राजसभा में शकुन्तला

श्लोक 1 (1.97.1)

गतान्मुनिगणान्दृष्ट्वा पुत्रं संगृह्य पाणिना । मातापितृभ्यां रहिता यथा शोचन्ति दारकाः ॥

gatānmunigaṇāndṛṣṭvā putraṃ saṃgṛhya pāṇinā | mātāpitṛbhyāṃ rahitā yathā śocanti dārakāḥ

मुनियों के समूहों को जाते देख उसने पुत्र का हाथ पकड़ लिया। जैसे माता-पिता से बिछुड़े बालक शोक करते हैं,

श्लोक 2 (1.97.2)

तथा शोकपरीताङ्गी धृतिमालम्ब्य दुःखिता । गतेषु तेषु विप्रेषु राजमार्गेण भामिनी ॥

tathā śokaparītāṅgī dhṛtimālambya duḥkhitā | gateṣu teṣu vipreṣu rājamārgeṇa bhāminī

वैसे ही शोक से व्याकुल और दुःखी होने पर भी धैर्य धारण करके वह भामिनी, उन ब्राह्मणों के चले जाने के बाद, राजमार्ग से

श्लोक 3 (1.97.3)

पुत्रेणैव सहायेन सा जगाम शनैः शनैः । अदृष्टपूर्वान्पश्यन्वै राजमार्गेण पौरवः ॥

putreṇaiva sahāyena sā jagāma śanaiḥ śanaiḥ | adṛṣṭapūrvānpaśyanvai rājamārgeṇa pauravaḥ

केवल पुत्र को ही सहायक बनाकर धीरे-धीरे चली। राजमार्ग पर पहले कभी न देखी चीज़ों को देखते हुए पौरव

श्लोक 4 (1.97.4)

हर्म्यप्रासादचैत्यांश्च सभा दिव्या विचित्रिताः । कौतूहलसमाविष्टो दृष्ट्वा विस्मयमागतः ॥

harmyaprāsādacaityāṃśca sabhā divyā vicitritāḥ | kautūhalasamāviṣṭo dṛṣṭvā vismayamāgataḥ

हवेलियों, महलों, चैत्यों और चित्रों से सजी दिव्य सभाओं को देखकर कौतूहल से भर गया और विस्मित हो उठा।

श्लोक 5 (1.97.5)

सर्वे ब्रुवन्ति तां दृष्ट्वा पद्महीनामिव श्रियम् । गत्या च हंसीसदृशीं कोकिलेन स्वरे समाम् ॥

sarve bruvanti tāṃ dṛṣṭvā padmahīnāmiva śriyam | gatyā ca haṃsīsadṛśīṃ kokilena svare samām

उसे देखकर सब कहने लगे कि यह कमल-रहित लक्ष्मी के समान है — चाल में हंसिनी जैसी, स्वर में कोयल के समान,

श्लोक 6 (1.97.6)

मुखेन चन्द्रसदृशीं श्रिया पद्मालयासमाम् । स्मितेन कुन्दसदृशीं पद्मगर्भसमत्वचम् ॥

mukhena candrasadṛśīṃ śriyā padmālayāsamām | smitena kundasadṛśīṃ padmagarbhasamatvacam

मुख में चन्द्रमा जैसी, शोभा में कमलवासिनी लक्ष्मी के समान, मुस्कान में कुन्द-पुष्प जैसी, कमल के भीतरी भाग जैसी कोमल त्वचा वाली,

श्लोक 7 (1.97.7)

पद्मपत्रविशालाक्षीं तप्तजाम्बूनदप्रभाम् । करान्तमितमध्यैषा सुकेशी संहतस्तनी ॥

padmapatraviśālākṣīṃ taptajāmbūnadaprabhām | karāntamitamadhyaiṣā sukeśī saṃhatastanī

कमल-दल जैसी बड़ी आँखों वाली, तपे हुए सोने जैसी कान्ति वाली; "इसकी कमर मुट्ठी में समा जाए, केश सुन्दर हैं और स्तन सुडौल हैं;

श्लोक 8 (1.97.8)

जघनं सुविशालं वै ऊरू करिकरोपमौ । रक्ततुङ्गतलौ पादौ धरण्यां सुप्रतिष्ठितौ ॥

jaghanaṃ suviśālaṃ vai ūrū karikaropamau | raktatuṅgatalau pādau dharaṇyāṃ supratiṣṭhitau

इसके नितम्ब विशाल हैं, जाँघें हाथी की सूँड जैसी, और लाल ऊँचे तलवों वाले चरण धरती पर दृढ़ता से टिके हैं।

श्लोक 9 (1.97.9)

एवं रूपसमायुक्ता स्वर्गलोकादिवागता । इति स्म सर्वेऽमन्यन्त दुष्यन्तनगरे जनाः ॥

evaṃ rūpasamāyuktā svargalokādivāgatā | iti sma sarve'manyanta duṣyantanagare janāḥ

ऐसे रूप से युक्त यह मानो स्वर्गलोक से आई है" — दुष्यन्त के नगर के सब लोग ऐसा ही मानने लगे।

श्लोक 10 (1.97.10)

पुनः पुनरवोचंस्ते शाकुन्तलगुणानपि । सिंहेक्षणः सिंहदंष्ट्रः सिंहस्कन्धो महाभुजः ॥

punaḥ punaravocaṃste śākuntalaguṇānapi | siṃhekṣaṇaḥ siṃhadaṃṣṭraḥ siṃhaskandho mahābhujaḥ

वे बार-बार शकुन्तला के पुत्र के गुणों का भी बखान करने लगे — "यह सिंह जैसी आँखों, सिंह जैसे दाँतों और सिंह जैसे कन्धों वाला, विशाल भुजाओं वाला है;

श्लोक 11 (1.97.11)

सिंहोरस्कः सिंहबलः सिंहविक्रान्तगाम्ययम् । पृथ्वंसः पृथुवक्षाश्च छत्राकारशिरा महान् ॥

siṃhoraskaḥ siṃhabalaḥ siṃhavikrāntagāmyayam | pṛthvaṃsaḥ pṛthuvakṣāśca chatrākāraśirā mahān

इसकी छाती सिंह जैसी है, बल सिंह जैसा है और चाल सिंह के समान पराक्रम भरी है; कन्धे चौड़े, वक्ष विशाल और सिर छत्र के आकार का है — यह कोई महान पुरुष है।

श्लोक 12 (1.97.12)

पाणिपादतले रक्तो रक्तास्यो दुन्दुभिस्वनः । राजलक्षणयुक्तश्च राजश्रीश्चास्य लक्ष्यते ॥

pāṇipādatale rakto raktāsyo dundubhisvanaḥ | rājalakṣaṇayuktaśca rājaśrīścāsya lakṣyate

इसकी हथेलियाँ और तलवे लाल हैं, मुख लाल है और स्वर दुन्दुभि जैसा है; यह राजलक्षणों से युक्त है और इसमें राजलक्ष्मी दिखाई देती है।

श्लोक 13 (1.97.13)

आकारेण च रूपेण शरीरेणापि तेजसा । दुष्यन्तेन समो ह्येष कस्य पुत्रो भविष्यति ॥

ākāreṇa ca rūpeṇa śarīreṇāpi tejasā | duṣyantena samo hyeṣa kasya putro bhaviṣyati

आकार, रूप, शरीर और तेज में यह दुष्यन्त के ही समान है। यह किसका पुत्र होगा?"

श्लोक 14 (1.97.14)

एवं ब्रुवन्तस्ते सर्वे प्रशशंसुः सहस्रशः । युक्तिवादानवोचन्त सर्वाः प्राणभृतः स्त्रियः ॥

evaṃ bruvantaste sarve praśaśaṃsuḥ sahasraśaḥ | yuktivādānavocanta sarvāḥ prāṇabhṛtaḥ striyaḥ

ऐसा कहते हुए हज़ारों लोग उसकी प्रशंसा करने लगे, और सब स्त्रियाँ तथा सभी प्राणी तरह-तरह के अनुमान लगाने लगे।

श्लोक 15 (1.97.15)

बान्धवा इव सस्नेहा अनुजग्मुः शकुन्तलाम् । पौराणां तद्वचः श्रुत्वा तूष्णींभूता शकुन्तला ॥

bāndhavā iva sasnehā anujagmuḥ śakuntalām | paurāṇāṃ tadvacaḥ śrutvā tūṣṇīṃbhūtā śakuntalā

वे स्नेहपूर्ण बन्धुओं की तरह शकुन्तला के पीछे-पीछे चले। नगरवासियों की वह बात सुनकर शकुन्तला चुप रही।

श्लोक 16 (1.97.16)

वेश्मद्वारं समासाद्य विह्वला सा नृपात्मजा । चिन्तयामास सहसा कार्यगौरवकारणात् ॥

veśmadvāraṃ samāsādya vihvalā sā nṛpātmajā | cintayāmāsa sahasā kāryagauravakāraṇāt

राजभवन के द्वार पर पहुँचकर वह राजकन्या व्याकुल हो उठी और अपने कार्य की गम्भीरता के कारण सहसा सोच में पड़ गई।

श्लोक 17 (1.97.17)

लज्जया च परीताङ्गी राजन्राजसमक्षतः । अघृणा किं नु वक्ष्यामि दुष्यन्तं मम कारणात् ॥

lajjayā ca parītāṅgī rājanrājasamakṣataḥ | aghṛṇā kiṃ nu vakṣyāmi duṣyantaṃ mama kāraṇāt

राजन्! राजा के सामने जाने की लज्जा से उसका सारा शरीर सिकुड़ गया। वह सोचने लगी — "मैं निर्लज्ज अपने लिए दुष्यन्त से क्या कहूँगी?"

श्लोक 18 (1.97.18)

एवमुक्त्वा तु कृपणा चिन्तयन्ती शकुन्तला । अभिसृत्य च राजानं वेदिता सा प्रवेशिता ॥

evamuktvā tu kṛpaṇā cintayantī śakuntalā | abhisṛtya ca rājānaṃ veditā sā praveśitā

मन में ऐसा कहकर चिन्ता करती हुई दीन शकुन्तला राजा के पास पहुँची; उसके आने की सूचना दी गई और उसे भीतर ले जाया गया,

श्लोक 19 (1.97.19)

सह तेन कुमारेण तरुणादित्यवर्चसा । सिंहासनस्थं राजानं महेन्द्रसदृशद्युतिम् ॥

saha tena kumāreṇa taruṇādityavarcasā | siṃhāsanasthaṃ rājānaṃ mahendrasadṛśadyutim

साथ में उगते सूर्य के समान तेजस्वी वह बालक भी था। सिंहासन पर बैठे, महेन्द्र के समान कान्तिमान राजा को देखकर

श्लोक 20 (1.97.20)

शकुन्तला नतशिराः परं हर्षमवाप्य च । पूजयित्वा यथान्यायमब्रवीत्तं शकुन्तला ॥

śakuntalā nataśirāḥ paraṃ harṣamavāpya ca | pūjayitvā yathānyāyamabravīttaṃ śakuntalā

शकुन्तला ने सिर झुकाया और अत्यन्त हर्षित हुई; फिर यथोचित सम्मान करके शकुन्तला ने उनसे कहा।

श्लोक 21 (1.97.21)

अभिवादय राजानं पितरं ते दृढव्रतम् । एवमुक्त्वा सुतं तत्र लज्जानतमुखी स्थिता ॥

abhivādaya rājānaṃ pitaraṃ te dṛḍhavratam | evamuktvā sutaṃ tatra lajjānatamukhī sthitā

"अपने दृढ़व्रती पिता, इन राजा को प्रणाम करो" — पुत्र से ऐसा कहकर वह लज्जा से मुख झुकाए वहीं खड़ी हो गई।

श्लोक 22 (1.97.22)

स्तम्भमालिङ्ग्य राजानं प्रसीदस्वेत्युवाच सा । शाकुन्तलोपि राजानमभिवाद्य कृताञ्जलिः ॥

stambhamāliṅgya rājānaṃ prasīdasvetyuvāca sā | śākuntalopi rājānamabhivādya kṛtāñjaliḥ

एक खम्भे का सहारा लेकर उसने राजा से कहा — "प्रसन्न होइए।" शकुन्तला के पुत्र ने भी हाथ जोड़कर राजा को प्रणाम किया

श्लोक 23 (1.97.23)

हर्षेणोत्फुल्लनयनो राजानं चान्ववैक्षत । दुष्यन्तो धर्मबुद्ध्या तु चिन्तयन्नेव सोब्रवीत् ॥

harṣeṇotphullanayano rājānaṃ cānvavaikṣata | duṣyanto dharmabuddhyā tu cintayanneva sobravīt

और हर्ष से खिली आँखों से राजा की ओर देखता रहा। दुष्यन्त ने धर्मबुद्धि से विचार करते हुए कहा —

श्लोक 24 (1.97.24)

किमागमनकार्यं ते ब्रूहि त्वं वरवर्णिनि । करिष्यामि न संदेहः सपुत्राया विशेषतः ॥

kimāgamanakāryaṃ te brūhi tvaṃ varavarṇini | kariṣyāmi na saṃdehaḥ saputrāyā viśeṣataḥ

"सुन्दरी! बताओ, तुम्हारे आने का क्या प्रयोजन है? मैं उसे निःसन्देह पूरा करूँगा, विशेषकर इसलिए कि तुम्हारे साथ पुत्र है।"

श्लोक 25 (1.97.25)

प्रसीदस्व महाराज वक्ष्यामि पुरुषोत्तम । एष पुत्रो हि ते राजन्मय्युत्पन्नः परंतप ॥

prasīdasva mahārāja vakṣyāmi puruṣottama | eṣa putro hi te rājanmayyutpannaḥ paraṃtapa

"महाराज, प्रसन्न होइए; पुरुषोत्तम, मैं बताती हूँ। परन्तप राजन्! यह पुत्र आपका ही है, जो मुझसे उत्पन्न हुआ है।

श्लोक 26 (1.97.26)

तस्मात्पुत्रस्त्वया राजन्यौवराज्येऽभिषिच्यताम् । यथोक्तमाश्रमे तस्मिन्वर्तस्व पुरुषोत्तम ॥

tasmātputrastvayā rājanyauvarājye'bhiṣicyatām | yathoktamāśrame tasminvartasva puruṣottama

इसलिए राजन्, आप अपने इस पुत्र का युवराज-पद पर अभिषेक कीजिए। पुरुषोत्तम! उस आश्रम में जो तय हुआ था, उसके अनुसार आचरण कीजिए।

श्लोक 27 (1.97.27)

मया समागमे पूर्वं कृतः स समयस्त्वया । तत्त्वं स्मर महाबाहो कण्वाश्रमपदं प्रति ॥

mayā samāgame pūrvaṃ kṛtaḥ sa samayastvayā | tattvaṃ smara mahābāho kaṇvāśramapadaṃ prati

महाबाहो! मेरे साथ मिलन के समय आपने वह वचन दिया था। कण्व के आश्रम में हुई उस बात को स्मरण कीजिए।"

श्लोक 28 (1.97.28)

तस्योपभोगसक्तस्य स्त्रीषु चान्यासु भारत । शकुन्तला सपुत्रा च मनस्यन्तरधीयत ॥

tasyopabhogasaktasya strīṣu cānyāsu bhārata | śakuntalā saputrā ca manasyantaradhīyata

भारत! दूसरी स्त्रियों के साथ भोग में आसक्त रहने के कारण शकुन्तला और उसका पुत्र उसके मन से ओझल हो गए थे।

श्लोक 29 (1.97.29)

स धारयन्मनस्येनां सपुत्रां सस्मितां तदा । तदोपगृह्य मनसा चिरं सुखमवाप सः ॥

sa dhārayanmanasyenāṃ saputrāṃ sasmitāṃ tadā | tadopagṛhya manasā ciraṃ sukhamavāpa saḥ

पर अब मुस्कुराती हुई उसे पुत्र सहित मन में धारण करके और मन ही मन उसका आलिंगन करके उसे देर तक सुख मिला।

श्लोक 30 (1.97.30)

सोऽथ श्रुत्वापि तद्वाक्यं तस्या राजा स्मरन्नपि । अब्रवीन्न स्मरामीति त्वया भद्रे समागमम् ॥

so'tha śrutvāpi tadvākyaṃ tasyā rājā smarannapi | abravīnna smarāmīti tvayā bhadre samāgamam

तब उसकी बात सुनकर और सब याद होने पर भी राजा ने कहा — "भद्रे, मुझे तुम्हारे साथ किसी मिलन का स्मरण नहीं है।

श्लोक 31 (1.97.31)

मैथुनं च वृथा नाहं गच्छेयमिति मे मतिः । नाभिजानामि कल्याणि त्वया सह समागमम् ॥

maithunaṃ ca vṛthā nāhaṃ gaccheyamiti me matiḥ | nābhijānāmi kalyāṇi tvayā saha samāgamam

मैं व्यर्थ ही किसी स्त्री से संसर्ग नहीं करता — यह मेरा दृढ़ विचार है। कल्याणी, मैं तुम्हारे साथ किसी मिलन को नहीं पहचानता।

श्लोक 32 (1.97.32)

धर्मार्थकामसंबन्धं न स्मरामि त्वया सह । गच्छ वा तिष्ठ वा कामं यद्वापीच्छसि तत्कुरु ॥

dharmārthakāmasaṃbandhaṃ na smarāmi tvayā saha | gaccha vā tiṣṭha vā kāmaṃ yadvāpīcchasi tatkuru

मुझे तुम्हारे साथ धर्म, अर्थ या काम के किसी सम्बन्ध की याद नहीं है। तुम चाहो तो जाओ या रहो, या जो चाहो सो करो।"