उत्तर दिशा द्वारा अष्टावक्र की विदाई

श्लोक 1 (13.52.1)

न बिभेति कथं सा स्त्री शापाच्च परमद्युते । कथं निवृत्तो भगवांस्तद्भवान्प्रब्रवीतु मे ॥

na bibheti kathaṃ sā strī śāpācca paramadyute | kathaṃ nivṛtto bhagavāṃstadbhavānprabravītu me

हे परम तेजस्वी, वह स्त्री शाप से क्यों नहीं डरी, और पूज्य ऋषि किस प्रकार पीछे हट गए? कृपया यह मुझे बताइए।

श्लोक 2 (13.52.2)

अष्टावक्रोऽन्वपृच्छत्तां रूपं विकुरुषे कथम् । न चानृतं ते वक्तव्यं ब्रूहि ब्राह्मणकाम्यया ॥

aṣṭāvakro'nvapṛcchattāṃ rūpaṃ vikuruṣe katham | na cānṛtaṃ te vaktavyaṃ brūhi brāhmaṇakāmyayā

अष्टावक्र ने उससे पूछा, "तुम अपना रूप कैसे बदलती हो? मुझसे कुछ भी असत्य मत कहना; ब्राह्मण के प्रति आदर रखकर मुझे बताओ।"

श्लोक 3 (13.52.3)

द्यावापृथिव्योर्यत्रैषा काम्या ब्राह्मणसत्तम । शृणुष्वावहितः सर्वं यदिदं सत्यविक्रम ॥

dyāvāpṛthivyoryatraiṣā kāmyā brāhmaṇasattama | śṛṇuṣvāvahitaḥ sarvaṃ yadidaṃ satyavikrama

"हे ब्राह्मणश्रेष्ठ, जहाँ-जहाँ द्युलोक और पृथ्वी हैं, वहाँ यह कामना विद्यमान है। हे सत्यपराक्रमी, यह सब ध्यान से सुनो।"

श्लोक 4 (13.52.4)

जिज्ञासेयं प्रयुक्ता मे स्थैर्यं कर्तुं तवानघ । अव्युत्थानेन ते लोका जिताः सत्यपराक्रम ॥

jijñāseyaṃ prayuktā me sthairyaṃ kartuṃ tavānagha | avyutthānena te lokā jitāḥ satyaparākrama

"हे निष्पाप, तुम्हें दृढ़ बनाने के लिए मैंने यह परीक्षा ली थी। हे सत्यपराक्रमी, तुम्हारे डिगे बिना रहने से तुमने लोकों को जीत लिया है।

श्लोक 5 (13.52.5)

उत्तरां मां दिशं विद्धि दृष्टं स्त्रीचापलं च ते । स्थविराणामपि स्त्रीणां बाधते मैथुनज्वरः ॥

uttarāṃ māṃ diśaṃ viddhi dṛṣṭaṃ strīcāpalaṃ ca te | sthavirāṇāmapi strīṇāṃ bādhate maithunajvaraḥ

मुझे उत्तर दिशा जानो। तुमने स्त्री की चंचलता देख ली; कामज्वर वृद्ध स्त्रियों को भी सताता है।"

श्लोक 6 (13.52.6)

अविश्वासो न व्यसनी नातिसक्तोऽप्रवासकः । विद्वान्सुशीलः पुरुषः सदारः सुखमश्नुते ॥

aviśvāso na vyasanī nātisakto'pravāsakaḥ | vidvānsuśīlaḥ puruṣaḥ sadāraḥ sukhamaśnute

"जो पुरुष अंधविश्वासी नहीं है, व्यसनों से रहित है, अत्यधिक आसक्त नहीं है और परदेस में नहीं रहता, जो विद्वान् और सुशील है तथा पत्नी के साथ रहता है, वह सुख भोगता है।"

श्लोक 7 (13.52.7)

तुष्टः पितामहस्तेऽद्य तथा देवाः सवासवाः ॥

tuṣṭaḥ pitāmahaste'dya tathā devāḥ savāsavāḥ

"आज पितामह तुमसे प्रसन्न हैं, और इन्द्र सहित देवता भी प्रसन्न हैं।"

श्लोक 8 (13.52.8)

स त्वं येन च कार्येण सम्प्राप्तो भगवानिह । प्रेषितस्तेन विप्रेण कन्यापित्रा द्विजर्षभः ॥

sa tvaṃ yena ca kāryeṇa samprāpto bhagavāniha | preṣitastena vipreṇa kanyāpitrā dvijarṣabhaḥ

"और हे पूज्य, तुम जिस प्रयोजन से यहाँ आए हो, उसके लिए तुम्हें उन्हीं ब्राह्मण ने, कन्या के पिता ने, भेजा है, हे द्विजश्रेष्ठ।

श्लोक 9 (13.52.9)

प्रेषितश्चोपदेशाय तच्च सर्वं श्रुतं त्वया ॥

preṣitaścopadeśāya tacca sarvaṃ śrutaṃ tvayā

तुम्हें उपदेश के लिए भेजा गया था, और वह सब तुमने सुन लिया है।"

श्लोक 10 (13.52.10)

नितान्तं स्त्री भोगपरा प्रियवादाप्रवासनात् । रक्ष्यते च कुचेलाद्यैरप्रसङ्गानुवर्तनैः ॥

nitāntaṃ strī bhogaparā priyavādāpravāsanāt | rakṣyate ca kucelādyairaprasaṅgānuvartanaiḥ

"स्त्री पूरी तरह भोग में लगी रहती है; प्रिय वचनों से, परदेस न भेजने से, साधारण और मैले वस्त्र आदि से तथा आसक्ति के प्रसंगों को न बढ़ाने से उसकी रक्षा की जाती है।

श्लोक 11 (13.52.11)

अपर्वस्वनिषिद्धासु रात्रिष्वप्यनृतौ व्रजेत् । रात्रौ च नातिनियमो न वै ह्यनियमो भवेत् ॥

aparvasvaniṣiddhāsu rātriṣvapyanṛtau vrajet | rātrau ca nātiniyamo na vai hyaniyamo bhavet

जो रातें पर्व की नहीं हैं और निषिद्ध नहीं हैं, उनमें ऋतुकाल के बिना भी पुरुष पत्नी के पास जा सकता है; परन्तु रात्रि में न अति कठोर नियम हो और न नियम का सर्वथा अभाव।"

श्लोक 12 (13.52.12)

क्षेमैर्गमिष्यसि गृहं श्रमश्च न भविष्यति । कन्यां प्राप्स्यसि तां विप्र पुत्रिणी च भविष्यति ॥

kṣemairgamiṣyasi gṛhaṃ śramaśca na bhaviṣyati | kanyāṃ prāpsyasi tāṃ vipra putriṇī ca bhaviṣyati

"तुम कुशलपूर्वक घर जाओगे और तुम्हें थकान नहीं होगी। हे ब्राह्मण, तुम उस कन्या को प्राप्त करोगे और वह पुत्रवती होगी।"

श्लोक 13 (13.52.13)

काम्यया पृष्टवांस्त्वं मां ततो व्याहृतमुत्तरम् । अनतिक्रमणीया साकृत्स्नैर्लोकैस्त्रिभिः सदा ॥

kāmyayā pṛṣṭavāṃstvaṃ māṃ tato vyāhṛtamuttaram | anatikramaṇīyā sākṛtsnairlokaistribhiḥ sadā

"तुमने उत्सुकता से मुझसे पूछा, इसलिए उत्तर दे दिया गया। वह कामना तीनों लोकों के द्वारा भी कभी लाँघी नहीं जा सकती।

श्लोक 14 (13.52.14)

गच्छस्व कृतकृत्यस्त्वं किं वाऽन्यच्छ्रोतुमिच्छसि । यावद्ब्रवीमि विप्रर्षे अष्टावक्र यथातथम् ॥

gacchasva kṛtakṛtyastvaṃ kiṃ vā'nyacchrotumicchasi | yāvadbravīmi viprarṣe aṣṭāvakra yathātatham

जाओ, तुम्हारा कार्य सिद्ध हो गया; अथवा और कुछ सुनना चाहते हो? हे ब्रह्मर्षि अष्टावक्र, मैं जैसा है वैसा ही सब बताऊँगी।

श्लोक 15 (13.52.15)

ऋषिणा प्रसादिता चास्मि तव हेतोर्द्विजर्षभ । तस्य सम्माननार्थं मे त्वयि वाक्यं प्रभाषितम् ॥

ṛṣiṇā prasāditā cāsmi tava hetordvijarṣabha | tasya sammānanārthaṃ me tvayi vākyaṃ prabhāṣitam

हे द्विजश्रेष्ठ, ऋषि ने तुम्हारे लिए मुझे प्रसन्न किया था, और उनका मान रखने के लिए ही मैंने तुमसे ये बातें कहीं।"

श्लोक 16 (13.52.16)

श्रुत्वा तु वचनं तस्याः स विप्रः प्राञ्जलिः स्थितः । अनुज्ञातस्तया चापि स्वगृहं पुनराव्रजत् ॥

śrutvā tu vacanaṃ tasyāḥ sa vipraḥ prāñjaliḥ sthitaḥ | anujñātastayā cāpi svagṛhaṃ punarāvrajat

उसकी बात सुनकर वह ब्राह्मण हाथ जोड़े खड़ा रहा; और उससे आज्ञा पाकर फिर अपने घर लौट गया।

श्लोक 17 (13.52.17)

गृहमागत्य विश्रान्तः स्वजनं परिपृच्छ्य च । अभ्यागच्छच्च तं विप्रं न्यायतः कुरुनन्दन ॥

gṛhamāgatya viśrāntaḥ svajanaṃ paripṛcchya ca | abhyāgacchacca taṃ vipraṃ nyāyataḥ kurunandana

हे कुरुनन्दन, घर पहुँचकर विश्राम करके और स्वजनों का कुशल पूछकर वह यथोचित रीति से उस ब्राह्मण के पास गया।

श्लोक 18 (13.52.18)

पृष्टश्च तेन विप्रेण दृष्टं त्वेतन्निदर्शनम् । प्राह विप्रं तदा विप्रः सुप्रीतेनान्तरात्मना ॥

pṛṣṭaśca tena vipreṇa dṛṣṭaṃ tvetannidarśanam | prāha vipraṃ tadā vipraḥ suprītenāntarātmanā

उस ब्राह्मण के पूछने पर, जो अद्भुत दृश्य उसने देखा था उसके विषय में, वह ब्राह्मण तब अत्यन्त प्रसन्न मन से उससे बोला।

श्लोक 19 (13.52.19)

भवताऽहमनुज्ञातः प्रास्थितो गन्धमादनम् । तस्य चोत्तरतो देशे दृष्टं मे दैवतं महत् ॥

bhavatā'hamanujñātaḥ prāsthito gandhamādanam | tasya cottarato deśe dṛṣṭaṃ me daivataṃ mahat

"आपकी आज्ञा पाकर मैं गन्धमादन की ओर चला, और उसके उत्तर की ओर मैंने एक महान् देवता को देखा।

श्लोक 20 (13.52.20)

तया चाहमनुज्ञातो भवांश्चापि प्रकीर्तितः । श्रावितश्चापि तद्वाक्यं गृहं चाभ्यागतः प्रभो ॥

tayā cāhamanujñāto bhavāṃścāpi prakīrtitaḥ | śrāvitaścāpi tadvākyaṃ gṛhaṃ cābhyāgataḥ prabho

उसने मुझे आज्ञा दी, और आपका भी उल्लेख किया; मुझे उसका संदेश सुनाया गया, और हे प्रभो, अब मैं आपके घर लौट आया हूँ।"

श्लोक 21 (13.52.21)

तमुवाच तदा विप्रः सुतां प्रतिगृहाण मे । नक्षत्रतिथिसंयोगे पात्रं हि परमं भवान् ॥

tamuvāca tadā vipraḥ sutāṃ pratigṛhāṇa me | nakṣatratithisaṃyoge pātraṃ hi paramaṃ bhavān

तब उस ब्राह्मण ने उससे कहा, "मेरी कन्या को स्वीकार करो। नक्षत्र और तिथि के इस योग में तुम सर्वश्रेष्ठ पात्र हो।"

श्लोक 22 (13.52.22)

अष्टावक्रस्तथेत्युक्त्वा प्रतिगृह्य च तां प्रभो । कन्यां परमधर्मात्मा प्रीतिमांश्चाभवत्तदा ॥

aṣṭāvakrastathetyuktvā pratigṛhya ca tāṃ prabho | kanyāṃ paramadharmātmā prītimāṃścābhavattadā

हे प्रभो, अष्टावक्र ने "ऐसा ही हो" कहकर उस कन्या को स्वीकार किया; परम धर्मात्मा वे उस समय अत्यन्त प्रसन्न हुए।

श्लोक 23 (13.52.23)

कन्यां तां प्रतिगृह्यैव भार्यां परमशोभनाम् । उवास मुदितस्तत्र स्वाश्रमे विगतज्वरः ॥

kanyāṃ tāṃ pratigṛhyaiva bhāryāṃ paramaśobhanām | uvāsa muditastatra svāśrame vigatajvaraḥ

उस परम सुन्दरी कन्या को पत्नी के रूप में स्वीकार करके वे अपने आश्रम में प्रसन्न और चिन्तारहित होकर वहीं रहने लगे।