एकचक्रा में निवास और ब्राह्मण का विलाप

श्लोक 1 (1.171.1)

एकचक्रां गतास्ते तु कुन्तीपुत्रा महारथाः । अत ऊर्ध्वं द्विजश्रेष्ठ किमकुर्वत पाण्डवाः ॥

ekacakrāṃ gatāste tu kuntīputrā mahārathāḥ | ata ūrdhvaṃ dvijaśreṣṭha kimakurvata pāṇḍavāḥ

हे द्विजश्रेष्ठ, जब कुन्ती के वे महारथी पुत्र एकचक्रा पहुँच गए, तो उसके बाद पाण्डवों ने क्या किया?

श्लोक 2 (1.171.2)

एकचक्रां गतास्ते तु कुन्तीपुत्रा महारथाः । ऊषुर्नातिचिरं कालं ब्राह्मणस्य निवेशने ॥

ekacakrāṃ gatāste tu kuntīputrā mahārathāḥ | ūṣurnāticiraṃ kālaṃ brāhmaṇasya niveśane

एकचक्रा पहुँचकर कुन्ती के महारथी पुत्र कुछ समय तक एक ब्राह्मण के घर में रहे।

श्लोक 3 (1.171.3)

रमणीयानि पश्यन्तो वनानि विविधानि च । पार्थिवानपि चोद्देशान्सरितश्च सरांसि च ॥

ramaṇīyāni paśyanto vanāni vividhāni ca | pārthivānapi coddeśānsaritaśca sarāṃsi ca

अनेक प्रकार के रमणीय वनों, राजाओं के प्रदेशों, नदियों और सरोवरों को देखते हुए

श्लोक 4 (1.171.4)

चेरुर्भैक्षं तदा ते तु सर्व एव विशांपते । युधिष्ठिरं च कुन्तीं च चिन्तयन्त उपासते ॥

cerurbhaikṣaṃ tadā te tu sarva eva viśāṃpate | yudhiṣṭhiraṃ ca kuntīṃ ca cintayanta upāsate

हे प्रजानाथ, वे सब तब भिक्षा के लिए घूमते थे, और युधिष्ठिर तथा कुन्ती का ध्यान रखते हुए उनकी सेवा करते थे।

श्लोक 5 (1.171.5)

भैक्षं चरन्तस्तु तदा जटिला ब्रह्मचारिणः । बभूवुर्नागराणां च गुणैः संप्रियदर्शनाः ॥

bhaikṣaṃ carantastu tadā jaṭilā brahmacāriṇaḥ | babhūvurnāgarāṇāṃ ca guṇaiḥ saṃpriyadarśanāḥ

जटाधारी ब्रह्मचारियों के रूप में भिक्षा माँगते हुए वे अपने गुणों के कारण नगरवासियों के बड़े प्रिय हो गए।

श्लोक 6 (1.171.6)

दर्शनीया द्विजाः शुभ्रा देवगर्भोपमाः शुभाः । भैक्षानर्हाश्च राज्यार्हाः सुकुमारास्तपस्विनः ॥

darśanīyā dvijāḥ śubhrā devagarbhopamāḥ śubhāḥ | bhaikṣānarhāśca rājyārhāḥ sukumārāstapasvinaḥ

"ये ब्राह्मण दर्शनीय, तेजस्वी, शुभ और देवताओं की सन्तान के समान हैं; ये सुकुमार तपस्वी भिक्षा के योग्य नहीं, राज्य के योग्य हैं।

श्लोक 7 (1.171.7)

नैते यथार्थतो विप्राः सुकुमारास्तपस्विनः । चरन्ति भूमौ प्रच्छन्नाः कस्माच्चित्कारणादिह ॥

naite yathārthato viprāḥ sukumārāstapasvinaḥ | caranti bhūmau pracchannāḥ kasmāccitkāraṇādiha

ये सुकुमार तपस्वी वास्तव में ब्राह्मण नहीं हैं। किसी कारणवश ये यहाँ धरती पर वेश बदलकर घूम रहे हैं।

श्लोक 8 (1.171.8)

सर्वलक्षणसंपन्ना भैक्षं नार्हन्ति नित्यशः । कार्यार्थिनश्चरन्तीति तर्कयन्त इति ब्रुवन् ॥

sarvalakṣaṇasaṃpannā bhaikṣaṃ nārhanti nityaśaḥ | kāryārthinaścarantīti tarkayanta iti bruvan

सब शुभ लक्षणों से युक्त ये कभी भिक्षा के योग्य नहीं हैं; ये किसी प्रयोजन से घूम रहे हैं" — इस प्रकार वे अनुमान लगाते हुए कहते थे।

श्लोक 9 (1.171.9)

बन्धूनामागमान्नित्यमुपचारैस्तु नागराः । भाजनानि च पूर्णानि भक्ष्यभोज्यैरकारयन् ॥

bandhūnāmāgamānnityamupacāraistu nāgarāḥ | bhājanāni ca pūrṇāni bhakṣyabhojyairakārayan

नगरवासी उनका सदा ऐसा आदर-सत्कार करते जैसे घर आए बन्धुओं का किया जाता है, और उनके लिए पात्रों को तरह-तरह के भोजन से भरवा देते।

श्लोक 10 (1.171.10)

मौनव्रतेन संयुक्ता भैक्षं गृह्णन्ति पाण्डवाः । माता चिरगतान्ज्ञात्वा शोचन्ती पाण्डवान्प्रति ॥

maunavratena saṃyuktā bhaikṣaṃ gṛhṇanti pāṇḍavāḥ | mātā ciragatānjñātvā śocantī pāṇḍavānprati

मौनव्रत धारण करके पाण्डव भिक्षा ग्रहण करते थे। उनकी माता, यह जानकर कि वे देर से गए हुए हैं, पाण्डवों के लिए शोक करती हुई

श्लोक 11 (1.171.11)

दुःखाश्रुपूर्णनयना लिखन्त्यास्ते महीतलम् । भिक्षित्वा द्विजगेहेषु चिन्तयन्तश्च मातरम् ॥

duḥkhāśrupūrṇanayanā likhantyāste mahītalam | bhikṣitvā dvijageheṣu cintayantaśca mātaram

दुःख के आँसुओं से भरी आँखों के साथ बैठी धरती कुरेदती रहती। ब्राह्मणों के घरों में भिक्षा माँगकर और माता का स्मरण करते हुए

श्लोक 12 (1.171.12)

त्वरमाणा निवर्तन्ते मातृगौरवयन्त्रिताः । मात्रे निवेदयन्ति स्म कुन्त्यै भैक्षं दिवानिशम् ॥

tvaramāṇā nivartante mātṛgauravayantritāḥ | mātre nivedayanti sma kuntyai bhaikṣaṃ divāniśam

वे माता के प्रति आदर से बँधे हुए जल्दी-जल्दी लौट आते, और प्रतिदिन माता कुन्ती को भिक्षा सौंप देते।

श्लोक 13 (1.171.13)

सर्वं संपूर्णभैक्षान्नं मातृदत्तं पृथक्पृथक् । विभज्याभुञ्जतेष्टं ते यथाभागं पृथक्पृथक् ॥

sarvaṃ saṃpūrṇabhaikṣānnaṃ mātṛdattaṃ pṛthakpṛthak | vibhajyābhuñjateṣṭaṃ te yathābhāgaṃ pṛthakpṛthak

भिक्षा का पूरा अन्न, जिसे माता अलग-अलग बाँट देती थीं, उसे वे विभाजित करके अपने-अपने भाग के अनुसार इच्छानुसार खाते थे।

श्लोक 14 (1.171.14)

अर्धं स्म भुञ्जते पञ्च सह मात्रा परन्तपाः । अर्धं सर्वस्य भैक्षस्य भीमो भुङ्क्ते महाबलः ॥

ardhaṃ sma bhuñjate pañca saha mātrā parantapāḥ | ardhaṃ sarvasya bhaikṣasya bhīmo bhuṅkte mahābalaḥ

आधा भाग वे शत्रुतापन, माता सहित पाँच जन, खाते थे; और सारी भिक्षा का शेष आधा भाग महाबली भीम खाते थे।

श्लोक 15 (1.171.15)

स नाशितश्च भवति कल्याणान्नभुजिः पुरा । स वैवर्ण्यं च कार्श्यं च जगामातृप्तिकारितम् ॥

sa nāśitaśca bhavati kalyāṇānnabhujiḥ purā | sa vaivarṇyaṃ ca kārśyaṃ ca jagāmātṛptikāritam

फिर भी वे, जो पहले उत्तम भोजन किया करते थे, कभी तृप्त नहीं होते थे; और भूखे रहने के कारण उनका रंग फीका पड़ गया और वे दुबले हो गए।

श्लोक 16 (1.171.16)

आज्यबिन्दुर्यथा वह्नौ महति ज्वलिते भवेत् । तथार्धभागं भीमस्य भिक्षान्नस्य नरोत्तम ॥

ājyabinduryathā vahnau mahati jvalite bhavet | tathārdhabhāgaṃ bhīmasya bhikṣānnasya narottama

हे नरश्रेष्ठ, जैसे विशाल प्रज्वलित अग्नि में घी की एक बूँद हो, वैसा ही भीम के लिए भिक्षान्न का आधा भाग था।

श्लोक 17 (1.171.17)

तथैव वसतां तत्र तेषां राजन्महात्मनाम् । अतिचक्राम सुमहान्कालोऽथ भरतर्षभ ॥

tathaiva vasatāṃ tatra teṣāṃ rājanmahātmanām | aticakrāma sumahānkālo'tha bharatarṣabha

हे राजन्, हे भरतश्रेष्ठ, उन महात्माओं के इस प्रकार वहाँ रहते हुए बहुत समय बीत गया।

श्लोक 18 (1.171.18)

भीमोऽपि क्रीडयित्वाथ मिथो ब्राह्मणबन्धुषु । कुम्भकारेण संबन्धाल्लेभे पात्रं महत्तरम् ॥

bhīmo'pi krīḍayitvātha mitho brāhmaṇabandhuṣu | kumbhakāreṇa saṃbandhāllebhe pātraṃ mahattaram

भीम ने भी ब्राह्मणों के बन्धुओं के बीच खेल-कूद करते हुए एक कुम्हार से परिचय किया और उससे एक बहुत बड़ा पात्र पाया।

श्लोक 19 (1.171.19)

कुम्भकारोऽददात्पात्रं महत्कृत्वातिमात्रकम् । प्रहसन्भीमसेनाय विस्मितस्तस्य कर्मणा ॥

kumbhakāro'dadātpātraṃ mahatkṛtvātimātrakam | prahasanbhīmasenāya vismitastasya karmaṇā

कुम्हार ने हँसते हुए बहुत ही विशाल पात्र बनाकर भीमसेन को दिया, क्योंकि वह उनके किए काम से चकित था।

श्लोक 20 (1.171.20)

तस्याद्भुतं कर्म कुर्वन्मृद्भारं महदाददे । मृद्भारैः शतसाहस्रैः कुम्भकारमतोषयत् ॥

tasyādbhutaṃ karma kurvanmṛdbhāraṃ mahadādade | mṛdbhāraiḥ śatasāhasraiḥ kumbhakāramatoṣayat

उसके लिए अद्भुत काम करते हुए भीम ने मिट्टी के बड़े-बड़े बोझ ढोए; लाखों बोझ मिट्टी ढोकर उन्होंने कुम्हार को संतुष्ट किया।

श्लोक 21 (1.171.21)

चक्रे चक्रे च मृद्भाण्डान्सततं भैक्षमाचरन् । तदादायागतं दृष्ट्वा हसन्ति प्रहसन्ति च ॥

cakre cakre ca mṛdbhāṇḍānsatataṃ bhaikṣamācaran | tadādāyāgataṃ dṛṣṭvā hasanti prahasanti ca

वे चाक पर मिट्टी के बर्तन बनाते और साथ ही निरन्तर भिक्षा माँगते रहते; उस पात्र को लेकर लौटते देख लोग खूब हँसते थे।

श्लोक 22 (1.171.22)

भक्ष्यभोज्यानि विविधान्यादाय प्रक्षिपन्ति च । एवमेव सदा भुक्त्वा मात्रे वदति वै रहः । न चाशितोऽस्मि भवति कल्याणान्नभृतः पुरा ॥

bhakṣyabhojyāni vividhānyādāya prakṣipanti ca | evameva sadā bhuktvā mātre vadati vai rahaḥ | na cāśito'smi bhavati kalyāṇānnabhṛtaḥ purā

लोग उसमें तरह-तरह के खाद्य और भोज्य पदार्थ डाल देते थे। फिर भी इस प्रकार प्रतिदिन खाकर वे एकान्त में माता से कहते — "माँ, मैं तृप्त नहीं हुआ; पहले मैं उत्तम भोजन से पलता था।"

श्लोक 23 (1.171.23)

ततः कदाचिद्भैक्षाय गतास्ते पुरुषर्षभाः । संगत्य भीमसेनस्तु तत्रास्ते पृथया सह ॥

tataḥ kadācidbhaikṣāya gatāste puruṣarṣabhāḥ | saṃgatya bhīmasenastu tatrāste pṛthayā saha

फिर एक दिन जब वे पुरुषश्रेष्ठ भिक्षा के लिए गए हुए थे, संयोग से भीमसेन पृथा के साथ वहीं घर पर थे।

श्लोक 24 (1.171.24)

अथार्तिजं महाशब्दं ब्राह्मणस्य निवेशने । भृशमुत्पतितं घोरं कुन्ती शुश्राव भारत ॥

athārtijaṃ mahāśabdaṃ brāhmaṇasya niveśane | bhṛśamutpatitaṃ ghoraṃ kuntī śuśrāva bhārata

तब, हे भारत, कुन्ती ने ब्राह्मण के घर में उठता हुआ दुःख से भरा एक बड़ा, भयानक कोलाहल सुना।

श्लोक 25 (1.171.25)

रोरूयमाणांस्तान्दृष्ट्वा परिदेवयतश्च सा । कारुण्यात्साधुभावाच्च कुन्ती राजन्न चक्षमे ॥

rorūyamāṇāṃstāndṛṣṭvā paridevayataśca sā | kāruṇyātsādhubhāvācca kuntī rājanna cakṣame

उन्हें फूट-फूटकर रोते और विलाप करते देख, हे राजन्, कुन्ती अपनी करुणा और सज्जनता के कारण इसे सह न सकीं।

श्लोक 26 (1.171.26)

मथ्यमानेव दुःखेन हृदयेन पृथा तदा । उवाच भीमं कल्याणी कृपान्वितमिदं वचः ॥

mathyamāneva duḥkhena hṛdayena pṛthā tadā | uvāca bhīmaṃ kalyāṇī kṛpānvitamidaṃ vacaḥ

दुःख से मानो मथे जाते हृदय वाली कल्याणी पृथा ने तब भीम से करुणा भरे ये वचन कहे —

श्लोक 27 (1.171.27)

वसामः सुसुखं पुत्र ब्राह्मणस्य निवेशने । अज्ञाता धार्तराष्ट्रस्य सत्कृता वीतमन्यवः ॥

vasāmaḥ susukhaṃ putra brāhmaṇasya niveśane | ajñātā dhārtarāṣṭrasya satkṛtā vītamanyavaḥ

"बेटा, हम ब्राह्मण के घर में बड़े सुख से रह रहे हैं; धृतराष्ट्र का पुत्र हमें जानता नहीं, हमारा आदर होता है और हमारे मन में कोई क्षोभ नहीं।

श्लोक 28 (1.171.28)

सा चिन्तये सदा पुत्र ब्राह्मणस्यास्य किं न्वहम् । कदा प्रियं करिष्यामि यत्कुर्युरुषिताः सुखम् ॥

sā cintaye sadā putra brāhmaṇasyāsya kiṃ nvaham | kadā priyaṃ kariṣyāmi yatkuryuruṣitāḥ sukham

इसलिए बेटा, मैं सदा सोचती रहती हूँ कि कब मैं इस ब्राह्मण का कोई प्रिय कार्य करूँ, जैसा किसी के घर सुख से रहे लोग करते हैं।

श्लोक 29 (1.171.29)

एतावान्पुरुषस्तात कृतं यस्मिन्न नश्यति । यावच्च कुर्यादन्योऽस्य कुर्यादभ्यधिकं ततः ॥

etāvānpuruṣastāta kṛtaṃ yasminna naśyati | yāvacca kuryādanyo'sya kuryādabhyadhikaṃ tataḥ

तात, वही सच्चा पुरुष है जिसके प्रति किया गया उपकार नष्ट नहीं होता; दूसरा उसके लिए जितना करे, उसे उससे बढ़कर करना चाहिए।

श्लोक 30 (1.171.30)

तदिदं ब्राह्मणस्यास्य दुःखमापतितं ध्रुवम् । न तत्र यदि साहाय्यं कुर्याम सुकृतं भवेत् ॥

tadidaṃ brāhmaṇasyāsya duḥkhamāpatitaṃ dhruvam | na tatra yadi sāhāyyaṃ kuryāma sukṛtaṃ bhavet

अब निश्चय ही इस ब्राह्मण पर कोई दुःख आ पड़ा है। क्या हम इसमें उसकी सहायता न करें? वह पुण्य का काम होगा।"

श्लोक 31 (1.171.31)

ज्ञायतामस्य यद्दुःखं यतश्चैव समुत्थितम् । विदित्वा व्यवसिष्यामि यद्यपि स्यात्सुदुष्करम् ॥

jñāyatāmasya yadduḥkhaṃ yataścaiva samutthitam | viditvā vyavasiṣyāmi yadyapi syātsuduṣkaram

"पता लगाया जाए कि उसका दुःख क्या है और कहाँ से उत्पन्न हुआ है। यह जानकर मैं उपाय का निश्चय करूँगा, चाहे वह कितना ही कठिन क्यों न हो।"

श्लोक 32 (1.171.32)

एवं तौ कथयन्तौ च भूयः शुश्रुवतुः स्वनम् । आर्तिजं तस्य विप्रस्य सभार्यस्य विशांपते ॥

evaṃ tau kathayantau ca bhūyaḥ śuśruvatuḥ svanam | ārtijaṃ tasya viprasya sabhāryasya viśāṃpate

हे प्रजानाथ, वे दोनों इस प्रकार बातें कर ही रहे थे कि उन्होंने फिर उस ब्राह्मण और उसकी पत्नी का आर्त स्वर सुना।

श्लोक 33 (1.171.33)

अन्तःपुरं ततस्तस्य ब्राह्मणस्य महात्मनः । विवेश त्वरिता कुन्ती बद्धवत्सेव सौरभी ॥

antaḥpuraṃ tatastasya brāhmaṇasya mahātmanaḥ | viveśa tvaritā kuntī baddhavatseva saurabhī

तब कुन्ती, जिसके बछड़े को बाँध दिया गया हो उस गाय की भाँति, शीघ्रता से उस महात्मा ब्राह्मण के भीतरी कक्ष में प्रवेश कर गईं।

श्लोक 34 (1.171.34)

ततस्तं ब्राह्मणं तत्र भार्यया च सुतेन च । दुहित्रा चैव सहितं ददर्श विकृताननम् ॥

tatastaṃ brāhmaṇaṃ tatra bhāryayā ca sutena ca | duhitrā caiva sahitaṃ dadarśa vikṛtānanam

वहाँ उन्होंने उस ब्राह्मण को उसकी पत्नी, पुत्र और पुत्री के साथ देखा; उसका मुख दुःख से विकृत हो रहा था।

श्लोक 35 (1.171.35)

धिगिदं जीवितं लोके गतसारमनर्थकम् । दुःखमूलं पराधीनं भृशमप्रियभागि च ॥

dhigidaṃ jīvitaṃ loke gatasāramanarthakam | duḥkhamūlaṃ parādhīnaṃ bhṛśamapriyabhāgi ca

"धिक्कार है संसार के इस जीवन को, जो सारहीन और निरर्थक है, दुःख की जड़ है, पराधीन है और अत्यन्त अप्रिय बातों से भरा है!

श्लोक 36 (1.171.36)

जीविते परमं दुःखं जीविते परमो ज्वरः । जीविते वर्तमानस्य द्वन्द्वानामागमो ध्रुवः ॥

jīvite paramaṃ duḥkhaṃ jīvite paramo jvaraḥ | jīvite vartamānasya dvandvānāmāgamo dhruvaḥ

जीवन में ही सबसे बड़ा दुःख है, जीवन में ही सबसे बड़ा ताप; जो जीवित है, उसके पास सुख-दुःख जैसे द्वन्द्वों का आना निश्चित है।

श्लोक 37 (1.171.37)

आत्मा ह्येको हि धर्मार्थौ कामं चैव निषेवते । एतैश्च विप्रयोगोऽपि दुःखं परमनन्तकम् ॥

ātmā hyeko hi dharmārthau kāmaṃ caiva niṣevate | etaiśca viprayogo'pi duḥkhaṃ paramanantakam

आत्मा अकेला ही धर्म, अर्थ और काम का सेवन करता है, और इनसे वियोग भी अनन्त दुःख है।

श्लोक 38 (1.171.38)

आहुः केचित्परं मोक्षं स च नास्ति कथंचन । अर्थप्राप्तौ तु नरकः कृत्स्न एवोपपद्यते ॥

āhuḥ kecitparaṃ mokṣaṃ sa ca nāsti kathaṃcana | arthaprāptau tu narakaḥ kṛtsna evopapadyate

कुछ लोग मोक्ष को परम कहते हैं, पर वह किसी प्रकार मिलता नहीं; और धन पाने में तो पूरा नरक ही आ जुटता है।

श्लोक 39 (1.171.39)

अर्थेप्सुता परं दुःखमर्थप्राप्तौ ततोऽधिकम् । जातस्नेहस्य चार्थेषु विप्रयोगे महत्तरम् ॥

arthepsutā paraṃ duḥkhamarthaprāptau tato'dhikam | jātasnehasya cārtheṣu viprayoge mahattaram

धन की चाह बड़ा दुःख है, उसे पा लेना उससे भी बड़ा, और जिसे धन से मोह हो गया हो, उसके लिए उससे बिछुड़ना और भी बड़ा दुःख है।

श्लोक 40 (1.171.40)

यावन्तो यस्य संयोगा द्रव्यैरिष्टैर्भवन्त्युत । तावन्तोऽस्य निखन्यन्ते हृदये शोकशङ्कवः ॥

yāvanto yasya saṃyogā dravyairiṣṭairbhavantyuta | tāvanto'sya nikhanyante hṛdaye śokaśaṅkavaḥ

मनुष्य का प्रिय वस्तुओं से जितना संयोग होता है, उतनी ही शोक की कीलें उसके हृदय में गड़ जाती हैं।

श्लोक 41 (1.171.41)

तदिदं जीवितं प्राप्य अल्पकालं महाभयम् । त्यागो हि न मया प्राप्तो भार्यया सहितेन च ॥

tadidaṃ jīvitaṃ prāpya alpakālaṃ mahābhayam | tyāgo hi na mayā prāpto bhāryayā sahitena ca

यह अल्पकालिक और महाभय से भरा जीवन पाकर भी मैं अपनी पत्नी के साथ सब कुछ छोड़कर निकल न सका।

श्लोक 42 (1.171.42)

न हि योगं प्रपश्यामि येन मुच्येयमापदः । पुत्रदारेण वा सार्धं प्राद्रवेयमनामयम् ॥

na hi yogaṃ prapaśyāmi yena mucyeyamāpadaḥ | putradāreṇa vā sārdhaṃ prādraveyamanāmayam

मुझे कोई उपाय नहीं दिखता जिससे मैं इस विपत्ति से छूट सकूँ, या पुत्र और पत्नी के साथ भागकर किसी निरापद स्थान पर पहुँच सकूँ।

श्लोक 43 (1.171.43)

यतितं वै मया पूर्वं वेत्थ ब्राह्मणि तत्तथा । क्षेमं यतस्ततो गन्तुं त्वया तु मम न श्रुतम् ॥

yatitaṃ vai mayā pūrvaṃ vettha brāhmaṇi tattathā | kṣemaṃ yatastato gantuṃ tvayā tu mama na śrutam

हे ब्राह्मणी, तुम भली-भाँति जानती हो कि मैंने पहले जहाँ कुशल हो वहाँ चले जाने का प्रयत्न किया था, पर तुमने मेरी बात नहीं सुनी।

श्लोक 44 (1.171.44)

इह जाता विवृद्धाऽस्मि पिता माता ममेति वै । उक्तवत्यसि दुर्मेधे याच्यमाना मयाऽसकृत् ॥

iha jātā vivṛddhā'smi pitā mātā mameti vai | uktavatyasi durmedhe yācyamānā mayā'sakṛt

"मैं यहीं जन्मी और यहीं बड़ी हुई; यहीं मेरे पिता और माता हैं" — हे दुर्बुद्धि, मेरे बार-बार विनती करने पर तुमने यही कहा।

श्लोक 45 (1.171.45)

स्वर्गतोऽपि पिता वृद्धस्तथा माता चिरं तव । बान्धवा भूतपूर्वाश्च तत्र वासे तु का रतिः ॥

svargato'pi pitā vṛddhastathā mātā ciraṃ tava | bāndhavā bhūtapūrvāśca tatra vāse tu kā ratiḥ

तुम्हारे वृद्ध पिता स्वर्ग सिधार गए, और माता भी बहुत पहले; तुम्हारे बन्धु-बान्धव भी अब अतीत की बात हैं। फिर वहाँ रहने में क्या सुख है?

श्लोक 46 (1.171.46)

न भोजनं विरुद्धं स्यान्न स्त्रीदेशो निबन्धनः । सुदूरमपि तं देशं व्रजेद्गरुडहंसवत् ॥

na bhojanaṃ viruddhaṃ syānna strīdeśo nibandhanaḥ | sudūramapi taṃ deśaṃ vrajedgaruḍahaṃsavat

दूसरी जगह का भोजन प्रतिकूल नहीं होता, और न पत्नी का देश बन्धन होना चाहिए; गरुड़ और हंस की भाँति बहुत दूर के देश में भी चले जाना चाहिए।

श्लोक 47 (1.171.47)

सोऽयं ते बन्धुकामाया अशृण्वन्त्या वचो मम । बन्धुप्रणाशः संप्राप्तो भृशं दुःखकरो मम ॥

so'yaṃ te bandhukāmāyā aśṛṇvantyā vaco mama | bandhupraṇāśaḥ saṃprāpto bhṛśaṃ duḥkhakaro mama

तो अपने बन्धुओं की चाह में मेरी बात न सुनने के कारण यह बन्धुओं का विनाश आ पहुँचा है, जो मेरे लिए अत्यन्त दुःखदायी है।

श्लोक 48 (1.171.48)

अथवा मद्विनाशोऽयं न हि शक्ष्यामि कंचन । परित्यक्तुमहं बन्धुं स्वयं जीवन्नृशंसवत् ॥

athavā madvināśo'yaṃ na hi śakṣyāmi kaṃcana | parityaktumahaṃ bandhuṃ svayaṃ jīvannṛśaṃsavat

अथवा यह मेरा ही विनाश है, क्योंकि मैं निर्दयी मनुष्य की तरह स्वयं जीवित रहकर अपने किसी भी बन्धु का त्याग नहीं कर सकूँगा।

श्लोक 49 (1.171.49)

सहधर्मचरीं दान्तां नित्यं मातृसमां मम । सखायं विहितां देवैर्नित्यं परमिकां गतिम् ॥

sahadharmacarīṃ dāntāṃ nityaṃ mātṛsamāṃ mama | sakhāyaṃ vihitāṃ devairnityaṃ paramikāṃ gatim

मेरी सहधर्मचारिणी, संयमी, सदा मेरे लिए माता के समान, देवताओं द्वारा दी गई सखी, सदा मेरा परम आश्रय,

श्लोक 50 (1.171.50)

पित्रा मात्रा च विहितां सदा गार्हस्थ्यभागिनीम् । वरयित्वा यथान्यायं मन्त्रवत्परिणीय च ॥

pitrā mātrā ca vihitāṃ sadā gārhasthyabhāginīm | varayitvā yathānyāyaṃ mantravatpariṇīya ca

पिता और माता द्वारा मेरे लिए निश्चित की गई, सदा गृहस्थी में भागीदार, जिसे मैंने विधिपूर्वक वरण करके मन्त्रों के साथ ब्याहा —

श्लोक 51 (1.171.51)

कुलीनां शीलसंपन्नामपत्यजननीमपि । त्वामहं जीवितस्यार्थे साध्वीमनपकारिणीम् ॥

kulīnāṃ śīlasaṃpannāmapatyajananīmapi | tvāmahaṃ jīvitasyārthe sādhvīmanapakāriṇīm

तुम, जो कुलीन, शीलवती, मेरी सन्तान की जननी, साध्वी और कभी अपकार न करने वाली हो —

श्लोक 52 (1.171.52)

परित्यक्तुं न शक्ष्यामि भार्यां नित्यमनुव्रताम् । कुत एव परित्यक्तुं सुतां शक्ष्याम्यहं स्वयम् ॥

parityaktuṃ na śakṣyāmi bhāryāṃ nityamanuvratām | kuta eva parityaktuṃ sutāṃ śakṣyāmyahaṃ svayam

ऐसी सदा अनुगामिनी पत्नी को मैं अपने प्राणों के लिए नहीं छोड़ सकूँगा। फिर अपनी पुत्री को मैं स्वयं कैसे छोड़ सकूँगा,

श्लोक 53 (1.171.53)

बालामप्राप्तवयसमजातव्यञ्जनाकृतिम् । भर्तुरर्थाय निक्षिप्तां न्यासं धात्रा महात्मना ॥

bālāmaprāptavayasamajātavyañjanākṛtim | bharturarthāya nikṣiptāṃ nyāsaṃ dhātrā mahātmanā

जो अभी बालिका है, जिसकी आयु पूरी नहीं हुई और जिसमें यौवन के लक्षण अभी प्रकट नहीं हुए, जिसे महात्मा विधाता ने उसके पति के लिए धरोहर के रूप में मुझे सौंपा है;

श्लोक 54 (1.171.54)

यया दौहित्रजाँल्लोकानाशंसे पितृभिः सह । स्वयमुत्पाद्य तां बालां कथमुत्स्रष्टुमुत्सहे ॥

yayā dauhitrajām̐llokānāśaṃse pitṛbhiḥ saha | svayamutpādya tāṃ bālāṃ kathamutsraṣṭumutsahe

जिसके द्वारा मैं पितरों के साथ दौहित्रों से मिलने वाले लोकों की आशा करता हूँ? जिस बालिका को मैंने स्वयं जन्म दिया, उसे मैं कैसे त्याग सकता हूँ?

श्लोक 55 (1.171.55)

मन्यन्ते केचिदधिकं स्नेहं पुत्रे पितुर्नराः । कन्यायां केचिदपरे मम तुल्यावुभौ स्मृतौ ॥

manyante kecidadhikaṃ snehaṃ putre piturnarāḥ | kanyāyāṃ kecidapare mama tulyāvubhau smṛtau

कुछ लोग मानते हैं कि पिता का स्नेह पुत्र पर अधिक होता है, और कुछ दूसरे कहते हैं कि पुत्री पर; मेरे लिए दोनों समान हैं।

श्लोक 56 (1.171.56)

यस्यां लोकाः प्रसूतिश्च स्थिता नित्यमथो सुखम् । अपापां तामहं बालां कथमुत्स्रष्टुमुत्सहे ॥

yasyāṃ lokāḥ prasūtiśca sthitā nityamatho sukham | apāpāṃ tāmahaṃ bālāṃ kathamutsraṣṭumutsahe

जिसमें परलोक, सन्तति और स्थायी सुख टिके हैं, उस निष्पाप बालिका को मैं कैसे त्याग सकता हूँ?

श्लोक 57 (1.171.57)

कुत एव परित्यक्तुं सुतं शक्ष्याम्यहं स्वयम् । प्रार्थयेयं परां प्रीतिं यस्मिन्स्वर्गफलानि च ॥

kuta eva parityaktuṃ sutaṃ śakṣyāmyahaṃ svayam | prārthayeyaṃ parāṃ prītiṃ yasminsvargaphalāni ca

फिर मैं अपने पुत्र को स्वयं कैसे त्याग सकूँगा, जिसमें मैं परम आनन्द और स्वर्ग के फलों की आशा करता हूँ;

श्लोक 58 (1.171.58)

यस्य जातस्य पितरो मुखं दृष्ट्वा दिवं गताः । अहं मुक्तः पितृऋणाद्यस्य जातस्य तेजसा ॥

yasya jātasya pitaro mukhaṃ dṛṣṭvā divaṃ gatāḥ | ahaṃ muktaḥ pitṛṛṇādyasya jātasya tejasā

जिसके जन्म लेते ही पितर उसका मुख देखकर स्वर्ग चले गए, और जिसके जन्म के तेज से मैं पितृ-ऋण से मुक्त हुआ?

श्लोक 59 (1.171.59)

दयितं मे कथं बालमहं त्यक्तुमिहोत्सहे । तमहं ज्येष्ठपुत्रं मे कुलनिर्हारकं विभुम् ॥

dayitaṃ me kathaṃ bālamahaṃ tyaktumihotsahe | tamahaṃ jyeṣṭhaputraṃ me kulanirhārakaṃ vibhum

अपने प्यारे बालक को मैं यहाँ कैसे त्याग दूँ — अपने ज्येष्ठ पुत्र को, जो समर्थ है और कुल की अन्त्येष्टि आदि क्रियाएँ करने वाला है,

श्लोक 60 (1.171.60)

मम पिण्डोदकनिधिं कथं त्यक्ष्यामि पुत्रकम् । त्यागोऽयं मम संप्राप्तो मम वा मे सुतस्य वा ॥

mama piṇḍodakanidhiṃ kathaṃ tyakṣyāmi putrakam | tyāgo'yaṃ mama saṃprāpto mama vā me sutasya vā

मेरे पिण्ड और जल-तर्पण का आधार — अपने उस पुत्र को मैं कैसे त्याग दूँ? यह त्याग मेरे भाग्य में आ पड़ा है: या तो मेरा, या मेरे पुत्र का,

श्लोक 61 (1.171.61)

तव वा तव पुत्र्या वा अत्र वासस्य तत्फलम् । न शृणोषि वचो मह्यं तत्फलं भुङ्क्ष्व भामिनि ॥

tava vā tava putryā vā atra vāsasya tatphalam | na śṛṇoṣi vaco mahyaṃ tatphalaṃ bhuṅkṣva bhāmini

या तुम्हारा, या तुम्हारी पुत्री का — यहाँ रहने का यही फल है। तुमने मेरी बात नहीं सुनी; हे भामिनी, अब उसका फल भोगो।

श्लोक 62 (1.171.62)

अथवाहं न शक्ष्यामि स्वयं मर्तुं सुतं मम । एकं त्यक्तुं न शक्नोमि भवतीं च सुतामपि ॥

athavāhaṃ na śakṣyāmi svayaṃ martuṃ sutaṃ mama | ekaṃ tyaktuṃ na śaknomi bhavatīṃ ca sutāmapi

अथवा — न मैं स्वयं मर सकूँगा, न अपने पुत्र को त्याग सकूँगा; मैं किसी एक को भी नहीं छोड़ सकता, न तुम्हें, न अपनी पुत्री को।

श्लोक 63 (1.171.63)

अथ मद्रक्षणार्थं वा न हि शक्ष्यामि कंचन । परित्यक्तुमहं बन्धुं स्वयं जीवन्नृशंसवत् ॥

atha madrakṣaṇārthaṃ vā na hi śakṣyāmi kaṃcana | parityaktumahaṃ bandhuṃ svayaṃ jīvannṛśaṃsavat

अथवा अपनी रक्षा के लिए भी मैं निर्दयी की तरह स्वयं जीवित रहकर अपने किसी बन्धु का त्याग नहीं कर सकूँगा।

श्लोक 64 (1.171.64)

आत्मानमपि चोत्सृज्य गते प्रेतवशं मयि । त्यक्ता ह्येते मया व्यक्तं नेह शक्ष्यन्ति जीवितुम् ॥

ātmānamapi cotsṛjya gate pretavaśaṃ mayi | tyaktā hyete mayā vyaktaṃ neha śakṣyanti jīvitum

और यदि मैं अपने प्राण त्याग दूँ और मृत्यु के वश में चला जाऊँ, तो मेरे द्वारा छोड़े गए ये लोग स्पष्ट ही यहाँ जीवित नहीं रह सकेंगे।

श्लोक 65 (1.171.65)

एषां चान्यतमत्यागो नृशंसो गर्हितो बुधैः । आत्मत्यागे कृते चेमे मरिष्यन्ति मया विना ॥

eṣāṃ cānyatamatyāgo nṛśaṃso garhito budhaiḥ | ātmatyāge kṛte ceme mariṣyanti mayā vinā

इनमें से किसी एक का भी त्याग क्रूरता है और ज्ञानी उसकी निन्दा करते हैं; और यदि मैं आत्मत्याग करूँ तो ये मेरे बिना मर जाएँगे।

श्लोक 66 (1.171.66)

स कृच्छ्रामहमापन्नो न शक्तस्तर्तुमापदम् । अहो धिक्कां गतिं त्वद्य गमिष्यामि सबान्धवः । सर्वैः सह मृतं श्रेयो न च मे जीवितुं क्षमम् ॥

sa kṛcchrāmahamāpanno na śaktastartumāpadam | aho dhikkāṃ gatiṃ tvadya gamiṣyāmi sabāndhavaḥ | sarvaiḥ saha mṛtaṃ śreyo na ca me jīvituṃ kṣamam

मैं घोर संकट में पड़ गया हूँ और इस विपत्ति को पार करने में असमर्थ हूँ। हाय, धिक्कार है! आज मैं अपने बन्धुओं के साथ कौन-सी गति को प्राप्त होऊँगा? सबके साथ मर जाना ही श्रेयस्कर है; मुझसे जिया नहीं जाता।"