नालायनी का शाप और रुद्र का वरदान

श्लोक 1 (1.213.1)

ब्रूहि तत्कारणं येन ब्रह्मन्नालायनी शुभा । जाता ममाध्वरे कृष्णा सर्ववेदविदां वर ॥

brūhi tatkāraṇaṃ yena brahmannālāyanī śubhā | jātā mamādhvare kṛṣṇā sarvavedavidāṃ vara

हे ब्रह्मन्, समस्त वेदज्ञों में श्रेष्ठ! मुझे वह कारण बताइए जिससे शुभ नालायनी मेरे यज्ञ में कृष्णा के रूप में उत्पन्न हुई।

श्लोक 2 (1.213.2)

शृणु राजन्यथा ह्यस्या दत्तो रुद्रेण वै वरः । यदर्थं चैव संभूता तव गेहे यशस्विनी ॥

śṛṇu rājanyathā hyasyā datto rudreṇa vai varaḥ | yadarthaṃ caiva saṃbhūtā tava gehe yaśasvinī

हे राजन्, सुनो कि रुद्र ने इसे कैसे वर दिया था और यह यशस्विनी किस प्रयोजन से तुम्हारे घर में उत्पन्न हुई।

श्लोक 3 (1.213.3)

हन्त ते कथयिष्यामि कृष्णायाः पौर्वदेहिकम् । इन्द्रसेनेति विख्याता पुरा नालायनी शुभा ॥

hanta te kathayiṣyāmi kṛṣṇāyāḥ paurvadehikam | indraseneti vikhyātā purā nālāyanī śubhā

अब मैं तुम्हें कृष्णा के पूर्वजन्म का वृत्तान्त सुनाता हूँ। प्राचीन काल में इन्द्रसेना नाम से विख्यात शुभ नालायनी थी।

श्लोक 4 (1.213.4)

मौद्गल्यं पतिमासाद्य चचार विगतज्वरा । मौद्गल्यस्य महर्षेश्च रममाणस्य वै तया ॥

maudgalyaṃ patimāsādya cacāra vigatajvarā | maudgalyasya maharṣeśca ramamāṇasya vai tayā

मौद्गल्य को पति के रूप में पाकर वह निश्चिन्त होकर विचरती रही। और महर्षि मौद्गल्य जब उसके साथ रमण करते रहे,

श्लोक 5 (1.213.5)

संवत्सरगणा राजन्व्यतीयुः क्षणवत्तदा । ततः कदाचिद्धर्मात्मा तृप्तः कामैर्व्यरज्यत ॥

saṃvatsaragaṇā rājanvyatīyuḥ kṣaṇavattadā | tataḥ kadāciddharmātmā tṛptaḥ kāmairvyarajyata

तो हे राजन्, वर्षों के अनेक चक्र क्षण भर के समान बीत गए। फिर एक दिन वे धर्मात्मा मुनि भोगों से तृप्त होकर उनसे विरक्त हो गए।

श्लोक 6 (1.213.6)

अन्विच्छन्परमं धर्मं ब्रह्मयोगपरोऽभवत् । उत्ससर्ज स तां विप्रः सा तदा चापतद्भुवि । मौद्गल्यो राजशार्दूल तपोभिर्भावितः सदा ॥

anvicchanparamaṃ dharmaṃ brahmayogaparo'bhavat | utsasarja sa tāṃ vipraḥ sā tadā cāpatadbhuvi | maudgalyo rājaśārdūla tapobhirbhāvitaḥ sadā

परम धर्म की खोज में वे ब्रह्मयोग में लीन हो गए। उस ब्राह्मण ने उसे त्याग दिया और वह भूमि पर गिर पड़ी; क्योंकि हे राजसिंह, मौद्गल्य सदा तपस्या से पवित्र रहते थे।

श्लोक 7 (1.213.7)

प्रसीद भगवन्मह्यं न मामुत्स्रष्टुमर्हसि । अवितृप्तास्मि ब्रह्मर्षे कामानां कामसेवनात् ॥

prasīda bhagavanmahyaṃ na māmutsraṣṭumarhasi | avitṛptāsmi brahmarṣe kāmānāṃ kāmasevanāt

भगवन्, मुझ पर प्रसन्न होइए; आपको मुझे त्यागना नहीं चाहिए। हे ब्रह्मर्षि, भोगों के सेवन से मैं अभी तृप्त नहीं हुई हूँ।

श्लोक 8 (1.213.8)

यस्मात्त्वं मामनिःशङ्का ह्यवक्तव्यं प्रभाषसे । आचरन्ती तपोविघ्नं तस्माच्छृणु वचो मम ॥

yasmāttvaṃ māmaniḥśaṅkā hyavaktavyaṃ prabhāṣase | ācarantī tapovighnaṃ tasmācchṛṇu vaco mama

क्योंकि तुम निःसंकोच होकर मुझसे वह कह रही हो जो कहने योग्य नहीं, और इस प्रकार मेरी तपस्या में विघ्न डाल रही हो, इसलिए मेरी बात सुनो।

श्लोक 9 (1.213.9)

भविष्यसि नृलोके त्वं राजपुत्री यशस्विनी । पाञ्चालराजस्य सुता द्रुपदस्य महात्मनः ॥

bhaviṣyasi nṛloke tvaṃ rājaputrī yaśasvinī | pāñcālarājasya sutā drupadasya mahātmanaḥ

मनुष्यलोक में तुम एक यशस्विनी राजकुमारी बनोगी, पाञ्चालराज महात्मा द्रुपद की पुत्री।

श्लोक 10 (1.213.10)

भवितारस्तत्र तव पतयः पञ्च विश्रुताः । तैः सार्धं मधुराकारैश्चिरं रतिमवाप्स्यसि ॥

bhavitārastatra tava patayaḥ pañca viśrutāḥ | taiḥ sārdhaṃ madhurākāraiściraṃ ratimavāpsyasi

वहाँ तुम्हारे पाँच विख्यात पति होंगे, और उन मनोहर रूप वालों के साथ तुम दीर्घकाल तक प्रेम का सुख पाओगी।

श्लोक 11 (1.213.11)

सैवं शप्ता तु विमना वनं प्रागाद्यशस्विनी । भोगैरतृप्ता देवेशं तपसाऽऽराधयत्तदा ॥

saivaṃ śaptā tu vimanā vanaṃ prāgādyaśasvinī | bhogairatṛptā deveśaṃ tapasā''rādhayattadā

इस प्रकार शाप पाकर वह यशस्विनी उदास मन से वन को चली गई; भोगों से अतृप्त रहकर उसने तब तपस्या द्वारा देवेश्वर की आराधना की।

श्लोक 12 (1.213.12)

निराशीर्मारुताहारा निराहारा तथैव च । अनुवर्तमाना त्वादित्यं तथा पञ्चतपाभवत् ॥

nirāśīrmārutāhārā nirāhārā tathaiva ca | anuvartamānā tvādityaṃ tathā pañcatapābhavat

कामनाओं से रहित होकर, केवल वायु पीकर और फिर बिना किसी आहार के, सूर्य की गति का अनुसरण करती हुई उसने पञ्चाग्नि तप किया।

श्लोक 13 (1.213.13)

तीव्रेण तपसा तस्यास्तुष्टः पशुपतिः स्वयम् । वरं प्रादात्तदा रुद्रः सर्वलोकेश्वरः प्रभुः ॥

tīvreṇa tapasā tasyāstuṣṭaḥ paśupatiḥ svayam | varaṃ prādāttadā rudraḥ sarvalokeśvaraḥ prabhuḥ

उसके कठोर तप से प्रसन्न होकर स्वयं पशुपति, सब लोकों के स्वामी प्रभु रुद्र ने तब उसे वर दिया।

श्लोक 14 (1.213.14)

भविष्यति परं जन्म भविष्यति वराङ्गना । भविष्यन्ति परं भद्रे पतयः पञ्च विश्रुताः ॥

bhaviṣyati paraṃ janma bhaviṣyati varāṅganā | bhaviṣyanti paraṃ bhadre patayaḥ pañca viśrutāḥ

तुम्हारा एक और जन्म होगा और तुम एक अत्यन्त सुन्दर नारी बनोगी। हे भद्रे, वहाँ तुम्हारे पाँच विख्यात पति होंगे,

श्लोक 15 (1.213.15)

महेन्द्रवपुषः सर्वे महेन्द्रसमविक्रमाः । तत्रस्था च महत्कर्म सुराणां त्वं करिष्यसि ॥

mahendravapuṣaḥ sarve mahendrasamavikramāḥ | tatrasthā ca mahatkarma surāṇāṃ tvaṃ kariṣyasi

वे सभी महेन्द्र के समान शरीर वाले और महेन्द्र के समान पराक्रमी होंगे। वहाँ रहकर तुम देवताओं का एक महान कार्य सिद्ध करोगी।

श्लोक 16 (1.213.16)

एकः खलु मया भर्ता वृतः पञ्च त्विमे कथम् । एको भवति नैकस्या बहवस्तद्ब्रवीहि मे ॥

ekaḥ khalu mayā bhartā vṛtaḥ pañca tvime katham | eko bhavati naikasyā bahavastadbravīhi me

मैंने तो एक ही पति माँगा था; फिर ये पाँच कैसे? एक स्त्री का एक ही पति होता है, अनेक नहीं। यह मुझे समझाइए।

श्लोक 17 (1.213.17)

पञ्चकृत्वस्त्वया चोक्तः पतिं देहीत्यहं पुनः । पञ्च ते पतयो भद्रे भविष्यन्ति सुखावहाः ॥

pañcakṛtvastvayā coktaḥ patiṃ dehītyahaṃ punaḥ | pañca te patayo bhadre bhaviṣyanti sukhāvahāḥ

तुमने मुझसे पाँच बार कहा था, "मुझे पति दीजिए।" इसलिए हे भद्रे, तुम्हारे पाँच पति होंगे, जो तुम्हें सुख देंगे।

श्लोक 18 (1.213.18)

धर्म एकः पतिः स्त्रीणां पूर्वमेव प्रकल्पितः । बहुपत्नीकता पुंसो धर्मश्च बहुभिः कृतः ॥

dharma ekaḥ patiḥ strīṇāṃ pūrvameva prakalpitaḥ | bahupatnīkatā puṃso dharmaśca bahubhiḥ kṛtaḥ

धर्म ने आरम्भ से ही स्त्रियों के लिए एक पति का विधान किया है। अनेक पत्नियाँ रखना पुरुष का धर्म है, जिसे बहुतों ने स्थापित किया है।

श्लोक 19 (1.213.19)

स्त्रीधर्मः पूर्वमेवायं निर्मितो मुनिभिः सदा । सहधर्मचरी भर्तुरेका एकस्य चोच्यते ॥

strīdharmaḥ pūrvamevāyaṃ nirmito munibhiḥ sadā | sahadharmacarī bharturekā ekasya cocyate

स्त्रियों का यह धर्म मुनियों ने बहुत पहले ही सदा के लिए निर्धारित कर दिया था: एक स्त्री एक ही पति की सहधर्मचारिणी कही जाती है।

श्लोक 20 (1.213.20)

एको हि भर्ता नारीणां कौमार इति लौकिकः । आपत्सु च नियोगेन भर्तुर्नार्याः परः स्मृतः ॥

eko hi bhartā nārīṇāṃ kaumāra iti laukikaḥ | āpatsu ca niyogena bharturnāryāḥ paraḥ smṛtaḥ

लोक-रीति यह है कि स्त्री का एक ही पति होता है, जिससे उसका कुमारी अवस्था में विवाह हुआ; आपत्ति के समय नियोग द्वारा पति के अतिरिक्त किसी अन्य का विधान माना गया है।

श्लोक 21 (1.213.21)

गच्छेत न तृतीयं तु तस्या निष्कृतिरुच्यते । चतुर्थे पतिता नारी पञ्चमे वर्धकी भवेत् ॥

gaccheta na tṛtīyaṃ tu tasyā niṣkṛtirucyate | caturthe patitā nārī pañcame vardhakī bhavet

वह तीसरे के पास न जाए; उसके लिए प्रायश्चित्त बताया गया है। चौथे के साथ स्त्री पतित हो जाती है और पाँचवें के साथ वह कुलटा मानी जाती है।

श्लोक 22 (1.213.22)

एवं गते धर्मपथे न वृणे बहुपुंस्कताम् । अलोकाचरितात्तस्मात्कथं मुच्येय सङ्करात् ॥

evaṃ gate dharmapathe na vṛṇe bahupuṃskatām | alokācaritāttasmātkathaṃ mucyeya saṅkarāt

जब धर्म का मार्ग ऐसा है, तो मैं अनेक पतियों को नहीं चुनती। यह लोक में प्रचलित नहीं है; फिर मैं उस वर्णसंकर रूपी दोष से कैसे बच सकूँगी?

श्लोक 23 (1.213.23)

अनावृताः पुरा नार्यो ह्यासञ्शुध्यन्ति चार्तवे । सकृदुक्तं त्वया नैतन्नाधर्मस्ते भविष्यति ॥

anāvṛtāḥ purā nāryo hyāsañśudhyanti cārtave | sakṛduktaṃ tvayā naitannādharmaste bhaviṣyati

प्राचीन काल में स्त्रियाँ बन्धनरहित थीं और ऋतुकाल से ही शुद्ध हो जाती थीं। तुमने यह एक बार नहीं, पाँच बार माँगा था; तुम्हें कोई अधर्म नहीं लगेगा।

श्लोक 24 (1.213.24)

यदि मे पतयः पञ्च रतिमिच्छामि तैर्मिथः । कौमारं च भवेत्सर्वैः संगमे संगमे च मे ॥

yadi me patayaḥ pañca ratimicchāmi tairmithaḥ | kaumāraṃ ca bhavetsarvaiḥ saṃgame saṃgame ca me

यदि मेरे पाँच पति होंगे, तो मैं उनमें से प्रत्येक के साथ प्रेम का सुख चाहती हूँ, और सबके साथ प्रत्येक समागम पर मेरा कौमार्य लौट आए।

श्लोक 25 (1.213.25)

पतिशुश्रूषया चैव सिद्धिः प्राप्ता मया पुरा । भोगेच्छा च मया प्राप्ता स च भोगश्च मे भवेत् ॥

patiśuśrūṣayā caiva siddhiḥ prāptā mayā purā | bhogecchā ca mayā prāptā sa ca bhogaśca me bhavet

पति की सेवा से मैंने पहले सिद्धि प्राप्त की थी; और मुझमें भोग की इच्छा भी जाग उठी है। मुझे वह भोग भी मिले।

श्लोक 26 (1.213.26)

रतिश्च भद्रे सिद्धिश्च न भजेते परस्परम् । भोगानाप्स्यसि सिद्धिं च योगेन च महत्त्वताम् ॥

ratiśca bhadre siddhiśca na bhajete parasparam | bhogānāpsyasi siddhiṃ ca yogena ca mahattvatām

हे भद्रे, रति और सिद्धि एक साथ नहीं रहतीं। फिर भी तुम भोग भी पाओगी, सिद्धि भी, और योग से महत्ता भी।

श्लोक 27 (1.213.27)

अन्यदेहान्तरे चैव रूपभाग्यगुणान्विता । पञ्चभिः प्राप्य कौमारं महाभागा भविष्यसि ॥

anyadehāntare caiva rūpabhāgyaguṇānvitā | pañcabhiḥ prāpya kaumāraṃ mahābhāgā bhaviṣyasi

दूसरे शरीर में तुम रूप, सौभाग्य और गुणों से सम्पन्न होगी, और पाँचों के साथ कौमार्य पाकर परम भाग्यशालिनी बनोगी।

श्लोक 28 (1.213.28)

गच्छ गङ्गाजलस्था च नरं पश्यसि यं शुभे । तमानय ममाभ्याशं सुरराजं शुचिस्मिते ॥

gaccha gaṅgājalasthā ca naraṃ paśyasi yaṃ śubhe | tamānaya mamābhyāśaṃ surarājaṃ śucismite

जाओ, और गङ्गा के जल में खड़ी होकर, हे शुभे, तुम जिस पुरुष को देखो, हे मधुर मुस्कान वाली, उसे मेरे पास ले आओ; वह देवताओं का राजा है।

श्लोक 29 (1.213.29)

इत्युक्ता विश्वरूपेण रुद्रं कृत्वा प्रदक्षिणम् । जगाम गङ्गामुद्दिश्य पुण्यां त्रिपथगां नदीम् ॥

ityuktā viśvarūpeṇa rudraṃ kṛtvā pradakṣiṇam | jagāma gaṅgāmuddiśya puṇyāṃ tripathagāṃ nadīm

विश्वरूप भगवान के ऐसा कहने पर उसने रुद्र की परिक्रमा की और त्रिपथगामिनी पवित्र नदी गङ्गा की ओर चल पड़ी।