भीष्म द्वारा युधिष्ठिर को नगर लौटने की अनुमति

श्लोक 1 (13.272.1)

शरतल्पगते भीष्मे कौरवाणां धुरन्धरे । शयाने वीरशयने पाण्डवैः समुपस्थिते ॥

śaratalpagate bhīṣme kauravāṇāṃ dhurandhare | śayāne vīraśayane pāṇḍavaiḥ samupasthite

जब कौरवों में अग्रणी भीष्म वीरशय्या पर, बाणों की शय्या पर लेटे थे और पाण्डव उनके पास उपस्थित थे,

श्लोक 2 (13.272.2)

युधिष्ठिरो महाप्राज्ञो मम पूर्वपितामहः । धर्माणामागमं श्रुत्वा विदित्वा सर्वसंशयान् ॥

yudhiṣṭhiro mahāprājño mama pūrvapitāmahaḥ | dharmāṇāmāgamaṃ śrutvā viditvā sarvasaṃśayān

महाप्राज्ञ युधिष्ठिर, जो मेरे पूर्वपितामह थे, धर्मों के मूल को सुनकर और अपने सब संशयों को दूर करके,

श्लोक 3 (13.272.3)

दानानां च विधिं श्रुत्वा च्छिन्नधर्मार्थसंशयः । यदन्यदकरोद्विप्र तन्मे शंसितुमर्हसि ॥

dānānāṃ ca vidhiṃ śrutvā cchinnadharmārthasaṃśayaḥ | yadanyadakarodvipra tanme śaṃsitumarhasi

तथा दानों की विधि सुनकर धर्म और अर्थ-सम्बन्धी संशयों के कट जाने पर, उन्होंने और क्या किया? हे विप्र, वह मुझे बताइए।

श्लोक 4 (13.272.4)

अभून्मुहूर्तं स्तिमितं सर्वं तद्राजमण्डलम् । तूष्णींभूते ततस्तस्मिन्पटे चित्रमिवार्पितम् ॥

abhūnmuhūrtaṃ stimitaṃ sarvaṃ tadrājamaṇḍalam | tūṣṇīṃbhūte tatastasminpaṭe citramivārpitam

उस समय भीष्म के मौन हो जाने पर वह सारा राजमण्डल क्षण भर के लिए ऐसा निश्चल हो गया, मानो वस्त्र पर चित्र अंकित कर दिया गया हो।

श्लोक 5 (13.272.5)

मुहूर्तमिव च ध्यात्वा व्यासः सत्यवतीसुतः । नृपं शयानं गाङ्गेयमिदमाह वचस्त्वरन् ॥

muhūrtamiva ca dhyātvā vyāsaḥ satyavatīsutaḥ | nṛpaṃ śayānaṃ gāṅgeyamidamāha vacastvaran

तब सत्यवती के पुत्र व्यास ने क्षण भर विचार करके, शय्या पर पड़े गंगापुत्र राजा भीष्म से शीघ्रता से यह वचन कहा।

श्लोक 6 (13.272.6)

राजन्प्रकृतिमापन्नः कुरुराजो युधिष्ठिरः । सहितो भ्रातृभिः सर्वैः पार्थिवैश्चानुयायिभिः ॥

rājanprakṛtimāpannaḥ kururājo yudhiṣṭhiraḥ | sahito bhrātṛbhiḥ sarvaiḥ pārthivaiścānuyāyibhiḥ

हे राजन्, कुरुराज युधिष्ठिर अपने सब भाइयों और अनुगामी राजाओं के साथ अब स्वस्थ चित्त हो गए हैं।

श्लोक 7 (13.272.7)

उपास्ते त्वां नरव्याघ्र सह कृष्णेन धीमता । तमिमं पुरयानाय समनुज्ञातुमर्हसि ॥

upāste tvāṃ naravyāghra saha kṛṣṇena dhīmatā | tamimaṃ purayānāya samanujñātumarhasi

हे नरश्रेष्ठ, वे बुद्धिमान् कृष्ण के साथ आपकी सेवा में बैठे हैं। अब नगर को लौटने के लिए आपको उन्हें अनुमति दे देनी चाहिए।

श्लोक 8 (13.272.8)

एवमुक्तो भगवता व्यासेन पृथिवीपतिः । युधिष्ठिरं सहामात्यमनुजज्ञे नदीसुतः ॥

evamukto bhagavatā vyāsena pṛthivīpatiḥ | yudhiṣṭhiraṃ sahāmātyamanujajñe nadīsutaḥ

भगवान् व्यास के ऐसा कहने पर पृथ्वीपति नदीपुत्र भीष्म ने मन्त्रियों सहित युधिष्ठिर को जाने की अनुमति दे दी।

श्लोक 9 (13.272.9)

उवाच चैनं मधुरं नृपं शान्तनवो नृपः । प्रविशस्व पुरीं राजन्धर्मे च ध्रियतां मनः ॥

uvāca cainaṃ madhuraṃ nṛpaṃ śāntanavo nṛpaḥ | praviśasva purīṃ rājandharme ca dhriyatāṃ manaḥ

और शान्तनु के पुत्र राजा भीष्म ने उनसे मधुर वाणी में कहा: "हे राजन्, नगर में प्रवेश करो और अपने मन को धर्म में स्थिर रखो।

श्लोक 10 (13.272.10)

यजस्व विविधैर्यज्ञैर्बह्वन्नैः स्वाप्तदक्षिणैः । ययातिरिव राजेन्द्र श्रद्धादमपुरःसरः ॥

yajasva vividhairyajñairbahvannaiḥ svāptadakṣiṇaiḥ | yayātiriva rājendra śraddhādamapuraḥsaraḥ

हे राजेन्द्र, श्रद्धा और इन्द्रियदमन को आगे रखकर, प्रचुर अन्न और उत्तम दक्षिणा वाले अनेक प्रकार के यज्ञ करो, जैसे ययाति ने किए थे।

श्लोक 11 (13.272.11)

क्षत्रधर्मरतः पार्थ पितॄन्देवांश्च तर्पय । श्रेयसा योक्ष्यसे चैव व्येतु ते मानसो ज्वरः ॥

kṣatradharmarataḥ pārtha pitṝndevāṃśca tarpaya | śreyasā yokṣyase caiva vyetu te mānaso jvaraḥ

हे पार्थ, क्षत्रिय-धर्म में लगे रहकर पितरों और देवताओं को तृप्त करो। तुम कल्याण से युक्त होगे और तुम्हारे मन का ताप दूर हो जाए।

श्लोक 12 (13.272.12)

रञ्जयस्व प्रजाः सर्वाः प्रकृतीः परिसान्त्वय । सुहृदः फलसत्कारैरर्चयस्व यथार्हतः ॥

rañjayasva prajāḥ sarvāḥ prakṛtīḥ parisāntvaya | suhṛdaḥ phalasatkārairarcayasva yathārhataḥ

सब प्रजा को प्रसन्न रखो, प्रकृतियों को सान्त्वना दो, और सुहृदों का उनकी योग्यता के अनुसार उपहारों और सत्कार से आदर करो।

श्लोक 13 (13.272.13)

अनु त्वां तात जीवन्तु मित्राणि सुहृदस्तथा । चैत्यस्थाने स्थितं वृक्षं फलवन्तमिव द्विजाः ॥

anu tvāṃ tāta jīvantu mitrāṇi suhṛdastathā | caityasthāne sthitaṃ vṛkṣaṃ phalavantamiva dvijāḥ

हे तात, तुम्हारे आश्रय से मित्र और सुहृद उसी प्रकार जीवित रहें, जैसे चैत्य-स्थान पर खड़े फलों से लदे वृक्ष के आश्रय से पक्षी जीते हैं।

श्लोक 14 (13.272.14)

आगन्तव्यं च भवता समये मम पार्थिव । विनिवृत्ते दिनकरे प्रवृत्ते चोत्तरायणे ॥

āgantavyaṃ ca bhavatā samaye mama pārthiva | vinivṛtte dinakare pravṛtte cottarāyaṇe

और हे राजन्, सूर्य के लौट आने और उत्तरायण के आरम्भ होने पर, ठीक समय पर तुम मेरे पास आना।

श्लोक 15 (13.272.15)

तथेत्युक्त्वा च कौन्तेयः सोभिवाद्य पितामहम् । प्रययौ सपरीवारो नगरं नागसाह्वयम् ॥

tathetyuktvā ca kaunteyaḥ sobhivādya pitāmaham | prayayau saparīvāro nagaraṃ nāgasāhvayam

"ऐसा ही हो" कहकर कुन्तीपुत्र पितामह को प्रणाम करके अपने परिवार सहित नागसाह्वय नामक नगर की ओर चल पड़े।

श्लोक 16 (13.272.16)

धृतराष्ट्रं पुरस्कृत्य गान्धारीं च पतिव्रताम् । सह तैर्ऋषिभिः सर्वैर्भ्रातृभिः केशवेन च ॥

dhṛtarāṣṭraṃ puraskṛtya gāndhārīṃ ca pativratām | saha tairṛṣibhiḥ sarvairbhrātṛbhiḥ keśavena ca

धृतराष्ट्र और पतिव्रता गान्धारी को आगे करके, उन सब ऋषियों, अपने भाइयों और केशव के साथ,

श्लोक 17 (13.272.17)

पौरजानपदैश्चैव मन्त्रिवृद्धैश्च पार्थिव । प्रविवेश कुरुश्रेष्ठः पुरं वारणसाह्वयम् ॥

paurajānapadaiścaiva mantrivṛddhaiśca pārthiva | praviveśa kuruśreṣṭhaḥ puraṃ vāraṇasāhvayam

और नगरवासियों, देशवासियों तथा वृद्ध मन्त्रियों के साथ, हे राजन्, कुरुश्रेष्ठ युधिष्ठिर ने वारणसाह्वय (हस्तिनापुर) नामक नगर में प्रवेश किया।