दुष्यन्त और शकुन्तला का गान्धर्व विवाह

श्लोक 1 (1.94.1)

सुव्यक्तं राजपुत्री त्वं यथा कल्याणि भाषसे । भार्या मे भव सुश्रोणि ब्रूहि किं करवाणि ते ॥

suvyaktaṃ rājaputrī tvaṃ yathā kalyāṇi bhāṣase | bhāryā me bhava suśroṇi brūhi kiṃ karavāṇi te

हे कल्याणी, तुम जिस प्रकार बोल रही हो उससे स्पष्ट है कि तुम राजकुमारी हो। हे सुन्दरी, मेरी पत्नी बन जाओ। बताओ, मैं तुम्हारे लिए क्या करूँ?

श्लोक 2 (1.94.2)

सुवर्णमालां वासांसि कुण्डले परिहाटके । नानापत्तनजे शुभ्रे मणिरत्ने च शोभने ॥

suvarṇamālāṃ vāsāṃsi kuṇḍale parihāṭake | nānāpattanaje śubhre maṇiratne ca śobhane

सोने की मालाएँ, वस्त्र, शुद्ध सोने के कुण्डलों का जोड़ा, अनेक नगरों में बने उज्ज्वल मणि और सुन्दर रत्न,

श्लोक 3 (1.94.3)

आहरामि तवाद्याहं निष्कादीन्यजिनानि च । सर्वं राज्यं तवाद्यास्तु भार्या मे भव शोभने ॥

āharāmi tavādyāhaṃ niṣkādīnyajināni ca | sarvaṃ rājyaṃ tavādyāstu bhāryā me bhava śobhane

निष्क आदि स्वर्ण-मुद्राएँ और मृगचर्म — यह सब मैं आज ही तुम्हारे लिए ले आऊँगा। आज से मेरा सारा राज्य तुम्हारा हो। हे शोभने, मेरी पत्नी बन जाओ।

श्लोक 4 (1.94.4)

गान्धर्वेण च मां भीरु विवाहेनैहि सुन्दरि । विवाहानां हि रम्भोरु गान्धर्वः श्रेष्ठ उच्यते ॥

gāndharveṇa ca māṃ bhīru vivāhenaihi sundari | vivāhānāṃ hi rambhoru gāndharvaḥ śreṣṭha ucyate

हे भीरु, हे सुन्दरी, गान्धर्व विवाह के द्वारा मेरी हो जाओ; क्योंकि हे रम्भोरु, सब विवाहों में गान्धर्व विवाह श्रेष्ठ कहा गया है।

श्लोक 5 (1.94.5)

फलाहारो गतो राजन्पिता मे इत आश्रमात् । मुहूर्तं संप्रतीक्षस्व स मां तुभ्यं प्रदास्यति ॥

phalāhāro gato rājanpitā me ita āśramāt | muhūrtaṃ saṃpratīkṣasva sa māṃ tubhyaṃ pradāsyati

हे राजन्, मेरे पिता फल लाने के लिए इस आश्रम से बाहर गए हैं। थोड़ी देर प्रतीक्षा कीजिए; वे मुझे आपको सौंप देंगे।

श्लोक 6 (1.94.6)

पिता हि मे प्रभुर्नित्यं दैवतं परमं मम । यस्मै मां दास्यति पिता स मे भर्ता भविष्यति ॥

pitā hi me prabhurnityaṃ daivataṃ paramaṃ mama | yasmai māṃ dāsyati pitā sa me bhartā bhaviṣyati

पिता ही सदा मेरे स्वामी और मेरे परम देवता हैं। पिता मुझे जिसे सौंपेंगे, वही मेरा पति होगा।

श्लोक 7 (1.94.7)

पिता रक्षति कौमारे भर्ता रक्षति यौवने । पुत्रस्तु स्थाविरे भावे न स्त्री स्वातन्त्र्यमर्हति ॥

pitā rakṣati kaumāre bhartā rakṣati yauvane | putrastu sthāvire bhāve na strī svātantryamarhati

कुमारी अवस्था में पिता रक्षा करता है, यौवन में पति और बुढ़ापे में पुत्र; स्त्री स्वतन्त्र रहने के योग्य नहीं मानी गई।

श्लोक 8 (1.94.8)

अमन्यमाना राजेन्द्र पितरं मे तपस्विनम् । अधर्मेण हि धर्मिष्ठ कथं वरमुपास्महे ॥

amanyamānā rājendra pitaraṃ me tapasvinam | adharmeṇa hi dharmiṣṭha kathaṃ varamupāsmahe

हे राजेन्द्र, हे धर्मिष्ठ, अपने तपस्वी पिता की उपेक्षा करके मैं अधर्मपूर्वक पति का वरण कैसे करूँ?

श्लोक 9 (1.94.9)

मामैवं वद कल्याणि तपोराशिं दमात्मकम् ॥

māmaivaṃ vada kalyāṇi taporāśiṃ damātmakam

हे कल्याणी, उन संयमी, तप के भण्डार महर्षि के विषय में मुझसे ऐसा मत कहो, ऐसा मत कहो।

श्लोक 10 (1.94.10)

मन्युप्रहरणा विप्रा न विप्राः शस्त्रपाणयः ॥

manyupraharaṇā viprā na viprāḥ śastrapāṇayaḥ

ब्राह्मणों का शस्त्र उनका क्रोध है; ब्राह्मण हाथ में शस्त्र नहीं रखते।

श्लोक 11 (1.94.11)

मन्युना घ्नन्ति ते शत्रून्वज्रेणेन्द्र इवासुरान् । अग्निर्दहति तेजोभिः सूर्यो दहति रश्मिभिः ॥

manyunā ghnanti te śatrūnvajreṇendra ivāsurān | agnirdahati tejobhiḥ sūryo dahati raśmibhiḥ

वे अपने क्रोध से शत्रुओं को वैसे ही मार डालते हैं जैसे इन्द्र वज्र से असुरों को। अग्नि अपने तेज से जलाती है, सूर्य अपनी किरणों से जलाता है,

श्लोक 12 (1.94.12)

राजा दहति दण्डेन ब्राह्मणो मन्युना दहेत् । क्रोधिता मन्युना घ्नन्ति वज्रपाणिरिवासुरान् ॥

rājā dahati daṇḍena brāhmaṇo manyunā dahet | krodhitā manyunā ghnanti vajrapāṇirivāsurān

राजा दण्ड से जलाता है और ब्राह्मण अपने क्रोध से भस्म करता है। क्रुद्ध होने पर वे क्रोध से ही वैसे संहार करते हैं जैसे वज्रधारी इन्द्र असुरों का।

श्लोक 13 (1.94.13)

जाने भद्रे महर्षिं तं तस्य मन्युर्न विद्यते । इच्छामि त्वां वरारोहे भजमानामनिन्दिते । त्वदर्थं मां स्थितं विद्धि त्वद्गतं हि मनो मम ॥

jāne bhadre maharṣiṃ taṃ tasya manyurna vidyate | icchāmi tvāṃ varārohe bhajamānāmanindite | tvadarthaṃ māṃ sthitaṃ viddhi tvadgataṃ hi mano mama

हे भद्रे, मैं उन महर्षि को जानता हूँ; उनमें क्रोध नहीं है। हे वरारोहे, हे अनिन्दिते, मैं चाहता हूँ कि तुम मुझे अपनाओ। जान लो कि मैं तुम्हारे लिए ही यहाँ ठहरा हूँ, क्योंकि मेरा मन तुममें ही लगा है।

श्लोक 14 (1.94.14)

आत्मनो बन्धुरात्मैव गतिरात्मैव चात्मनः । आत्मनैवात्मनो दानं कर्तुमर्हसि धर्मतः ॥

ātmano bandhurātmaiva gatirātmaiva cātmanaḥ | ātmanaivātmano dānaṃ kartumarhasi dharmataḥ

आत्मा ही आत्मा का बन्धु है, आत्मा ही आत्मा का सहारा है। धर्म के अनुसार तुम स्वयं ही अपना दान कर सकती हो।

श्लोक 15 (1.94.15)

अष्टावेव समासेन विवाहा धर्मतः स्मृताः । ब्राह्मो दैवस्तथैवार्षः प्राजापत्यस्तथाऽऽसुरः ॥

aṣṭāveva samāsena vivāhā dharmataḥ smṛtāḥ | brāhmo daivastathaivārṣaḥ prājāpatyastathā''suraḥ

संक्षेप में, धर्म के अनुसार आठ प्रकार के विवाह माने गए हैं — ब्राह्म, दैव, आर्ष, प्राजापत्य, आसुर,

श्लोक 16 (1.94.16)

गान्धर्वो राक्षसश्चैव पैशाचश्चाष्टमः स्मृतः । तेषां धर्म्यान्यथापूर्वं मनुः स्वायंभुवोऽब्रवीत् ॥

gāndharvo rākṣasaścaiva paiśācaścāṣṭamaḥ smṛtaḥ | teṣāṃ dharmyānyathāpūrvaṃ manuḥ svāyaṃbhuvo'bravīt

गान्धर्व, राक्षस और आठवाँ पैशाच। स्वायम्भुव मनु ने क्रम से बताया है कि इनमें कौन-से धर्मसम्मत हैं।

श्लोक 17 (1.94.17)

प्रशस्तांश्चतुरः पूर्वान्ब्राह्मणस्योपधारय । षडानुपूर्व्या क्षत्रस्य विद्धि धर्म्याननिन्दिते ॥

praśastāṃścaturaḥ pūrvānbrāhmaṇasyopadhāraya | ṣaḍānupūrvyā kṣatrasya viddhi dharmyānanindite

समझ लो कि पहले चार ब्राह्मण के लिए प्रशस्त हैं, और हे अनिन्दिते, क्रम से पहले छह क्षत्रिय के लिए धर्मसम्मत हैं।

श्लोक 18 (1.94.18)

राज्ञां तु राक्षसोऽप्युक्तो विट्शूद्रेष्वासुरः स्मृतः । पञ्चानां तु त्रयो धर्म्या अधर्म्यौ द्वौ स्मृताविह ॥

rājñāṃ tu rākṣaso'pyukto viṭśūdreṣvāsuraḥ smṛtaḥ | pañcānāṃ tu trayo dharmyā adharmyau dvau smṛtāviha

राजाओं के लिए राक्षस विवाह भी कहा गया है, और वैश्यों तथा शूद्रों के लिए आसुर। पाँच में से तीन धर्मसम्मत हैं और दो अधर्मयुक्त माने गए हैं।

श्लोक 19 (1.94.19)

पैशाच आसुरश्चैव न कर्तव्यौ कदाचन । अनेन विधिना कार्यो धर्मस्यैषा गतिः स्मृता ॥

paiśāca āsuraścaiva na kartavyau kadācana | anena vidhinā kāryo dharmasyaiṣā gatiḥ smṛtā

पैशाच और आसुर विवाह कभी नहीं करने चाहिए। इसी विधि से विवाह करना चाहिए; धर्म की यही रीति कही गई है।

श्लोक 20 (1.94.20)

गान्धर्वराक्षसौ क्षत्रे धर्म्यौ तौ मा विशङ्किथाः । पृथग्वा यदि वा मिश्रौ कर्तव्यौ नात्र संशयः ॥

gāndharvarākṣasau kṣatre dharmyau tau mā viśaṅkithāḥ | pṛthagvā yadi vā miśrau kartavyau nātra saṃśayaḥ

क्षत्रिय के लिए गान्धर्व और राक्षस दोनों धर्मसम्मत हैं; इसमें शंका मत करो। ये अलग-अलग या मिलाकर किए जा सकते हैं; इसमें कोई संदेह नहीं।

श्लोक 21 (1.94.21)

सा त्वं मम सकामस्य सकामा वरवर्णिनी । गान्धर्वेण विवाहेन भार्या भवितुमर्हसि ॥

sā tvaṃ mama sakāmasya sakāmā varavarṇinī | gāndharveṇa vivāhena bhāryā bhavitumarhasi

अतः हे वरवर्णिनी, जैसे मैं तुम्हें चाहता हूँ वैसे ही तुम भी मुझे चाहती हो; गान्धर्व विवाह के द्वारा तुम्हें मेरी पत्नी बन जाना चाहिए।

श्लोक 22 (1.94.22)

यदि धर्मपथस्त्वेव यदि चात्मा प्रभुर्मम । प्रदाने पौरवश्रेष्ठ शृणु मे समयं प्रभो ॥

yadi dharmapathastveva yadi cātmā prabhurmama | pradāne pauravaśreṣṭha śṛṇu me samayaṃ prabho

यदि यह सचमुच धर्म का मार्ग है और यदि अपने दान में मैं स्वयं अपनी स्वामिनी हूँ, तो हे पौरवश्रेष्ठ, हे प्रभो, मेरी शर्त सुनिए।

श्लोक 23 (1.94.23)

सत्यं मे प्रतिजानीहि यथा वक्ष्याम्यहं रहः । मयि जायेत यः पुत्रः स भवेत्त्वदनन्तरः ॥

satyaṃ me pratijānīhi yathā vakṣyāmyahaṃ rahaḥ | mayi jāyeta yaḥ putraḥ sa bhavettvadanantaraḥ

जो मैं आपसे एकान्त में कहूँगी, उसकी सच्ची प्रतिज्ञा कीजिए — मुझसे जो पुत्र उत्पन्न हो, वही आपके बाद

श्लोक 24 (1.94.24)

युवराजो महाराज सत्यमेतद्ब्रवीमि ते । यद्येतदेवं दुष्यन्त अस्तु मे सङ्गमस्त्वया ॥

yuvarājo mahārāja satyametadbravīmi te | yadyetadevaṃ duṣyanta astu me saṅgamastvayā

युवराज बने, हे महाराज। मैं आपसे यह सच कहती हूँ। हे दुष्यन्त, यदि ऐसा हो तो आपके साथ मेरा मिलन हो।

श्लोक 25 (1.94.25)

तस्यास्तु सर्वं संश्रुत्य यथोक्तं स विशांपतिः । दुष्यन्तः पुनरेवाह यद्यदिच्छसि तद्वद ॥

tasyāstu sarvaṃ saṃśrutya yathoktaṃ sa viśāṃpatiḥ | duṣyantaḥ punarevāha yadyadicchasi tadvada

उसकी सारी बातें जैसी कही गई थीं वैसी ही सुनकर प्रजापालक दुष्यन्त ने फिर कहा — "तुम जो-जो चाहती हो, वह कहो।"

श्लोक 26 (1.94.26)

ख्यातो लोकप्रवादोऽयं विवाह इति शास्त्रतः । वैवाहिकीं क्रियां सन्तः प्रशंसन्ति प्रजाहिताम् ॥

khyāto lokapravādo'yaṃ vivāha iti śāstrataḥ | vaivāhikīṃ kriyāṃ santaḥ praśaṃsanti prajāhitām

लोक में यह बात प्रसिद्ध है कि विवाह वही है जो शास्त्र के अनुसार हो। सज्जन वैवाहिक संस्कार की प्रशंसा करते हैं, क्योंकि वह संतान के लिए हितकर है।

श्लोक 27 (1.94.27)

लोकप्रवादशान्त्यर्थं विवाहं विधिना कुरु । सन्त्यत्र यज्ञपात्राणि दर्भाः सुमनसोऽक्षताः ॥

lokapravādaśāntyarthaṃ vivāhaṃ vidhinā kuru | santyatra yajñapātrāṇi darbhāḥ sumanaso'kṣatāḥ

लोगों की बातों को शान्त करने के लिए विधिपूर्वक विवाह कीजिए। यहाँ यज्ञ-पात्र, कुश, पुष्प और अक्षत उपलब्ध हैं।

श्लोक 28 (1.94.28)

यथा युक्तो विवाहः स्यात्तथा युक्ता प्रजा भवेत् । तस्मादाज्यं हविर्लाजाः सिकता ब्राह्मणास्तव ॥

yathā yukto vivāhaḥ syāttathā yuktā prajā bhavet | tasmādājyaṃ havirlājāḥ sikatā brāhmaṇāstava

जैसा विधिवत् विवाह होगा, वैसी ही योग्य संतान होगी। इसलिए आपके लिए घी, हवि, लाजा, बालू और ब्राह्मण यहाँ हैं,

श्लोक 29 (1.94.29)

वैवाहिकानि चान्यानि समस्तानीह पार्थिव । दुरुक्तमपि राजेन्द्र क्षन्तव्यं धर्मकारणात् ॥

vaivāhikāni cānyāni samastānīha pārthiva | duruktamapi rājendra kṣantavyaṃ dharmakāraṇāt

और विवाह की बाकी सारी सामग्री भी यहीं है, हे पार्थिव। हे राजेन्द्र, यदि मैंने कुछ अनुचित कहा हो तो धर्म के कारण उसे क्षमा कीजिए।

श्लोक 30 (1.94.30)

एवमस्त्विति तां राजा प्रत्युवाचाविचारयन् । अपि च त्वां हि नेष्यामि नगरं स्वं शुचिस्मिते ॥

evamastviti tāṃ rājā pratyuvācāvicārayan | api ca tvāṃ hi neṣyāmi nagaraṃ svaṃ śucismite

राजा ने बिना कुछ सोचे उससे कहा — "ऐसा ही हो। इतना ही नहीं, हे शुचिस्मिते, मैं तुम्हें अपने नगर ले चलूँगा,

श्लोक 31 (1.94.31)

यथा त्वमर्हा सुश्रोणि मन्यसे तद्ब्रवीमि ते । एवमुक्त्वा स राजर्षिस्तामनिन्दितगामिनीम् ॥

yathā tvamarhā suśroṇi manyase tadbravīmi te | evamuktvā sa rājarṣistāmaninditagāminīm

जैसे तुम योग्य हो और जैसा तुम उचित समझती हो, हे सुश्रोणि — यह मैं तुमसे कहता हूँ।" उस अनिन्द्य चाल वाली से ऐसा कहकर उस राजर्षि ने

श्लोक 32 (1.94.32)

पुरोहितं समाहूय वचनं युक्तमब्रवीत् । राजपुत्र्या यदुक्तं वै न वृथा कर्तुमुत्सहे ॥

purohitaṃ samāhūya vacanaṃ yuktamabravīt | rājaputryā yaduktaṃ vai na vṛthā kartumutsahe

अपने पुरोहित को बुलाकर उचित वचन कहे — "राजकुमारी ने जो कहा है, उसे मैं व्यर्थ नहीं जाने देना चाहता।

श्लोक 33 (1.94.33)

क्रियाहीनो हि न भवेन्मम पुत्रो महाद्युतिः । तथा कुरुष्व शास्त्रोक्तं विवाहं मा चिरंकुरु ॥

kriyāhīno hi na bhavenmama putro mahādyutiḥ | tathā kuruṣva śāstroktaṃ vivāhaṃ mā ciraṃkuru

मेरा महातेजस्वी पुत्र संस्कारहीन न रहे। इसलिए शास्त्र में कही विधि से विवाह कराइए, देर मत कीजिए।"

श्लोक 34 (1.94.34)

एवमुक्तो नृपतिना द्विजः परमयन्त्रितः । शोभनं राजराजेति विधिना कृतवान्द्विजः ॥

evamukto nṛpatinā dvijaḥ paramayantritaḥ | śobhanaṃ rājarājeti vidhinā kṛtavāndvijaḥ

राजा के ऐसा कहने पर उस ब्राह्मण ने पूरी सावधानी से "उत्तम है, राजराज!" कहकर विधिपूर्वक विवाह सम्पन्न कराया।

श्लोक 35 (1.94.35)

शासनाद्विप्रमुख्यस्य कृतकौतुकमङ्गलः । जग्राह विधिवत्पाणावुवास च तया सह ॥

śāsanādvipramukhyasya kṛtakautukamaṅgalaḥ | jagrāha vidhivatpāṇāvuvāsa ca tayā saha

उस श्रेष्ठ ब्राह्मण के निर्देश से कौतुक-सूत्र और मांगलिक कृत्य सम्पन्न होने पर राजा ने विधिपूर्वक उसका पाणिग्रहण किया और उसके साथ रहा।

श्लोक 36 (1.94.36)

विश्वास्य चैनां स प्रायादब्रवीच्च पुनः पुनः । प्रेषयिष्ये तवार्थाय वाहिनीं चतुरङ्गिणीम् ॥

viśvāsya caināṃ sa prāyādabravīcca punaḥ punaḥ | preṣayiṣye tavārthāya vāhinīṃ caturaṅgiṇīm

उसे आश्वस्त करके वह चल पड़ा और बार-बार कहता गया — "मैं तुम्हारे लिए चतुरंगिणी सेना भेजूँगा,

श्लोक 37 (1.94.37)

त्रैविद्यवृद्धैः सहितां नानाराजजनैः सह । शिबिकासहस्रैः सहिता वनमायान्ति बान्धवाः ॥

traividyavṛddhaiḥ sahitāṃ nānārājajanaiḥ saha | śibikāsahasraiḥ sahitā vanamāyānti bāndhavāḥ

जिसके साथ तीनों वेदों के ज्ञाता वृद्ध और अनेक राजकुलों के लोग होंगे। हमारे बन्धु-बान्धव हजारों पालकियों के साथ वन में आएँगे।

श्लोक 38 (1.94.38)

मूकाश्चैव किराताश्च कुब्जा वामनकैः सह । सहिताः कञ्चुकिवरैर्वाहिनी सूतमागधैः ॥

mūkāścaiva kirātāśca kubjā vāmanakaiḥ saha | sahitāḥ kañcukivarairvāhinī sūtamāgadhaiḥ

गूँगे, किरात, कुबड़े और बौने, श्रेष्ठ कंचुकी तथा सूत और मागध — इन सबके साथ वह सेना

श्लोक 39 (1.94.39)

शङ्खदुन्दुभिनिर्घोषैर्वनं च समुपैष्यति । तथा त्वामानयिष्यामि नगरं स्वं शुचिस्मिते ॥

śaṅkhadundubhinirghoṣairvanaṃ ca samupaiṣyati | tathā tvāmānayiṣyāmi nagaraṃ svaṃ śucismite

शंख और दुन्दुभियों के नाद के साथ वन में आएगी। हे शुचिस्मिते, इसी प्रकार मैं तुम्हें अपने नगर ले जाऊँगा।

श्लोक 40 (1.94.40)

अन्यथा त्वां न नेष्यामि स्वनिवेशमसत्कृताम् । सर्वमङ्गलसत्कारैः सुभ्रु सत्यं करोमि ते ॥

anyathā tvāṃ na neṣyāmi svaniveśamasatkṛtām | sarvamaṅgalasatkāraiḥ subhru satyaṃ karomi te

अन्यथा, बिना सत्कार के, मैं तुम्हें अपने घर नहीं ले जाऊँगा। हे सुभ्रु, सब मांगलिक सत्कारों के साथ मैं तुम्हारे लिए यह सच कर दिखाऊँगा।"

श्लोक 41 (1.94.41)

एवमुक्त्वा स राजर्षिस्तामनिन्दितगामिनीम् । परिष्वज्य च बाहुभ्यां स्मितपूर्वमुदैक्षत ॥

evamuktvā sa rājarṣistāmaninditagāminīm | pariṣvajya ca bāhubhyāṃ smitapūrvamudaikṣata

ऐसा कहकर उस राजर्षि ने अनिन्द्य चाल वाली शकुन्तला को अपनी भुजाओं में भर लिया और मुस्कराते हुए उसे निहारा।

श्लोक 42 (1.94.42)

प्रदक्षिणीकृतां देवीं पुनस्तां परिषस्वजे । शकुन्तला सा सुमुखी पपात नृपपादयोः ॥

pradakṣiṇīkṛtāṃ devīṃ punastāṃ pariṣasvaje | śakuntalā sā sumukhī papāta nṛpapādayoḥ

जब उसने प्रदक्षिणा की, तब उसने उस देवी को फिर आलिंगन में लिया; और सुमुखी शकुन्तला राजा के चरणों में गिर पड़ी।

श्लोक 43 (1.94.43)

तां देवीं पुनरुत्थाप्य मा शुचेति पुनः पुनः । शपेयं सुकृतेनैव प्रापयिष्ये नृपात्मजे ॥

tāṃ devīṃ punarutthāpya mā śuceti punaḥ punaḥ | śapeyaṃ sukṛtenaiva prāpayiṣye nṛpātmaje

उस देवी को फिर उठाकर उसने बार-बार कहा — "शोक मत करो। हे राजकुमारी, मैं अपने पुण्य की शपथ खाकर कहता हूँ कि तुम्हें वहाँ पहुँचाऊँगा।"

श्लोक 44 (1.94.44)

इति तस्याः प्रतिश्रुत्य स नृपो जनमेजय । मनसा चिन्तयन्प्रायात्काश्यपं प्रति पार्थिव ॥

iti tasyāḥ pratiśrutya sa nṛpo janamejaya | manasā cintayanprāyātkāśyapaṃ prati pārthiva

हे जनमेजय, उसे यह वचन देकर वह राजा मन ही मन काश्यप (कण्व) के विषय में सोचता हुआ चला गया, हे पृथ्वीपति।

श्लोक 45 (1.94.45)

भगवांस्तपसा युक्तः श्रुत्वा किं नु करिष्यति । तं न प्रसाद्यागतोऽहं प्रसीदेति द्विजोत्तमम् । एवं संचिन्तयन्नेव प्रविवेश स्वकं पुरम् ॥

bhagavāṃstapasā yuktaḥ śrutvā kiṃ nu kariṣyati | taṃ na prasādyāgato'haṃ prasīdeti dvijottamam | evaṃ saṃcintayanneva praviveśa svakaṃ puram

"तपस्वी भगवान् यह सुनकर क्या करेंगे? मैं उन द्विजश्रेष्ठ को प्रसन्न किए बिना, उनसे 'प्रसन्न होइए' कहे बिना ही चला आया हूँ।" यही सोचते-सोचते उसने अपने नगर में प्रवेश किया।

श्लोक 46 (1.94.46)

ततो मुहूर्ते याते तु कण्वोऽप्याश्रममागमत् । शकुन्तला च पितरं ह्रिया नोपजगाम तम् ॥

tato muhūrte yāte tu kaṇvo'pyāśramamāgamat | śakuntalā ca pitaraṃ hriyā nopajagāma tam

थोड़ी ही देर बाद कण्व भी आश्रम में लौट आए, किन्तु शकुन्तला लज्जा के कारण पिता के पास नहीं गई।

श्लोक 47 (1.94.47)

शङ्कितेव च विप्रर्षिमुपचक्राम सा शनैः । ततोऽस्य भारं जग्राह आसनं चाप्यकल्पयत् ॥

śaṅkiteva ca viprarṣimupacakrāma sā śanaiḥ | tato'sya bhāraṃ jagrāha āsanaṃ cāpyakalpayat

फिर डरी-सी वह धीरे-धीरे ब्रह्मर्षि के पास गई, उनका बोझ ले लिया और उनके लिए आसन बिछाया।

श्लोक 48 (1.94.48)

प्राक्षालयच्च सा पादौ काश्यपस्य महात्मनः । न चैनं लज्जयाऽशक्नोदक्षिभ्यामभिवीक्षितुम् ॥

prākṣālayacca sā pādau kāśyapasya mahātmanaḥ | na cainaṃ lajjayā'śaknodakṣibhyāmabhivīkṣitum

उसने महात्मा काश्यप के चरण धोए, पर लज्जा के कारण वह आँख उठाकर उनकी ओर देख भी न सकी।

श्लोक 49 (1.94.49)

शकुन्तला च सव्रीडा तमृषिं नाभ्यभाषत । तस्मात्स्वधर्मात्स्खलिता भीता सा भरतर्षभ ॥

śakuntalā ca savrīḍā tamṛṣiṃ nābhyabhāṣata | tasmātsvadharmātskhalitā bhītā sā bharatarṣabha

लज्जा से भरी शकुन्तला ने ऋषि से बात नहीं की। हे भरतश्रेष्ठ, वह अपने धर्म से विचलित हो गई थी और डरी हुई थी,

श्लोक 50 (1.94.50)

अभवद्दोषदर्शित्वाद्ब्रह्मचारिण्ययन्त्रिता । स तदा व्रीडितां दृष्ट्वा ऋषिस्तां प्रत्यभाषत ॥

abhavaddoṣadarśitvādbrahmacāriṇyayantritā | sa tadā vrīḍitāṃ dṛṣṭvā ṛṣistāṃ pratyabhāṣata

क्योंकि ब्रह्मचारिणी होकर भी उसने संयम छोड़ दिया था और उसे अपना दोष दिख रहा था। तब उसे लज्जित देखकर ऋषि ने उससे कहा।

श्लोक 51 (1.94.51)

सव्रीडैव च दीर्घायुः पुरेव भविता न च । वृत्तं कथय रम्भोरु मा त्रासं च प्रकल्पय ॥

savrīḍaiva ca dīrghāyuḥ pureva bhavitā na ca | vṛttaṃ kathaya rambhoru mā trāsaṃ ca prakalpaya

हे दीर्घायु पुत्री, तुम इतनी लजा क्यों रही हो? तुम पहले जैसी नहीं दिखतीं। हे रम्भोरु, जो हुआ है वह बताओ और भय मत करो।

श्लोक 52 (1.94.52)

ततः प्रक्षाल्य पादौ सा विश्रान्तं पुनरब्रवीत् । निधाय कामं तस्यर्षेः कन्दानि च फलानि च ॥

tataḥ prakṣālya pādau sā viśrāntaṃ punarabravīt | nidhāya kāmaṃ tasyarṣeḥ kandāni ca phalāni ca

तब उनके चरण धोकर और ऋषि के लाए कन्द और फल उनकी इच्छा के अनुसार रखकर, विश्राम करते हुए उनसे वह फिर बोली।

श्लोक 53 (1.94.53)

ततः संवाह्य पादौ सा विश्रान्तं वेदिमध्यमा । शकुन्तला पौरवाणां दुष्यन्तं जग्मुषी पतिम् ॥

tataḥ saṃvāhya pādau sā viśrāntaṃ vedimadhyamā | śakuntalā pauravāṇāṃ duṣyantaṃ jagmuṣī patim

फिर विश्राम करते हुए ऋषि के चरण दबाकर, पौरववंशी दुष्यन्त को पति रूप में पा चुकी पतली कमर वाली शकुन्तला ने,

श्लोक 54 (1.94.54)

ततः कृच्छ्रादतिशुभा सव्रीडा श्रीमती तदा । सगद्गदमुवाचेदं काश्यपं सा शुचिस्मिता ॥

tataḥ kṛcchrādatiśubhā savrīḍā śrīmatī tadā | sagadgadamuvācedaṃ kāśyapaṃ sā śucismitā

अत्यन्त सुन्दर, शोभायुक्त, लज्जाशील और मधुर मुस्कान वाली उस कन्या ने बड़ी कठिनाई से, रुँधे गले से काश्यप से यह कहा —

श्लोक 55 (1.94.55)

राजा ताताजगामेह दुष्यन्त इलिलात्मजः । मया पतिर्वृतो योऽसौ दैवयोगादिहागतः ॥

rājā tātājagāmeha duṣyanta ililātmajaḥ | mayā patirvṛto yo'sau daivayogādihāgataḥ

पिताजी, इलिल के पुत्र राजा दुष्यन्त यहाँ आए थे। दैवयोग से यहाँ आए उन्हीं को मैंने पति रूप में चुन लिया है।

श्लोक 56 (1.94.56)

तस्य तात प्रसीद त्वं भर्ता मे सुमहायशाः । अतः सर्वं तु यद्वृत्तं दिव्यज्ञानेन पश्यसि ॥

tasya tāta prasīda tvaṃ bhartā me sumahāyaśāḥ | ataḥ sarvaṃ tu yadvṛttaṃ divyajñānena paśyasi

पिताजी, उन पर प्रसन्न होइए; वे महायशस्वी मेरे पति हैं। जो कुछ हुआ है, वह सब आप अपनी दिव्य दृष्टि से देख ही रहे हैं।

श्लोक 57 (1.94.57)

अभयं क्षत्रियकुले प्रसादं कर्तुमर्हसि ॥

abhayaṃ kṣatriyakule prasādaṃ kartumarhasi

उस क्षत्रिय कुल को अभय देकर कृपा कीजिए।

श्लोक 58 (1.94.58)

चक्षुषा स तु दिव्येन सर्वं विज्ञाय काश्यपः ॥

cakṣuṣā sa tu divyena sarvaṃ vijñāya kāśyapaḥ

काश्यप ने अपनी दिव्य दृष्टि से सब कुछ जानकर

श्लोक 59 (1.94.59)

ततो धर्मिष्ठतां मत्वा धर्मे चास्खलितं मनः । उवाच भगवान्प्रीतस्तद्वृत्तं सुमहातपाः ॥

tato dharmiṣṭhatāṃ matvā dharme cāskhalitaṃ manaḥ | uvāca bhagavānprītastadvṛttaṃ sumahātapāḥ

और उसे धर्मनिष्ठ तथा धर्म से न डिगने वाले मन वाली मानकर, उन महातपस्वी भगवान् ने प्रसन्न होकर उस घटना के विषय में कहा।

श्लोक 60 (1.94.60)

एवमेतन्मया ज्ञातं दृष्टं दिव्येन चक्षुषा । त्वयाऽद्य राजान्वयया मामनादृत्य यत्कृतम् ॥

evametanmayā jñātaṃ dṛṣṭaṃ divyena cakṣuṣā | tvayā'dya rājānvayayā māmanādṛtya yatkṛtam

यह मुझे पहले से ज्ञात है; मैंने दिव्य दृष्टि से देख लिया है कि राजवंश में जन्मी तुमने आज मेरी प्रतीक्षा किए बिना क्या किया है।

श्लोक 61 (1.94.61)

पुंसा सह समायोगो न स धर्मोपघातकः । न भयं विद्यते भद्रे मा शुचः सुकृतं कृतम् ॥

puṃsā saha samāyogo na sa dharmopaghātakaḥ | na bhayaṃ vidyate bhadre mā śucaḥ sukṛtaṃ kṛtam

पुरुष के साथ यह मिलन धर्म का हनन नहीं है। हे भद्रे, कोई भय नहीं है; शोक मत करो। तुमने अच्छा ही किया है।

श्लोक 62 (1.94.62)

क्षत्रियस्य तु गान्धर्वो विवाहः श्रेष्ठ उच्यते । सकामायाः सकामेन निर्मन्त्रः श्रेष्ठ उच्यते ॥

kṣatriyasya tu gāndharvo vivāhaḥ śreṣṭha ucyate | sakāmāyāḥ sakāmena nirmantraḥ śreṣṭha ucyate

क्षत्रिय के लिए गान्धर्व विवाह श्रेष्ठ कहा गया है — एक-दूसरे को चाहने वाले स्त्री-पुरुष का बिना मन्त्रों का मिलन श्रेष्ठ कहा जाता है।

श्लोक 63 (1.94.63)

किं पुनर्विधिवत्कृत्वा सुप्रजस्त्वमवाप्स्यसि । धर्मात्मा च महात्मा च दुष्यन्तः पुरुषोत्तमः ॥

kiṃ punarvidhivatkṛtvā suprajastvamavāpsyasi | dharmātmā ca mahātmā ca duṣyantaḥ puruṣottamaḥ

फिर जब वह विधिपूर्वक किया गया हो, तब तो कहना ही क्या! तुम्हें उत्तम संतान प्राप्त होगी। दुष्यन्त धर्मात्मा, महात्मा और पुरुषों में श्रेष्ठ हैं,

श्लोक 64 (1.94.64)

अभ्यागच्छत्पतिर्यस्त्वां भजमानां शकुन्तले । महात्मा जनिता लोके पुत्रस्तव महायशाः ॥

abhyāgacchatpatiryastvāṃ bhajamānāṃ śakuntale | mahātmā janitā loke putrastava mahāyaśāḥ

वही पति, जो तुम्हारे पास आए जब तुमने उन्हें अपनाया, हे शकुन्तला। संसार में तुम्हारा एक महात्मा और महायशस्वी पुत्र उत्पन्न होगा,

श्लोक 65 (1.94.65)

स च सर्वां समुद्रान्तां कृत्स्नां भोक्ष्यति मेदिनीम् । परं चाभिप्रयातस्य चक्रं तस्य महात्मनः ॥

sa ca sarvāṃ samudrāntāṃ kṛtsnāṃ bhokṣyati medinīm | paraṃ cābhiprayātasya cakraṃ tasya mahātmanaḥ

और वह समुद्र तक फैली सारी पृथ्वी का भोग करेगा। जब वह महात्मा शत्रुओं पर चढ़ाई करेगा, तब उस चक्रवर्ती का चक्र

श्लोक 66 (1.94.66)

भविष्यत्यप्रतिहतं सततं चक्रवर्तिनः । प्रसन्न एव तस्याहं त्वत्कृते वरवर्णिनि ॥

bhaviṣyatyapratihataṃ satataṃ cakravartinaḥ | prasanna eva tasyāhaṃ tvatkṛte varavarṇini

सदा बिना रुके चलता रहेगा। हे वरवर्णिनी, तुम्हारे कारण मैं उन पर प्रसन्न ही हूँ।

श्लोक 67 (1.94.67)

ऋतवो बहवस्ते वै गता व्यर्थाः शुचिस्मिते । सार्थकं सांप्रतं ह्येतन्न च पाप्मास्ति तेऽनघे । गृहाण च वरं मत्तस्तत्कृते यदभीप्सितम् ॥

ṛtavo bahavaste vai gatā vyarthāḥ śucismite | sārthakaṃ sāṃprataṃ hyetanna ca pāpmāsti te'naghe | gṛhāṇa ca varaṃ mattastatkṛte yadabhīpsitam

हे शुचिस्मिते, तुम्हारी अनेक ऋतुएँ व्यर्थ बीत गईं; अब यह सार्थक हुआ है, और हे अनघे, तुममें कोई पाप नहीं है। उनके लिए जो तुम चाहो, वह वर मुझसे माँग लो।

श्लोक 68 (1.94.68)

मया पतिर्वृतो योऽसौ दुष्यन्तः पुरुषोत्तमः । मम चैव पतिर्दृष्टो देवतानां समक्षतः । तस्मै ससचिवाय त्वं प्रसादं कर्तुमर्हसि ॥

mayā patirvṛto yo'sau duṣyantaḥ puruṣottamaḥ | mama caiva patirdṛṣṭo devatānāṃ samakṣataḥ | tasmai sasacivāya tvaṃ prasādaṃ kartumarhasi

जिन पुरुषश्रेष्ठ दुष्यन्त को मैंने पति रूप में चुना है, वे देवताओं के सामने भी मेरे पति के रूप में देखे गए हैं। आप उन पर और उनके मन्त्रियों पर कृपा कीजिए।

श्लोक 69 (1.94.69)

इत्येवमुक्त्वा मनसा प्रणिधाय मनस्विनी । ततो धर्मिष्ठतां वव्रे राज्ये चास्खलनं तथा ॥

ityevamuktvā manasā praṇidhāya manasvinī | tato dharmiṣṭhatāṃ vavre rājye cāskhalanaṃ tathā

ऐसा कहकर उस मनस्विनी ने मन को एकाग्र किया और फिर वर माँगा कि वे धर्म में दृढ़ रहें और राज्य से कभी च्युत न हों —

श्लोक 70 (1.94.70)

शकुन्तला पौरवाणां दुष्यन्तहितकाम्यया । एवमस्त्विति तां प्राह कण्वो धर्मभृतां वरः ॥

śakuntalā pauravāṇāṃ duṣyantahitakāmyayā | evamastviti tāṃ prāha kaṇvo dharmabhṛtāṃ varaḥ

पौरव वंश के लिए; यह वर शकुन्तला ने दुष्यन्त का हित चाहकर माँगा। धर्मधारियों में श्रेष्ठ कण्व ने उससे कहा — "ऐसा ही हो,"

श्लोक 71 (1.94.71)

पस्पर्श चापि पाणिभ्यां सुतां श्रीमिवरूपिणीम् ॥

pasparśa cāpi pāṇibhyāṃ sutāṃ śrīmivarūpiṇīm

और उन्होंने साक्षात् लक्ष्मी के समान अपनी पुत्री को अपने हाथों से स्पर्श किया।

श्लोक 72 (1.94.72)

अद्यप्रभृति देवी त्वं दुष्यन्तस्य महात्मनः । पतिव्रतानां या वृत्तिस्तां वृत्तिमनुपालय ॥

adyaprabhṛti devī tvaṃ duṣyantasya mahātmanaḥ | pativratānāṃ yā vṛttistāṃ vṛttimanupālaya

आज से तुम महात्मा दुष्यन्त की रानी हो। पतिव्रता स्त्रियों का जो आचरण है, उसी का पालन करना।

श्लोक 73 (1.94.73)

इत्येवमुक्त्वा धर्मात्मा तां विशुद्ध्यर्थमस्पृशत् । स्पृष्टमात्रे शरीरे तु परं हर्षमवाप सा ॥

ityevamuktvā dharmātmā tāṃ viśuddhyarthamaspṛśat | spṛṣṭamātre śarīre tu paraṃ harṣamavāpa sā

ऐसा कहकर उन धर्मात्मा ने उसकी शुद्धि के लिए उसे स्पर्श किया, और शरीर पर स्पर्श होते ही वह परम आनन्द से भर गई।