पराशर: मृत्यु के लक्षण और धर्मात्मा की गति

श्लोक 1 (13.150.1)

शुश्रूषानिरतो नित्यमरिष्टान्युपलक्षयेत् । त्रैवार्षिकं द्विवार्षिकं वा वार्षिकं वा समुत्थितम् ॥

śuśrūṣānirato nityamariṣṭānyupalakṣayet | traivārṣikaṃ dvivārṣikaṃ vā vārṣikaṃ vā samutthitam

सदा सेवा में लगा रहने वाला मनुष्य मृत्यु के अपशकुनों पर ध्यान रखे, चाहे वे तीन वर्ष, दो वर्ष या एक वर्ष के संकेत के रूप में उठे हों,

श्लोक 2 (13.150.2)

षाण्मासिकं मासिकं वा साप्तरात्रिकमेव वा । सर्वांस्तदर्थान्वा विद्यात्तेषां चिह्नानि लक्षयेत् ॥

ṣāṇmāsikaṃ māsikaṃ vā sāptarātrikameva vā | sarvāṃstadarthānvā vidyātteṣāṃ cihnāni lakṣayet

या छह मास, एक मास अथवा सात रात्रि के। वह इन सब बातों को समझे और उनके चिह्नों को परखे।

श्लोक 3 (13.150.3)

पुरुषं हिरण्मयं यस्तु तिष्ठन्तं दक्षिणामुखम् । लक्षयेदुत्तरेणैव मृत्युस्त्रैवार्षिको भवेत् ॥

puruṣaṃ hiraṇmayaṃ yastu tiṣṭhantaṃ dakṣiṇāmukham | lakṣayeduttareṇaiva mṛtyustraivārṣiko bhavet

जो मनुष्य दक्षिण की ओर मुख किए खड़े हुए स्वर्णमय पुरुष को उत्तर की ओर से देखता है, उसकी मृत्यु तीन वर्ष में होती है।

श्लोक 4 (13.150.4)

शुद्धमण्डलमादित्यमरश्मिं सम्प्रपश्यतः । संवत्सरद्वयेनैव तस्य मृत्युं समादिशेत् ॥

śuddhamaṇḍalamādityamaraśmiṃ samprapaśyataḥ | saṃvatsaradvayenaiva tasya mṛtyuṃ samādiśet

जो शुद्ध सूर्यमण्डल को किरणों के बिना देखता है, उसकी मृत्यु दो वर्ष में बतानी चाहिए।

श्लोक 5 (13.150.5)

ज्योत्स्नायामात्मनश्छायां सच्छिद्रां यः प्रपश्यति । मृत्युं संवत्सरेणैव जानीयात्सुविचक्षणः ॥

jyotsnāyāmātmanaśchāyāṃ sacchidrāṃ yaḥ prapaśyati | mṛtyuṃ saṃvatsareṇaiva jānīyātsuvicakṣaṇaḥ

जो चाँदनी में अपनी छाया को छिद्रों से भरी देखता है, वह विचारशील पुरुष जान ले कि एक वर्ष में उसकी मृत्यु होगी।

श्लोक 6 (13.150.6)

विशिरस्कां यदा छायां पश्येत्पुरुष आत्मनः । जानीयादात्मनो मृत्युं षाण्मासेनेह बुद्धिमान् ॥

viśiraskāṃ yadā chāyāṃ paśyetpuruṣa ātmanaḥ | jānīyādātmano mṛtyuṃ ṣāṇmāseneha buddhimān

जब कोई मनुष्य अपनी छाया को बिना सिर की देखे, तब बुद्धिमान पुरुष जान ले कि छह मास में उसकी मृत्यु होगी।

श्लोक 7 (13.150.7)

कर्णौ पिधाय हस्ताभ्यां शब्दं न शृणुते यदि । जानीयादात्मनो मृत्युं मासेनैव विचक्षणः ॥

karṇau pidhāya hastābhyāṃ śabdaṃ na śṛṇute yadi | jānīyādātmano mṛtyuṃ māsenaiva vicakṣaṇaḥ

यदि दोनों हाथों से कान बन्द करने पर उसे कोई ध्वनि सुनाई न दे, तो विवेकी पुरुष जान ले कि एक मास में उसकी मृत्यु होगी।

श्लोक 8 (13.150.8)

शवगन्धमुपाघ्राति अन्यद्वा सुरभिं नरः । देवतायतनस्थो वै सप्तरात्रेण मृत्युभाक् ॥

śavagandhamupāghrāti anyadvā surabhiṃ naraḥ | devatāyatanastho vai saptarātreṇa mṛtyubhāk

जो मनुष्य देवमन्दिर में खड़ा होकर शव की गन्ध अथवा कोई और सुगन्ध सूँघता है, उसकी मृत्यु सात रात में होने वाली है।

श्लोक 9 (13.150.9)

कर्णनासापनयनं दन्तदृष्टिविरागता । लुप्तसंज्ञं हि करणं सद्यो मृत्युं समादिशेत् ॥

karṇanāsāpanayanaṃ dantadṛṣṭivirāgatā | luptasaṃjñaṃ hi karaṇaṃ sadyo mṛtyuṃ samādiśet

जब कान और नाक विकृत हो जाएँ, दाँत और आँखें अपना रंग खो दें और इन्द्रियाँ संज्ञाहीन हो जाएँ, तब तत्काल मृत्यु बतानी चाहिए।

श्लोक 10 (13.150.10)

एवमेषामरिष्टानां पश्येदन्यतमं यदि । न तं कालं परीक्षेत यथाऽरिष्टं प्रकल्पितम् ॥

evameṣāmariṣṭānāṃ paśyedanyatamaṃ yadi | na taṃ kālaṃ parīkṣeta yathā'riṣṭaṃ prakalpitam

यदि वह इन अपशकुनों में से कोई एक भी देखे, तो उस अपशकुन के लिए जो समय बताया गया है उसकी प्रतीक्षा न करे।

श्लोक 11 (13.150.11)

अभ्याशेन तु कालस्य गच्छेत पुलिनं शुचि । तत्र प्राणान्प्रमुञ्चेत तमीशानमनुस्मरन् ॥

abhyāśena tu kālasya gaccheta pulinaṃ śuci | tatra prāṇānpramuñceta tamīśānamanusmaran

काल के निकट आने पर वह किसी पवित्र नदी-तट पर जाए और वहाँ उन ईशान का स्मरण करते हुए प्राण त्याग दे।

श्लोक 12 (13.150.12)

ततोऽन्यदेहमासाद्य गान्धर्वं स्थानमाप्नुयात् । तत्रस्थो वसते विंशत्पद्मानि स महाद्युतिः ॥

tato'nyadehamāsādya gāndharvaṃ sthānamāpnuyāt | tatrastho vasate viṃśatpadmāni sa mahādyutiḥ

तब दूसरा शरीर पाकर वह गन्धर्वलोक को प्राप्त होता है और वहाँ बीस पद्म तक तेजस्वी होकर रहता है।

श्लोक 13 (13.150.13)

गन्धर्वैश्चित्रसेनाद्यैः सहितः सत्कृतस्तथा । नीलवैडूर्यवर्णेन विमानेनावभासयन् ॥

gandharvaiścitrasenādyaiḥ sahitaḥ satkṛtastathā | nīlavaiḍūryavarṇena vimānenāvabhāsayan

चित्रसेन आदि गन्धर्वों के साथ सम्मानित होकर, नीलम-वैदूर्य के रंग के विमान से आकाश को आलोकित करता हुआ,

श्लोक 14 (13.150.14)

नभस्थलमदीनात्मा सार्धमप्सरसां गणैः । छन्दकामानुसारी च तत्रतत्र महीयते ॥

nabhasthalamadīnātmā sārdhamapsarasāṃ gaṇaiḥ | chandakāmānusārī ca tatratatra mahīyate

अदीन मन वाला वह अप्सराओं के समूहों के साथ इच्छा के अनुसार जहाँ-तहाँ विचरता हुआ पूजित होता है।

श्लोक 15 (13.150.15)

मोदतेऽमरतुल्यात्मा सदाऽमरगणैः सह । पतितश्च क्षये काले क्षणेन विमलद्युतिः ॥

modate'maratulyātmā sadā'maragaṇaiḥ saha | patitaśca kṣaye kāle kṣaṇena vimaladyutiḥ

अमरों के समान स्वरूप वाला वह सदा अमर-गणों के साथ आनन्द करता है; और समय पूरा होने पर क्षण भर में नीचे गिरता है, तब भी उसकी कान्ति निर्मल रहती है।

श्लोक 16 (13.150.16)

वैश्यस्य बहुवित्तस्य कुलेऽग्र्ये बहुगोधने । अवाप्य तत्र वै जन्म स पूतो देवकर्मणा ॥

vaiśyasya bahuvittasya kule'grye bahugodhane | avāpya tatra vai janma sa pūto devakarmaṇā

वह एक धनी वैश्य के श्रेष्ठ, गौओं से समृद्ध कुल में जन्म पाता है, जहाँ वह देवकर्म से पवित्र होता है।

श्लोक 17 (13.150.17)

छन्दसा जागतेनैव प्राप्तोपनयनं ततः । क्षौमवस्त्रोपकरणं द्विजत्वं समवाप्य तु ॥

chandasā jāgatenaiva prāptopanayanaṃ tataḥ | kṣaumavastropakaraṇaṃ dvijatvaṃ samavāpya tu

फिर जगती छन्द से उसका उपनयन होता है, और वह क्षौमवस्त्र धारण करके द्विजत्व प्राप्त करता है।

श्लोक 18 (13.150.18)

अधीयमानो वेदार्थान्गुरुशुश्रूषणे रतः । ब्रह्मचारी जितक्रोधस्तपस्वी जायते ततः ॥

adhīyamāno vedārthānguruśuśrūṣaṇe rataḥ | brahmacārī jitakrodhastapasvī jāyate tataḥ

वेदों के अर्थ का अध्ययन करता और गुरु की सेवा में लगा रहता हुआ वह क्रोध को जीतने वाला तपस्वी ब्रह्मचारी बनता है।

श्लोक 19 (13.150.19)

अधीत्य दक्षिणां दत्त्वा गुरवे विधिपूर्वकम् । कृतदारः समुपैति गृहस्थव्रतमुत्तमम् ॥

adhītya dakṣiṇāṃ dattvā gurave vidhipūrvakam | kṛtadāraḥ samupaiti gṛhasthavratamuttamam

अध्ययन पूरा करके और विधिपूर्वक गुरु को दक्षिणा देकर वह विवाह करता है और गृहस्थ के उत्तम व्रत में प्रवेश करता है।

श्लोक 20 (13.150.20)

ददाति यजते चैव यज्ञैर्विपुलदक्षिणैः । अग्निहोत्रमुपासन्वै जुह्वच्चैव यथाविधि ॥

dadāti yajate caiva yajñairvipuladakṣiṇaiḥ | agnihotramupāsanvai juhvaccaiva yathāvidhi

वह दान देता है और प्रचुर दक्षिणा वाले यज्ञों से यजन करता है; अग्निहोत्र की उपासना करता और विधि के अनुसार उसमें आहुति देता है।

श्लोक 21 (13.150.21)

धर्मं सञ्चिनुते नित्यं मृदुगामी जितेन्द्रियः । स कालपरिणामात्तु मृत्युना सम्प्रयुज्यते ॥

dharmaṃ sañcinute nityaṃ mṛdugāmī jitendriyaḥ | sa kālapariṇāmāttu mṛtyunā samprayujyate

कोमल आचरण वाला और जितेन्द्रिय वह नित्य धर्म का संचय करता है; और समय के परिणाम से मृत्यु उसे आ लेती है।

श्लोक 22 (13.150.22)

संस्कृतश्चाग्निहोत्रेण कृतपात्रोपधानवान् । संस्कृतो देहमुत्सृज्य मरुद्भिरुपपद्यते ॥

saṃskṛtaścāgnihotreṇa kṛtapātropadhānavān | saṃskṛto dehamutsṛjya marudbhirupapadyate

अग्निहोत्र से संस्कृत, यज्ञपात्र और उपधान (तकिया) रखे जाने के साथ वह शरीर त्यागकर मरुतों से जा मिलता है।

श्लोक 23 (13.150.23)

मरुद्भिः सहितश्चापि तुल्यतेजा महाद्युतिः । बालार्कसमवर्णेन विमानेन विराजता ॥

marudbhiḥ sahitaścāpi tulyatejā mahādyutiḥ | bālārkasamavarṇena vimānena virājatā

मरुतों के साथ रहता हुआ वह उन्हीं के समान तेजस्वी और महान् कान्ति वाला होकर प्रातःकालीन सूर्य के रंग के चमकते विमान में विराजता है।

श्लोक 24 (13.150.24)

सुखं चरति तत्रस्थो गन्धर्वाप्सरसां गणैः । विरजोम्बरसंवीतस्तप्तकाञ्चनभूषणः ॥

sukhaṃ carati tatrastho gandharvāpsarasāṃ gaṇaiḥ | virajombarasaṃvītastaptakāñcanabhūṣaṇaḥ

वहाँ वह निर्मल वस्त्र पहने और तपाए हुए सोने के आभूषणों से सजा हुआ गन्धर्वों और अप्सराओं के समूहों के साथ सुख से विचरता है।

श्लोक 25 (13.150.25)

छन्दकामानुसारी च द्विगुणं कालमावसेत् । सन्निवर्तेत कालेन स्थानादस्मात्परिच्युतः ॥

chandakāmānusārī ca dviguṇaṃ kālamāvaset | sannivarteta kālena sthānādasmātparicyutaḥ

इच्छा के अनुसार चलता हुआ वह उससे दुगुने समय तक वहाँ रहता है; फिर समय पूरा होने पर उस स्थान से च्युत होकर लौट आता है।

श्लोक 26 (13.150.26)

अवितृप्तविहारार्थो दिव्यभोगान्विहाय तु । सञ्जायते नृपकुले गजाश्वरथसंकुले ॥

avitṛptavihārārtho divyabhogānvihāya tu | sañjāyate nṛpakule gajāśvarathasaṃkule

विहार से अभी तृप्त न हुआ वह दिव्य भोगों को छोड़कर हाथी, घोड़ों और रथों से भरे राजकुल में जन्म लेता है।

श्लोक 27 (13.150.27)

पार्थिवीं श्रियमापन्नः श्रीमान्धर्मपतिर्यथा । जन्मप्रभृति संस्कारं चौलोपनयनानि च ॥

pārthivīṃ śriyamāpannaḥ śrīmāndharmapatiryathā | janmaprabhṛti saṃskāraṃ caulopanayanāni ca

राजसी लक्ष्मी पाकर वह धर्मपति के समान शोभायमान होता है; जन्म से लेकर उसके संस्कार, चूडाकर्म और उपनयन —

श्लोक 28 (13.150.28)

प्राप्य राजकुले तत्र यथावद्विधिपूर्वकम् । छन्दसा त्रैष्टुभेनेह द्विजत्वमुपनीयते ॥

prāpya rājakule tatra yathāvadvidhipūrvakam | chandasā traiṣṭubheneha dvijatvamupanīyate

ये सब उस राजकुल में यथाविधि सम्पन्न होते हैं; और त्रिष्टुप् छन्द से वह द्विजत्व में प्रवेश पाता है।

श्लोक 29 (13.150.29)

अधीत्य वेदमखिलं धनुर्वेदं च मुख्यशः । समावृत्तस्ततः पित्रा यौवराज्येऽभिषिच्यते ॥

adhītya vedamakhilaṃ dhanurvedaṃ ca mukhyaśaḥ | samāvṛttastataḥ pitrā yauvarājye'bhiṣicyate

सम्पूर्ण वेद और विशेष रूप से धनुर्वेद का अध्ययन करके वह घर लौटता है, तब पिता उसे युवराज के पद पर अभिषिक्त करता है।

श्लोक 30 (13.150.30)

कृतदारक्रियः श्रीमान्राज्यं सम्प्राप्य धर्मतः । प्रजाः पालयते सम्यक् षड्भागकृतसंविधिः ॥

kṛtadārakriyaḥ śrīmānrājyaṃ samprāpya dharmataḥ | prajāḥ pālayate samyak ṣaḍbhāgakṛtasaṃvidhiḥ

विवाह करके, श्रीमान् होकर, धर्म से राज्य पाकर वह प्रजा का भली-भाँति पालन करता है और छठे भाग को कर के रूप में नियत करता है।

श्लोक 31 (13.150.31)

यज्ञैर्बहुभिरीजानः सम्यगाप्तार्थदक्षिणैः । प्रशासति महीं श्रीमान्राज्यमिन्द्रसमुद्युतिः ॥

yajñairbahubhirījānaḥ samyagāptārthadakṣiṇaiḥ | praśāsati mahīṃ śrīmānrājyamindrasamudyutiḥ

सब कामनाओं को पूरी करने वाली दक्षिणा वाले अनेक यज्ञों का अनुष्ठान करता हुआ वह इन्द्र के समान तेजस्वी होकर श्रीमान् रूप से पृथ्वी पर शासन करता है।

श्लोक 32 (13.150.32)

स्वधर्मनिरतो नित्यं पुत्रपौत्रसहायवान् । कालस्य वशमापन्नः प्राणांस्त्यजति संयुगे ॥

svadharmanirato nityaṃ putrapautrasahāyavān | kālasya vaśamāpannaḥ prāṇāṃstyajati saṃyuge

सदा अपने धर्म में लगा हुआ और पुत्र-पौत्रों से सहायता पाता हुआ वह कालवश होकर युद्ध में प्राण त्याग देता है।

श्लोक 33 (13.150.33)

देवराजस्य भवनमिन्द्रलोकमवाप्नुते । सम्पूज्यमानस्त्रिदशैर्विचचार यथासुखम् ॥

devarājasya bhavanamindralokamavāpnute | sampūjyamānastridaśairvicacāra yathāsukham

वह देवराज के भवन इन्द्रलोक को प्राप्त होता है; देवताओं से पूजित होकर वहाँ सुखपूर्वक विचरता है।

श्लोक 34 (13.150.34)

राजर्षिभिः पुण्यकृद्भिर्यथा देवपतिस्तथा । तैः स्तूयते बन्दिभिस्तु नानावाद्यैः प्रबोध्यते ॥

rājarṣibhiḥ puṇyakṛdbhiryathā devapatistathā | taiḥ stūyate bandibhistu nānāvādyaiḥ prabodhyate

पुण्यकर्मा राजर्षियों के बीच वह देवताओं के स्वामी के समान होता है; वे उसकी स्तुति करते हैं और बन्दीजन अनेक वाद्यों से उसे जगाते हैं।

श्लोक 35 (13.150.35)

दिव्यजाम्बूनदमयं भ्राजमानं समन्ततः । वराप्सरोभिः सम्पूर्णं देवगन्धर्वसेवितम् ॥

divyajāmbūnadamayaṃ bhrājamānaṃ samantataḥ | varāpsarobhiḥ sampūrṇaṃ devagandharvasevitam

दिव्य जाम्बूनद सोने से बने, चारों ओर चमकते, सुन्दर अप्सराओं से भरे और देवों तथा गन्धर्वों से सेवित यान पर चढ़कर

श्लोक 36 (13.150.36)

यानमारुह्य विचरेद्यथा शक्रः शचीपतिः । स तत्र वसते षष्टिं पद्मानीह मुदान्वितः ॥

yānamāruhya vicaredyathā śakraḥ śacīpatiḥ | sa tatra vasate ṣaṣṭiṃ padmānīha mudānvitaḥ

वह शची के पति शक्र के समान विचरता है; और वहाँ आनन्द से भरकर साठ पद्म तक रहता है।

श्लोक 37 (13.150.37)

सर्वाँल्लोकाननुचरन्महर्द्धिरवभासयन् । अथ पुण्यक्षयात्तस्मात्स्थाप्यते भुवि भारत । जायते च द्विजकुले वेदवेदाङ्गपारगे ॥

sarvām̐llokānanucaranmaharddhiravabhāsayan | atha puṇyakṣayāttasmātsthāpyate bhuvi bhārata | jāyate ca dvijakule vedavedāṅgapārage

समस्त लोकों में विचरता हुआ, महान् समृद्धि से सम्पन्न और सबको प्रकाशित करता हुआ, फिर उस पुण्य के क्षय होने पर, हे भारत, वह पृथ्वी पर स्थापित किया जाता है और वेद-वेदाङ्ग में पारंगत ब्राह्मण-कुल में जन्म लेता है।