ब्रह्मा का इन्द्र को बताना कि गोलोक देवताओं से ऊपर क्यों ह।

श्लोक 1 (13.129.1)

ये च गाः सम्प्रयच्छन्ति हुतशिष्टाशिनश्च ये । तेषां सत्राणि यज्ञाश्च नित्यमेव युधिष्ठिर ॥

ye ca gāḥ samprayacchanti hutaśiṣṭāśinaśca ye | teṣāṃ satrāṇi yajñāśca nityameva yudhiṣṭhira

जो गौएँ दान करते हैं और जो हवन से बचा हुआ भोजन करते हैं, हे युधिष्ठिर, उनके सत्र और यज्ञ सदा चलते ही रहते हैं।

श्लोक 2 (13.129.2)

ऋते दधिघृतेनेह न यज्ञः सम्प्रवर्तते । तेन यज्ञस्य यज्ञत्वमतो मूलं च लक्ष्यते ॥

ṛte dadhighṛteneha na yajñaḥ sampravartate | tena yajñasya yajñatvamato mūlaṃ ca lakṣyate

दही और घी के बिना यज्ञ आगे नहीं चलता। उन्हीं से यज्ञ का यज्ञत्व है, इसलिए वे उसके मूल दिखाई देते हैं।

श्लोक 3 (13.129.3)

दानानामपि सर्वेषां गवां दानं प्रशस्यते । गावः श्रेष्ठाः पवित्राश्च पावनं ह्येतदुत्तमम् ॥

dānānāmapi sarveṣāṃ gavāṃ dānaṃ praśasyate | gāvaḥ śreṣṭhāḥ pavitrāśca pāvanaṃ hyetaduttamam

सब दानों में गौ-दान की सबसे अधिक प्रशंसा की जाती है। गौएँ श्रेष्ठ और पवित्र हैं; यह सर्वोत्तम पावन वस्तु है।

श्लोक 4 (13.129.4)

पुष्ट्यर्थमेताः सेवेत शान्त्यर्थमपि चैव ह । पयो दधि घृतं चासां सर्वपापप्रमोचनम् ॥

puṣṭyarthametāḥ seveta śāntyarthamapi caiva ha | payo dadhi ghṛtaṃ cāsāṃ sarvapāpapramocanam

पुष्टि के लिए और शान्ति के लिए भी इनकी सेवा करनी चाहिए। इनका दूध, दही और घी सब पापों से मुक्त करने वाला है।

श्लोक 5 (13.129.5)

गावस्तेजः परं प्रोक्तमिह लोके परत्र च । न गोभ्यः परमं किञ्चित्पवित्रं भरतर्षभ ॥

gāvastejaḥ paraṃ proktamiha loke paratra ca | na gobhyaḥ paramaṃ kiñcitpavitraṃ bharatarṣabha

गौओं को इस लोक और परलोक में परम तेज कहा गया है। हे भरतश्रेष्ठ, गौओं से बढ़कर कोई पवित्र वस्तु नहीं है।

श्लोक 6 (13.129.6)

अत्राप्युदाहरन्तीममितिहासं पुरातनम् । पितामहस्य संवादमिन्द्रस्य च युधिष्ठिर ॥

atrāpyudāharantīmamitihāsaṃ purātanam | pitāmahasya saṃvādamindrasya ca yudhiṣṭhira

इस विषय में लोग एक प्राचीन इतिहास सुनाते हैं: पितामह और इन्द्र का संवाद, हे युधिष्ठिर।

श्लोक 7 (13.129.7)

पराभूतेषु दैत्येषु शक्रस्त्रिभुवनेश्वरः । प्रजाः समुदिताः सर्वाः सत्यधर्मपरायणाः ॥

parābhūteṣu daityeṣu śakrastribhuvaneśvaraḥ | prajāḥ samuditāḥ sarvāḥ satyadharmaparāyaṇāḥ

दैत्यों के पराजित हो जाने पर शक्र तीनों लोकों के स्वामी थे, और सारी प्रजा समृद्ध तथा सत्य और धर्म में लगी हुई थी।

श्लोक 8 (13.129.8)

अथर्षयः सगन्धर्वाः किन्नरोरगराक्षसाः । देवासुरसुपर्णाश्च प्रजानां पतयस्तथा । पर्युपासत कौन्तेय कदाचिद्वै पितामहम् ॥

atharṣayaḥ sagandharvāḥ kinnaroragarākṣasāḥ | devāsurasuparṇāśca prajānāṃ patayastathā | paryupāsata kaunteya kadācidvai pitāmaham

तब हे कुन्तीपुत्र, एक बार ऋषि, गन्धर्व, किन्नर, नाग, राक्षस, देवता, असुर, सुपर्ण और प्रजापति भी पितामह की उपासना करने आए।

श्लोक 9 (13.129.9)

नारदः पर्वतश्चैव विश्वावसुहहाहुहूः । दिव्यतानेषु गायन्तः पर्युपासत तं प्रभुम् ॥

nāradaḥ parvataścaiva viśvāvasuhahāhuhūḥ | divyatāneṣu gāyantaḥ paryupāsata taṃ prabhum

नारद, पर्वत, विश्वावसु, हाहा और हूहू दिव्य तानों में गाते हुए उन प्रभु की उपासना करने लगे।

श्लोक 10 (13.129.10)

तत्र दिव्यानि पुष्पाणि प्रावहत्पवनस्तदा । आजह्रुर्ऋतवश्चापि सुगन्धीनि पृथक्पृथक् ॥

tatra divyāni puṣpāṇi prāvahatpavanastadā | ājahrurṛtavaścāpi sugandhīni pṛthakpṛthak

वहाँ पवन दिव्य पुष्प बहा लाया, और ऋतुएँ भी अलग-अलग सुगन्धित वस्तुएँ ले आईं।

श्लोक 11 (13.129.11)

तस्मिन्देवसमावाये सर्वभूतसमागमे । दिव्यवादित्रसंघुष्टे दिव्यस्त्रीचारणावृते । इन्द्रः पप्रच्छ देवेशमभिवाद्य प्रणम्य च ॥

tasmindevasamāvāye sarvabhūtasamāgame | divyavāditrasaṃghuṣṭe divyastrīcāraṇāvṛte | indraḥ papraccha deveśamabhivādya praṇamya ca

देवताओं के उस समाज में, समस्त प्राणियों के उस समागम में, जहाँ दिव्य वाद्य गूँज रहे थे और दिव्य स्त्रियाँ तथा चारण घिरे हुए थे, इन्द्र ने देवेश को प्रणाम और अभिवादन करके पूछा।

श्लोक 12 (13.129.12)

देवानां भगवन्कस्माल्लोकेशानां पितामह । उपरिष्ठाद्गवां लोक एतदिच्छामि वेदितुम् ॥

devānāṃ bhagavankasmāllokeśānāṃ pitāmaha | upariṣṭhādgavāṃ loka etadicchāmi veditum

"हे भगवन्, हे पितामह, लोकों के स्वामी देवताओं के भी ऊपर गौओं का लोक क्यों है? यह मैं जानना चाहता हूँ।

श्लोक 13 (13.129.13)

किं तपो ब्रह्मचर्यं वा गोभिः कृतमिहेश्वर । देवानामुपरिष्टाद्यद्वसन्त्यरजसः सुखम् ॥

kiṃ tapo brahmacaryaṃ vā gobhiḥ kṛtamiheśvara | devānāmupariṣṭādyadvasantyarajasaḥ sukham

हे ईश्वर, गौओं ने यहाँ कौन-सा तप या ब्रह्मचर्य किया था कि वे देवताओं के ऊपर रजोगुण से रहित होकर सुख से रहती हैं।।

श्लोक 14 (13.129.14)

ततः प्रोवाच ब्रह्मा तं शक्रं बलनिषूदनम् । अवज्ञातास्त्वया नित्यं गावो बलनिषूदन ॥

tataḥ provāca brahmā taṃ śakraṃ balaniṣūdanam | avajñātāstvayā nityaṃ gāvo balaniṣūdana

तब ब्रह्मा ने बल का संहार करने वाले शक्र से कहा,।"हे बलनिषूदन, तुमने गौओं का सदा अनादर किया है।

श्लोक 15 (13.129.15)

तेन त्वमासां माहात्म्यं न वेत्सि शृणु यत्प्रभो । गवां प्रभावं परमं माहात्म्यं च सुरर्षभ ॥

tena tvamāsāṃ māhātmyaṃ na vetsi śṛṇu yatprabho | gavāṃ prabhāvaṃ paramaṃ māhātmyaṃ ca surarṣabha

इसीलिए तुम उनका माहात्म्य नहीं जानते। हे प्रभो, सुनो; हे सुरश्रेष्ठ, गौओं का परम प्रभाव और माहात्म्य सुनो।

श्लोक 16 (13.129.16)

यज्ञाङ्गं कथिता गावो यज्ञ एव च वासव । एताभिश्च विना विज्ञो न वर्तेत कथञ्चन ॥

yajñāṅgaṃ kathitā gāvo yajña eva ca vāsava | etābhiśca vinā vijño na varteta kathañcana

गौएँ यज्ञ का अंग कही गई हैं, और हे वासव, वे यज्ञ ही हैं। इनके बिना विद्वान् किसी प्रकार भी यज्ञ नहीं चला सकता।

श्लोक 17 (13.129.17)

धारयन्ति प्रजाश्चैताः पयसा हविषा तथा । एतासां तनयाश्चापि कृषियोगमुपासते ॥

dhārayanti prajāścaitāḥ payasā haviṣā tathā | etāsāṃ tanayāścāpi kṛṣiyogamupāsate

ये दूध और हविष्य से प्रजा का पोषण करती हैं; और इनके बच्चे खेती के कार्य में लगते हैं।

श्लोक 18 (13.129.18)

जनयन्ति च धान्यानि बीजानि विविधानि च । ततो यज्ञाः प्रवर्तन्ते हव्यं कव्यं च सर्वशः ॥

janayanti ca dhānyāni bījāni vividhāni ca | tato yajñāḥ pravartante havyaṃ kavyaṃ ca sarvaśaḥ

ये अनेक प्रकार के अन्न और बीज उत्पन्न करती हैं। उन्हीं से सर्वत्र यज्ञ, हव्य और कव्य चलते हैं।

श्लोक 19 (13.129.19)

पयो दधि घृतं चैव पुण्याश्चैताः सुराधिप । वहन्ति विविधान्भोगान्क्षुत्तृष्णापरिपीडिताः ॥

payo dadhi ghṛtaṃ caiva puṇyāścaitāḥ surādhipa | vahanti vividhānbhogānkṣuttṛṣṇāparipīḍitāḥ

दूध, दही और घी, और ये गौएँ स्वयं भी, हे देवताओं के स्वामी, पवित्र हैं; भूख-प्यास से पीड़ित होकर भी ये अनेक प्रकार के भोग लाती हैं।

श्लोक 20 (13.129.20)

मुनींश्च धारयन्तीह प्रजाश्चैवापि कर्मणा । वासवाऽकूटवाहिन्यः कर्मणा सुकृतेन च ॥

munīṃśca dhārayantīha prajāścaivāpi karmaṇā | vāsavā'kūṭavāhinyaḥ karmaṇā sukṛtena ca

ये अपने कर्म से यहाँ मुनियों और प्रजा को भी धारण करती हैं; हे वासव, वे अपने कर्म और सत्कर्म से निष्कपट भाव से भार वहन करती हैं।

श्लोक 21 (13.129.21)

उपरिष्टात्ततोऽस्माकं वसन्त्येताः सदैव हि । एतत्ते कारणं शक्र निवासकृतमद्य वै । गावो देवोपरिष्टाद्धि समाख्याताः शतक्रतो ॥

upariṣṭāttato'smākaṃ vasantyetāḥ sadaiva hi | etatte kāraṇaṃ śakra nivāsakṛtamadya vai | gāvo devopariṣṭāddhi samākhyātāḥ śatakrato

इसीलिए वे सदा हमारे ऊपर निवास करती हैं। हे शक्र, यही कारण है: आज उनका ऐसा निवास बना है, और हे शतक्रतु, गौएँ देवताओं के ऊपर बताई गई हैं।

श्लोक 22 (13.129.22)

एता हि वरदत्ताश्च वरदाश्चापि वासव । सुरभ्यः पुण्यकर्मिण्यः पावनाः शुभलक्षणाः ॥

etā hi varadattāśca varadāścāpi vāsava | surabhyaḥ puṇyakarmiṇyaḥ pāvanāḥ śubhalakṣaṇāḥ

हे वासव, ये गौएँ वर देने वाली हैं और स्वयं भी वर पाई हुई हैं; ये सुरभियाँ पुण्यकर्म करने वाली, पवित्र करने वाली और शुभ लक्षणों वाली हैं।

श्लोक 23 (13.129.23)

यदर्थं गां गताश्चैव सुरभ्यः सुरसत्तम । तच्च मे शृणु कार्स्न्येन वदतो बलसूदन ॥

yadarthaṃ gāṃ gatāścaiva surabhyaḥ surasattama | tacca me śṛṇu kārsnyena vadato balasūdana

हे सुरश्रेष्ठ, हे बलसूदन, सुरभियाँ पृथ्वी पर किस कारण आईं, वह मैं पूरा कहता हूँ; मुझसे सुनो।

श्लोक 24 (13.129.24)

पुरा देवयुगे तात दैत्येन्द्रेषु महात्मसु । त्रीँल्लोकाननुशासत्सु विष्णौ गर्भत्वमागते ॥

purā devayuge tāta daityendreṣu mahātmasu | trīm̐llokānanuśāsatsu viṣṇau garbhatvamāgate

हे तात, बहुत पहले देवयुग में, जब महान् दैत्येन्द्र तीनों लोकों पर शासन कर रहे थे और विष्णु गर्भ में आ गए थे।

श्लोक 25 (13.129.25)

अदित्यां तप्यमानायां तपो घोरं सुदुश्चरम् । पुत्रार्थममरश्रेष्ठ पादेनैकेन नित्यदा ॥

adityāṃ tapyamānāyāṃ tapo ghoraṃ suduścaram | putrārthamamaraśreṣṭha pādenaikena nityadā

तब पुत्रों के लिए अदिति घोर और अत्यन्त कठिन तप कर रही थीं, हे अमरश्रेष्ठ, सदा एक पैर पर खड़ी रहकर।

श्लोक 26 (13.129.26)

तां तु दृष्ट्वा महादेवीं तप्यमानां महत्तपः । दक्षस्य दुहिता देवी सुरभिर्नाम नामतः ॥

tāṃ tu dṛṣṭvā mahādevīṃ tapyamānāṃ mahattapaḥ | dakṣasya duhitā devī surabhirnāma nāmataḥ

उस महादेवी को महान् तप करते देखकर दक्ष की पुत्री, सुरभि नाम की देवी ने।

श्लोक 27 (13.129.27)

अतप्यत तपो घोरं हृष्टा धर्मपरायणा । कैलासशिखरे रम्ये देवगन्धर्वसेविते ॥

atapyata tapo ghoraṃ hṛṣṭā dharmaparāyaṇā | kailāsaśikhare ramye devagandharvasevite

प्रसन्न होकर धर्म में तत्पर रहते हुए, देवताओं और गन्धर्वों से सेवित रमणीय कैलास-शिखर पर स्वयं भी घोर तप किया।

श्लोक 28 (13.129.28)

व्यतिष्ठदेकपादेन परमं योगमास्थिता । दशवर्षसहस्राणि दशवर्षशतानि च ॥

vyatiṣṭhadekapādena paramaṃ yogamāsthitā | daśavarṣasahasrāṇi daśavarṣaśatāni ca

वह परम योग में स्थित होकर एक पैर पर दस सहस्र वर्ष और दस सौ वर्ष तक खड़ी रही।

श्लोक 29 (13.129.29)

सन्तप्तास्तपसा तस्या देवाः सर्षिमहोरगाः । तत्र गत्वा मया सार्धं पर्युपासत तां शुभां ॥

santaptāstapasā tasyā devāḥ sarṣimahoragāḥ | tatra gatvā mayā sārdhaṃ paryupāsata tāṃ śubhāṃ

उसके तप से सन्तप्त होकर देवता, ऋषि और महानाग मेरे साथ वहाँ गए और उस शुभ देवी की उपासना करने लगे।

श्लोक 30 (13.129.30)

अथाहमब्रवं तत्र देवीं तां तपसाऽन्विताम् । किमर्थं तप्यसे देवि तपो घोरमनिन्दिते ॥

athāhamabravaṃ tatra devīṃ tāṃ tapasā'nvitām | kimarthaṃ tapyase devi tapo ghoramanindite

तब मैंने तप से सम्पन्न उस देवी से कहा,।"हे देवी, तुम यह घोर तप किसलिए कर रही हो, हे निर्दोष।

श्लोक 31 (13.129.31)

प्रीतस्तेऽहं महाभागे तपसाऽनेन शोभने । वरयस्व वरं देवि दातास्मीति पुरन्दर ॥

prītaste'haṃ mahābhāge tapasā'nena śobhane | varayasva varaṃ devi dātāsmīti purandara

हे महाभाग्यवती, हे शोभने, तुम्हारे इस तप से मैं प्रसन्न हूँ। हे देवी, वर माँगो; मैं दूँगा, हे पुरन्दर।।

श्लोक 32 (13.129.32)

वरेण भगवन्मह्यं कृतं लोकपितामह । एष एव वरो मेऽद्य यत्प्रीतोऽसि ममानघ ॥

vareṇa bhagavanmahyaṃ kṛtaṃ lokapitāmaha | eṣa eva varo me'dya yatprīto'si mamānagha

"हे भगवन्, हे लोकपितामह, मुझे वर मिल चुका। हे निष्पाप, आज मेरा यही वर है कि आप मुझ पर प्रसन्न हैं।।

श्लोक 33 (13.129.33)

तामेव ब्रुवतीं देवीं सुरभिं त्रिदशेश्वर । प्रत्यब्रवं यद्देवेन्द्र तन्निबोध शचीपते ॥

tāmeva bruvatīṃ devīṃ surabhiṃ tridaśeśvara | pratyabravaṃ yaddevendra tannibodha śacīpate

हे त्रिदशेश्वर, उस देवी सुरभि के ऐसा कहने पर मैंने जो उत्तर दिया, हे देवेन्द्र, हे शचीपति, उसे सुनो।

श्लोक 34 (13.129.34)

अलोभकाम्यया देवि तपसा शुचिना च ते । प्रसन्नोऽहं वरं तस्मादमरत्वं ददामि ते ॥

alobhakāmyayā devi tapasā śucinā ca te | prasanno'haṃ varaṃ tasmādamaratvaṃ dadāmi te

"हे देवी, तुम्हारी निर्लोभ कामना और पवित्र तप से मैं प्रसन्न हूँ; इसलिए मैं तुम्हें अमरत्व देता हूँ।

श्लोक 35 (13.129.35)

त्रयाणामपि लोकानामुपरिष्टान्निवत्स्यसि । मत्प्रसादाच्च विख्यातो गोलोकः सम्भविष्यति ॥

trayāṇāmapi lokānāmupariṣṭānnivatsyasi | matprasādācca vikhyāto golokaḥ sambhaviṣyati

तुम तीनों लोकों के भी ऊपर निवास करोगी, और मेरी कृपा से गोलोक नाम से प्रसिद्ध लोक होगा।

श्लोक 36 (13.129.36)

मानुषेषु च कुर्वाणाः प्रजाः कर्म शुभास्तव । निवत्स्यन्ति महाभागे सर्वा दुहितरश्च ते ॥

mānuṣeṣu ca kurvāṇāḥ prajāḥ karma śubhāstava | nivatsyanti mahābhāge sarvā duhitaraśca te

हे महाभाग्यवती, तुम्हारी शुभ सन्तानें मनुष्यों के बीच प्रजा के लिए कर्म करती हुई निवास करेंगी, और तुम्हारी सब पुत्रियाँ भी।

श्लोक 37 (13.129.37)

मनसा चिन्तिता भोगास्त्वया वै दिव्यमानुषाः । यच्च स्वर्गसुखं देवि तत्ते सम्पत्स्यते शुभे ॥

manasā cintitā bhogāstvayā vai divyamānuṣāḥ | yacca svargasukhaṃ devi tatte sampatsyate śubhe

हे देवी, तुम मन से जिन दिव्य या मानवीय भोगों की कल्पना करोगी, और जो भी स्वर्ग का सुख है, वह सब तुम्हें प्राप्त होगा, हे शुभे।

श्लोक 38 (13.129.38)

तस्या लोकाः सहस्राक्ष सर्वकामसमन्विताः । न तत्र क्रमते मृत्युर्न जरा न च पावकः । न दैन्यं नाशुभं किञ्चिद्विद्यते तत्र वासव ॥

tasyā lokāḥ sahasrākṣa sarvakāmasamanvitāḥ | na tatra kramate mṛtyurna jarā na ca pāvakaḥ | na dainyaṃ nāśubhaṃ kiñcidvidyate tatra vāsava

हे सहस्राक्ष, उसके लोक सब कामनाओं से पूर्ण हैं। वहाँ न मृत्यु का वश चलता है, न जरा का, न अग्नि का; वहाँ दीनता या कोई अशुभ भी नहीं है, हे वासव।

श्लोक 39 (13.129.39)

तत्र दिव्यान्यरण्यानि दिव्यानि भवनानि च । विमानानि सुयुक्तानि कामगानि च वासव ॥

tatra divyānyaraṇyāni divyāni bhavanāni ca | vimānāni suyuktāni kāmagāni ca vāsava

वहाँ दिव्य वन और दिव्य भवन हैं, और, हे वासव, इच्छानुसार चलने वाले सुसज्जित विमान हैं।

श्लोक 40 (13.129.40)

ब्रह्मचर्येण तपसा सत्येन च दमेन च । दानैश्च विविधैः पुण्यैस्तथा तीर्थानुसेवनात् ॥

brahmacaryeṇa tapasā satyena ca damena ca | dānaiśca vividhaiḥ puṇyaistathā tīrthānusevanāt

ब्रह्मचर्य, तप, सत्य और दम से, अनेक प्रकार के पुण्य दानों से और तीर्थों के सेवन से।

श्लोक 41 (13.129.41)

तपसा महता चैव सुकृतेन च कर्मणा । शक्यः समासादयितुं गोलोकः पुष्करेक्षण ॥

tapasā mahatā caiva sukṛtena ca karmaṇā | śakyaḥ samāsādayituṃ golokaḥ puṣkarekṣaṇa

महान् तप और सत्कर्म से गोलोक को पाया जा सकता है, हे कमलनयन।

श्लोक 42 (13.129.42)

एतत्ते सर्वमाख्यातं मया शक्रानुपृच्छते । न ते परिभवः कार्यो गवामसुरसूदन ॥

etatte sarvamākhyātaṃ mayā śakrānupṛcchate | na te paribhavaḥ kāryo gavāmasurasūdana

हे शक्र, तुमने जो पूछा था वह सब मैंने तुम्हें बता दिया। हे असुरसूदन, तुम्हें गौओं का अनादर नहीं करना चाहिए।।

श्लोक 43 (13.129.43)

एतच्छ्रुत्वा सहस्राक्षः पूजयामास नित्यदा । गाश्चक्रे बहुमानं च तासु नित्यं युधिष्ठिर ॥

etacchrutvā sahasrākṣaḥ pūjayāmāsa nityadā | gāścakre bahumānaṃ ca tāsu nityaṃ yudhiṣṭhira

यह सुनकर सहस्राक्ष इन्द्र सदा गौओं की पूजा करने लगे और उनका बहुत आदर करने लगे, हे युधिष्ठिर।

श्लोक 44 (13.129.44)

एतत्ते सर्वमाख्यातं पावनं च महाद्युते । पवित्रं परमं चापि गवां माहात्म्यमुत्तमम् ॥

etatte sarvamākhyātaṃ pāvanaṃ ca mahādyute | pavitraṃ paramaṃ cāpi gavāṃ māhātmyamuttamam

हे महातेजस्वी, यह सब मैंने तुम्हें बता दिया: गौओं का पावन, परम, पवित्र और उत्तम माहात्म्य।

श्लोक 45 (13.129.45)

कीर्तितं पुरुषव्याघ्र सर्वपापविमोचनम् । य इदं कथयेन्नित्यं ब्राह्मणेभ्यः समाहितः ॥

kīrtitaṃ puruṣavyāghra sarvapāpavimocanam | ya idaṃ kathayennityaṃ brāhmaṇebhyaḥ samāhitaḥ

जो कहा गया है, हे पुरुषव्याघ्र, और जो सब पापों का नाश करने वाला है। जो एकाग्र मन से इसे नित्य ब्राह्मणों को सुनाता है।

श्लोक 46 (13.129.46)

हव्यकव्येषु यज्ञेषु पितृकार्येषु चैव ह । सार्वकामिकमक्षय्यं पितॄंस्तस्योपतिष्ठते ॥

havyakavyeṣu yajñeṣu pitṛkāryeṣu caiva ha | sārvakāmikamakṣayyaṃ pitṝṃstasyopatiṣṭhate

देवों और पितरों के हव्य-कव्य में, यज्ञों में और पितृकार्यों में, वह उसके पितरों के पास सब कामनाएँ पूर्ण करने वाले अक्षय फल के रूप में पहुँचता है।

श्लोक 47 (13.129.47)

गोषु भक्तश्च लभते यद्यदिच्छति मानवः । स्त्रियोपि भक्ता या गोषु ताश्च काममवाप्नुयुः ॥

goṣu bhaktaśca labhate yadyadicchati mānavaḥ | striyopi bhaktā yā goṣu tāśca kāmamavāpnuyuḥ

गौओं का भक्त मनुष्य जो-जो चाहता है, पाता है; और जो स्त्रियाँ गौओं की भक्त हैं, वे भी अपनी कामनाएँ पूरी करती हैं।

श्लोक 48 (13.129.48)

पुत्रार्थी लभते पुत्रं कन्यार्थी तामवाप्नुयात् । धनार्थी लभते वित्तं धर्मार्थी धर्ममाप्नुयात् ॥

putrārthī labhate putraṃ kanyārthī tāmavāpnuyāt | dhanārthī labhate vittaṃ dharmārthī dharmamāpnuyāt

पुत्र चाहने वाला पुत्र पाता है; कन्या चाहने वाला कन्या पाता है। धन चाहने वाला धन पाता है; धर्म चाहने वाला धर्म प्राप्त करता है।

श्लोक 49 (13.129.49)

विद्यार्थी चाप्नुयाद्विद्यां सुखार्थी प्राप्नुयात्सुखम् । न किञ्चिद्दुर्लभं चैव गवां भक्तस्य भारत ॥

vidyārthī cāpnuyādvidyāṃ sukhārthī prāpnuyātsukham | na kiñciddurlabhaṃ caiva gavāṃ bhaktasya bhārata

विद्या चाहने वाला विद्या पाता है; सुख चाहने वाला सुख पाता है। हे भारत, गौओं के भक्त के लिए कुछ भी दुर्लभ नहीं है।