Ashtavakra Gita - The Song of Self-Realization

यस्य बोधोदये तावत्स्वप्नवद् भवति भ्रमः। तस्मै सुखैकरूपाय नमः शान्ताय तेजसे॥१८-१॥

yasya bodhodaye tāvatsvapnavad bhavati bhramaḥ| tasmai sukhaikarūpāya namaḥ śāntāya tejase||18-1||

।।18.1।। जिसके बोध के उदय होते ही यह भ्रम स्वप्नवत् हो जाता है, उस सुखैकरूप, शांत तेज को नमस्कार है।

अर्जयित्वाखिलान् अर्थान् भोगानाप्नोति पुष्कलान्। न हि सर्वपरित्याजमन्तरेण सुखी भवेत्॥१८-२॥

arjayitvākhilān arthān bhogānāpnoti puṣkalān| na hi sarvaparityājamantareṇa sukhī bhavet||18-2||

।।18.2।। संपूर्ण अर्थ अर्जित करके प्रचुर भोग प्राप्त होते हैं, परंतु सर्वपरित्याग के बिना कोई सुखी नहीं हो सकता।

कर्तव्यदुःखमार्तण्डज्वालादग्धान्तरात्मनः। कुतः प्रशमपीयूषधारासारमृते सुखम्॥१८-३॥

kartavyaduḥkhamārtaṇḍajvālādagdhāntarātmanaḥ| kutaḥ praśamapīyūṣadhārāsāramṛte sukham||18-3||

।।18.3।। कर्तव्य-दुःखरूपी सूर्य की ज्वाला से जिसकी अंतरात्मा दग्ध है, उसे प्रशम के अमृत-प्रवाह के बिना सुख कहाँ से मिले?

भवोऽयं भावनामात्रो न किंचित् परमर्थतः। नास्त्यभावः स्वभावनां भावाभावविभाविनाम्॥१८-४॥

bhavo'yaṃ bhāvanāmātro na kiṃcit paramarthataḥ| nāstyabhāvaḥ svabhāvanāṃ bhāvābhāvavibhāvinām||18-4||

।।18.4।। यह भव मात्र भावना है, परमार्थतः कुछ भी नहीं। भाव-अभाव को जान चुके स्वभाव का कभी अभाव नहीं होता।

न दूरं न च संकोचाल्लब्धमेवात्मनः पदं। निर्विकल्पं निरायासं निर्विकारं निरंजनम्॥१८-५॥

na dūraṃ na ca saṃkocāllabdhamevātmanaḥ padaṃ| nirvikalpaṃ nirāyāsaṃ nirvikāraṃ niraṃjanam||18-5||

।।18.5।। न दूर है, न संकोच से पाया जाता है - आत्मा का पद पहले से ही प्राप्त है: निर्विकल्प, निरायास, निर्विकार, निरंजन।

व्यामोहमात्रविरतौ स्वरूपादानमात्रतः। वीतशोका विराजन्ते निरावरणदृष्टयः॥१८-६॥

vyāmohamātraviratau svarūpādānamātrataḥ| vītaśokā virājante nirāvaraṇadṛṣṭayaḥ||18-6||

।।18.6।। मोह के मात्र निवृत्त होते ही, स्वरूप के मात्र ग्रहण से, निरावरणदृष्टि पुरुष शोकरहित होकर विराजते हैं।

समस्तं कल्पनामात्रमात्मा मुक्तः सनातनः। इति विज्ञाय धीरो हि किमभ्यस्यति बालवत्॥१८-७॥

samastaṃ kalpanāmātramātmā muktaḥ sanātanaḥ| iti vijñāya dhīro hi kimabhyasyati bālavat||18-7||

।।18.7।। सब कुछ मात्र कल्पना है, आत्मा नित्य मुक्त है, ऐसा जानकर धीर पुरुष बालक की भाँति अभ्यास ही क्यों करे?

आत्मा ब्रह्मेति निश्चित्य भावाभावौ च कल्पितौ। निष्कामः किं विजानाति किं ब्रूते च करोति किम्॥१८-८॥

ātmā brahmeti niścitya bhāvābhāvau ca kalpitau| niṣkāmaḥ kiṃ vijānāti kiṃ brūte ca karoti kim||18-8||

।।18.8।। 'आत्मा ब्रह्म है' यह निश्चित करके, भाव-अभाव को कल्पित जानकर, निष्काम पुरुष क्या जानता है, क्या कहता है, और क्या करता है?

अयं सोऽहमयं नाहं इति क्षीणा विकल्पना। सर्वमात्मेति निश्चित्य तूष्णींभूतस्य योगिनः॥१८-९॥

ayaṃ so'hamayaṃ nāhaṃ iti kṣīṇā vikalpanā| sarvamātmeti niścitya tūṣṇīṃbhūtasya yoginaḥ||18-9||

।।18.9।। 'यह मैं हूँ', 'यह मैं नहीं हूँ' - ऐसी विकल्पना उस योगी की क्षीण हो जाती है जो सब कुछ आत्मा जानकर मौन हो गया है।

न विक्षेपो न चैकाग्र्यं नातिबोधो न मूढता। न सुखं न च वा दुःखं उपशान्तस्य योगिनः॥१८-१०॥

na vikṣepo na caikāgryaṃ nātibodho na mūḍhatā| na sukhaṃ na ca vā duḥkhaṃ upaśāntasya yoginaḥ||18-10||

।।18.10।। उपशांत योगी को न विक्षेप है, न एकाग्रता, न अतिबोध, न मूढ़ता, न सुख, न दुःख।

स्वाराज्ये भैक्षवृत्तौ च लाभालाभे जने वने। निर्विकल्पस्वभावस्य न विशेषोऽस्ति योगिनः॥१८-११॥

svārājye bhaikṣavṛttau ca lābhālābhe jane vane| nirvikalpasvabhāvasya na viśeṣo'sti yoginaḥ||18-11||

।।18.11।। स्वराज्य और भिक्षावृत्ति में, लाभ और अलाभ में, जन और वन में, निर्विकल्पस्वभाव योगी के लिए कोई भेद नहीं है।

क्व धर्मः क्व च वा कामः क्व चार्थः क्व विवेकिता। इदं कृतमिदं नेति द्वन्द्वैर्मुक्तस्य योगिनः॥१८-१२॥

kva dharmaḥ kva ca vā kāmaḥ kva cārthaḥ kva vivekitā| idaṃ kṛtamidaṃ neti dvandvairmuktasya yoginaḥ||18-12||

।।18.12।। धर्म कहाँ, काम कहाँ, अर्थ कहाँ, विवेकिता कहाँ - इदं कृतम् इदं न इन द्वंद्वों से मुक्त योगी के लिए?

कृत्यं किमपि नैवास्ति न कापि हृदि रंजना। यथा जीवनमेवेह जीवन्मुक्तस्य योगिनः॥१८-१३॥

kṛtyaṃ kimapi naivāsti na kāpi hṛdi raṃjanā| yathā jīvanameveha jīvanmuktasya yoginaḥ||18-13||

।।18.13।। जीवन्मुक्त योगी के लिए न कुछ करने योग्य है, न हृदय में कोई रंजना है, वह बस जैसे जीवन आए वैसे जीता है।

क्व मोहः क्व च वा विश्वं क्व तद् ध्यानं क्व मुक्तता। सर्वसंकल्पसीमायां विश्रान्तस्य महात्मनः॥१८-१४॥

kva mohaḥ kva ca vā viśvaṃ kva tad dhyānaṃ kva muktatā| sarvasaṃkalpasīmāyāṃ viśrāntasya mahātmanaḥ||18-14||

।।18.14।। मोह कहाँ, विश्व कहाँ, उसका ध्यान कहाँ, मुक्तता कहाँ - सर्वसंकल्पसीमा में विश्रांत महात्मा के लिए?

येन विश्वमिदं दृष्टं स नास्तीति करोतु वै। निर्वासनः किं कुरुते पश्यन्नपि न पश्यति॥१८-१५॥

yena viśvamidaṃ dṛṣṭaṃ sa nāstīti karotu vai| nirvāsanaḥ kiṃ kurute paśyannapi na paśyati||18-15||

।।18.15।। जिसने यह विश्व देखा है वही उसे 'नहीं है' ऐसा करे; निर्वासन पुरुष क्या करे, जो देखता हुआ भी नहीं देखता?

येन दृष्टं परं ब्रह्म सोऽहं ब्रह्मेति चिन्तयेत्। किं चिन्तयति निश्चिन्तो द्वितीयं यो न पश्यति॥१८-१६॥

yena dṛṣṭaṃ paraṃ brahma so'haṃ brahmeti cintayet| kiṃ cintayati niścinto dvitīyaṃ yo na paśyati||18-16||

।।18.16।। जिसने परब्रह्म देखा है वह 'मैं ब्रह्म हूँ' ऐसा चिंतन करे; निश्चिन्त, जो द्वितीय को नहीं देखता, वह क्या चिंतन करे?

दृष्टो येनात्मविक्षेपो निरोधं कुरुते त्वसौ। उदारस्तु न विक्षिप्तः साध्याभावात्करोति किम्॥१८-१७॥

dṛṣṭo yenātmavikṣepo nirodhaṃ kurute tvasau| udārastu na vikṣiptaḥ sādhyābhāvātkaroti kim||18-17||

।।18.17।। जिसने आत्म-विक्षेप देखा है, वह उसका निरोध करता है; उदार पुरुष तो विक्षिप्त नहीं है, साध्य के अभाव में वह क्या करे?

धीरो लोकविपर्यस्तो वर्तमानोऽपि लोकवत्। नो समाधिं न विक्षेपं न लोपं स्वस्य पश्यति॥१८-१८॥

dhīro lokaviparyasto vartamāno'pi lokavat| no samādhiṃ na vikṣepaṃ na lopaṃ svasya paśyati||18-18||

।।18.18।। धीर पुरुष, लोक के विपरीत होते हुए भी लोकवत् वर्तमान, न समाधि देखता है, न विक्षेप, न अपनी हानि।

भावाभावविहीनो यस्तृप्तो निर्वासनो बुधः। नैव किंचित्कृतं तेन लोकदृष्ट्या विकुर्वता॥१८-१९॥

bhāvābhāvavihīno yastṛpto nirvāsano budhaḥ| naiva kiṃcitkṛtaṃ tena lokadṛṣṭyā vikurvatā||18-19||

।।18.19।। भावाभावविहीन, तृप्त, निर्वासन बुध, लोकदृष्टि से नाना कर्म करता दिखते हुए भी, उसके द्वारा कुछ भी नहीं किया जाता।

प्रवृत्तौ वा निवृत्तौ वा नैव धीरस्य दुर्ग्रहः। यदा यत्कर्तुमायाति तत्कृत्वा तिष्ठते सुखम्॥१८-२०॥

pravṛttau vā nivṛttau vā naiva dhīrasya durgrahaḥ| yadā yatkartumāyāti tatkṛtvā tiṣṭhate sukham||18-20||

।।18.20।। प्रवृत्ति में या निवृत्ति में धीर का कोई दुराग्रह नहीं है; जब जो करने योग्य आ जाए, उसे करके सुखपूर्वक रहता है।

निर्वासनो निरालंबः स्वच्छन्दो मुक्तबन्धनः। क्षिप्तः संस्कारवातेन चेष्टते शुष्कपर्णवत्॥१८-२१॥

nirvāsano nirālaṃbaḥ svacchando muktabandhanaḥ| kṣiptaḥ saṃskāravātena ceṣṭate śuṣkaparṇavat||18-21||

।।18.21।। निर्वासन, निरालंब, स्वच्छंद, मुक्तबंधन, संस्कारवायु से क्षिप्त, वह शुष्क पत्ते की भाँति चेष्टा करता है।

असंसारस्य तु क्वापि न हर्षो न विषादिता। स शीतलहमना नित्यं विदेह इव राजये॥१८-२२॥

asaṃsārasya tu kvāpi na harṣo na viṣāditā| sa śītalahamanā nityaṃ videha iva rājaye||18-22||

।।18.22।। असंसारी को कहीं न हर्ष है न विषाद। सदा शीतलमना वह विदेह की भाँति सुशोभित होता है।

कुत्रापि न जिहासास्ति नाशो वापि न कुत्रचित्। आत्मारामस्य धीरस्य शीतलाच्छतरात्मनः॥१८-२३॥

kutrāpi na jihāsāsti nāśo vāpi na kutracit| ātmārāmasya dhīrasya śītalācchatarātmanaḥ||18-23||

।।18.23।। आत्माराम, शीतलाच्छतरात्मा धीर पुरुष को कहीं त्याग की इच्छा नहीं, कहीं हानि भी नहीं।

प्रकृत्या शून्यचित्तस्य कुर्वतोऽस्य यदृच्छया। प्राकृतस्येव धीरस्य न मानो नावमानता॥१८-२४॥

prakṛtyā śūnyacittasya kurvato'sya yadṛcchayā| prākṛtasyeva dhīrasya na māno nāvamānatā||18-24||

।।18.24।। प्रकृति से शून्यचित्त, यदृच्छा से कर्म करने वाले, प्राकृत जैसे धीर को न मान है न अपमान।

कृतं देहेन कर्मेदं न मया शुद्धरूपिणा। इति चिन्तानुरोधी यः कुर्वन्नपि करोति न॥१८-२५॥

kṛtaṃ dehena karmedaṃ na mayā śuddharūpiṇā| iti cintānurodhī yaḥ kurvannapi karoti na||18-25||

।।18.25।। 'यह कर्म देह ने किया, मुझ शुद्धरूप ने नहीं' - इस चिंतन का अनुसरण करने वाला, कर्म करते हुए भी नहीं करता।

अतद्वादीव कुरुते न भवेदपि बालिशः। जीवन्मुक्तः सुखी श्रीमान् संसरन्नपि शोभते॥१८-२६॥

atadvādīva kurute na bhavedapi bāliśaḥ| jīvanmuktaḥ sukhī śrīmān saṃsarannapi śobhate||18-26||

।।18.26।। वह अतद्वादी की भाँति कर्म करता है, फिर भी मूर्ख नहीं होता; जीवन्मुक्त सुखी श्रीमान् संसार में रहते हुए भी शोभित होता है।

नाविचारसुश्रान्तो धीरो विश्रान्तिमागतः। न कल्पते न जाति न शृणोति न पश्यति॥१८-२७॥

nāvicārasuśrānto dhīro viśrāntimāgataḥ| na kalpate na jāti na śṛṇoti na paśyati||18-27||

।।18.27।। अविचारशून्य विश्रांति को प्राप्त धीर पुरुष न कल्पना करता है, न जानता है, न सुनता है, न देखता है।

असमाधेरविक्षेपान् न मुमुक्षुर्न चेतरः। निश्चित्य कल्पितं पश्यन् ब्रह्मैवास्ते महाशयः॥१८-२८॥

asamādheravikṣepān na mumukṣurna cetaraḥ| niścitya kalpitaṃ paśyan brahmaivāste mahāśayaḥ||18-28||

।।18.28।। समाधि और विक्षेप दोनों से रहित, वह न मुमुक्षु है न बद्ध; सब कल्पित जानकर, देखते हुए भी, महाशय ब्रह्म ही स्थित रहता है।

यस्यान्तः स्यादहंकारो न करोति करोति सः। निरहंकारधीरेण न किंचिदकृतं कृतम्॥१८-२९॥

yasyāntaḥ syādahaṃkāro na karoti karoti saḥ| nirahaṃkāradhīreṇa na kiṃcidakṛtaṃ kṛtam||18-29||

।।18.29।। जिसके भीतर अहंकार है, वह न करते हुए भी करता है। निरहंकार धीर के द्वारा, किया हुआ भी कुछ नहीं किया जाता।

नोद्विग्नं न च सन्तुष्टमकर्तृ स्पन्दवर्जितं। निराशं गतसन्देहं चित्तं मुक्तस्य राजते॥१८-३०॥

nodvignaṃ na ca santuṣṭamakartṛ spandavarjitaṃ| nirāśaṃ gatasandehaṃ cittaṃ muktasya rājate||18-30||

।।18.30।। न उद्विग्न, न संतुष्ट, अकर्तृ, स्पंदवर्जित, निराश, संदेहरहित - मुक्त का चित्त ऐसा ही सुशोभित होता है।

निर्ध्यातुं चेष्टितुं वापि यच्चित्तं न प्रवर्तते। निर्निमित्तमिदं किंतु निर्ध्यायेति विचेष्टते॥१८-३१॥

nirdhyātuṃ ceṣṭituṃ vāpi yaccittaṃ na pravartate| nirnimittamidaṃ kiṃtu nirdhyāyeti viceṣṭate||18-31||

।।18.31।। जो चित्त न ध्यान करने को न चेष्टा करने को प्रवृत्त होता है, वह निर्निमित्त ही मानो ध्याता हुआ विचरण करता है।

तत्त्वं यथार्थमाकर्ण्य मन्दः प्राप्नोति मूढतां। अथवा याति संकोचममूढः कोऽपि मूढवत्॥१८-३२॥

tattvaṃ yathārthamākarṇya mandaḥ prāpnoti mūḍhatāṃ| athavā yāti saṃkocamamūḍhaḥ ko'pi mūḍhavat||18-32||

।।18.32।। सच्चा तत्व सुनकर मंद व्यक्ति और भी मूढ़ हो जाता है; अथवा कोई अमूढ़ भी मूढ़ की भाँति संकोच को प्राप्त होता है।

एकाग्रता निरोधो वा मूढैरभ्यस्यते भृशं। धीराः कृत्यं न पश्यन्ति सुप्तवत्स्वपदे स्थिताः॥१८-३३॥

ekāgratā nirodho vā mūḍhairabhyasyate bhṛśaṃ| dhīrāḥ kṛtyaṃ na paśyanti suptavatsvapade sthitāḥ||18-33||

।।18.33।। एकाग्रता अथवा निरोध का मूढ़ लोग अत्यंत अभ्यास करते हैं; धीर, अपने पद में सोए हुए के समान स्थित, कोई कृत्य नहीं देखते।

अप्रयत्नात् प्रयत्नाद् वा मूढो नाप्नोति निर्वृतिं। तत्त्वनिश्चयमात्रेण प्राज्ञो भवति निर्वृतः॥१८-३४॥

aprayatnāt prayatnād vā mūḍho nāpnoti nirvṛtiṃ| tattvaniścayamātreṇa prājño bhavati nirvṛtaḥ||18-34||

।।18.34।। प्रयत्न से अथवा अप्रयत्न से, मूढ़ निर्वृति को नहीं पाता। तत्त्वनिश्चय मात्र से प्राज्ञ निर्वृत हो जाता है।

शुद्धं बुद्धं प्रियं पूर्णं निष्प्रपंचं निरामयं। आत्मानं तं न जानन्ति तत्राभ्यासपरा जनाः॥१८-३५॥

śuddhaṁ buddhaṁ priyaṁ pūrṇaṁ niṣprapaṁcaṁ nirāmayaṁ| ātmānaṁ taṁ na jānanti tatrābhyāsaparā janāḥ||18-35||

।।२११।। शुद्ध, बुद्ध, प्रिय, पूर्ण, जगत्-विस्तार से रहित, निर्दोष -- उस आत्मा को अभ्यास में ही रत लोग नहीं जानते।

नाप्नोति कर्मणा मोक्षं विमूढोऽभ्यासरूपिणा। धन्यो विज्ञानमात्रेण मुक्तस्तिष्ठत्यविक्रियः॥१८-३६॥

nāpnoti karmaṇā mokṣaṁ vimūḍho'bhyāsarūpiṇā| dhanyo vijñānamātreṇa muktastiṣṭhatyavikriyaḥ||18-36||

।।२१२।। मोहग्रस्त व्यक्ति अभ्यासरूप कर्म से मोक्ष नहीं पाता। धन्य पुरुष केवल ज्ञान से मुक्त होकर अविकारी रहता है।

मूढो नाप्नोति तद् ब्रह्म यतो भवितुमिच्छति। अनिच्छन्नपि धीरो हि परब्रह्मस्वरूपभाक्॥१८-३७॥

mūḍho nāpnoti tad brahma yato bhavitumicchati| anicchannapi dhīro hi parabrahmasvarūpabhāk||18-37||

।।२१३।। मूढ़ उस ब्रह्म को नहीं पाता, क्योंकि वह उसे बनना चाहता है। धीर पुरुष, बिना चाहे भी, परब्रह्म-स्वरूप का भागी है।

निराधारा ग्रहव्यग्रा मूढाः संसारपोषकाः। एतस्यानर्थमूलस्य मूलच्छेदः कृतो बुधैः॥१८-३८॥

nirādhārā grahavyagrā mūḍhāḥ saṁsārapoṣakāḥ| etasyānarthamūlasya mūlacchedaḥ kṛto budhaiḥ||18-38||

।।२१४।। निराधार, ग्रहण-व्यग्र, मूढ़ लोग संसार का पोषण करते हैं। बुद्धिमानों ने इस अनर्थ के मूल का ही उच्छेद कर दिया है।

न शान्तिं लभते मूढो यतः शमितुमिच्छति। धीरस्तत्त्वं विनिश्चित्य सर्वदा शान्तमानसः॥१८-३९॥

na śāntiṁ labhate mūḍho yataḥ śamitumicchati| dhīrastattvaṁ viniścitya sarvadā śāntamānasaḥ||18-39||

।।२१५।। मूढ़ शांति नहीं पाता, क्योंकि वह मन को शांत करना चाहता है। धीर पुरुष, तत्त्व का निश्चय कर, सदा शांत-मन रहता है।

क्वात्मनो दर्शनं तस्य यद् दृष्टमवलंबते। धीरास्तं तं न पश्यन्ति पश्यन्त्यात्मानमव्ययम्॥१८-४०॥

kvātmano darśanaṁ tasya yad dṛṣṭamavalaṁbate| dhīrāstaṁ taṁ na paśyanti paśyantyātmānamavyayam||18-40||

।।२१६।। जो देखी हुई वस्तु का सहारा लेता है, उसके लिए आत्म-दर्शन कहाँ? धीर पुरुष इस-उस को नहीं देखते, वे अविनाशी आत्मा को देखते हैं।

क्व निरोधो विमूढस्य यो निर्बन्धं करोति वै। स्वारामस्यैव धीरस्य सर्वदासावकृत्रिमः॥१८-४१॥

kva nirodho vimūḍhasya yo nirbandhaṁ karoti vai| svārāmasyaiva dhīrasya sarvadāsāvakṛtrimaḥ||18-41||

।।२१७।। जो हठपूर्वक प्रयास करता है, उस मूढ़ के लिए निरोध कहाँ? स्वाराम धीर पुरुष के लिए वह सदा अकृत्रिम ही है।

भावस्य भावकः कश्चिन् न किंचिद् भावकोपरः। उभयाभावकः कश्चिद् एवमेव निराकुलः॥१८-४२॥

bhāvasya bhāvakaḥ kaścin na kiṁcid bhāvakoparaḥ| ubhayābhāvakaḥ kaścid evameva nirākulaḥ||18-42||

।।२१८।। कोई भाव का, कोई अभाव का प्रतिपादक है। जो दोनों का प्रतिपादक नहीं, वह इस तरह निराकुल रहता है।

शुद्धमद्वयमात्मानं भावयन्ति कुबुद्धयः। न तु जानन्ति संमोहाद्यावज्जीवमनिर्वृताः॥१८-४३॥

śuddhamadvayamātmānaṁ bhāvayanti kubuddhayaḥ| na tu jānanti saṁmohādyāvajjīvamanirvṛtāḥ||18-43||

।।२१९।। कुबुद्धि लोग शुद्ध अद्वय आत्मा की केवल भावना करते हैं, जानते नहीं; मोहवश जीवनभर असंतुष्ट रहते हैं।

मुमुक्षोर्बुद्धिरालंबमन्तरेण न विद्यते। निरालंबैव निष्कामा बुद्धिर्मुक्तस्य सर्वदा॥१८-४४॥

mumukṣorbuddhirālaṁbamantareṇa na vidyate| nirālaṁbaiva niṣkāmā buddhirmuktasya sarvadā||18-44||

।।२२०।। मुमुक्षु की बुद्धि किसी न किसी आलम्बन के बिना नहीं रहती। मुक्त पुरुष की बुद्धि सदा निरालम्ब और निष्काम रहती है।

विषयद्वीपिनो वीक्ष्य चकिताः शरणार्थिनः। विशन्ति झटिति क्रोडं निरोधैकाग्रसिद्धये॥१८-४५॥

viṣayadvīpino vīkṣya cakitāḥ śaraṇārthinaḥ| viśanti jhaṭiti kroḍaṁ nirodhaikāgrasiddhaye||18-45||

।।२२१।। विषयरूपी व्याघ्रों को देखकर, भयभीत लोग शरण चाहते हुए, एकाग्रता के निरोध की गोद में झट से घुस जाते हैं।

निर्वासनं हरिं दृष्ट्वा तूष्णीं विषयदन्तिनः। पलायन्ते न शक्तास्ते सेवन्ते कृतचाटवः॥१८-४६॥

nirvāsanaṁ hariṁ dṛṣṭvā tūṣṇīṁ viṣayadantinaḥ| palāyante na śaktāste sevante kṛtacāṭavaḥ||18-46||

।।२२२।। निर्वासन को सिंह जान कर विषय-रूपी हाथी चुप हो जाते हैं। भाग नहीं सकते, इसलिए चाटुकार बन कर सेवा करते हैं।

न मुक्तिकारिकां धत्ते निःशङ्को युक्तमानसः। पश्यन् शृण्वन् स्पृशन् जिघ्रन्नश्नन्नास्ते यथासुखम्॥१८-४७॥

na muktikārikāṁ dhatte niḥśaṅko yuktamānasaḥ| paśyan śṛṇvan spṛśan jighrannaśnannāste yathāsukham||18-47||

।।२२३।। निःशंक, स्थिर-मन, वह मुक्ति की कोई विधि नहीं धारण करता। देखते, सुनते, छूते, सूँघते, खाते हुए वह यथासुख रहता है।

वस्तुश्रवणमात्रेण शुद्धबुद्धिर्निराकुलः। नैवाचारमनाचारमौदास्यं वा प्रपश्यति॥१८-४८॥

vastuśravaṇamātreṇa śuddhabuddhirnirākulaḥ| naivācāramanācāramaudāsyaṁ vā prapaśyati||18-48||

।।२२४।। केवल तत्त्व-श्रवण मात्र से शुद्ध-बुद्धि, निराकुल हो कर, आचार, अनाचार अथवा उदासीनता को नहीं देखता।

यदा यत्कर्तुमायाति तदा तत्कुरुते ऋजुः। शुभं वाप्यशुभं वापि तस्य चेष्टा हि बालवत्॥१८-४९॥

yadā yatkartumāyāti tadā tatkurute ṛjuḥ| śubhaṁ vāpyaśubhaṁ vāpi tasya ceṣṭā hi bālavat||18-49||

।।२२५।। जो भी करने योग्य आता है, वह उसे सरलता से कर देता है, शुभ हो या अशुभ; उसका आचरण बालक के समान है।

स्वातंत्र्यात्सुखमाप्नोति स्वातंत्र्याल्लभते परं। स्वातंत्र्यान्निर्वृतिं गच्छेत्स्वातंत्र्यात् परमं पदम्॥१८-५०॥

svātaṁtryātsukhamāpnoti svātaṁtryāllabhate paraṁ| svātaṁtryānnirvṛtiṁ gacchetsvātaṁtryāt paramaṁ padam||18-50||

।।२२६।। स्वातंत्र्य से सुख पाता है, स्वातंत्र्य से परम को पाता है, स्वातंत्र्य से निर्वृति को जाता है, स्वातंत्र्य से परम पद को।

अकर्तृत्वमभोक्तृत्वं स्वात्मनो मन्यते यदा। तदा क्षीणा भवन्त्येव समस्ताश्चित्तवृत्तयः॥१८-५१॥

akartṛtvamabhoktṛtvaṁ svātmano manyate yadā| tadā kṣīṇā bhavantyeva samastāścittavṛttayaḥ||18-51||

।।२२७।। जब वह अपनी आत्मा को अकर्ता, अभोक्ता मानता है, तब चित्त की समस्त वृत्तियाँ क्षीण हो जाती हैं।

उच्छृंखलाप्यकृतिका स्थितिर्धीरस्य राजते। न तु सस्पृहचित्तस्य शान्तिर्मूढस्य कृत्रिमा॥१८-५२॥

ucchṛṁkhalāpyakṛtikā sthitirdhīrasya rājate| na tu saspṛhacittasya śāntirmūḍhasya kṛtrimā||18-52||

।।२२८।। उच्छृंखल होते हुए भी अकृत्रिम, धीर पुरुष की स्थिति शोभित होती है। सस्पृह-चित्त, मूढ़ की शांति कृत्रिम है।

विलसन्ति महाभोगैर्विशन्ति गिरिगह्वरान्। निरस्तकल्पना धीरा अबद्धा मुक्तबुद्धयः॥१८-५३॥

vilasanti mahābhogairviśanti girigahvarān| nirastakalpanā dhīrā abaddhā muktabuddhayaḥ||18-53||

।।२२९।। कल्पना त्यागे, अबद्ध, मुक्त-बुद्धि धीर पुरुष महाभोगों में रमण करते हैं और गिरि-गुफाओं में भी प्रवेश करते हैं।

श्रोत्रियं देवतां तीर्थमङ्गनां भूपतिं प्रियं। दृष्ट्वा संपूज्य धीरस्य न कापि हृदि वासना॥१८-५४॥

śrotriyaṁ devatāṁ tīrthamaṅganāṁ bhūpatiṁ priyaṁ| dṛṣṭvā saṁpūjya dhīrasya na kāpi hṛdi vāsanā||18-54||

।।२३०।। श्रोत्रिय, देवता, तीर्थ, अंगना, राजा, प्रिय को देख कर सम्मान तो करता है, पर धीर के हृदय में कोई वासना नहीं रहती।

भृत्यैः पुत्रैः कलत्रैश्च दौहित्रैश्चापि गोत्रजैः। विहस्य धिक्कृतो योगी न याति विकृतिं मनाक्॥१८-५५॥

bhṛtyaiḥ putraiḥ kalatraiśca dauhitraiścāpi gotrajaiḥ| vihasya dhikkṛto yogī na yāti vikṛtiṁ manāk||18-55||

।।२३१।। नौकरों, पुत्रों, पत्नी, दौहित्रों और कुटुम्बियों से उपहासित, तिरस्कृत हो कर भी योगी तनिक भी विकार को नहीं जाता।

सन्तुष्टोऽपि न सन्तुष्टः खिन्नोऽपि न च खिद्यते। तस्याश्चर्यदशां तां तां तादृशा एव जानते॥१८-५६॥

santuṣṭo'pi na santuṣṭaḥ khinno'pi na ca khidyate| tasyāścaryadaśāṁ tāṁ tāṁ tādṛśā eva jānate||18-56||

।।२३२।। संतुष्ट होते हुए भी संतुष्ट नहीं, खिन्न होते हुए भी खिन्न नहीं -- उसकी आश्चर्यजनक दशाओं को वैसे ही लोग जानते हैं।

कर्तव्यतैव संसारो न तां पश्यन्ति सूरयः। शून्याकारा निराकारा निर्विकारा निरामयाः॥१८-५७॥

kartavyataiva saṁsāro na tāṁ paśyanti sūrayaḥ| śūnyākārā nirākārā nirvikārā nirāmayāḥ||18-57||

।।२३३।। कर्तव्यता ही संसार है; ज्ञानीजन उसे नहीं देखते, शून्याकार, निराकार, निर्विकार, निरामय होते हुए।

अकुर्वन्नपि संक्षोभाद् व्यग्रः सर्वत्र मूढधीः। कुर्वन्नपि तु कृत्यानि कुशलो हि निराकुलः॥१८-५८॥

akurvannapi saṁkṣobhād vyagraḥ sarvatra mūḍhadhīḥ| kurvannapi tu kṛtyāni kuśalo hi nirākulaḥ||18-58||

।।२३४।। न करते हुए भी क्षोभ से मूढ़-बुद्धि सर्वत्र व्यग्र रहता है; करते हुए भी कुशल पुरुष निराकुल रहता है।

सुखमास्ते सुखं शेते सुखमायाति याति च। सुखं वक्ति सुखं भुंक्ते व्यवहारेऽपि शान्तधीः॥१८-५९॥

sukhamāste sukhaṁ śete sukhamāyāti yāti ca| sukhaṁ vakti sukhaṁ bhuṁkte vyavahāre'pi śāntadhīḥ||18-59||

।।२३५।। सुखपूर्वक बैठता, सुखपूर्वक सोता, सुखपूर्वक आता-जाता, सुखपूर्वक बोलता, सुखपूर्वक खाता है -- व्यवहार में भी शांत-बुद्धि रहता है।

स्वभावाद्यस्य नैवार्तिर्लोकवद् व्यवहारिणः। महाह्रद इवाक्षोभ्यो गतक्लेशः सुशोभते॥१८-६०॥

svabhāvādyasya naivārtirlokavad vyavahāriṇaḥ| mahāhrada ivākṣobhyo gatakleśaḥ suśobhate||18-60||

।।२३६।। जिसे स्वभाव से ही व्यथा नहीं, लोगों की तरह व्यवहार करते हुए भी, महाह्रद-सा अक्षोभ्य, क्लेशरहित होकर वह सुशोभित होता है।

निवृत्तिरपि मूढस्य प्रवृत्ति रुपजायते। प्रवृत्तिरपि धीरस्य निवृत्तिफलभागिनी॥१८-६१॥

nivṛttirapi mūḍhasya pravṛtti rupajāyate| pravṛttirapi dhīrasya nivṛttiphalabhāginī||18-61||

।।२३७।। मूढ़ की निवृत्ति भी प्रवृत्ति बन जाती है; धीर की प्रवृत्ति भी निवृत्ति का फल पाती है।

परिग्रहेषु वैराग्यं प्रायो मूढस्य दृश्यते। देहे विगलिताशस्य क्व रागः क्व विरागता॥१८-६२॥

parigraheṣu vairāgyaṁ prāyo mūḍhasya dṛśyate| dehe vigalitāśasya kva rāgaḥ kva virāgatā||18-62||

।।२३८।। संग्रह के प्रति वैराग्य प्रायः मूढ़ में ही दिखता है। देह की आशा जिसकी गल गई, उसके लिए राग कहाँ, विराग कहाँ?

भावनाभावनासक्ता दृष्टिर्मूढस्य सर्वदा। भाव्यभावनया सा तु स्वस्थस्यादृष्टिरूपिणी॥१८-६३॥

bhāvanābhāvanāsaktā dṛṣṭirmūḍhasya sarvadā| bhāvyabhāvanayā sā tu svasthasyādṛṣṭirūpiṇī||18-63||

।।२३९।। मूढ़ की दृष्टि सदा भावना और अभावना में उलझी रहती है। स्वस्थ पुरुष की वही दृष्टि, कल्पना-रहित होने से, अदृष्टि-रूप ही है।

सर्वारंभेषु निष्कामो यश्चरेद् बालवन् मुनिः। न लेपस्तस्य शुद्धस्य क्रियमाणेऽपि कर्मणि॥१८-६४॥

sarvāraṁbheṣu niṣkāmo yaścared bālavan muniḥ| na lepastasya śuddhasya kriyamāṇe'pi karmaṇi||18-64||

।।२४०।। सर्व आरम्भों में निष्काम, बालक की तरह आचरण करने वाला मुनि, शुद्ध पुरुष को कर्म करते हुए भी कोई लेप नहीं लगता।

स एव धन्य आत्मज्ञः सर्वभावेषु यः समः। पश्यन् शृण्वन् स्पृशन् जिघ्रन्न् अश्नन्निस्तर्षमानसः॥१८-६५॥

sa eva dhanya ātmajñaḥ sarvabhāveṣu yaḥ samaḥ| paśyan śṛṇvan spṛśan jighrann aśnannistarṣamānasaḥ||18-65||

।।२४१।। वही धन्य है, आत्मज्ञ, जो सर्व भावों में सम है -- देखते, सुनते, छूते, सूँघते, खाते हुए भी जिसका मन तृष्णा-रहित है।

क्व संसारः क्व चाभासः क्व साध्यं क्व च साधनं। आकाशस्येव धीरस्य निर्विकल्पस्य सर्वदा॥१८-६६॥

kva saṁsāraḥ kva cābhāsaḥ kva sādhyaṁ kva ca sādhanaṁ| ākāśasyeva dhīrasya nirvikalpasya sarvadā||18-66||

।।२४२।। संसार कहाँ, उसका आभास कहाँ? साध्य कहाँ, साधन कहाँ? आकाश-सम धीर के लिए, जो सदा निर्विकल्प है।

स जयत्यर्थसंन्यासी पूर्णस्वरसविग्रहः। अकृत्रिमोऽनवच्छिन्ने समाधिर्यस्य वर्तते॥१८-६७॥

sa jayatyarthasaṁnyāsī pūrṇasvarasavigrahaḥ| akṛtrimo'navacchinne samādhiryasya vartate||18-67||

।।२४३।। वह विजयी है, अर्थ-संन्यासी, पूर्ण-स्वरस-विग्रह; जिसका समाधि अकृत्रिम रूप से अनवच्छिन्न में स्थित है।

बहुनात्र किमुक्तेन ज्ञाततत्त्वो महाशयः। भोगमोक्षनिराकांक्षी सदा सर्वत्र नीरसः॥१८-६८॥

bahunātra kimuktena jñātatattvo mahāśayaḥ| bhogamokṣanirākāṁkṣī sadā sarvatra nīrasaḥ||18-68||

।।२४४।। इस विषय में अधिक कहने से क्या? तत्त्व-ज्ञाता महाशय, भोग और मोक्ष दोनों की आकांक्षा से रहित, सदा सर्वत्र नीरस रहता है।

महदादि जगद्द्वैतं नाममात्रविजृंभितं। विहाय शुद्धबोधस्य किं कृत्यमवशिष्यते॥१८-६९॥

mahadādi jagaddvaitaṁ nāmamātravijṛṁbhitaṁ| vihāya śuddhabodhasya kiṁ kṛtyamavaśiṣyate||18-69||

।।२४५।। महदादि जगद्-द्वैत नाम-मात्र से विस्तृत है। इसे छोड़ कर शुद्ध-बोध वाले के लिए क्या कर्तव्य शेष रहता है?

भ्रमभूतमिदं सर्वं किंचिन्नास्तीति निश्चयी। अलक्ष्यस्फुरणः शुद्धः स्वभावेनैव शाम्यति॥१८-७०॥

bhramabhūtamidaṁ sarvaṁ kiṁcinnāstīti niścayī| alakṣyasphuraṇaḥ śuddhaḥ svabhāvenaiva śāmyati||18-70||

।।२४६।। यह सब भ्रम-रूप है, कुछ भी नहीं है, ऐसा निश्चय करने वाला, अलक्ष्य-स्फुरण, शुद्ध, स्वभाव से ही शांत होता है।

शुद्धस्फुरणरूपस्य दृश्यभावमपश्यतः। क्व विधिः क्व च वैराग्यं क्व त्यागः क्व शमोऽपि वा॥१८-७१॥

śuddhasphuraṇarūpasya dṛśyabhāvamapaśyataḥ| kva vidhiḥ kva ca vairāgyaṁ kva tyāgaḥ kva śamo'pi vā||18-71||

।।२४७।। शुद्ध-स्फुरण-रूप, दृश्य-भाव को न देखने वाले के लिए विधि कहाँ, वैराग्य कहाँ, त्याग कहाँ, शम भी कहाँ?

स्फुरतोऽनन्तरूपेण प्रकृतिं च न पश्यतः। क्व बन्धः क्व च वा मोक्षः क्व हर्षः क्व विषादिता॥१८-७२॥

sphurato'nantarūpeṇa prakṛtiṁ ca na paśyataḥ| kva bandhaḥ kva ca vā mokṣaḥ kva harṣaḥ kva viṣāditā||18-72||

।।२४८।। अनंत-रूप से स्फुरित, प्रकृति को न देखने वाले के लिए बंध कहाँ, मोक्ष कहाँ? हर्ष कहाँ, विषाद कहाँ?

बुद्धिपर्यन्तसंसारे मायामात्रं विवर्तते। निर्ममो निरहंकारो निष्कामः शोभते बुधः॥१८-७३॥

buddhiparyantasaṁsāre māyāmātraṁ vivartate| nirmamo nirahaṁkāro niṣkāmaḥ śobhate budhaḥ||18-73||

।।२४९।। बुद्धि-पर्यंत संसार में केवल माया विवर्त होती है। निर्मम, निरहंकार, निष्काम ज्ञानी शोभित होता है।

अक्षयं गतसन्तापमात्मानं पश्यतो मुनेः। क्व विद्या च क्व वा विश्वं क्व देहोऽहं ममेति वा॥१८-७४॥

akṣayaṁ gatasantāpamātmānaṁ paśyato muneḥ| kva vidyā ca kva vā viśvaṁ kva deho'haṁ mameti vā||18-74||

।।२५०।। अक्षय, संताप-रहित आत्मा को देखने वाले मुनि के लिए विद्या कहाँ, विश्व कहाँ, देह कहाँ, अहं-मम कहाँ?

निरोधादीनि कर्माणि जहाति जडधीर्यदि। मनोरथान् प्रलापांश्च कर्तुमाप्नोत्यतत्क्षणात्॥१८-७५॥

nirodhādīni karmāṇi jahāti jaḍadhīryadi| manorathān pralāpāṁśca kartumāpnotyatatkṣaṇāt||18-75||

।।२५१।। जड़-बुद्धि यदि निरोधादि कर्मों को छोड़ता है, तो उसी क्षण मनोरथों और प्रलाप में लग जाता है।

मन्दः श्रुत्वापि तद्वस्तु न जहाति विमूढतां। निर्विकल्पो बहिर्यत्नादन्तर्विषयलालसः॥१८-७६॥

mandaḥ śrutvāpi tadvastu na jahāti vimūḍhatāṁ| nirvikalpo bahiryatnādantarviṣayalālasaḥ||18-76||

।।२५२।। मंद व्यक्ति उस तत्त्व को सुन कर भी विमूढ़ता नहीं छोड़ता -- बाहर से निर्विकल्प का प्रयत्न करता, भीतर विषय-लालसा रखता है।

ज्ञानाद् गलितकर्मा यो लोकदृष्ट्यापि कर्मकृत्। नाप्नोत्यवसरं कर्तुं वक्तुमेव न किंचन॥१८-७७॥

jñānād galitakarmā yo lokadṛṣṭyāpi karmakṛt| nāpnotyavasaraṁ kartuṁ vaktumeva na kiṁcana||18-77||

।।२५३।। जिसका कर्म ज्ञान से गल गया, लोकदृष्टि से कर्ता दिखते हुए भी, वह न कुछ करने का अवसर पाता है, न बोलने का।

क्व तमः क्व प्रकाशो वा हानं क्व च न किंचन। निर्विकारस्य धीरस्य निरातंकस्य सर्वदा॥१८-७८॥

kva tamaḥ kva prakāśo vā hānaṁ kva ca na kiṁcana| nirvikārasya dhīrasya nirātaṁkasya sarvadā||18-78||

।।२५४।। तम कहाँ, प्रकाश कहाँ? हानि कहाँ, या कुछ भी नहीं? निर्विकार, सदा निरातंक धीर के लिए यह प्रश्न ही नहीं उठता।

क्व धैर्यं क्व विवेकित्वं क्व निरातंकतापि वा। अनिर्वाच्यस्वभावस्य निःस्वभावस्य योगिनः॥१८-७९॥

kva dhairyaṁ kva vivekitvaṁ kva nirātaṁkatāpi vā| anirvācyasvabhāvasya niḥsvabhāvasya yoginaḥ||18-79||

।।२५५।। धैर्य कहाँ, विवेकित्व कहाँ, निरातंकता भी कहाँ? अनिर्वाच्य-स्वभाव, निःस्वभाव योगी के लिए ये प्रश्न ही निरर्थक हैं।

न स्वर्गो नैव नरको जीवन्मुक्तिर्न चैव हि। बहुनात्र किमुक्तेन योगदृष्ट्या न किंचन॥१८-८०॥

na svargo naiva narako jīvanmuktirna caiva hi| bahunātra kimuktena yogadṛṣṭyā na kiṁcana||18-80||

।।२५६।। न स्वर्ग है, न नरक, न जीवन्मुक्ति ही। इस पर अधिक क्या कहें? योग-दृष्टि से कुछ भी नहीं है।

नैव प्रार्थयते लाभं नालाभेनानुशोचति। धीरस्य शीतलं चित्तममृतेनैव पूरितम्॥१८-८१॥

naiva prārthayate lābhaṁ nālābhenānuśocati| dhīrasya śītalaṁ cittamamṛtenaiva pūritam||18-81||

।।२५७।। लाभ की प्रार्थना नहीं करता, अलाभ पर शोक नहीं करता। धीर का शीतल चित्त अमृत से ही पूर्ण रहता है।

न शान्तं स्तौति निष्कामो न दुष्टमपि निन्दति। समदुःखसुखस्तृप्तः किंचित् कृत्यं न पश्यति॥१८-८२॥

na śāntaṁ stauti niṣkāmo na duṣṭamapi nindati| samaduḥkhasukhastṛptaḥ kiṁcit kṛtyaṁ na paśyati||18-82||

।।२५८।। निष्काम न शांत को सराहता है, न दुष्ट की निंदा करता है। सम-दुःख-सुख, तृप्त, वह कुछ भी करणीय नहीं देखता।

धीरो न द्वेष्टि संसारमात्मानं न दिदृक्षति। हर्षामर्षविनिर्मुक्तो न मृतो न च जीवति॥१८-८३॥

dhīro na dveṣṭi saṁsāramātmānaṁ na didṛkṣati| harṣāmarṣavinirmukto na mṛto na ca jīvati||18-83||

।।२५९।। धीर संसार से द्वेष नहीं करता, आत्मा को देखना भी नहीं चाहता। हर्ष-अमर्ष से मुक्त, न मृत है न जीवित।

निःस्नेहः पुत्रदारादौ निष्कामो विषयेषु च। निश्चिन्तः स्वशरीरेऽपि निराशः शोभते बुधः॥१८-८४॥

niḥsnehaḥ putradārādau niṣkāmo viṣayeṣu ca| niścintaḥ svaśarīre'pi nirāśaḥ śobhate budhaḥ||18-84||

।।२६०।। पुत्र-दारा आदि में स्नेह-रहित, विषयों में निष्काम, अपने शरीर में भी निश्चिन्त, आशा-रहित ज्ञानी शोभित होता है।

तुष्टिः सर्वत्र धीरस्य यथापतितवर्तिनः। स्वच्छन्दं चरतो देशान् यत्रस्तमितशायिनः॥१८-८५॥

tuṣṭiḥ sarvatra dhīrasya yathāpatitavartinaḥ| svacchandaṁ carato deśān yatrastamitaśāyinaḥ||18-85||

।।२६१।। यथापतित-वर्ती धीर सर्वत्र तुष्ट रहता है -- स्वच्छन्द देशों में विचरते हुए, जहाँ सूर्य अस्त हो वहीं सोते हुए।

पततूदेतु वा देहो नास्य चिन्ता महात्मनः। स्वभावभूमिविश्रान्तिविस्मृताशेषसंसृतेः॥१८-८६॥

patatūdetu vā deho nāsya cintā mahātmanaḥ| svabhāvabhūmiviśrāntivismṛtāśeṣasaṁsṛteḥ||18-86||

।।२६२।। देह गिरे या उठे, महात्मा को उसकी चिंता नहीं। स्वभाव-भूमि में विश्रांत, समूचे संसार-चक्र को भूल चुका।

अकिंचनः कामचारो निर्द्वन्द्वश्छिन्नसंशयः। असक्तः सर्वभावेषु केवलो रमते बुधः॥१८-८७॥

akiṁcanaḥ kāmacāro nirdvandvaśchinnasaṁśayaḥ| asaktaḥ sarvabhāveṣu kevalo ramate budhaḥ||18-87||

।।२६३।। अकिंचन, स्वच्छन्द-चारी, निर्द्वन्द्व, संशय-रहित, सर्व भावों में असक्त, केवल ज्ञानी अकेला रमण करता है।

निर्ममः शोभते धीरः समलोष्टाश्मकांचनः। सुभिन्नहृदयग्रन्थिर्विनिर्धूतरजस्तमः॥१८-८८॥

nirmamaḥ śobhate dhīraḥ samaloṣṭāśmakāṁcanaḥ| subhinnahṛdayagranthirvinirdhūtarajastamaḥ||18-88||

।।२६४।। निर्मम धीर शोभित होता है, मिट्टी-पत्थर-सुवर्ण में सम, हृदय-ग्रंथि पूर्ण भिन्न, रज-तम से पूर्ण रहित।

सर्वत्रानवधानस्य न किंचिद् वासना हृदि। मुक्तात्मनो वितृप्तस्य तुलना केन जायते॥१८-८९॥

sarvatrānavadhānasya na kiṁcid vāsanā hṛdi| muktātmano vitṛptasya tulanā kena jāyate||18-89||

।।२६५।। सर्वत्र अनवधान, हृदय में कोई वासना नहीं, मुक्तात्मा वितृप्त पुरुष की तुलना किससे हो सकती है?

जानन्नपि न जानाति पश्यन्नपि न पश्यति। ब्रुवन्न् अपि न च ब्रूते कोऽन्यो निर्वासनादृते॥१८-९०॥

jānannapi na jānāti paśyannapi na paśyati| bruvann api na ca brūte ko'nyo nirvāsanādṛte||18-90||

।।२६६।। जानते हुए भी नहीं जानता, देखते हुए भी नहीं देखता, बोलते हुए भी नहीं बोलता -- वासना-मुक्त के अतिरिक्त कौन ऐसा है?

भिक्षुर्वा भूपतिर्वापि यो निष्कामः स शोभते। भावेषु गलिता यस्य शोभनाशोभना मतिः॥१८-९१॥

bhikṣurvā bhūpatirvāpi yo niṣkāmaḥ sa śobhate| bhāveṣu galitā yasya śobhanāśobhanā matiḥ||18-91||

।।२६७।। भिक्षु हो या राजा, जो निष्काम है वह शोभित होता है, जिसकी शोभन-अशोभन की मति भावों में गल गई हो।

क्व स्वाच्छन्द्यं क्व संकोचः क्व वा तत्त्वविनिश्चयः। निर्व्याजार्जवभूतस्य चरितार्थस्य योगिनः॥१८-९२॥

kva svācchandyaṁ kva saṁkocaḥ kva vā tattvaviniścayaḥ| nirvyājārjavabhūtasya caritārthasya yoginaḥ||18-92||

।।२६८।। स्वच्छन्दता कहाँ, संकोच कहाँ, तत्त्व-विनिश्चय भी कहाँ, निर्व्याज-आर्जव-भूत, कृतार्थ योगी के लिए?

आत्मविश्रान्तितृप्तेन निराशेन गतार्तिना। अन्तर्यदनुभूयेत तत् कथं कस्य कथ्यते॥१८-९३॥

ātmaviśrāntitṛptena nirāśena gatārtinā| antaryadanubhūyeta tat kathaṁ kasya kathyate||18-93||

।।२६९।। आत्म-विश्रांति-तृप्त, निराश, गत-आर्ति के अंतर में जो अनुभूत होता है, वह किससे, कैसे कहा जाए?

सुप्तोऽपि न सुषुप्तौ च स्वप्नेऽपि शयितो न च। जागरेऽपि न जागर्ति धीरस्तृप्तः पदे पदे॥१८-९४॥

supto'pi na suṣuptau ca svapne'pi śayito na ca| jāgare'pi na jāgarti dhīrastṛptaḥ pade pade||18-94||

।।२७०।। सोते हुए भी सुषुप्ति में नहीं, स्वप्न में भी शयन-मात्र नहीं, जागते हुए भी जागरण-मात्र नहीं -- धीर पद-पद पर तृप्त है।

ज्ञः सचिन्तोऽपि निश्चिन्तः सेन्द्रियोऽपि निरिन्द्रियः। सुबुद्धिरपि निर्बुद्धिः साहंकारोऽनहङ्कृतिः॥१८-९५॥

jñaḥ sacinto'pi niścintaḥ sendriyo'pi nirindriyaḥ| subuddhirapi nirbuddhiḥ sāhaṁkāro'nahaṅkṛtiḥ||18-95||

।।२७१।। ज्ञ, सचिन्त होते हुए भी निश्चिन्त, सेन्द्रिय होते हुए भी निरिन्द्रिय, सुबुद्धि होते हुए भी निर्बुद्धि, साहंकार होते हुए भी अनहंकृति।

न सुखी न च वा दुःखी न विरक्तो न संगवान्। न मुमुक्षुर्न वा मुक्तो न किंचिन्न च किंचन॥१८-९६॥

na sukhī na ca vā duḥkhī na virakto na saṁgavān| na mumukṣurna vā mukto na kiṁcinna ca kiṁcana||18-96||

।।२७२।। न सुखी न दुःखी, न विरक्त न संगवान्, न मुमुक्षु न मुक्त -- न कुछ है, न कुछ नहीं है।

विक्षेपेऽपि न विक्षिप्तः समाधौ न समाधिमान्। जाड्येऽपि न जडो धन्यः पाण्डित्येऽपि न पण्डितः॥१८-९७॥

vikṣepe'pi na vikṣiptaḥ samādhau na samādhimān| jāḍye'pi na jaḍo dhanyaḥ pāṇḍitye'pi na paṇḍitaḥ||18-97||

।।२७३।। विक्षेप में भी अविक्षिप्त, समाधि में भी समाधिमान नहीं, जाड्य में भी अजड़ धन्य, पांडित्य में भी अपंडित।

मुक्तो यथास्थितिस्वस्थः कृतकर्तव्यनिर्वृतः। समः सर्वत्र वैतृष्ण्यान्न स्मरत्यकृतं कृतम्॥१८-९८॥

mukto yathāsthitisvasthaḥ kṛtakartavyanirvṛtaḥ| samaḥ sarvatra vaitṛṣṇyānna smaratyakṛtaṁ kṛtam||18-98||

।।२७४।। मुक्त, यथास्थिति-स्वस्थ, कृत-कर्तव्य-सा निर्वृत। समः सर्वत्र वैतृष्ण्यात्, अकृत-कृत को स्मरण नहीं करता।

न प्रीयते वन्द्यमानो निन्द्यमानो न कुप्यति। नैवोद्विजति मरणे जीवने नाभिनन्दति॥१८-९९॥

na prīyate vandyamāno nindyamāno na kupyati| naivodvijati maraṇe jīvane nābhinandati||18-99||

।।२७५।। वन्दित होते हुए भी प्रसन्न नहीं, निंदित होते हुए क्रुद्ध नहीं। मृत्यु में उद्विग्न नहीं, जीवन में अभिनन्दित नहीं।

न धावति जनाकीर्णं नारण्यमुपशान्तधीः। यथातथा यत्रतत्र सम एवावतिष्ठते॥१८-१००॥

na dhāvati janākīrṇaṁ nāraṇyamupaśāntadhīḥ| yathātathā yatratatra sama evāvatiṣṭhate||18-100||

।।२७६।। जनाकीर्ण की ओर नहीं दौड़ता, अरण्य की ओर भी नहीं, उपशांत-बुद्धि; यथा-तथा यत्र-तत्र वह सम ही स्थित रहता है।