कर्मों और तपों के फल

श्लोक 1 (13.10.1)

कर्मणां च समस्तानां फलिनां भरतर्षभ । फलानि महतां श्रेष्ठ प्रब्रूहि परिपृच्छतः ॥

karmaṇāṃ ca samastānāṃ phalināṃ bharatarṣabha | phalāni mahatāṃ śreṣṭha prabrūhi paripṛcchataḥ

युधिष्ठिर ने कहा — हे भरतश्रेष्ठ, फल देने वाले सभी कर्मों के फल मुझे बताइए, हे महापुरुषों में श्रेष्ठ; मैं आपसे पूछ रहा हूँ।

श्लोक 2 (13.10.2)

हन्त ते कथयिष्यामि यन्मां पृच्छसि भारत । रहस्यं यदृषीणां तु तच्छृणुष्व युधिष्ठिर । या गतिः प्राप्यते येन प्रेत्यभावे चिरेप्सिता ॥

hanta te kathayiṣyāmi yanmāṃ pṛcchasi bhārata | rahasyaṃ yadṛṣīṇāṃ tu tacchṛṇuṣva yudhiṣṭhira | yā gatiḥ prāpyate yena pretyabhāve cirepsitā

भीष्म ने कहा — भारत, तुम मुझसे जो पूछ रहे हो वह मैं प्रसन्नता से बताऊँगा, यह ऋषियों का रहस्य है। युधिष्ठिर, उसे सुनो: परलोक में चिरकाल से चाहा हुआ जो लक्ष्य मिलता है, वह किस उपाय से मिलता है।

श्लोक 3 (13.10.3)

येनयेन शरीरेण यद्यत्कर्म करोति यः । तेनतेन शरीरेण तत्तत्फलमुपाश्नुते ॥

yenayena śarīreṇa yadyatkarma karoti yaḥ | tenatena śarīreṇa tattatphalamupāśnute

मनुष्य जिस-जिस शरीर से जो-जो कर्म करता है, उसी-उसी शरीर से उस-उस का फल भोगता है।

श्लोक 4 (13.10.4)

यस्यांयस्यामवस्थायां यत्करोति शुभाशुभम् । तस्यांतस्यामवस्थायां भुङ्क्ते जन्मनिजन्मनि ॥

yasyāṃyasyāmavasthāyāṃ yatkaroti śubhāśubham | tasyāṃtasyāmavasthāyāṃ bhuṅkte janmanijanmani

जिस-जिस अवस्था में वह शुभ या अशुभ कर्म करता है, उसी-उसी अवस्था में जन्म-जन्मान्तर तक उसका फल भोगता है।

श्लोक 5 (13.10.5)

न नश्यति कृतं कर्म चित्तपञ्चेन्द्रियैरिह । ते ह्यस्य साक्षिणो नित्यं षष्ठ आत्मा शुभाशुभे ॥

na naśyati kṛtaṃ karma cittapañcendriyairiha | te hyasya sākṣiṇo nityaṃ ṣaṣṭha ātmā śubhāśubhe

मन और पाँच इन्द्रियों से किया हुआ कर्म यहाँ कभी नष्ट नहीं होता; वे सदा उसके साक्षी हैं, और शुभ-अशुभ में छठा साक्षी आत्मा है।

श्लोक 6 (13.10.6)

चक्षुर्दद्यान्मनो दद्याद्वाचं दद्याच्च सूनृताम् । अनुव्रजेदुपासीत स यज्ञः पञ्चदक्षिणः ॥

cakṣurdadyānmano dadyādvācaṃ dadyācca sūnṛtām | anuvrajedupāsīta sa yajñaḥ pañcadakṣiṇaḥ

आँख दे, मन दे और मधुर सत्य वाणी दे; अतिथि के पीछे-पीछे चले और उसकी सेवा करे: यही पाँच दक्षिणाओं वाला यज्ञ है।

श्लोक 7 (13.10.7)

यो दद्यादपरिक्लिष्टमन्नमध्वनि वर्तते । श्रान्तायादृष्टपूर्वाय तस्य पुण्यफलं महत् ॥

yo dadyādaparikliṣṭamannamadhvani vartate | śrāntāyādṛṣṭapūrvāya tasya puṇyaphalaṃ mahat

जो मार्ग पर चलते थके हुए अपरिचित पथिक को बिना कष्ट पहुँचाए अन्न देता है, उसे महान् पुण्यफल मिलता है।

श्लोक 8 (13.10.8)

स्थण्डिलेषु शयानानां गृहाणि शयनानि च । चीरवल्कलसंवीते वासांस्याभरणानि च ॥

sthaṇḍileṣu śayānānāṃ gṛhāṇi śayanāni ca | cīravalkalasaṃvīte vāsāṃsyābharaṇāni ca

जो नंगी भूमि पर सोते हैं, उन्हें घर और शय्याएँ मिलती हैं; जो चीर और वल्कल पहनता है, उसे वस्त्र और आभूषण;

श्लोक 9 (13.10.9)

वाहनानि च यानानि योगात्मनि तपोधने । अग्नीनुपशयानस्य राज्ञः पौरुषमेव च ॥

vāhanāni ca yānāni yogātmani tapodhane | agnīnupaśayānasya rājñaḥ pauruṣameva ca

योगयुक्त चित्त वाले तपस्वी को वाहन और यान; और जो अग्नियों के बीच लेटता है, उसे राजा का पौरुष।

श्लोक 10 (13.10.10)

रसानां प्रतिसंहारे सौभाग्यमनुगच्छति । आमिषप्रतिसंहारे पशून्पुत्रांश्च विन्दति ॥

rasānāṃ pratisaṃhāre saubhāgyamanugacchati | āmiṣapratisaṃhāre paśūnputrāṃśca vindati

रसों का संयम करने पर सौभाग्य उसके पीछे चलता है; मांस का त्याग करने पर वह पशु और पुत्र पाता है।

श्लोक 11 (13.10.11)

अवाक्शिरास्तु यो लम्बेदुदवासं च यो वसेत् । मण्डूकशायी च नरो लभते चेप्सितां गतिम् ॥

avākśirāstu yo lambedudavāsaṃ ca yo vaset | maṇḍūkaśāyī ca naro labhate cepsitāṃ gatim

जो सिर नीचे करके लटकता है, जो जल में रहता है, और जो मेंढक की तरह सोता है, वह मनुष्य अपनी इच्छित गति पाता है।

श्लोक 12 (13.10.12)

पाद्यमासनमेवाथ दीपमन्नं प्रतिश्रयम् । दद्यादतिथिपूजार्थं स यज्ञः पञ्चदक्षिणः ॥

pādyamāsanamevātha dīpamannaṃ pratiśrayam | dadyādatithipūjārthaṃ sa yajñaḥ pañcadakṣiṇaḥ

पैर धोने का जल, आसन, दीप, अन्न और आश्रय: जो ये अतिथि के सम्मान में देता है, उसका वह यज्ञ पाँच दक्षिणाओं वाला है।

श्लोक 13 (13.10.13)

वीरासनं वीरशय्यां वीरस्थानमुपासतः । अक्षयास्तस्य वै लोकाः सर्वकामगमास्तथा ॥

vīrāsanaṃ vīraśayyāṃ vīrasthānamupāsataḥ | akṣayāstasya vai lokāḥ sarvakāmagamāstathā

जो वीरासन, वीरशय्या और वीरस्थान का आश्रय लेता है, उसके लिए अक्षय लोक हैं, जो सब कामनाएँ पूर्ण करने वाले हैं।

श्लोक 14 (13.10.14)

धनं लभेत दानेन मौनेनाज्ञां विशांपते । उपभोगांश्च तपसा ब्रह्मचर्येण जीवितम् ॥

dhanaṃ labheta dānena maunenājñāṃ viśāṃpate | upabhogāṃśca tapasā brahmacaryeṇa jīvitam

दान से धन मिलता है, मौन से आज्ञा का अधिकार, हे राजन्; तप से भोग, और ब्रह्मचर्य से जीवन।

श्लोक 15 (13.10.15)

रूपमैश्वर्यमारोग्यमहिंसाफलमश्नुते । फलमूलाशिनो राज्यं स्वर्गः पर्णाशिनां भवेत् ॥

rūpamaiśvaryamārogyamahiṃsāphalamaśnute | phalamūlāśino rājyaṃ svargaḥ parṇāśināṃ bhavet

अहिंसा के फलस्वरूप वह रूप, ऐश्वर्य और आरोग्य पाता है; फल-मूल खाने वालों को राज्य मिलता है और पत्ते खाने वालों को स्वर्ग।

श्लोक 16 (13.10.16)

प्रायोपवेशिनो राजन्सर्वत्र सुखमुच्यते । गवाढ्यः शाकदीक्षायां स्वर्गगामी तृणाशनः ॥

prāyopaveśino rājansarvatra sukhamucyate | gavāḍhyaḥ śākadīkṣāyāṃ svargagāmī tṛṇāśanaḥ

हे राजन्, जो प्रायोपवेशन करता है, उसके लिए सर्वत्र सुख कहा गया है; शाक का व्रत लेने वाला गायों से सम्पन्न होता है और तृण खाकर रहने वाला स्वर्ग जाता है।

श्लोक 17 (13.10.17)

स्त्रियस्त्रिषवणं स्नात्वा वायुं पीत्वा क्रतुं लभेत् । स्वर्गं सत्येन लभते दीक्षया कुलमुत्तमम् ॥

striyastriṣavaṇaṃ snātvā vāyuṃ pītvā kratuṃ labhet | svargaṃ satyena labhate dīkṣayā kulamuttamam

जो स्त्रियाँ तीनों सन्ध्याओं में स्नान करके वायु पीकर रहती हैं, वे यज्ञ का फल पाएँ; सत्य से स्वर्ग मिलता है और दीक्षा से उत्तम कुल।

श्लोक 18 (13.10.18)

सलिलाशी भवेद्यस्तु सदाग्निः संस्कृतो द्विजः । मरुत्साधयतो राज्यं नाकपृष्ठमनाशिने ॥

salilāśī bhavedyastu sadāgniḥ saṃskṛto dvijaḥ | marutsādhayato rājyaṃ nākapṛṣṭhamanāśine

जो द्विज केवल जल पर रहे और संस्कारित होकर सदा अग्नि जलाए रखे, उसके लिए, और प्राण को साधने वाले के लिए राज्य, तथा उपवास करने वाले के लिए स्वर्ग का शिखर है।

श्लोक 19 (13.10.19)

उपवासं च दीक्षायामभिषेकं च पार्थिव । कृत्वा द्वादशवर्षाणि वीरस्थानाद्विशिष्यते ॥

upavāsaṃ ca dīkṣāyāmabhiṣekaṃ ca pārthiva | kṛtvā dvādaśavarṣāṇi vīrasthānādviśiṣyate

हे राजन्, उपवास, दीक्षा और अभिषेक यदि बारह वर्ष तक किए जाएँ, तो वे वीरस्थान से भी श्रेष्ठ ठहरते हैं।

श्लोक 20 (13.10.20)

अधीत्य सर्ववेदान्वै सद्यो दुःखाद्विमुच्यते । तत्पाठधारणात्स्वर्गमर्थज्ञानात्परां गतिम् ॥

adhītya sarvavedānvai sadyo duḥkhādvimucyate | tatpāṭhadhāraṇātsvargamarthajñānātparāṃ gatim

सब वेदों का अध्ययन करके मनुष्य तुरन्त दुःख से छूट जाता है; उनका पाठ धारण करने से स्वर्ग और उनका अर्थ जानने से परम गति मिलती है।

श्लोक 21 (13.10.21)

वितृष्णानां वेदजपात्स्वर्गमोक्षफलं स्मृतम् । मानसं हि चरन्धर्म स्वर्गलोकमुपाश्नुते ॥

vitṛṣṇānāṃ vedajapātsvargamokṣaphalaṃ smṛtam | mānasaṃ hi carandharma svargalokamupāśnute

तृष्णारहित लोगों के लिए वेदजप से स्वर्ग और मोक्ष का फल कहा गया है। जो मन के धर्म का आचरण करता है, वह स्वर्गलोक पाता है।

श्लोक 22 (13.10.22)

या दुस्त्यजा दुर्मतिभिर्या न जीर्यति जीर्यतः । योऽसौ प्राणान्तिको रोगस्तां तृष्णां त्यजतः सुखं ॥

yā dustyajā durmatibhiryā na jīryati jīryataḥ | yo'sau prāṇāntiko rogastāṃ tṛṣṇāṃ tyajataḥ sukhaṃ

जो तृष्णा दुर्बुद्धियों से छोड़ी नहीं जाती, जो शरीर के जीर्ण होने पर भी जीर्ण नहीं होती, और जो प्राणों को हरने वाला रोग है, उसे त्यागने वाले को सुख मिलता है।

श्लोक 23 (13.10.23)

यथा धेनुसहस्रेषु वत्सो विन्दति मातरम् । एवं पूर्वकृतं कर्म कर्तारमनुगच्छति ॥

yathā dhenusahasreṣu vatso vindati mātaram | evaṃ pūrvakṛtaṃ karma kartāramanugacchati

जैसे हजारों गायों के बीच बछड़ा अपनी माँ को ढूँढ लेता है, वैसे ही पहले किया हुआ कर्म कर्ता के पीछे-पीछे चलता है।

श्लोक 24 (13.10.24)

अचोद्यमानानि यथा पुष्पाणि च फलानि च । स्वकालं नातिवर्तन्ते तथा कर्म पुराकृतम् ॥

acodyamānāni yathā puṣpāṇi ca phalāni ca | svakālaṃ nātivartante tathā karma purākṛtam

जैसे फूल और फल बिना किसी के प्रेरित किए भी अपने समय का उल्लंघन नहीं करते, वैसे ही पूर्वकृत कर्म भी।

श्लोक 25 (13.10.25)

जीर्यन्ति जीर्यतः केशा दन्ता जीर्यन्ति जीर्यतः । चक्षुः श्रोत्रे च जीर्येते तृष्णैका न तु जीर्यते ॥

jīryanti jīryataḥ keśā dantā jīryanti jīryataḥ | cakṣuḥ śrotre ca jīryete tṛṣṇaikā na tu jīryate

मनुष्य के बूढ़े होने पर केश बूढ़े होते हैं, दाँत बूढ़े होते हैं, आँखें और कान भी जीर्ण होते हैं; केवल तृष्णा ही जीर्ण नहीं होती।

श्लोक 26 (13.10.26)

येन प्रीणन्ति पितरस्तेन प्रीतः प्रजापतिः । माता च येन प्रीणाति पृथिवी तेन पूजिता । येन प्रीणात्युपाध्यायस्तेन स्याद्ब्रह्म पूजितम् ॥

yena prīṇanti pitarastena prītaḥ prajāpatiḥ | mātā ca yena prīṇāti pṛthivī tena pūjitā | yena prīṇātyupādhyāyastena syādbrahma pūjitam

जिससे पितर प्रसन्न होते हैं, उससे प्रजापति प्रसन्न होते हैं; जिससे माता प्रसन्न होती है, उससे पृथ्वी का सम्मान होता है; जिससे उपाध्याय प्रसन्न होते हैं, उससे ब्रह्म का सम्मान होता है।

श्लोक 27 (13.10.27)

सर्वे तस्यादृता धर्मा यस्यैते त्रय आदृताः । अनादृतास्तु यस्यैते सर्वास्तस्याफलाः क्रियाः ॥

sarve tasyādṛtā dharmā yasyaite traya ādṛtāḥ | anādṛtāstu yasyaite sarvāstasyāphalāḥ kriyāḥ

जिसने इन तीनों का आदर किया, उसने सब धर्मों का आदर किया; जिसने इनका अनादर किया, उसकी सारी क्रियाएँ निष्फल हैं।

श्लोक 28 (13.10.28)

भीष्मस्यैतद्वचः श्रुत्वा विस्मिताः कुरुपुङ्गवाः । आसन्प्रहृष्टमनसः प्रीतिमन्तोऽभवंस्तदा ॥

bhīṣmasyaitadvacaḥ śrutvā vismitāḥ kurupuṅgavāḥ | āsanprahṛṣṭamanasaḥ prītimanto'bhavaṃstadā

वैशम्पायन ने कहा — भीष्म की यह बात सुनकर कुरुश्रेष्ठ विस्मित हुए, उनके मन प्रसन्न हुए और वे आनन्द से भर गए।

श्लोक 29 (13.10.29)

यन्मन्त्रे भवति वृथोपयुज्यमाने । यत्सोमे भवति वृथाऽभिषूयमाणे । यच्चाग्नौ भवति वृथाऽभिहूयमाने । तत्सर्वं भवति वृथाऽभिधीयमाने ॥

yanmantre bhavati vṛthopayujyamāne | yatsome bhavati vṛthā'bhiṣūyamāṇe | yaccāgnau bhavati vṛthā'bhihūyamāne | tatsarvaṃ bhavati vṛthā'bhidhīyamāne

भीष्म ने कहा — जब मन्त्र व्यर्थ प्रयुक्त होता है, जब सोम व्यर्थ निचोड़ा जाता है, जब अग्नि में आहुति व्यर्थ दी जाती है, तब जो निष्फलता होती है, वह सब व्यर्थ कही जाने पर भी होती है।

श्लोक 30 (13.10.30)

इत्येतदृषिणा प्रोक्तमुक्तवानस्मि भारत । शुभाशुभफलप्राप्तौ किमतः श्रोतुमिच्छसि ॥

ityetadṛṣiṇā proktamuktavānasmi bhārata | śubhāśubhaphalaprāptau kimataḥ śrotumicchasi

यह बात ऋषि ने कही थी और भारत, मैंने तुम्हें कह दी। शुभ और अशुभ फल की प्राप्ति के विषय में अब तुम और क्या सुनना चाहते हो?