ब्राह्मणी का आत्मबलिदान का प्रस्ताव

श्लोक 1 (1.172.1)

न सन्तापस्त्वया कार्यः प्राकृतेनेव कर्हिचित् । न हि सन्तापकालोऽयं वैद्यस्य तव विद्यते ॥

na santāpastvayā kāryaḥ prākṛteneva karhicit | na hi santāpakālo'yaṃ vaidyasya tava vidyate

आपको किसी साधारण मनुष्य की भाँति कभी शोक नहीं करना चाहिए। आप जैसे विद्वान के लिए यह शोक करने का समय नहीं है।

श्लोक 2 (1.172.2)

अवश्यं निधनं सर्वैर्गन्तव्यमिह मानवैः । अवश्यभाविन्यर्थे वै संतापो नेह विद्यते ॥

avaśyaṃ nidhanaṃ sarvairgantavyamiha mānavaiḥ | avaśyabhāvinyarthe vai saṃtāpo neha vidyate

इस संसार में सभी मनुष्यों को अवश्य ही मृत्यु को प्राप्त होना है। जो होकर ही रहेगा, उसके लिए यहाँ शोक का कोई स्थान नहीं।

श्लोक 3 (1.172.3)

भार्या पुत्रोऽथ दुहिता सर्वमात्मार्थमिष्यते । व्यथां जहि सुबुद्ध्या त्वं स्वयं यास्यामि तत्र च ॥

bhāryā putro'tha duhitā sarvamātmārthamiṣyate | vyathāṃ jahi subuddhyā tvaṃ svayaṃ yāsyāmi tatra ca

पत्नी, पुत्र और पुत्री — ये सब अपने ही हित के लिए चाहे जाते हैं। अपनी सद्बुद्धि से यह व्यथा त्याग दीजिए; मैं स्वयं वहाँ जाऊँगी।

श्लोक 4 (1.172.4)

एतद्धि परमं नार्याः कार्यं लोके सनातनम् । प्राणानपि परित्यज्य यद्भर्तुर्हितमाचरेत् ॥

etaddhi paramaṃ nāryāḥ kāryaṃ loke sanātanam | prāṇānapi parityajya yadbharturhitamācaret

क्योंकि संसार में स्त्री का यही परम और सनातन कर्तव्य है कि वह अपने प्राण देकर भी पति का हित करे।

श्लोक 5 (1.172.5)

तच्च तत्र कृतं कर्म तवापीदं सुखावहम् । भवत्यमुत्र चाक्षय्यं लोकेऽस्मिंश्च यशस्करम् ॥

tacca tatra kṛtaṃ karma tavāpīdaṃ sukhāvaham | bhavatyamutra cākṣayyaṃ loke'smiṃśca yaśaskaram

वहाँ किया गया मेरा वह कर्म आपके लिए भी सुखदायक होगा; वह परलोक में अक्षय फल देता है और इस लोक में यश।

श्लोक 6 (1.172.6)

एष चैव गुरुर्धर्मो यं प्रवक्ष्याम्यहं तव । अर्थश्च तव धर्मश्च भूयानत्र प्रदृश्यते ॥

eṣa caiva gururdharmo yaṃ pravakṣyāmyahaṃ tava | arthaśca tava dharmaśca bhūyānatra pradṛśyate

यही वह महान धर्म है जो मैं आपसे कह रही हूँ। इसमें आपका अर्थ भी अधिक दिखता है और धर्म भी।

श्लोक 7 (1.172.7)

यदर्थमिष्यते भार्या प्राप्तः सोऽर्थस्त्वया मयि । कन्या चैका कुमारश्च कृताहमनृणा त्वया ॥

yadarthamiṣyate bhāryā prāptaḥ so'rthastvayā mayi | kanyā caikā kumāraśca kṛtāhamanṛṇā tvayā

जिस प्रयोजन से पत्नी की कामना की जाती है, वह आपने मुझसे पा लिया है — एक कन्या और एक पुत्र। आपने मुझे ऋण से मुक्त कर दिया है।

श्लोक 8 (1.172.8)

समर्थः पोषणे चासि सुतयो रक्षणे तथा । न त्वहं सुतयोः शक्ता तथा रक्षणपोषणे ॥

samarthaḥ poṣaṇe cāsi sutayo rakṣaṇe tathā | na tvahaṃ sutayoḥ śaktā tathā rakṣaṇapoṣaṇe

आप दोनों बच्चों का पालन-पोषण और रक्षा करने में समर्थ हैं; मैं उसी प्रकार उनकी रक्षा और पोषण नहीं कर सकती।

श्लोक 9 (1.172.9)

मम हि त्वद्विहीनायाः सर्वप्राणधनेश्वर । कथं स्यातां सुतौ बालौ भरेयं च कथं त्वहम् ॥

mama hi tvadvihīnāyāḥ sarvaprāṇadhaneśvara | kathaṃ syātāṃ sutau bālau bhareyaṃ ca kathaṃ tvaham

हे मेरे प्राणों और सर्वस्व के स्वामी! आपके बिना हमारे दोनों छोटे बच्चे कैसे जीएँगे, और मैं उनका भरण-पोषण कैसे करूँगी?

श्लोक 10 (1.172.10)

कथं हि विधवाऽनाथा बालपुत्रा विना त्वया । मिथुनं जीवयिष्यामि स्थिता साधुगते पथि ॥

kathaṃ hi vidhavā'nāthā bālaputrā vinā tvayā | mithunaṃ jīvayiṣyāmi sthitā sādhugate pathi

आपके बिना, छोटे बच्चों वाली अनाथ विधवा होकर, सज्जनों के मार्ग पर स्थिर रहते हुए मैं इन दोनों को कैसे जीवित रख पाऊँगी?

श्लोक 11 (1.172.11)

अहं कृतावलेपैश्च प्रार्थ्यमानामिमां सुताम् । अयुक्तैस्तव संबन्धे कथं शक्ष्यामि रक्षितुम् ॥

ahaṃ kṛtāvalepaiśca prārthyamānāmimāṃ sutām | ayuktaistava saṃbandhe kathaṃ śakṣyāmi rakṣitum

जब आपके कुल से सम्बन्ध के अयोग्य घमण्डी लोग इस कन्या को माँगने आएँगे, तब मैं इसकी रक्षा कैसे कर सकूँगी?

श्लोक 12 (1.172.12)

उत्सृष्टमामिषं भूमौ प्रार्थयन्ति यथा खगाः । प्रार्थयन्ति जनाः सर्वे पतिहीनां तथा स्त्रियम् ॥

utsṛṣṭamāmiṣaṃ bhūmau prārthayanti yathā khagāḥ | prārthayanti janāḥ sarve patihīnāṃ tathā striyam

जैसे भूमि पर फेंके गए मांस के टुकड़े पर पक्षी टूट पड़ते हैं, वैसे ही पतिहीन स्त्री को सब लोग पाना चाहते हैं।

श्लोक 13 (1.172.13)

साऽहं विचाल्यमाना वै प्रार्थ्यमाना दुरात्मभिः । स्थातुं पथि न शक्ष्यामि सज्जनेष्टे द्विजोत्तम ॥

sā'haṃ vicālyamānā vai prārthyamānā durātmabhiḥ | sthātuṃ pathi na śakṣyāmi sajjaneṣṭe dvijottama

हे द्विजश्रेष्ठ! दुष्टों द्वारा विचलित की जाती और याचना की जाती हुई मैं सज्जनों को प्रिय मार्ग पर टिकी नहीं रह सकूँगी।

श्लोक 14 (1.172.14)

स्त्रीजन्म गर्हितं नाथ लोके दुष्टजनाकुले । मातापित्रोर्वशे कन्या प्रौढा भर्तृवशे तथा ॥

strījanma garhitaṃ nātha loke duṣṭajanākule | mātāpitrorvaśe kanyā prauḍhā bhartṛvaśe tathā

हे नाथ! दुष्टजनों से भरे इस संसार में स्त्री का जन्म निन्दित है। कुमारी कन्या माता-पिता के अधीन रहती है और विवाहित स्त्री इसी प्रकार पति के अधीन।

श्लोक 15 (1.172.15)

अभावे चानयोः पुत्रे स्वतन्त्रा स्त्री विगर्हिता ॥

abhāve cānayoḥ putre svatantrā strī vigarhitā

इन दोनों के न रहने पर वह पुत्र के अधीन रहती है; स्वतन्त्र रहने वाली स्त्री की निन्दा होती है।

श्लोक 16 (1.172.16)

अनाथत्वं स्त्रियो द्वारं दुष्टानां विवृतं हि तत् । वस्त्रखण्डं घृताक्तं हि यथा संकृष्यते श्वभिः ॥

anāthatvaṃ striyo dvāraṃ duṣṭānāṃ vivṛtaṃ hi tat | vastrakhaṇḍaṃ ghṛtāktaṃ hi yathā saṃkṛṣyate śvabhiḥ

रक्षकहीन स्त्री दुष्टों के लिए खुला द्वार है; उसे वैसे ही घसीटा जाता है जैसे घी से सने कपड़े के टुकड़े को कुत्ते घसीटते हैं।

श्लोक 17 (1.172.17)

कथं तव कुलस्यैकमिमं बालमनागसम् । पितृपैतामहे मार्गे नियोक्तुमहमुत्सहे ॥

kathaṃ tava kulasyaikamimaṃ bālamanāgasam | pitṛpaitāmahe mārge niyoktumahamutsahe

आपके कुल के इस एकमात्र निर्दोष बालक को मैं पिता-पितामहों के मार्ग पर कैसे लगा सकूँगी?

श्लोक 18 (1.172.18)

कथं शक्ष्यामि बालेऽस्मिन्गुणानाधातुमीप्सितान् । अनाथे सर्वतो लुप्ते यथा त्वं धर्मदर्शिवान् ॥

kathaṃ śakṣyāmi bāle'sminguṇānādhātumīpsitān | anāthe sarvato lupte yathā tvaṃ dharmadarśivān

सब ओर से लुटे हुए इस अनाथ बालक में मैं वे वांछित गुण कैसे भर सकूँगी, जैसे धर्म को जानने वाले आप भरते?

श्लोक 19 (1.172.19)

इमामपि च ते बालामनाथां परिभूय माम् । अनर्हाः प्रार्थयिष्यन्ति शूद्रा वेदश्रुतिं यथा ॥

imāmapi ca te bālāmanāthāṃ paribhūya mām | anarhāḥ prārthayiṣyanti śūdrā vedaśrutiṃ yathā

और आपकी इस अनाथ बालिका को भी, मेरा तिरस्कार करके, अयोग्य लोग वैसे ही माँगेंगे जैसे शूद्र वेद-श्रवण की कामना करें।

श्लोक 20 (1.172.20)

तां चेदहं न दित्सेयं सद्गुणैरुपबृंहिताम् । प्रमथ्यैनां हरेयुस्ते हविर्ध्वाङ्क्षा इवाध्वरात् ॥

tāṃ cedahaṃ na ditseyaṃ sadguṇairupabṛṃhitām | pramathyaināṃ hareyuste havirdhvāṅkṣā ivādhvarāt

और यदि सद्गुणों से सम्पन्न उसे मैं देना न चाहूँ, तो वे उसे बलपूर्वक वैसे ही उठा ले जाएँगे जैसे कौए यज्ञ से हवि उठा ले जाते हैं।

श्लोक 21 (1.172.21)

संप्रेक्षमाणा पुत्रीं ते नानुरूपमिवात्मनः । अनर्हवशमापन्नामिमां चापि सुतां तव ॥

saṃprekṣamāṇā putrīṃ te nānurūpamivātmanaḥ | anarhavaśamāpannāmimāṃ cāpi sutāṃ tava

आपकी पुत्री को मानो उसके अयोग्य दशा में, आपकी इस कन्या को अयोग्य लोगों के वश में पड़ी देखकर,

श्लोक 22 (1.172.22)

अवज्ञाता च लोकेषु तथात्मानमजानती । अवलिप्तैर्नरैर्ब्रह्मन्मरिष्यामि न संशयः ॥

avajñātā ca lokeṣu tathātmānamajānatī | avaliptairnarairbrahmanmariṣyāmi na saṃśayaḥ

संसार में तिरस्कृत और अपने को भी भूली हुई मैं, हे ब्राह्मण, घमण्डी लोगों के बीच निःसन्देह मर जाऊँगी।

श्लोक 23 (1.172.23)

तौ च हीनौ मया बालौ त्वया चैव तथात्मजौ । विनश्येतां न सन्देहो मत्स्याविव जलक्षये ॥

tau ca hīnau mayā bālau tvayā caiva tathātmajau | vinaśyetāṃ na sandeho matsyāviva jalakṣaye

और मुझसे तथा आपसे भी वंचित वे दोनों बालक, जल सूख जाने पर मछलियों की भाँति, निःसन्देह नष्ट हो जाएँगे।

श्लोक 24 (1.172.24)

त्रितयं सर्वथाप्येवं विनशिष्यत्यसंशयम् । त्वया विहीनं तस्मात्त्वं मां परित्यक्तुमर्हसि ॥

tritayaṃ sarvathāpyevaṃ vinaśiṣyatyasaṃśayam | tvayā vihīnaṃ tasmāttvaṃ māṃ parityaktumarhasi

इस प्रकार आपके बिना हम तीनों हर प्रकार से निश्चय ही नष्ट हो जाएँगे; इसलिए आपको मुझे ही त्याग देना चाहिए।

श्लोक 25 (1.172.25)

व्युष्टिरेषा परा स्त्रीणां पूर्वं भर्तुः परा गतिः । ननु ब्रह्मन्सपुत्राणामिति धर्मविदो विदुः ॥

vyuṣṭireṣā parā strīṇāṃ pūrvaṃ bhartuḥ parā gatiḥ | nanu brahmansaputrāṇāmiti dharmavido viduḥ

स्त्रियों का यही परम सौभाग्य और परम गति है कि वे पति से पहले चली जाएँ। हे ब्राह्मण, पुत्रवती स्त्रियों के लिए तो धर्मज्ञ यही मानते हैं।

श्लोक 26 (1.172.26)

अनिष्टमिह पुत्राणां विषये परिवर्तितुम् । हरिद्राञ्जनपुष्पादिसौमङ्गल्ययुता सती ॥

aniṣṭamiha putrāṇāṃ viṣaye parivartitum | haridrāñjanapuṣpādisaumaṅgalyayutā satī

पुत्रों के अधीन रहकर जीवन बिताना यहाँ अवांछनीय है। हल्दी, अंजन, फूल आदि सौभाग्य-चिह्नों से युक्त जो सती स्त्री

श्लोक 27 (1.172.27)

मरणं याति या भर्तुस्तद्दत्तजलपायिनी । भर्तृपादार्पितमनाः सा याति गिरिजापदम् ॥

maraṇaṃ yāti yā bhartustaddattajalapāyinī | bhartṛpādārpitamanāḥ sā yāti girijāpadam

पति के दिए जल को पीकर, पति के चरणों में मन लगाए, पति से पहले मृत्यु को प्राप्त होती है, वह गिरिजा (पार्वती) के लोक को जाती है।

श्लोक 28 (1.172.28)

गिरिजायाः सखी भूत्वा मोदते नगकन्यया । मितं ददाति हि पिता मितं माता मितं सुतः ॥

girijāyāḥ sakhī bhūtvā modate nagakanyayā | mitaṃ dadāti hi pitā mitaṃ mātā mitaṃ sutaḥ

गिरिजा की सखी बनकर वह पर्वतराज की पुत्री के साथ आनन्द करती है। पिता सीमित देता है, माता सीमित देती है, पुत्र भी सीमित देता है;

श्लोक 29 (1.172.29)

अमितस्य हि दातारं का पतिं नाभिनन्दति । आश्रमाश्चाग्निसंस्कारा जपहोमव्रतानि च ॥

amitasya hi dātāraṃ kā patiṃ nābhinandati | āśramāścāgnisaṃskārā japahomavratāni ca

तो असीम देने वाले पति का कौन स्त्री अभिनन्दन न करेगी? आश्रम, अग्नि-संस्कार, जप, होम और व्रत —

श्लोक 30 (1.172.30)

स्त्रीणां नैते विधातव्या विना पतिमनिन्दितम् । क्षमा शौचमनाहारमेतावद्विहितं स्त्रियाः ॥

strīṇāṃ naite vidhātavyā vinā patimaninditam | kṣamā śaucamanāhārametāvadvihitaṃ striyāḥ

ये सब स्त्रियों को अपने निर्दोष पति के बिना नहीं करने चाहिए। क्षमा, पवित्रता और उपवास — स्त्री के लिए बस इतना ही विहित है।

श्लोक 31 (1.172.31)

परित्यक्तः सुतश्चायं दुहितेयं तथा मया । बान्धवाश्च परित्यक्तास्त्वदर्थं जीवितं च मे ॥

parityaktaḥ sutaścāyaṃ duhiteyaṃ tathā mayā | bāndhavāśca parityaktāstvadarthaṃ jīvitaṃ ca me

आपके लिए मैंने इस पुत्र और इस पुत्री को त्याग दिया है, बन्धु-बान्धवों को त्याग दिया है और अपने प्राणों को भी।

श्लोक 32 (1.172.32)

यज्ञैस्तपोभिर्नियमैर्दानैश्च विविधैस्तथा । विशिष्यते स्त्रिया भर्तुर्नित्यं प्रियहिते स्थितिः ॥

yajñaistapobhirniyamairdānaiśca vividhaistathā | viśiṣyate striyā bharturnityaṃ priyahite sthitiḥ

यज्ञ, तप, नियम और नाना प्रकार के दानों से भी बढ़कर है स्त्री का सदा पति के प्रिय और हित में लगे रहना।

श्लोक 33 (1.172.33)

तदिदं यच्चिकीर्षामि धर्मं परमसंमतम् । इष्टं चैव हितं चैव तव चैव कुलस्य च ॥

tadidaṃ yaccikīrṣāmi dharmaṃ paramasaṃmatam | iṣṭaṃ caiva hitaṃ caiva tava caiva kulasya ca

इसलिए जो मैं करना चाहती हूँ, वह परम मान्य धर्म है — आपके लिए और आपके कुल के लिए प्रिय भी है और हितकर भी।

श्लोक 34 (1.172.34)

इष्टानि चाप्यपत्यानि द्रव्याणि सुहृदः प्रियाः । आपद्धर्मप्रमोक्षाय भार्या चापि सतां मतम् ॥

iṣṭāni cāpyapatyāni dravyāṇi suhṛdaḥ priyāḥ | āpaddharmapramokṣāya bhāryā cāpi satāṃ matam

सज्जनों का मत है कि प्रिय सन्तान, धन, प्रिय मित्र और पत्नी भी — ये सब आपत्ति से छुटकारे के लिए ही हैं।

श्लोक 35 (1.172.35)

आपदर्थे धनं रक्षेद्दारान्रक्षेद्धनैरपि । आत्मानं सततं रक्षेद्दारैरपि धनैरपि ॥

āpadarthe dhanaṃ rakṣeddārānrakṣeddhanairapi | ātmānaṃ satataṃ rakṣeddārairapi dhanairapi

आपत्ति के लिए धन बचाए, धन देकर भी पत्नी की रक्षा करे, और पत्नी तथा धन देकर भी सदा अपनी रक्षा करे।

श्लोक 36 (1.172.36)

दृष्टादृष्टफलार्थं हि भार्या पुत्रो धनं गृहम् । सर्वमेतद्विधातव्यं बुधानामेष निश्चयः ॥

dṛṣṭādṛṣṭaphalārthaṃ hi bhāryā putro dhanaṃ gṛham | sarvametadvidhātavyaṃ budhānāmeṣa niścayaḥ

पत्नी, पुत्र, धन और घर — ये सब दृष्ट और अदृष्ट फल के लिए ही जुटाए जाते हैं; बुद्धिमानों का यही निश्चय है।

श्लोक 37 (1.172.37)

एकतो वा कुलं कृत्स्नमात्मा वा कुलवर्धनः । उभयोः कोऽधिको विद्वन्नात्मा चैवाधिकः कुलात् ॥

ekato vā kulaṃ kṛtsnamātmā vā kulavardhanaḥ | ubhayoḥ ko'dhiko vidvannātmā caivādhikaḥ kulāt

एक ओर समूचा कुल हो और दूसरी ओर कुल को बढ़ाने वाला स्वयं — हे विद्वन्, दोनों में कौन बड़ा है? आत्मा ही कुल से बढ़कर है।

श्लोक 38 (1.172.38)

आत्मनो विद्यमानत्वाद्भुवनानि चतुर्दश । विद्यन्ते द्विजशार्दूल आत्मा रक्ष्यस्ततस्त्वया ॥

ātmano vidyamānatvādbhuvanāni caturdaśa | vidyante dvijaśārdūla ātmā rakṣyastatastvayā

हे द्विजश्रेष्ठ! आत्मा के रहने से ही चौदह भुवन विद्यमान हैं; इसलिए आपको अपनी रक्षा करनी चाहिए।

श्लोक 39 (1.172.39)

आत्मन्यविद्यमाने चेदस्य नास्तीह किंचन । एतज्जगदिदं सर्वमात्मना न समं किल ॥

ātmanyavidyamāne cedasya nāstīha kiṃcana | etajjagadidaṃ sarvamātmanā na samaṃ kila

यदि आत्मा ही न रहे तो मनुष्य के लिए यहाँ कुछ भी नहीं रहता; कहते हैं कि यह सारा जगत् आत्मा के बराबर नहीं है।

श्लोक 40 (1.172.40)

स कुरुष्व मया कार्यं तारयात्मानमात्मना । अनुजानीहि मामार्य सुतौ मे परिपालय ॥

sa kuruṣva mayā kāryaṃ tārayātmānamātmanā | anujānīhi māmārya sutau me paripālaya

अतः मेरे द्वारा अपना कार्य कीजिए और स्वयं अपना उद्धार कीजिए। हे आर्य, मुझे आज्ञा दीजिए और मेरे दोनों बच्चों का पालन कीजिए।

श्लोक 41 (1.172.41)

अवध्याः स्त्रिय इत्याहुर्धर्मज्ञा धर्मनिश्चये । धर्मज्ञान्राक्षसानाहुर्न हन्यात्स च मामपि ॥

avadhyāḥ striya ityāhurdharmajñā dharmaniścaye | dharmajñānrākṣasānāhurna hanyātsa ca māmapi

धर्म के निर्णय में धर्मज्ञ कहते हैं कि स्त्रियाँ अवध्य हैं। राक्षसों को भी धर्म जानने वाला कहा जाता है; अतः सम्भव है वह मुझे भी न मारे।

श्लोक 42 (1.172.42)

निःसंशयं वधः पुंसां स्त्रीणां संशयितो वधः । अतो मामेव धर्मज्ञ प्रस्थापयितुमर्हसि ॥

niḥsaṃśayaṃ vadhaḥ puṃsāṃ strīṇāṃ saṃśayito vadhaḥ | ato māmeva dharmajña prasthāpayitumarhasi

पुरुषों का वध निश्चित है, स्त्रियों का वध संदिग्ध है। इसलिए हे धर्मज्ञ, आपको मुझे ही भेजना चाहिए।

श्लोक 43 (1.172.43)

भुक्तं प्रियाण्यवाप्तानि धर्मश्च चरितो मया । त्वच्छुश्रूषणसंभूता कीर्तिश्चाप्यतुला मम । त्वत्प्रसूतिः प्रिया प्राप्ता न मां तप्स्यत्यजीवितं ॥

bhuktaṃ priyāṇyavāptāni dharmaśca carito mayā | tvacchuśrūṣaṇasaṃbhūtā kīrtiścāpyatulā mama | tvatprasūtiḥ priyā prāptā na māṃ tapsyatyajīvitaṃ

मैंने जीवन का भोग कर लिया, प्रिय वस्तुएँ पा लीं और धर्म का आचरण भी कर लिया; आपकी सेवा से मुझे अतुल कीर्ति भी मिली है। आपसे मुझे प्रिय सन्तान मिली है; अब मृत्यु मुझे दुःख नहीं देगी।

श्लोक 44 (1.172.44)

जातपुत्रा च वृद्धा च प्रियकामा च ते सदा । समीक्ष्यैतदहं सर्वं व्यवसायं करोम्यतः ॥

jātaputrā ca vṛddhā ca priyakāmā ca te sadā | samīkṣyaitadahaṃ sarvaṃ vyavasāyaṃ karomyataḥ

मैं सन्तान को जन्म दे चुकी हूँ, वृद्ध हो चली हूँ और सदा आपका प्रिय चाहती रही हूँ; यह सब विचारकर ही मैंने यह निश्चय किया है।

श्लोक 45 (1.172.45)

उत्सृज्यापि हि मामार्य प्राप्स्यस्यन्यामपि स्त्रियम् । ततः प्रतिष्ठितो धर्मो भविष्यति पुनस्तव ॥

utsṛjyāpi hi māmārya prāpsyasyanyāmapi striyam | tataḥ pratiṣṭhito dharmo bhaviṣyati punastava

हे आर्य, मुझे त्यागकर भी आप दूसरी पत्नी पा लेंगे; तब आपका धर्म फिर से प्रतिष्ठित हो जाएगा।

श्लोक 46 (1.172.46)

न चाप्यधर्मः कल्याण बहुपत्नीकता नृणाम् । स्त्रीणामधर्मः सुमहान्भर्तुः पूर्वस्य लङ्घने ॥

na cāpyadharmaḥ kalyāṇa bahupatnīkatā nṛṇām | strīṇāmadharmaḥ sumahānbhartuḥ pūrvasya laṅghane

हे कल्याणमय, पुरुषों का अनेक पत्नियाँ रखना अधर्म नहीं है; पर स्त्रियों के लिए पहले पति का उल्लंघन करना बड़ा अधर्म है।

श्लोक 47 (1.172.47)

एतत्सर्वं समीक्ष्य त्वमात्मत्यागं च गर्हितम् । आत्मानं तारयाद्याशु कुलं चेमौ च दारकौ ॥

etatsarvaṃ samīkṣya tvamātmatyāgaṃ ca garhitam | ātmānaṃ tārayādyāśu kulaṃ cemau ca dārakau

यह सब विचारकर, और यह जानकर कि आत्मत्याग निन्दित है, अभी शीघ्र अपना, अपने कुल का और इन दोनों बच्चों का उद्धार कीजिए।

श्लोक 48 (1.172.48)

एवमुक्तस्तया भर्ता तां समालिङ्ग्य भारत । मुमोच बाष्पं शनकैः सभार्यो भृशदुःखितः ॥

evamuktastayā bhartā tāṃ samāliṅgya bhārata | mumoca bāṣpaṃ śanakaiḥ sabhāryo bhṛśaduḥkhitaḥ

हे भारत! पत्नी के ऐसा कहने पर पति ने उसे गले लगा लिया, और अत्यन्त दुःखी होकर वह पत्नी के साथ धीरे-धीरे आँसू बहाने लगा।

श्लोक 49 (1.172.49)

मैवं वद त्वं कल्याणि तिष्ठ चेह सुमध्यमे । न तु भार्यां त्यजेत्प्राज्ञः पुत्रान्वापि कदाचन ॥

maivaṃ vada tvaṃ kalyāṇi tiṣṭha ceha sumadhyame | na tu bhāryāṃ tyajetprājñaḥ putrānvāpi kadācana

हे कल्याणी, ऐसा मत कहो; हे सुमध्यमे, यहीं रहो। बुद्धिमान पुरुष को अपनी पत्नी या पुत्रों को कभी नहीं त्यागना चाहिए।

श्लोक 50 (1.172.50)

विशेषतः स्त्रियं रक्षेत्पुरुषो बुद्धिमानिह । त्यक्त्वा तु पुरुषो जीवेन्न हातव्यानिमान्सदा । न वेत्ति कामं धर्मं च अर्थं मोक्षं च तत्त्वतः ॥

viśeṣataḥ striyaṃ rakṣetpuruṣo buddhimāniha | tyaktvā tu puruṣo jīvenna hātavyānimānsadā | na vetti kāmaṃ dharmaṃ ca arthaṃ mokṣaṃ ca tattvataḥ

विशेषकर बुद्धिमान पुरुष को इस संसार में स्त्री की रक्षा करनी चाहिए। इन्हें कभी नहीं त्यागना चाहिए; जो पुरुष इन्हें त्यागकर जीता है, वह काम, धर्म, अर्थ और मोक्ष को तत्त्व से नहीं जानता।