अत्रि द्वारा अन्धकार का नाश और च्यवन द्वारा अश्विनों को सोमपान

श्लोक 1 (13.261.1)

इत्युक्तस्त्वर्जुनस्तूष्णीमभूद्वायुस्तमब्रवीत् । शृणु मे हैहयश्रेष्ठ कर्मात्रेः सुमहात्मनः ॥

ityuktastvarjunastūṣṇīmabhūdvāyustamabravīt | śṛṇu me haihayaśreṣṭha karmātreḥ sumahātmanaḥ

ऐसा कहे जाने पर अर्जुन चुप हो गया, तब वायु ने उससे कहा: “हे हैहयश्रेष्ठ, महात्मा अत्रि का कर्म मुझसे सुनो।”

श्लोक 2 (13.261.2)

घोरे तमस्ययुध्यन्त सहिता देवदानवाः । अविध्यत शरैस्तत्र स्वर्भानुः सोमभास्करौ ॥

ghore tamasyayudhyanta sahitā devadānavāḥ | avidhyata śaraistatra svarbhānuḥ somabhāskarau

भयंकर अन्धकार में देवता और दानव एक साथ इकट्ठे होकर लड़े; और वहाँ स्वर्भानु ने चन्द्रमा और सूर्य को बाणों से बींध दिया।

श्लोक 3 (13.261.3)

अथ ते तमसा ग्रस्ता निहन्यन्ते स्म दानवैः । देवा नृपतिशार्दूल सहैव बलिभिस्तदा ॥

atha te tamasā grastā nihanyante sma dānavaiḥ | devā nṛpatiśārdūla sahaiva balibhistadā

तब, हे नृपश्रेष्ठ, अन्धकार से ग्रस्त देवता बलवानों सहित दानवों द्वारा मारे जाने लगे।

श्लोक 4 (13.261.4)

असुरैर्वध्यमानास्ते क्षीणप्राणा दिवौकसः । अपश्यन्त तपस्यन्तमत्रिं विप्रं तपोधनम् ॥

asurairvadhyamānāste kṣīṇaprāṇā divaukasaḥ | apaśyanta tapasyantamatriṃ vipraṃ tapodhanam

असुरों द्वारा मारे जाते हुए, क्षीण प्राण वाले स्वर्गवासियों ने तप में लगे हुए तपोधन ब्राह्मण अत्रि को देखा।

श्लोक 5 (13.261.5)

अथैनमब्रुवन्देवाः शान्तक्रोधं जितेन्द्रियम् । असुरैरिषुभिर्विद्धौ चन्द्रादित्याविमावुभौ ॥

athainamabruvandevāḥ śāntakrodhaṃ jitendriyam | asurairiṣubhirviddhau candrādityāvimāvubhau

तब देवताओं ने शान्त क्रोध वाले और जितेन्द्रिय उन ऋषि से कहा: “असुरों ने बाणों से इन दोनों, चन्द्रमा और सूर्य, को बींध दिया है,

श्लोक 6 (13.261.6)

वयं वध्यामहे चापि शत्रुभिस्तमसा वृते । नाधिगच्छाम शान्तिं च भयात्त्रायस्व नः प्रभो ॥

vayaṃ vadhyāmahe cāpi śatrubhistamasā vṛte | nādhigacchāma śāntiṃ ca bhayāttrāyasva naḥ prabho

और अन्धकार से घिरे हुए हम भी शत्रुओं द्वारा मारे जा रहे हैं। हमें शान्ति नहीं मिलती; हे प्रभु, इस भय से हमारी रक्षा कीजिए।”

श्लोक 7 (13.261.7)

कथं रक्षामि भवतस्तेऽब्रुवंश्चन्द्रमा भव । तिमिरघ्नश्च सविता दस्युहन्ता च नो भव ॥

kathaṃ rakṣāmi bhavataste'bruvaṃścandramā bhava | timiraghnaśca savitā dasyuhantā ca no bhava

“मैं आप लोगों की रक्षा कैसे करूँ?” उन्होंने कहा, “आप चन्द्रमा बन जाइए; अन्धकार को नष्ट करने वाले सूर्य भी बन जाइए, और हमारे लिए शत्रुओं का संहार करने वाले हो जाइए।”

श्लोक 8 (13.261.8)

एवमुक्तस्तदात्रिर्वै तमोनुदभवच्छशी । अपश्यत्सौम्यभावाच्च सोमवत्प्रियदर्शनः ॥

evamuktastadātrirvai tamonudabhavacchaśī | apaśyatsaumyabhāvācca somavatpriyadarśanaḥ

ऐसा कहे जाने पर अत्रि उस समय अन्धकार को दूर करने वाले चन्द्रमा बन गए; उन्होंने उन्हें देखा, और अपनी सौम्यता के कारण वे चन्द्रमा के समान प्रियदर्शन थे।

श्लोक 9 (13.261.9)

दृष्ट्वा नातिप्रभं सोमं तथा सूर्यं च पार्थिव । प्रकाशमकरोदत्रिस्तपसा स्वेन संयुगे ॥

dṛṣṭvā nātiprabhaṃ somaṃ tathā sūryaṃ ca pārthiva | prakāśamakarodatristapasā svena saṃyuge

हे राजन्, चन्द्रमा और सूर्य को अधिक प्रभाविहीन देखकर अत्रि ने उस युद्ध में अपने तप से प्रकाश कर दिया।

श्लोक 10 (13.261.10)

जगद्वितिमिरं चापि प्रदीप्तमकरोत्तदा । व्यजयच्छत्रुसङ्घांश्च देवानां स्वेन तेजसा ॥

jagadvitimiraṃ cāpi pradīptamakarottadā | vyajayacchatrusaṅghāṃśca devānāṃ svena tejasā

उन्होंने जगत् को अन्धकाररहित और प्रदीप्त कर दिया, और अपने तेज से देवताओं के शत्रुओं के समूहों को जीत लिया।

श्लोक 11 (13.261.11)

अत्रिणा दह्यमानांस्तान्दृष्ट्वा देवा महासुरान् । पराक्रमैस्तेऽपि तदा व्यघ्नन्नत्रिसुरक्षिताः । उद्भासितश्च सविता देवास्त्राता हतासुराः ॥

atriṇā dahyamānāṃstāndṛṣṭvā devā mahāsurān | parākramaiste'pi tadā vyaghnannatrisurakṣitāḥ | udbhāsitaśca savitā devāstrātā hatāsurāḥ

अत्रि द्वारा महान् असुरों को जलते देखकर अत्रि से भली-भाँति रक्षित देवताओं ने भी तब अपने पराक्रम से उन्हें मार गिराया। सूर्य फिर चमक उठा, देवता बच गए और असुर मारे गए।

श्लोक 12 (13.261.12)

अत्रिणा त्वथ सोमत्वं कृतमुत्तमतेजसा । द्विजेनाग्निद्वितीयेन जपता चर्मवाससा ॥

atriṇā tvatha somatvaṃ kṛtamuttamatejasā | dvijenāgnidvitīyena japatā carmavāsasā

परम तेजस्वी अत्रि ने तब सोमत्व प्रकट किया—वे द्विज थे, अग्नि ही उनका एकमात्र साथी था, वे जप करते और मृगचर्म पहनते थे,

श्लोक 13 (13.261.13)

फलभक्षेण राजर्षे पश्य कर्मात्रिणा कृतम् । तस्यापि विस्तरेणोक्तं कर्मात्रेः सुमहात्मनः । ब्रवीम्यन्यं ब्रूहि वा त्वमत्रितः क्षत्रियं वरम् ॥

phalabhakṣeṇa rājarṣe paśya karmātriṇā kṛtam | tasyāpi vistareṇoktaṃ karmātreḥ sumahātmanaḥ | bravīmyanyaṃ brūhi vā tvamatritaḥ kṣatriyaṃ varam

और फल खाकर रहते थे—हे राजर्षि, देखो अत्रि ने कैसा कर्म किया। महान् आत्मा वाले अत्रि का यह कर्म तुम्हें विस्तार से सुनाया गया। मैं कहता हूँ—किसी और को बताओ, अथवा अत्रि से श्रेष्ठ किसी क्षत्रिय का नाम लो।

श्लोक 14 (13.261.14)

इत्युक्तस्त्वर्जुनस्तूष्णीमभूद्वायुस्ततोऽब्रवीत् । शृणु राजन्महत्कर्म च्यवनस्य महात्मनः ॥

ityuktastvarjunastūṣṇīmabhūdvāyustato'bravīt | śṛṇu rājanmahatkarma cyavanasya mahātmanaḥ

ऐसा कहे जाने पर अर्जुन चुप हो गया, तब वायु ने कहा: “हे राजन्, महात्मा च्यवन का महान् कर्म सुनो।”

श्लोक 15 (13.261.15)

अश्विनोः प्रतिसंश्रुत्य च्यवनः पाकशासनम् । प्रोवाच सहितो देवैः सोमपावश्विनौ कुरु ॥

aśvinoḥ pratisaṃśrutya cyavanaḥ pākaśāsanam | provāca sahito devaiḥ somapāvaśvinau kuru

अश्विनों को वचन देकर च्यवन ने देवताओं के साथ रहते हुए पाकशासन इन्द्र से कहा: “अश्विनों को सोमपान का अधिकारी बनाइए।”

श्लोक 16 (13.261.16)

अस्माभिर्निन्दितावेतौ भवेतां सोमपौ कथम् । देवैर्न सम्मितावेतौ तस्मान्मैवं वदस्व नः ॥

asmābhirninditāvetau bhavetāṃ somapau katham | devairna sammitāvetau tasmānmaivaṃ vadasva naḥ

“इन दोनों की हमने निन्दा की है; ये सोम पीने वाले कैसे हो सकते हैं? ये देवताओं में गिने नहीं जाते; इसलिए हमसे ऐसा न कहिए।”

श्लोक 17 (13.261.17)

अश्विभ्यां सह नेच्छामः सोमं पातुं महाव्रत । यदन्यद्वक्ष्यसे विप्र तत्करिष्याम ते वचः ॥

aśvibhyāṃ saha necchāmaḥ somaṃ pātuṃ mahāvrata | yadanyadvakṣyase vipra tatkariṣyāma te vacaḥ

“हे महाव्रती, हम अश्विनों के साथ सोम पीना नहीं चाहते। हे विप्र, इसके सिवा आप जो कुछ कहेंगे, हम आपके वचन के अनुसार करेंगे।”

श्लोक 18 (13.261.18)

पिबेतामश्विनौ सोमं भवद्भिः सहिताविमौ । उभावेतावपि सुरौ सूर्यपुत्रौ सुरेश्वर ॥

pibetāmaśvinau somaṃ bhavadbhiḥ sahitāvimau | ubhāvetāvapi surau sūryaputrau sureśvara

“अश्विनी कुमार आप लोगों के साथ सोम पिएँ। हे देवेश्वर, ये दोनों भी देवता हैं, सूर्य के पुत्र हैं।”

श्लोक 19 (13.261.19)

क्रियतां मद्वचो देवा यथा वै समुदाहृतम् । एतद्वः कुर्वतां श्रेयो भवेन्नैतदकुर्वताम् ॥

kriyatāṃ madvaco devā yathā vai samudāhṛtam | etadvaḥ kurvatāṃ śreyo bhavennaitadakurvatām

“हे देवताओ, मैंने जैसा कहा है, मेरा वचन वैसा ही किया जाए। इसे करने वाले आप लोगों का कल्याण होगा; न करने वालों का नहीं होगा।”

श्लोक 20 (13.261.20)

अश्विभ्यां सह सोमं वै न पास्यामि द्विजोत्तम । पिबन्त्वन्ये यथाकामं नाहं पातुमिहोत्सहे ॥

aśvibhyāṃ saha somaṃ vai na pāsyāmi dvijottama | pibantvanye yathākāmaṃ nāhaṃ pātumihotsahe

“हे द्विजोत्तम, मैं अश्विनों के साथ सोम नहीं पिऊँगा। दूसरे अपनी इच्छा से पिएँ; मैं यहाँ पीने का साहस नहीं करता।”

श्लोक 21 (13.261.21)

न चेत्करिष्यसि वचो मयोक्तं बलसूदन । मया प्रमथितः सद्यः सोमं पास्यसि वै मखे ॥

na cetkariṣyasi vaco mayoktaṃ balasūdana | mayā pramathitaḥ sadyaḥ somaṃ pāsyasi vai makhe

“हे बल का वध करने वाले, यदि तुम मेरा कहा नहीं करोगे, तो यज्ञ में मेरे द्वारा तुरन्त कुचले जाने के बाद ही सोम पियोगे।”

श्लोक 22 (13.261.22)

ततः कर्म समारब्धं हिताय सहसाऽश्विनोः । च्यवनेन ततो मन्त्रैरभिभूताः सुराऽभवन् ॥

tataḥ karma samārabdhaṃ hitāya sahasā'śvinoḥ | cyavanena tato mantrairabhibhūtāḥ surā'bhavan

तब अचानक अश्विनों के हित के लिए एक कर्म आरम्भ हुआ, और च्यवन के मन्त्रों से देवता अभिभूत हो गए।

श्लोक 23 (13.261.23)

तत्तु कर्म समारब्धं दृष्ट्वेन्द्रः क्रोधमूर्च्छितः । उद्यम्य विपुलं शैलं च्यवनं समुपाद्रवत् ॥

tattu karma samārabdhaṃ dṛṣṭvendraḥ krodhamūrcchitaḥ | udyamya vipulaṃ śailaṃ cyavanaṃ samupādravat

उस कर्म को आरम्भ हुआ देखकर क्रोध से मूर्छित इन्द्र ने एक विशाल पर्वत उठाया और च्यवन पर टूट पड़े,

श्लोक 24 (13.261.24)

तथा वज्रेण भगवानमर्षाकुललोचनः । तमापतन्तं दृष्ट्वैव च्यवनस्तपसाऽन्वितः ॥

tathā vajreṇa bhagavānamarṣākulalocanaḥ | tamāpatantaṃ dṛṣṭvaiva cyavanastapasā'nvitaḥ

और वज्र के साथ भी, क्रोध से व्याकुल नेत्रों वाले भगवान् इन्द्र। उन्हें आक्रमण करते देखकर तप से युक्त च्यवन ने

श्लोक 25 (13.261.25)

अद्भिः सिक्त्वाऽस्तम्भयत्तं सवज्रं सहपर्वतम् । अथेन्द्रस्य महाघोरं सोऽसृजच्छत्रुमेव हि ॥

adbhiḥ siktvā'stambhayattaṃ savajraṃ sahaparvatam | athendrasya mahāghoraṃ so'sṛjacchatrumeva hi

जल छिड़ककर उन्हें वज्र और पर्वत सहित जड़ कर दिया। फिर उन महामुनि ने इन्द्र के विरुद्ध एक अत्यन्त भयंकर शत्रु उत्पन्न किया,

श्लोक 26 (13.261.26)

मदं नामाहुतिमयं व्यादितास्यं महामुनिः । तस्य दन्तसहस्रं तु बभूव शतयोजनम् ॥

madaṃ nāmāhutimayaṃ vyāditāsyaṃ mahāmuniḥ | tasya dantasahasraṃ tu babhūva śatayojanam

मद नामक, आहुतियों से बना हुआ, मुँह फैलाए हुए। उसके हजार दाँत थे, जो सौ योजन लम्बे थे,

श्लोक 27 (13.261.27)

द्वियोजनशतास्तस्य दंष्ट्राः परमदारुणाः । हनुस्तस्याभवद्भूमावास्यं चास्यास्पृशद्दिवम् ॥

dviyojanaśatāstasya daṃṣṭrāḥ paramadāruṇāḥ | hanustasyābhavadbhūmāvāsyaṃ cāsyāspṛśaddivam

और उसकी भयंकर दाढ़ें दो सौ योजन लम्बी थीं। उसका जबड़ा भूमि पर था और मुँह आकाश को छू रहा था।

श्लोक 28 (13.261.28)

जिह्वामूले स्थितास्तस्य सर्वे देवाः सवासवाः । तिमेरास्यमनुप्राप्ता यथा मत्स्या महार्णवे ॥

jihvāmūle sthitāstasya sarve devāḥ savāsavāḥ | timerāsyamanuprāptā yathā matsyā mahārṇave

इन्द्र सहित सभी देवता उसकी जीभ की जड़ में खड़े थे, जैसे महासागर में मछलियाँ तिमि के मुँह में पहुँच गई हों।

श्लोक 29 (13.261.29)

ते सम्मन्त्र्य ततो देवा मदस्यास्य समीपगाः । अब्रुवन्सहिताः शक्रं प्रणमास्मै द्विजातये ॥

te sammantrya tato devā madasyāsya samīpagāḥ | abruvansahitāḥ śakraṃ praṇamāsmai dvijātaye

तब इस मद के मुँह के निकट पहुँचे हुए देवताओं ने मन्त्रणा करके एक साथ शक्र से कहा: “इन द्विज को प्रणाम करो।

श्लोक 30 (13.261.30)

अश्विभ्यां सह सोमं च पिबाम विगतज्वराः । ततः स प्रणतः शक्रश्चकार च्यवनस्य तत् ॥

aśvibhyāṃ saha somaṃ ca pibāma vigatajvarāḥ | tataḥ sa praṇataḥ śakraścakāra cyavanasya tat

अश्विनों के साथ हम निश्चिन्त होकर सोम पिएँ।” तब शक्र ने प्रणाम करके च्यवन की वह बात पूरी की।

श्लोक 31 (13.261.31)

च्यवनः कृतवानेतावश्विनौ सोमपायिनौ । ततः प्रत्याहरत्कर्म मदं च व्यभजन्मुनिः ॥

cyavanaḥ kṛtavānetāvaśvinau somapāyinau | tataḥ pratyāharatkarma madaṃ ca vyabhajanmuniḥ

च्यवन ने अश्विनों को सोम पीने वाला बना दिया। फिर उन मुनि ने अपना कर्म समेट लिया और मद को बाँट दिया।

श्लोक 32 (13.261.32)

अक्षेषु मृगयायां च पाने स्त्रीषु च वीर्यवान् । एतैर्दोषैर्नरा राजन्क्षयं यान्ति न संशयः ॥

akṣeṣu mṛgayāyāṃ ca pāne strīṣu ca vīryavān | etairdoṣairnarā rājankṣayaṃ yānti na saṃśayaḥ

उन बलशाली ने उसे पासों में, शिकार में, मदिरा में और स्त्रियों में बाँट दिया। हे राजन्, इन दोषों से मनुष्य नाश को प्राप्त होते हैं; इसमें संशय नहीं।

श्लोक 33 (13.261.33)

तस्मादेतान्नरो नित्यं दूरतः परिवर्जयेत् ॥

tasmādetānnaro nityaṃ dūrataḥ parivarjayet

इसलिए मनुष्य को इनसे सदा दूर रहना चाहिए।

श्लोक 34 (13.261.34)

एतत्ते च्यवनस्यापि कर्म राजन्प्रकीर्तितम् । ब्रवीम्यन्यं ब्रूहि वा त्वं क्षत्रियं ब्राह्मणाद्वरम् ॥

etatte cyavanasyāpi karma rājanprakīrtitam | bravīmyanyaṃ brūhi vā tvaṃ kṣatriyaṃ brāhmaṇādvaram

“हे राजन्, च्यवन का यह कर्म भी तुम्हें सुनाया गया। मैं कहता हूँ—किसी और को बताओ, अथवा ब्राह्मण से श्रेष्ठ किसी क्षत्रिय का नाम लो।”