वसिष्ठ का सौदास को गौ-महिमा का उपदेश

श्लोक 1 (13.113.1)

एवमुक्त्वा ततो भीष्मः पुनर्धर्मसुतं नृपम् । जनमेजयभूपाल उवाचेदं सहेतुकम् ॥

evamuktvā tato bhīṣmaḥ punardharmasutaṃ nṛpam | janamejayabhūpāla uvācedaṃ sahetukam

ऐसा कहकर भीष्म ने फिर धर्म के पुत्र राजा युधिष्ठिर से कारण-सहित यह बात कही; हे राजा जनमेजय!

श्लोक 2 (13.113.2)

एतस्मिन्नेव काले तु वसिष्ठमृषिसत्तमम् । इक्ष्वाकुवंशजो राजा सौदासो वदतां वरः ॥

etasminneva kāle tu vasiṣṭhamṛṣisattamam | ikṣvākuvaṃśajo rājā saudāso vadatāṃ varaḥ

उसी समय इक्ष्वाकु-वंश में उत्पन्न, वक्ताओं में श्रेष्ठ राजा सौदास ने

श्लोक 3 (13.113.3)

सर्वलोकचरं सिद्धं ब्रह्मकोशं सनातनम् । पुरोहितमभिप्रष्टुमभिवाद्योपचक्रमे ॥

sarvalokacaraṃ siddhaṃ brahmakośaṃ sanātanam | purohitamabhipraṣṭumabhivādyopacakrame

अपने पुरोहित ऋषिश्रेष्ठ वसिष्ठ को, जो सब लोकों में विचरने वाले सिद्ध और ब्रह्म के सनातन कोश हैं, प्रणाम करके उनसे प्रश्न करना आरम्भ किया।

श्लोक 4 (13.113.4)

त्रैलोक्ये भगवन्किंस्वित्पवित्रं कथ्यतेऽनघ । यत्कीर्तयन्सदा मर्त्यः प्राप्नुयात्पुण्यमुत्तमम् ॥

trailokye bhagavankiṃsvitpavitraṃ kathyate'nagha | yatkīrtayansadā martyaḥ prāpnuyātpuṇyamuttamam

"हे भगवन्! हे निष्पाप! तीनों लोकों में सबसे पवित्र किसे कहा जाता है, जिसका कीर्तन करने से मनुष्य सदा उत्तम पुण्य पा सकता है?"

श्लोक 5 (13.113.5)

तस्मै प्रोवाच वचनं प्रणताय हितं तदा । गवामुपनिषद्विद्यां नमस्कृत्य गवां शुचिः ॥

tasmai provāca vacanaṃ praṇatāya hitaṃ tadā | gavāmupaniṣadvidyāṃ namaskṛtya gavāṃ śuciḥ

तब गौओं की गुह्य विद्या को जानने वाले वसिष्ठ ने पहले गौओं को नमस्कार किया और पवित्र होकर प्रणाम करते हुए राजा से उसके हित की यह बात कही।

श्लोक 6 (13.113.6)

गावः सुरभिगन्धिन्यस्तथा गुग्गुलुगन्धयः । गावः प्रतिष्ठा भूतानां गावः स्वस्त्ययनं महत् ॥

gāvaḥ surabhigandhinyastathā guggulugandhayaḥ | gāvaḥ pratiṣṭhā bhūtānāṃ gāvaḥ svastyayanaṃ mahat

गौएँ सुरभित गन्ध वाली हैं और उनसे गुग्गुल की-सी गन्ध आती है। गौएँ प्राणियों का आधार हैं, गौएँ महान् कल्याण हैं।

श्लोक 7 (13.113.7)

गावो भूतं च भव्यं च गावः पुष्टिः सनातनी । गावो लक्ष्म्यास्तथा मूलं गोषु दत्तं न नश्यति ॥

gāvo bhūtaṃ ca bhavyaṃ ca gāvaḥ puṣṭiḥ sanātanī | gāvo lakṣmyāstathā mūlaṃ goṣu dattaṃ na naśyati

गौएँ भूत और भविष्य हैं, गौएँ सनातन पुष्टि हैं। गौएँ लक्ष्मी की जड़ हैं; गौओं को दिया हुआ दान नष्ट नहीं होता।

श्लोक 8 (13.113.8)

अन्नं हि परमं गावो देवानां परमं हविः । स्वाहाकारवषट्कारौ गोषु नित्यं प्रतिष्ठितौ ॥

annaṃ hi paramaṃ gāvo devānāṃ paramaṃ haviḥ | svāhākāravaṣaṭkārau goṣu nityaṃ pratiṣṭhitau

गौएँ परम अन्न हैं और देवताओं की परम हवि हैं; स्वाहाकार और वषट्कार सदा गौओं में ही प्रतिष्ठित हैं।

श्लोक 9 (13.113.9)

गावो यज्ञस्य हि फलं गोषु यज्ञाः प्रतिष्ठिताः । गावो भविष्यं भूतं च गोषु यज्ञाः प्रतिष्ठिताः ॥

gāvo yajñasya hi phalaṃ goṣu yajñāḥ pratiṣṭhitāḥ | gāvo bhaviṣyaṃ bhūtaṃ ca goṣu yajñāḥ pratiṣṭhitāḥ

गौएँ यज्ञ का फल हैं और यज्ञ गौओं में प्रतिष्ठित हैं। गौएँ भविष्य और भूत हैं और यज्ञ गौओं में प्रतिष्ठित हैं।

श्लोक 10 (13.113.10)

सायं प्रातश्च सततं होमकाले महाद्युते । गावो ददति वै हौम्यमृषिभ्यः पुरुषर्षभ ॥

sāyaṃ prātaśca satataṃ homakāle mahādyute | gāvo dadati vai haumyamṛṣibhyaḥ puruṣarṣabha

हे महातेजस्वी पुरुषश्रेष्ठ! प्रातः और सायं, होम के समय सदा गौएँ ऋषियों को होम के योग्य द्रव्य देती हैं।

श्लोक 11 (13.113.11)

यानि कानि च दुर्गाणि दुष्कृतानि कृतानि च । तरन्ति चैव पाप्मानं धेनुं ये ददति प्रभो ॥

yāni kāni ca durgāṇi duṣkṛtāni kṛtāni ca | taranti caiva pāpmānaṃ dhenuṃ ye dadati prabho

हे प्रभो! जो लोग धेनु का दान करते हैं, वे जो भी कठिनाइयाँ और बुरे कर्म किए हों, उन सबके पाप से तर जाते हैं।

श्लोक 12 (13.113.12)

एकां च दशगुर्दद्याद्दश दद्याच्च गोशती । शतं सहस्रगुर्दद्यात्सर्वे तुल्यफला हि ते ॥

ekāṃ ca daśagurdadyāddaśa dadyācca gośatī | śataṃ sahasragurdadyātsarve tulyaphalā hi te

जिसके पास दस गौएँ हों, वह एक दे; जिसके पास सौ हों, वह दस दे; और जिसके पास हजार हों, वह सौ दे; इन सबका फल बराबर होता है।

श्लोक 13 (13.113.13)

अनाहिताग्निः शतगुरयज्वा च सहस्रगुः । समृद्धो यश्च कीनाशो नार्घमर्हन्ति ते त्रयः ॥

anāhitāgniḥ śatagurayajvā ca sahasraguḥ | samṛddho yaśca kīnāśo nārghamarhanti te trayaḥ

सौ गौओं वाला जो अग्निहोत्र नहीं करता, हजार गौओं वाला जो यज्ञ नहीं करता और धनी होकर भी जो कंजूस है, ये तीनों पूजा के योग्य नहीं हैं।

श्लोक 14 (13.113.14)

कपिलां ये प्रयच्छन्ति सवत्सां कांस्यदोहनाम् । सुव्रतां वस्त्रसंवीतामुभौ लोकौ जयन्ति ते ॥

kapilāṃ ye prayacchanti savatsāṃ kāṃsyadohanām | suvratāṃ vastrasaṃvītāmubhau lokau jayanti te

जो लोग बछड़े और काँसे की दोहनी सहित, शान्त स्वभाव वाली और वस्त्र से ढकी हुई कपिला गौ का दान करते हैं, वे दोनों लोकों को जीत लेते हैं।

श्लोक 15 (13.113.15)

युवानमिन्द्रियोपेतं शतेन सहयूथपम् । गवेन्द्रं ब्राह्मणेन्द्राय भूरिशृङ्गमलङ्कृतम् ॥

yuvānamindriyopetaṃ śatena sahayūthapam | gavendraṃ brāhmaṇendrāya bhūriśṛṅgamalaṅkṛtam

सौ गौओं के साथ झुण्ड का नेता, पूर्ण इन्द्रियों वाला, युवा, बड़े सींगों वाला और सजा हुआ गौओं का स्वामी वृषभ ब्राह्मणों के श्रेष्ठ को देना चाहिए:

श्लोक 16 (13.113.16)

वृषभं ये प्रयच्छन्ति श्रोत्रियाय परन्तप । ऐश्वर्यं तेऽधिगच्छन्ति जायमानाः पुनःपुनः ॥

vṛṣabhaṃ ye prayacchanti śrotriyāya parantapa | aiśvaryaṃ te'dhigacchanti jāyamānāḥ punaḥpunaḥ

हे शत्रुओं को तपाने वाले! जो लोग ऐसा वृषभ किसी श्रोत्रिय को देते हैं, वे बार-बार जन्म लेकर ऐश्वर्य पाते हैं।

श्लोक 17 (13.113.17)

नाकीर्तयित्वा गाः सुप्यात्तासां संस्मृत्य चोत्पतेत् । सायं प्रातर्नमस्येच्च गास्ततः पुष्टिमाप्नुयात् ॥

nākīrtayitvā gāḥ supyāttāsāṃ saṃsmṛtya cotpatet | sāyaṃ prātarnamasyecca gāstataḥ puṣṭimāpnuyāt

गौओं का कीर्तन किए बिना नहीं सोना चाहिए और उनका स्मरण करके ही उठना चाहिए। प्रातः और सायं गौओं को नमस्कार करना चाहिए; इससे मनुष्य पुष्टि पाता है।

श्लोक 18 (13.113.18)

गवां मूत्रपुरीषस्य नोद्विजेत कथञ्चन । न चासां मांसमश्नीयाद्गवां पुष्टिं तथाऽऽप्नुयात् ॥

gavāṃ mūtrapurīṣasya nodvijeta kathañcana | na cāsāṃ māṃsamaśnīyādgavāṃ puṣṭiṃ tathā''pnuyāt

गौओं के मूत्र और गोबर से कभी घृणा नहीं करनी चाहिए और उनका मांस नहीं खाना चाहिए; इस प्रकार मनुष्य गौओं की समृद्धि पाता है।

श्लोक 19 (13.113.19)

गाश्च संकीर्तयन्नित्यं नावमन्येत तास्तथा । अनिष्टं स्वप्नमालक्ष्य गां नरः सम्प्रकीर्तयेत् ॥

gāśca saṃkīrtayannityaṃ nāvamanyeta tāstathā | aniṣṭaṃ svapnamālakṣya gāṃ naraḥ samprakīrtayet

मनुष्य को सदा गौओं का नाम-कीर्तन करना चाहिए और उनका अनादर नहीं करना चाहिए। बुरा स्वप्न देखने पर गौओं का नाम उच्चारण करना चाहिए।

श्लोक 20 (13.113.20)

गोमयेन सदा स्नायाद्गोकरीषे च संविशेत् । श्लेष्ममूत्रपुरीषाणि प्रतिघातं च वर्जयेत् ॥

gomayena sadā snāyādgokarīṣe ca saṃviśet | śleṣmamūtrapurīṣāṇi pratighātaṃ ca varjayet

सदा गोबर से स्नान करना चाहिए और सूखे गोबर पर बैठना चाहिए; गौओं पर कफ, मूत्र और मल नहीं डालना चाहिए और उन्हें मारने से बचना चाहिए।

श्लोक 21 (13.113.21)

सार्द्रे चर्मणि भुञ्जीत निरीक्षेद्वारुणीं दिशम् । वाग्यतः सर्पिषा भूमौ गवां व्युष्टिं सदाऽऽश्नुते ॥

sārdre carmaṇi bhuñjīta nirīkṣedvāruṇīṃ diśam | vāgyataḥ sarpiṣā bhūmau gavāṃ vyuṣṭiṃ sadā''śnute

गीले चमड़े पर बैठकर, पश्चिम दिशा की ओर देखते हुए, मौन होकर, भूमि पर घी के साथ भोजन करना चाहिए; इससे मनुष्य सदा गौओं की कृपा पाता है।

श्लोक 22 (13.113.22)

घृतेन जुहुयादग्निं घृतेन स्वस्ति वाचयेत् । घृतं दद्याद्धृतं प्राशेद्गवां व्युष्टिं सदाऽऽश्नुते ॥

ghṛtena juhuyādagniṃ ghṛtena svasti vācayet | ghṛtaṃ dadyāddhṛtaṃ prāśedgavāṃ vyuṣṭiṃ sadā''śnute

घी से अग्नि में आहुति देनी चाहिए, घी से स्वस्तिवाचन कराना चाहिए, घी का दान करना चाहिए और घी खाना चाहिए; इससे मनुष्य सदा गौओं की कृपा पाता है।

श्लोक 23 (13.113.23)

गोमत्या विद्यया धेनुं तिलानामभिमन्त्र्य यः । सर्वरत्नमयीं दद्यान्न स शोचेत्कृताकृते ॥

gomatyā vidyayā dhenuṃ tilānāmabhimantrya yaḥ | sarvaratnamayīṃ dadyānna sa śocetkṛtākṛte

जो तिलों की धेनु को गोमती विद्या से अभिमन्त्रित करके, सब प्रकार के रत्नों से जड़ी हुई देता है, वह किए और न किए हुए कर्मों के लिए शोक नहीं करता।

श्लोक 24 (13.113.24)

गावो मामुपतिष्ठन्तु हेमशृङ्ग्यः पयोमुचः । सुरभ्यः सौरभेय्यश्च सरितः सागरं यथा ॥

gāvo māmupatiṣṭhantu hemaśṛṅgyaḥ payomucaḥ | surabhyaḥ saurabheyyaśca saritaḥ sāgaraṃ yathā

"सोने के सींगों वाली, दूध देने वाली, सुगन्धित सुरभि की पुत्रियाँ गौएँ मेरे पास आएँ, जैसे नदियाँ समुद्र के पास आती हैं।"

श्लोक 25 (13.113.25)

गा वै पश्याम्यहं नित्यं गावः पश्यन्तु मां सदा । गावोस्माकं वयं तासां यतो गावस्ततो वयम् ॥

gā vai paśyāmyahaṃ nityaṃ gāvaḥ paśyantu māṃ sadā | gāvosmākaṃ vayaṃ tāsāṃ yato gāvastato vayam

"मैं सदा गौओं को देखूँ और गौएँ सदा मुझे देखें। गौएँ हमारी हैं और हम उनके हैं; जहाँ गौएँ हैं, वहीं हम हैं।"

श्लोक 26 (13.113.26)

एवं रात्रौ दिवा चापि समेषु विषमेषु च । महाभयेषु च नरः कीर्तयन्मुच्यते भवात् ॥

evaṃ rātrau divā cāpi sameṣu viṣameṣu ca | mahābhayeṣu ca naraḥ kīrtayanmucyate bhavāt

इस प्रकार रात-दिन, सुख-दुःख की स्थितियों में और बड़े भयों में जो मनुष्य इसका कीर्तन करता है, वह संसार-बन्धन से छूट जाता है।