राजा दुष्यन्त का शासन

श्लोक 1 (1.89.1)

भगवन्विस्तरेणेह भरतस्य महात्मनः । जन्म कर्म च शुश्रूषोस्तन्मे शंसितुमर्हसि ॥

bhagavanvistareṇeha bharatasya mahātmanaḥ | janma karma ca śuśrūṣostanme śaṃsitumarhasi

भगवन्, मैं महात्मा भरत के जन्म और कर्मों के विषय में सुनना चाहता हूँ। कृपया उन्हें मुझे यहाँ विस्तार से सुनाइए।

श्लोक 2 (1.89.2)

पौरवाणां वंशकरो दुष्यन्तो नाम वीर्यवान् । पृथिव्याश्चतुरन्ताया गोप्ता भरतसत्तम ॥

pauravāṇāṃ vaṃśakaro duṣyanto nāma vīryavān | pṛthivyāścaturantāyā goptā bharatasattama

हे भरतश्रेष्ठ, पौरव वंश के प्रवर्तक दुष्यन्त नाम के एक पराक्रमी राजा थे, जो चारों सीमाओं तक फैली पृथ्वी के रक्षक थे।

श्लोक 3 (1.89.3)

चतुर्भागं भुवः कृत्स्नं यो भुङ्क्ते मनुजेश्वरः । समुद्रावरणांश्चापि देशान्स समितिंजयः ॥

caturbhāgaṃ bhuvaḥ kṛtsnaṃ yo bhuṅkte manujeśvaraḥ | samudrāvaraṇāṃścāpi deśānsa samitiṃjayaḥ

युद्ध में विजयी वह नरेश पृथ्वी के चारों भागों का सम्पूर्ण रूप से उपभोग करता था, और समुद्र से घिरे देशों का भी।

श्लोक 4 (1.89.4)

आम्लेच्छावधिकान्सर्वान्स भुङ्क्ते रिपुमर्दनः । रत्नाकरसमुद्रान्तांश्चातुर्वर्ण्यजनावृतान् ॥

āmlecchāvadhikānsarvānsa bhuṅkte ripumardanaḥ | ratnākarasamudrāntāṃścāturvarṇyajanāvṛtān

शत्रुओं का मर्दन करने वाला वह राजा म्लेच्छों की सीमा तक के, रत्नों की खान समुद्र तक फैले और चारों वर्णों के लोगों से बसे सभी देशों का भोग करता था।

श्लोक 5 (1.89.5)

न वर्णसङ्करकरो न कृष्याकरकृज्जनः । न पापकृत्कश्चिदासीत्तस्मिन्राजनि शासति ॥

na varṇasaṅkarakaro na kṛṣyākarakṛjjanaḥ | na pāpakṛtkaścidāsīttasminrājani śāsati

उस राजा के शासन में न कोई वर्णसंकर उत्पन्न करता था, न किसी को खेती या खानों में श्रम करना पड़ता था, और न कोई पाप करता था।

श्लोक 6 (1.89.6)

धर्मे रतिं सेवमाना धर्मार्थावभिपेदिरे । तदा नरा नरव्याघ्र तस्मिञ्जनपदेश्वरे ॥

dharme ratiṃ sevamānā dharmārthāvabhipedire | tadā narā naravyāghra tasmiñjanapadeśvare

हे नरव्याघ्र, उस जनपद-स्वामी के समय लोग धर्म में रुचि रखते हुए धर्म और अर्थ दोनों को प्राप्त करते थे।

श्लोक 7 (1.89.7)

नासीच्चोरभयं तात न क्षुधाभयमण्वपि । नासीद्व्याधिभयं चापि तस्मिञ्जनपदेश्वरे ॥

nāsīccorabhayaṃ tāta na kṣudhābhayamaṇvapi | nāsīdvyādhibhayaṃ cāpi tasmiñjanapadeśvare

वत्स, उस जनपद-स्वामी के राज्य में न चोरों का भय था, न भूख का तनिक भी भय, और न रोगों का ही भय था।

श्लोक 8 (1.89.8)

स्वधर्मै रेमिरे वर्णा दैवे कर्मणि निःस्पृहाः । तमाश्रित्य महीपालमासंश्चैवाकुतोभयाः ॥

svadharmai remire varṇā daive karmaṇi niḥspṛhāḥ | tamāśritya mahīpālamāsaṃścaivākutobhayāḥ

सब वर्ण अपने-अपने धर्म में रमे रहते थे और देवकर्म निष्काम भाव से करते थे; उस भूपाल के आश्रय में वे सब ओर से निर्भय थे।

श्लोक 9 (1.89.9)

कालवर्षी च पर्जन्यः सस्यानि रसवन्ति च । सर्वरत्नसमृद्धा च मही पशुमती तथा ॥

kālavarṣī ca parjanyaḥ sasyāni rasavanti ca | sarvaratnasamṛddhā ca mahī paśumatī tathā

मेघ समय पर बरसते थे, फसलें रस से भरी रहती थीं, और पृथ्वी सब प्रकार के रत्नों तथा पशुधन से समृद्ध थी।

श्लोक 10 (1.89.10)

स्वकर्मनिरता विप्रा नानृतं तेषु विद्यते । स चाद्भुतमहावीर्यो वज्रसंहननो युवा ॥

svakarmaniratā viprā nānṛtaṃ teṣu vidyate | sa cādbhutamahāvīryo vajrasaṃhanano yuvā

ब्राह्मण अपने कर्मों में लगे रहते थे और उनमें असत्य नहीं था। वह राजा युवा था, अद्भुत पराक्रमी और वज्र के समान दृढ़ शरीर वाला।

श्लोक 11 (1.89.11)

उद्यम्य मन्दरं दोर्भ्यां वहेत्सवनकाननम् । चतुष्पथगदायुद्धे सर्वप्रहरणेषु च ॥

udyamya mandaraṃ dorbhyāṃ vahetsavanakānanam | catuṣpathagadāyuddhe sarvapraharaṇeṣu ca

वह अपनी दोनों भुजाओं से वनों-उपवनों सहित मन्दर पर्वत को उठाकर ले जा सकता था। गदायुद्ध की चारों विधियों में और सब प्रकार के शस्त्रों में,

श्लोक 12 (1.89.12)

नागपृष्ठेऽश्वपृष्ठे च बभूव परिनिष्ठितः । बले विष्णुसमश्चासीत्तेजसा भास्करोपमः ॥

nāgapṛṣṭhe'śvapṛṣṭhe ca babhūva pariniṣṭhitaḥ | bale viṣṇusamaścāsīttejasā bhāskaropamaḥ

तथा हाथी की पीठ और घोड़े की पीठ से युद्ध करने में वह पूर्णतः निपुण था। बल में वह विष्णु के समान था और तेज में सूर्य के समान;

श्लोक 13 (1.89.13)

अक्षोभ्यत्वेऽर्णवसमः सहिष्णुत्वे धरासमः । संमतः स महीपालः प्रसन्नपुरराष्ट्रवान् ॥

akṣobhyatve'rṇavasamaḥ sahiṣṇutve dharāsamaḥ | saṃmataḥ sa mahīpālaḥ prasannapurarāṣṭravān

अडिगता में समुद्र के समान और सहनशीलता में पृथ्वी के समान। वह भूपाल सबका आदरणीय था और उसका नगर तथा राष्ट्र प्रसन्न था।

श्लोक 14 (1.89.14)

भूयो धर्मपरैर्भावैर्मुदितं जनमादिशत् ॥

bhūyo dharmaparairbhāvairmuditaṃ janamādiśat

धर्म में और भी अधिक रत भावों के साथ वह आनन्दित प्रजा का शासन करता था।