caritānīśa manuṣyāḥ sādhavaḥ kalau śṛṇvantaḥ kīrtayantaś ca tariṣyanty añjasā tamaḥ

।।२४।। हे ईश, कलियुग में जो सज्जन मनुष्य आपके चरित्रों को सुनते और कीर्तन करते हैं, वे सहज ही अंधकार को पार कर जाएँगे।

यदुवंशेऽवतीर्णस्य भवतः पुरुषोत्तम । शरच्छतं व्यतीयाय पञ्चविंशाधिकं प्रभो ॥६-२५॥

yadu-vaṁśe ’vatīrṇasya bhavataḥ puruṣottama śarac-chataṁ vyatīyāya pañca-viṁśādhikaṁ prabho

।।२५।। हे पुरुषोत्तम, हे प्रभो, यदुवंश में आपके अवतरण को एक सौ पच्चीस शरद ऋतुएँ बीत चुकी हैं।

नाधुना तेऽखिलाधार देवकार्यावशेषितम् । कुलं च विप्रशापेन नष्टप्रायमभूदिदम् ॥६-२६॥

nādhunā te ’khilādhāra deva-kāryāvaśeṣitam kulaṁ ca vipra-śāpena naṣṭa-prāyam abhūd idam

।।२६।। हे अखिलाधार, अब देवकार्य में आपके लिए कुछ शेष नहीं रहा, और यह कुल भी विप्रशाप से लगभग नष्ट हो चुका है।

ततः स्वधाम परमं विशस्व यदि मन्यसे । सलोकाँल्लोकपालान् नः पाहि वैकुण्ठकिङ्करान् ॥६-२७॥

tataḥ sva-dhāma paramaṁ viśasva yadi manyase sa-lokāl loka-pālān naḥ pāhi vaikuṇṭha-kiṅkarān

।।२७।। अतः, यदि आप उचित समझें, तो अपने परम धाम में प्रवेश करें। और हम लोकपालों की, हमारे लोक-निवासियों सहित, रक्षा करते रहें, क्योंकि हम वैकुण्ठ के ही सेवक हैं।

श्रीभगवानुवाच अवधारितमेतन्मे यदात्थ विबुधेश्वर । कृतं वः कार्यमखिलं भूमेर्भारोऽवतारितः ॥६-२८॥

śrī-bhagavān uvāca avadhāritam etan me yad āttha vibudheśvara kṛtaṁ vaḥ kāryam akhilaṁ bhūmer bhāro ’vatāritaḥ

।।२८।। भगवान बोले: हे देवेश्वर, आपने जो कहा वह मैं समझ गया हूँ। आपका सम्पूर्ण कार्य पूर्ण हो चुका, भूमि का भार उतर चुका है।

तदिदं यादवकुलं वीर्यशौर्यश्रियोद्धतम् । लोकं जिघृक्षद् रुद्धं मे वेलयेव महार्णवः ॥६-२९॥

tad idaṁ yādava-kulaṁ vīrya-śaurya-śriyoddhatam lokaṁ jighṛkṣad ruddhaṁ me velayeva mahārṇavaḥ

।।२९।। यह यादव-कुल, बल, शौर्य और श्री से उद्धत होकर, संसार को निगलने पर उतारू था; मैंने इसे रोक रखा है, जैसे तट महासागर को रोकता है।

यद्यसंहृत्य दृप्तानां यदूनां विपुलं कुलम् । गन्तास्म्यनेन लोकोऽयमुद्वेलेन विनङ्क्ष्यति ॥६-३०॥

yady asaṁhṛtya dṛptānāṁ yadūnāṁ vipulaṁ kulam gantāsmy anena loko ’yam udvelena vinaṅkṣyati

।।३०।। यदि मैं उद्धत यादवों के विशाल कुल को समेटे बिना ही चला जाऊँ, तो यह संसार, तट तोड़ती नदी की भाँति, इसी से नष्ट हो जाएगा।

इदानीं नाश आरब्धः कुलस्य द्विजशापजः । यास्यामि भवनं ब्रह्मन्नेतदन्ते तवानघ ॥६-३१॥

idānīṁ nāśa ārabdhaḥ kulasya dvija-śāpa-jaḥ yāsyāmi bhavanaṁ brahmann etad-ante tavānagha

।।३१।। द्विजों के शाप से उत्पन्न कुल-नाश अब आरंभ हो चुका है। हे ब्रह्मन्, हे अनघ, इसके अंत में मैं आपके धाम आऊँगा।

श्रीशुक उवाच इत्युक्तो लोकनाथेन स्वयम्भूः प्रणिपत्य तम् । सह देवगणैर्देवः स्वधाम समपद्यत ॥६-३२॥

ity ukto loka-nāthena svayam-bhūḥ praṇipatya tam saha deva-gaṇair devaḥ sva-dhāma samapadyata

।।३२।। श्री शुक बोले: लोकनाथ के इस प्रकार संबोधित करने पर, स्वयम्भू ब्रह्मा उन्हें प्रणाम कर, देवगणों सहित, अपने धाम लौट गए।

अथ तस्यां महोत्पातान् द्वारवत्यां समुत्थितान् । विलोक्य भगवानाह यदुवृद्धान् समागतान् ॥६-३३॥

atha tasyāṁ mahotpātān dvāravatyāṁ samutthitān vilokya bhagavān āha yadu-vṛddhān samāgatān

।।३३।। तब द्वारका में उठे महान उत्पातों को देखकर भगवान ने एकत्रित यादव-वृद्धों को संबोधित किया।

श्रीभगवानुवाच एते वै सुमहोत्पाता व्युत्तिष्ठन्तीह सर्वतः । शापश्च नः कुलस्यासीद् ब्राह्मणेभ्यो दुरत्ययः ॥६-३४॥

śrī-bhagavān uvāca ete vai su-mahotpātā vyuttiṣṭhantīha sarvataḥ śāpaś ca naḥ kulasyāsīd brāhmaṇebhyo duratyayaḥ

।।३४।। भगवान बोले: ये अत्यंत भयंकर उत्पात यहाँ चारों ओर उठ रहे हैं। हमारे कुल पर ब्राह्मणों का शाप लगा है, जो अनिवार्य है।

न वस्तव्यमिहास्माभिर्जिजीविषुभिरार्यकाः । प्रभासं सुमहत्पुण्यं यास्यामोऽद्यैव मा चिरम् ॥६-३५॥

na vastavyam ihāsmābhir jijīviṣubhir āryakāḥ prabhāsaṁ su-mahat-puṇyaṁ yāsyāmo ’dyaiva mā ciram

।।३५।। हे आर्यजनों, यदि जीवित रहना चाहते हैं तो हमें यहाँ नहीं रहना चाहिए। आज ही, बिना विलम्ब, हम अत्यंत पुण्यमय प्रभास चलें।

यत्र स्नात्वा दक्षशापाद् गृहीतो यक्ष्मणोडुराट् । विमुक्तः किल्बिषात् सद्यो भेजे भूयः कलोदयम् ॥६-३६॥

yatra snātvā dakṣa-śāpād gṛhīto yakṣmaṇodu-rāṭ vimuktaḥ kilbiṣāt sadyo bheje bhūyaḥ kalodayam

।।३६।। वहाँ स्नान कर, दक्ष के शाप से यक्ष्मा-ग्रस्त चंद्रमा तत्काल पाप-मुक्त हो गए और पुनः अपनी कलाओं की वृद्धि पाने लगे।

वयं च तस्मिन्नाप्लुत्य तर्पयित्वा पितृन् सुरान् । भोजयित्वोषिजो विप्रान् नानागुणवतान्धसा ॥६-३७॥

vayaṁ ca tasminn āplutya tarpayitvā pitṝn surān bhojayitvoṣijo viprān nānā-guṇavatāndhasā

।।३७।। और हम वहाँ स्नान कर, पितरों और देवताओं को तर्पण से तृप्त कर, पूज्य ब्राह्मणों को नाना गुणों वाले अन्न से भोजन करा कर...

तेषु दानानि पात्रेषु श्रद्धयोप्त्वा महान्ति वै । वृजिनानि तरिष्यामो दानैर्नौभिरिवार्णवम् ॥६-३८॥

teṣu dānāni pātreṣu śraddhayoptvā mahānti vai vṛjināni tariṣyāmo dānair naubhir ivārṇavam

।।३८।। ...श्रद्धा से उन उपयुक्त पात्रों में दान बो कर, हम इन महान संकटों को दान द्वारा उसी प्रकार पार कर जाएँगे जैसे नावों द्वारा सागर पार किया जाता है।

श्रीशुक उवाच एवं भगवतादिष्टा यादवाः कुरुनन्दन । गन्तुं कृतधियस्तीर्थं स्यन्दनान् समयूयुजन् ॥६-३९॥

śrī-śuka uvāca evaṁ bhagavatādiṣṭā yādavāḥ kuru-nandana gantuṁ kṛta-dhiyas tīrthaṁ syandanān samayūyujan

।।३९।। श्री शुक बोले: हे कुरुनन्दन, इस प्रकार भगवान द्वारा निर्देशित यादवों ने उस तीर्थ में जाने का निश्चय कर अपने रथ जोत लिए।

तन्निरीक्ष्योद्धवो राजन् श्रुत्वा भगवतोदितम् । दृष्ट्वारिष्टानि घोराणि नित्यं कृष्णमनुव्रतः ॥६-४०॥

tan nirīkṣyoddhavo rājan śrutvā bhagavatoditam dṛṣṭvāriṣṭāni ghorāṇi nityaṁ kṛṣṇam anuvrataḥ

।।४०।। हे राजन्, यह देखकर, भगवान द्वारा कहे गए को सुनकर, और भयंकर उत्पातों को देखकर, कृष्ण के नित्य अनुव्रती उद्धव ने...

विविक्त उपसङ्गम्य जगतामीश्वरेश्वरम् । प्रणम्य शिरसा पादौ प्राञ्जलिस्तमभाषत ॥६-४१॥

vivikta upasaṅgamya jagatām īśvareśvaram praṇamya śirasā pādau prāñjalis tam abhāṣata

।।४१।। एकांत में जाकर, चराचर जगत के ईश्वरों के भी ईश्वर के समीप जाकर, उद्धव ने सिर झुका कर उनके चरणों में प्रणाम किया, और हाथ जोड़ कर उनसे कहा।

श्रीउद्धव उवाच देवदेवेश योगेश पुण्यश्रवणकीर्तन । संहृत्यैतत् कुलं नूनं लोकं सन्त्यक्ष्यते भवान् । विप्रशापं समर्थोऽपि प्रत्यहन्न यदीश्वरः ॥६-४२॥

śrī-uddhava uvāca deva-deveśa yogeśa puṇya-śravaṇa-kīrtana saṁhṛtyaitat kulaṁ nūnaṁ lokaṁ santyakṣyate bhavān vipra-śāpaṁ samartho ’pi pratyahan na yad īśvaraḥ

।।४२।। श्री उद्धव बोले: हे देवदेवेश, हे योगेश, जिनका श्रवण-कीर्तन ही पुण्यमय है, यह कुल समेटकर आप अवश्य ही इस लोक को त्याग देने वाले हैं। सक्षम होते हुए भी आपने विप्रशाप को नहीं रोका, क्योंकि आप ही ईश्वर हैं।

नाहं तवाङ्घ्रिकमलं क्षणार्धमपि केशव । त्यक्तुं समुत्सहे नाथ स्वधाम नय मामपि ॥६-४३॥

nāhaṁ tavāṅghri-kamalaṁ kṣaṇārdham api keśava tyaktuṁ samutsahe nātha sva-dhāma naya mām api

।।४३।। हे केशव, मैं आपके चरणकमल को आधे क्षण के लिए भी त्यागने का साहस नहीं कर सकता। हे नाथ, मुझे भी अपने धाम ले चलिए।

तव विक्रीडितं कृष्ण नृणां परममङ्गलम् । कर्णपीयूषमासाद्य त्यजन्त्यन्यस्पृहां जनाः ॥६-४४॥

tava vikrīḍitaṁ kṛṣṇa nṛṇāṁ parama-maṅgalam karṇa-pīyūṣam āsādya tyajanty anya-spṛhāṁ janāḥ

।।४४।। हे कृष्ण, आपकी लीलाएँ मनुष्यों के लिए परम मंगलकारी हैं। इस कर्णामृत को पाकर लोग अन्य सब इच्छाएँ त्याग देते हैं।

शय्यासनाटनस्थानस्नानक्रीडाशनादिषु । कथं त्वां प्रियमात्मानं वयं भक्तास्त्यजेमहि ॥६-४५॥

śayyāsanāṭana-sthāna- snāna-krīḍāśanādiṣu kathaṁ tvāṁ priyam ātmānaṁ vayaṁ bhaktās tyajema hi

।।४५।। शयन, आसन, भ्रमण, स्थान, स्नान, क्रीड़ा, भोजन आदि हर क्रिया में, हम भक्त आपको, जो हमारे प्राणों से भी प्रिय हैं, कैसे त्याग सकते हैं?

त्वयोपभुक्तस्रग्गन्धवासोऽलङ्कारचर्चिताः । उच्छिष्टभोजिनो दासास्तव मायां जयेमहि ॥६-४६॥

tvayopabhukta-srag-gandha- vāso-’laṅkāra-carcitāḥ ucchiṣṭa-bhojino dāsās tava māyāṁ jayema hi

।।४६।। आपके द्वारा भोगी गई मालाओं, सुगंध, वस्त्रों, आभूषणों से सुसज्जित होकर, और आपका उच्छिष्ट भोजन खाकर, हम दास आपकी माया को जीत लेंगे।

वातवसना य ऋषयः श्रमणा ऊर्ध्वमन्थिनः । ब्रह्माख्यं धाम ते यान्ति शान्ताः सन्न्यासीनोऽमलाः ॥६-४७॥

vāta-vasanā ya ṛṣayaḥ śramaṇā ūrdhra-manthinaḥ brahmākhyaṁ dhāma te yānti śāntāḥ sannyāsino ’malāḥ

।।४७।। जो ऋषि वायु-वस्त्र धारण करते हैं, कठोर तपस्या में लीन, ऊर्ध्वरेता, वे शांत, निर्मल संन्यासी ब्रह्म नामक धाम को प्राप्त होते हैं।

वयं त्विह महायोगिन् भ्रमन्तः कर्मवर्त्मसु । त्वद्वार्तया तरिष्यामस्तावकैर्दुस्तरं तमः ॥६-४८॥

vayaṁ tv iha mahā-yogin bhramantaḥ karma-vartmasu tvad-vārtayā tariṣyāmas tāvakair dustaraṁ tamaḥ

।।४८।। हे महायोगिन्, हम तो इस लोक में कर्मपथों पर भटकते रहते हैं। आपकी वार्ता से, अन्य भक्तों सहित, हम इस दुस्तर अंधकार को पार कर लेंगे।

स्मरन्तः कीर्तयन्तस्ते कृतानि गदितानि च । गत्युत्स्मितेक्षणक्ष्वेलि यन्नृलोकविडम्बनम् ॥६-४९॥

smarantaḥ kīrtayantas te kṛtāni gaditāni ca gaty-utsmitekṣaṇa-kṣveli yan nṛ-loka-viḍambanam

।।४९।। आपके कर्मों और वचनों का स्मरण-कीर्तन करते हुए, आपकी चाल, मुस्कान, कटाक्ष, क्रीड़ाओं का, जो मानो साधारण मनुष्य-लोक की नक़ल हैं...

श्रीशुक उवाच एवं विज्ञापितो राजन् भगवान् देवकीसुतः । एकान्तिनं प्रियं भृत्यमुद्धवं समभाषत ॥६-५०॥

evaṁ vijñāpito rājan bhagavān devakī-sutaḥ ekāntinaṁ priyaṁ bhṛtyam uddhavaṁ samabhāṣata

।।५०।। श्री शुक बोले: हे राजन्, इस प्रकार निवेदन किए जाने पर, देवकीनन्दन भगवान ने अपने प्रिय, एकांतिक सेवक उद्धव से विस्तार से कहा।