तप, दान और हरि-उपासना की व्यास द्वारा प्रशंसा

श्लोक 1 (13.184.1)

एवमुक्तः स भगवान्मैत्रेयं प्रत्यभाषत । दिष्ट्यैतत्त्वं विजानासि दिष्ट्या ते बुद्धिरीदृशी ॥

evamuktaḥ sa bhagavānmaitreyaṃ pratyabhāṣata | diṣṭyaitattvaṃ vijānāsi diṣṭyā te buddhirīdṛśī

भीष्म ने कहा: ऐसा कहे जाने पर पूज्य व्यास ने मैत्रेय को उत्तर दिया: सौभाग्य से तुम यह जानते हो; सौभाग्य से तुम्हारी बुद्धि ऐसी है।

श्लोक 2 (13.184.2)

लोको ह्ययं गुणानेव भूयिष्ठं सम्प्रशंसति । रूपमानो वयोमानो धनविद्यामदस्तथा ॥

loko hyayaṃ guṇāneva bhūyiṣṭhaṃ sampraśaṃsati | rūpamāno vayomāno dhanavidyāmadastathā

यह संसार प्रायः गुणों की ही प्रशंसा करता है: रूप का अभिमान, आयु का अभिमान, तथा धन और विद्या का मद।

श्लोक 3 (13.184.3)

दिष्ट्या नाभिभवन्ति त्वां दैवस्तेऽयमनुग्रहः । तत्ते बहुगुणं दानं वर्तयिष्यामि तच्छृणु ॥

diṣṭyā nābhibhavanti tvāṃ daivaste'yamanugrahaḥ | tatte bahuguṇaṃ dānaṃ vartayiṣyāmi tacchṛṇu

सौभाग्य से ये तुम्हें अभिभूत नहीं करते; यह तुम पर देवताओं का अनुग्रह है। अब मैं तुम्हें बहुत गुणों वाले दान के विषय में बताऊँगा; उसे सुनो।

श्लोक 4 (13.184.4)

यानीहागमशास्त्राणि याश्च काश्चित्प्रवृत्तयः । तानि वेदं पुरस्कृत्य प्रवृत्तानि यथाक्रमम् ॥

yānīhāgamaśāstrāṇi yāśca kāścitpravṛttayaḥ | tāni vedaṃ puraskṛtya pravṛttāni yathākramam

यहाँ जितने आगम और शास्त्र हैं तथा जो भी प्रवृत्तियाँ हैं, वे सब वेद को आगे रखकर क्रमशः चली हैं।

श्लोक 5 (13.184.5)

अहं दानं प्रशंसामि भवानपि तपःश्रुतेः । तपः पवित्रं वेदस्य तपः स्वर्गस्य साधनम् ॥

ahaṃ dānaṃ praśaṃsāmi bhavānapi tapaḥśruteḥ | tapaḥ pavitraṃ vedasya tapaḥ svargasya sādhanam

मैं दान की प्रशंसा करता हूँ, और आप भी तप और श्रुति की प्रशंसा करते हैं। तप वेद को पवित्र करनेवाला है; तप स्वर्ग का साधन है।

श्लोक 6 (13.184.6)

तपसा महदाप्नोति विद्यया चेति नः श्रुतम् । तपसैव चापनुदेद्यच्चान्यदपि दुष्कृतम् ॥

tapasā mahadāpnoti vidyayā ceti naḥ śrutam | tapasaiva cāpanudedyaccānyadapi duṣkṛtam

हमने सुना है कि तप से और विद्या से मनुष्य महानता पाता है; और तप से ही वह अपने अन्य सब दुष्कर्मों को भी दूर कर सकता है।

श्लोक 7 (13.184.7)

यद्यद्धि किञ्चित्सन्धाय पुरुषस्तप्यते तपः । सर्वमेतदवाप्नोति ब्राह्मणो वेदपारगः ॥

yadyaddhi kiñcitsandhāya puruṣastapyate tapaḥ | sarvametadavāpnoti brāhmaṇo vedapāragaḥ

जो कुछ भी मन में रखकर मनुष्य तप करता है, वेदपारंगत ब्राह्मण वह सब पा लेता है।

श्लोक 8 (13.184.8)

दुरन्वयं दुष्प्रधर्षं दुरापं दुरतिक्रमम् । सर्वं वै तपसाऽभ्येति तपो हि बलवत्तरम् ॥

duranvayaṃ duṣpradharṣaṃ durāpaṃ duratikramam | sarvaṃ vai tapasā'bhyeti tapo hi balavattaram

जो कठिनाई से पाया जाए, जिसे दबाना कठिन हो, जिस तक पहुँचना कठिन हो और जिसे पार करना कठिन हो — वह सब तप से जीत लिया जाता है; क्योंकि तप अधिक बलवान है।

श्लोक 9 (13.184.9)

सुरापः स्वर्णहारी च भ्रूणहा गुरुतल्पगः । तपसा तरते सर्वमेनसश्च प्रमुच्यते ॥

surāpaḥ svarṇahārī ca bhrūṇahā gurutalpagaḥ | tapasā tarate sarvamenasaśca pramucyate

मद्य पीनेवाला, सोना चुरानेवाला, गर्भ की हत्या करनेवाला और गुरु की शय्या का अपमान करनेवाला — ये सब भी तप से तर जाते हैं और पाप से मुक्त हो जाते हैं।

श्लोक 10 (13.184.10)

सर्वो वैद्यस्तु चक्षुष्मानपि यादृशतादृशः । तपस्विनं तथैवाहुस्ताभ्यां कार्यं सतां मतम् ॥

sarvo vaidyastu cakṣuṣmānapi yādṛśatādṛśaḥ | tapasvinaṃ tathaivāhustābhyāṃ kāryaṃ satāṃ matam

हर विद्वान् और हर दृष्टिसम्पन्न पुरुष, चाहे वह जैसा भी हो, उसे भी वे तपस्वी ही कहते हैं; सज्जनों का मत है कि दोनों के पास जाना चाहिए।

श्लोक 11 (13.184.11)

सर्वे पूज्याः श्रुतधनास्तथैव च तपस्विनः । दानप्रदाः सुखं प्रेत्य प्राप्नुवन्तीह च श्रियम् ॥

sarve pūjyāḥ śrutadhanāstathaiva ca tapasvinaḥ | dānapradāḥ sukhaṃ pretya prāpnuvantīha ca śriyam

सब पूजनीय हैं — श्रुतिरूप धन से सम्पन्न विद्वान् और तपस्वी भी; दान देनेवाले परलोक में सुख और यहाँ समृद्धि पाते हैं।

श्लोक 12 (13.184.12)

इमं च ब्रह्मलोकं च लोकं च बलवत्तरम् । अन्नदानैः सुकृतिनः प्रतिपद्यन्ति लौकिकम् ॥

imaṃ ca brahmalokaṃ ca lokaṃ ca balavattaram | annadānaiḥ sukṛtinaḥ pratipadyanti laukikam

अन्न-दान से पुण्यात्मा लोग इस लोक को, ब्रह्मलोक को और उससे भी बलवान लोक को प्राप्त करते हैं, जो सांसारिक लोगों की पहुँच में है।

श्लोक 13 (13.184.13)

पूजिताः पूजयन्त्येते मानिता मानयन्ति च । स दाता यत्र यत्रैति सर्वतः सम्प्रणूयते ॥

pūjitāḥ pūjayantyete mānitā mānayanti ca | sa dātā yatra yatraiti sarvataḥ sampraṇūyate

सम्मानित होकर वे सम्मान करते हैं और आदर पाकर आदर देते हैं। वह दाता जहाँ-जहाँ जाता है, वहाँ सब ओर उसकी स्तुति होती है।

श्लोक 14 (13.184.14)

अकर्ता चैव कर्ता च लभते यस्य यादृशम् । यदि चोर्ध्वं यद्यधो वा स्वान्लोकानभियास्यति ॥

akartā caiva kartā ca labhate yasya yādṛśam | yadi cordhvaṃ yadyadho vā svānlokānabhiyāsyati

कर्ता हो या अकर्ता, जिसे जैसा मिलना है वैसा वह पाता है; ऊपर जाए या नीचे, वह अपने ही लोकों को जाएगा।

श्लोक 15 (13.184.15)

प्राप्स्यसि त्वन्नपानानि यानि दास्यसि कर्हिचित् । मेधाव्यसि कुले जातः श्रुतवाननृशंसवान् ॥

prāpsyasi tvannapānāni yāni dāsyasi karhicit | medhāvyasi kule jātaḥ śrutavānanṛśaṃsavān

तुम जब कभी जो अन्न-पान दोगे, वही तुम्हें प्राप्त होगा। तुम बुद्धिमान हो, उत्तम कुल में जन्मे हो, शास्त्रज्ञ और दयालु हो।

श्लोक 16 (13.184.16)

कौमारदारो व्रतवान्मैत्रेय निरतो भव । एतद्गृहाण प्रथमं प्रशस्तं गृहमेधिनाम् ॥

kaumāradāro vratavānmaitreya nirato bhava | etadgṛhāṇa prathamaṃ praśastaṃ gṛhamedhinām

मैत्रेय, तुमने युवावस्था में विवाह किया है और व्रत का पालन करते हो; इसी में लगे रहो — गृहस्थों के इस पहले और सबसे प्रशंसित कर्तव्य को ग्रहण करो।

श्लोक 17 (13.184.17)

यो भर्ता वासितातुष्टो भर्तुस्तुष्टा च वासिता । यस्मिन्नेवं कुले सर्वं कल्याणं तत्र वर्तते ॥

yo bhartā vāsitātuṣṭo bhartustuṣṭā ca vāsitā | yasminnevaṃ kule sarvaṃ kalyāṇaṃ tatra vartate

जहाँ पति अपनी पत्नी से और पत्नी अपने पति से संतुष्ट रहती है, उस कुल में सब मंगल निवास करता है।

श्लोक 18 (13.184.18)

अद्भिर्गात्रान्मलमिव तमोऽग्निप्रभया यथा । दानेन तपसा चैव विष्णोरभ्यर्चनेन च । ब्राह्मणः स महाभाग तरेत्संसारसागरात् ॥

adbhirgātrānmalamiva tamo'gniprabhayā yathā | dānena tapasā caiva viṣṇorabhyarcanena ca | brāhmaṇaḥ sa mahābhāga taretsaṃsārasāgarāt

जैसे जल शरीर से मैल को और अग्नि का प्रकाश अन्धकार को दूर करता है, वैसे ही दान, तप और विष्णु की उपासना से, हे महाभाग, ब्राह्मण संसार-सागर से तर जाता है।

श्लोक 19 (13.184.19)

स्वकर्मशुद्धसत्त्वानां तपोभिर्निर्मलात्मनाम् । विद्यया गतमोहानां तारणाय हरिः स्मृतः ॥

svakarmaśuddhasattvānāṃ tapobhirnirmalātmanām | vidyayā gatamohānāṃ tāraṇāya hariḥ smṛtaḥ

जिनका सत्त्व अपने कर्मों से शुद्ध हो गया है, जिनकी आत्मा तप से निर्मल है और जिनका मोह विद्या से दूर हो गया है, उन्हें तारनेवाले के रूप में हरि का स्मरण किया गया है।

श्लोक 20 (13.184.20)

तदर्चनपरो नित्यं तद्भक्तस्तं नमस्कुरु । तद्भक्ता न विनश्यन्ति ह्यष्टाक्षरपरायणाः ॥

tadarcanaparo nityaṃ tadbhaktastaṃ namaskuru | tadbhaktā na vinaśyanti hyaṣṭākṣaraparāyaṇāḥ

सदा उसकी उपासना में लगे रहो, उसके भक्त बनो और उसे नमस्कार करो; उसके भक्त, जो अष्टाक्षर मन्त्र के परायण हैं, कभी नष्ट नहीं होते।

श्लोक 21 (13.184.21)

प्रणवोपासनपराः परमार्थिपरास्त्विह । एतैः पावय चात्मानं सर्वपापमपोह्य च ॥

praṇavopāsanaparāḥ paramārthiparāstviha | etaiḥ pāvaya cātmānaṃ sarvapāpamapohya ca

प्रणव की उपासना में लगे रहो और यहाँ परम तत्त्व की ही साधना करो। इनसे अपने को पवित्र करो और सब पाप दूर कर दो।

श्लोक 22 (13.184.22)

स्वस्ति प्राप्नुहि मैत्रेय गृहान्साधु व्रजाम्यहम् । एतन्मनसि कर्तव्यं श्रेय एवं भविष्यति ॥

svasti prāpnuhi maitreya gṛhānsādhu vrajāmyaham | etanmanasi kartavyaṃ śreya evaṃ bhaviṣyati

हे मैत्रेय, तुम्हारा कल्याण हो; अब मैं अपने मार्ग पर जाता हूँ। इसे मन में रखना, इससे तुम्हारा श्रेय होगा।

श्लोक 23 (13.184.23)

तं प्रणम्याथ मैत्रेयः कृत्वा चापि प्रदक्षिणम् । स्वस्ति प्राप्नोतु भगवानित्युवाच कृताञ्जलिः ॥

taṃ praṇamyātha maitreyaḥ kṛtvā cāpi pradakṣiṇam | svasti prāpnotu bhagavānityuvāca kṛtāñjaliḥ

भीष्म ने कहा: मैत्रेय ने उन्हें प्रणाम किया और प्रदक्षिणा की, फिर हाथ जोड़कर कहा, "भगवान् का कल्याण हो।"