पुष्प, धूप और दीप-दान का फल

श्लोक 1 (13.155.1)

आलोकदानं नामैतत्कीदृशं भरतर्षभ । कथमेतत्समुत्पन्नं फलं वा तद्ब्रवीहि मे ॥

ālokadānaṃ nāmaitatkīdṛśaṃ bharatarṣabha | kathametatsamutpannaṃ phalaṃ vā tadbravīhi me

"हे भरतश्रेष्ठ, यह आलोकदान कैसा होता है? यह कैसे उत्पन्न हुआ और इसका फल क्या है? यह मुझे बताइए।"

श्लोक 2 (13.155.2)

अत्राप्युदाहरन्तीममितिहासं पुरातनम् । मनोः प्रजापतेर्वादं सुवर्णस्य च भारत ॥

atrāpyudāharantīmamitihāsaṃ purātanam | manoḥ prajāpatervādaṃ suvarṇasya ca bhārata

हे भारत, इस विषय में एक प्राचीन इतिहास कहा जाता है: प्रजापति मनु और सुवर्ण का संवाद।

श्लोक 3 (13.155.3)

तपस्वी कश्चिदभवत्सुवर्णो नाम भारत । वर्णतो हेमवर्णः स सुवर्ण इति विश्रुतः ॥

tapasvī kaścidabhavatsuvarṇo nāma bhārata | varṇato hemavarṇaḥ sa suvarṇa iti viśrutaḥ

हे भारत, सुवर्ण नाम का एक तपस्वी था; वर्ण से वह सोने के रंग का था, इसलिए सुवर्ण नाम से प्रसिद्ध हुआ।

श्लोक 4 (13.155.4)

कुलशीलगुणोपेतः स्वाध्यायोपरमं गतः । बहून्सुवंशप्रभवान्समतीतः स्वकैर्गुणैः ॥

kulaśīlaguṇopetaḥ svādhyāyoparamaṃ gataḥ | bahūnsuvaṃśaprabhavānsamatītaḥ svakairguṇaiḥ

कुल, शील और गुणों से युक्त तथा स्वाध्याय में पराकाष्ठा को पहुँचा हुआ वह अपने गुणों से श्रेष्ठ वंशों में जन्मे बहुत-से लोगों से आगे निकल गया था।

श्लोक 5 (13.155.5)

स कदाचिन्मनुं विप्रो ददर्शोपससर्प च । कुशलप्रश्नमन्योन्यं तौ चोभौ तत्र चक्रतुः ॥

sa kadācinmanuṃ vipro dadarśopasasarpa ca | kuśalapraśnamanyonyaṃ tau cobhau tatra cakratuḥ

एक बार उस ब्राह्मण ने मनु के दर्शन किए और उनके पास गया; वहाँ दोनों ने एक-दूसरे का कुशल-क्षेम पूछा।

श्लोक 6 (13.155.6)

ततस्तौ सत्यसंकल्पौ मेरौ काञ्चनपर्वते । देवर्षिभिः सदा जुष्टे सहितौ संन्यषीदताम् ॥

tatastau satyasaṃkalpau merau kāñcanaparvate | devarṣibhiḥ sadā juṣṭe sahitau saṃnyaṣīdatām

तब सत्यसंकल्प वे दोनों देवर्षियों से सदा सेवित स्वर्णमय मेरु पर्वत पर साथ बैठे।

श्लोक 7 (13.155.7)

तत्र तौ कथयन्तौ स्तां कथा नानाविधाश्रयाः । ब्रह्मर्षिदेवदैत्यानां पुराणानां महात्मनाम् ॥

tatra tau kathayantau stāṃ kathā nānāvidhāśrayāḥ | brahmarṣidevadaityānāṃ purāṇānāṃ mahātmanām

वहाँ वे दोनों बातें करने लगे, और उनकी कथाएँ अनेक विषयों की थीं: ब्रह्मर्षियों, देवताओं, दैत्यों और प्राचीन महात्माओं की।

श्लोक 8 (13.155.8)

सुवर्णस्त्वब्रवीद्वाक्यं मनुं स्वायंभुवं प्रति । हितार्थं सर्वभूतानां प्रश्नं मे वक्तुमर्हसि ॥

suvarṇastvabravīdvākyaṃ manuṃ svāyaṃbhuvaṃ prati | hitārthaṃ sarvabhūtānāṃ praśnaṃ me vaktumarhasi

सुवर्ण ने स्वायम्भुव मनु से कहा: "सब प्राणियों के हित के लिए आप मेरे एक प्रश्न का उत्तर दें।"

श्लोक 9 (13.155.9)

सुमनोगन्धधूपाद्यैरिज्यन्ते दैवतानि च । किमेतत्कथमुत्पन्नं फलं योगं च शंस मे ॥

sumanogandhadhūpādyairijyante daivatāni ca | kimetatkathamutpannaṃ phalaṃ yogaṃ ca śaṃsa me

"फूल, गन्ध, धूप आदि से देवताओं की पूजा की जाती है। यह क्या है, कैसे उत्पन्न हुआ, और इसका फल तथा विधि क्या है? मुझे बताइए।"

श्लोक 10 (13.155.10)

अत्राप्युदाहरन्तीममितिहासं पुरातनम् । शुक्रस्य च बलेश्चैव संवादं वै समागमे ॥

atrāpyudāharantīmamitihāsaṃ purātanam | śukrasya ca baleścaiva saṃvādaṃ vai samāgame

इस विषय में भी यह प्राचीन इतिहास कहा जाता है: शुक्र और बलि का, उनके मिलन के समय का संवाद।

श्लोक 11 (13.155.11)

बलेर्वैरोचनस्येह त्रैलोक्यमनुशासतः । समीपमाजगामाशु शुक्रो भृगुकुलोद्वहः ॥

balervairocanasyeha trailokyamanuśāsataḥ | samīpamājagāmāśu śukro bhṛgukulodvahaḥ

विरोचन-पुत्र बलि जब तीनों लोकों पर शासन कर रहा था, तब भृगुकुल के श्रेष्ठ शुक्र शीघ्र ही उसके पास आए।

श्लोक 12 (13.155.12)

तमर्घ्यादिभिरभ्यर्च्य भार्गवं सोऽसुराधिपः । निषसादासने पश्चाद्विधिवद्भूरिदक्षिणः ॥

tamarghyādibhirabhyarcya bhārgavaṃ so'surādhipaḥ | niṣasādāsane paścādvidhivadbhūridakṣiṇaḥ

असुरों के स्वामी ने भार्गव का अर्घ्य आदि से सत्कार किया और फिर उदार दक्षिणा देने वाला वह विधिपूर्वक आसन पर बैठा।

श्लोक 13 (13.155.13)

कथेयमभवत्तत्र त्वया या परिकीर्तिता । सुमनोधूपदीपानां सम्प्रदाने फलं प्रति ॥

katheyamabhavattatra tvayā yā parikīrtitā | sumanodhūpadīpānāṃ sampradāne phalaṃ prati

वहाँ वही चर्चा हुई जिसका तुमने अभी उल्लेख किया, पुष्प, धूप और दीप के दान के फल के विषय में।

श्लोक 14 (13.155.14)

ततः पप्रच्छ दैत्येन्द्रः कवीन्द्रं प्रश्नमुत्तमम् ॥

tataḥ papraccha daityendraḥ kavīndraṃ praśnamuttamam

तब दैत्यों के स्वामी ने कवियों में श्रेष्ठ शुक्र से एक उत्तम प्रश्न पूछा।

श्लोक 15 (13.155.15)

सुमनोधूपदीपानां किं फलं ब्रह्मवित्तम । प्रदानस्य द्विजश्रेष्ठ तद्भवान्वक्तुमर्हति ॥

sumanodhūpadīpānāṃ kiṃ phalaṃ brahmavittama | pradānasya dvijaśreṣṭha tadbhavānvaktumarhati

"हे ब्रह्मवेत्ताओं में श्रेष्ठ, पुष्प, धूप और दीप के दान का क्या फल है? हे द्विजश्रेष्ठ, इस दान के विषय में आप मुझे बताएँ।"

श्लोक 16 (13.155.16)

अग्नीषोमादिसृष्टौ तु विष्णोः सर्वात्मनः प्रभोः । तपः पूर्वं समुत्पन्नं धर्मस्तस्मादनन्तरम् ॥

agnīṣomādisṛṣṭau tu viṣṇoḥ sarvātmanaḥ prabhoḥ | tapaḥ pūrvaṃ samutpannaṃ dharmastasmādanantaram

जब सबके आत्मा प्रभु विष्णु ने अग्नि, सोम आदि की सृष्टि की, तब पहले तप उत्पन्न हुआ और उसके बाद धर्म।

श्लोक 17 (13.155.17)

एतस्मिन्नन्तरे चैव वीरुदोषध्य एव च । सोमस्यात्मा च बहुधा सम्भूतः पृथिवीतले । अमृतं च विषं चैव याश्चान्यास्तृणजातयः ॥

etasminnantare caiva vīrudoṣadhya eva ca | somasyātmā ca bahudhā sambhūtaḥ pṛthivītale | amṛtaṃ ca viṣaṃ caiva yāścānyāstṛṇajātayaḥ

इसी बीच लताएँ और ओषधियाँ उत्पन्न हुईं, और सोम का सार पृथ्वी पर अनेक रूपों में प्रकट हुआ: अमृत और विष तथा अन्य तृण-जातियाँ।

श्लोक 18 (13.155.18)

अमृतं मनसः प्रीतिं सद्यस्तृप्तिं ददाति च । मनो ग्लपयते तीव्रं विषं गन्धेन सर्वशः ॥

amṛtaṃ manasaḥ prītiṃ sadyastṛptiṃ dadāti ca | mano glapayate tīvraṃ viṣaṃ gandhena sarvaśaḥ

अमृत मन को आनन्द और तत्काल तृप्ति देता है; विष अपनी गन्ध से मन को सब प्रकार से बहुत ग्लानि पहुँचाता है।

श्लोक 19 (13.155.19)

अमृतं मङ्गलं विद्धि महद्विषममङ्गलम् । ओषध्यो ह्यमृतं सर्वा विषं तेजोऽग्निसम्भवम् ॥

amṛtaṃ maṅgalaṃ viddhi mahadviṣamamaṅgalam | oṣadhyo hyamṛtaṃ sarvā viṣaṃ tejo'gnisambhavam

अमृत को मंगलकारी जानो और महान् विष को अमंगलकारी। सब ओषधियाँ अमृत हैं; विष तेज और अग्नि से उत्पन्न होता है।

श्लोक 20 (13.155.20)

अमृतं मनो ह्लादयते श्रियं चापि ददाति च । तस्मात्सुमनसः प्रोक्ता नरैः सुकृतकर्मभिः ॥

amṛtaṃ mano hlādayate śriyaṃ cāpi dadāti ca | tasmātsumanasaḥ proktā naraiḥ sukṛtakarmabhiḥ

अमृत मन को आह्लादित करता है और लक्ष्मी भी देता है; इसीलिए सत्कर्म करने वाले लोग पुष्पों को "सुमनस्" कहते हैं।

श्लोक 21 (13.155.21)

देवताभ्यः सुमनसो यो ददाति नरः शुचिः । तस्मै सुमनसो देवास्तस्मात्सुमनसः स्मृताः ॥

devatābhyaḥ sumanaso yo dadāti naraḥ śuciḥ | tasmai sumanaso devāstasmātsumanasaḥ smṛtāḥ

जो पवित्र मनुष्य देवताओं को पुष्प चढ़ाता है, उस पर देवता सुमनस् अर्थात् प्रसन्न रहते हैं; इसीलिए पुष्प "सुमनस्" कहे गए हैं।

श्लोक 22 (13.155.22)

यंयमुद्दिश्य दीयेरन्देवं सुमनसः प्रभो । मङ्गलार्थं स तेनास्य प्रीतो भवति दैत्यप ॥

yaṃyamuddiśya dīyerandevaṃ sumanasaḥ prabho | maṅgalārthaṃ sa tenāsya prīto bhavati daityapa

हे प्रभु, जिस-जिस देवता को उद्देश्य करके पुष्प चढ़ाए जाते हैं, हे दैत्यराज, वह उससे मंगल के रूप में प्रसन्न होता है।

श्लोक 23 (13.155.23)

ज्ञेयास्तूग्राश्च सौम्याश्च तेजस्विन्यश्च ताः पृथक् । ओषध्यो बहुवीर्या हि बहुरूपास्तथैव च ॥

jñeyāstūgrāśca saumyāśca tejasvinyaśca tāḥ pṛthak | oṣadhyo bahuvīryā hi bahurūpāstathaiva ca

ओषधियों को अलग-अलग उग्र, सौम्य और तेजस्वी जानना चाहिए; क्योंकि वे बहुत शक्तिशाली और अनेक रूपों वाली होती हैं।

श्लोक 24 (13.155.24)

यज्ञियानां च वृक्षाणामयज्ञीयान्निबोध मे । आसुराणि च माल्यानि दैवतेभ्यो हितानि च ॥

yajñiyānāṃ ca vṛkṣāṇāmayajñīyānnibodha me | āsurāṇi ca mālyāni daivatebhyo hitāni ca

यज्ञ के योग्य वृक्षों में से जो यज्ञ के अयोग्य हैं, उन्हें मुझसे जानो; और कौन-सी मालाएँ असुरों की हैं तथा कौन-सी देवताओं के लिए हितकर हैं।

श्लोक 25 (13.155.25)

रक्षसामुरगाणां च यक्षाणां च तथा प्रियाः । मनुष्याणां पितॄणां च कान्ता यास्त्वनुपूर्वशः ॥

rakṣasāmuragāṇāṃ ca yakṣāṇāṃ ca tathā priyāḥ | manuṣyāṇāṃ pitṝṇāṃ ca kāntā yāstvanupūrvaśaḥ

जो राक्षसों, नागों और यक्षों को प्रिय हैं, तथा जो मनुष्यों और पितरों को क्रमशः सुन्दर लगती हैं;

श्लोक 26 (13.155.26)

वन्या ग्राम्याश्चेह तथा कृष्टोप्ताः पर्वताश्रयाः । अकण्टकाः कण्टकिनो गन्धरूपरसान्विताः ॥

vanyā grāmyāśceha tathā kṛṣṭoptāḥ parvatāśrayāḥ | akaṇṭakāḥ kaṇṭakino gandharūparasānvitāḥ

जंगली और ग्रामीण, बोई हुई और जोती हुई भूमि पर उगी हुई, पर्वतों पर रहने वाली, काँटेरहित और काँटेदार, गन्ध, रूप और रस से युक्त।

श्लोक 27 (13.155.27)

द्विविधो हि स्मृतो गन्ध इष्टोऽनिष्टश्च पुष्पजः । इष्टगन्धानि देवानां पुष्पाणीति विभावय ॥

dvividho hi smṛto gandha iṣṭo'niṣṭaśca puṣpajaḥ | iṣṭagandhāni devānāṃ puṣpāṇīti vibhāvaya

पुष्पों की गन्ध दो प्रकार की मानी गई है, इष्ट और अनिष्ट। जिन पुष्पों की गन्ध इष्ट है, उन्हें देवताओं के लिए जानो।

श्लोक 28 (13.155.28)

अकण्टकानां वृक्षाणां श्वेतप्रायाश्च वर्णतः । तेषां पुष्पाणि देवानामिष्टानि सततं प्रभो ॥

akaṇṭakānāṃ vṛkṣāṇāṃ śvetaprāyāśca varṇataḥ | teṣāṃ puṣpāṇi devānāmiṣṭāni satataṃ prabho

काँटेरहित वृक्षों में जो प्रायः श्वेत वर्ण के हैं, उनके पुष्प देवताओं को सदा प्रिय हैं, हे प्रभु।

श्लोक 29 (13.155.29)

पद्मं च तुलसी जातिरापः सर्वेषु पूजिता । जलजानि च माल्यानि पद्मादीनि च यानि वै । गन्धर्वनागयक्षेभ्यस्तानि दद्याद्विचक्षणः ॥

padmaṃ ca tulasī jātirāpaḥ sarveṣu pūjitā | jalajāni ca mālyāni padmādīni ca yāni vai | gandharvanāgayakṣebhyastāni dadyādvicakṣaṇaḥ

कमल, तुलसी, जाती (चमेली) और जल सभी कर्मों में पूजित हैं। विवेकी पुरुष जल में उत्पन्न मालाएँ, कमल आदि गन्धर्वों, नागों और यक्षों को अर्पित करे।

श्लोक 30 (13.155.30)

ओषध्यो रक्तपुष्पाश्च कटुकाः कण्टकान्विताः । शत्रूणामभिचारार्थमथर्वसु निदर्शिताः ॥

oṣadhyo raktapuṣpāśca kaṭukāḥ kaṇṭakānvitāḥ | śatrūṇāmabhicārārthamatharvasu nidarśitāḥ

लाल फूलों वाली, कड़वी और काँटेदार ओषधियाँ अथर्ववेद में शत्रुओं पर अभिचार-कर्म के लिए बताई गई हैं।

श्लोक 31 (13.155.31)

तीक्ष्णवीर्यास्तु भूतानां दुरालम्भाः सकण्टकाः । रक्तभूयिष्ठवर्णाश्च कृष्णाश्चैवोपहारयेत् ॥

tīkṣṇavīryāstu bhūtānāṃ durālambhāḥ sakaṇṭakāḥ | raktabhūyiṣṭhavarṇāśca kṛṣṇāścaivopahārayet

तीक्ष्ण शक्ति वाले, कठिनाई से छुए जाने योग्य, काँटेदार, प्रायः लाल रंग के और काले पुष्प वह भूतों को अर्पित करे।

श्लोक 32 (13.155.32)

मनोहृदयनन्दिन्यो विमर्दे मधुराश्च याः । चारुरूपाः सुमनसो मानुषाणां स्मृता विभो ॥

manohṛdayanandinyo vimarde madhurāśca yāḥ | cārurūpāḥ sumanaso mānuṣāṇāṃ smṛtā vibho

जो पुष्प मन और हृदय को आनन्द देते हैं, मसलने पर भी मधुर रहते हैं और सुन्दर रूप वाले हैं, वे मनुष्यों के लिए माने गए हैं, हे विभो।

श्लोक 33 (13.155.33)

न तु श्मशानसम्भूता न देवायतनोद्भवाः । सन्नयेत्पुष्टियुक्तेषु विवाहेषु रहःसु च ॥

na tu śmaśānasambhūtā na devāyatanodbhavāḥ | sannayetpuṣṭiyukteṣu vivāheṣu rahaḥsu ca

किन्तु श्मशान में उगे हुए या देवालयों के पास उत्पन्न हुए पुष्प नहीं; उन्हें वह समृद्धि के अवसरों पर, विवाहों में और एकान्त में प्रयोग के लिए एकत्र करे।

श्लोक 34 (13.155.34)

गिरिसानुरुहाः सौम्या देवानामुपधारयेत् । प्रोक्षिताभ्युक्षिताः सौम्या यथायोगं यथास्मृति ॥

girisānuruhāḥ saumyā devānāmupadhārayet | prokṣitābhyukṣitāḥ saumyā yathāyogaṃ yathāsmṛti

पर्वत के ढालों पर उगे सौम्य पुष्प वह देवताओं के लिए रखे, जल से सींचे और धोए हुए, यथोचित रूप से और स्मृति के अनुसार।

श्लोक 35 (13.155.35)

गन्धेन देवास्तुष्यन्ति दर्शनाद्यक्षराक्षसाः । नागाः समुपभोगेन त्रिभिरेतैस्तु मानुषाः ॥

gandhena devāstuṣyanti darśanādyakṣarākṣasāḥ | nāgāḥ samupabhogena tribhiretaistu mānuṣāḥ

देवता गन्ध से सन्तुष्ट होते हैं, यक्ष और राक्षस दर्शन से, नाग उपभोग से, और मनुष्य इन तीनों से।

श्लोक 36 (13.155.36)

सद्यः प्रीणाति देवान्वै ते प्रीता भावयन्त्युत । सङ्कल्पसिद्धा मर्त्यानामीप्सिताश्च मनोरथाः ॥

sadyaḥ prīṇāti devānvai te prītā bhāvayantyuta | saṅkalpasiddhā martyānāmīpsitāśca manorathāḥ

वह देवताओं को शीघ्र प्रसन्न करता है, और प्रसन्न होकर वे मनुष्यों की इच्छित कामनाओं को, जो संकल्प मात्र से सिद्ध हो जाती हैं, पूर्ण करते हैं।

श्लोक 37 (13.155.37)

देवाः प्रीणन्ति सततं मानिता मानयन्ति च । अवज्ञातावधूताश्च निर्दहन्त्यधमान्नरान् ॥

devāḥ prīṇanti satataṃ mānitā mānayanti ca | avajñātāvadhūtāśca nirdahantyadhamānnarān

सम्मानित किए जाने पर देवता सदा तृप्त करते हैं और बदले में सम्मान देते हैं; किन्तु अपमानित और तिरस्कृत होने पर वे नीच मनुष्यों को जला डालते हैं।

श्लोक 38 (13.155.38)

अत ऊर्ध्वं प्रवक्ष्यामि धूपदानविधेः फलम् । धूपांश्च विविधान्साधूनसाधूंश्च निबोध मे ॥

ata ūrdhvaṃ pravakṣyāmi dhūpadānavidheḥ phalam | dhūpāṃśca vividhānsādhūnasādhūṃśca nibodha me

अब मैं धूपदान की विधि का फल बताऊँगा। अनेक प्रकार के धूपों को, अच्छे और बुरे, मुझसे जानो।

श्लोक 39 (13.155.39)

निर्यासाः सरलाश्चैव कृत्रिमाश्चैव ते त्रयः । इष्टोऽनिष्टो भवेद्गन्धस्तन्मे विस्तरशः शृणु ॥

niryāsāḥ saralāścaiva kṛtrimāścaiva te trayaḥ | iṣṭo'niṣṭo bhavedgandhastanme vistaraśaḥ śṛṇu

धूप तीन प्रकार का है: निर्यास (गोंद-रालें), सरल और कृत्रिम। गन्ध इष्ट भी हो सकती है और अनिष्ट भी; उसे मुझसे विस्तार से सुनो।

श्लोक 40 (13.155.40)

निर्यासाः सल्लकीवर्ज्या देवानां दयितास्तु ते । गुग्गुलुः प्रवरस्तेषां सर्वेषामिति निश्चयः ॥

niryāsāḥ sallakīvarjyā devānāṃ dayitāstu te | gugguluḥ pravarasteṣāṃ sarveṣāmiti niścayaḥ

सल्लकी को छोड़कर अन्य निर्यास (रालें) देवताओं को प्रिय हैं; उन सबमें गुग्गुल सर्वश्रेष्ठ है, यही निश्चय है।

श्लोक 41 (13.155.41)

अगुरुः सारिणां श्रेष्ठो यक्षराक्षसभोगिनाम् । दैत्यानां सल्लकीजश्च काङ्क्षितो यश्च तद्विधः ॥

aguruḥ sāriṇāṃ śreṣṭho yakṣarākṣasabhoginām | daityānāṃ sallakījaśca kāṅkṣito yaśca tadvidhaḥ

सुगन्धित काष्ठों में अगुरु यक्षों, राक्षसों और नागों के लिए श्रेष्ठ है; दैत्यों के लिए सल्लकी से उत्पन्न धूप और उसी प्रकार की जो वस्तु उन्हें अभीष्ट हो।

श्लोक 42 (13.155.42)

अथ सर्जरसादीनां गन्धैः पार्थिवदारवैः । फाणितासवसंयुक्तैर्मनुष्याणां विधीयते ॥

atha sarjarasādīnāṃ gandhaiḥ pārthivadāravaiḥ | phāṇitāsavasaṃyuktairmanuṣyāṇāṃ vidhīyate

मनुष्यों के लिए सर्जरस आदि की धूप का विधान है, जो पार्थिव काष्ठों की गन्धों से युक्त हो और गुड़ के शीरे तथा आसव में मिली हो।

श्लोक 43 (13.155.43)

देवदानवभूतानां सद्यस्तुष्ठिकरः स्मृतः । येऽन्ये वैहारिकास्तत्र मानुषाणामिति स्मृताः ॥

devadānavabhūtānāṃ sadyastuṣṭhikaraḥ smṛtaḥ | ye'nye vaihārikāstatra mānuṣāṇāmiti smṛtāḥ

यह देवताओं, दानवों और भूतों को तत्काल सन्तुष्ट करने वाली मानी गई है; जो अन्य विहार (आनन्द) के लिए हैं, वे मनुष्यों की कही गई हैं।

श्लोक 44 (13.155.44)

य एवोक्ताः सुमनसां प्रदाने गुणहेतवः । धूपेष्वपि परिज्ञेयास्त एव प्रीतिवर्धनाः ॥

ya evoktāḥ sumanasāṃ pradāne guṇahetavaḥ | dhūpeṣvapi parijñeyāsta eva prītivardhanāḥ

पुष्पदान में जो गुणकारी बातें कही गईं, वही धूप में भी जाननी चाहिए; वही प्रीति को बढ़ाने वाली हैं।

श्लोक 45 (13.155.45)

दीपदाने प्रवक्ष्यामि फलयोगमनुत्तमम् । यथा येन यदा चैव प्रदेया यादृशाश्च ते ॥

dīpadāne pravakṣyāmi phalayogamanuttamam | yathā yena yadā caiva pradeyā yādṛśāśca te

अब मैं दीपदान का परम उत्तम फल बताऊँगा: कैसे, किसके द्वारा, कब और किस प्रकार के दीप देने चाहिए।

श्लोक 46 (13.155.46)

ज्योतिस्तेजः प्रकाशं वाऽप्यूर्ध्वगं चापि वर्धते । प्रदानं तेजसां तस्मात्तेजो वर्धयते नृणाम् ॥

jyotistejaḥ prakāśaṃ vā'pyūrdhvagaṃ cāpi vardhate | pradānaṃ tejasāṃ tasmāttejo vardhayate nṛṇām

ज्योति तेज और प्रकाश है, और वह ऊपर की ओर भी बढ़ती है। इसलिए दीपों का दान मनुष्यों के तेज को बढ़ाता है।

श्लोक 47 (13.155.47)

अन्धतमस्तमिस्रं च दक्षिणायनमेव च । उत्तरायणमेतस्माज्ज्योतिर्दानं प्रशस्यते ॥

andhatamastamisraṃ ca dakṣiṇāyanameva ca | uttarāyaṇametasmājjyotirdānaṃ praśasyate

अन्धतम, तमिस्र नामक नरक और दक्षिणायन एक ओर हैं; उत्तरायण इनसे उलटा है, इसीलिए ज्योति-दान की प्रशंसा की जाती है।

श्लोक 48 (13.155.48)

यस्मादूर्ध्वगमे तत्तु तमसश्चैव भेषजम् । तस्मादूर्ध्वगतेर्दाता भवेदत्रेति निश्चयः ॥

yasmādūrdhvagame tattu tamasaścaiva bheṣajam | tasmādūrdhvagaterdātā bhavedatreti niścayaḥ

क्योंकि यह ऊर्ध्वगामी है और अन्धकार की ओषधि भी है, इसलिए इसे देने वाला निश्चय ही ऊर्ध्व गति पाता है।

श्लोक 49 (13.155.49)

देवास्तेजस्विनो यस्मात्प्रभावन्तः प्रकाशकाः । तामसा राक्षसाश्चैव तस्माद्दीपः प्रदीयते ॥

devāstejasvino yasmātprabhāvantaḥ prakāśakāḥ | tāmasā rākṣasāścaiva tasmāddīpaḥ pradīyate

देवता तेजस्वी, प्रभावशाली और प्रकाशमान हैं, और राक्षस अन्धकारमय; इसीलिए दीप दिया जाता है।

श्लोक 50 (13.155.50)

आलोकदानाच्चक्षुष्मान्प्रभायुक्तो भवेन्नरः । तान्दत्त्वा नोपहिंसेत न हरेन्नोपनाशयेत् ॥

ālokadānāccakṣuṣmānprabhāyukto bhavennaraḥ | tāndattvā nopahiṃseta na harennopanāśayet

प्रकाश का दान करने से मनुष्य अच्छी दृष्टि वाला और कान्तिमान होता है। दीप देकर उन्हें कभी हानि न पहुँचाए, न चुराए, न बुझाए।

श्लोक 51 (13.155.51)

दीपहर्ता भवेदन्धस्तमोगतिरसुप्रभः । दीपप्रदः स्वर्गलोके दीपमाली विराजते ॥

dīpahartā bhavedandhastamogatirasuprabhaḥ | dīpapradaḥ svargaloke dīpamālī virājate

दीप चुराने वाला अन्धा हो जाता है, अन्धकार में जाता है और तेजहीन होता है; दीप देने वाला स्वर्गलोक में दीपमाला पहने हुए शोभा पाता है।

श्लोक 52 (13.155.52)

हविषा प्रथमः कल्पो द्वितीयश्चौषधीरसैः । वसामेदोस्थिनिर्यासैर्न कार्यः पुष्टिमिच्छता ॥

haviṣā prathamaḥ kalpo dvitīyaścauṣadhīrasaiḥ | vasāmedosthiniryāsairna kāryaḥ puṣṭimicchatā

पहला कल्प घृत से है और दूसरा ओषधियों के रस (तेल आदि) से; समृद्धि चाहने वाला वसा, मज्जा और हड्डियों के सार से दीप न जलाए।

श्लोक 53 (13.155.53)

देवालये सभायां च गिरौ चैत्यचतुष्पथे । दीपदाता भवेन्नित्यं य इच्छेद्भूतिमात्मनः ॥

devālaye sabhāyāṃ ca girau caityacatuṣpathe | dīpadātā bhavennityaṃ ya icchedbhūtimātmanaḥ

जो अपनी समृद्धि चाहे, वह देवालय, सभा, पर्वत, चैत्य और चौराहे पर सदा दीप दे।

श्लोक 54 (13.155.54)

कुलोद्योतो विशुद्धात्मा प्रकाशत्वं च गच्छति । ज्योतिषां चैव सालोक्यं दीपदाता भवेन्नरः ॥

kulodyoto viśuddhātmā prakāśatvaṃ ca gacchati | jyotiṣāṃ caiva sālokyaṃ dīpadātā bhavennaraḥ

दीप देने वाला अपने कुल का प्रकाश बनता है, शुद्ध अन्तःकरण वाला होता है, और तेजस्विता तथा ज्योतियों का सालोक्य पाता है।

श्लोक 55 (13.155.55)

बलिकर्मसु वक्ष्यामि गुणान्कर्मफलोदयान् । देवयक्षोरगनृणां भूतानामथ रक्षसाम् ॥

balikarmasu vakṣyāmi guṇānkarmaphalodayān | devayakṣoraganṛṇāṃ bhūtānāmatha rakṣasām

अब मैं देवताओं, यक्षों, नागों, मनुष्यों, भूतों और राक्षसों के लिए बलिकर्म के गुण और उससे उत्पन्न कर्मफल बताऊँगा।

श्लोक 56 (13.155.56)

येषां नाग्रभुजो विप्रा देवतातिथिबालकाः । राक्षसानेव तान्विद्धि निर्वषट्कारमङ्गलान् ॥

yeṣāṃ nāgrabhujo viprā devatātithibālakāḥ | rākṣasāneva tānviddhi nirvaṣaṭkāramaṅgalān

जिनके घरों में ब्राह्मण, देवता, अतिथि और बालक पहले भोजन नहीं पाते, उन्हें राक्षस ही जानो, जो वषट्कार और मंगल से रहित हैं।

श्लोक 57 (13.155.57)

तस्मादग्रं प्रयच्छेत देवेभ्यः प्रतिपूजितम् । शिरसा प्रणतश्चापि हरेद्बलिमतन्द्रितः ॥

tasmādagraṃ prayaccheta devebhyaḥ pratipūjitam | śirasā praṇataścāpi haredbalimatandritaḥ

इसलिए वह सम्मान सहित पहला भाग देवताओं को दे, और सिर झुकाकर आलस्यरहित होकर बलि अर्पित करे।

श्लोक 58 (13.155.58)

गृह्णन्ति देवता नित्यमाशंसन्ति सदा गृहान् । बाह्याश्चागन्तवो येऽन्ये यक्षराक्षसपन्नगाः ॥

gṛhṇanti devatā nityamāśaṃsanti sadā gṛhān | bāhyāścāgantavo ye'nye yakṣarākṣasapannagāḥ

देवता सदा (बलि) ग्रहण करते हैं और सदा घरों की ओर आशा से देखते रहते हैं; इसी प्रकार अन्य बाहरी और आने वाले यक्ष, राक्षस और नाग भी।

श्लोक 59 (13.155.59)

इतो दत्तेन जीवन्ति देवताः पितरस्तथा । ते प्रीताः प्रीणयन्त्येनमायुषा यशसा धनैः ॥

ito dattena jīvanti devatāḥ pitarastathā | te prītāḥ prīṇayantyenamāyuṣā yaśasā dhanaiḥ

यहाँ से दिए हुए से देवता और पितर जीवित रहते हैं; प्रसन्न होकर वे इस दाता को आयु, यश और धन से प्रसन्न करते हैं।

श्लोक 60 (13.155.60)

बलयः सह पुष्पैस्तु देवानामुपहारयेत् । दधिदुग्धमयाः पुण्याः सुगन्धाः प्रियदर्शनाः ॥

balayaḥ saha puṣpaistu devānāmupahārayet | dadhidugdhamayāḥ puṇyāḥ sugandhāḥ priyadarśanāḥ

देवताओं के लिए पुष्पों के साथ बलि अर्पित करे: दही और दूध से बनी, पवित्र, सुगन्धित और देखने में सुन्दर।

श्लोक 61 (13.155.61)

कार्या रुधिरमांसाढ्या बलयो यक्षरक्षसाम् । सुरासवपुरस्कारा लाजोल्लापिकभूषिताः ॥

kāryā rudhiramāṃsāḍhyā balayo yakṣarakṣasām | surāsavapuraskārā lājollāpikabhūṣitāḥ

यक्षों और राक्षसों के लिए बलि रक्त और मांस से भरपूर हो, सुरा और आसव आगे रखे हों, और लाजा तथा लेप से सजी हो।

श्लोक 62 (13.155.62)

नागानां दयिता नित्यं पद्मोत्पलविमिश्रिताः । तिलान्गुडसुसम्पन्नान्भूतानामुपहारयेत् ॥

nāgānāṃ dayitā nityaṃ padmotpalavimiśritāḥ | tilānguḍasusampannānbhūtānāmupahārayet

नागों को वे बलियाँ प्रिय हैं जो सदा कमल और कुमुद से मिश्रित हों; और भूतों को वह गुड़ से युक्त तिल अर्पित करे।

श्लोक 63 (13.155.63)

अग्रदाताऽग्रभोगी स्याद्बलवीर्यसमन्वितः । तस्मादग्रं प्रयच्छेत देवेभ्यः प्रतिपूजितम् ॥

agradātā'grabhogī syādbalavīryasamanvitaḥ | tasmādagraṃ prayaccheta devebhyaḥ pratipūjitam

अग्रभाग देने वाला स्वयं अग्रभोगी होता है, बल और वीर्य से युक्त होता है; इसलिए सम्मान सहित पहला भाग देवताओं को दे।

श्लोक 64 (13.155.64)

ज्वलन्त्यहरहो वेश्म याश्चास्य गृहदेवताः । ताः पूज्या भूतिकामेन प्रसृताग्रप्रदायिना ॥

jvalantyaharaho veśma yāścāsya gṛhadevatāḥ | tāḥ pūjyā bhūtikāmena prasṛtāgrapradāyinā

जो गृहदेवता उसके घर में प्रतिदिन प्रज्वलित रहते हैं, ऐश्वर्य चाहने वाला उनकी पूजा फैले हुए हाथों से अग्रभाग अर्पित करके करे।

श्लोक 65 (13.155.65)

इत्येतदसुरेन्द्राय काव्यः प्रोवाच भार्गवः । सुवर्णाय मनुः प्राह सुवर्णो नारदाय च ॥

ityetadasurendrāya kāvyaḥ provāca bhārgavaḥ | suvarṇāya manuḥ prāha suvarṇo nāradāya ca

यह सब काव्य भार्गव ने असुरेन्द्र से कहा; मनु ने सुवर्ण को बताया, और सुवर्ण ने नारद को।

श्लोक 66 (13.155.66)

नारदोऽपि मयि प्राह गुणानेतान्महाद्युते । त्वमप्येतद्विदित्वेह सर्वमाचर पुत्रक ॥

nārado'pi mayi prāha guṇānetānmahādyute | tvamapyetadviditveha sarvamācara putraka

हे महाद्युति, नारद ने भी मुझे ये गुण बताए थे; तुम भी इसे जानकर, पुत्र, यह सब आचरण में लाओ।