भीष्म द्वारा मांस-त्याग के फल का वर्णन

श्लोक 1 (13.177.1)

अहिंसा परमो धर्म इत्युक्तं बहुशस्त्वया । श्राद्धेषु च भवानाह पितॄणां मांसमीप्सितम् ॥

ahiṃsā paramo dharma ityuktaṃ bahuśastvayā | śrāddheṣu ca bhavānāha pitṝṇāṃ māṃsamīpsitam

युधिष्ठिर ने कहा: आपने बहुत बार कहा है कि अहिंसा परम धर्म है, और श्राद्धों के विषय में आपने कहा है कि पितरों को मांस इष्ट है।

श्लोक 2 (13.177.2)

मांसैर्बहुविधैः प्रोक्तस्त्वया श्राद्धविधिः पुरा । अहत्वा च कुतो मांसमेवमेतद्विरुध्यते ॥

māṃsairbahuvidhaiḥ proktastvayā śrāddhavidhiḥ purā | ahatvā ca kuto māṃsamevametadvirudhyate

आपने पहले अनेक प्रकार के मांसों के साथ श्राद्ध की विधि बताई थी। पर बिना हिंसा किए मांस कहाँ से आएगा? इस प्रकार ये दोनों बातें परस्पर विरुद्ध ठहरती हैं।

श्लोक 3 (13.177.3)

जातो नः संशयो धर्मे मांसस्य परिवर्जने । दोषो भक्षयत कः स्यात्कश्चाभक्षयतो गुणः ॥

jāto naḥ saṃśayo dharme māṃsasya parivarjane | doṣo bhakṣayata kaḥ syātkaścābhakṣayato guṇaḥ

मांस के त्याग के विषय में धर्म को लेकर हमारे मन में संशय उत्पन्न हो गया है: खाने वाले को कौन-सा दोष लगता है और न खाने वाले को कौन-सा गुण मिलता है?

श्लोक 4 (13.177.4)

हत्वा भक्षयतो वाऽपि परेणोपहृतस्य वा । हन्याद्वा यः परस्यार्थे क्रीत्वा वा भक्षयेन्नरः ॥

hatvā bhakṣayato vā'pi pareṇopahṛtasya vā | hanyādvā yaḥ parasyārthe krītvā vā bhakṣayennaraḥ

और जो मनुष्य मारकर खाता है, या जो दूसरे के लाए हुए को खाता है, या जो दूसरे के लिए मारता है, या जो खरीदकर खाता है, उसके विषय में क्या कहा जाए?

श्लोक 5 (13.177.5)

एतदिच्छामि तत्त्वेन कथ्यमानं त्वयाऽनघ । निश्चयेन चिकीर्षामि धर्ममेतं सनातनम् ॥

etadicchāmi tattvena kathyamānaṃ tvayā'nagha | niścayena cikīrṣāmi dharmametaṃ sanātanam

हे निष्पाप, मैं इसे यथार्थ रूप से कहा हुआ सुनना चाहता हूँ। मैं इस सनातन धर्म का दृढ़ निश्चय के साथ आचरण करना चाहता हूँ।

श्लोक 6 (13.177.6)

कथमायुरवाप्नोति कथं भवति सत्ववान् । कथमव्यङ्गतामेति लक्षण्यो जायते कथम् ॥

kathamāyuravāpnoti kathaṃ bhavati satvavān | kathamavyaṅgatāmeti lakṣaṇyo jāyate katham

मनुष्य दीर्घ आयु कैसे पाता है? वह सत्त्वशील कैसे होता है? वह अंगों की पूर्णता कैसे पाता है, और शुभ लक्षणों वाला कैसे उत्पन्न होता है?

श्लोक 7 (13.177.7)

मांसस्याभक्षणाद्राजन्यो धर्मः कुरुनन्दन । तं मे शृणु यथातत्त्वं यश्चास्य विधिरुत्तमः ॥

māṃsasyābhakṣaṇādrājanyo dharmaḥ kurunandana | taṃ me śṛṇu yathātattvaṃ yaścāsya vidhiruttamaḥ

भीष्म ने कहा: हे राजन्, हे कुरुनन्दन, मांस न खाने से जो धर्म प्राप्त होता है और उसकी जो उत्तम विधि है, उसे मुझसे यथार्थ रूप में सुनो।

श्लोक 8 (13.177.8)

रूपमव्यङ्गतामायुर्बुद्धिं सत्वं बलं स्मृतिम् । प्राप्तुकामैर्नरैर्हिंसा वर्जनीया कृतात्मभिः ॥

rūpamavyaṅgatāmāyurbuddhiṃ satvaṃ balaṃ smṛtim | prāptukāmairnarairhiṃsā varjanīyā kṛtātmabhiḥ

जो मनुष्य रूप, अंगों की पूर्णता, आयु, बुद्धि, सत्त्व, बल और स्मृति पाना चाहते हैं, उन संयतचित्त पुरुषों को हिंसा का त्याग करना चाहिए।

श्लोक 9 (13.177.9)

ऋषीणामत्र संवादो बहुशः कुरुनन्दन । बभूव तेषां तु मतं यत्तच्छृणु युधिष्ठिर ॥

ṛṣīṇāmatra saṃvādo bahuśaḥ kurunandana | babhūva teṣāṃ tu mataṃ yattacchṛṇu yudhiṣṭhira

हे कुरुनन्दन, इस विषय में ऋषियों के बीच बहुत बार संवाद हुआ। हे युधिष्ठिर, उनका जो मत था, उसे सुनो।

श्लोक 10 (13.177.10)

यो यजेताश्वमेधेन मासिमासि यतव्रतः । वर्जयेन्मधु मांसं च सममेतद्युधिष्ठिर ॥

yo yajetāśvamedhena māsimāsi yatavrataḥ | varjayenmadhu māṃsaṃ ca samametadyudhiṣṭhira

हे युधिष्ठिर, जो व्रतनिष्ठ पुरुष प्रतिमास अश्वमेध यज्ञ करता है और जो मधु तथा मांस का त्याग करता है, ये दोनों समान हैं।

श्लोक 11 (13.177.11)

सप्तर्षयो वालखिल्यास्तथैव च मरीचिपाः । मांसस्याभक्षणं राजन्प्रशंसन्ति मनीषिणः ॥

saptarṣayo vālakhilyāstathaiva ca marīcipāḥ | māṃsasyābhakṣaṇaṃ rājanpraśaṃsanti manīṣiṇaḥ

हे राजन्, सप्तर्षि, वालखिल्य, मरीचिप तथा अन्य मनीषी भी मांस न खाने की प्रशंसा करते हैं।

श्लोक 12 (13.177.12)

न भक्षयति यो मांसं न च हन्यान्न घातयेत् । तन्मित्रं सर्वभूतानां मनुः स्वायंभुवोऽब्रवीत् ॥

na bhakṣayati yo māṃsaṃ na ca hanyānna ghātayet | tanmitraṃ sarvabhūtānāṃ manuḥ svāyaṃbhuvo'bravīt

स्वायम्भुव मनु ने कहा है कि जो मांस नहीं खाता, न स्वयं मारता है और न मरवाता है, वह सब प्राणियों का मित्र है।

श्लोक 13 (13.177.13)

अधृष्यः सर्वभूतानां विश्वास्यः सर्वजन्तुषु । साधूनां सम्मतो नित्यं भवेन्मांसं विवर्जयन् ॥

adhṛṣyaḥ sarvabhūtānāṃ viśvāsyaḥ sarvajantuṣu | sādhūnāṃ sammato nityaṃ bhavenmāṃsaṃ vivarjayan

मांस का त्याग करने से वह सब प्राणियों के लिए अजेय, सब जीवों का विश्वासपात्र और साधुओं का सदा सम्मानित बन जाता है।

श्लोक 14 (13.177.14)

स्वमांसं परमांसेन यो वर्धयितुमिच्छति । अविश्वास्योऽवसीदेत्स इति होवाच नारदः ॥

svamāṃsaṃ paramāṃsena yo vardhayitumicchati | aviśvāsyo'vasīdetsa iti hovāca nāradaḥ

नारद ने ऐसा कहा है: जो दूसरे के मांस से अपने मांस को बढ़ाना चाहता है, वह अविश्वास का पात्र बनता है और दुःख में डूबता है।

श्लोक 15 (13.177.15)

ददाति यजते चापि तपस्वी च भवत्यपि । मधुमांसनिवृत्त्येति प्राह चैवं बृहस्पतिः ॥

dadāti yajate cāpi tapasvī ca bhavatyapi | madhumāṃsanivṛttyeti prāha caivaṃ bṛhaspatiḥ

बृहस्पति ने भी इसी प्रकार कहा है कि मधु और मांस के त्याग से मनुष्य दान देता है, यज्ञ करता है और तपस्वी भी होता है।

श्लोक 16 (13.177.16)

मासिमास्यश्वमेधेन यो यजेत शतं समाः । न खादति च यो मांसं सममेतन्मतं मम ॥

māsimāsyaśvamedhena yo yajeta śataṃ samāḥ | na khādati ca yo māṃsaṃ samametanmataṃ mama

जो सौ वर्ष तक प्रतिमास अश्वमेध यज्ञ करता है और जो मांस नहीं खाता, मेरे मत में वे दोनों समान हैं।

श्लोक 17 (13.177.17)

सदा यजति सत्रेण सदा दानं प्रयच्छति । सदा तपस्वी भवति मद्यमांसविवर्जनात् ॥

sadā yajati satreṇa sadā dānaṃ prayacchati | sadā tapasvī bhavati madyamāṃsavivarjanāt

मद्य और मांस के त्याग से मनुष्य सदा सत्र-यज्ञ करता रहता है, सदा दान देता है और सदा तपस्वी रहता है।

श्लोक 18 (13.177.18)

सर्वे वेदा न तत्कुर्युः सर्वे यज्ञाश्च भारत । यो भक्षयित्वा मांसानि पश्चादपि निवर्तते ॥

sarve vedā na tatkuryuḥ sarve yajñāśca bhārata | yo bhakṣayitvā māṃsāni paścādapi nivartate

हे भारत, जो मांस खाकर भी बाद में उससे निवृत्त हो जाता है, वह जो करता है उसे सारे वेद और सारे यज्ञ भी नहीं कर सकते।

श्लोक 19 (13.177.19)

भक्षयित्वा निमित्तेऽपि दुष्करं कुरुते तपः । दुष्करं च रसज्ञेन मांसस्य परिवर्जनम् । चर्तुं व्रतमिदं श्रेष्ठं सर्वप्राण्यभयप्रदम् ॥

bhakṣayitvā nimitte'pi duṣkaraṃ kurute tapaḥ | duṣkaraṃ ca rasajñena māṃsasya parivarjanam | cartuṃ vratamidaṃ śreṣṭhaṃ sarvaprāṇyabhayapradam

जो किसी कारणवश मांस खा चुका हो, वह भी उसे छोड़कर कठिन तप करता है। स्वाद जानने वाले के लिए मांस का त्याग सचमुच कठिन है। यह व्रत आचरण करने योग्य सबसे श्रेष्ठ है और सब प्राणियों को अभय देने वाला है।

श्लोक 20 (13.177.20)

सर्वभूतेषु यो विद्वान्ददात्यभयदक्षिणाम् । दाता भवति लोके स प्राणानां नात्र संशयः । एवं वै परमं धर्मं प्रशंसन्ति मनीषिणः ॥

sarvabhūteṣu yo vidvāndadātyabhayadakṣiṇām | dātā bhavati loke sa prāṇānāṃ nātra saṃśayaḥ | evaṃ vai paramaṃ dharmaṃ praśaṃsanti manīṣiṇaḥ

जो विद्वान् सब प्राणियों को अभय का दान देता है, वह संसार में सचमुच प्राणों का दाता होता है; इसमें संदेह नहीं। इसी प्रकार मनीषी जन परम धर्म की प्रशंसा करते हैं।

श्लोक 21 (13.177.21)

प्राणा यथाऽऽत्मनोऽभीष्टा भूतानामपि वै तथा । आत्मौपम्येन गन्तव्यं बुद्धिमद्भिः कृतात्मभिः ॥

prāṇā yathā''tmano'bhīṣṭā bhūtānāmapi vai tathā | ātmaupamyena gantavyaṃ buddhimadbhiḥ kṛtātmabhiḥ

जैसे अपने प्राण अपने को प्रिय हैं, वैसे ही दूसरे प्राणियों को भी प्रिय हैं। बुद्धिमान और संयमी पुरुषों को अपने समान ही दूसरों को मानकर व्यवहार करना चाहिए।

श्लोक 22 (13.177.22)

विकीर्णकर्णकेनापि तृणमस्पन्दने भयम् । किं पुनर्हन्यमानानां तरसा जीवितार्थिनाम् । अरोगाणामपापानां पापैर्मांसोपजीविभिः ॥

vikīrṇakarṇakenāpi tṛṇamaspandane bhayam | kiṃ punarhanyamānānāṃ tarasā jīvitārthinām | arogāṇāmapāpānāṃ pāpairmāṃsopajīvibhiḥ

कान खड़े किए हुए प्राणी को भी तिनके के हिलने पर भय लगता है। तब उन प्राणियों का क्या कहना, जो जीवन के इच्छुक, निरोग और निरपराध हैं और जिन्हें मांस पर जीने वाले पापी बलपूर्वक मार डालते हैं?

श्लोक 23 (13.177.23)

मृत्युतो भयमस्तीति शङ्कायां दुःखमुत्तरम् । धर्मस्यायतनं तस्मान्मांसस्य परिवर्जनम् ॥

mṛtyuto bhayamastīti śaṅkāyāṃ duḥkhamuttaram | dharmasyāyatanaṃ tasmānmāṃsasya parivarjanam

जब मन में यह आशंका ही उठती है कि “मृत्यु का भय है,” तो उसके बाद दुःख ही आता है। इसलिए मांस का त्याग धर्म का आश्रय है।

श्लोक 24 (13.177.24)

अहिंसा परमो धर्मस्तथाऽहिंसा परं तपः । अहिंसा परमं सत्यं ततो धर्मः प्रवर्तते ॥

ahiṃsā paramo dharmastathā'hiṃsā paraṃ tapaḥ | ahiṃsā paramaṃ satyaṃ tato dharmaḥ pravartate

अहिंसा परम धर्म है, अहिंसा परम तप है, अहिंसा परम सत्य है; उसी से धर्म की प्रवृत्ति होती है।

श्लोक 25 (13.177.25)

न हि मांसं तृणात्काष्ठादुपलाद्वाऽपि जायते । हत्वा जन्तुं ततो मांसं तस्माद्दोषस्तु भक्षणे ॥

na hi māṃsaṃ tṛṇātkāṣṭhādupalādvā'pi jāyate | hatvā jantuṃ tato māṃsaṃ tasmāddoṣastu bhakṣaṇe

मांस तिनके, लकड़ी या पत्थर से नहीं उपजता। वह जीव को मारकर ही मिलता है; इसलिए उसके खाने में दोष है।

श्लोक 26 (13.177.26)

स्वाहास्वधामृतभुजो देवाः सत्यार्जवप्रियाः । राक्षसेन्द्रभयान्मुक्ताः सर्वभूतपरायणाः ॥

svāhāsvadhāmṛtabhujo devāḥ satyārjavapriyāḥ | rākṣasendrabhayānmuktāḥ sarvabhūtaparāyaṇāḥ

स्वाहा, स्वधा और अमृत का भोग करने वाले देवता सत्य और सरलता को प्रिय मानते हैं। वे राक्षसराज के भय से मुक्त हैं और सब प्राणियों के आश्रय हैं।

श्लोक 27 (13.177.27)

कान्तारेष्वथ घोरेषु दुर्गेषु गहनेषु च । रात्रावहनि सन्ध्यासु चत्वरेषु सभासु च ॥

kāntāreṣvatha ghoreṣu durgeṣu gahaneṣu ca | rātrāvahani sandhyāsu catvareṣu sabhāsu ca

भयंकर वनों में, दुर्गम और घने स्थानों में, रात में, दिन में, सन्ध्याओं में, चौराहों पर और सभाओं में,

श्लोक 28 (13.177.28)

उद्यतेषु च शस्त्रेषु मृगव्यालहतेषु च । अमांसभक्षणाद्राजन्न भयं तेषु विद्यते ॥

udyateṣu ca śastreṣu mṛgavyālahateṣu ca | amāṃsabhakṣaṇādrājanna bhayaṃ teṣu vidyate

जब शस्त्र उठे हों, और जब हिंसक पशुओं तथा सर्पों के आघात हो रहे हों, तब भी हे राजन्, मांस न खाने वाले को इनमें कोई भय नहीं होता।

श्लोक 29 (13.177.29)

शरण्यः सर्वभूतानां विश्वास्यः सर्वजन्तुषु । अनुद्वेगकरो लोके न चाप्युद्विजते सदा ॥

śaraṇyaḥ sarvabhūtānāṃ viśvāsyaḥ sarvajantuṣu | anudvegakaro loke na cāpyudvijate sadā

वह सब प्राणियों का शरणदाता, सब जीवों का विश्वासपात्र बनता है; वह संसार में किसी को उद्विग्न नहीं करता और स्वयं भी कभी उद्विग्न नहीं होता।

श्लोक 30 (13.177.30)

यदि चेत्स्वादको न स्यान्न तदा घातको भवेत् । घातकः खादकार्थाय तद्धातयति वै नरः ॥

yadi cetsvādako na syānna tadā ghātako bhavet | ghātakaḥ khādakārthāya taddhātayati vai naraḥ

यदि खाने वाला न हो, तो मारने वाला भी न हो। मारने वाला खाने वाले के लिए ही मारता है; उसी के लिए मनुष्य पशु का वध कराता है।

श्लोक 31 (13.177.31)

अभक्ष्यमेतदिति वै इति हिंसा निवर्तते । खादकक्रमतो हिंसा मृगादीनां प्रवर्तते ॥

abhakṣyametaditi vai iti hiṃsā nivartate | khādakakramato hiṃsā mṛgādīnāṃ pravartate

“यह खाने योग्य नहीं है” — ऐसा मान लेने पर हिंसा रुक जाती है। खाने वालों की परम्परा के कारण ही मृग आदि पशुओं की हिंसा चलती रहती है।

श्लोक 32 (13.177.32)

यस्माद्ग्रसति चैवायुर्हिंसकानां महाद्युते । तस्माद्विवर्जयेन्मांसं य इच्छेद्भूतिमात्मनः ॥

yasmādgrasati caivāyurhiṃsakānāṃ mahādyute | tasmādvivarjayenmāṃsaṃ ya icchedbhūtimātmanaḥ

हे महातेजस्वी, क्योंकि हिंसा करने वालों की आयु क्षीण होती जाती है, इसलिए जो अपना कल्याण चाहे उसे मांस का त्याग करना चाहिए।

श्लोक 33 (13.177.33)

त्रातारं नाधिगच्छन्ति रौद्राः प्राणिविहिंसकाः । उद्वेजकास्तु भूतानां यथा व्यालमृगास्तथा ॥

trātāraṃ nādhigacchanti raudrāḥ prāṇivihiṃsakāḥ | udvejakāstu bhūtānāṃ yathā vyālamṛgāstathā

क्रूर प्राणिहिंसकों को कोई रक्षक नहीं मिलता। वे प्राणियों को वैसे ही उद्विग्न करते हैं जैसे हिंसक पशु और सर्प करते हैं।

श्लोक 34 (13.177.34)

लोभाद्वा बुद्धिमोहाद्वा बलवीर्यार्थमेव च । संसर्गादथ पापानामधर्मो रुचितो नृणाम् ॥

lobhādvā buddhimohādvā balavīryārthameva ca | saṃsargādatha pāpānāmadharmo rucito nṛṇām

लोभ से, बुद्धि के मोह से, बल और पराक्रम के लिए, अथवा पापियों की संगति से मनुष्यों को अधर्म रुचिकर लगने लगता है।

श्लोक 35 (13.177.35)

स्वमांसं परमांसेन यो वर्धयितुमिच्छति । उद्विग्नराष्ट्रे वसति यत्र यत्राभिजायते ॥

svamāṃsaṃ paramāṃsena yo vardhayitumicchati | udvignarāṣṭre vasati yatra yatrābhijāyate

जो दूसरे के मांस से अपने मांस को बढ़ाना चाहता है, वह जहाँ-जहाँ जन्म लेता है, वहाँ भयग्रस्त और अशान्त देश में रहता है।

श्लोक 36 (13.177.36)

धन्यं यशस्यामायुष्यं स्वर्ग्यं स्वस्त्ययनं महत् । मांसस्याभक्षणं प्राहुर्नियताः परमर्षयः ॥

dhanyaṃ yaśasyāmāyuṣyaṃ svargyaṃ svastyayanaṃ mahat | māṃsasyābhakṣaṇaṃ prāhurniyatāḥ paramarṣayaḥ

नियमनिष्ठ महर्षि कहते हैं कि मांस न खाना धन्य है, यश और आयु देने वाला है, स्वर्ग दिलाने वाला है और बड़ा कल्याणकारी है।

श्लोक 37 (13.177.37)

इदं तु खलु कौन्तेय श्रुतमासीत्पुरा मया । मार्कण्डेयस्य वदतो ये दोषा मांसभक्षणे ॥

idaṃ tu khalu kaunteya śrutamāsītpurā mayā | mārkaṇḍeyasya vadato ye doṣā māṃsabhakṣaṇe

हे कुन्तीपुत्र, यह बात मैंने बहुत पहले तब सुनी थी जब मार्कण्डेय मांस खाने के दोष बता रहे थे।

श्लोक 38 (13.177.38)

यो हि खादति मांसानि प्राणिनां जीवितैषिणाम् । सदा भवति वै पापः प्राणिहन्ता तथैव सः ॥

yo hi khādati māṃsāni prāṇināṃ jīvitaiṣiṇām | sadā bhavati vai pāpaḥ prāṇihantā tathaiva saḥ

जो जीने की इच्छा रखने वाले प्राणियों का मांस खाता है, वह सदा पापी होता है और प्राणियों का हत्यारा भी वैसा ही होता है।

श्लोक 39 (13.177.39)

धनेन क्रयिको हन्ति खादकश्चोपभोगतः । घातको वधबन्धाभ्यामित्येष त्रिविधो वधः ॥

dhanena krayiko hanti khādakaścopabhogataḥ | ghātako vadhabandhābhyāmityeṣa trividho vadhaḥ

खरीदने वाला धन से मारता है, खाने वाला उपभोग से, और घात करने वाला वध तथा बन्धन से। इस प्रकार हिंसा तीन प्रकार की है।

श्लोक 40 (13.177.40)

अखादन्ननुमोदंश्च भावदोषेण मानवः । योऽनुमोदति हन्यन्तं सोऽपि दोषेण लिप्यते ॥

akhādannanumodaṃśca bhāvadoṣeṇa mānavaḥ | yo'numodati hanyantaṃ so'pi doṣeṇa lipyate

जो स्वयं नहीं खाता पर अनुमोदन करता है, वह भावना के दोष से दोषी होता है; जो मारे जाते हुए प्राणी का अनुमोदन करता है, वह भी दोष से लिप्त होता है।

श्लोक 41 (13.177.41)

अधृष्यः सर्वभूतानामायुष्मान्निरुजः सदा । भवत्यभक्षयन्मांसं दयावान्प्राणिनामिह ॥

adhṛṣyaḥ sarvabhūtānāmāyuṣmānnirujaḥ sadā | bhavatyabhakṣayanmāṃsaṃ dayāvānprāṇināmiha

जो मनुष्य मांस नहीं खाता और इस लोक में प्राणियों पर दया करता है, वह सब प्राणियों के लिए अजेय, दीर्घायु और सदा निरोग होता है।

श्लोक 42 (13.177.42)

हिरण्यदानैर्गोदानैर्भूमिदानैश्च सर्वशः । मांसस्याभक्षणे धर्मो विशिष्ट इति नः श्रुतिः ॥

hiraṇyadānairgodānairbhūmidānaiśca sarvaśaḥ | māṃsasyābhakṣaṇe dharmo viśiṣṭa iti naḥ śrutiḥ

“सोने के दान, गायों के दान और भूमि के दान से भी सब प्रकार मांस न खाने का धर्म श्रेष्ठ है” — ऐसा हमने श्रुति में सुना है।

श्लोक 43 (13.177.43)

अप्रोक्षितं वृथामांसं विधिहीनं न भक्षयेत् । भक्षयन्निरयं याति नरो नास्त्यत्र संशयः ॥

aprokṣitaṃ vṛthāmāṃsaṃ vidhihīnaṃ na bhakṣayet | bhakṣayannirayaṃ yāti naro nāstyatra saṃśayaḥ

जो मांस प्रोक्षित नहीं है, जो व्यर्थ है और विधि के विरुद्ध है, उसे नहीं खाना चाहिए। उसे खाने वाला मनुष्य नरक में जाता है; इसमें संदेह नहीं।

श्लोक 44 (13.177.44)

प्रोक्षिताभ्युक्षितं मांसं तथा ब्राह्मणकाम्यया । अल्पदोषमिति ज्ञेयं विपरीते तु लिप्यते ॥

prokṣitābhyukṣitaṃ māṃsaṃ tathā brāhmaṇakāmyayā | alpadoṣamiti jñeyaṃ viparīte tu lipyate

जो मांस प्रोक्षित और अभ्युक्षित हो, अथवा ब्राह्मणों की इच्छा से खाया जाए, उसमें अल्प दोष समझना चाहिए; इसके विपरीत होने पर मनुष्य दोष से लिप्त होता है।

श्लोक 45 (13.177.45)

खादकस्य कृते जन्तून्यो हन्यात्पुरुषाधमः । महादोषकरस्तत्र घातको न तु खादकः ॥

khādakasya kṛte jantūnyo hanyātpuruṣādhamaḥ | mahādoṣakarastatra ghātako na tu khādakaḥ

जो नराधम खाने वाले के लिए प्राणियों को मारता है, वह बड़ा दोष करता है; उस दशा में बड़ा दोष मारने वाले को लगता है, खाने वाले को नहीं।

श्लोक 46 (13.177.46)

इज्यायज्ञश्रुतिकृतैर्या मार्गैरबुधोऽधमः । हन्याज्जन्तून्मांसगृध्नुः स वै नरकभाङ्नरः ॥

ijyāyajñaśrutikṛtairyā mārgairabudho'dhamaḥ | hanyājjantūnmāṃsagṛdhnuḥ sa vai narakabhāṅnaraḥ

जो अज्ञानी नीच पुरुष मांस के लोभ में पूजा और यज्ञ के लिए श्रुति में बताए गए उपायों के बहाने प्राणियों को मारता है, वह निश्चय ही नरकगामी होता है।

श्लोक 47 (13.177.47)

भक्षयित्वाऽपि यो मांसं पश्चादपि निवर्तते । तस्यापि सुमहान्धर्मो यः पापाद्विनिवर्तते ॥

bhakṣayitvā'pi yo māṃsaṃ paścādapi nivartate | tasyāpi sumahāndharmo yaḥ pāpādvinivartate

जो मांस खाकर भी बाद में उससे निवृत्त हो जाता है, उसका भी बहुत बड़ा धर्म है, क्योंकि वह पाप से लौट आता है।

श्लोक 48 (13.177.48)

आहर्ता चानुमन्ता च विशस्ता क्रयविक्रयी । संस्कर्ता चोपभोक्ता च घातकाः सर्व एव ते ॥

āhartā cānumantā ca viśastā krayavikrayī | saṃskartā copabhoktā ca ghātakāḥ sarva eva te

लाने वाला, अनुमोदन करने वाला, काटने वाला, खरीदने और बेचने वाला, पकाने वाला और खाने वाला — ये सब हत्यारे ही हैं।

श्लोक 49 (13.177.49)

इदमन्यत्तु वक्ष्यामि प्रमाणं विधिनिर्मितम् । पुराणमृषिभिर्जुष्टं वेदेषु परिनिश्चितम् ॥

idamanyattu vakṣyāmi pramāṇaṃ vidhinirmitam | purāṇamṛṣibhirjuṣṭaṃ vedeṣu pariniścitam

मैं तुम्हें एक और प्रमाण बताऊँगा, जो विधि से बना हुआ, प्राचीन, ऋषियों द्वारा सेवित और वेदों में निश्चित किया हुआ है।

श्लोक 50 (13.177.50)

प्रवृत्तिलक्षणे धर्मे फलार्थिभिरभिद्रुते । यथोक्तं राजशार्दूल न तु तन्मोक्षकारणम् ॥

pravṛttilakṣaṇe dharme phalārthibhirabhidrute | yathoktaṃ rājaśārdūla na tu tanmokṣakāraṇam

हे राजशार्दूल, जब प्रवृत्ति-लक्षण धर्म का आश्रय फल चाहने वाले लेते हैं, तब वह वैसा ही है जैसा कहा गया; किन्तु वह मोक्ष का कारण नहीं है।

श्लोक 51 (13.177.51)

हविर्यत्संस्कृतं मन्त्रैः प्रोक्षिताभ्युक्षितं शुचि । वेदोक्तेन प्रमाणेन पितॄणां प्रक्रियासु च । प्रवृत्तिधर्मिणा भक्ष्यं नान्यथा मनुरब्रवीत् ॥

haviryatsaṃskṛtaṃ mantraiḥ prokṣitābhyukṣitaṃ śuci | vedoktena pramāṇena pitṝṇāṃ prakriyāsu ca | pravṛttidharmiṇā bhakṣyaṃ nānyathā manurabravīt

जो हवि मन्त्रों से संस्कृत, प्रोक्षित और अभ्युक्षित होकर शुद्ध हो, वेद के प्रमाण के अनुसार और पितृकर्मों में, प्रवृत्ति-धर्म वाले के लिए भक्ष्य है; अन्यथा नहीं, ऐसा मनु ने कहा।

श्लोक 52 (13.177.52)

अस्वर्ग्यमयशस्यं च रक्षोवद्भरतर्षभ । विधिहीनं नरः पूर्वं मांसं राजन्न भक्षयेत् ॥

asvargyamayaśasyaṃ ca rakṣovadbharatarṣabha | vidhihīnaṃ naraḥ pūrvaṃ māṃsaṃ rājanna bhakṣayet

हे भरतश्रेष्ठ, अन्यथा वह स्वर्ग न देने वाला, अयशस्कर और राक्षसों के समान है। हे राजन्, मनुष्य को सबसे पहले यही ध्यान रखना चाहिए कि विधिहीन मांस कभी न खाए।

श्लोक 53 (13.177.53)

य इच्छेत्पुरुषोऽत्यन्तमात्मानं निरुपद्रवम् । स वर्जयेत मांसानि प्राणिनामिह सर्वशः ॥

ya icchetpuruṣo'tyantamātmānaṃ nirupadravam | sa varjayeta māṃsāni prāṇināmiha sarvaśaḥ

जो पुरुष चाहता है कि उसका आत्मा सर्वथा उपद्रवरहित रहे, उसे यहाँ प्राणियों के मांस का सब प्रकार से त्याग करना चाहिए।

श्लोक 54 (13.177.54)

श्रूयते हि पुराकल्पे नृणां व्रीहिमयः पशुः । येनायजन्त विद्वांसः पुण्यलोकपरायणाः ॥

śrūyate hi purākalpe nṛṇāṃ vrīhimayaḥ paśuḥ | yenāyajanta vidvāṃsaḥ puṇyalokaparāyaṇāḥ

सुना जाता है कि पूर्वकल्प में मनुष्यों के लिए चावल का बना हुआ पशु होता था, जिससे पुण्यलोकों की कामना करने वाले विद्वान् यज्ञ करते थे।

श्लोक 55 (13.177.55)

ऋषिभिः संशयं पृष्टो वसुश्चेदिपतिः पुरा । अभक्ष्यमपि मांसं यः प्राह भक्ष्यमिति प्रभो ॥

ṛṣibhiḥ saṃśayaṃ pṛṣṭo vasuścedipatiḥ purā | abhakṣyamapi māṃsaṃ yaḥ prāha bhakṣyamiti prabho

बहुत पहले चेदिराज वसु से ऋषियों ने एक संशय पूछा, तो उन्होंने अभक्ष्य मांस को भी भक्ष्य कह दिया, हे प्रभो।

श्लोक 56 (13.177.56)

आकाशादवनिं प्राप्तस्ततः स पृथिवीपतिः । यस्तदेव पुनश्चोक्त्वा विवेश धरणीतलम् ॥

ākāśādavaniṃ prāptastataḥ sa pṛthivīpatiḥ | yastadeva punaścoktvā viveśa dharaṇītalam

तब वह पृथ्वीपति आकाश से पृथ्वी पर आ गिरा, और वही बात फिर कहकर वह भूतल में समा गया।

श्लोक 57 (13.177.57)

प्रजानां हितकामेन त्वगस्त्येन महात्मना । आरण्याः सर्वदैवत्याः प्रोक्षितास्तापसैर्मृगाः ॥

prajānāṃ hitakāmena tvagastyena mahātmanā | āraṇyāḥ sarvadaivatyāḥ prokṣitāstāpasairmṛgāḥ

प्रजा का हित चाहने वाले महात्मा अगस्त्य ने सब देवताओं के निमित्त वन के पशुओं को तपस्वियों द्वारा प्रोक्षित करवाया।

श्लोक 58 (13.177.58)

क्रिया ह्येवं न हीयन्ते पितृदैवतसंश्रिताः । प्रीयन्ते पितरश्चैव न्यायतो मांसतर्पिताः ॥

kriyā hyevaṃ na hīyante pitṛdaivatasaṃśritāḥ | prīyante pitaraścaiva nyāyato māṃsatarpitāḥ

इस प्रकार पितरों और देवताओं से सम्बद्ध कर्म नष्ट नहीं होते, और पितर विधिपूर्वक मांस से तृप्त होकर प्रसन्न होते हैं।

श्लोक 59 (13.177.59)

इदं तु शृणु राजेन्द्र मांसस्याभक्षणे गुणाः । अभक्षणे सर्वसुखं मांसस्य मनुजाधिप ॥

idaṃ tu śṛṇu rājendra māṃsasyābhakṣaṇe guṇāḥ | abhakṣaṇe sarvasukhaṃ māṃsasya manujādhipa

हे राजेन्द्र, अब मांस न खाने के गुण सुनो। हे नरेश्वर, मांस न खाने में सब प्रकार का सुख है।

श्लोक 60 (13.177.60)

यस्तु वर्षशतं पूर्णं तपस्तप्येत्सुदारुणम् । यश्चैव वर्जयेन्मांसं सममेतन्मतं मम ॥

yastu varṣaśataṃ pūrṇaṃ tapastapyetsudāruṇam | yaścaiva varjayenmāṃsaṃ samametanmataṃ mama

जो पूरे सौ वर्ष अत्यन्त कठोर तप करता है और जो मांस का त्याग करता है, मेरे मत में वे दोनों समान हैं।

श्लोक 61 (13.177.61)

कौमुद्यास्तु विशेषेण शुक्लपक्षे नराधिप । वर्जयेत्सर्वमांसानि धर्मो ह्यत्र विधीयते ॥

kaumudyāstu viśeṣeṇa śuklapakṣe narādhipa | varjayetsarvamāṃsāni dharmo hyatra vidhīyate

हे नराधिप, विशेषकर कौमुदी मास के शुक्ल पक्ष में सब प्रकार के मांस का त्याग करना चाहिए, क्योंकि वहाँ धर्म का विधान है।

श्लोक 62 (13.177.62)

चतुरो वार्षिकान्मासान्यो मांसं परिवर्जयेत् । चत्वारि भद्राण्याप्नोति कीर्तिमायुर्यशो बलम् ॥

caturo vārṣikānmāsānyo māṃsaṃ parivarjayet | catvāri bhadrāṇyāpnoti kīrtimāyuryaśo balam

जो वर्षा के चार महीनों में मांस का त्याग करता है, उसे चार कल्याणकारी वस्तुएँ मिलती हैं: कीर्ति, आयु, यश और बल।

श्लोक 63 (13.177.63)

अथवा मासमेकं वै सर्वमांसान्यभक्षयन् । अतीत्य सर्वदुःखानि सुखं जीवेन्निरामयः ॥

athavā māsamekaṃ vai sarvamāṃsānyabhakṣayan | atītya sarvaduḥkhāni sukhaṃ jīvennirāmayaḥ

अथवा केवल एक मास भी सब प्रकार का मांस न खाने वाला मनुष्य सब दुःखों को पार करके सुखी और निरोग जीवन बिताता है।

श्लोक 64 (13.177.64)

वर्जयन्ति हि मांसानि मासशः पक्षशोऽपि वा । तेषां हिंसानिवृत्तानां ब्रह्मलोको विधीयते ॥

varjayanti hi māṃsāni māsaśaḥ pakṣaśo'pi vā | teṣāṃ hiṃsānivṛttānāṃ brahmaloko vidhīyate

जो लोग महीनों या पक्षों तक मांस का त्याग करते हैं, उन हिंसा से निवृत्त लोगों के लिए ब्रह्मलोक का विधान है।

श्लोक 65 (13.177.65)

मांसं तु कौमुदं पक्षं वर्जितं पार्थ राजभिः । सर्वभूतात्मभूतस्थैर्विदितार्थपरावरैः ॥

māṃsaṃ tu kaumudaṃ pakṣaṃ varjitaṃ pārtha rājabhiḥ | sarvabhūtātmabhūtasthairviditārthaparāvaraiḥ

हे पार्थ, कौमुद पक्ष में मांस का त्याग उन राजाओं ने किया, जो सब प्राणियों को अपना ही आत्मा मानते थे और श्रेष्ठ-निकृष्ट का तत्त्व जानते थे:

श्लोक 66 (13.177.66)

नाभागेनाम्बरीषेण गयेन च महात्मना । आयुषाऽथानरण्येन दिलीपरघुसूनुभिः ॥

nābhāgenāmbarīṣeṇa gayena ca mahātmanā | āyuṣā'thānaraṇyena dilīparaghusūnubhiḥ

नाभाग, अम्बरीष, महात्मा गय, आयु, अनरण्य, दिलीप और रघु के पुत्रों ने,

श्लोक 67 (13.177.67)

कार्तवीर्यानिरुद्धाभ्यां नहुषेण ययातिना । नृगेण विष्वगश्वेन तथैव शशबिन्दुना ॥

kārtavīryāniruddhābhyāṃ nahuṣeṇa yayātinā | nṛgeṇa viṣvagaśvena tathaiva śaśabindunā

कार्तवीर्य और अनिरुद्ध, नहुष और ययाति, नृग, विष्वगश्व तथा शशबिन्दु ने भी,

श्लोक 68 (13.177.68)

युवनाश्वेन च तथा शिबिनौशीनरेण च । मुचुकुन्देन मान्धात्रा हरिश्चन्द्रेण वा विभो ॥

yuvanāśvena ca tathā śibinauśīnareṇa ca | mucukundena māndhātrā hariścandreṇa vā vibho

युवनाश्व, उशीनरपुत्र शिबि, मुचुकुन्द, मान्धाता और हरिश्चन्द्र ने, हे विभो,

श्लोक 69 (13.177.69)

सत्यं वदत माऽसत्यं सत्यं धर्मः सनातनः । हरिश्चन्द्रश्चरति वै दिवि सत्येन चन्द्रवत् ॥

satyaṃ vadata mā'satyaṃ satyaṃ dharmaḥ sanātanaḥ | hariścandraścarati vai divi satyena candravat

“सत्य बोलो, असत्य नहीं; सत्य ही सनातन धर्म है।” हरिश्चन्द्र सत्य के बल से स्वर्ग में चन्द्रमा के समान विचरते हैं।

श्लोक 70 (13.177.70)

श्येनचित्रेण राजेन्द्र सोमकेन वृकेण च । रैवतेन रन्तिदेवेन वसुना सृञ्जयेन च ॥

śyenacitreṇa rājendra somakena vṛkeṇa ca | raivatena rantidevena vasunā sṛñjayena ca

श्येनचित्र, सोमक और वृक, रैवत, रन्तिदेव, वसु और सृञ्जय ने,

श्लोक 71 (13.177.71)

एतैश्चान्यैश्च राजेन्द्र कृपेण भरतेन च । दुष्यन्तेन करूषेण रामालर्कनलैस्तथा । विरूपाश्वेन निमिना जनकेन च धीमता ॥

etaiścānyaiśca rājendra kṛpeṇa bharatena ca | duṣyantena karūṣeṇa rāmālarkanalaistathā | virūpāśvena niminā janakena ca dhīmatā

इन्होंने और अन्य राजाओं ने भी, हे राजेन्द्र: कृप और भरत, दुष्यन्त और करूष, राम, अलर्क और नल, विरूपाश्व, निमि और बुद्धिमान् जनक ने,

श्लोक 72 (13.177.72)

ऐलेन पृथुना चैव वीरसेनेन चैव ह । इक्ष्वाकुणा शम्भुना च श्वेतेन सगरेण च ॥

ailena pṛthunā caiva vīrasenena caiva ha | ikṣvākuṇā śambhunā ca śvetena sagareṇa ca

ऐल, पृथु और वीरसेन, इक्ष्वाकु, शम्भु, श्वेत और सगर ने,

श्लोक 73 (13.177.73)

अजेन धुन्धुना चैव तथैव च सुबाहुना । हर्यश्वेन च राजेन्द्र क्षुपेण भरतेन च ॥

ajena dhundhunā caiva tathaiva ca subāhunā | haryaśvena ca rājendra kṣupeṇa bharatena ca

अज, धुन्धु और सुबाहु ने भी, हर्यश्व, हे राजेन्द्र, क्षुप और भरत ने।

श्लोक 74 (13.177.74)

एतैश्चान्यैश्च राजेन्द्र पुरा मांसं न भक्षितम् । शारदं कौमुदं मासं ततस्ते स्वर्गमाप्नुवन् ॥

etaiścānyaiśca rājendra purā māṃsaṃ na bhakṣitam | śāradaṃ kaumudaṃ māsaṃ tataste svargamāpnuvan

हे राजेन्द्र, इन्होंने और अन्य राजाओं ने पूर्वकाल में शरद् ऋतु के कौमुद मास में मांस नहीं खाया, और इसी से वे स्वर्ग को प्राप्त हुए।

श्लोक 75 (13.177.75)

ब्रह्मलोके च तिष्ठन्ति ज्वलमानाः श्रियाऽन्विताः । उपास्यमाना गन्धर्वैः स्त्रीसहस्रसमन्विताः ॥

brahmaloke ca tiṣṭhanti jvalamānāḥ śriyā'nvitāḥ | upāsyamānā gandharvaiḥ strīsahasrasamanvitāḥ

वे ब्रह्मलोक में तेज से जगमगाते और श्री से युक्त होकर रहते हैं; गन्धर्व उनकी सेवा करते हैं और हज़ारों स्त्रियाँ उनके साथ रहती हैं।

श्लोक 76 (13.177.76)

तदेतदुत्तमं धर्ममहिंसाधर्मलक्षणम् । ये चरन्ति महात्मानो नाकपृष्ठे वसन्ति ते ॥

tadetaduttamaṃ dharmamahiṃsādharmalakṣaṇam | ye caranti mahātmāno nākapṛṣṭhe vasanti te

यह अहिंसा-लक्षण परम धर्म है। जो महात्मा इसका आचरण करते हैं, वे स्वर्ग के शिखर पर निवास करते हैं।

श्लोक 77 (13.177.77)

मधु मांसं च ये नित्यं वर्जयन्तीह धार्मिकाः । जन्मप्रभृति मद्यं च सर्वे ते मुनयः स्मृताः ॥

madhu māṃsaṃ ca ye nityaṃ varjayantīha dhārmikāḥ | janmaprabhṛti madyaṃ ca sarve te munayaḥ smṛtāḥ

जो धार्मिक जन जन्म से ही मधु, मांस और मद्य को सदा छोड़े रहते हैं, वे सब मुनि माने गए हैं।

श्लोक 78 (13.177.78)

इमं धर्मममांसादं यश्चरेच्छ्रावयीत वा । अपि चेत्सुदुराचारो न जातु निरयं व्रजेत् ॥

imaṃ dharmamamāṃsādaṃ yaścarecchrāvayīta vā | api cetsudurācāro na jātu nirayaṃ vrajet

जो मांस न खाने के इस धर्म का आचरण करता है या दूसरों को सुनाता है, वह अत्यन्त दुराचारी होने पर भी कभी नरक में नहीं जाता।

श्लोक 79 (13.177.79)

पठेद्वा च इदं राजञ्शृणुयाद्वाऽप्यभीक्ष्णशः । अमांसभक्षणविधिं पवित्रमृषिपूजितम् ॥

paṭhedvā ca idaṃ rājañśṛṇuyādvā'pyabhīkṣṇaśaḥ | amāṃsabhakṣaṇavidhiṃ pavitramṛṣipūjitam

हे राजन्, जो ऋषियों से पूजित इस पवित्र मांस-त्याग-विधि को पढ़ता है या बार-बार सुनता है,

श्लोक 80 (13.177.80)

विमुक्तः सर्वपापेभ्यः सर्वकामैर्महीयते । विशिष्टतां ज्ञातिषु च लभते नात्र संशयः । अहिंस्रो दानशीलश्च मधुमांसविवर्जितः ॥

vimuktaḥ sarvapāpebhyaḥ sarvakāmairmahīyate | viśiṣṭatāṃ jñātiṣu ca labhate nātra saṃśayaḥ | ahiṃsro dānaśīlaśca madhumāṃsavivarjitaḥ

वह सब पापों से मुक्त होकर सब कामनाओं के साथ सम्मानित होता है। वह अपने जाति-बन्धुओं में श्रेष्ठता पाता है, इसमें संदेह नहीं, और अहिंसक, दानशील तथा मधु-मांस से रहित होता है।

श्लोक 81 (13.177.81)

आपन्नश्चापदो मुच्येद्बद्धो मुच्येत बन्धनात् । मुच्येत्तथाऽऽतुरो रोगाद्दुःखान्मुच्येत दुःखितः ॥

āpannaścāpado mucyedbaddho mucyeta bandhanāt | mucyettathā''turo rogādduḥkhānmucyeta duḥkhitaḥ

संकट में पड़ा हुआ संकट से छूटता है, बँधा हुआ बन्धन से, रोगी रोग से और दुःखी दुःख से मुक्त होता है।

श्लोक 82 (13.177.82)

तिर्यग्योनिं न गच्छेत रूपवांश्च भवेन्नरः । ऋद्धिमान्वै कुरुश्रेष्ठ प्राप्नुयाच्च महद्यशः ॥

tiryagyoniṃ na gaccheta rūpavāṃśca bhavennaraḥ | ṛddhimānvai kuruśreṣṭha prāpnuyācca mahadyaśaḥ

वह पशु-पक्षी की योनि में नहीं जाता, रूपवान् मनुष्य होता है, हे कुरुश्रेष्ठ, समृद्ध होता है और महान् यश पाता है।

श्लोक 83 (13.177.83)

एतत्ते कथितं राजन्मांसस्य परिवर्जने । प्रवृत्तौ च निवृत्तौ च विधानमृषिनिर्मितम् ॥

etatte kathitaṃ rājanmāṃsasya parivarjane | pravṛttau ca nivṛttau ca vidhānamṛṣinirmitam

हे राजन्, इस प्रकार मैंने तुम्हें मांस के त्याग के विषय में, तथा प्रवृत्ति और निवृत्ति दोनों के विषय में, ऋषियों द्वारा रचा हुआ विधान बता दिया।