पाञ्चाल के मार्ग में ब्राह्मणों से भेंट

श्लोक 1 (1.185.1)

गते भगवति व्यासे पाण्डवा हृष्टमानसाः । ते प्रयाता नरव्याघ्रा मात्रा सह परन्तपाः ॥

gate bhagavati vyāse pāṇḍavā hṛṣṭamānasāḥ | te prayātā naravyāghrā mātrā saha parantapāḥ

भगवान व्यास के चले जाने पर पाण्डव प्रसन्नचित्त हुए, और वे नरश्रेष्ठ, शत्रुओं को तपाने वाले वीर अपनी माता के साथ चल पड़े।

श्लोक 2 (1.185.2)

ब्राह्मणान्गच्छतोऽपश्यन्पाञ्चालान्सगणान्पथि । अथ ते ब्राह्मणा ऊचुः पाण्डवान्ब्रह्मचारिणः ॥

brāhmaṇāngacchato'paśyanpāñcālānsagaṇānpathi | atha te brāhmaṇā ūcuḥ pāṇḍavānbrahmacāriṇaḥ

मार्ग में उन्होंने अपने साथियों सहित पाञ्चाल देश जाते हुए ब्राह्मणों को देखा। तब उन ब्राह्मणों ने ब्रह्मचारी-वेश में चल रहे पाण्डवों से कहा—

श्लोक 3 (1.185.3)

क्व भवन्तो गमिष्यन्ति कुतो वाऽऽगच्छथेति ह । प्रयातानेकचक्रायाः सोदर्यान्देवदर्शिनः ॥

kva bhavanto gamiṣyanti kuto vā''gacchatheti ha | prayātānekacakrāyāḥ sodaryāndevadarśinaḥ

"आप लोग कहाँ जा रहे हैं, और कहाँ से आ रहे हैं?" युधिष्ठिर ने उत्तर दिया—"हम एकचक्रा से चले हैं; हम एक ही माता के पुत्र, देवताओं-जैसे रूप वाले सगे भाई हैं।

श्लोक 4 (1.185.4)

भवन्तो नोऽभिजानन्तु सहितान्ब्रह्मचारिणः । गच्छतो नस्तु पाञ्चालान्द्रुपदस्य पुरं प्रति ॥

bhavanto no'bhijānantu sahitānbrahmacāriṇaḥ | gacchato nastu pāñcālāndrupadasya puraṃ prati

आप हमें साथ-साथ चलने वाले ब्रह्मचारी समझें; हम पाञ्चाल देश में द्रुपद के नगर की ओर जा रहे हैं।

श्लोक 5 (1.185.5)

इच्छामो भवतो ज्ञातुं परं कौतूहलं हि नः ॥

icchāmo bhavato jñātuṃ paraṃ kautūhalaṃ hi naḥ

हम आपके विषय में जानना चाहते हैं, क्योंकि हमें बड़ा कौतूहल है।"

श्लोक 6 (1.185.6)

एते सार्धं प्रयाताः स्मो वयमप्यत्र गामिनः । तत्राप्यद्भुतसङ्काश उत्सवो भविता महान् ॥

ete sārdhaṃ prayātāḥ smo vayamapyatra gāminaḥ | tatrāpyadbhutasaṅkāśa utsavo bhavitā mahān

हम भी साथ मिलकर वहीं जा रहे हैं। वहाँ एक अद्भुत और महान उत्सव होने वाला है।

श्लोक 7 (1.185.7)

ततस्तु यज्ञसेनस्य द्रुपदस्य महात्मनः । यासावयोनिजा कन्या स्थास्यते सा स्वयंवरे ॥

tatastu yajñasenasya drupadasya mahātmanaḥ | yāsāvayonijā kanyā sthāsyate sā svayaṃvare

महात्मा द्रुपद यज्ञसेन की वह अयोनिजा कन्या स्वयंवर में उपस्थित होगी।

श्लोक 8 (1.185.8)

दर्शनीयाऽनवद्याङ्गी सुकुमारी यशस्विनी । धृष्टद्युम्नस्य भगिनी द्रोणशत्रोः प्रतापिनः ॥

darśanīyā'navadyāṅgī sukumārī yaśasvinī | dhṛṣṭadyumnasya bhaginī droṇaśatroḥ pratāpinaḥ

वह देखने में सुन्दर, निर्दोष अंगों वाली, सुकुमार और यशस्विनी है—द्रोण के शत्रु, प्रतापी धृष्टद्युम्न की बहन।

श्लोक 9 (1.185.9)

जातो यः पावकाच्छूरः सशरः सशरासनः । सुसमिद्धान्महाभागः सोमकानां महारथः ॥

jāto yaḥ pāvakācchūraḥ saśaraḥ saśarāsanaḥ | susamiddhānmahābhāgaḥ somakānāṃ mahārathaḥ

वही शूरवीर, जो प्रज्वलित अग्नि से बाण और धनुष सहित प्रकट हुआ, सोमकों का महाभाग महारथी है।

श्लोक 10 (1.185.10)

यस्मिन्संजायमाने हि वागुवाचाशरीरिणी । एष मृत्युश्च शिष्यश्च भारद्वाजस्य जायते ॥

yasminsaṃjāyamāne hi vāguvācāśarīriṇī | eṣa mṛtyuśca śiṣyaśca bhāradvājasya jāyate

जिसके जन्म के समय आकाशवाणी ने कहा था—"यह भारद्वाजपुत्र द्रोण का शिष्य भी होगा और उनकी मृत्यु भी।"

श्लोक 11 (1.185.11)

स्वसा तस्य तु वेद्याश्च जाता तस्मिन्महामखे । स्त्रीरत्नमसितापाङ्गी श्यामा नीलोत्पलद्युतिः ॥

svasā tasya tu vedyāśca jātā tasminmahāmakhe | strīratnamasitāpāṅgī śyāmā nīlotpaladyutiḥ

उसी महायज्ञ में वेदी से उसकी बहन उत्पन्न हुई—स्त्रियों में रत्न, कजरारे नेत्रों वाली, श्यामवर्णा, नीलकमल-सी कान्ति वाली।

श्लोक 12 (1.185.12)

तां यज्ञसेनस्य सुतां द्रौपदीं परमां स्त्रियम् । गच्छामस्तत्र वै द्रष्टुं तं चैवास्याः स्वयंवरम् ॥

tāṃ yajñasenasya sutāṃ draupadīṃ paramāṃ striyam | gacchāmastatra vai draṣṭuṃ taṃ caivāsyāḥ svayaṃvaram

यज्ञसेन की उसी पुत्री, स्त्रियों में श्रेष्ठ द्रौपदी को और उसके स्वयंवर को देखने हम वहाँ जा रहे हैं।

श्लोक 13 (1.185.13)

राजानो राजपुत्राश्च यज्वानो भूरिदक्षिणाः । स्वाध्यायवन्तः शुचयो महात्मानो धृतव्रताः ॥

rājāno rājaputrāśca yajvāno bhūridakṣiṇāḥ | svādhyāyavantaḥ śucayo mahātmāno dhṛtavratāḥ

बड़ी-बड़ी दक्षिणा देने वाले यज्ञकर्ता राजा और राजकुमार—स्वाध्यायशील, पवित्र, महात्मा और दृढ़व्रती—

श्लोक 14 (1.185.14)

तरुणा दर्शनीयाश्च बलवन्तो दुरासदाः । महारथाः कृतास्त्राश्च समेष्यन्तीह भूमिपाः ॥

taruṇā darśanīyāśca balavanto durāsadāḥ | mahārathāḥ kṛtāstrāśca sameṣyantīha bhūmipāḥ

तरुण, दर्शनीय, बलवान और दुर्जेय, अस्त्रविद्या में निपुण महारथी—ऐसे भूपाल वहाँ एकत्र होंगे।

श्लोक 15 (1.185.15)

ते तत्र विविधं दानं विजयार्थं नरेश्वराः । प्रदास्यन्ति धनं गाश्च भक्ष्यभोज्यानि सर्वशः ॥

te tatra vividhaṃ dānaṃ vijayārthaṃ nareśvarāḥ | pradāsyanti dhanaṃ gāśca bhakṣyabhojyāni sarvaśaḥ

वहाँ वे नरेश विजय की कामना से अनेक प्रकार के दान देंगे—धन, गौएँ और सब प्रकार के भक्ष्य-भोज्य पदार्थ।

श्लोक 16 (1.185.16)

प्रतिलप्स्यामहे सर्वं दृष्ट्वा कृष्णां स्वयंवरे । यं च सा क्षत्रियं रङ्गे कुमारी वरयिष्यति ॥

pratilapsyāmahe sarvaṃ dṛṣṭvā kṛṣṇāṃ svayaṃvare | yaṃ ca sā kṣatriyaṃ raṅge kumārī varayiṣyati

स्वयंवर में कृष्णा को, और उस क्षत्रिय को जिसे वह कुमारी रंगभूमि में वरेगी, देखकर हम वह सब दान प्राप्त करेंगे।

श्लोक 17 (1.185.17)

तदा वैतालिकाश्चैव नर्तकाः सूतमागधाः । निबोधकाश्च देशेभ्यः समेष्यन्ति महाबलाः ॥

tadā vaitālikāścaiva nartakāḥ sūtamāgadhāḥ | nibodhakāśca deśebhyaḥ sameṣyanti mahābalāḥ

हे महाबलियो, तब वहाँ अनेक देशों से वैतालिक, नर्तक, सूत, मागध और घोषणा करने वाले लोग भी एकत्र होंगे।

श्लोक 18 (1.185.18)

एतत्कौतूहलं तत्र दृष्ट्वा वै प्रतिगृह्य च । सहास्माभिर्महात्मानो मात्रा सह निवत्स्यथ ॥

etatkautūhalaṃ tatra dṛṣṭvā vai pratigṛhya ca | sahāsmābhirmahātmāno mātrā saha nivatsyatha

हे महात्माओ, वहाँ यह कौतुक देखकर और दान ग्रहण करके तुम अपनी माता के साथ हमारे संग ही ठहरना।

श्लोक 19 (1.185.19)

दर्शनीयांश्च वः सर्वानेकरूपानवस्थितान् । समीक्ष्य कृष्णा वरयेत्संगत्यान्यतमं पतिम् ॥

darśanīyāṃśca vaḥ sarvānekarūpānavasthitān | samīkṣya kṛṣṇā varayetsaṃgatyānyatamaṃ patim

और तुम सबको एक-से रूप वाले, सुन्दर रूप में खड़े देखकर कृष्णा संयोग से तुममें से किसी एक को पति चुन सकती है।

श्लोक 20 (1.185.20)

अयमेकश्च वो भ्राता दर्शनीयो महाभुजः । नियुध्यमानो विजयेत्संगत्य द्रविणं महत् ॥

ayamekaśca vo bhrātā darśanīyo mahābhujaḥ | niyudhyamāno vijayetsaṃgatya draviṇaṃ mahat

और तुम्हारा यह एक भाई, जो सुन्दर और महाबाहु है, प्रतियोगिता में उतरकर, लड़कर बहुत धन जीत सकता है।

श्लोक 21 (1.185.21)

परमं भो गमिष्यामो द्रष्टुं तत्र स्वयंवरम् । द्रौपदीं यज्ञसेनस्य कन्यां तस्यास्तथोत्सवम् ॥

paramaṃ bho gamiṣyāmo draṣṭuṃ tatra svayaṃvaram | draupadīṃ yajñasenasya kanyāṃ tasyāstathotsavam

महानुभावो, बहुत अच्छा; हम वहाँ स्वयंवर को, यज्ञसेन की कन्या द्रौपदी को और उसके उत्सव को देखने अवश्य चलेंगे।