सदा उपवासी और ब्रह्मचारी होने का वास्तविक अर्थ

श्लोक 1 (13.140.1)

द्विजातयो व्रतोपेता हविस्ते यदि भुञ्जते । अन्नं ब्राह्मणकामाय कथमेतत्पितामह ॥

dvijātayo vratopetā haviste yadi bhuñjate | annaṃ brāhmaṇakāmāya kathametatpitāmaha

पितामह, यदि व्रतों का पालन करने वाले द्विज आपका हविष्य खाते हैं, वह अन्न जो ब्राह्मणों की इच्छा से दिया गया है, तो यह कैसे ठीक होगा?

श्लोक 2 (13.140.2)

अवेदोक्तव्रताश्चैव भुञ्जानाः कामकारणे । वेदोक्तेषु तु भुञ्जाना व्रतलुप्ता युधिष्ठिर ॥

avedoktavratāścaiva bhuñjānāḥ kāmakāraṇe | vedokteṣu tu bhuñjānā vrataluptā yudhiṣṭhira

युधिष्ठिर, जिनके व्रत वेद में बताए हुए नहीं हैं और जो अपनी इच्छा के अनुसार भोजन करते हैं, तथा जो वेदोक्त व्रतों के रहते भोजन करते हैं, वे व्रत से भ्रष्ट हो जाते हैं।

श्लोक 3 (13.140.3)

यदिदं तप इत्याहुरुपवासं पृथग्जनाः । तपः स्यादेतदेवेह तपोऽन्यद्वाऽपि किं भवेत् ॥

yadidaṃ tapa ityāhurupavāsaṃ pṛthagjanāḥ | tapaḥ syādetadeveha tapo'nyadvā'pi kiṃ bhavet

साधारण लोग जिस उपवास को तप कहते हैं, क्या यहाँ वही तप है, या तप कुछ और भी हो सकता है?

श्लोक 4 (13.140.4)

मासार्धमासोपवासाद्यत्तपो मन्यते जनः । आत्मतन्त्रोपघाती यो न तपस्वी न धर्मवित् ॥

māsārdhamāsopavāsādyattapo manyate janaḥ | ātmatantropaghātī yo na tapasvī na dharmavit

पक्ष या मास भर के उपवास आदि को लोग जो तप मानते हैं, उससे जो अपने ही आधार को हानि पहुँचाता है, वह न तपस्वी है और न धर्म को जानने वाला।

श्लोक 5 (13.140.5)

त्यागस्य चापि सम्पत्तिः शिष्यते तप उत्तमम् । सदोपवासी च भवेद्ब्रह्मचारी तथैव च ॥

tyāgasya cāpi sampattiḥ śiṣyate tapa uttamam | sadopavāsī ca bhavedbrahmacārī tathaiva ca

त्याग की सिद्धि ही सर्वोत्तम तप के रूप में शेष रहती है। मनुष्य को सदा उपवासी होना चाहिए, और उसी प्रकार ब्रह्मचारी भी।

श्लोक 6 (13.140.6)

मुनिश्च स्यात्सदा विप्रो देवांश्चैव सदा यजेत् । कुटुम्बिको धर्मकामः सदाऽस्वप्नश्च मानवः ॥

muniśca syātsadā vipro devāṃścaiva sadā yajet | kuṭumbiko dharmakāmaḥ sadā'svapnaśca mānavaḥ

ब्राह्मण को सदा मननशील मुनि होना चाहिए और सदा देवताओं का यजन करना चाहिए। धर्म की कामना करने वाला गृहस्थ सदा जागरूक रहे।

श्लोक 7 (13.140.7)

अमृताशी सदा च स्यात्पवित्रं च सदा पठेत् । ऋतवादी सदा च स्यान्नियतश्च सदा भवेत् ॥

amṛtāśī sadā ca syātpavitraṃ ca sadā paṭhet | ṛtavādī sadā ca syānniyataśca sadā bhavet

वह सदा अमृत का भोजन करने वाला हो, सदा पवित्र करने वाले मन्त्रों का पाठ करे, सदा सत्य बोले और सदा संयमी रहे।

श्लोक 8 (13.140.8)

विघसाशी कथं च स्यात्सदा चैवातिथिप्रियः । अमृताशी सदा च स्यात्पवित्री च सदा भवेत् ॥

vighasāśī kathaṃ ca syātsadā caivātithipriyaḥ | amṛtāśī sadā ca syātpavitrī ca sadā bhavet

कोई अवशिष्ट अन्न खाने वाला कैसे हो, और सदा अतिथि-प्रिय कैसे हो? वह सदा अमृत का भोजन करने वाला और सदा पवित्र रहे।

श्लोक 9 (13.140.9)

कथं सदोपवासी स्याद्ब्रह्मचारी च पार्थिव । विघसाशी कथं च स्यात्कथं चैवातिथिप्रियः ॥

kathaṃ sadopavāsī syādbrahmacārī ca pārthiva | vighasāśī kathaṃ ca syātkathaṃ caivātithipriyaḥ

राजन्, कोई सदा उपवासी और ब्रह्मचारी कैसे होता है? अवशिष्ट अन्न खाने वाला कैसे होता है और अतिथि-प्रिय कैसे?

श्लोक 10 (13.140.10)

अन्तरा सायमाशं च प्रातराशं च यो नरः । सदोपवासी भवति यो न भुङ्क्तेऽन्तरा पुनः ॥

antarā sāyamāśaṃ ca prātarāśaṃ ca yo naraḥ | sadopavāsī bhavati yo na bhuṅkte'ntarā punaḥ

जो मनुष्य सायंकाल के भोजन और प्रातःकाल के भोजन के बीच फिर कुछ नहीं खाता, वह सदा उपवासी होता है।

श्लोक 11 (13.140.11)

भार्या गच्छन्ब्रह्मचारी ऋतौ भवति चैव ह । ऋतवादी सदा च स्याद्दानशीलस्तु मानवः ॥

bhāryā gacchanbrahmacārī ṛtau bhavati caiva ha | ṛtavādī sadā ca syāddānaśīlastu mānavaḥ

जो पत्नी के पास केवल ऋतुकाल में जाता है, वह ब्रह्मचारी होता है। दान देने वाले मनुष्य को सदा सत्य बोलना चाहिए।

श्लोक 12 (13.140.12)

अभक्षयन्वृथा मांसममांसाशी भवत्युत । दानं ददत्पवित्री स्यादस्वप्नश्च दिवाऽस्वपन् ॥

abhakṣayanvṛthā māṃsamamāṃsāśī bhavatyuta | dānaṃ dadatpavitrī syādasvapnaśca divā'svapan

जो व्यर्थ मांस नहीं खाता, वह मांस न खाने वाला होता है; जो दान देता है, वह पवित्र होता है; और जो दिन में नहीं सोता, वह सदा जागने वाला होता है।

श्लोक 13 (13.140.13)

भृत्यातिथिषु यो भुङ्क्ते भुक्तवत्सु नरः सदा । अमृतं केवलं भुङ्क्ते इति विद्धि युधिष्ठिर ॥

bhṛtyātithiṣu yo bhuṅkte bhuktavatsu naraḥ sadā | amṛtaṃ kevalaṃ bhuṅkte iti viddhi yudhiṣṭhira

जो मनुष्य सदा अपने भृत्यों और अतिथियों के खा लेने के बाद भोजन करता है, वह केवल अमृत खाता है; युधिष्ठिर, ऐसा जानो।

श्लोक 14 (13.140.14)

अभुक्तवत्सु नाश्नाति ब्राह्मणेषु तु यो नरः । अभोजनेन तेनास्य जितः स्वर्गो भवत्युत ॥

abhuktavatsu nāśnāti brāhmaṇeṣu tu yo naraḥ | abhojanena tenāsya jitaḥ svargo bhavatyuta

जब तक ब्राह्मणों ने भोजन न किया हो, तब तक जो मनुष्य नहीं खाता, उस न खाने से ही उसे स्वर्ग प्राप्त होता है।

श्लोक 15 (13.140.15)

देवेभ्यश्च पितृभ्यश्च संश्रितेभ्यस्तथैव च । अवशिष्टानि यो भुङ्क्ते तमाहुर्विघसाशिनम् ॥

devebhyaśca pitṛbhyaśca saṃśritebhyastathaiva ca | avaśiṣṭāni yo bhuṅkte tamāhurvighasāśinam

जो देवताओं, पितरों और आश्रितों के भोजन कर लेने के बाद बचा हुआ अन्न खाता है, उसे विघसाशी कहते हैं।

श्लोक 16 (13.140.16)

तेषां लोका ह्यपर्यन्ताः सदने ब्रह्मणः स्मृताः । उपस्थिता ह्यप्सरसो गन्धर्वैश्च जनाधिप ॥

teṣāṃ lokā hyaparyantāḥ sadane brahmaṇaḥ smṛtāḥ | upasthitā hyapsaraso gandharvaiśca janādhipa

उनके लोक अनन्त हैं और ब्रह्मा के धाम में स्थित बताए गए हैं; हे राजन्, अप्सराएँ और गन्धर्व उनकी सेवा में उपस्थित रहते हैं।

श्लोक 17 (13.140.17)

देवतातिथिभिः सार्धं पितृभिश्चोपभुञ्जते । रमन्ते पुत्रपौत्रैश्च तेषां गतिरनुत्तमा ॥

devatātithibhiḥ sārdhaṃ pitṛbhiścopabhuñjate | ramante putrapautraiśca teṣāṃ gatiranuttamā

वे देवताओं, अतिथियों और पितरों के साथ भोजन करते हैं और पुत्रों-पौत्रों के साथ आनन्द मनाते हैं; उनकी गति सर्वोत्तम है।