शान्तनु के पुत्र और चित्राङ्गद का वध

श्लोक 1 (1.108.1)

चेदिराजसुतां ज्ञात्वा दाशराजेन वर्धिताम् । विवाहं कारयामास शास्त्रदृष्टेन कर्मणा ॥

cedirājasutāṃ jñātvā dāśarājena vardhitām | vivāhaṃ kārayāmāsa śāstradṛṣṭena karmaṇā

उसे चेदिराज की पुत्री जानकर, जिसे दाशराज ने पाला था, शान्तनु ने शास्त्रोक्त विधि से विवाह सम्पन्न कराया।

श्लोक 2 (1.108.2)

ततो विवाहे निर्वृत्ते स राजा शान्तनुर्नृपः । तां कन्यां रूपसंपन्नां स्वगृहे संन्यवेशयत् ॥

tato vivāhe nirvṛtte sa rājā śāntanurnṛpaḥ | tāṃ kanyāṃ rūpasaṃpannāṃ svagṛhe saṃnyaveśayat

विवाह सम्पन्न होने पर राजा शान्तनु ने उस रूपवती कन्या को अपने भवन में बसाया।

श्लोक 3 (1.108.3)

ततः शान्तनवो धीमान्सत्यवत्यामजायत । वीरश्चित्राङ्गदो नाम वीर्यवान्पुरुषेश्वरः ॥

tataḥ śāntanavo dhīmānsatyavatyāmajāyata | vīraścitrāṅgado nāma vīryavānpuruṣeśvaraḥ

तब सत्यवती के गर्भ से शान्तनु का एक बुद्धिमान पुत्र उत्पन्न हुआ: चित्राङ्गद नाम का वीर, पराक्रमी और नरश्रेष्ठ।

श्लोक 4 (1.108.4)

अथापरं महेष्वासं सत्यवत्यां सुतं प्रभुः । विचित्रवीर्यं राजानं जनयामास वीर्यवान् ॥

athāparaṃ maheṣvāsaṃ satyavatyāṃ sutaṃ prabhuḥ | vicitravīryaṃ rājānaṃ janayāmāsa vīryavān

फिर उस पराक्रमी प्रभु ने सत्यवती से एक और पुत्र उत्पन्न किया, महान धनुर्धर राजा विचित्रवीर्य।

श्लोक 5 (1.108.5)

अप्राप्तवति तस्मिंस्तु यौवनं पुरुषर्षभे । स राजा शान्तनुर्धीमान्कालधर्ममुपेयिवान् ॥

aprāptavati tasmiṃstu yauvanaṃ puruṣarṣabhe | sa rājā śāntanurdhīmānkāladharmamupeyivān

उस पुरुषश्रेष्ठ के युवा होने से पहले ही बुद्धिमान राजा शान्तनु कालधर्म को प्राप्त हो गए।

श्लोक 6 (1.108.6)

स्वर्गते शान्तनौ भीष्मश्चित्राङ्गदमरिन्दमम् । स्थापयामास वै राज्ये सत्यवत्या मते स्थितः ॥

svargate śāntanau bhīṣmaścitrāṅgadamarindamam | sthāpayāmāsa vai rājye satyavatyā mate sthitaḥ

शान्तनु के स्वर्ग सिधारने पर सत्यवती की इच्छा के अनुसार चलते हुए भीष्म ने शत्रुदमन चित्राङ्गद को राज्य पर स्थापित किया।

श्लोक 7 (1.108.7)

स तु चित्राङ्गदः शौर्यात्सर्वांश्चिक्षेप पार्थिवान् । मनुष्यं न हि मेने स कंचित्सदृशमात्मनः ॥

sa tu citrāṅgadaḥ śauryātsarvāṃścikṣepa pārthivān | manuṣyaṃ na hi mene sa kaṃcitsadṛśamātmanaḥ

अपने शौर्य के कारण चित्राङ्गद ने सभी राजाओं का तिरस्कार किया; वह किसी भी मनुष्य को अपने समान नहीं मानता था।

श्लोक 8 (1.108.8)

तं क्षिपन्तं सुरांश्चैव मनुष्यानसुरांस्तथा । गन्धर्वराजो बलवांस्तुल्यनामाऽभ्ययात्तदा ॥

taṃ kṣipantaṃ surāṃścaiva manuṣyānasurāṃstathā | gandharvarājo balavāṃstulyanāmā'bhyayāttadā

जब वह देवताओं, मनुष्यों और असुरों का भी तिरस्कार करने लगा, तब उसी नाम वाला एक बलवान गन्धर्वराज उसके सामने आया।

श्लोक 9 (1.108.9)

त्वं वै सदृशनामासि युद्धं देहि नृपात्मज । नाम वाऽन्यत्प्रगृह्णीष्व यदि युद्धं न दास्यसि ॥

tvaṃ vai sadṛśanāmāsi yuddhaṃ dehi nṛpātmaja | nāma vā'nyatpragṛhṇīṣva yadi yuddhaṃ na dāsyasi

हे राजकुमार! तुम्हारा नाम मेरे नाम जैसा है; मुझसे युद्ध करो। यदि युद्ध नहीं करोगे तो कोई दूसरा नाम रख लो।

श्लोक 10 (1.108.10)

त्वयाहं युद्धमिच्छामि त्वत्सकाशं तु नामतः । आगतोऽस्मि वृथाऽऽभाष्य न गच्छेन्नाम ते मम ॥

tvayāhaṃ yuddhamicchāmi tvatsakāśaṃ tu nāmataḥ | āgato'smi vṛthā''bhāṣya na gacchennāma te mama

मैं तुमसे युद्ध करना चाहता हूँ; नाम के कारण ही तुम्हारे पास आया हूँ, और मेरी बात व्यर्थ नहीं जाएगी। मेरा नाम तुम्हारे पास नहीं रहेगा।

श्लोक 11 (1.108.11)

इत्युक्त्वा गर्जमानौ तौ हिरण्वत्यास्तटं गतौ । तेनास्य सुमहद्युद्धं कुरुक्षेत्रे बभूव ह ॥

ityuktvā garjamānau tau hiraṇvatyāstaṭaṃ gatau | tenāsya sumahadyuddhaṃ kurukṣetre babhūva ha

यह कहने के बाद वे दोनों गरजते हुए हिरण्वती नदी के तट पर पहुँचे, और कुरुक्षेत्र में उनके बीच बड़ा भारी युद्ध हुआ।

श्लोक 12 (1.108.12)

तयोर्बलवतोस्तत्र गन्धर्वकुरुमुख्ययोः । नद्यास्तीरे हिरण्वत्याः समास्तिस्रोऽभवद्रणः ॥

tayorbalavatostatra gandharvakurumukhyayoḥ | nadyāstīre hiraṇvatyāḥ samāstisro'bhavadraṇaḥ

हिरण्वती नदी के तट पर उन दोनों बलवानों, गन्धर्व और कुरुश्रेष्ठ, के बीच तीन वर्ष तक युद्ध चलता रहा।

श्लोक 13 (1.108.13)

तस्मिन्विमर्दे तुमुले शस्त्रवर्षसमाकुले । मायाधिकोऽवधीद्वीरं गन्धर्वः कुरुसत्तमम् ॥

tasminvimarde tumule śastravarṣasamākule | māyādhiko'vadhīdvīraṃ gandharvaḥ kurusattamam

शस्त्रों की वर्षा से भरे उस भीषण संग्राम में माया में बढ़े-चढ़े गन्धर्व ने उस वीर कुरुश्रेष्ठ को मार डाला।

श्लोक 14 (1.108.14)

स हत्वा तु नरश्रेष्ठं चित्राङ्गदमरिन्दमम् । अन्ताय कृत्वा गन्धर्वो दिवमाचक्रमे ततः ॥

sa hatvā tu naraśreṣṭhaṃ citrāṅgadamarindamam | antāya kṛtvā gandharvo divamācakrame tataḥ

नरश्रेष्ठ, शत्रुदमन चित्राङ्गद का वध करके और उसका अन्त करके गन्धर्व फिर स्वर्ग को चला गया।

श्लोक 15 (1.108.15)

तस्मिन्पुरुषशार्दूले निहते भूरितेजसि । भीष्मः शान्तनवो राजा प्रेतकार्याण्यकारयत् ॥

tasminpuruṣaśārdūle nihate bhūritejasi | bhīṣmaḥ śāntanavo rājā pretakāryāṇyakārayat

उस महातेजस्वी पुरुषसिंह के मारे जाने पर शान्तनुपुत्र राजा भीष्म ने उसकी अन्त्येष्टि क्रियाएँ करवाईं।

श्लोक 16 (1.108.16)

विचित्रवीर्यं च तदा बालमप्राप्तयौवनम् । कुरुराज्ये महाबाहुरभ्यषिञ्चदनन्तरम् ॥

vicitravīryaṃ ca tadā bālamaprāptayauvanam | kururājye mahābāhurabhyaṣiñcadanantaram

फिर उन महाबाहु ने तत्काल विचित्रवीर्य का, जो अभी बालक था और युवावस्था को प्राप्त नहीं हुआ था, कुरुराज्य पर अभिषेक किया।

श्लोक 17 (1.108.17)

विचित्रवीर्यः स तदा भीष्मस्य वचने स्थितः । अन्वशासन्महाराज पितृपैतामहं पदम् ॥

vicitravīryaḥ sa tadā bhīṣmasya vacane sthitaḥ | anvaśāsanmahārāja pitṛpaitāmahaṃ padam

हे महाराज! विचित्रवीर्य ने भीष्म की आज्ञा में रहते हुए अपने पिता-पितामहों के राज्य पर शासन किया।