वायु द्वारा तिलोदक-दान और प्रायश्चित्त का उपदेश

श्लोक 1 (13.191.1)

किञ्चिद्धर्मं प्रवक्ष्यामि मानुषाणां सुखावहम् । सरहस्याश्च ये दोषास्ताञ्शृणुध्वं समाहिताः ॥

kiñciddharmaṃ pravakṣyāmi mānuṣāṇāṃ sukhāvaham | sarahasyāśca ye doṣāstāñśṛṇudhvaṃ samāhitāḥ

मैं मनुष्यों को सुख देने वाला कुछ धर्म बताऊँगा, और रहस्य सहित वे दोष भी बताऊँगा। तुम सब ध्यान से सुनो।

श्लोक 2 (13.191.2)

अग्निकार्यं च कर्तव्यं परमान्नेन भोजनम् । दीपकश्चापि कर्तव्यः पितॄणां सतिलोदकः ॥

agnikāryaṃ ca kartavyaṃ paramānnena bhojanam | dīpakaścāpi kartavyaḥ pitṝṇāṃ satilodakaḥ

अग्निकार्य करना चाहिए, उत्तम अन्न का भोजन देना चाहिए और पितरों के लिए तिलमिश्रित जल के साथ दीप रखना चाहिए।

श्लोक 3 (13.191.3)

एतेन विधिना मर्त्यः श्रद्दधानः समाहितः । चतुरो वार्षिकान्मासान्यो ददाति तिलोदकम् ॥

etena vidhinā martyaḥ śraddadhānaḥ samāhitaḥ | caturo vārṣikānmāsānyo dadāti tilodakam

जो मनुष्य श्रद्धा और एकाग्रता के साथ इसी विधि से वर्षा के चारों महीनों में तिलोदक देता है,

श्लोक 4 (13.191.4)

भोजनं च यथाशक्त्या ब्राह्मणे वेदपारगे । पशुबन्धशतस्येह फलं प्राप्नोति पुष्कलम् ॥

bhojanaṃ ca yathāśaktyā brāhmaṇe vedapārage | paśubandhaśatasyeha phalaṃ prāpnoti puṣkalam

और वेद के पारगामी ब्राह्मण को अपनी शक्ति के अनुसार भोजन कराता है, वह यहीं सौ पशुयज्ञों का पूरा फल पा लेता है।

श्लोक 5 (13.191.5)

इदं चैवापरं गुह्यमप्रशस्तं निबोधत । अग्नेस्तु वृषलो नेता हविर्मूढाश्च योषितः ॥

idaṃ caivāparaṃ guhyamapraśastaṃ nibodhata | agnestu vṛṣalo netā havirmūḍhāśca yoṣitaḥ

यह दूसरा गोपनीय और अशुभ विषय भी सुनो: जब कोई वृषल (निम्न जाति का पुरुष) अग्नि का नेता बनता है और स्त्रियाँ हवि के विषय में मोहग्रस्त होती हैं,

श्लोक 6 (13.191.6)

मन्यते धर्म एवेति स चाधर्मेण लिप्यते । अग्नयस्तस्य कुप्यन्ति शूद्रयोनिं स गच्छति ॥

manyate dharma eveti sa cādharmeṇa lipyate | agnayastasya kupyanti śūdrayoniṃ sa gacchati

और वह यह सोचता है कि "यह धर्म ही है", तो वह अधर्म से लिप्त हो जाता है; उसकी अग्नियाँ कुपित हो जाती हैं और वह शूद्र योनि में जाता है।

श्लोक 7 (13.191.7)

पितरश्च न तुष्यन्ति सह देवैर्विशेषतः । प्रायश्चित्तं तु यत्तत्र ब्रुवतस्तन्निबोध मे । यत्कृत्वा तु नरः सम्यक्सुखी भवति विज्वरः ॥

pitaraśca na tuṣyanti saha devairviśeṣataḥ | prāyaścittaṃ tu yattatra bruvatastannibodha me | yatkṛtvā tu naraḥ samyaksukhī bhavati vijvaraḥ

पितर संतुष्ट नहीं होते और देवता तो विशेष रूप से नहीं होते। इस विषय में जो प्रायश्चित्त है, उसे मुझसे सुनो, जिसे भली-भाँति करके मनुष्य सुखी और सन्ताप से रहित हो जाता है।

श्लोक 8 (13.191.8)

गवां मूत्रपुरीषेण पयसा च घृतेन च । अग्निकार्यं त्र्यहं कुर्यान्निराहारः समाहितः ॥

gavāṃ mūtrapurīṣeṇa payasā ca ghṛtena ca | agnikāryaṃ tryahaṃ kuryānnirāhāraḥ samāhitaḥ

गोमूत्र, गोबर, दूध और घी से वह तीन दिन तक निराहार रहकर, एकाग्र मन से अग्निकार्य करे।

श्लोक 9 (13.191.9)

ततः संवत्सरे पूर्णे प्रतिगृह्णन्ति देवताः । हृष्यन्ति पितरश्चास्य श्राद्धकाल उपस्थिते ॥

tataḥ saṃvatsare pūrṇe pratigṛhṇanti devatāḥ | hṛṣyanti pitaraścāsya śrāddhakāla upasthite

तब वर्ष पूरा होने पर देवता उसकी हवि स्वीकार करते हैं और श्राद्ध का समय आने पर उसके पितर प्रसन्न होते हैं।

श्लोक 10 (13.191.10)

एष ह्यधर्मो धर्मश्च सरहस्यः प्रकीर्तितः । मर्त्यानां स्वर्गकामानां प्रेत्य स्वर्गसुखावहः ॥

eṣa hyadharmo dharmaśca sarahasyaḥ prakīrtitaḥ | martyānāṃ svargakāmānāṃ pretya svargasukhāvahaḥ

स्वर्ग की कामना करने वाले मनुष्यों के लिए यह अधर्म और यह धर्म रहस्य सहित बताया गया; यह मरने के बाद स्वर्ग का सुख देने वाला है।