पाणिनीयशिक्षा

अथ शिक्षां प्रवक्ष्यामि पाणिनीयं मतं यथा । शास्त्रानुपूर्वं तद्विद्याद्यथोक्तं लोकवेदयोः ॥ १ ॥

atha śikṣāṃ pravakṣyāmi pāṇinīyaṃ mataṃ yathā | śāstrānupūrvaṃ tadvidyādyathoktaṃ lokavedayoḥ || 1 ||

अब मैं पाणिनि के मत के अनुसार शिक्षा का प्रवचन करूँगा। इसे शास्त्र के क्रम से जानना चाहिए, जैसा लौकिक और वैदिक दोनों वाणी के लिए कहा गया है।

प्रसिद्धमपि शब्दार्थमविज्ञातमबुद्धिभिः । पुनर्व्यक्तीकरिष्यामि वाच उच्चारणे विधिम् ॥ २ ॥

prasiddhamapi śabdārthamavijñātamabuddhibhiḥ | punarvyaktīkariṣyāmi vāca uccāraṇe vidhim || 2 ||

यद्यपि शब्द का अर्थ प्रसिद्ध है, फिर भी अल्पबुद्धि जन उसे नहीं समझते। इसलिए मैं वाणी के उच्चारण की विधि को पुनः स्पष्ट करूँगा।

त्रिषष्टिश्चतुःषष्टिर्वा वर्णाः शम्भुमते मताः । प्राकृते संस्कृते चापि स्वयं प्रोक्ताः स्वयंभुवा ॥ ३ ॥

triṣaṣṭiścatuḥṣaṣṭirvā varṇāḥ śambhumate matāḥ | prākṛte saṃskṛte cāpi svayaṃ proktāḥ svayaṃbhuvā || 3 ||

शम्भु के मत में वर्ण त्रेसठ अथवा चौंसठ माने गए हैं — प्राकृत और संस्कृत दोनों में, जिन्हें स्वयंभू ने स्वयं कहा है।

स्वरा विंशतिरेकश्च स्पर्शानां पञ्चविंशतिः । यादयश्च स्मृता ह्यष्टौ चत्वारश्च यमाः स्मृताः ॥ ४ ॥

svarā viṃśatirekaśca sparśānāṃ pañcaviṃśatiḥ | yādayaśca smṛtā hyaṣṭau catvāraśca yamāḥ smṛtāḥ || 4 ||

स्वर इक्कीस हैं, स्पर्श व्यंजन पच्चीस; य आदि आठ माने गए हैं, और यम चार कहे गए हैं।

अनुस्वारो विसर्गश्च „एक „एपौ चापि पराश्रितौ ।। दुःस्पृष्टश्चेति विज्ञेयो ऌकारः प्लुत एव च ॥ ५ ॥

anusvāro visargaśca „eka „epau cāpi parāśritau || duḥspṛṣṭaśceti vijñeyo ḷkāraḥ pluta eva ca || 5 ||

अनुस्वार और विसर्ग, तथा परश्रित दो — जिह्वामूलीय और उपध्मानीय; दुःस्पृष्ट ऌकार और प्लुत स्वर भी जानने योग्य हैं।

आत्मा बुद्ध्या समेत्यार्थान्मनो युङ्क्ते विवक्षया । मनः कायाग्निमाहन्ति स प्रेरयति मारुतम् ॥ ६ ॥

ātmā buddhyā sametyārthānmano yuṅkte vivakṣayā | manaḥ kāyāgnimāhanti sa prerayati mārutam || 6 ||

आत्मा बुद्धि से अर्थों को जानकर, बोलने की इच्छा से मन को प्रेरित करता है। मन शरीर की अग्नि को आहत करता है, और वह वायु को प्रेरित करती है।

मारुतस्तूरसि चरन्मन्द्रं जनयति स्वरम् । प्रातःसवनयोगं तं छन्दो गायत्रमाश्रितम् ॥ ७ ॥

mārutastūrasi caranmandraṃ janayati svaram | prātaḥsavanayogaṃ taṃ chando gāyatramāśritam || 7 ||

वायु वक्ष में विचरण करती हुई मन्द्र स्वर उत्पन्न करती है। वह प्रातःसवन से युक्त है और गायत्री छन्द पर आश्रित है।

कण्ठे माध्यन्दिनयुगं मध्यमं त्रैष्टुभानुगम् । तारं तार्तीयसवनं शीर्षण्यं जागतानुगम् ॥ ८ ॥

kaṇṭhe mādhyandinayugaṃ madhyamaṃ traiṣṭubhānugam | tāraṃ tārtīyasavanaṃ śīrṣaṇyaṃ jāgatānugam || 8 ||

कण्ठ में मध्यम स्वर है, जो माध्यन्दिन सवन का और त्रिष्टुभ् के अनुगत है; तार स्वर तृतीय सवन है, शिर में स्थित, जगती के अनुगत।

सोदीर्णो मूर्ध्न्यभिहतो वक्त्रमापद्य मारुतः । वर्णाञ्जनयते तेषां विभागः पञ्चधा स्मृतः ॥ ९ ॥

sodīrṇo mūrdhnyabhihato vaktramāpadya mārutaḥ | varṇāñjanayate teṣāṃ vibhāgaḥ pañcadhā smṛtaḥ || 9 ||

वह उठी हुई वायु मूर्धा से टकराकर मुख में पहुँचकर वर्णों को उत्पन्न करती है। उनका विभाग पाँच प्रकार का माना गया है।

स्वरतः कालतः स्थानात्प्रयत्नानुप्रदानतः । इति वर्णविदः प्राहुर्निपुणं तन्निबोधत ॥ १० ॥

svarataḥ kālataḥ sthānātprayatnānupradānataḥ | iti varṇavidaḥ prāhurnipuṇaṃ tannibodhata || 10 ||

स्वर से, काल से, स्थान से, प्रयत्न से और अनुप्रदान से — ऐसा वर्ण के ज्ञाता कहते हैं। उसे ध्यान से समझो।

उदात्तश्चानुदात्तश्च स्वरितश्च स्वरास्त्रयः । ह्रस्वो दीर्घः प्लुत इति कालतो नियमा अचि ॥ ११ ॥

udāttaścānudāttaśca svaritaśca svarāstrayaḥ | hrasvo dīrghaḥ pluta iti kālato niyamā aci || 11 ||

उदात्त, अनुदात्त और स्वरित — ये तीन स्वर हैं; ह्रस्व, दीर्घ और प्लुत — यह स्वरों में काल का नियम है।

उदात्ते निषादगान्धारावनुदात्त ऋषभधैवतौ । स्वरितप्रभवा ह्येते षड्जमध्यमपञ्चमाः ॥ १२ ॥

udātte niṣādagāndhārāvanudātta ṛṣabhadhaivatau | svaritaprabhavā hyete ṣaḍjamadhyamapañcamāḥ || 12 ||

उदात्त में निषाद और गान्धार, अनुदात्त में ऋषभ और धैवत; स्वरित से षड्ज, मध्यम और पञ्चम उत्पन्न होते हैं।

अष्टौ स्थानानि वर्णानामुरः कण्ठः शिरस्तथा । जिह्वामूलं च दन्ताश्च नासिकोष्ठौ च तालु च ॥ १३ ॥

aṣṭau sthānāni varṇānāmuraḥ kaṇṭhaḥ śirastathā | jihvāmūlaṃ ca dantāśca nāsikoṣṭhau ca tālu ca || 13 ||

वर्णों के आठ स्थान हैं: उर, कण्ठ, शिर, जिह्वामूल, दन्त, नासिका, ओष्ठ और तालु।

ओभावश्च विवृत्तिश्च शषसा रेफ एव च । जिह्वामूलमुपध्मा च गतिरष्टविधोष्मणः ॥ १४ ॥

obhāvaśca vivṛttiśca śaṣasā repha eva ca | jihvāmūlamupadhmā ca gatiraṣṭavidhoṣmaṇaḥ || 14 ||

ओभाव, विवृत्ति, श-ष-स और रेफ; जिह्वामूलीय और उपध्मानीय — ऊष्म वर्ण की गति आठ प्रकार की है।

यद्योभावप्रसन्धानमुकारादि परं पदम् । स्वरान्तं तादृशं विद्याद्यदन्यद्व्यक्तमूष्मणः ॥ १५ ॥

yadyobhāvaprasandhānamukārādi paraṃ padam | svarāntaṃ tādṛśaṃ vidyādyadanyadvyaktamūṣmaṇaḥ || 15 ||

यदि ओभाव का प्रसन्धान हो और आगे का पद उकारादि हो, तो उसे स्वरान्त जानना चाहिए; इससे भिन्न जो है वह ऊष्म का व्यक्त रूप है।

हकारं पञ्चमैर्युक्तमन्तःस्थाभिश्च संयुतम् । उरस्यं तं विजानीयात्कण्ठ्यमाहुरसंयुतम् ॥ १६ ॥

hakāraṃ pañcamairyuktamantaḥsthābhiśca saṃyutam | urasyaṃ taṃ vijānīyātkaṇṭhyamāhurasaṃyutam || 16 ||

हकार जब पञ्चम वर्णों और अन्तःस्थ वर्णों से युक्त हो तो उसे उरस्य जानना चाहिए; असंयुक्त हो तो उसे कण्ठ्य कहते हैं।

कण्ठ्यावहाविचुयशास्तालव्या ओष्ठजावुपू । स्युर्मूर्धन्या ऋटुरषा दन्त्या ऌतुलसाः स्मृताः ॥ १७ ॥

kaṇṭhyāvahāvicuyaśāstālavyā oṣṭhajāvupū | syurmūrdhanyā ṛṭuraṣā dantyā ḷtulasāḥ smṛtāḥ || 17 ||

अ, ह — कण्ठ्य; इ, चवर्ग, य, श — तालव्य; उ, पवर्ग — ओष्ठ्य; ऋ, टवर्ग, र, ष — मूर्धन्य; ऌ, तवर्ग, ल, स — दन्त्य माने गए हैं।

जिह्वामूले तु कु„ए प्रोक्तो दन्त्योष्ठ्यो वः स्मृतो बुधैः । ए ऐ तु कण्ठतालव्या ओ औ कण्ठोष्ठजौ स्मृतौ ॥ १८ ॥

jihvāmūle tu ku„e prokto dantyoṣṭhyo vaḥ smṛto budhaiḥ | e ai tu kaṇṭhatālavyā o au kaṇṭhoṣṭhajau smṛtau || 18 ||

जिह्वामूल में कवर्ग कहा गया है; व को विद्वान् दन्त्योष्ठ्य मानते हैं; ए और ऐ कण्ठतालव्य, ओ और औ कण्ठोष्ठ्य माने गए हैं।

अर्धमात्रा तु कण्ठ्यस्य ऐकारैकारयोर्भवेत् । एकारौकारयोर्मात्रा तयोर्विवृतसंवृतम् ॥ १९ ॥

ardhamātrā tu kaṇṭhyasya aikāraikārayorbhavet | ekāraukārayormātrā tayorvivṛtasaṃvṛtam || 19 ||

ऐकार और औकार में कण्ठ्य भाग की आधी मात्रा होती है; एकार और ओकार में पूरी मात्रा। उनमें विवृत और संवृत का भेद है।

संवृतं मात्रिकं ज्ञेयं विवृतं तु द्विमात्रिकम् । घोषा वा संवृताः सर्वे अघोषा विवृताः स्मृताः ॥ २० ॥

saṃvṛtaṃ mātrikaṃ jñeyaṃ vivṛtaṃ tu dvimātrikam | ghoṣā vā saṃvṛtāḥ sarve aghoṣā vivṛtāḥ smṛtāḥ || 20 ||

संवृत को एक मात्रा वाला और विवृत को दो मात्रा वाला जानना चाहिए। घोष वर्ण संवृत और अघोष वर्ण विवृत माने गए हैं।

स्वराणामूष्मणां चैव विवृतं करणं स्मृतम् । तेभ्योऽपि विवृतावेङौ ताभ्यामैचौ तथैव च ॥ २१ ॥

svarāṇāmūṣmaṇāṃ caiva vivṛtaṃ karaṇaṃ smṛtam | tebhyo'pi vivṛtāveṅau tābhyāmaicau tathaiva ca || 21 ||

स्वरों और ऊष्म वर्णों का करण विवृत माना गया है। उनसे भी अधिक विवृत ए और ओ हैं, और उनसे भी अधिक ऐ और औ।

अनुस्वारयमानां च नासिका स्थानमुच्यते । अयोगवाहा विज्ञेया आश्रयस्थानभागिनः ॥ २२ ॥

anusvārayamānāṃ ca nāsikā sthānamucyate | ayogavāhā vijñeyā āśrayasthānabhāginaḥ || 22 ||

अनुस्वार और यमों का स्थान नासिका कहा गया है। अयोगवाह वर्णों को आश्रय के स्थान का भागी जानना चाहिए।

अलाबुवीणानिर्घोषो दन्त्यमूल्यस्वराननु । अनुस्वारस्तु कर्तव्यो नित्यं ह्रोः शषसेषु च ॥ २३ ॥

alābuvīṇānirghoṣo dantyamūlyasvarānanu | anusvārastu kartavyo nityaṃ hroḥ śaṣaseṣu ca || 23 ||

अलाबु-वीणा के निर्घोष के समान, दन्तमूल में स्वर के अनन्तर — ऐसा अनुस्वार करना चाहिए, सदा ह, श, ष, स के पूर्व।

अनुस्वारे विवृत्त्यां तु विरामे चाक्षरद्वये । द्विरोष्ठ्यौ तु विगृह्णीयाद्यत्रोकारवकारयोः ॥ २४ ॥

anusvāre vivṛttyāṃ tu virāme cākṣaradvaye | dviroṣṭhyau tu vigṛhṇīyādyatrokāravakārayoḥ || 24 ||

अनुस्वार में, विवृत्ति में, विराम में और दो अक्षरों के बीच — जहाँ उकार और वकार हों, वहाँ दोनों ओष्ठ्य वर्णों को पृथक् करना चाहिए।

व्याघ्री यथा हरेत्पुत्रान्दंष्ट्राभ्यां न च पीडयेत् । भीता पतनभेदाभ्यां तद्वद्वर्णान्प्रयोजयेत् ॥ २५ ॥

vyāghrī yathā haretputrāndaṃṣṭrābhyāṃ na ca pīḍayet | bhītā patanabhedābhyāṃ tadvadvarṇānprayojayet || 25 ||

जैसे बाघिन अपने बच्चों को दाढ़ों से उठाती है पर उन्हें घायल नहीं करती, गिरने और चुभने दोनों से डरती हुई — वैसे ही वर्णों का प्रयोग करना चाहिए।

यथा सौराष्ट्रिका नारी तक्रँ इत्यभिभाषते । एवं रङ्गाः प्रयोक्तव्याः खे अराँ इव खेदया ॥ २६ ॥

yathā saurāṣṭrikā nārī takram̐ ityabhibhāṣate | evaṃ raṅgāḥ prayoktavyāḥ khe arām̐ iva khedayā || 26 ||

जैसे सौराष्ट्र की स्त्री "तक्रम्" कहती है — वैसे ही रङ्ग (अनुनासिक) वर्णों का प्रयोग करना चाहिए, "खे अराम्" की तरह खेद के साथ।

रङ्गवर्णान् प्रयुञ्जीरन्नो ग्रसेत्पूर्वमक्षरम् । दीर्घस्वरं प्रयुञ्जीयात्पश्चान्नासिक्यमाचरेत् ॥ २७ ॥

raṅgavarṇān prayuñjīranno grasetpūrvamakṣaram | dīrghasvaraṃ prayuñjīyātpaścānnāsikyamācaret || 27 ||

रङ्ग वर्णों का प्रयोग करते समय पूर्व अक्षर को ग्रस नहीं लेना चाहिए। पहले दीर्घ स्वर का उच्चारण करके, पीछे नासिक्य करना चाहिए।

हृदये चैकमात्रस्त्वर्द्धमात्रस्तु मूर्धनि । नासिकायां तथार्द्धं च रङ्गस्यैवं द्विमात्रता ॥ २८ ॥

hṛdaye caikamātrastvarddhamātrastu mūrdhani | nāsikāyāṃ tathārddhaṃ ca raṅgasyaivaṃ dvimātratā || 28 ||

हृदय में एक मात्रा, मूर्धा में आधी मात्रा, और नासिका में भी आधी — इस प्रकार रङ्ग की दो मात्राएँ होती हैं।

हृदयादुत्करे तिष्ठन्कांस्येन समनुस्वरन् । मार्दवं च द्विमात्रं च जघन्वाँ इति निदर्शनम् ॥ २९ ॥

hṛdayādutkare tiṣṭhankāṃsyena samanusvaran | mārdavaṃ ca dvimātraṃ ca jaghanvām̐ iti nidarśanam || 29 ||

हृदय से उठकर, काँसे के समान अनुरणन करती हुई, मृदु और द्विमात्र — "जघन्वान्" इसका उदाहरण है।

मध्ये तु कम्पयेत्कम्पमुभौ पार्श्वौ समौ भवेत् । सरङ्गं कम्पयेत्कम्पं रथीवेति निदर्शनम् ॥ ३० ॥

madhye tu kampayetkampamubhau pārśvau samau bhavet | saraṅgaṃ kampayetkampaṃ rathīveti nidarśanam || 30 ||

मध्य में कम्प करना चाहिए, और दोनों पार्श्व सम हों। रङ्ग सहित कम्प करना चाहिए — "रथी" इसका उदाहरण है।

एवं रंगाः प्रयोक्तव्या नाव्यक्ता न च पीडिताः । सम्यग्वर्णप्रयोगेण ब्रह्मलोके महीयते ॥ ३१ ॥

evaṃ raṃgāḥ prayoktavyā nāvyaktā na ca pīḍitāḥ | samyagvarṇaprayogeṇa brahmaloke mahīyate || 31 ||

इस प्रकार रङ्ग वर्णों का प्रयोग करना चाहिए — न अव्यक्त, न पीड़ित। वर्णों के सम्यक् प्रयोग से मनुष्य ब्रह्मलोक में महिमा पाता है।

गीती शीघ्री शिरःकम्पी तथा लिखितपाठकः । अनर्थज्ञोऽल्पकण्ठश्च षडेते पाठकाधमाः ॥ ३२ ॥

gītī śīghrī śiraḥkampī tathā likhitapāṭhakaḥ | anarthajño'lpakaṇṭhaśca ṣaḍete pāṭhakādhamāḥ || 32 ||

गाकर पढ़ने वाला, शीघ्रता करने वाला, सिर हिलाने वाला, लिखा हुआ देखकर पढ़ने वाला, अर्थ न जानने वाला, और मन्द कण्ठ वाला — ये छह अधम पाठक हैं।

माधुर्यमक्षरव्यक्तिः पदच्छेदस्तु सुस्वरः । धैर्यं लयसमर्थं च षडेते पाठकाः गुणाः ॥ ३३ ॥

mādhuryamakṣaravyaktiḥ padacchedastu susvaraḥ | dhairyaṃ layasamarthaṃ ca ṣaḍete pāṭhakāḥ guṇāḥ || 33 ||

माधुर्य, अक्षरों की स्पष्टता, पदच्छेद, सुस्वर, धैर्य और लय का सामर्थ्य — ये छह पाठक के गुण हैं।

शङ्कितं भीतिमुद्घृष्टमव्यक्तमनुनासिकम् । काकस्वरं शिरसि गतं तथा स्थानविवजिर्तम् ॥ ३४ ॥

śaṅkitaṃ bhītimudghṛṣṭamavyaktamanunāsikam | kākasvaraṃ śirasi gataṃ tathā sthānavivajirtam || 34 ||

शंकित, भयभीत, घर्षणयुक्त, अव्यक्त, अत्यनुनासिक, कौवे के स्वर जैसा, शिर में चला गया, तथा स्थान से च्युत —

उपांशु दष्टं त्वरितं निरस्तं विलम्बितं गद्गदितं प्रगीतम् । निष्पीडितं ग्रस्तपदाक्षरं च वदेन्न दीनं न तु सानुनास्यम् ॥ ३५ ॥

upāṃśu daṣṭaṃ tvaritaṃ nirastaṃ vilambitaṃ gadgaditaṃ pragītam | niṣpīḍitaṃ grastapadākṣaraṃ ca vadenna dīnaṃ na tu sānunāsyam || 35 ||

उपांशु, दष्ट, त्वरित, निरस्त, विलम्बित, गद्गद, प्रगीत, निष्पीड़ित, तथा ग्रस्त पद-अक्षर वाला — ऐसा नहीं बोलना चाहिए, न दीन स्वर में और न अत्यन्त अनुनासिक।

प्रातः पठेन्नित्यमुरःस्थितेन स्वरेण शार्दूलरुतोपमेन । मध्यन्दिने कण्ठगतेन चैव चक्राह्वसङ्कूजितसन्निभेन ॥ ३६ ॥

prātaḥ paṭhennityamuraḥsthitena svareṇa śārdūlarutopamena | madhyandine kaṇṭhagatena caiva cakrāhvasaṅkūjitasannibhena || 36 ||

प्रातःकाल सदा उर में स्थित स्वर से पाठ करना चाहिए, जो शार्दूल की गर्जना के समान हो; मध्याह्न में कण्ठ में स्थित स्वर से, जो चक्रवाक के कूजन के समान हो;

तारं तु विद्यात्सवनं तृतीयं शिरोगतं तच्च सदा प्रयोज्यम् । मयूरहंसान्यभृतस्वराणां तुल्येन नादेन शिरःस्थितेन ॥ ३७ ॥

tāraṃ tu vidyātsavanaṃ tṛtīyaṃ śirogataṃ tacca sadā prayojyam | mayūrahaṃsānyabhṛtasvarāṇāṃ tulyena nādena śiraḥsthitena || 37 ||

और तृतीय सवन को तार स्वर जानना चाहिए, जो शिर में स्थित है — उसका सदा प्रयोग करना चाहिए, मयूर, हंस और कोकिल के स्वर के समान नाद से, जो शिर में स्थित हो।

अचोऽस्पृष्टा यणस्त्वीषन्नेमस्पृषष्टाः शलः स्मृताः । शेषाः स्पृष्टा हलः प्रोक्ता निबोधानुप्रदानतः ॥ ३८ ॥

aco'spṛṣṭā yaṇastvīṣannemaspṛṣaṣṭāḥ śalaḥ smṛtāḥ | śeṣāḥ spṛṣṭā halaḥ proktā nibodhānupradānataḥ || 38 ||

स्वर अस्पृष्ट हैं; यण् (य, व, र, ल) ईषत्स्पृष्ट हैं; शल् (श, ष, स, ह) नेमस्पृष्ट हैं; शेष हल् वर्ण स्पृष्ट कहे गए हैं। अब अनुप्रदान से उन्हें जानो।

अमोनुनासिका नह्रौ नादिनो हझषः स्मृताः । ईषन्नादा यमो ङश्च श्वासिनस्तु खफादयः ॥ ३९ ॥

amonunāsikā nahrau nādino hajhaṣaḥ smṛtāḥ | īṣannādā yamo ṅaśca śvāsinastu khaphādayaḥ || 39 ||

अनुनासिक वर्ण अनुनासिक हैं; ह और घोष वर्ण नादी माने गए हैं; यम और ङ ईषन्नाद हैं; ख, फ आदि श्वासी हैं।

ईषच्छ्वासांश्चरो विद्याद्गोर्धामैतत्प्रचक्षते । दाक्षीपुत्रः पाणिनिना येनेदं व्यापितं भुवि ॥ ४० ॥

īṣacchvāsāṃścaro vidyādgordhāmaitatpracakṣate | dākṣīputraḥ pāṇininā yenedaṃ vyāpitaṃ bhuvi || 40 ||

ईषत् श्वास वालों को जानना चाहिए; इसे ही परम्परागत मत कहते हैं। यह दाक्षीपुत्र पाणिनि हैं, जिनके द्वारा यह पृथ्वी पर व्याप्त हुआ।

छन्दः पादौ तु वेदस्य हस्तौ कल्पोऽथ पठ्यते । ज्योतिषामयनं चक्षुर्निरुक्तं श्रोत्रमुच्यते ॥ ४१ ॥

chandaḥ pādau tu vedasya hastau kalpo'tha paṭhyate | jyotiṣāmayanaṃ cakṣurniruktaṃ śrotramucyate || 41 ||

छन्द वेद के चरण कहे जाते हैं, और कल्प उसके हाथ; ज्योतिष का अयन उसका नेत्र है, और निरुक्त उसका श्रोत्र कहा जाता है।

शिक्षा घ्राणं तु वेदस्य मुखं व्याकरणं स्मृतम् । तस्मात्साङ्गमधीत्येव ब्रह्मलोके महीयते ॥ ४२ ॥

śikṣā ghrāṇaṃ tu vedasya mukhaṃ vyākaraṇaṃ smṛtam | tasmātsāṅgamadhītyeva brahmaloke mahīyate || 42 ||

शिक्षा वेद की नासिका है, और व्याकरण उसका मुख माना गया है। इसलिए साङ्ग वेद का अध्ययन करके ही मनुष्य ब्रह्मलोक में महिमा पाता है।

उदात्तमाख्याति वृषोऽङ्गुळीनां प्रदेशिनीमूलनिविष्टमूर्धा । उपान्तमध्ये स्वरितं ध्रुतं च कनिष्ठकायामुदात्तमेव ॥ ४३ ॥

udāttamākhyāti vṛṣo'ṅguḷīnāṃ pradeśinīmūlaniviṣṭamūrdhā | upāntamadhye svaritaṃ dhrutaṃ ca kaniṣṭhakāyāmudāttameva || 43 ||

अङ्गुष्ठ उदात्त को दर्शाता है, जिसका अग्रभाग तर्जनी के मूल में रखा जाता है; स्वरित और प्लुत उपान्त और मध्य में, और कनिष्ठिका पर उदात्त ही होता है।

टिप्पणी: Describes accent shown on the joints of the hand; the exact finger-to-accent mapping varies between recitation schools.

उदात्तं प्रदेशिनीं विद्यात्प्रचयं मध्यतोङ्गुलिम् । निहतं तु कनिष्ठिक्यां स्वरितोपकनिष्ठिकाम् ॥ ४४ ॥

udāttaṃ pradeśinīṃ vidyātpracayaṃ madhyatoṅgulim | nihataṃ tu kaniṣṭhikyāṃ svaritopakaniṣṭhikām || 44 ||

उदात्त को तर्जनी पर, प्रचय को मध्यमा पर, निहत को कनिष्ठिका पर, और स्वरित को कनिष्ठिका के पास वाली अङ्गुली पर जानना चाहिए।

टिप्पणी: Same hand-gesture system as 9.43 — mapping varies by school.

अन्तोदात्तमाद्युदात्तमुदात्तमनुदात्तं नीचस्वरितम् । मध्योदात्तं स्वरितं द्व्युदात्तं त्र्युदात्तमिति नवपदशय्या ॥ ४५ ॥

antodāttamādyudāttamudāttamanudāttaṃ nīcasvaritam | madhyodāttaṃ svaritaṃ dvyudāttaṃ tryudāttamiti navapadaśayyā || 45 ||

अन्तोदात्त, आद्युदात्त, उदात्त, अनुदात्त, नीचस्वरित, मध्योदात्त, स्वरित, द्व्युदात्त, त्र्युदात्त — यह पदों की नवविध शय्या है।

अग्निः सोमः प्र वो वीर्यं हविषां स्वर्बृहस्पतिरिन्द्राबृहस्पती अग्निरित्यन्तोदात्तं सोम इत्यादयुदात्तम् । प्रेत्युदात्तं व इत्यनुदात्तं वीर्यं नीचस्वरितम् ॥ ४६ ॥

agniḥ somaḥ pra vo vīryaṃ haviṣāṃ svarbṛhaspatirindrābṛhaspatī agnirityantodāttaṃ soma ityādayudāttam | pretyudāttaṃ va ityanudāttaṃ vīryaṃ nīcasvaritam || 46 ||

अग्निः, सोमः, प्र वो वीर्यं, हविषां, स्वः, बृहस्पतिः, इन्द्राबृहस्पती — "अग्निः" अन्तोदात्त है, "सोम" आद्युदात्त, "प्र" उदात्त, "वः" अनुदात्त, "वीर्यं" नीचस्वरित है।

हविषां मध्योदात्तं स्वरिति स्वरितम् । बृहस्पतिरिति द्व्युदात्तमिन्द्राबृहस्पती इति त्र्युदात्तम् ॥ ४७ ॥

haviṣāṃ madhyodāttaṃ svariti svaritam | bṛhaspatiriti dvyudāttamindrābṛhaspatī iti tryudāttam || 47 ||

"हविषां" मध्योदात्त है, "स्वः" स्वरित, "बृहस्पतिः" द्व्युदात्त, और "इन्द्राबृहस्पती" त्र्युदात्त है।

अनुदात्तो हृदि ज्ञेयो मूर्ध्न्युदात्त उदाहृतः । स्वरितः कर्णमूलीयः सर्वास्ये प्रचयः स्मृतः ॥ ४८ ॥

anudātto hṛdi jñeyo mūrdhnyudātta udāhṛtaḥ | svaritaḥ karṇamūlīyaḥ sarvāsye pracayaḥ smṛtaḥ || 48 ||

अनुदात्त को हृदय में, उदात्त को मूर्धा में, स्वरित को कर्णमूल में, और प्रचय को सम्पूर्ण मुख में जानना चाहिए।

चाषस्तु वदते मात्रां द्विमात्रं त्वेव वायसः । शिखी रौति त्रिमात्रं तु नकुलस्त्वर्धमात्रकम् ॥ ४९ ॥

cāṣastu vadate mātrāṃ dvimātraṃ tveva vāyasaḥ | śikhī rauti trimātraṃ tu nakulastvardhamātrakam || 49 ||

चाष एक मात्रा बोलता है, कौवा दो मात्रा, मोर तीन मात्रा में बोलता है, और नकुल आधी मात्रा।

कुतीर्थादागतं दग्धमपवर्णं च भक्षितम् । न तस्य पाठे मोक्षोऽस्ति पापाहेरिव किल्बिषात् ॥ ५० ॥

kutīrthādāgataṃ dagdhamapavarṇaṃ ca bhakṣitam | na tasya pāṭhe mokṣo'sti pāpāheriva kilbiṣāt || 50 ||

जो कुतीर्थ से प्राप्त हुआ हो, दग्ध हो, अपवर्ण और भक्षित हो — उसके पाठ में मोक्ष नहीं है, जैसे विषैले सर्प के पाप से नहीं।

सुतीर्थादगतं व्यक्तं स्वाम्नाय्यं सुव्यवस्थितम् । सुस्वरेण सुवक्त्रेण प्रयुक्तं ब्रह्म राजते ॥ ५१ ॥

sutīrthādagataṃ vyaktaṃ svāmnāyyaṃ suvyavasthitam | susvareṇa suvaktreṇa prayuktaṃ brahma rājate || 51 ||

सुतीर्थ से प्राप्त, व्यक्त, सम्यक् आम्नाय से आया, सुव्यवस्थित, सुस्वर और सुमुख से उच्चारित — ऐसा ब्रह्म (वेदवाणी) सुशोभित होता है।

मन्त्रो हीनः स्वरतो वर्णतो वा मिथ्या प्रयुक्तो न तमर्थमाह । स वाग्वज्रो यजमानं हिनस्ति यथेन्द्रशत्रुः स्वरतोपराधात् ॥ ५२ ॥

mantro hīnaḥ svarato varṇato vā mithyā prayukto na tamarthamāha | sa vāgvajro yajamānaṃ hinasti yathendraśatruḥ svaratoparādhāt || 52 ||

जो मन्त्र स्वर या वर्ण से हीन हो, मिथ्या प्रयुक्त हो, वह उस अर्थ को नहीं कहता। वह वाग्वज्र यजमान का नाश करता है — जैसे "इन्द्रशत्रुः" ने स्वर के अपराध से किया।

अनक्षरं हतायुष्यं विस्वरं व्याधिपीडितम् । अक्षताश्शस्त्ररूपेण वज्रं पतति मस्तके ॥ ५३ ॥

anakṣaraṃ hatāyuṣyaṃ visvaraṃ vyādhipīḍitam | akṣatāśśastrarūpeṇa vajraṃ patati mastake || 53 ||

अनक्षर पाठ आयु का नाश करता है; विस्वर पाठ व्याधि से पीड़ित करता है। अक्षत अक्षर शस्त्र के रूप में वज्र बनकर मस्तक पर गिरता है।

हस्तहीनं तु योऽधीते स्वरवर्णविवर्जितम् । ऋग्यजुःसामभिर्दग्धो वियोनिमधिगच्छति ॥ ५४ ॥

hastahīnaṃ tu yo'dhīte svaravarṇavivarjitam | ṛgyajuḥsāmabhirdagdho viyonimadhigacchati || 54 ||

जो हस्तमुद्रा के बिना, स्वर और वर्ण से रहित पाठ करता है, वह ऋक्, यजुः और साम से दग्ध होकर नीच योनि को प्राप्त होता है।

हस्तेन वेदं योऽधीते स्वरवर्णर्थसंयुतम् । ऋग्यजुः सामभिः पूतो ब्रह्मलोके महीयते ॥ ५५ ॥

hastena vedaṃ yo'dhīte svaravarṇarthasaṃyutam | ṛgyajuḥ sāmabhiḥ pūto brahmaloke mahīyate || 55 ||

जो हस्त सहित, स्वर, वर्ण और अर्थ से युक्त वेद का पाठ करता है, वह ऋक्, यजुः और साम से पवित्र होकर ब्रह्मलोक में महिमा पाता है।

शङ्करः शाङ्करीं प्रादाद्दाक्षीपुत्राय धीमते । वाङ्मयेभ्यः समाहृत्य देवीं वाचमिति स्थितिः ॥ ५६ ॥

śaṅkaraḥ śāṅkarīṃ prādāddākṣīputrāya dhīmate | vāṅmayebhyaḥ samāhṛtya devīṃ vācamiti sthitiḥ || 56 ||

शङ्कर ने दाक्षीपुत्र बुद्धिमान् पाणिनि को शाङ्करी विद्या दी, समस्त वाङ्मय से संगृहीत करके — यही देवी वाणी की स्थिति है।

येनाक्षरसमाम्नायमधिगम्य महेश्वरात् । कृत्स्नं व्याकरणं प्रोक्तं तस्मै पाणिनये नमः ॥ ५७ ॥

yenākṣarasamāmnāyamadhigamya maheśvarāt | kṛtsnaṃ vyākaraṇaṃ proktaṃ tasmai pāṇinaye namaḥ || 57 ||

जिन्होंने महेश्वर से अक्षरसमाम्नाय प्राप्त करके सम्पूर्ण व्याकरण कहा — उन पाणिनि को नमस्कार।

येन धौता गिरः पुंसां विमर्लः शब्दवारिभिः । तमश्चाज्ञानजं भिन्नं तस्मै पाणिनये नमः ॥ ५८ ॥

yena dhautā giraḥ puṃsāṃ vimarlaḥ śabdavāribhiḥ | tamaścājñānajaṃ bhinnaṃ tasmai pāṇinaye namaḥ || 58 ||

जिन्होंने शब्द रूपी जल से मनुष्यों की वाणी को निर्मल किया, और अज्ञान से उत्पन्न अन्धकार को नष्ट किया — उन पाणिनि को नमस्कार।

अज्ञानान्धस्य लोकस्य ज्ञानाञ्जनशलाकया । चक्षुरुन्मीलितं येन तस्मै पाणिनये नमः ॥ ५९ ॥

ajñānāndhasya lokasya jñānāñjanaśalākayā | cakṣurunmīlitaṃ yena tasmai pāṇinaye namaḥ || 59 ||

जिन्होंने अज्ञान से अन्धे लोक के नेत्र को ज्ञानरूपी अञ्जन की शलाका से खोला — उन पाणिनि को नमस्कार।

त्रिनयनमभिमुखनिःसृतामिमां य इह पठेत्प्रयतस्सदा द्विजः । स भवति धनधान्यपशुपुत्रकीर्तिमान् सुखमतुलं च समश्नुते दिवीति दिवीति ॥ ६० ॥

trinayanamabhimukhaniḥsṛtāmimāṃ ya iha paṭhetprayatassadā dvijaḥ | sa bhavati dhanadhānyapaśuputrakīrtimān sukhamatulaṃ ca samaśnute divīti divīti || 60 ||

जो द्विज संयमपूर्वक सदा त्रिनयन के सम्मुख से निकली हुई इस शिक्षा का यहाँ पाठ करता है, वह धन, धान्य, पशु, पुत्र और कीर्ति से युक्त होता है और स्वर्ग में अतुल सुख प्राप्त करता है।

अथ शिक्षामात्मोदात्तश्च हकारं स्वराणां यथा । गीत्यचोस्पृष्टोदात्तं चाषस्तु शङ्कर एकादश ॥ ६१ ॥

atha śikṣāmātmodāttaśca hakāraṃ svarāṇāṃ yathā | gītyacospṛṣṭodāttaṃ cāṣastu śaṅkara ekādaśa || 61 ||

अथ शिक्षाम्, आत्मा, उदात्तश्च, हकारम्, स्वराणाम्, यथा, गीती, अचोस्पृ, ष्टोदात्तम्, चाषस्तु, शङ्कर — ये ग्यारह हैं।

टिप्पणी: A pratika (catchword) index listing the opening words of the eleven khandas, not a sentence. Rendered as the list it is.