कुन्ती द्वारा पाण्डु का वरण

श्लोक 1 (1.121.1)

सत्त्वरूपगुणोपेता धर्मारामा महाव्रता । दुहिता कुन्तिभोजस्य पृथा पृथुललोचना ॥

sattvarūpaguṇopetā dharmārāmā mahāvratā | duhitā kuntibhojasya pṛthā pṛthulalocanā

वैशम्पायन ने कहा — कुन्तिभोज की पुत्री विशाल नेत्रों वाली पृथा सत्त्व, रूप और गुणों से सम्पन्न, धर्म में रमने वाली और महान् व्रतों वाली थी।

श्लोक 2 (1.121.2)

तां तु तेजस्विनीं कन्यां रूपयौवनशालिनीम् । व्यावृण्वन्पार्थिवाः केचिदतीव स्त्रीगुणैर्युताम् ॥

tāṃ tu tejasvinīṃ kanyāṃ rūpayauvanaśālinīm | vyāvṛṇvanpārthivāḥ kecidatīva strīguṇairyutām

रूप और यौवन से सुशोभित तथा स्त्रियोचित गुणों से भरपूर उस तेजस्विनी कन्या को कुछ राजाओं ने वरना चाहा।

श्लोक 3 (1.121.3)

ततः सा कुन्तिभोजेन राज्ञाहूय नराधिपान् । पित्रा स्वयंवरे दत्ता दुहिता राजसत्तम ॥

tataḥ sā kuntibhojena rājñāhūya narādhipān | pitrā svayaṃvare dattā duhitā rājasattama

तब, हे राजश्रेष्ठ, उसके पिता राजा कुन्तिभोज ने राजाओं को बुलाकर अपनी पुत्री को स्वयंवर में प्रस्तुत किया।

श्लोक 4 (1.121.4)

ततः सा रङ्गमध्यस्थं तेषां राज्ञां मनस्विनी । ददर्श राजशार्दूलं पाण्डुं भरतसत्तमम् ॥

tataḥ sā raṅgamadhyasthaṃ teṣāṃ rājñāṃ manasvinī | dadarśa rājaśārdūlaṃ pāṇḍuṃ bharatasattamam

तब उस मनस्विनी ने उन राजाओं के बीच रंगमण्डप के मध्य में खड़े, राजाओं में सिंह-समान, भरतश्रेष्ठ पाण्डु को देखा,

श्लोक 5 (1.121.5)

सिंहदर्पं महोरस्कं वृषभाक्षं महाबलम् । आदित्यमिव सर्वेषां राज्ञां प्रच्छाद्य वै प्रभाः ॥

siṃhadarpaṃ mahoraskaṃ vṛṣabhākṣaṃ mahābalam | ādityamiva sarveṣāṃ rājñāṃ pracchādya vai prabhāḥ

जो सिंह के समान दर्प वाले, चौड़ी छाती वाले, बैल जैसे नेत्रों वाले और महाबली थे, और सूर्य की भाँति सब राजाओं की कान्ति को ढँक रहे थे,

श्लोक 6 (1.121.6)

तिष्ठन्तं राजसमितौ पुरन्दरमिवापरम् । तं दृष्ट्वा साऽनवद्याङ्गी कुन्तिभोजसुता शुभा ॥

tiṣṭhantaṃ rājasamitau purandaramivāparam | taṃ dṛṣṭvā sā'navadyāṅgī kuntibhojasutā śubhā

और राजसभा में दूसरे इन्द्र के समान खड़े थे। उन्हें देखकर निर्दोष अंगों वाली, कल्याणी कुन्तिभोज-कन्या

श्लोक 7 (1.121.7)

पाण्डुं नरवरं रङ्गे हृदयेनाकुलाऽभवत् । ततः कामपरीताङ्गी सकृत्प्रचलमानसा ॥

pāṇḍuṃ naravaraṃ raṅge hṛdayenākulā'bhavat | tataḥ kāmaparītāṅgī sakṛtpracalamānasā

रंगभूमि में नरश्रेष्ठ पाण्डु को देखकर हृदय में व्याकुल हो उठी। तब काम से व्याप्त अंगों वाली, क्षण भर को विचलित मन वाली

श्लोक 8 (1.121.8)

व्रीडमाना स्रजं कुन्ती राज्ञः स्कन्धे समासजत् । तं निशम्य वृतं पाण्डुं कुन्त्या सर्वे नराधिपाः ॥

vrīḍamānā srajaṃ kuntī rājñaḥ skandhe samāsajat | taṃ niśamya vṛtaṃ pāṇḍuṃ kuntyā sarve narādhipāḥ

कुन्ती ने लजाते हुए राजा के कन्धे पर वरमाला डाल दी। कुन्ती ने पाण्डु का वरण कर लिया है, यह सुनकर सब राजा

श्लोक 9 (1.121.9)

यथागतं समाजग्मुर्गजैरश्वै रथैस्तथा । ततस्तस्याः पिता राजन्विवाहमकरोत्प्रभुः ॥

yathāgataṃ samājagmurgajairaśvai rathaistathā | tatastasyāḥ pitā rājanvivāhamakarotprabhuḥ

हाथियों, घोड़ों और रथों पर जैसे आए थे वैसे ही लौट गए। तब, हे राजन्, उसके पिता ने विवाह सम्पन्न किया।

श्लोक 10 (1.121.10)

स तया कुन्तिभोजस्य दुहित्रा कुरुनन्दनः । युयुजेऽमितसौभाग्यः पौलोम्या मघवानिव ॥

sa tayā kuntibhojasya duhitrā kurunandanaḥ | yuyuje'mitasaubhāgyaḥ paulomyā maghavāniva

अपार सौभाग्य वाले कुरुनन्दन पाण्डु कुन्तिभोज की उस पुत्री से वैसे ही जुड़ गए जैसे इन्द्र पौलोमी (शची) से।

श्लोक 11 (1.121.11)

कुन्त्याः पाण्डोश्च राजेन्द्र कुन्तिभोजो महीपतिः । कृत्वोद्वाहं तदा तं तु नानावसुभिरर्चितम् । स्वपुरं प्रेषयामास स राजा कुरुसत्तम ॥

kuntyāḥ pāṇḍośca rājendra kuntibhojo mahīpatiḥ | kṛtvodvāhaṃ tadā taṃ tu nānāvasubhirarcitam | svapuraṃ preṣayāmāsa sa rājā kurusattama

हे राजेन्द्र! पृथ्वीपति राजा कुन्तिभोज ने कुन्ती और पाण्डु का विवाह कराकर नाना प्रकार के धन से उनका सत्कार किया और, हे कुरुश्रेष्ठ, उन्हें उनके नगर को विदा किया।

श्लोक 12 (1.121.12)

ततो बलेन महता नानाध्वजपताकिना । स्तूयमानः स चाशीर्भिर्ब्राह्मणैश्च महर्षिभिः ॥

tato balena mahatā nānādhvajapatākinā | stūyamānaḥ sa cāśīrbhirbrāhmaṇaiśca maharṣibhiḥ

तब नाना ध्वजाओं और पताकाओं वाली विशाल सेना के साथ, ब्राह्मणों और महर्षियों के आशीर्वादों से स्तुति पाते हुए

श्लोक 13 (1.121.13)

संप्राप्य नगरं राजा पाण्डुः कौरवनन्दनः । न्यवेशयत तां भार्यां कुन्तीं स्वभवने प्रभुः ॥

saṃprāpya nagaraṃ rājā pāṇḍuḥ kauravanandanaḥ | nyaveśayata tāṃ bhāryāṃ kuntīṃ svabhavane prabhuḥ

कौरवों को आनन्द देने वाले राजा पाण्डु अपने नगर पहुँचे और उन प्रभु ने अपनी पत्नी कुन्ती को अपने भवन में बसाया।