ययाति और देवयानी का विवाह

श्लोक 1 (1.75.1)

अथ दीर्घस्य कालस्य देवयानी नृपोत्तम । वनं तदेव निर्याता क्रीडार्थं वरवर्णिनी ॥

atha dīrghasya kālasya devayānī nṛpottama | vanaṃ tadeva niryātā krīḍārthaṃ varavarṇinī

हे नृपश्रेष्ठ! बहुत समय बीतने के बाद सुन्दरी देवयानी क्रीड़ा के लिए फिर उसी वन में गई।

श्लोक 2 (1.75.2)

तेन दासीसहस्रेण सार्धं शर्मिष्ठया तदा । तमेव देशं संप्राप्ता यथाकामं चचार सा ॥

tena dāsīsahasreṇa sārdhaṃ śarmiṣṭhayā tadā | tameva deśaṃ saṃprāptā yathākāmaṃ cacāra sā

उसके साथ शर्मिष्ठा और वे एक सहस्र दासियाँ भी थीं। उसी स्थान पर पहुँचकर वह इच्छानुसार विहार करने लगी।

श्लोक 3 (1.75.3)

ताभिः सखीभिः सहिता सर्वाभिर्मुदिता भृशम् । क्रीडन्त्योऽभिरताः सर्वाः पिबन्त्यो मधुमाधवीम् ॥

tābhiḥ sakhībhiḥ sahitā sarvābhirmuditā bhṛśam | krīḍantyo'bhiratāḥ sarvāḥ pibantyo madhumādhavīm

उन सब सखियों के साथ वह अत्यन्त प्रसन्न थी। वे सब क्रीड़ा और आमोद में मग्न होकर मधुर माधवी मदिरा पी रही थीं,

श्लोक 4 (1.75.4)

खादन्त्यो विविधान्भक्ष्यान्विदशन्त्यः फलानि च । पुनश्च नाहुषो राजा मृगलिप्सुर्यदृच्छया ॥

khādantyo vividhānbhakṣyānvidaśantyaḥ phalāni ca | punaśca nāhuṣo rājā mṛgalipsuryadṛcchayā

तरह-तरह के भोज्य पदार्थ खा रही थीं और फल चख रही थीं। उसी समय नहुषपुत्र राजा ययाति भी मृगया की इच्छा से संयोगवश फिर

श्लोक 5 (1.75.5)

तमेव देशं संप्राप्तो जलार्थी श्रमकर्शितः । ददर्श देवयानीं स शर्मिष्ठां ताश्च योषितः ॥

tameva deśaṃ saṃprāpto jalārthī śramakarśitaḥ | dadarśa devayānīṃ sa śarmiṣṭhāṃ tāśca yoṣitaḥ

उसी स्थान पर आ पहुँचे; वे थकान से क्लान्त थे और जल खोज रहे थे। उन्होंने देवयानी, शर्मिष्ठा और उन स्त्रियों को देखा,

श्लोक 6 (1.75.6)

पिबन्तीर्ललमानाश्च दिव्याभरणभूषिताः । आसनप्रवरे दिव्ये सर्वरत्नविभूषिते । उपविष्टां च ददृशे देवयानीं शुचिस्मिताम् ॥

pibantīrlalamānāśca divyābharaṇabhūṣitāḥ | āsanapravare divye sarvaratnavibhūṣite | upaviṣṭāṃ ca dadṛśe devayānīṃ śucismitām

जो दिव्य आभूषणों से सजी पान और क्रीड़ा कर रही थीं। उन्होंने उज्ज्वल मुस्कान वाली देवयानी को सब प्रकार के रत्नों से जड़े एक श्रेष्ठ दिव्य आसन पर बैठी देखा।

श्लोक 7 (1.75.7)

रूपेणाप्रतिमां तासां स्त्रीणां मध्ये वराङ्गनाम् । आसनाच्च ततः किंचिद्विहीनां हेमभूषिताम् ॥

rūpeṇāpratimāṃ tāsāṃ strīṇāṃ madhye varāṅganām | āsanācca tataḥ kiṃcidvihīnāṃ hemabhūṣitām

उन स्त्रियों के बीच वह रूप में अनुपम थी। उसके आसन से कुछ नीचे स्वर्णाभूषणों से सजी एक और कन्या बैठी थी —

श्लोक 8 (1.75.8)

असुरेन्द्रसुतां चापि निषण्णां चारुहासिनीम् । ददर्श पादौ विप्रायाः संवहन्तीमनिन्दिताम् ॥

asurendrasutāṃ cāpi niṣaṇṇāṃ cāruhāsinīm | dadarśa pādau viprāyāḥ saṃvahantīmaninditām

वह असुरराज की पुत्री थी, मनोहर मुस्कान वाली और निर्दोष। राजा ने देखा कि वह वहाँ बैठी ब्राह्मण-कन्या के पैर दबा रही थी।

श्लोक 9 (1.75.9)

गायन्त्योऽथ प्रनृत्यन्त्यो वादयन्त्योऽथ भारत । दृष्ट्वा ययातिमतुलं लज्जयाऽवनताः स्थिताः ॥

gāyantyo'tha pranṛtyantyo vādayantyo'tha bhārata | dṛṣṭvā yayātimatulaṃ lajjayā'vanatāḥ sthitāḥ

हे भारत! जो स्त्रियाँ गा रही थीं, नाच रही थीं और वाद्य बजा रही थीं, वे अनुपम ययाति को देखकर लज्जा से सिर झुकाए खड़ी हो गईं।

श्लोक 10 (1.75.10)

द्वाभ्यां कन्यासहस्राभ्यां द्वे कन्ये परिवारिते । गोत्रे च नामनी चैव द्वयोः पृच्छाम्यहं शुभे ॥

dvābhyāṃ kanyāsahasrābhyāṃ dve kanye parivārite | gotre ca nāmanī caiva dvayoḥ pṛcchāmyahaṃ śubhe

दो सहस्र कन्याओं से घिरी हुई दो कन्याएँ! हे कल्याणी, मैं तुम दोनों के गोत्र और नाम पूछता हूँ।

श्लोक 11 (1.75.11)

आख्यास्याम्यहमादत्स्व वचनं मे नराधिप । शुक्रो नामासुरगुरुः सुतां जानीहि तस्य माम् ॥

ākhyāsyāmyahamādatsva vacanaṃ me narādhipa | śukro nāmāsuraguruḥ sutāṃ jānīhi tasya mām

हे नराधिप, मैं बताती हूँ, मेरी बात सुनिए। मुझे असुरों के गुरु शुक्र की पुत्री जानिए।

श्लोक 12 (1.75.12)

इयं च मे सखी दासी यत्राहं तत्र गामिनी । दुहिता दानवेन्द्रस्य शर्मिष्ठा वृषपर्वणः ॥

iyaṃ ca me sakhī dāsī yatrāhaṃ tatra gāminī | duhitā dānavendrasya śarmiṣṭhā vṛṣaparvaṇaḥ

और यह मेरी सखी और दासी है, जहाँ मैं जाती हूँ वहाँ यह भी जाती है। यह दानवराज वृषपर्वा की पुत्री शर्मिष्ठा है।

श्लोक 13 (1.75.13)

कथं तु ते सखी दासी कन्येयं वरवर्णिनी । असुरेन्द्रसुता सुभ्रूः परं कौतूहलं हि मे ॥

kathaṃ tu te sakhī dāsī kanyeyaṃ varavarṇinī | asurendrasutā subhrūḥ paraṃ kautūhalaṃ hi me

पर यह सुन्दर कन्या, असुरराज की सुन्दर भौंहों वाली पुत्री, तुम्हारी सखी और दासी कैसे है? मुझे इसका बड़ा कौतूहल है।

श्लोक 14 (1.75.14)

नैव देवी न गन्धर्वी न यक्षी न च किन्नरी । नैवंरूपा मया नारी दृष्टपूर्वा महीतले ॥

naiva devī na gandharvī na yakṣī na ca kinnarī | naivaṃrūpā mayā nārī dṛṣṭapūrvā mahītale

न कोई देवी, न गन्धर्वी, न यक्षी और न किन्नरी — पृथ्वी पर मैंने ऐसी रूपवती स्त्री पहले कभी नहीं देखी।

श्लोक 15 (1.75.15)

श्रीरिवायतपद्माक्षी सर्वलक्षणशोभना । असुरेन्द्रसुता कन्या सर्वालङ्कारभूषिता ॥

śrīrivāyatapadmākṣī sarvalakṣaṇaśobhanā | asurendrasutā kanyā sarvālaṅkārabhūṣitā

लक्ष्मी के समान, बड़े-बड़े कमल-नेत्रों वाली, सब शुभ लक्षणों से शोभित यह असुरराज की कन्या सब अलंकारों से विभूषित है।

श्लोक 16 (1.75.16)

दैवेनोपहता सुभ्रूरुताहो तपसापि वा । अन्यथैषाऽनवद्याङ्गी दासी नेह भविष्यति ॥

daivenopahatā subhrūrutāho tapasāpi vā | anyathaiṣā'navadyāṅgī dāsī neha bhaviṣyati

क्या यह सुन्दरी दैव की मारी है, या किसी तपस्वी के तप के प्रभाव से ऐसी हुई है? नहीं तो यह निर्दोष अंगों वाली कन्या यहाँ दासी न होती।

श्लोक 17 (1.75.17)

अस्या रूपेण ते रूपं न किंचित्सदृशं भवेत् । पुरा दुश्चरितेनेयं तव दासी भवत्यहो ॥

asyā rūpeṇa te rūpaṃ na kiṃcitsadṛśaṃ bhavet | purā duścariteneyaṃ tava dāsī bhavatyaho

इसके रूप के आगे तुम्हारा रूप तनिक भी नहीं ठहरता। अहो! पहले किए किसी दुष्कर्म के कारण ही यह तुम्हारी दासी बनी है।

श्लोक 18 (1.75.18)

सर्व एव नरश्रेष्ठ विधानमनुवर्तते । विधानविहितं मत्वा मा विचित्राः कथाः कृथाः ॥

sarva eva naraśreṣṭha vidhānamanuvartate | vidhānavihitaṃ matvā mā vicitrāḥ kathāḥ kṛthāḥ

हे नरश्रेष्ठ, सभी विधाता के विधान का अनुसरण करते हैं। इसे विधि का विधान मानिए और विचित्र बातें मत बनाइए।

श्लोक 19 (1.75.19)

राजवद्रूपवेषौ ते ब्राह्मीं वाचं बिभर्षि च । को नाम त्वं कुतश्चासि कस्य पुत्रश्च शंस मे ॥

rājavadrūpaveṣau te brāhmīṃ vācaṃ bibharṣi ca | ko nāma tvaṃ kutaścāsi kasya putraśca śaṃsa me

आपका रूप और वेश राजा का है, और आप वेद की भाषा बोलते हैं। आपका नाम क्या है, आप कहाँ से आए हैं और किसके पुत्र हैं? मुझे बताइए।

श्लोक 20 (1.75.20)

ब्रह्मचर्येण वेदो मे कृत्स्नः श्रुतिपथं गतः । राजाहं राजपुत्रश्च ययातिरिति विश्रुतः ॥

brahmacaryeṇa vedo me kṛtsnaḥ śrutipathaṃ gataḥ | rājāhaṃ rājaputraśca yayātiriti viśrutaḥ

ब्रह्मचर्य-पालन से मैंने सम्पूर्ण वेद का श्रवण किया है। मैं राजा हूँ, राजपुत्र हूँ, और ययाति नाम से प्रसिद्ध हूँ।

श्लोक 21 (1.75.21)

केनास्यर्थेन नृपते इमं देशमुपागतः । जिघृक्षुर्वारिजं किंचिदथवा मृगलिप्सया ॥

kenāsyarthena nṛpate imaṃ deśamupāgataḥ | jighṛkṣurvārijaṃ kiṃcidathavā mṛgalipsayā

हे नृपति, आप किस प्रयोजन से इस स्थान पर आए हैं? कोई जलकमल तोड़ना चाहते थे, या मृगया के लिए आए हैं?

श्लोक 22 (1.75.22)

मृगलिप्सुरहं भद्रे पानीयार्थमुपागतः । बहुधाऽप्यनुयुक्तोऽस्मि तदनुज्ञातुमर्हसि ॥

mṛgalipsurahaṃ bhadre pānīyārthamupāgataḥ | bahudhā'pyanuyukto'smi tadanujñātumarhasi

भद्रे, मैं मृगया कर रहा था और जल के लिए यहाँ आया हूँ। तुमने मुझसे बहुत कुछ पूछ लिया; अब मुझे जाने की आज्ञा दो।

श्लोक 23 (1.75.23)

द्वाभ्यां कन्यासहस्राभ्यां दास्या शर्मिष्ठया सह । त्वदधीनाऽस्मि भद्रं ते सखा भर्ता च मे भव ॥

dvābhyāṃ kanyāsahasrābhyāṃ dāsyā śarmiṣṭhayā saha | tvadadhīnā'smi bhadraṃ te sakhā bhartā ca me bhava

दो सहस्र कन्याओं और दासी शर्मिष्ठा के साथ मैं आपके अधीन हूँ। आपका कल्याण हो; आप मेरे सखा और पति बनिए।

श्लोक 24 (1.75.24)

असुरेन्द्रसुतामीक्ष्य तस्यां सक्तेन चेतसा । शर्मिष्ठा महिषी मह्यमिति मत्वा वचोऽब्रवीत् ॥

asurendrasutāmīkṣya tasyāṃ saktena cetasā | śarmiṣṭhā mahiṣī mahyamiti matvā vaco'bravīt

असुरराज की पुत्री को देखकर, उसी में मन लगाए हुए, और यह सोचकर कि "शर्मिष्ठा मेरी रानी होगी", ययाति ने यह बात कही।

श्लोक 25 (1.75.25)

विद्ध्यौशनसि भद्रं ते न त्वामर्होऽस्मि भामिनि । अविवाह्या हि राजानो देवयानि पितुस्तव ॥

viddhyauśanasi bhadraṃ te na tvāmarho'smi bhāmini | avivāhyā hi rājāno devayāni pitustava

हे शुक्रपुत्री, तुम्हारा कल्याण हो, पर जान लो — हे भामिनी, मैं तुम्हारे योग्य नहीं हूँ। हे देवयानी, तुम्हारे पिता के घर राजा विवाह के योग्य नहीं माने जाते।

श्लोक 26 (1.75.26)

परभार्या स्वसा श्रेष्ठा सगोत्रा पतिता स्नुषा । अवरा भिक्षुकाऽस्वस्था अगम्याः कीर्तिता बुधैः ॥

parabhāryā svasā śreṣṭhā sagotrā patitā snuṣā | avarā bhikṣukā'svasthā agamyāḥ kīrtitā budhaiḥ

परस्त्री, बड़ी बहन, सगोत्रा, पतिता, पुत्रवधू, हीन कुल की स्त्री, भिक्षुणी और रोगग्रस्त स्त्री — विद्वानों ने इन्हें अगम्य कहा है।

श्लोक 27 (1.75.27)

संसृष्टं ब्रह्मणा क्षत्रं क्षत्रेण ब्रह्म संहितम् । अन्यत्वमस्ति न तयोरेकान्ततरमास्थिते । ऋषिश्चाप्यृषिपुत्रश्च नाहुषाङ्ग वहस्व माम् ॥

saṃsṛṣṭaṃ brahmaṇā kṣatraṃ kṣatreṇa brahma saṃhitam | anyatvamasti na tayorekāntataramāsthite | ṛṣiścāpyṛṣiputraśca nāhuṣāṅga vahasva mām

क्षत्रिय ब्राह्मण से जुड़ा है और ब्राह्मण क्षत्रिय से; मूल रूप से देखें तो दोनों में कोई भेद नहीं। हे नहुषनन्दन, आप स्वयं ऋषि हैं और ऋषि के पुत्र भी; मुझसे विवाह कीजिए।

श्लोक 28 (1.75.28)

एकदेहोद्भवा वर्णाश्चत्वारोऽपि वराङ्गने । पृथग्धर्माः पृथक्शौचास्तेषां तु ब्राह्मणो वरः ॥

ekadehodbhavā varṇāścatvāro'pi varāṅgane | pṛthagdharmāḥ pṛthakśaucāsteṣāṃ tu brāhmaṇo varaḥ

हे सुन्दरी, चारों वर्ण यद्यपि एक ही शरीर से उत्पन्न हुए हैं, फिर भी उनके धर्म अलग हैं और शौच के नियम अलग हैं; उनमें ब्राह्मण श्रेष्ठ है।

श्लोक 29 (1.75.29)

पाणिधर्मो नाहुषाऽयं न पुंभिः सेवितः पुरा । तं मे त्वमग्रहीरग्रे वृणोमि त्वामहं ततः ॥

pāṇidharmo nāhuṣā'yaṃ na puṃbhiḥ sevitaḥ purā | taṃ me tvamagrahīragre vṛṇomi tvāmahaṃ tataḥ

हे नहुषपुत्र, यह पाणिग्रहण का धर्म है, और किसी पुरुष ने पहले मेरा हाथ नहीं पकड़ा था। आपने ही सबसे पहले मेरा हाथ थामा, इसलिए मैं आपको वरती हूँ।

श्लोक 30 (1.75.30)

कथं नु मे मनस्विन्याः पाणिमन्यः पुमान्स्पृशेत् । गृहीतमृषिपुत्रेण स्वयं वाप्यृषिणा त्वया ॥

kathaṃ nu me manasvinyāḥ pāṇimanyaḥ pumānspṛśet | gṛhītamṛṣiputreṇa svayaṃ vāpyṛṣiṇā tvayā

मुझ स्वाभिमानिनी का हाथ, जिसे ऋषिपुत्र और स्वयं ऋषि होकर आपने पकड़ा है, कोई दूसरा पुरुष कैसे छू सकता है?

श्लोक 31 (1.75.31)

क्रुद्धादाशीविषात्सर्पाज्ज्वलनात्सर्वतोमुखात् । दुराधर्षतरो विप्रो ज्ञेयः पुंसा विजानता ॥

kruddhādāśīviṣātsarpājjvalanātsarvatomukhāt | durādharṣataro vipro jñeyaḥ puṃsā vijānatā

समझदार पुरुष को जानना चाहिए कि ब्राह्मण क्रुद्ध विषधर सर्प से और चारों ओर धधकती अग्नि से भी अधिक दुर्जेय है।

श्लोक 32 (1.75.32)

कथमाशीविषात्सर्पाज्ज्वलनात्सर्वतोमुखात् । दुराधर्षतरो विप्र इत्यात्थ पुरुषर्षभ ॥

kathamāśīviṣātsarpājjvalanātsarvatomukhāt | durādharṣataro vipra ityāttha puruṣarṣabha

हे पुरुषश्रेष्ठ, आप यह क्यों कहते हैं कि ब्राह्मण विषधर सर्प और सब ओर धधकती अग्नि से भी अधिक दुर्जेय है?

श्लोक 33 (1.75.33)

एकमाशीविषो हन्ति शस्त्रेणैकश्च वध्यते । हन्ति विप्रः सराष्ट्राणि पुराण्यपि हि कोपितः ॥

ekamāśīviṣo hanti śastreṇaikaśca vadhyate | hanti vipraḥ sarāṣṭrāṇi purāṇyapi hi kopitaḥ

विषधर सर्प एक को ही मारता है, और शस्त्र से भी एक ही मारा जाता है; परन्तु कुपित ब्राह्मण राष्ट्रों सहित नगरों का भी नाश कर देता है।

श्लोक 34 (1.75.34)

दुराधर्षतरो विप्रस्तस्माद्भीरु मतो मम । अतोऽदत्तां च पित्रा त्वां भद्रे न विवहाम्यहम् ॥

durādharṣataro viprastasmādbhīru mato mama | ato'dattāṃ ca pitrā tvāṃ bhadre na vivahāmyaham

हे भीरु, इसीलिए मैं ब्राह्मण को अधिक दुर्जेय मानता हूँ। अतः भद्रे, जब तक तुम्हारे पिता तुम्हें मुझे न सौंपें, मैं तुमसे विवाह नहीं करूँगा।

श्लोक 35 (1.75.35)

दत्तां वहस्व तन्मा त्वं पित्रा राजन्वृतो मया । अयाचतो भयं नास्ति दत्तां च प्रतिगृह्णतः ॥

dattāṃ vahasva tanmā tvaṃ pitrā rājanvṛto mayā | ayācato bhayaṃ nāsti dattāṃ ca pratigṛhṇataḥ

हे राजन्, तो पिता के सौंपने पर मुझसे विवाह कीजिए, क्योंकि मैंने आपको वर लिया है। जिसने माँगा नहीं और जो दी हुई वस्तु ग्रहण करता है, उसे कोई भय नहीं।

श्लोक 36 (1.75.36)

तिष्ठ राजन्मुहूर्तं च प्रेषयिष्याम्यहं पितुः । गच्छ त्वं धात्रिके शीघ्रं ब्रह्मकल्पमिहानय । स्वयंवरे वृतं शीघ्रं निवेदय च नाहुषम् ॥

tiṣṭha rājanmuhūrtaṃ ca preṣayiṣyāmyahaṃ pituḥ | gaccha tvaṃ dhātrike śīghraṃ brahmakalpamihānaya | svayaṃvare vṛtaṃ śīghraṃ nivedaya ca nāhuṣam

हे राजन्, क्षण भर ठहरिए; मैं पिता के पास संदेश भेजती हूँ। धाय, तुम शीघ्र जाओ और ब्रह्मा के समान मेरे पिता को यहाँ ले आओ, और उन्हें तुरन्त बताओ कि मैंने स्वयंवर में नहुषपुत्र को वर लिया है।

श्लोक 37 (1.75.37)

त्वरितं देवयान्याथ संदिष्टं पितुरात्मनः । सर्वं निवेदयामास धात्री तस्मै यथातथम् ॥

tvaritaṃ devayānyātha saṃdiṣṭaṃ piturātmanaḥ | sarvaṃ nivedayāmāsa dhātrī tasmai yathātatham

देवयानी ने अपने पिता के लिए जो संदेश भेजा था, वह सब धाय ने शीघ्र जाकर उन्हें ज्यों-का-त्यों सुना दिया।

श्लोक 38 (1.75.38)

श्रुत्वैव च स राजानं दर्शयामास भार्गवः । दृष्ट्वैव चागतं शुक्रं ययातिः पृथिवीपतिः । ववन्दे ब्राह्मणं काव्यं प्राञ्जलिः प्रणतः स्थितः ॥

śrutvaiva ca sa rājānaṃ darśayāmāsa bhārgavaḥ | dṛṣṭvaiva cāgataṃ śukraṃ yayātiḥ pṛthivīpatiḥ | vavande brāhmaṇaṃ kāvyaṃ prāñjaliḥ praṇataḥ sthitaḥ

सुनते ही भार्गव ने आकर राजा को दर्शन दिए। शुक्र को आया देखकर पृथ्वीपति ययाति ने ब्राह्मण काव्य को प्रणाम किया और हाथ जोड़कर विनम्र भाव से खड़े हो गए।

श्लोक 39 (1.75.39)

राजायं नाहुषस्तात दुर्गमे पाणिमग्रहीत् । नान्यपूर्वगृहीतं मे तेनाहमभया कृता । नमस्ते देहि मामस्मै लोके नान्यं पतिं वृणे ॥

rājāyaṃ nāhuṣastāta durgame pāṇimagrahīt | nānyapūrvagṛhītaṃ me tenāhamabhayā kṛtā | namaste dehi māmasmai loke nānyaṃ patiṃ vṛṇe

पिताजी, इन नहुषपुत्र राजा ने एक दुर्गम स्थान में मेरा हाथ पकड़ा था। इससे पहले किसी ने उसे नहीं पकड़ा था, और इन्होंने मुझे भय से मुक्त किया। आपको प्रणाम है, मुझे इन्हें सौंप दीजिए। संसार में मैं किसी दूसरे को पति नहीं वरूँगी।

श्लोक 40 (1.75.40)

अन्यो धर्मः प्रियस्त्वन्यो वृतस्ते नाहुषः पतिः । कचशापात्त्वया पूर्वं नान्यद्भवितुमर्हति ॥

anyo dharmaḥ priyastvanyo vṛtaste nāhuṣaḥ patiḥ | kacaśāpāttvayā pūrvaṃ nānyadbhavitumarhati

धर्म एक बात है और प्रिय दूसरी; फिर भी तुमने नहुषपुत्र को पति चुन लिया है। पूर्वकाल में कच के शाप के कारण इसके अतिरिक्त कुछ और हो ही नहीं सकता था।

श्लोक 41 (1.75.41)

वृतोऽनया पतिर्वीर सुतया त्वं ममेष्टया । स्वयं ग्रहे महान्दोषो ब्राह्मण्या वर्णसंकरात् । गृहाणेमां मया दत्तां महिषीं नहुषात्मज ॥

vṛto'nayā patirvīra sutayā tvaṃ mameṣṭayā | svayaṃ grahe mahāndoṣo brāhmaṇyā varṇasaṃkarāt | gṛhāṇemāṃ mayā dattāṃ mahiṣīṃ nahuṣātmaja

हे वीर, मेरी इस प्रिय पुत्री ने तुम्हें पति के रूप में वरा है। ब्राह्मणी के स्वयं वर चुनने में वर्णसंकर के कारण बड़ा दोष होता है; अतः हे नहुषनन्दन, मेरे द्वारा दी गई इस कन्या को अपनी रानी के रूप में ग्रहण करो।

श्लोक 42 (1.75.42)

अधर्मो न स्पृशेदेष महान्मामिह भार्गव । वर्णसंकरजो ब्रह्मन्निति त्वां प्रवृणोम्यहम् ॥

adharmo na spṛśedeṣa mahānmāmiha bhārgava | varṇasaṃkarajo brahmanniti tvāṃ pravṛṇomyaham

हे भार्गव, वर्णसंकर से उत्पन्न होने वाला यह महान अधर्म यहाँ मुझे स्पर्श न करे। हे ब्रह्मन्, मैं आपसे यही वर माँगता हूँ।

श्लोक 43 (1.75.43)

अधर्मात्त्वां विमुञ्चामि शृणु त्वं वरमीप्सितम् । अस्मिन्विवाहे मा म्लासीरहं पापं नुदामि ते ॥

adharmāttvāṃ vimuñcāmi śṛṇu tvaṃ varamīpsitam | asminvivāhe mā mlāsīrahaṃ pāpaṃ nudāmi te

मैं तुम्हें अधर्म से मुक्त करता हूँ; अपना मनचाहा वर सुनो। इस विवाह को लेकर खिन्न मत हो; मैं तुम्हारा पाप दूर करता हूँ।

श्लोक 44 (1.75.44)

वहस्व भार्यां धर्मेण देवयानीं सुमध्यमाम् । अनया सह संप्रीतिमतुलां समवाप्नुहि ॥

vahasva bhāryāṃ dharmeṇa devayānīṃ sumadhyamām | anayā saha saṃprītimatulāṃ samavāpnuhi

पतली कमर वाली देवयानी को धर्मपूर्वक पत्नी बनाओ, और उसके साथ अनुपम सुख प्राप्त करो।

श्लोक 45 (1.75.45)

इयं चापि कुमारी ते शर्मिष्ठा वार्षपर्वणी । संपूज्या सततं राजन्मा चैनां शयने ह्वयेः ॥

iyaṃ cāpi kumārī te śarmiṣṭhā vārṣaparvaṇī | saṃpūjyā satataṃ rājanmā caināṃ śayane hvayeḥ

हे राजन्, वृषपर्वा की पुत्री इस कुमारी शर्मिष्ठा का भी तुम्हें सदा सम्मान करना है; किन्तु इसे अपनी शय्या पर मत बुलाना।

श्लोक 46 (1.75.46)

रहस्येनां समाहूय न वदेर्न च संस्पृशेः । वहस्व भार्यां भद्रं ते यथा काममवाप्स्यसि ॥

rahasyenāṃ samāhūya na vaderna ca saṃspṛśeḥ | vahasva bhāryāṃ bhadraṃ te yathā kāmamavāpsyasi

एकान्त में बुलाकर न इससे बात करना, न इसका स्पर्श करना। अपनी पत्नी से विवाह करो; तुम्हारा कल्याण हो, तुम्हें मनचाहा सुख मिलेगा।

श्लोक 47 (1.75.47)

एवमुक्तो ययातिस्तु शुक्रं कृत्वा प्रदक्षिणम् । शास्त्रोक्तविधिना राजा विवाहमकरोच्छुभम् ॥

evamukto yayātistu śukraṃ kṛtvā pradakṣiṇam | śāstroktavidhinā rājā vivāhamakarocchubham

ऐसा कहे जाने पर राजा ययाति ने शुक्र की प्रदक्षिणा की और शास्त्रोक्त विधि से शुभ विवाह सम्पन्न किया।

श्लोक 48 (1.75.48)

लब्ध्वा शुक्रान्महद्वित्तं देवयानीं तदोत्तमाम् । द्विसहस्रेण कन्यानां तथा शर्मिष्ठया सह ॥

labdhvā śukrānmahadvittaṃ devayānīṃ tadottamām | dvisahasreṇa kanyānāṃ tathā śarmiṣṭhayā saha

उन्होंने शुक्र से बहुत-सा धन और उत्तम देवयानी को प्राप्त किया, और साथ में दो सहस्र कन्याएँ तथा शर्मिष्ठा भी।

श्लोक 49 (1.75.49)

संपूजितश्च शुक्रेण दैत्यैश्च नृपसत्तमः । जगाम स्वपुरं हृष्टोऽनुज्ञातोऽथ महात्मना ॥

saṃpūjitaśca śukreṇa daityaiśca nṛpasattamaḥ | jagāma svapuraṃ hṛṣṭo'nujñāto'tha mahātmanā

शुक्र और दैत्यों से सम्मानित होकर, महात्मा शुक्र से विदा लेकर वह नृपश्रेष्ठ प्रसन्नतापूर्वक अपने नगर को चले गए।