भीष्म की प्रतिज्ञा

श्लोक 1 (1.107.1)

स राजा शान्तनुर्धीमान्देवराजर्षिसत्कृतः । धर्मात्मा सर्वलोकेषु सत्यवागिति विश्रुतः ॥

sa rājā śāntanurdhīmāndevarājarṣisatkṛtaḥ | dharmātmā sarvalokeṣu satyavāgiti viśrutaḥ

वे बुद्धिमान राजा शान्तनु देवर्षियों और राजर्षियों द्वारा सम्मानित थे। वे धर्मात्मा थे और सब लोकों में सत्यवादी के रूप में प्रसिद्ध थे।

श्लोक 2 (1.107.2)

शान्तनोः कीर्तयिष्यामि सर्वानेव गुणानहम् । दमो दानं क्षमा बुद्धिर्ह्रीर्धृतिस्तेज उत्तमम् । नित्यान्यासन्महासत्वे शान्तनौ पुरुषर्षभे ॥

śāntanoḥ kīrtayiṣyāmi sarvāneva guṇānaham | damo dānaṃ kṣamā buddhirhrīrdhṛtisteja uttamam | nityānyāsanmahāsatve śāntanau puruṣarṣabhe

मैं शान्तनु के सभी गुणों का वर्णन करूँगा। इन्द्रियसंयम, दान, क्षमा, बुद्धि, लज्जा, धैर्य और उत्तम तेज उन महान सत्त्व वाले पुरुषश्रेष्ठ शान्तनु में सदा विद्यमान रहते थे।

श्लोक 3 (1.107.3)

एवं स गुणसंपन्नो धर्मार्थकुशलो नृपः । आसीद्भरतवंशस्य गोप्ता सर्वजनस्य च ॥

evaṃ sa guṇasaṃpanno dharmārthakuśalo nṛpaḥ | āsīdbharatavaṃśasya goptā sarvajanasya ca

ऐसे गुणों से सम्पन्न, धर्म और अर्थ में कुशल वे राजा भरतवंश के तथा समस्त प्रजा के रक्षक थे।

श्लोक 4 (1.107.4)

कम्बुग्रीवः पृथुव्यंसो मत्तवारणविक्रमः । अन्वितः परिपूर्णार्थैः सर्वैर्नृपतिलक्षणैः ॥

kambugrīvaḥ pṛthuvyaṃso mattavāraṇavikramaḥ | anvitaḥ paripūrṇārthaiḥ sarvairnṛpatilakṣaṇaiḥ

उनकी ग्रीवा शंख के आकार की थी, कंधे चौड़े थे और पराक्रम मतवाले हाथी जैसा था। वे राजा के सभी लक्षणों से पूर्ण रूप से युक्त थे।

श्लोक 5 (1.107.5)

तस्य कीर्तिमतो वृत्तमवेक्ष्य सततं नराः । धर्म एव परः कामादर्थाच्चेति व्यवस्थितः ॥

tasya kīrtimato vṛttamavekṣya satataṃ narāḥ | dharma eva paraḥ kāmādarthācceti vyavasthitaḥ

उन यशस्वी राजा का आचरण निरन्तर देखकर लोगों में यह निश्चय दृढ़ हो गया कि धर्म ही काम और अर्थ से श्रेष्ठ है।

श्लोक 6 (1.107.6)

एवमासीन्महासत्वः शान्तनुर्भरतर्षभ । न चास्य सदृशः कश्चिद्धर्मतः पार्थिवोऽभवत् ॥

evamāsīnmahāsatvaḥ śāntanurbharatarṣabha | na cāsya sadṛśaḥ kaściddharmataḥ pārthivo'bhavat

हे भरतश्रेष्ठ! ऐसे महान सत्त्व वाले थे शान्तनु। धर्म में उनके समान कोई राजा नहीं हुआ।

श्लोक 7 (1.107.7)

वर्तमानं हि धर्मेषु सर्वधर्मभृतां वरम् । तं महीपा महीपालं राजराज्येऽभ्यषेचयन् ॥

vartamānaṃ hi dharmeṣu sarvadharmabhṛtāṃ varam | taṃ mahīpā mahīpālaṃ rājarājye'bhyaṣecayan

वे धर्म में स्थित रहते थे और सब धर्मधारियों में श्रेष्ठ थे, इसलिए राजाओं ने उन पृथ्वीपालक का राजाधिराज के पद पर अभिषेक किया।

श्लोक 8 (1.107.8)

वीतशोकभयाबाधाः सुखस्वप्ननिबोधनाः । पतिं भारतगोप्तारं समपद्यन्त भूमिपाः ॥

vītaśokabhayābādhāḥ sukhasvapnanibodhanāḥ | patiṃ bhāratagoptāraṃ samapadyanta bhūmipāḥ

शोक, भय और पीड़ा से मुक्त होकर, सुख से सोते और जागते हुए राजाओं ने उन्हें भरतवंश के रक्षक स्वामी के रूप में पाया।

श्लोक 9 (1.107.9)

तेन कीर्तिमता शिष्टाः शक्रप्रतिमतेजसा । यज्ञदानक्रियाशीलाः समपद्यन्त भूमिपाः ॥

tena kīrtimatā śiṣṭāḥ śakrapratimatejasā | yajñadānakriyāśīlāḥ samapadyanta bhūmipāḥ

इन्द्र के समान तेजस्वी उन यशस्वी राजा के प्रभाव से राजा लोग अनुशासित हो गए और यज्ञ, दान तथा धर्मकर्मों में लगे रहने लगे।

श्लोक 10 (1.107.10)

शान्तनुप्रमुखैर्गुप्ते लोके नृपतिभिस्तदा । नियमात्सर्ववर्णानां धर्मोत्तरमवर्तत ॥

śāntanupramukhairgupte loke nṛpatibhistadā | niyamātsarvavarṇānāṃ dharmottaramavartata

जब शान्तनु आदि राजा संसार की रक्षा कर रहे थे, तब सभी वर्णों के नियमपालन से धर्म ही सर्वोपरि रहा।

श्लोक 11 (1.107.11)

ब्रह्म पर्यचरत्क्षत्रं विशः क्षत्रमनुव्रताः । ब्रह्मक्षत्रानुरक्ताश्च शूद्राः पर्यचरन्विशः ॥

brahma paryacaratkṣatraṃ viśaḥ kṣatramanuvratāḥ | brahmakṣatrānuraktāśca śūdrāḥ paryacaranviśaḥ

क्षत्रिय ब्राह्मणों की सेवा करते थे, वैश्य क्षत्रियों के अनुगामी थे, और ब्राह्मणों तथा क्षत्रियों के प्रति निष्ठावान शूद्र वैश्यों की सेवा करते थे।

श्लोक 12 (1.107.12)

स हास्तिनपुरे रम्ये कुरूणां पुटभेदने । वसन्सागरपर्यन्तामन्वशासद्वसुन्धराम् ॥

sa hāstinapure ramye kurūṇāṃ puṭabhedane | vasansāgaraparyantāmanvaśāsadvasundharām

कुरुओं की राजधानी, रमणीय हस्तिनापुर में रहते हुए उन्होंने समुद्र-पर्यन्त पृथ्वी पर शासन किया।

श्लोक 13 (1.107.13)

स देवराजसदृशो धर्मज्ञः सत्यवागृजुः । दानधर्मतपोयोगाच्छ्रिया परमया युतः ॥

sa devarājasadṛśo dharmajñaḥ satyavāgṛjuḥ | dānadharmatapoyogācchriyā paramayā yutaḥ

वे देवराज इन्द्र के समान थे: धर्मज्ञ, सत्यवादी और सरल। दान, धर्म, तप और योग के कारण वे परम श्री से सम्पन्न थे।

श्लोक 14 (1.107.14)

अरागद्वेषसंयुक्तः सोमवत्प्रियदर्शनः । तेजसा सूर्यकल्पोऽभूद्वायुवेगसमो जवे । अन्तकप्रतिमः कोपे क्षमया पृथिवीसमः ॥

arāgadveṣasaṃyuktaḥ somavatpriyadarśanaḥ | tejasā sūryakalpo'bhūdvāyuvegasamo jave | antakapratimaḥ kope kṣamayā pṛthivīsamaḥ

वे राग और द्वेष से रहित थे और चन्द्रमा के समान प्रियदर्शन थे। तेज में वे सूर्य के समान, वेग में वायु के समान, क्रोध में यमराज के समान और क्षमा में पृथ्वी के समान थे।

श्लोक 15 (1.107.15)

वधः पशुवराहाणां तथैव मृगपक्षिणाम् । शान्तनौ पृथिवीपाले नावर्तत तथा नृप ॥

vadhaḥ paśuvarāhāṇāṃ tathaiva mṛgapakṣiṇām | śāntanau pṛthivīpāle nāvartata tathā nṛpa

हे राजन्! पृथ्वीपालक शान्तनु के शासन में पशुओं, सूअरों, मृगों और पक्षियों का वैसा वध नहीं होता था।

श्लोक 16 (1.107.16)

ब्रह्मधर्मोत्तरे राज्ये शान्तनुर्विनयात्मवान् । समं शशास भूतानि कामरागविवर्जितः ॥

brahmadharmottare rājye śāntanurvinayātmavān | samaṃ śaśāsa bhūtāni kāmarāgavivarjitaḥ

जिस राज्य में ब्राह्मण और धर्म सर्वोपरि थे, वहाँ विनयी शान्तनु काम और राग से रहित होकर सब प्राणियों पर समान भाव से शासन करते थे।

श्लोक 17 (1.107.17)

चकोरनेत्रस्ताम्रास्यः सिंहर्षभगतिर्युवा । गुणैरनुपमैर्युक्तः समस्तैराभिगामिकैः । गम्भीरः सत्वसंपन्नः पूर्णचन्द्रनिभाननः ॥

cakoranetrastāmrāsyaḥ siṃharṣabhagatiryuvā | guṇairanupamairyuktaḥ samastairābhigāmikaiḥ | gambhīraḥ satvasaṃpannaḥ pūrṇacandranibhānanaḥ

उनके नेत्र चकोर पक्षी जैसे थे, मुख ताम्रवर्ण था, चाल सिंह और वृषभ जैसी थी, और वे युवा थे। वे लोगों को आकर्षित करने वाले सभी अनुपम गुणों से युक्त, गम्भीर, सत्त्वसम्पन्न और पूर्णचन्द्र के समान मुख वाले थे।

श्लोक 18 (1.107.18)

देवर्षिपितृयज्ञार्थमारभ्यन्त तदा क्रियाः । न चाधर्मेण केषांचित्प्राणिनामभवद्वधः ॥

devarṣipitṛyajñārthamārabhyanta tadā kriyāḥ | na cādharmeṇa keṣāṃcitprāṇināmabhavadvadhaḥ

उस समय देवताओं, ऋषियों और पितरों के लिए यज्ञकर्म किए जाते थे, और किसी भी प्राणी का अधर्मपूर्वक वध नहीं होता था।

श्लोक 19 (1.107.19)

असुखानामनाथानां तिर्यग्योनिषु वर्तताम् । स एव राजा सर्वेषां भूतानामभवत्पिता ॥

asukhānāmanāthānāṃ tiryagyoniṣu vartatām | sa eva rājā sarveṣāṃ bhūtānāmabhavatpitā

दुखी, अनाथ और पशु-पक्षियों की योनि में पड़े प्राणियों के लिए, सभी प्राणियों के लिए, वे राजा ही पिता बन गए।

श्लोक 20 (1.107.20)

तस्मिन्कुरुपतिश्रेष्ठे राजराजेश्वरे सति । श्रिता वागभवत्सत्यं दानधर्माश्रितं मनः ॥

tasminkurupatiśreṣṭhe rājarājeśvare sati | śritā vāgabhavatsatyaṃ dānadharmāśritaṃ manaḥ

जब कुरुपतियों में श्रेष्ठ वे राजाधिराज थे, तब वाणी सत्य पर और मन दान तथा धर्म पर आश्रित रहता था।

श्लोक 21 (1.107.21)

यज्ञार्थं पशवः सृष्टाः संतानार्थं च मैथुनम् । स समाः षोडशाष्टौ च चतस्रोऽष्टौ तथाऽपराः । रतिमप्राप्नुवन्स्त्रीषु बभूव वनगोचरः ॥

yajñārthaṃ paśavaḥ sṛṣṭāḥ saṃtānārthaṃ ca maithunam | sa samāḥ ṣoḍaśāṣṭau ca catasro'ṣṭau tathā'parāḥ | ratimaprāpnuvanstrīṣu babhūva vanagocaraḥ

पशु यज्ञ के लिए रचे गए हैं और मैथुन सन्तान के लिए। सोलह, आठ, चार और फिर आठ वर्षों तक स्त्रियों में रति न पाकर वे वन में विचरते रहे।

श्लोक 22 (1.107.22)

तथारूपस्तथाचारस्तथावृत्तस्तथाश्रुतः । गाङ्गेयस्तस्य पुत्रोऽभून्नाम्ना देवव्रतो वसुः ॥

tathārūpastathācārastathāvṛttastathāśrutaḥ | gāṅgeyastasya putro'bhūnnāmnā devavrato vasuḥ

गंगा से उत्पन्न उनका पुत्र, देवव्रत नाम का वसु, रूप, आचार, व्यवहार और विद्या में उन्हीं के समान था।

श्लोक 23 (1.107.23)

सर्वास्त्रेषु स निष्णातः पार्थिवेष्वितरेषु च । महाबलो महासत्वो महावीर्यो महारथः ॥

sarvāstreṣu sa niṣṇātaḥ pārthiveṣvitareṣu ca | mahābalo mahāsatvo mahāvīryo mahārathaḥ

वे पार्थिव और अन्य सभी अस्त्रों में निपुण थे; महाबली, महान सत्त्व वाले, महापराक्रमी और महारथी थे।

श्लोक 24 (1.107.24)

स कदाचिन्मृगं विद्ध्वा गङ्गामनुसरन्नदीम् । भागीरथीमल्पजलां शान्तनुर्दृष्टवान्नृपः ॥

sa kadācinmṛgaṃ viddhvā gaṅgāmanusarannadīm | bhāgīrathīmalpajalāṃ śāntanurdṛṣṭavānnṛpaḥ

एक बार राजा शान्तनु ने एक मृग को बाण से बींधा और गंगा नदी के किनारे-किनारे चलते हुए देखा कि भागीरथी में जल बहुत कम है।

श्लोक 25 (1.107.25)

तां दृष्ट्वा चिन्तयामास शान्तनुः पुरुषर्षभः । स्यन्दते किं न्वियं नाद्य सरिच्छ्रेष्ठा यथा पुरा ॥

tāṃ dṛṣṭvā cintayāmāsa śāntanuḥ puruṣarṣabhaḥ | syandate kiṃ nviyaṃ nādya saricchreṣṭhā yathā purā

यह देखकर पुरुषश्रेष्ठ शान्तनु सोचने लगे, "यह श्रेष्ठ नदी आज पहले की तरह क्यों नहीं बह रही?"

श्लोक 26 (1.107.26)

ततो निमित्तमन्विच्छन्ददर्श स महामनाः । कुमारं रूपसंपन्नं बृहन्तं चारुदर्शनम् ॥

tato nimittamanvicchandadarśa sa mahāmanāḥ | kumāraṃ rūpasaṃpannaṃ bṛhantaṃ cārudarśanam

तब कारण खोजते हुए उन महामना ने एक रूपवान, ऊँचे कद के और सुन्दर कुमार को देखा,

श्लोक 27 (1.107.27)

दिव्यमस्त्रं विकुर्वाणं यथा देवं पुरन्दरम् । कृत्स्नां गङ्गां समावृत्य शरैस्तीक्ष्णैरवस्थितम् ॥

divyamastraṃ vikurvāṇaṃ yathā devaṃ purandaram | kṛtsnāṃ gaṅgāṃ samāvṛtya śaraistīkṣṇairavasthitam

जो देवराज इन्द्र की भाँति दिव्य अस्त्र चला रहा था और तीखे बाणों से समूची गंगा को रोककर खड़ा था।

श्लोक 28 (1.107.28)

तां शरैराचितां दृष्ट्वा नदीं गङ्गां तदन्तिके । अभवद्विस्मितो राजा दृष्ट्वा कर्मातिमानुषम् ॥

tāṃ śarairācitāṃ dṛṣṭvā nadīṃ gaṅgāṃ tadantike | abhavadvismito rājā dṛṣṭvā karmātimānuṣam

उसके पास गंगा नदी को बाणों से पटी हुई देखकर और वह अलौकिक कर्म देखकर राजा विस्मित हो गए।

श्लोक 29 (1.107.29)

जातमात्रं पुरा दृष्टं तं पुत्रं शान्तनुस्तदा । नोपलेभे स्मृतिं धीमानभिज्ञातुं तमात्मजम् ॥

jātamātraṃ purā dṛṣṭaṃ taṃ putraṃ śāntanustadā | nopalebhe smṛtiṃ dhīmānabhijñātuṃ tamātmajam

शान्तनु ने उस पुत्र को केवल जन्म के समय देखा था, इसलिए वे बुद्धिमान राजा उसे अपने पुत्र के रूप में पहचानने की स्मृति न पा सके।

श्लोक 30 (1.107.30)

स तु तं पितरं दृष्ट्वा मोहयामास मायया । संमोह्य तु ततः क्षिप्रं तत्रैवान्तरधीयत ॥

sa tu taṃ pitaraṃ dṛṣṭvā mohayāmāsa māyayā | saṃmohya tu tataḥ kṣipraṃ tatraivāntaradhīyata

परन्तु उस कुमार ने अपने पिता को देखकर माया से उन्हें मोहित कर दिया और मोहित करके तुरन्त वहीं अन्तर्धान हो गया।

श्लोक 31 (1.107.31)

तदद्भुतं ततो दृष्ट्वा तत्र राजा स शान्तनुः । शङ्कमानः सुतं गङ्गामब्रवीद्दर्शयेति ह ॥

tadadbhutaṃ tato dṛṣṭvā tatra rājā sa śāntanuḥ | śaṅkamānaḥ sutaṃ gaṅgāmabravīddarśayeti ha

वह अद्भुत घटना देखकर राजा शान्तनु को सन्देह हुआ कि वह उनका पुत्र है, और उन्होंने गंगा से कहा, "उसे मुझे दिखाओ।"

श्लोक 32 (1.107.32)

दर्शयामास तं गङ्गा बिभ्रती रूपमुत्तमम् । गृहीत्वा दक्षिणे पाणौ तं कुमारमलङ्कृतम् ॥

darśayāmāsa taṃ gaṅgā bibhratī rūpamuttamam | gṛhītvā dakṣiṇe pāṇau taṃ kumāramalaṅkṛtam

गंगा ने परम सुन्दर रूप धारण करके उस अलंकृत कुमार को दाहिने हाथ से पकड़कर राजा को दिखाया।

श्लोक 33 (1.107.33)

अलङ्कृतामाभरणैर्विरजोऽम्बरधारिणीम् । दृष्टपूर्वामपि स तां नाभ्यजानात्स शान्तनुः ॥

alaṅkṛtāmābharaṇairvirajo'mbaradhāriṇīm | dṛṣṭapūrvāmapi sa tāṃ nābhyajānātsa śāntanuḥ

वे आभूषणों से सजी थीं और निर्मल वस्त्र धारण किए थीं; पहले देख चुकने पर भी शान्तनु उन्हें पहचान न सके।

श्लोक 34 (1.107.34)

यं पुत्रमष्टमं राजंस्त्वं पुरा मय्यविन्दथाः । स चायं पुरुषव्याघ्र सर्वास्त्रविदनुत्तमः ॥

yaṃ putramaṣṭamaṃ rājaṃstvaṃ purā mayyavindathāḥ | sa cāyaṃ puruṣavyāghra sarvāstravidanuttamaḥ

हे राजन्! आपने पहले मुझसे जो आठवाँ पुत्र प्राप्त किया था, हे पुरुषव्याघ्र, यह वही है, सब अस्त्रों का अनुपम ज्ञाता।

श्लोक 35 (1.107.35)

गृहाणेमं महाराज मया संवर्धितं सुतम् । आदाय पुरुषव्याघ्र नयस्वैनं गृहं विभो ॥

gṛhāṇemaṃ mahārāja mayā saṃvardhitaṃ sutam | ādāya puruṣavyāghra nayasvainaṃ gṛhaṃ vibho

महाराज! मेरे द्वारा पाले-पोसे गए इस पुत्र को ग्रहण कीजिए। हे पुरुषव्याघ्र, हे प्रभु, इसे साथ लेकर घर ले जाइए।

श्लोक 36 (1.107.36)

वेदानधिजगे साङ्गान्वसिष्ठादेष वीर्यवान् । कृतास्त्रः परमेष्वासो देवराजसमो युधि ॥

vedānadhijage sāṅgānvasiṣṭhādeṣa vīryavān | kṛtāstraḥ parameṣvāso devarājasamo yudhi

इस पराक्रमी ने वसिष्ठ से अंगों सहित वेदों का अध्ययन किया है। यह अस्त्रविद्या में निपुण, महान धनुर्धर और युद्ध में देवराज के समान है।

श्लोक 37 (1.107.37)

सुराणां संमतो नित्यमसुराणां च भारत । उशना वेद यच्छास्त्रमयं तद्वेद सर्वशः ॥

surāṇāṃ saṃmato nityamasurāṇāṃ ca bhārata | uśanā veda yacchāstramayaṃ tadveda sarvaśaḥ

हे भारत! यह देवताओं और असुरों दोनों का सदा आदरपात्र है। उशना (शुक्राचार्य) जो शास्त्र जानते हैं, उसे यह पूरा-पूरा जानता है।

श्लोक 38 (1.107.38)

तथैवाङ्गिरसः पुत्रः सुरासुरनमस्कृतः । यद्वेद शास्त्रं तच्चापि कृत्स्नमस्मिन्प्रतिष्ठितम् ॥

tathaivāṅgirasaḥ putraḥ surāsuranamaskṛtaḥ | yadveda śāstraṃ taccāpi kṛtsnamasminpratiṣṭhitam

इसी प्रकार देवताओं और असुरों द्वारा वन्दित अंगिरा के पुत्र (बृहस्पति) जो शास्त्र जानते हैं, वह भी सम्पूर्ण रूप से इसमें प्रतिष्ठित है,

श्लोक 39 (1.107.39)

तव पुत्रे महाबाहौ साङ्गोपाङ्गं महात्मनि । ऋषिः परैरनाधृष्यो जामदग्न्यः प्रतापवान् ॥

tava putre mahābāhau sāṅgopāṅgaṃ mahātmani | ṛṣiḥ parairanādhṛṣyo jāmadagnyaḥ pratāpavān

आपके इस महाबाहु, महात्मा पुत्र में, अपने अंगों और उपांगों सहित। शत्रुओं के लिए अजेय, प्रतापी ऋषि जमदग्निपुत्र

श्लोक 40 (1.107.40)

यदस्त्रं वेद रामश्च तदेतस्मिन्प्रतिष्ठितम् । महेष्वासमिमं राजन्राजधर्मार्थकोविदम् ॥

yadastraṃ veda rāmaśca tadetasminpratiṣṭhitam | maheṣvāsamimaṃ rājanrājadharmārthakovidam

परशुराम जो अस्त्रविद्या जानते हैं, वह भी इसमें प्रतिष्ठित है। हे राजन्! यह महान धनुर्धर, जो राजधर्म और अर्थ का ज्ञाता है,

श्लोक 41 (1.107.41)

मया दत्तं निजं पुत्रं वीरं वीर गृहं नय । इत्युक्त्वा सा महाभागा तत्रैवान्तरधीयत । तयैवं समनुज्ञातः पुत्रमादाय शान्तनुः ॥

mayā dattaṃ nijaṃ putraṃ vīraṃ vīra gṛhaṃ naya | ityuktvā sā mahābhāgā tatraivāntaradhīyata | tayaivaṃ samanujñātaḥ putramādāya śāntanuḥ

"आपका यह वीर पुत्र, जिसे मैं आपको सौंप रही हूँ, हे वीर, इसे घर ले जाइए।" ऐसा कहकर वे महाभागा वहीं अन्तर्धान हो गईं। उनकी ऐसी अनुमति पाकर शान्तनु पुत्र को साथ लेकर

श्लोक 42 (1.107.42)

भ्राजमानं यथाऽदित्यमाययौ स्वपुरं प्रति । पौरवस्तु पुरीं गत्वा पुरन्दरपुरोपमाम् ॥

bhrājamānaṃ yathā'dityamāyayau svapuraṃ prati | pauravastu purīṃ gatvā purandarapuropamām

सूर्य के समान दीप्तिमान उस पुत्र के साथ अपने नगर लौट आए। इन्द्रपुरी के समान अपने नगर में पहुँचकर पुरुवंशी राजा ने

श्लोक 43 (1.107.43)

सर्वकामसमृद्धार्थं मेने सोऽत्मानमात्मना । पौरवेषु ततः पुत्रं राज्यार्थमभयप्रदम् ॥

sarvakāmasamṛddhārthaṃ mene so'tmānamātmanā | pauraveṣu tataḥ putraṃ rājyārthamabhayapradam

अपने-आपको सब कामनाओं से परिपूर्ण माना। फिर पौरवों के बीच राज्य के हित के लिए उन्होंने अपने अभयदाता,

श्लोक 44 (1.107.44)

गुणवन्तं महात्मानं यौवराज्येऽभ्यषेचयत् । पौरवाञ्शान्तनोः पुत्रः पितरं च महायशाः ॥

guṇavantaṃ mahātmānaṃ yauvarājye'bhyaṣecayat | pauravāñśāntanoḥ putraḥ pitaraṃ ca mahāyaśāḥ

गुणवान और महात्मा पुत्र का युवराज-पद पर अभिषेक किया। शान्तनु के उस महायशस्वी पुत्र ने पौरवों को, अपने पिता को

श्लोक 45 (1.107.45)

राष्ट्रं च रञ्जयामास वृत्तेन भरतर्षभ । स तथा सह पुत्रेण रममाणो महीपतिः ॥

rāṣṭraṃ ca rañjayāmāsa vṛttena bharatarṣabha | sa tathā saha putreṇa ramamāṇo mahīpatiḥ

और समूचे राष्ट्र को अपने आचरण से प्रसन्न कर लिया, हे भरतश्रेष्ठ! इस प्रकार पुत्र के साथ आनन्द से रहते हुए अपार पराक्रमी राजा ने

श्लोक 46 (1.107.46)

वर्तयामास वर्षाणि चत्वार्यमितविक्रमः । स कदाचिद्वनं यातो यमुनामभितो नदीम् ॥

vartayāmāsa varṣāṇi catvāryamitavikramaḥ | sa kadācidvanaṃ yāto yamunāmabhito nadīm

चार वर्ष बिताए। एक बार वे यमुना नदी के पास के वन में गए,

श्लोक 47 (1.107.47)

महीपतिरनिर्देश्यमाजिघ्रद्गन्धमुत्तमम् । तस्य प्रभवमन्विच्छन्विचचार समन्ततः ॥

mahīpatiranirdeśyamājighradgandhamuttamam | tasya prabhavamanvicchanvicacāra samantataḥ

और वहाँ राजा को एक अवर्णनीय उत्तम सुगन्ध आई। उसका स्रोत खोजते हुए वे चारों ओर घूमने लगे।

श्लोक 48 (1.107.48)

स ददर्श तदा कन्यां दाशानां देवरूपिणीम् । तामपृच्छत्स दृष्ट्वैव कन्यामसितलोचनाम् ॥

sa dadarśa tadā kanyāṃ dāśānāṃ devarūpiṇīm | tāmapṛcchatsa dṛṣṭvaiva kanyāmasitalocanām

तब उन्होंने दाशों (मछुआरों) की एक देवरूपिणी कन्या को देखा। उस श्याम नेत्रों वाली कन्या को देखते ही उन्होंने पूछा,

श्लोक 49 (1.107.49)

कस्य त्वमसि का चासि किं च भीरु चिकीर्षसि । साऽब्रवीद्दाशकन्याऽस्मि धर्मार्थं वाहये तरिम् ॥

kasya tvamasi kā cāsi kiṃ ca bhīru cikīrṣasi | sā'bravīddāśakanyā'smi dharmārthaṃ vāhaye tarim

"तुम किसकी पुत्री हो, कौन हो, और हे भीरु, क्या करना चाहती हो?" उसने कहा, "मैं दाश की कन्या हूँ। धर्म के लिए मैं नाव चलाती हूँ,

श्लोक 50 (1.107.50)

पितुर्नियोगाद्भद्रं ते दाशराज्ञो महात्मनः । रूपमाधुर्यगन्धैस्तां संयुक्तां देवरूपिणीम् ॥

piturniyogādbhadraṃ te dāśarājño mahātmanaḥ | rūpamādhuryagandhaistāṃ saṃyuktāṃ devarūpiṇīm

अपने पिता, महात्मा दाशराज की आज्ञा से। आपका कल्याण हो।" रूप, माधुर्य और सुगन्ध से युक्त उस देवरूपिणी दाशकन्या को

श्लोक 51 (1.107.51)

समीक्ष्य राजा दाशेयीं कामयामास शान्तनुः । स गत्वा पितरं तस्या वरयामास तां तदा ॥

samīkṣya rājā dāśeyīṃ kāmayāmāsa śāntanuḥ | sa gatvā pitaraṃ tasyā varayāmāsa tāṃ tadā

देखकर राजा शान्तनु उसकी कामना करने लगे। उन्होंने उसके पिता के पास जाकर उसे माँगा,

श्लोक 52 (1.107.52)

पर्यपृच्छत्ततस्तस्याः पितरं सोऽत्मकारणात् । स च तं प्रत्युवाचेदं दाशराजो महीपतिम् ॥

paryapṛcchattatastasyāḥ pitaraṃ so'tmakāraṇāt | sa ca taṃ pratyuvācedaṃ dāśarājo mahīpatim

उसके पिता से अपने लिए उसका हाथ माँगा। तब दाशराज ने राजा को यह उत्तर दिया:

श्लोक 53 (1.107.53)

जातमात्रैव मे देया वराय वरवर्णिनी । हृदि कामस्तु मे कश्चित्तं निबोध जनेश्वर ॥

jātamātraiva me deyā varāya varavarṇinī | hṛdi kāmastu me kaścittaṃ nibodha janeśvara

यह सुन्दर कन्या जन्म से ही किसी वर को दी जाने के लिए है। परन्तु मेरे हृदय में एक कामना है; हे जनेश्वर, उसे सुनिए।

श्लोक 54 (1.107.54)

यदीमां धर्मपत्नीं त्वं मत्तः प्रार्थयसेऽनघ । सत्यवागसि सत्येन समयं कुरु मे ततः ॥

yadīmāṃ dharmapatnīṃ tvaṃ mattaḥ prārthayase'nagha | satyavāgasi satyena samayaṃ kuru me tataḥ

हे निष्पाप! यदि आप इसे मुझसे धर्मपत्नी के रूप में माँगते हैं, तो आप सत्यवादी हैं; सत्य को साक्षी मानकर मुझसे एक शर्त स्वीकार कीजिए।

श्लोक 55 (1.107.55)

समयेन प्रदद्यां ते कन्यामहमिमां नृप । न हि मे त्वत्समः कश्चिद्वरो जातु भविष्यति ॥

samayena pradadyāṃ te kanyāmahamimāṃ nṛpa | na hi me tvatsamaḥ kaścidvaro jātu bhaviṣyati

हे राजन्! उस शर्त पर मैं यह कन्या आपको दे दूँगा, क्योंकि आपके समान वर मुझे कभी नहीं मिलेगा।

श्लोक 56 (1.107.56)

श्रुत्वा तव वरं दाश व्यवस्येयमहं तव । दातव्यं चेत्प्रदास्यामि न त्वदेयं कथंचन ॥

śrutvā tava varaṃ dāśa vyavasyeyamahaṃ tava | dātavyaṃ cetpradāsyāmi na tvadeyaṃ kathaṃcana

हे दाश! तुम्हारी शर्त सुनकर मैं निर्णय करूँगा। यदि वह देने योग्य होगी तो दूँगा, पर जो देने योग्य नहीं, वह किसी प्रकार नहीं दूँगा।

श्लोक 57 (1.107.57)

अस्यां जायेत यः पुत्रः स राजा पृथिवीपते । त्वदूर्ध्वमभिषेक्तव्यो नान्यः कश्चन पार्थिव ॥

asyāṃ jāyeta yaḥ putraḥ sa rājā pṛthivīpate | tvadūrdhvamabhiṣektavyo nānyaḥ kaścana pārthiva

हे पृथ्वीपति! इससे जो पुत्र उत्पन्न हो, वही राजा हो। आपके बाद उसी का अभिषेक हो, किसी और का नहीं, हे पार्थिव!

श्लोक 58 (1.107.58)

नाकामयत तं दातुं वरं दाशाय शान्तनुः । शरीरजेन तीव्रेण दह्यमानोऽपि भारत ॥

nākāmayata taṃ dātuṃ varaṃ dāśāya śāntanuḥ | śarīrajena tīvreṇa dahyamāno'pi bhārata

हे भारत! तीव्र कामाग्नि से जलते हुए भी शान्तनु ने दाश को वह वर देना नहीं चाहा।

श्लोक 59 (1.107.59)

स चिन्तयन्नेव तदा दाशकन्यां महीपतिः । प्रत्ययाद्धास्तिनपुरं कामोपहतचेतनः ॥

sa cintayanneva tadā dāśakanyāṃ mahīpatiḥ | pratyayāddhāstinapuraṃ kāmopahatacetanaḥ

दाशकन्या का ही चिन्तन करते हुए, काम से व्याकुल चित्त वाले राजा हस्तिनापुर लौट आए।

श्लोक 60 (1.107.60)

ततः कदाचिच्छोचन्तं शान्तनुं ध्यानमास्थितम् । पुत्रो देवव्रतोऽभ्येत्य पितरं वाक्यमब्रवीत् ॥

tataḥ kadācicchocantaṃ śāntanuṃ dhyānamāsthitam | putro devavrato'bhyetya pitaraṃ vākyamabravīt

फिर एक दिन शोक में डूबे, चिन्तामग्न शान्तनु के पास उनके पुत्र देवव्रत आए और पिता से बोले:

श्लोक 61 (1.107.61)

सर्वतो भवतः क्षेमं विधेयाः सर्वपार्थिवाः । तत्किमर्थमिहाभीक्ष्णं परिशोचसि दुःखितः ॥

sarvato bhavataḥ kṣemaṃ vidheyāḥ sarvapārthivāḥ | tatkimarthamihābhīkṣṇaṃ pariśocasi duḥkhitaḥ

आपका सब ओर से कुशल है और सभी राजा आपके अधीन हैं। फिर आप यहाँ बार-बार दुखी होकर शोक क्यों करते हैं?

श्लोक 62 (1.107.62)

ध्यायन्निव च मां राजन्नाभिभाषसि किंचन । न चाश्वेन विनिर्यासि विवर्णो हरिणः कृशः ॥

dhyāyanniva ca māṃ rājannābhibhāṣasi kiṃcana | na cāśvena viniryāsi vivarṇo hariṇaḥ kṛśaḥ

हे राजन्! आप मानो किसी चिन्ता में डूबे रहते हैं और मुझसे कुछ भी नहीं बोलते। आप घोड़े पर बाहर भी नहीं निकलते; आपका रंग उड़ गया है, आप पीले और दुबले हो गए हैं।

श्लोक 63 (1.107.63)

व्याधिमिच्छामि ते ज्ञातुं प्रतिकुर्यां हि तत्र वै । स तं काममवाच्यं वै दाशकन्यां प्रतीदृशम् ॥

vyādhimicchāmi te jñātuṃ pratikuryāṃ hi tatra vai | sa taṃ kāmamavācyaṃ vai dāśakanyāṃ pratīdṛśam

"मैं आपका रोग जानना चाहता हूँ, ताकि उसका उपाय कर सकूँ।" दाशकन्या के प्रति वह कामना, जो कहने योग्य न थी,

श्लोक 64 (1.107.64)

विवर्तुं नाशकत्तस्मै पिता पुत्रस्य शान्तनुः । एवमुक्तः स पुत्रेण शान्तनुः प्रत्यभाषत ॥

vivartuṃ nāśakattasmai pitā putrasya śāntanuḥ | evamuktaḥ sa putreṇa śāntanuḥ pratyabhāṣata

पिता शान्तनु अपने पुत्र के सामने प्रकट न कर सके। पुत्र के ऐसा कहने पर शान्तनु ने उत्तर दिया:

श्लोक 65 (1.107.65)

असंशयं ध्यानपरो यथा वत्स तथा शृणु । अपत्यं नस्त्वमेवैकः कुले महति भारत ॥

asaṃśayaṃ dhyānaparo yathā vatsa tathā śṛṇu | apatyaṃ nastvamevaikaḥ kule mahati bhārata

निस्सन्देह मैं चिन्ता में डूबा हूँ; पुत्र, उसका कारण सुनो। हे भारत, इस महान कुल में तुम ही हमारी एकमात्र सन्तान हो,

श्लोक 66 (1.107.66)

शस्त्रनित्यश्च सततं पौरुषे पर्यवस्थितः । अनित्यतां च लोकानामनुशोचामि पुत्रक ॥

śastranityaśca satataṃ pauruṣe paryavasthitaḥ | anityatāṃ ca lokānāmanuśocāmi putraka

सदा शस्त्र धारण किए रहते हो और निरन्तर पराक्रम में लगे रहते हो। और पुत्र, मैं लोकों की अनित्यता पर शोक करता हूँ।

श्लोक 67 (1.107.67)

कथंचित्तव गाङ्गेय विपत्तौ नास्ति नः कुलम् । असंशयं त्वमेवैकः शतादपि वरः सुतः ॥

kathaṃcittava gāṅgeya vipattau nāsti naḥ kulam | asaṃśayaṃ tvamevaikaḥ śatādapi varaḥ sutaḥ

हे गांगेय! यदि किसी प्रकार तुम पर विपत्ति आ जाए तो हमारा कुल नहीं रहेगा। निस्सन्देह तुम अकेले ही सौ पुत्रों से श्रेष्ठ हो।

श्लोक 68 (1.107.68)

न चाप्यहं वृथा भूयो दारान्कर्तुमिहोत्सहे । संतानस्याविनाशाय कामये भद्रमस्तु ते ॥

na cāpyahaṃ vṛthā bhūyo dārānkartumihotsahe | saṃtānasyāvināśāya kāmaye bhadramastu te

मैं व्यर्थ ही फिर से विवाह करना नहीं चाहता। वंश नष्ट न हो, केवल इसी के लिए मैं यह चाहता हूँ; तुम्हारा कल्याण हो।

श्लोक 69 (1.107.69)

अनपत्यतैकपुत्रत्वमित्याहुर्धर्मवादिनः । चक्षुरेकं च पुत्रश्च अस्ति नास्ति च भारत । चक्षुर्नाशे तनोर्नाशः पुत्रनाशे कुलक्षयः ॥

anapatyataikaputratvamityāhurdharmavādinaḥ | cakṣurekaṃ ca putraśca asti nāsti ca bhārata | cakṣurnāśe tanornāśaḥ putranāśe kulakṣayaḥ

धर्म के ज्ञाता कहते हैं कि एक ही पुत्र होना निस्सन्तान होने के समान है। हे भारत, एक आँख और एक पुत्र होकर भी न होने के बराबर हैं: आँख नष्ट होने पर शरीर नष्ट-सा हो जाता है, और पुत्र नष्ट होने पर कुल का क्षय हो जाता है।

श्लोक 70 (1.107.70)

अग्निहोत्रं त्रयी विद्या यज्ञाश्च सहदक्षिणाः । सर्वाण्येतान्यपत्यस्य कलां नार्हन्ति षोडशीम् ॥

agnihotraṃ trayī vidyā yajñāśca sahadakṣiṇāḥ | sarvāṇyetānyapatyasya kalāṃ nārhanti ṣoḍaśīm

अग्निहोत्र, तीनों वेदों की विद्या और दक्षिणा सहित यज्ञ, ये सब मिलकर भी सन्तान के सोलहवें अंश के बराबर नहीं हैं।

श्लोक 71 (1.107.71)

एवमेतन्मनुष्येषु तच्च सर्वं प्रजास्विति । यदपत्यं महाप्राज्ञ तत्र मे नास्ति संशयः ॥

evametanmanuṣyeṣu tacca sarvaṃ prajāsviti | yadapatyaṃ mahāprājña tatra me nāsti saṃśayaḥ

मनुष्यों में ऐसा ही है और समस्त प्रजाओं में भी। हे महाप्राज्ञ, सन्तान का जो महत्त्व है, उसमें मुझे कोई सन्देह नहीं।

श्लोक 72 (1.107.72)

अपत्येनानृणो लोके पितॄणां नास्ति संशयः । एषा त्रयी पुराणानां देवतानां च शाश्वती ॥

apatyenānṛṇo loke pitṝṇāṃ nāsti saṃśayaḥ | eṣā trayī purāṇānāṃ devatānāṃ ca śāśvatī

सन्तान से ही मनुष्य इस लोक में पितरों के ऋण से मुक्त होता है, इसमें सन्देह नहीं। प्राचीनों और देवताओं की यह सनातन त्रयी है:

श्लोक 73 (1.107.73)

अपत्यं कर्म विद्या च त्रीणि ज्योतींषि भारत ॥

apatyaṃ karma vidyā ca trīṇi jyotīṃṣi bhārata

हे भारत! सन्तान, कर्म और विद्या, ये तीन ज्योतियाँ हैं।

श्लोक 74 (1.107.74)

त्वं च शूरः सदाऽमर्षी शस्त्रनित्यश्च भारत । नान्यत्र युद्धात्तस्मात्ते निधनं विद्यते क्वचित् ॥

tvaṃ ca śūraḥ sadā'marṣī śastranityaśca bhārata | nānyatra yuddhāttasmātte nidhanaṃ vidyate kvacit

हे भारत! तुम शूरवीर हो, अन्याय को कभी न सहने वाले हो और नित्य शस्त्र धारण करते हो; इसलिए युद्ध के सिवा कहीं और तुम्हारी मृत्यु नहीं है।

श्लोक 75 (1.107.75)

सोऽस्मि संशयमापन्नस्त्वयि शान्ते कथं भवेत् । इति ते कारणं तात दुःखस्योक्तमशेषतः ॥

so'smi saṃśayamāpannastvayi śānte kathaṃ bhavet | iti te kāraṇaṃ tāta duḥkhasyoktamaśeṣataḥ

इसीलिए मैं संशय में पड़ा हूँ कि यदि तुम न रहे तो क्या होगा। पुत्र, यही मेरे दुख का पूरा कारण है, जो मैंने तुम्हें बता दिया।

श्लोक 76 (1.107.76)

ततस्तत्कारणं राज्ञो ज्ञात्वा सर्वमशेषतः । देवव्रतो महाबुद्धिः प्रज्ञया चान्वचिन्तयत् ॥

tatastatkāraṇaṃ rājño jñātvā sarvamaśeṣataḥ | devavrato mahābuddhiḥ prajñayā cānvacintayat

तब राजा के दुख का सारा कारण जानकर महाबुद्धिमान देवव्रत ने अपनी प्रज्ञा से उस पर विचार किया।

श्लोक 77 (1.107.77)

अपत्यफलसंयुक्तमेतच्छ्रुत्वा पितुर्वचः । सूतं भूयोऽपि संतप्त आह्वयामास वै पितुः ॥

apatyaphalasaṃyuktametacchrutvā piturvacaḥ | sūtaṃ bhūyo'pi saṃtapta āhvayāmāsa vai pituḥ

सन्तान के फल से जुड़े पिता के ये वचन सुनकर वे फिर व्यथित हुए और उन्होंने पिता के सारथी को बुलवाया।

श्लोक 78 (1.107.78)

सूतस्तु कुरुमुख्यस्य उपयातस्तदाज्ञया । तमुवाच महाप्राज्ञो भीष्मो वै सारथिं पितुः ॥

sūtastu kurumukhyasya upayātastadājñayā | tamuvāca mahāprājño bhīṣmo vai sārathiṃ pituḥ

कुरुश्रेष्ठ के बुलाने पर सारथी आया, और महाप्राज्ञ भीष्म ने पिता के उस सारथी से कहा:

श्लोक 79 (1.107.79)

त्वं सारथे पितुर्मह्यं सखासि रथधूर्गतः । अपि जानासि यदि वै कस्यां भावो नृपस्य तु ॥

tvaṃ sārathe piturmahyaṃ sakhāsi rathadhūrgataḥ | api jānāsi yadi vai kasyāṃ bhāvo nṛpasya tu

हे सारथी! तुम मेरे पिता के सखा हो और उनके रथ की धुरी सँभालते हो। क्या तुम जानते हो कि राजा का मन किस पर लगा है?

श्लोक 80 (1.107.80)

तदाचक्ष्व भवान्पृष्टः करिष्ये न तदन्यथा । दाशकन्या कुरुश्रेष्ठ तत्र भावः पितुर्गतः ॥

tadācakṣva bhavānpṛṣṭaḥ kariṣye na tadanyathā | dāśakanyā kuruśreṣṭha tatra bhāvaḥ piturgataḥ

"मेरे पूछने पर मुझे बताओ; मैं उसी के अनुसार करूँगा, अन्यथा नहीं।" सारथी ने कहा, "हे कुरुश्रेष्ठ, आपके पिता का मन दाश की कन्या पर लगा है।"

श्लोक 81 (1.107.81)

वृतः स नरदेवेन तदा वचनमब्रवीत् । योऽस्यां पुमान्भवेज्जातः स राजा त्वदनन्तरम् ॥

vṛtaḥ sa naradevena tadā vacanamabravīt | yo'syāṃ pumānbhavejjātaḥ sa rājā tvadanantaram

जब नरदेव ने उसे माँगा, तब उसके पिता ने कहा, 'इससे जो पुत्र उत्पन्न हो, वही आपके बाद राजा हो।'

श्लोक 82 (1.107.82)

नाकामयत तं दातुं पिता तव वरं तदा । स चापि निश्चयस्तस्य न च दद्यां ततोऽन्यथा ॥

nākāmayata taṃ dātuṃ pitā tava varaṃ tadā | sa cāpi niścayastasya na ca dadyāṃ tato'nyathā

उस समय आपके पिता ने उसे वह वर देना नहीं चाहा। और उसका भी यही निश्चय है, 'मैं इसके बिना कन्या नहीं दूँगा।'

श्लोक 83 (1.107.83)

एतत्ते कथितं वीर कुरुष्व यदनन्तरम् । ततः स पितुराज्ञाय मतं सम्यगवेक्ष्य च । ज्ञात्वा च मानसं पुत्रः प्रययौ यमुनां प्रति ॥

etatte kathitaṃ vīra kuruṣva yadanantaram | tataḥ sa piturājñāya mataṃ samyagavekṣya ca | jñātvā ca mānasaṃ putraḥ prayayau yamunāṃ prati

"हे वीर, यह मैंने आपको बता दिया; अब आगे जो करना हो, कीजिए।" तब पुत्र ने पिता का अभिप्राय समझकर, उस पर भली-भाँति विचार करके और उनके मन की बात जानकर यमुना की ओर प्रस्थान किया।

श्लोक 84 (1.107.84)

क्षत्रियैः सह धर्मात्मा पुराणैर्धर्मचारिभिः । उच्चैश्श्रवसमागम्य कन्यां वव्रे पितुः स्वयम् ॥

kṣatriyaiḥ saha dharmātmā purāṇairdharmacāribhiḥ | uccaiśśravasamāgamya kanyāṃ vavre pituḥ svayam

धर्मात्मा देवव्रत धर्म का आचरण करने वाले वृद्ध क्षत्रियों के साथ दाशराज उच्चैःश्रवा के पास गए और स्वयं अपने पिता के लिए कन्या माँगी।

श्लोक 85 (1.107.85)

तं दाशः प्रतिजग्राह विधिवत्प्रतिपूज्य च । अब्रवीच्चैनमासीनं राजसंसदि भारत ॥

taṃ dāśaḥ pratijagrāha vidhivatpratipūjya ca | abravīccainamāsīnaṃ rājasaṃsadi bhārata

हे भारत! दाश ने विधिपूर्वक उनका सत्कार करके उन्हें ग्रहण किया और राजसभा में बैठे हुए उनसे कहा:

श्लोक 86 (1.107.86)

राज्यशुल्का प्रदातव्या कन्येयं याचतां वर । अपत्यं यद्भवेदस्याः स राजाऽस्तु पितुः परम् ॥

rājyaśulkā pradātavyā kanyeyaṃ yācatāṃ vara | apatyaṃ yadbhavedasyāḥ sa rājā'stu pituḥ param

हे याचकों में श्रेष्ठ! यह कन्या राज्य को शुल्क मानकर ही दी जाएगी: इससे जो सन्तान हो, वही पिता के बाद राजा बने।

श्लोक 87 (1.107.87)

त्वमेवात्र महाबाहो शान्तनोर्वंशवर्धनः । पुत्रः शस्त्रभृतां श्रेष्ठः किं नु वक्ष्यामि ते वचः ॥

tvamevātra mahābāho śāntanorvaṃśavardhanaḥ | putraḥ śastrabhṛtāṃ śreṣṭhaḥ kiṃ nu vakṣyāmi te vacaḥ

हे महाबाहु! शान्तनु के वंश को बढ़ाने वाले आप ही हैं, उनके पुत्र और शस्त्रधारियों में श्रेष्ठ। मैं आपसे क्या कहूँ?

श्लोक 88 (1.107.88)

कुमारिकायाः शुल्कार्थं किंचिद्वक्ष्यामि भारत । को हि संबन्धकं श्लाघ्यमीप्सितं यौनमीदृशम् । अतिक्रामन्न तप्येत साक्षादपि शतक्रतुः ॥

kumārikāyāḥ śulkārthaṃ kiṃcidvakṣyāmi bhārata | ko hi saṃbandhakaṃ ślāghyamīpsitaṃ yaunamīdṛśam | atikrāmanna tapyeta sākṣādapi śatakratuḥ

फिर भी, हे भारत, कन्या के शुल्क के विषय में मैं कुछ कहूँगा। ऐसे प्रशंसनीय और मनचाहे वैवाहिक सम्बन्ध को ठुकराकर कौन नहीं पछताएगा, स्वयं शतक्रतु इन्द्र भी?

श्लोक 89 (1.107.89)

अपत्यं चैतदार्यस्य यो युष्माकं समो गुणैः । यस्य शुक्रात्सत्यवती संभूता वरवर्णिनी ॥

apatyaṃ caitadāryasya yo yuṣmākaṃ samo guṇaiḥ | yasya śukrātsatyavatī saṃbhūtā varavarṇinī

यह कन्या एक ऐसे आर्य पुरुष की सन्तान है जो गुणों में आप लोगों के समान हैं, जिनके वीर्य से सुन्दर वर्ण वाली सत्यवती उत्पन्न हुई।

श्लोक 90 (1.107.90)

तेन मे बहुशस्तात पिता ते परिकीर्तितः । अर्हः सत्यवतीं वोढुं धर्मज्ञः स नराधिपः ॥

tena me bahuśastāta pitā te parikīrtitaḥ | arhaḥ satyavatīṃ voḍhuṃ dharmajñaḥ sa narādhipaḥ

हे तात! उन्होंने मुझसे अनेक बार आपके पिता की चर्चा की है कि वे धर्मज्ञ नरेश सत्यवती से विवाह करने के योग्य हैं।

श्लोक 91 (1.107.91)

इयं सत्यवती देवी पितरं तेऽब्रवीत्तथा । अर्थितश्चापि राजर्षिः प्रत्याख्यातः पुरा मया ॥

iyaṃ satyavatī devī pitaraṃ te'bravīttathā | arthitaścāpi rājarṣiḥ pratyākhyātaḥ purā mayā

इस देवी सत्यवती ने भी आपके पिता के विषय में ऐसा ही कहा है। एक राजर्षि ने भी इसे माँगा था, पर मैंने पहले उन्हें लौटा दिया।

श्लोक 92 (1.107.92)

कन्यापितृत्वात्किंचित्तु वक्ष्यामि त्वां नराधिप । बलवत्सपत्नतामत्र दोषं पश्यामि केवलम् ॥

kanyāpitṛtvātkiṃcittu vakṣyāmi tvāṃ narādhipa | balavatsapatnatāmatra doṣaṃ paśyāmi kevalam

हे नराधिप! कन्या का पिता होने के नाते मैं आपसे कुछ कहूँगा। इसमें मुझे केवल एक दोष दिखता है: एक बलवान प्रतिद्वन्द्वी।

श्लोक 93 (1.107.93)

भूयांसं त्वयि पश्यामि तद्दोषमपराजित । यस्य हि त्वं सपत्नः स्या गन्धर्वस्यासुरस्य वा ॥

bhūyāṃsaṃ tvayi paśyāmi taddoṣamaparājita | yasya hi tvaṃ sapatnaḥ syā gandharvasyāsurasya vā

हे अपराजित! वह दोष मुझे आपमें सबसे अधिक दिखाई देता है। क्योंकि जिसके आप प्रतिद्वन्द्वी हों, चाहे वह गन्धर्व हो या असुर,

श्लोक 94 (1.107.94)

न स जातु चिरं जीवेत्त्वयि क्रुद्धे परन्तप । एतावानत्र दोषो हि नान्यः कश्चन पार्थिव ॥

na sa jātu ciraṃ jīvettvayi kruddhe parantapa | etāvānatra doṣo hi nānyaḥ kaścana pārthiva

हे परन्तप, आपके क्रुद्ध होने पर वह कभी अधिक समय तक जीवित नहीं रह सकता। हे पार्थिव, यही एक दोष है, और कोई नहीं।

श्लोक 95 (1.107.95)

एतज्जानीहि भद्रं ते दानादाने परन्तप ॥

etajjānīhi bhadraṃ te dānādāne parantapa

हे परन्तप! देने और लेने के इस विषय में यह जान लीजिए; आपका कल्याण हो।

श्लोक 96 (1.107.96)

एवमुक्तस्तु गाङ्गेयस्तद्युक्तं प्रत्यभाषत । शृण्वतां भूमिपालानां पितुरर्थाय भारत ॥

evamuktastu gāṅgeyastadyuktaṃ pratyabhāṣata | śṛṇvatāṃ bhūmipālānāṃ piturarthāya bhārata

हे भारत! ऐसा कहे जाने पर गांगेय ने राजाओं के सुनते हुए पिता के हित के लिए उचित उत्तर दिया:

श्लोक 97 (1.107.97)

इदं वचनमाधत्स्व नास्ति वक्तास्य मत्समः । अन्यो जातो न जनिता न च कश्चन संप्रति ॥

idaṃ vacanamādhatsva nāsti vaktāsya matsamaḥ | anyo jāto na janitā na ca kaścana saṃprati

मेरे इस वचन को हृदय में धारण कीजिए। इसे कहने वाला मेरे समान कोई नहीं; न कोई जन्मा है, न जन्मेगा, और न इस समय कोई है।

श्लोक 98 (1.107.98)

एवमेतत्करिष्यामि यथा त्वमनुभाषसे । योऽस्यां जनिष्यते पुत्रः स नो राजा भविष्यति ॥

evametatkariṣyāmi yathā tvamanubhāṣase | yo'syāṃ janiṣyate putraḥ sa no rājā bhaviṣyati

आप जैसा कहते हैं, मैं वैसा ही करूँगा। इससे जो पुत्र उत्पन्न होगा, वही हमारा राजा होगा।

श्लोक 99 (1.107.99)

इत्युक्तः पुनरेव स्म तं दाशः प्रत्यभाषत । चिकीर्षुर्दुष्करं कर्म राज्यार्थे भरतर्षभ ॥

ityuktaḥ punareva sma taṃ dāśaḥ pratyabhāṣata | cikīrṣurduṣkaraṃ karma rājyārthe bharatarṣabha

ऐसा उत्तर पाकर, राज्य के लिए एक दुष्कर बात सिद्ध करना चाहते हुए दाश ने फिर उनसे कहा, हे भरतश्रेष्ठ:

श्लोक 100 (1.107.100)

त्वमेव नाथः संप्राप्तः शान्तनोरमितद्युते । कन्यायाश्चैव धर्मात्मन्प्रभुर्दानाय चेश्वरः ॥

tvameva nāthaḥ saṃprāptaḥ śāntanoramitadyute | kanyāyāścaiva dharmātmanprabhurdānāya ceśvaraḥ

हे अमित तेजस्वी! आप ही शान्तनु के रक्षक बनकर यहाँ आए हैं, और हे धर्मात्मा, इस कन्या के दान के भी आप ही स्वामी और समर्थ हैं।

श्लोक 101 (1.107.101)

इदं तु वचनं सौम्य कार्यं चैव निबोध मे । कौमारिकाणां शीलेन वक्ष्याम्यहमरिन्दम ॥

idaṃ tu vacanaṃ saumya kāryaṃ caiva nibodha me | kaumārikāṇāṃ śīlena vakṣyāmyahamarindama

हे सौम्य! पर मेरी यह बात और जो करना शेष है, वह सुनिए। हे अरिन्दम, कन्या के पिता की रीति से मैं कहूँगा।

श्लोक 102 (1.107.102)

यत्त्वया सत्यवत्यर्थे सत्यधर्मपरायण । राजमध्ये प्रतिज्ञातमनुरूपं तवैव तत् ॥

yattvayā satyavatyarthe satyadharmaparāyaṇa | rājamadhye pratijñātamanurūpaṃ tavaiva tat

हे सत्य और धर्म में तत्पर! सत्यवती के लिए आपने राजाओं के बीच जो प्रतिज्ञा की है, वह आपके ही योग्य है।

श्लोक 103 (1.107.103)

नान्यथा तन्महाबाहो संशयोऽत्र न कश्चन । तवापत्यं भवेद्यत्तु तत्र नः संशयो महान् ॥

nānyathā tanmahābāho saṃśayo'tra na kaścana | tavāpatyaṃ bhavedyattu tatra naḥ saṃśayo mahān

हे महाबाहु, वह अन्यथा नहीं होगी, इसमें मुझे कोई संशय नहीं। परन्तु आपकी जो सन्तान होगी, उसके विषय में मुझे बड़ा संशय है।

श्लोक 104 (1.107.104)

तस्यैतन्मतमाज्ञाय सत्यधर्मपरायणः । प्रत्यजानात्तदा राजन्पितुः प्रियचिकीर्षया ॥

tasyaitanmatamājñāya satyadharmaparāyaṇaḥ | pratyajānāttadā rājanpituḥ priyacikīrṣayā

हे राजन्! उसका अभिप्राय समझकर सत्य और धर्म में तत्पर देवव्रत ने पिता का प्रिय करने की इच्छा से तब प्रतिज्ञा की।

श्लोक 105 (1.107.105)

उच्चैश्श्रवः समाधत्स्व प्रतिज्ञां जनसंसदि । ऋषयो वाथ वा देवा भूतान्यन्तर्हितानि च ॥

uccaiśśravaḥ samādhatsva pratijñāṃ janasaṃsadi | ṛṣayo vātha vā devā bhūtānyantarhitāni ca

हे उच्चैःश्रवा! जनसभा में की गई मेरी इस प्रतिज्ञा को ध्यान में रखिए। ऋषि हों या देवता, और अदृश्य प्राणी,

श्लोक 106 (1.107.106)

यानि यानीह शृण्वन्तु नास्ति वक्तास्य मत्समः । दाशराज निबोधेदं वचनं मे नृपोत्तम ॥

yāni yānīha śṛṇvantu nāsti vaktāsya matsamaḥ | dāśarāja nibodhedaṃ vacanaṃ me nṛpottama

जो कोई भी यहाँ हों, सब सुनें; इसे कहने वाला मेरे समान कोई नहीं। हे दाशराज, हे नृपश्रेष्ठ, मेरा यह वचन सुनिए,

श्लोक 107 (1.107.107)

शृण्वतां भूमिपालानां यद्ब्रवीमि पितुः कृते । राज्यं तावत्पूर्वमेव मया त्यक्तं नराधिपाः ॥

śṛṇvatāṃ bhūmipālānāṃ yadbravīmi pituḥ kṛte | rājyaṃ tāvatpūrvameva mayā tyaktaṃ narādhipāḥ

जो मैं राजाओं के सुनते हुए पिता के लिए कह रहा हूँ। हे नरेशो, राज्य का त्याग तो मैं पहले ही कर चुका हूँ।

श्लोक 108 (1.107.108)

अपत्यहेतोरपि च करिष्येऽद्य विनिश्चयम् । अद्यप्रभृति मे दाश ब्रह्मचर्यं भविष्यति ॥

apatyahetorapi ca kariṣye'dya viniścayam | adyaprabhṛti me dāśa brahmacaryaṃ bhaviṣyati

अब सन्तान के विषय में भी आज मैं दृढ़ निश्चय करता हूँ: हे दाश, आज से मैं ब्रह्मचर्य का पालन करूँगा।

श्लोक 109 (1.107.109)

अपुत्रस्यापि मे लोका भविष्यन्त्यक्षया दिवि । न हि जन्मप्रभृत्युक्तं मया किंचिदिहानृतम् ॥

aputrasyāpi me lokā bhaviṣyantyakṣayā divi | na hi janmaprabhṛtyuktaṃ mayā kiṃcidihānṛtam

पुत्रहीन होने पर भी स्वर्ग में मुझे अक्षय लोक प्राप्त होंगे। जन्म से लेकर आज तक मैंने यहाँ कभी कोई असत्य नहीं कहा।

श्लोक 110 (1.107.110)

यावत्प्राणा ध्रियन्ते वै मम देहं समाश्रिताः । तावन्न जनयिष्यामि पित्रे कन्यां प्रयच्छ मे ॥

yāvatprāṇā dhriyante vai mama dehaṃ samāśritāḥ | tāvanna janayiṣyāmi pitre kanyāṃ prayaccha me

जब तक मेरे शरीर में प्राण टिके हैं, तब तक मैं सन्तान उत्पन्न नहीं करूँगा। मेरे पिता के लिए कन्या दे दीजिए।

श्लोक 111 (1.107.111)

परित्यजाम्यहं राज्यं मैथुनं चापि सर्वशः । ऊर्ध्वरेता भविष्यामि दाश सत्यं ब्रवीमि ते ॥

parityajāmyahaṃ rājyaṃ maithunaṃ cāpi sarvaśaḥ | ūrdhvaretā bhaviṣyāmi dāśa satyaṃ bravīmi te

मैं राज्य का और सब प्रकार के मैथुन का पूर्ण त्याग करता हूँ। मैं ऊर्ध्वरेता (आजीवन ब्रह्मचारी) रहूँगा; हे दाश, मैं आपसे सत्य कहता हूँ।

श्लोक 112 (1.107.112)

तस्य तद्वचनं श्रुत्वा संप्रहृष्टतनूरुहः । ददानीत्येव तं दाशो धर्मात्मा प्रत्यभाषत ॥

tasya tadvacanaṃ śrutvā saṃprahṛṣṭatanūruhaḥ | dadānītyeva taṃ dāśo dharmātmā pratyabhāṣata

उनके वे वचन सुनकर धर्मात्मा दाश के रोंगटे हर्ष से खड़े हो गए और उसने कहा, "मैं कन्या देता हूँ।"

श्लोक 113 (1.107.113)

ततोऽन्तरिक्षेऽप्सरसो देवाः सर्षिगणास्तदा । तद्दृष्ट्वा दुष्करं कर्म प्रशशंसुश्च पार्थिवाः ॥

tato'ntarikṣe'psaraso devāḥ sarṣigaṇāstadā | taddṛṣṭvā duṣkaraṃ karma praśaśaṃsuśca pārthivāḥ

तब आकाश में अप्सराओं, देवताओं और ऋषिगणों ने, और राजाओं ने भी, वह दुष्कर कर्म देखकर उसकी प्रशंसा की।

श्लोक 114 (1.107.114)

अभ्यवर्षन्त कुसुमैर्भीष्मोऽयमिति चाब्रुवन् । ततः स पितुरर्थाय तामुवाच यशस्विनीम् ॥

abhyavarṣanta kusumairbhīṣmo'yamiti cābruvan | tataḥ sa piturarthāya tāmuvāca yaśasvinīm

उन्होंने फूलों की वर्षा की और कहा, "यह भीष्म है!" तब पिता के लिए उन्होंने उस यशस्विनी कन्या से कहा:

श्लोक 115 (1.107.115)

अधिरोह रथं मातर्गच्छावः स्वगृहानिति । एवमुक्त्वा तु भीष्मस्तां रथमारोप्य भामिनीम् ॥

adhiroha rathaṃ mātargacchāvaḥ svagṛhāniti | evamuktvā tu bhīṣmastāṃ rathamāropya bhāminīm

"माता, रथ पर चढ़िए; हम अपने घर चलें।" ऐसा कहकर भीष्म ने उस सुन्दरी को रथ पर बैठाया,

श्लोक 116 (1.107.116)

आगम्य हास्तिनपुरं शान्तनोः संन्यवेदयत् । तस्य तद्दुष्करं कर्म प्रशशंसुर्नराधिपाः ॥

āgamya hāstinapuraṃ śāntanoḥ saṃnyavedayat | tasya tadduṣkaraṃ karma praśaśaṃsurnarādhipāḥ

और हस्तिनापुर पहुँचकर शान्तनु को सब बता दिया। राजाओं ने उनके उस दुष्कर कर्म की प्रशंसा की,

श्लोक 117 (1.107.117)

समेताश्च पृथक्चैव भीष्मोऽयमिति चाब्रुवन् । तच्छ्रुत्वा दुष्करं कर्म कृतं भीष्मेण शान्तनुः ॥

sametāśca pṛthakcaiva bhīṣmo'yamiti cābruvan | tacchrutvā duṣkaraṃ karma kṛtaṃ bhīṣmeṇa śāntanuḥ

मिलकर भी और अलग-अलग भी वे कहने लगे, "यह भीष्म है!" भीष्म के किए उस दुष्कर कर्म को सुनकर राजा शान्तनु

श्लोक 118 (1.107.118)

बभूव दुःखितो राजा चिररात्राय भारत । स तेन कर्मणा सूनोः प्रीतस्तस्मै वरं ददौ ॥

babhūva duḥkhito rājā cirarātrāya bhārata | sa tena karmaṇā sūnoḥ prītastasmai varaṃ dadau

बहुत समय तक दुखी रहे, हे भारत! फिर पुत्र के उस कर्म से प्रसन्न होकर उन्होंने उसे एक वर दिया।

श्लोक 119 (1.107.119)

स्वच्छन्दमरणं तुष्टो ददौ तस्मै महात्मने । न ते मृत्युः प्रभविता यावज्जीवितुमिच्छसि ॥

svacchandamaraṇaṃ tuṣṭo dadau tasmai mahātmane | na te mṛtyuḥ prabhavitā yāvajjīvitumicchasi

प्रसन्न होकर उन्होंने उस महात्मा को इच्छामृत्यु का वर दिया: "जब तक तुम जीना चाहोगे, तब तक मृत्यु तुम पर अधिकार नहीं कर सकेगी।

श्लोक 120 (1.107.120)

त्वत्तो ह्यनुज्ञां संप्राप्य मृत्युः प्रभविताऽनघ ॥

tvatto hyanujñāṃ saṃprāpya mṛtyuḥ prabhavitā'nagha

हे निष्पाप! तुम्हारी अनुमति पाकर ही मृत्यु तुम पर प्रभाव डाल सकेगी।"