दैव और पुरुषार्थ, गर्भ में आत्मा का प्रवेश और नास्तिकों का संशय

श्लोक 1 (13.228.1)

भगवन्सर्वभूतेश लोके कर्मक्रियापथे । दैवात्प्रवर्तते सर्वमिति केचिद्व्यवस्थिताः ॥

bhagavansarvabhūteśa loke karmakriyāpathe | daivātpravartate sarvamiti kecidvyavasthitāḥ

हे भगवन्, सब प्राणियों के स्वामी! लोक में कर्म के मार्ग पर कुछ लोग मानते हैं कि सब कुछ दैव से चलता है;

श्लोक 2 (13.228.2)

अपरे चेष्टया चेति दृष्ट्वा प्रत्यक्षतः क्रियाम् । पक्षभेदे द्विधा चास्मिन्संशयस्थं मनो मम । तत्त्वं वद महादेव श्रोतुं कौतूहलं हि मे ॥

apare ceṣṭayā ceti dṛṣṭvā pratyakṣataḥ kriyām | pakṣabhede dvidhā cāsminsaṃśayasthaṃ mano mama | tattvaṃ vada mahādeva śrotuṃ kautūhalaṃ hi me

दूसरे लोग, प्रयत्न में कर्म को प्रत्यक्ष देखकर, मानते हैं कि वह चेष्टा से चलता है। इन दो पक्षों के बीच मेरा मन संशय में है। हे महादेव, मुझे सत्य बताइए; मुझे सुनने की बड़ी उत्सुकता है।

श्लोक 3 (13.228.3)

तदहं ते प्रवक्ष्यामि शृणु तत्वं समाहिता । तदेवं कुरुते कर्म लोके देवि शुभाशुभम् ॥

tadahaṃ te pravakṣyāmi śṛṇu tatvaṃ samāhitā | tadevaṃ kurute karma loke devi śubhāśubham

वह मैं तुम्हें बताऊँगा; ध्यान से सत्य सुनो। इस प्रकार, हे देवी, लोक में शुभ और अशुभ कर्म किया जाता है।

श्लोक 4 (13.228.4)

लक्ष्यते द्विविधं कर्म मानुषेष्वेव तच्छृणु । पुराकृतं तयोरेकमैहिकं त्वितरस्तथा ॥

lakṣyate dvividhaṃ karma mānuṣeṣveva tacchṛṇu | purākṛtaṃ tayorekamaihikaṃ tvitarastathā

मनुष्यों में कर्म दो प्रकार का दिखाई देता है; उसे सुनो। एक वह जो पहले किया गया था, और दूसरा वह जो इस जन्म का है।

श्लोक 5 (13.228.5)

अदृष्टपूर्वं यत्कर्म तद्दैवमिति लक्ष्यते । विहीनं दृष्टकरणं तन्मानुषमिति स्मृतम् ॥

adṛṣṭapūrvaṃ yatkarma taddaivamiti lakṣyate | vihīnaṃ dṛṣṭakaraṇaṃ tanmānuṣamiti smṛtam

जिस कर्म का कारण पहले कभी दिखा नहीं, वह दैव कहलाता है; और दूसरा, जो उससे रहित है और जिसका साधन दीखता है, मानुष कहा गया है।

श्लोक 6 (13.228.6)

मानुषं तु क्रियामात्रं दैवात्सम्भवते फलम् । एवं तदुभयं कर्म मानुषं विद्धि तन्नृषु ॥

mānuṣaṃ tu kriyāmātraṃ daivātsambhavate phalam | evaṃ tadubhayaṃ karma mānuṣaṃ viddhi tannṛṣu

मानुष कर्म केवल क्रिया है; फल दैव से उत्पन्न होता है। इस प्रकार दोनों कर्म हैं; मनुष्यों में उसे मानुष ही जानो।

श्लोक 7 (13.228.7)

लौकिकं तु प्रवक्ष्यामि दैवमानुषनिर्मितम् । कृषौ तु दृश्यते कर्म कर्षणं वपनं तथा ॥

laukikaṃ tu pravakṣyāmi daivamānuṣanirmitam | kṛṣau tu dṛśyate karma karṣaṇaṃ vapanaṃ tathā

अब मैं लोक-सम्बन्धी बात कहूँगा, जो दैव और मानुष से बनी है। खेती में कर्म दिखाई देता है: जोतना और बोना,

श्लोक 8 (13.228.8)

रोपणं चैव लवनं यच्चान्यत्पौरुषं स्मृतम् । दैवादसिद्धिश्च भवेद्दुष्कृतं चास्ति पौरुषे ॥

ropaṇaṃ caiva lavanaṃ yaccānyatpauruṣaṃ smṛtam | daivādasiddhiśca bhavedduṣkṛtaṃ cāsti pauruṣe

रोपना और काटना, और जो कुछ और पुरुषार्थ माना गया है। असफलता दैव से होती है, और पुरुषार्थ में दुष्कर्म भी होता है।

श्लोक 9 (13.228.9)

सुयत्नाल्लभ्यते कीर्तिर्दुर्यत्नादयशस्तथा । एवं लोकगतिर्देवि आदिप्रभृति वर्तते ॥

suyatnāllabhyate kīrtirduryatnādayaśastathā | evaṃ lokagatirdevi ādiprabhṛti vartate

अच्छे प्रयत्न से कीर्ति मिलती है, बुरे प्रयत्न से अपयश। इस प्रकार, हे देवी, लोक की गति आदि से चली आ रही है।

श्लोक 10 (13.228.10)

भगवन्सर्वलोकेश सुरासुरनमस्कृत । कथमात्मा सदा गर्भं संविशेत्कर्मकारणात् । तन्मे वद महादेव तद्धि गुह्यं परं मतम् ॥

bhagavansarvalokeśa surāsuranamaskṛta | kathamātmā sadā garbhaṃ saṃviśetkarmakāraṇāt | tanme vada mahādeva taddhi guhyaṃ paraṃ matam

हे सब लोकों के स्वामी, सुरों और असुरों से नमस्कृत! कर्म के कारण आत्मा सदा गर्भ में कैसे प्रवेश करता है? हे महादेव, मुझे यह बताइए, क्योंकि मैं इसे परम रहस्य मानती हूँ।

श्लोक 11 (13.228.11)

शृणु भामिनि तत्सर्वं गुह्यानां परमं प्रिये । देवगुह्यादपि परमात्मगुह्यमिति स्मृतम् ॥

śṛṇu bhāmini tatsarvaṃ guhyānāṃ paramaṃ priye | devaguhyādapi paramātmaguhyamiti smṛtam

हे भामिनी, वह सब सुनो, प्रिये; वह रहस्यों में परम रहस्य है। देवताओं के रहस्य से भी ऊँचा आत्मा का रहस्य कहा गया है।

श्लोक 12 (13.228.12)

देवासुरास्तन्न विदुरात्मनो हि गतागतम् । अदृश्यो हि सदैवात्मा जनैः सौक्ष्म्यान्निराश्रयात् ॥

devāsurāstanna vidurātmano hi gatāgatam | adṛśyo hi sadaivātmā janaiḥ saukṣmyānnirāśrayāt

देवता और असुर आत्मा के आने-जाने को नहीं जानते। आत्मा अपनी सूक्ष्मता और निराश्रय होने के कारण लोगों को सदा अदृश्य रहता है।

श्लोक 13 (13.228.13)

अतिमायेति मायानामात्ममाया सदेष्यते । सोयं चतुर्विधां जातिं संविशत्यात्ममायया । मैथुनं शोणितं बीजं दैवमेवात्र कारणम् ॥

atimāyeti māyānāmātmamāyā sadeṣyate | soyaṃ caturvidhāṃ jātiṃ saṃviśatyātmamāyayā | maithunaṃ śoṇitaṃ bījaṃ daivamevātra kāraṇam

मायाओं में आत्मा की माया को अतिमाया माना गया है। वही आत्मा अपनी माया से चार प्रकार की जाति में प्रवेश करता है; यहाँ मैथुन, शोणित और बीज कारण हैं, और दैव ही कारण है।

श्लोक 14 (13.228.14)

बीजशोणितसंयोगे यदा सम्भवते शुभे । तदाऽऽत्मा विशते गर्भमेवमण्डजरायुजे ॥

bījaśoṇitasaṃyoge yadā sambhavate śubhe | tadā''tmā viśate garbhamevamaṇḍajarāyuje

हे शुभे, जब बीज और शोणित का संयोग होता है, तब आत्मा गर्भ में प्रवेश करता है, अण्डजों में भी और जरायुजों में भी।

श्लोक 15 (13.228.15)

एवं संयोगकाले तु आत्मा गर्भत्वमेयिवान् ॥

evaṃ saṃyogakāle tu ātmā garbhatvameyivān

इस प्रकार संयोग के समय आत्मा गर्भ-भाव को प्राप्त होता है।

श्लोक 16 (13.228.16)

कलिलाज्जायते पिण्डं पिण्डात्पेश्यर्बुदं भवेत् । व्यक्तिभावगतं चैव कर्म त्वाश्रयते क्रमात् ॥

kalilājjāyate piṇḍaṃ piṇḍātpeśyarbudaṃ bhavet | vyaktibhāvagataṃ caiva karma tvāśrayate kramāt

कलल से पिण्ड उत्पन्न होता है; पिण्ड से मांसपेशी और अर्बुद बनता है; और जब वह स्पष्ट रूप धारण कर लेता है, तब कर्म क्रम से उसका आश्रय लेता है।

श्लोक 17 (13.228.17)

एवं विवर्धमानेन कर्मात्मा सह वर्धते । एवमात्मगतिं विद्धि यन्मां पृच्छसि सुप्रभे ॥

evaṃ vivardhamānena karmātmā saha vardhate | evamātmagatiṃ viddhi yanmāṃ pṛcchasi suprabhe

इस प्रकार बढ़ते हुए के साथ कर्म भी आत्मा के साथ बढ़ता है। हे सुप्रभे, जो तुम मुझसे पूछ रही हो, आत्मा की गति इसी प्रकार जानो।

श्लोक 18 (13.228.18)

रोपणं चैव लवनं यच्चान्यत्पौरुषं स्मृतम् ॥

ropaṇaṃ caiva lavanaṃ yaccānyatpauruṣaṃ smṛtam

रोपना और काटना, और जो कुछ और पुरुषार्थ माना गया है।

श्लोक 19 (13.228.19)

काले वृष्टिः सुवापं च प्ररोहः पक्तिरेव च । एवमादि तु यच्चान्यत्तद्दैवतमिति स्मृतम् ॥

kāle vṛṣṭiḥ suvāpaṃ ca prarohaḥ paktireva ca | evamādi tu yaccānyattaddaivatamiti smṛtam

समय पर वर्षा, अच्छी बुवाई, अंकुर फूटना और पकना, और इसी प्रकार का जो कुछ और है, वह दैव माना गया है।

श्लोक 20 (13.228.20)

पञ्चभूतस्थितिश्चैव ज्योतिषामयनं तथा । अबुद्धिगम्यं यन्मर्त्यैर्हेतुभिर्वा न विद्यते ॥

pañcabhūtasthitiścaiva jyotiṣāmayanaṃ tathā | abuddhigamyaṃ yanmartyairhetubhirvā na vidyate

पाँच भूतों की स्थिति और ज्योतिषों की गति, जो कुछ मनुष्यों की बुद्धि की पहुँच से परे है या जिसका हेतु तर्कों से नहीं जाना जाता,

श्लोक 21 (13.228.21)

तादृशं कारणं दैवं शुभं वा यदि वेतरत् । यादृशं चात्मना शक्यं तत्पौरुषमिति स्मृतम् ॥

tādṛśaṃ kāraṇaṃ daivaṃ śubhaṃ vā yadi vetarat | yādṛśaṃ cātmanā śakyaṃ tatpauruṣamiti smṛtam

ऐसा कारण दैव है, चाहे वह शुभ हो या अन्य; और जो कुछ अपने द्वारा किया जा सकता है, वह पुरुषार्थ माना गया है।

श्लोक 22 (13.228.22)

केवलं फलनिष्पत्तिरेकेन तु न शक्यते । पौरुषेणैव दैवेन युगपद्ग्रथितं प्रिये । तयोः समाहितं कर्म शीतोष्णं युगपत्तथा ॥

kevalaṃ phalaniṣpattirekena tu na śakyate | pauruṣeṇaiva daivena yugapadgrathitaṃ priye | tayoḥ samāhitaṃ karma śītoṣṇaṃ yugapattathā

फल की निष्पत्ति अकेले एक से नहीं हो सकती; पुरुषार्थ और दैव, प्रिये, एक साथ गुँथे हुए हैं। उन दोनों का मिला हुआ कर्म शीत और उष्ण के एक साथ होने के समान है।

श्लोक 23 (13.228.23)

पौरुषं तु तयोः पूर्वमारब्धव्यं विजानता । आत्मना तु न शक्यं हि न तथा कीर्तिमाप्नुयात् ॥

pauruṣaṃ tu tayoḥ pūrvamārabdhavyaṃ vijānatā | ātmanā tu na śakyaṃ hi na tathā kīrtimāpnuyāt

इन दोनों में जानने वाले को पहले पुरुषार्थ आरम्भ करना चाहिए; जो अकेले अपने से सम्भव नहीं, वह नहीं मिलता, और उस प्रकार वह कीर्ति भी नहीं पाता।

श्लोक 24 (13.228.24)

खननान्मथनाल्लोके जलाग्निप्रापणं यथा । तथा पुरुषकारे तु दैवसम्पत्समाहिता ॥

khananānmathanālloke jalāgniprāpaṇaṃ yathā | tathā puruṣakāre tu daivasampatsamāhitā

जैसे लोक में खोदने से जल और मथने से अग्नि प्राप्त होती है, वैसे ही पुरुषार्थ होने पर दैव की सम्पत्ति उससे जुड़ जाती है।

श्लोक 25 (13.228.25)

नरस्याकुर्वतः कर्म दैवसम्पन्न लभ्यते । तस्मात्सर्वसमारम्भो दैवमानुषनिर्मितः ॥

narasyākurvataḥ karma daivasampanna labhyate | tasmātsarvasamārambho daivamānuṣanirmitaḥ

जो मनुष्य कर्म नहीं करता, उसे दैव की सम्पत्ति नहीं मिलती। इसलिए हर आरम्भ दैव और पुरुषार्थ दोनों से बना है।

श्लोक 26 (13.228.26)

असुरा राक्षसाश्चैव मन्यन्ते लोकनाशनाः । पश्यन्ते न च ते पापाः केवलं मांसभक्षणाः ॥

asurā rākṣasāścaiva manyante lokanāśanāḥ | paśyante na ca te pāpāḥ kevalaṃ māṃsabhakṣaṇāḥ

लोक का नाश करने वाले असुर और राक्षस अपनी-अपनी धारणा बनाते हैं; परन्तु वे पापी, केवल मांस खाने वाले, देखते नहीं।

श्लोक 27 (13.228.27)

प्रच्छादितं हि तत्सर्वं गूढमाया हि देवताः । तदहं ते प्रवक्ष्यामि देवि गुह्यं पुरस्सरम् ॥

pracchāditaṃ hi tatsarvaṃ gūḍhamāyā hi devatāḥ | tadahaṃ te pravakṣyāmi devi guhyaṃ purassaram

वह सब ढका हुआ है, क्योंकि देवता गूढ़ माया वाले हैं। हे देवी, मैं तुम्हें वह रहस्य क्रम से बताऊँगा।

श्लोक 28 (13.228.28)

आदिकाले नराः सर्वे कृत्वा कर्म शुभाशुभम् । भुञ्जते पश्यमानास्ते वृत्तान्तं लोकयोर्द्वयोः ॥

ādikāle narāḥ sarve kṛtvā karma śubhāśubham | bhuñjate paśyamānāste vṛttāntaṃ lokayordvayoḥ

आदि काल में सब मनुष्य शुभ और अशुभ कर्म करके उसका फल भोगते थे, और दोनों लोकों का वृत्तान्त देखते थे।

श्लोक 29 (13.228.29)

यथैवात्मकृतं विद्युर्देशान्तरगता नराः । विद्युस्तथैवान्तकाले सुकृतं पौर्वदैहिकम् ॥

yathaivātmakṛtaṃ vidyurdeśāntaragatā narāḥ | vidyustathaivāntakāle sukṛtaṃ paurvadaihikam

जैसे दूसरे देश में गए मनुष्य अपना किया हुआ जानते हैं, वैसे ही अन्त समय में वे पूर्व देह में किया हुआ सुकृत जानते थे।

श्लोक 30 (13.228.30)

एवं व्यवस्थिते लोके सर्वे धर्मरताऽभवन् । अचिरेणैव कालेन स्वर्गः सम्पूरितस्तदा ॥

evaṃ vyavasthite loke sarve dharmaratā'bhavan | acireṇaiva kālena svargaḥ sampūritastadā

इस प्रकार लोक के स्थित रहने पर सब धर्म में रत हो गए, और थोड़े ही समय में स्वर्ग भर गया।

श्लोक 31 (13.228.31)

देवानामपि सम्बाधं दृष्ट्वा ब्रह्माऽप्यचिन्तयत् । सञ्चरन्ते कथं स्वर्गं मानुषाः प्रविशन्ति हि ॥

devānāmapi sambādhaṃ dṛṣṭvā brahmā'pyacintayat | sañcarante kathaṃ svargaṃ mānuṣāḥ praviśanti hi

देवताओं को भी भीड़ में देखकर ब्रह्मा ने भी सोचा: यदि मनुष्य स्वर्ग में प्रवेश करते हैं, तो देवता वहाँ कैसे घूमेंगे?

श्लोक 32 (13.228.32)

इत्येवमनुचिन्त्यैव मानुषान्सममोहयत् । तदाप्रभृति ते मर्त्या न विदुस्ते पुराकृतम् ॥

ityevamanucintyaiva mānuṣānsamamohayat | tadāprabhṛti te martyā na viduste purākṛtam

ऐसा सोचकर उन्होंने मनुष्यों को मोहित कर दिया। तभी से मनुष्य अपना पहले का किया हुआ नहीं जानते।

श्लोक 33 (13.228.33)

कामक्रोधौ तु तत्काले मानुषेष्ववपातयत् । ताभ्यामभिहता मर्त्याः स्वर्गलोकं न पेदिरे ॥

kāmakrodhau tu tatkāle mānuṣeṣvavapātayat | tābhyāmabhihatā martyāḥ svargalokaṃ na pedire

उस समय उन्होंने मनुष्यों में काम और क्रोध डाल दिए। उन दोनों से आहत होकर मनुष्य स्वर्गलोक को नहीं पा सके।

श्लोक 34 (13.228.34)

पुराकृतस्याविज्ञानात्कामक्रोधाभिपीडिताः । नैतदस्तीति मन्वाना विकारांश्चक्रिरे पुनः ॥

purākṛtasyāvijñānātkāmakrodhābhipīḍitāḥ | naitadastīti manvānā vikārāṃścakrire punaḥ

पहले के किए हुए का ज्ञान न रहने से, काम और क्रोध से पीड़ित होकर, "यह कुछ नहीं है" ऐसा मानते हुए वे फिर विकार करने लगे।

श्लोक 35 (13.228.35)

अकार्यादिमहादोषानाहरन्त्यात्मकारणात् । विस्मृत्य धर्मकार्याणि परलोकभयं तदा ॥

akāryādimahādoṣānāharantyātmakāraṇāt | vismṛtya dharmakāryāṇi paralokabhayaṃ tadā

वे अपने स्वार्थ के लिए अकार्य आदि बड़े दोषों को अपनाने लगे, और धर्म के कर्तव्यों तथा परलोक के भय को भूल गए।

श्लोक 36 (13.228.36)

एवं व्यवस्थिते लोके कश्मलं समपद्यत । लोकानां चैव देवानां क्षयायैव तथा प्रिये । नरकाः पूरिताश्चासन्प्राणिभिः पापकारिभिः ॥

evaṃ vyavasthite loke kaśmalaṃ samapadyata | lokānāṃ caiva devānāṃ kṣayāyaiva tathā priye | narakāḥ pūritāścāsanprāṇibhiḥ pāpakāribhiḥ

इस प्रकार लोक के स्थित रहने पर, प्रिये, लोकों और देवताओं के विनाश के लिए ही भ्रम उत्पन्न हो गया; और नरक पापी प्राणियों से भर गए।

श्लोक 37 (13.228.37)

पुनरेव तु तान्दृष्ट्वा लोककर्ता पितामहः । अचिन्तयत्तमेवार्थं लोकानां हितकारणात् । समत्वेन कथं लोके वर्तेतेति मुहुर्मुहुः ॥

punareva tu tāndṛṣṭvā lokakartā pitāmahaḥ | acintayattamevārthaṃ lokānāṃ hitakāraṇāt | samatvena kathaṃ loke varteteti muhurmuhuḥ

उन्हें फिर देखकर लोककर्ता पितामह ने लोकों के हित के लिए उसी विषय पर बार-बार विचार किया: समानता से यह लोक कैसे चले?

श्लोक 38 (13.228.38)

चिन्तयित्वा तदा ब्रह्मा ज्ञानेन तपसा प्रिये । अकरोज्ज्ञानदृश्यं तत्परलोकं न चक्षुषा ॥

cintayitvā tadā brahmā jñānena tapasā priye | akarojjñānadṛśyaṃ tatparalokaṃ na cakṣuṣā

विचार करके तब ब्रह्मा ने, प्रिये, ज्ञान और तप से परलोक को ज्ञान से दिखने योग्य बना दिया, आँख से नहीं।

श्लोक 39 (13.228.39)

भगवन्मृतमात्रस्तु योयं जात इति स्मृतः । तथैव दृश्यते जातस्तत्रात्मा तु कथं भवेत् ॥

bhagavanmṛtamātrastu yoyaṃ jāta iti smṛtaḥ | tathaiva dṛśyate jātastatrātmā tu kathaṃ bhavet

भगवन्, जो अभी मरा है, वही "जन्मा" कहा जाता है। और वह उसी प्रकार जन्मा हुआ दिखता है; तब वहाँ आत्मा कैसे हो सकता है?

श्लोक 40 (13.228.40)

गर्भादावेव संविष्ट आत्मा तु भगवन्मम । एष मे संशयो देव तन्मे छेत्तुं त्वमर्हसि ॥

garbhādāveva saṃviṣṭa ātmā tu bhagavanmama | eṣa me saṃśayo deva tanme chettuṃ tvamarhasi

भगवन्, मेरी समझ में आत्मा गर्भ के आरम्भ में ही प्रविष्ट हो जाता है। हे देव, यह मेरा संशय है; आप इसे दूर करें।

श्लोक 41 (13.228.41)

तदहं ते प्रवक्ष्यामि शृणु तत्वं समाहिता ॥

tadahaṃ te pravakṣyāmi śṛṇu tatvaṃ samāhitā

वह मैं तुम्हें बताऊँगा; ध्यान से सत्य सुनो।

श्लोक 42 (13.228.42)

अन्यो गर्भगतो भूत्वा तत्रैव निधनं गतः । पुनरन्यच्छरीरं तत्प्रविश्य भुवि जायते । तत्वविन्नैव सर्वस्तु दैवयोगस्तु सम्भवेत् ॥

anyo garbhagato bhūtvā tatraiva nidhanaṃ gataḥ | punaranyaccharīraṃ tatpraviśya bhuvi jāyate | tatvavinnaiva sarvastu daivayogastu sambhavet

कोई गर्भ में जाकर वहीं मर जाता है; कोई दूसरा, दूसरे शरीर में प्रवेश करके, पृथ्वी पर जन्म लेता है। ऐसा नहीं कि सभी इसका तत्त्व जानते हैं; यह दैव के योग से ही होता है।

श्लोक 43 (13.228.43)

सूतिकाया हितार्थं च मोहनार्थं च देहिनाम् । समकर्मविधानत्वादित्येवं विद्धि शोभने ॥

sūtikāyā hitārthaṃ ca mohanārthaṃ ca dehinām | samakarmavidhānatvādityevaṃ viddhi śobhane

यह प्रसूता के हित के लिए और देहधारियों को मोहित करने के लिए है, क्योंकि कर्म का विधान सबके लिए समान है; हे शोभने, ऐसा समझो।

श्लोक 44 (13.228.44)

काङ्क्षमाणास्तु नरकं भुक्त्वा केचित्प्रयान्ति हि । मायासंयामिका नाम यज्जन्ममरणान्तरे । इति ते कथितं देवि भूयः श्रोतुं किमिच्छसि ॥

kāṅkṣamāṇāstu narakaṃ bhuktvā kecitprayānti hi | māyāsaṃyāmikā nāma yajjanmamaraṇāntare | iti te kathitaṃ devi bhūyaḥ śrotuṃ kimicchasi

कुछ लोग, इच्छा रखते हुए, नरक भोगकर आगे जाते हैं; यही संयमन की माया कहलाती है, जो जन्म और मरण के बीच में होती है। हे देवी, इस प्रकार तुम्हें बता दिया; अब और क्या सुनना चाहती हो?

श्लोक 45 (13.228.45)

भगवन्सर्वलोकेश लोकनाथ वृषध्वज । नास्त्यात्मा कर्मभोक्तेति मृतो जन्तुर्न जायते ॥

bhagavansarvalokeśa lokanātha vṛṣadhvaja | nāstyātmā karmabhokteti mṛto janturna jāyate

हे सब लोकों के स्वामी, लोकनाथ, वृषध्वज! कर्म का भोक्ता कोई आत्मा नहीं है; मरा हुआ प्राणी फिर जन्म नहीं लेता।

श्लोक 46 (13.228.46)

स्वभावाज्जायते सर्वं यथा वृक्षफलं तथा । यथोर्मयः सम्भवन्ति तथैव जगदाकृतिः ॥

svabhāvājjāyate sarvaṃ yathā vṛkṣaphalaṃ tathā | yathormayaḥ sambhavanti tathaiva jagadākṛtiḥ

सब कुछ अपने स्वभाव से उत्पन्न होता है, जैसे वृक्ष का फल; जैसे लहरें उठती हैं, वैसे ही जगत् का आकार बनता है।

श्लोक 47 (13.228.47)

तपोदानानि यत्कर्म तत्र तद्दृश्यते वृथा । नास्ति पौनर्भवं जन्म इति केचिद्व्यवस्थिताः ॥

tapodānāni yatkarma tatra taddṛśyate vṛthā | nāsti paunarbhavaṃ janma iti kecidvyavasthitāḥ

तप, दान आदि जो कर्म हैं, वे वहाँ व्यर्थ दिखाई देते हैं। पुनर्जन्म नहीं है, ऐसा कुछ लोग मानते हैं।

श्लोक 48 (13.228.48)

परोक्षवचनं श्रुत्वा न प्रत्यक्षस्य दर्शनात् । तत्सर्वं नास्तिनास्तीति संशयस्थास्तथा परे ॥

parokṣavacanaṃ śrutvā na pratyakṣasya darśanāt | tatsarvaṃ nāstināstīti saṃśayasthāstathā pare

परोक्ष की बातें सुनकर, प्रत्यक्ष देखने से नहीं, दूसरे लोग संशय में पड़कर कहते हैं कि "वह सब नहीं है, नहीं है।"

श्लोक 49 (13.228.49)

पक्षभेदान्तरे चास्मिंस्तत्वं मे वक्तुमर्हसि । उक्तं भगवता यत्तु तत्तु लोकस्य संस्थितिः ॥

pakṣabhedāntare cāsmiṃstatvaṃ me vaktumarhasi | uktaṃ bhagavatā yattu tattu lokasya saṃsthitiḥ

इस पक्षभेद पर आप मुझे तत्त्व बताइए। भगवान् ने जो कहा है, वही लोक की स्थिति है।

श्लोक 50 (13.228.50)

प्रश्नमेतत्तु पृच्छत्या रुद्राण्या परिषत्तदा । कौतूहलयुता श्रोतुं समाहितमनाऽभवत् ॥

praśnametattu pṛcchatyā rudrāṇyā pariṣattadā | kautūhalayutā śrotuṃ samāhitamanā'bhavat

जब रुद्राणी ने यह प्रश्न पूछा, तब वह सभा सुनने की उत्सुकता से भरकर एकाग्रचित्त हो गई।

श्लोक 51 (13.228.51)

नैतदस्ति महाभागे यद्वदन्तीह नास्तिकाः । एतदेवाभिशस्तानां श्रुतविद्वेषिणां मतम् ॥

naitadasti mahābhāge yadvadantīha nāstikāḥ | etadevābhiśastānāṃ śrutavidveṣiṇāṃ matam

हे महाभागे, जो यहाँ नास्तिक कहते हैं, वह ऐसा नहीं है; वह तो शापित, श्रुति से द्वेष करने वालों का ही मत है।

श्लोक 52 (13.228.52)

सर्वमर्थं श्रुतं दृष्टं यत्प्रागुक्तं मया तव । तदाप्रभृति मर्त्यानां श्रुतमाश्रित्य पण्डिताः ॥

sarvamarthaṃ śrutaṃ dṛṣṭaṃ yatprāguktaṃ mayā tava | tadāprabhṛti martyānāṃ śrutamāśritya paṇḍitāḥ

जो मैंने तुम्हें पहले कहा, वह सब सुना और देखा गया है। तभी से मनुष्यों में पण्डित श्रुति का आश्रय लेकर,

श्लोक 53 (13.228.53)

कामान्संछिद्य परिघान्धृत्या वै परमासिना । अभियान्त्येव ते स्वर्गं पश्यन्तः कर्मणः फलम् ॥

kāmānsaṃchidya parighāndhṛtyā vai paramāsinā | abhiyāntyeva te svargaṃ paśyantaḥ karmaṇaḥ phalam

दृढ़ता रूपी परम खड्ग से कामनाओं और उनकी अर्गलाओं को काटकर कर्म का फल देखते हुए स्वर्ग को जाते हैं।

श्लोक 54 (13.228.54)

एवं श्रद्धाफलं लोके परतः सुमहत्फलम् । बुद्धिः श्रद्धा च विनयः कारणानि हितैषिणाम् ॥

evaṃ śraddhāphalaṃ loke parataḥ sumahatphalam | buddhiḥ śraddhā ca vinayaḥ kāraṇāni hitaiṣiṇām

इस प्रकार श्रद्धा का फल लोक में मिलता है, और परलोक में उससे बहुत बड़ा फल। बुद्धि, श्रद्धा और विनय हितैषियों के साधन हैं।

श्लोक 55 (13.228.55)

तस्मात्स्वर्गाभिगन्तारः कतिचित्त्वभवन्नराः । अन्ये करणहीनत्वान्नास्तिक्यं भावमाश्रिताः ॥

tasmātsvargābhigantāraḥ katicittvabhavannarāḥ | anye karaṇahīnatvānnāstikyaṃ bhāvamāśritāḥ

इसीलिए कुछ मनुष्य स्वर्ग जाने वाले हुए; दूसरे, साधन के अभाव से, नास्तिक भाव का आश्रय लेने लगे।

श्लोक 56 (13.228.56)

श्रुतविद्वेषिणो मूर्खा नास्तिका दृढनिश्चयाः । निष्क्रियास्तु निरन्नादाः पतन्त्येवाधमां गतिम् ॥

śrutavidveṣiṇo mūrkhā nāstikā dṛḍhaniścayāḥ | niṣkriyāstu nirannādāḥ patantyevādhamāṃ gatim

श्रुति से द्वेष करने वाले मूर्ख, दृढ़ निश्चय वाले नास्तिक, निष्क्रिय और अन्नदान न करने वाले, नीच गति को ही प्राप्त होते हैं।

श्लोक 57 (13.228.57)

नास्त्यस्तीति पुनर्जन्म कवयोऽप्यत्र मोहिताः । नाधिगच्छन्ति तन्नित्यं हेतुवादशतैरपि ॥

nāstyastīti punarjanma kavayo'pyatra mohitāḥ | nādhigacchanti tannityaṃ hetuvādaśatairapi

"पुनर्जन्म है, नहीं है": इस विषय में विद्वान् भी मोहित हैं; सैकड़ों तर्कों से भी वे उसे कभी नहीं पाते।

श्लोक 58 (13.228.58)

एषा ब्रह्मकृता माया दुर्विज्ञेया सुरासुरैः । किंपुनर्मानवैर्लोके ज्ञातुकामैः कुबुद्धिभिः ॥

eṣā brahmakṛtā māyā durvijñeyā surāsuraiḥ | kiṃpunarmānavairloke jñātukāmaiḥ kubuddhibhiḥ

यह ब्रह्मा की रची हुई माया है, जिसे देवता और असुर भी कठिनाई से समझते हैं; फिर लोक में जानना चाहने वाले कुबुद्धि मनुष्यों की तो बात ही क्या।

श्लोक 59 (13.228.59)

केवलं श्रद्धया देवि श्रुतमात्मनिविष्टया । ततोऽस्त्येव मन्तव्यं तथा हितमवाप्नुयात् ॥

kevalaṃ śraddhayā devi śrutamātmaniviṣṭayā | tato'styeva mantavyaṃ tathā hitamavāpnuyāt

हे देवी, केवल सुने हुए में अपने भीतर बैठी श्रद्धा से "वह है ही" ऐसा मानना चाहिए; इस प्रकार मनुष्य हित को पाएगा।

श्लोक 60 (13.228.60)

दैवगुह्येषु चान्येषु हेतुर्देवि निरर्थकः । बधिरान्धवदेवात्र वर्तितव्यं हितैषिणा । एतत्ते कथितं देवि ऋषिगुह्यं प्रजाहितम् ॥

daivaguhyeṣu cānyeṣu heturdevi nirarthakaḥ | badhirāndhavadevātra vartitavyaṃ hitaiṣiṇā | etatte kathitaṃ devi ṛṣiguhyaṃ prajāhitam

अन्य दिव्य रहस्यों में भी, हे देवी, तर्क निरर्थक है। हितैषी को इस विषय में बहरे और अन्धे के समान व्यवहार करना चाहिए। हे देवी, यह तुम्हें बता दिया: ऋषियों का रहस्य, जो प्राणियों के हित के लिए है।