गोदान की विधि

श्लोक 1 (13.111.1)

विधिं गवां परं श्रोतुमिच्छामि नृप तत्त्वतः । येन ताञ्शाश्वताँल्लोकानर्थिनां प्राप्नुयादिह ॥

vidhiṃ gavāṃ paraṃ śrotumicchāmi nṛpa tattvataḥ | yena tāñśāśvatām̐llokānarthināṃ prāpnuyādiha

युधिष्ठिर बोले: हे राजन्, मैं गौओं के विषय में परम विधि यथार्थ रूप से सुनना चाहता हूँ, जिससे चाहने वाले लोग यहाँ सनातन लोक प्राप्त कर सकें।

श्लोक 2 (13.111.2)

न गोदानात्परं किञ्चिद्विद्यते वसुधाधिप । गौर्हि न्यायागता दत्ता सद्यस्तारयते कुलम् ॥

na godānātparaṃ kiñcidvidyate vasudhādhipa | gaurhi nyāyāgatā dattā sadyastārayate kulam

भीष्म बोले: हे पृथ्वीपति, गोदान से बढ़कर कुछ नहीं है। न्यायपूर्वक पाई हुई गौ का दान कुल को तुरन्त तार देता है।

श्लोक 3 (13.111.3)

सतामर्थे सम्यगुत्पादितो यः । स वै क्लृप्तः सम्यगाभ्यः प्रजाभ्यः । तस्मात्पूर्वं ह्यादिकालप्रवृत्तं । गोदानार्थं शृणु राजन्विधिं मे ॥

satāmarthe samyagutpādito yaḥ | sa vai klṛptaḥ samyagābhyaḥ prajābhyaḥ | tasmātpūrvaṃ hyādikālapravṛttaṃ | godānārthaṃ śṛṇu rājanvidhiṃ me

जो सज्जनों के हित के लिए भली-भाँति उत्पन्न किया गया, वह इन प्रजाओं के लिए ठीक प्रकार से स्थापित हुआ। इसलिए हे राजन्, आदिकाल से चली आई गोदान की विधि मुझसे सुनो।

श्लोक 4 (13.111.4)

पुरा गोष्ठे निलीनासु गोषु सन्दिग्धदर्शिना । मांधात्रा प्रकृतं प्रश्नं बृहस्पतिरभाषत ॥

purā goṣṭhe nilīnāsu goṣu sandigdhadarśinā | māṃdhātrā prakṛtaṃ praśnaṃ bṛhaspatirabhāṣata

पूर्वकाल में जब गौएँ गोशाला में छिप गई थीं, तब संशय में पड़े मान्धाता ने जो प्रश्न रखा था, उसका उत्तर बृहस्पति ने दिया था।

श्लोक 5 (13.111.5)

द्विजानामन्त्र्य सत्कृत्य प्रोक्तं कालमुपोष्य च । गोदानार्थे प्रयुञ्जीत रोहिणीं नियतव्रतः ॥

dvijānāmantrya satkṛtya proktaṃ kālamupoṣya ca | godānārthe prayuñjīta rohiṇīṃ niyatavrataḥ

ब्राह्मणों को निमन्त्रित करके और उनका सत्कार करके, निश्चित समय तक उपवास रखकर, नियमपूर्वक गोदान के लिए रोहिणी गौ को नियुक्त करे।

श्लोक 6 (13.111.6)

आह्वानं च प्रयुञ्जीत समङ्गे बहुलेति च । प्रविश्य च गवां मध्यमिमां श्रुतिमुदाहरेत् ॥

āhvānaṃ ca prayuñjīta samaṅge bahuleti ca | praviśya ca gavāṃ madhyamimāṃ śrutimudāharet

वह समंगा और बहुला नाम लेकर गौओं को पुकारे, और गौओं के बीच जाकर यह श्रुति-वचन बोले:

श्लोक 7 (13.111.7)

गौर्मे माता वृषभः पिता मे । दिवं गर्भं जगती मे प्रतिष्ठा । प्रपद्यैवं शर्वरीमुष्य गोषु । पुनर्वाणीमुत्सृजेद्गोप्रदाने ॥

gaurme mātā vṛṣabhaḥ pitā me | divaṃ garbhaṃ jagatī me pratiṣṭhā | prapadyaivaṃ śarvarīmuṣya goṣu | punarvāṇīmutsṛjedgopradāne

“गौ मेरी माता है, वृषभ मेरा पिता है; स्वर्ग मेरा गर्भ है और पृथ्वी मेरा आधार है।” इस प्रकार शरण लेकर और गौओं के बीच रात बिताकर वह गोदान के समय फिर वाणी का उच्चारण करे।

श्लोक 8 (13.111.8)

स तामेकां निशां गोभिः समसख्यः समव्रतः । ऐकात्म्यगमनात्सद्यः कलुषाद्विप्रमुच्यते ॥

sa tāmekāṃ niśāṃ gobhiḥ samasakhyaḥ samavrataḥ | aikātmyagamanātsadyaḥ kaluṣādvipramucyate

उस एक रात गौओं के साथ उनके समान मित्र और समान व्रत वाला होकर, उनके साथ एकात्मता पाने से वह तत्काल पाप से मुक्त हो जाता है।

श्लोक 9 (13.111.9)

उत्सृष्टवृषवत्सा हि प्रदेया सूर्यदर्शने । त्रिदिवं प्रतिपत्तव्यमर्थवादाशिषस्तव ॥

utsṛṣṭavṛṣavatsā hi pradeyā sūryadarśane | tridivaṃ pratipattavyamarthavādāśiṣastava

बछड़े और साँड़ को छोड़कर, सूर्योदय के दर्शन के समय गौ का दान करना चाहिए। स्वर्ग की प्राप्ति करनी है; अर्थवाद और आशीर्वचन तुम्हारे हैं।

श्लोक 10 (13.111.10)

ऊर्जस्विन्य ऊर्जमेधाश्च यज्ञे । गर्भोऽमृतस्य जगतश्च प्रतिष्ठा । क्षिते रोहः प्रवहः शश्वदेव । प्राजापत्याः सर्वमित्यर्थवादाः ॥

ūrjasvinya ūrjamedhāśca yajñe | garbho'mṛtasya jagataśca pratiṣṭhā | kṣite rohaḥ pravahaḥ śaśvadeva | prājāpatyāḥ sarvamityarthavādāḥ

तेजस्विनी, यज्ञ में बल बढ़ाने वाली, अमृत का गर्भ और जगत् का आधार, पृथ्वी पर उगने वाली वृद्धि, सदा बहती धारा — “सब कुछ प्रजापति की सन्तान का है” — ये अर्थवाद हैं।

श्लोक 11 (13.111.11)

गावो ममैनः प्रणुदन्तु सौर्या- । स्तथा सौम्याः स्वर्गयानाय सन्तु । आत्मानं मे मातृवच्चाश्रयन्तु । तथाऽनुक्ताः सन्तु सर्वाशिषो मे ॥

gāvo mamainaḥ praṇudantu sauryā- | stathā saumyāḥ svargayānāya santu | ātmānaṃ me mātṛvaccāśrayantu | tathā'nuktāḥ santu sarvāśiṣo me

“सूर्य की गौएँ मेरे पाप को दूर करें, चन्द्रमा की गौएँ मेरे स्वर्ग-गमन के लिए हों। वे माता की तरह मुझे आश्रय दें, और मेरे बिना कहे हुए सब आशीर्वाद भी सफल हों।”

श्लोक 12 (13.111.12)

शोषोत्सर्गे कर्मभिर्देहमोक्षे । सरस्वत्यः श्रेयसे सम्प्रवृत्ताः । यूयं नित्यं सर्वपुण्योपवाह्यां । दिशध्वं मे गतिमिष्टां प्रसन्नाः ॥

śoṣotsarge karmabhirdehamokṣe | sarasvatyaḥ śreyase sampravṛttāḥ | yūyaṃ nityaṃ sarvapuṇyopavāhyāṃ | diśadhvaṃ me gatimiṣṭāṃ prasannāḥ

“अन्त में जब कर्मों के द्वारा मेरा शरीर छूटे, तब कल्याण के लिए प्रकट हुई सरस्वतीस्वरूपा, सब पुण्य को वहन करने वाली आप सब, प्रसन्न होकर मुझे मेरी इच्छित गति दें।”

श्लोक 13 (13.111.13)

या वै यूयं सोऽहमद्यैव भावो । युष्मान्दत्त्वा चाहमात्मप्रदाता । मनश्च्युता मन एवोपपन्नाः । सन्धुक्षध्वं सौम्यरूपाग्र्यदेहाः ॥

yā vai yūyaṃ so'hamadyaiva bhāvo | yuṣmāndattvā cāhamātmapradātā | manaścyutā mana evopapannāḥ | sandhukṣadhvaṃ saumyarūpāgryadehāḥ

“जो आप हैं, वही आज मैं हूँ, एक ही भाव में; आपको देकर मैं अपना ही दान करने वाला हूँ। मन से आई हुई, मन से ही उत्पन्न, सौम्य रूप और उत्तम शरीर वाली आप सब, मुझे प्रदीप्त करें।”

श्लोक 14 (13.111.14)

दानस्याग्रे पूर्वमेतद्वदेत । गवां दाता विधिवत्पर्वदृष्टम् । प्रतिब्रूयाच्छेषमर्धंद्विजातिः । प्रतिगृह्णन्वै गोप्रदाने विधिज्ञः ॥

dānasyāgre pūrvametadvadeta | gavāṃ dātā vidhivatparvadṛṣṭam | pratibrūyāccheṣamardhaṃdvijātiḥ | pratigṛhṇanvai gopradāne vidhijñaḥ

गौ का दाता दान के आरम्भ में पहले यह कहे, जैसा विधि में देखा गया है; और गौ लेने वाला विधिज्ञ ब्राह्मण शेष आधा उत्तर में कहे।

श्लोक 15 (13.111.15)

गां ददानीति वक्तव्यमर्घ्यमुत्सृज्य सुव्रतः । ऊढव्या भरितव्या च वैष्णवीति च चोदयेत् ॥

gāṃ dadānīti vaktavyamarghyamutsṛjya suvrataḥ | ūḍhavyā bharitavyā ca vaiṣṇavīti ca codayet

उत्तम व्रत वाला दाता अर्घ्य का जल छोड़कर कहे, “मैं गौ देता हूँ”, और प्रेरित करे, “यह ले जाने और पालने योग्य है; यह वैष्णवी है।”

श्लोक 16 (13.111.16)

नाम सङ्कीर्तयेत्तस्या यथासंख्योत्तरं स वै । फलं षट्त्रिंशदष्टौ च सहस्राणि च विंशतिः ॥

nāma saṅkīrtayettasyā yathāsaṃkhyottaraṃ sa vai | phalaṃ ṣaṭtriṃśadaṣṭau ca sahasrāṇi ca viṃśatiḥ

वह उसके नाम संख्या के क्रम से उच्चारण करे; फल छत्तीस, आठ हज़ार और बीस बताया गया है।

श्लोक 17 (13.111.17)

एवमेतान्गुणान्विद्याद्गवादीनां यथाक्रमम् । गोप्रदाता समाप्नोति समस्तानष्टमे क्रमे ॥

evametānguṇānvidyādgavādīnāṃ yathākramam | gopradātā samāpnoti samastānaṣṭame krame

इस प्रकार गौ आदि के इन बढ़ते हुए गुणों को क्रम से जानना चाहिए; गोदान करने वाला आठवें क्रम में इन सबको पा लेता है।

श्लोक 18 (13.111.18)

गोदः शीली निर्भयश्चार्घदाता । न स्याद्दुःखी वसुदाता च कामम् । उपस्योढा भारते यश्च विद्वा- । न्विख्यातास्ते वैष्णवाश्चन्द्रलोकाः ॥

godaḥ śīlī nirbhayaścārghadātā | na syādduḥkhī vasudātā ca kāmam | upasyoḍhā bhārate yaśca vidvā- | nvikhyātāste vaiṣṇavāścandralokāḥ

शीलवान, निर्भय और अर्घ्य देने वाला गोदाता दुःखी नहीं होगा, और धन देने वाला अपनी इच्छा से वंचित नहीं रहेगा; और हे भारत, जो विद्वान गौ के पालन का भार उठाता है, उनके लोक वैष्णव चन्द्रलोक के नाम से प्रसिद्ध हैं।

श्लोक 19 (13.111.19)

गा वै दत्त्वा गोव्रती स्यात्त्रिरात्रं । निशां चैकां संवसेतेह ताभिः । काम्याष्टभ्यां वर्तितव्यं त्रिरात्रं । रसैर्वा गोः शकृता प्रश्नवैर्वा ॥

gā vai dattvā govratī syāttrirātraṃ | niśāṃ caikāṃ saṃvaseteha tābhiḥ | kāmyāṣṭabhyāṃ vartitavyaṃ trirātraṃ | rasairvā goḥ śakṛtā praśnavairvā

गौएँ देकर तीन रात तक गोव्रत रखे और यहाँ एक रात उनके साथ रहे। कामना के लिए की गई अष्टमी पर तीन रात गौ के रस, या गोबर, या उससे बहने वाले पदार्थों पर निर्वाह करे।

श्लोक 20 (13.111.20)

देवव्रती स्याद्वृषभप्रदाने । वेदावाप्तिर्गोयुगस्य प्रदाने । तथा गवां विधिमासाद्य यज्वा । लोकानग्र्यान्विन्दते गोविधिज्ञः ॥

devavratī syādvṛṣabhapradāne | vedāvāptirgoyugasya pradāne | tathā gavāṃ vidhimāsādya yajvā | lokānagryānvindate govidhijñaḥ

साँड़ का दान करने पर देवव्रत रखे; बैलों की जोड़ी के दान से वेद की प्राप्ति होती है। इस प्रकार गौओं की विधि को पाकर उसे जानने वाला यज्ञकर्ता उत्तम लोकों को पाता है।

श्लोक 21 (13.111.21)

कामान्सर्वान्पार्थिवानेकसंस्था- । न्यो वै दद्यात्कामदुघां च धेनुम् । सम्यक्ताः स्युर्हव्यकव्यौघवत्य । स्तासामुक्ष्णां ज्यायसां सम्प्रदानम् ॥

kāmānsarvānpārthivānekasaṃsthā- | nyo vai dadyātkāmadughāṃ ca dhenum | samyaktāḥ syurhavyakavyaughavatya | stāsāmukṣṇāṃ jyāyasāṃ sampradānam

जो कामधेनु का दान करता है, वह मानो एक ही स्थान पर एकत्र सब पार्थिव कामनाओं का दान करता है। ऐसी गौएँ देवताओं और पितरों के हव्य-कव्य की धाराओं से भरी हुई ठीक प्रकार से होती हैं; और उनमें से श्रेष्ठ बैलों का दान भी प्रशंसनीय है।

श्लोक 22 (13.111.22)

न चाशिष्यायाव्रतायोपकुर्या- । न्नाश्रद्दधानाय न वक्रबुद्धये । गुह्यो ह्ययं सर्वलोकस्य धर्मो । नेमं धर्मं यत्र तत्र प्रजल्पेत् ॥

na cāśiṣyāyāvratāyopakuryā- | nnāśraddadhānāya na vakrabuddhaye | guhyo hyayaṃ sarvalokasya dharmo | nemaṃ dharmaṃ yatra tatra prajalpet

जो शिष्य नहीं है, जो व्रत नहीं रखता, जिसमें श्रद्धा नहीं है, या जिसकी बुद्धि कुटिल है, उस पर यह उपकार नहीं करना चाहिए। यह धर्म सारे लोक के लिए गुप्त है; इसे जहाँ-तहाँ नहीं कहना चाहिए।

श्लोक 23 (13.111.23)

सन्ति लोके श्रद्दधाना मनुष्याः । सन्ति क्षुद्रा राक्षसमानुषेषु । एषामेतद्दीयमानं ह्यनिष्टं । ये नास्तिक्यं चाश्रयन्तेऽल्पपुण्याः ॥

santi loke śraddadhānā manuṣyāḥ | santi kṣudrā rākṣasamānuṣeṣu | eṣāmetaddīyamānaṃ hyaniṣṭaṃ | ye nāstikyaṃ cāśrayante'lpapuṇyāḥ

संसार में श्रद्धालु मनुष्य भी हैं, और राक्षस-जैसे मनुष्यों में क्षुद्र लोग भी हैं। इन्हें यह दिया जाना अनुचित है — उन अल्प पुण्य वालों को जो नास्तिकता का आश्रय लेते हैं।

श्लोक 24 (13.111.24)

बार्हस्पत्यं वाक्यमेतन्निशम्य । ये राजानो गोप्रदानानि दत्त्वा । लोकान्प्राप्ताः पुण्यशीलाः प्रवृत्ता- । स्तान्मे राजन्कीर्त्यमानान्निबोध ॥

bārhaspatyaṃ vākyametanniśamya | ye rājāno gopradānāni dattvā | lokānprāptāḥ puṇyaśīlāḥ pravṛttā- | stānme rājankīrtyamānānnibodha

बृहस्पति का यह वचन सुनकर, हे राजन्, उन पुण्यशील राजाओं को मुझसे सुनो जिन्होंने गोदान करके लोक प्राप्त किए; मैं उनका नाम लेता हूँ।

श्लोक 25 (13.111.25)

उशीनरो विश्वगश्वो नृगश्च । भगीरथो विश्रुतो यौवनाश्वः । मान्धाता वै मुचुकुन्दश्च राजा । भूरिद्युम्नो नैषधः सोमकश्च ॥

uśīnaro viśvagaśvo nṛgaśca | bhagīratho viśruto yauvanāśvaḥ | māndhātā vai mucukundaśca rājā | bhūridyumno naiṣadhaḥ somakaśca

उशीनर, विश्वगश्व, नृग, प्रसिद्ध भगीरथ, यौवनाश्व, मान्धाता, राजा मुचुकुन्द, नैषध भूरिद्युम्न और सोमक,

श्लोक 26 (13.111.26)

पुरूरवा भरतश्चक्रवर्ती । यस्यान्ववाये भरताः सर्व एव । तथा वीरो दाशरथिश्च रामो । ये चाप्यन्ये विश्रुताः कीर्तिमन्तः ॥

purūravā bharataścakravartī | yasyānvavāye bharatāḥ sarva eva | tathā vīro dāśarathiśca rāmo | ye cāpyanye viśrutāḥ kīrtimantaḥ

पुरूरवा, चक्रवर्ती भरत जिनके वंश में सब भरतवंशी हैं, वीर दाशरथि राम, और अन्य भी जो प्रसिद्ध और कीर्तिमान हुए।

श्लोक 27 (13.111.27)

तथा राजा पृथुकर्मा दिलीपो । दिवं प्राप्तो गोप्रदानैर्विधिज्ञः । यज्ञैर्दानैस्तपसा राजधर्मै- । र्मांधाताऽभूद्गोप्रदानैश्च युक्तः ॥

tathā rājā pṛthukarmā dilīpo | divaṃ prāpto gopradānairvidhijñaḥ | yajñairdānaistapasā rājadharmai- | rmāṃdhātā'bhūdgopradānaiśca yuktaḥ

और महान कर्म करने वाला विधिज्ञ राजा दिलीप गोदान से स्वर्ग को पहुँचा; यज्ञों, दानों, तप और राजधर्मों के साथ मान्धाता गोदान से भी युक्त हुए।

श्लोक 28 (13.111.28)

तस्मात्पार्थ त्वमपीमां मयोक्तां । बार्हस्पतीं भारतीं धारयस्व । द्विजाग्र्येभ्यः सम्प्रयच्छस्व प्रीतो । गाः पुण्या वै प्राप्य राज्यं कुरूणाम् ॥

tasmātpārtha tvamapīmāṃ mayoktāṃ | bārhaspatīṃ bhāratīṃ dhārayasva | dvijāgryebhyaḥ samprayacchasva prīto | gāḥ puṇyā vai prāpya rājyaṃ kurūṇām

इसलिए हे पार्थ, तुम भी मेरे कहे हुए बृहस्पति के इस वचन को धारण करो। कुरुओं का राज्य पाकर प्रसन्न मन से श्रेष्ठ ब्राह्मणों को पुण्यदायिनी गौएँ दो।

श्लोक 29 (13.111.29)

तथा सर्वं कृतवान्धर्मराजो । भीष्मेणोक्तो विधिवद्गोप्रदाने । स मान्धातुर्वेद देवोपदिष्टं । सम्यग्धर्मं धारयामास राजा ॥

tathā sarvaṃ kṛtavāndharmarājo | bhīṣmeṇokto vidhivadgopradāne | sa māndhāturveda devopadiṣṭaṃ | samyagdharmaṃ dhārayāmāsa rājā

वैशम्पायन बोले: और धर्मराज ने गोदान के विषय में भीष्म के कहे अनुसार सब कुछ विधिपूर्वक किया। उस राजा ने मान्धाता को देवता द्वारा उपदिष्ट धर्म को जाना और भली-भाँति धारण किया।

श्लोक 30 (13.111.30)

इति नृप सततं गवां प्रदाने । यवशकलान्सह गोमयैः पिबानः । क्षितितलशयनः शिखी यतात्मा । वृष इव राजवृषस्तदा बभूव ॥

iti nṛpa satataṃ gavāṃ pradāne | yavaśakalānsaha gomayaiḥ pibānaḥ | kṣititalaśayanaḥ śikhī yatātmā | vṛṣa iva rājavṛṣastadā babhūva

हे राजन्, इस प्रकार निरन्तर गौओं का दान करते हुए, गोबर के साथ जौ के दाने खाकर निर्वाह करते हुए, भूमि पर सोते हुए, शिखा रखकर और संयतचित्त रहकर, राजाओं में श्रेष्ठ वह राजा तब वृषभ के समान हो गया।

श्लोक 31 (13.111.31)

नरपतिरभवत्सदैव ताभ्यः । प्रयतमनास्त्वभिसंस्तुवंश्च गा वै । नृपतिधुरि च गामयुक्त भूप- । स्तुरगवरैरगमच्च यत्र तत्र ॥

narapatirabhavatsadaiva tābhyaḥ | prayatamanāstvabhisaṃstuvaṃśca gā vai | nṛpatidhuri ca gāmayukta bhūpa- | sturagavarairagamacca yatra tatra

वह राजा सदा उन गौओं के प्रति समर्पित रहा, शुद्ध मन से उनकी स्तुति करता रहा। राज्य के जुए में राजा ने गौ को जोता, और उत्तम घोड़ों के साथ जहाँ चाहा वहाँ गया।