कर्मफल: इस लोक और परलोक में

श्लोक 1 (13.224.1)

भगवन्देवदेवेश लोकपालनमस्कृत । प्रसादात्ते महादेव श्रुता मे कर्मणां गतिः ॥

bhagavandevadeveśa lokapālanamaskṛta | prasādātte mahādeva śrutā me karmaṇāṃ gatiḥ

हे भगवन्, देवताओं के देव, लोकपालों से वन्दित महादेव! आपकी कृपा से मैंने कर्मों की गति सुन ली।

श्लोक 2 (13.224.2)

सङ्गृहीतं च तत्सर्वं तत्वतोऽमृतसंनिभम् । कर्मणा ग्रथितं सर्वमिति वेद शुभाशुभम् ॥

saṅgṛhītaṃ ca tatsarvaṃ tatvato'mṛtasaṃnibham | karmaṇā grathitaṃ sarvamiti veda śubhāśubham

मैंने वह सब यथार्थ रूप में अमृत के समान ग्रहण कर लिया है; मैं जान गई कि शुभ और अशुभ सब कुछ कर्म से गुँथा हुआ है।

श्लोक 3 (13.224.3)

गोवत्सवच्च जननीं निम्नं सलिलवत्तथा । कर्तारं स्वकृतं कर्म नित्यं तदनुधावति ॥

govatsavacca jananīṃ nimnaṃ salilavattathā | kartāraṃ svakṛtaṃ karma nityaṃ tadanudhāvati

जैसे बछड़ा अपनी माँ के पीछे और जल नीची भूमि की ओर दौड़ता है, वैसे ही अपना किया कर्म सदा कर्ता के पीछे दौड़ता है।

श्लोक 4 (13.224.4)

कृतस्य कर्मणश्चेह नाशो नास्तीति निश्चयः । अशुभस्य शुभस्यापि तदप्युपगतं मया ॥

kṛtasya karmaṇaśceha nāśo nāstīti niścayaḥ | aśubhasya śubhasyāpi tadapyupagataṃ mayā

मुझे निश्चय हो गया है कि किया हुआ कर्म, चाहे अशुभ हो या शुभ, कभी नष्ट नहीं होता; यह भी मैंने समझ लिया है।

श्लोक 5 (13.224.5)

भूय एव महादेव वरद प्रीतिवर्धन । कर्मणां गतिमाश्रित्य संशयान्मोक्तुमर्हसि ॥

bhūya eva mahādeva varada prītivardhana | karmaṇāṃ gatimāśritya saṃśayānmoktumarhasi

फिर भी, हे महादेव, वर देने वाले, प्रीति बढ़ाने वाले! कर्मों की गति के आधार पर आप मुझे मेरी शंकाओं से मुक्त कीजिए।

श्लोक 6 (13.224.6)

यत्ते विवक्षितं देवि गुह्यमप्यसितेक्षणे । तत्सर्वं निर्विशंका त्वं पृच्छ मां शुभलक्षणे ॥

yatte vivakṣitaṃ devi guhyamapyasitekṣaṇe | tatsarvaṃ nirviśaṃkā tvaṃ pṛccha māṃ śubhalakṣaṇe

हे देवी, काली आँखों वाली! तुम जो पूछना चाहती हो, चाहे वह गुप्त ही क्यों न हो, हे शुभ लक्षणों वाली! वह सब निःशंक होकर मुझसे पूछो।

श्लोक 7 (13.224.7)

एवं व्यवस्थिते लोके कर्मणा वृषभध्वज । कृत्वा तत्पुरुषः कर्म शुभं वा यदि वेतरत् ॥

evaṃ vyavasthite loke karmaṇā vṛṣabhadhvaja | kṛtvā tatpuruṣaḥ karma śubhaṃ vā yadi vetarat

हे वृषभध्वज! जब संसार इस प्रकार व्यवस्थित है, तब मनुष्य शुभ या अशुभ कोई कर्म करके

श्लोक 8 (13.224.8)

कर्मणः सुकृतस्येह कदा भुङ्क्ते फलं पुनः । इह वा प्रेत्य वा देव तन्मे शंसितुमर्हसि ॥

karmaṇaḥ sukṛtasyeha kadā bhuṅkte phalaṃ punaḥ | iha vā pretya vā deva tanme śaṃsitumarhasi

अपने किए सत्कर्म का फल कब भोगता है — यहीं, या मरने के बाद? हे देव! यह मुझे बताइए।

श्लोक 9 (13.224.9)

स्थाने संशयितं देवि तद्धि गुह्यतमं नृषु । त्वत्प्रियार्थं प्रवक्ष्यामि देवि गुह्यं शुभानने ॥

sthāne saṃśayitaṃ devi taddhi guhyatamaṃ nṛṣu | tvatpriyārthaṃ pravakṣyāmi devi guhyaṃ śubhānane

हे देवी! तुमने ठीक ही पूछा; यह मनुष्यों के बीच सबसे गुप्त बात है। हे सुन्दर मुखवाली! तुम्हारी प्रसन्नता के लिए मैं यह रहस्य कहूँगा।

श्लोक 10 (13.224.10)

पूर्वदेहकृतं कर्म भुञ्जते तदिह प्रजाः । इहैव यत्कृतं पुंसां तत्परत्र फलिष्यति । एषा व्यवस्थितिर्देवि मानुषेष्वेव दृश्यते ॥

pūrvadehakṛtaṃ karma bhuñjate tadiha prajāḥ | ihaiva yatkṛtaṃ puṃsāṃ tatparatra phaliṣyati | eṣā vyavasthitirdevi mānuṣeṣveva dṛśyate

पूर्वशरीर में किए कर्म का फल लोग यहाँ भोगते हैं। जो कर्म मनुष्य यहाँ करते हैं, वह परलोक में फलेगा। हे देवी! यह व्यवस्था केवल मनुष्यों में ही देखी जाती है।

श्लोक 11 (13.224.11)

देवानामसुराणां च अमरत्वात्तपोबलात् । एकेनैव शरीरेण भुज्यते कर्मणां फलम् । मानुषैर्न तथा देवि अन्तरं त्वेतदिष्यते ॥

devānāmasurāṇāṃ ca amaratvāttapobalāt | ekenaiva śarīreṇa bhujyate karmaṇāṃ phalam | mānuṣairna tathā devi antaraṃ tvetadiṣyate

देवताओं और असुरों के लिए अमरता और तपोबल के कारण कर्मों का फल एक ही शरीर से भोगा जाता है। हे देवी! मनुष्यों के लिए ऐसा नहीं है; यही भेद माना जाता है।